♒ မြွေဆိပ်၊ လူဆိပ် ♒

အညာသိအန်ကယ်၊ တွံတေးသိန်းတန်( နာမည်ကို သုညတစ်လုံး တိုးပေးလိုက်သည်) တို့က မြွေဆိပ်ဖြေဆေးလှူဖို့ လုပ်ခဲ့ကြ၊ လုပ်ကြ၊ လုပ်ဆဲဟု သိခဲ့ရသည်။ ထို့ကြောင့် အညာသိအန်ကယ်ကို လူဆိပ်ဖြေဆေးလည်း လုပ်ကြဦးလေ၊ မြွေတွေကို လှူရအောင်ဟု စမိ၏။ မှန်၏၊ မြွေသားစားသူများ ပေါလာကတည်းက ရွာ၌မြွေမရှိတော့။ လွမ်းတော့ မလွမ်းမိ။ သို့ဖြင့်……

          ဘာမှမဆိုင်ပဲ မြွေကိစ္စ ခေါင်းထဲရောက်လာတော့၏။



          တစ်ခါက ထူးထူးခြားခြား မြွေအကြောင်း အိပ်မက် မက်၏။ ထိုအိပ်မက်အကြောင်း ပြောသည့်အခါ မိတ်ဆွေတစ်ယောက်က မြွေအိပ်မက်မက်လျှင် ငွေဝင်တတ်သည်ဟု ပြော၏။ သို့သော် ဘာငွေမှတော့ ဝင်မလာခဲ့ချေ။ ထိုမိတ်ဆွေကလည်း ငါ့စကားတော့ အမှားမခံ၊ ဒီကောင့်ကို ငွေသွားပေးမည်ဟု သဘောမထား( သူစကားကို သူအလေးမထားဟု ဆိုလိုသည်)၊ ငွေလာမပေးခြင်းကြောင့် ဘာငွေမှ မဝင်ခြင်းဖြစ်သည်။ သူပြောသည့်စကားကို သူတန်ဖိုးထားလျှင် ဘယ်ကမှ ငွေမဝင်သော် သူကပေးရမည်ဖြစ်၏။ အူကြောင်ကြောင်တော့ (အနည်းငယ်) နိုင်၏။

          မက်မိသော မြွေကိုလည်းကောင်း၊ ဝင်မလာသော ငွေကိုလည်းကောင်း၊ သူ့စကားကို သူတန်ဖိုးမထားသော မိတ်ဆွေကိုလည်းကောင်း အပြစ်တင်နေခြင်းသည်လည်း အူကြောင်ကြောင် နိုင်၏။

          တစ်ခါက ရွာကလူတစ်ယောက် မြက်ရိတ်ရင်း မြွေကြီးတစ်ကောင်ကို တွေ့ရ၏။ အတော်ကြီးသည်ဟု ဆို၏။ ထို့ကြောင့် ထိုမြွေကို မြင်လျှင်မြင်ခြင်း နောက်ကိုပင် လှည့်မကြည့်တော့ပဲ တစ်ချိုးတည်း လစ်ပြေးလေတော့၏။ သူ့အထင်က သူကထိလိုက်မိသဖြင့် ထိုမြွေက သူ့နောက် လိုက်လာပြီဖြစ်၏။

          ထိုသူ၏ အနီးအနား၌လည်း အခြားသူများရှိနေ၏။ ထိုသူများက သူပြေးနေသည်ကို တွေ့ကြရ၏။ ဒါ့ကြောင့် ဘာဖြစ်လို့ပြေးနေတာလည်းဟုမေးရာ မြွေကြီးလိုက်လာလို့ဟု ဖြေ၏။ မေးသူတို့ မျက်လုံးများ ပြာဝေသွားကြရတော့၏။ သူ့နောက်လိုက်နေသော မြွေကို မတွေ့ကြရ။ သူတစ်ယောက်တည်းသာ ပြေးနေခြင်းဖြစ်၏။

          အမှန်မူ စားပိုးနင့်နေသောမြွေသည် အပေါ်ကတက်နင်းတာတောင် အိပ်ယာကမနိုးတတ်။ တစ်လံမျှလောက်သော မြွေလိုက်လျှင်လည်း လွတ်လမ်းသိပ်မမြင်။ ရှိစေ။ တစ်ခါတစ်ခါ လူဟူသည် တစ်ယောက်တည်း ပြေးနေတတ်သော သတ္တဝါတည်း။



          သိပ်ပြီးအရေးမပါလှသော၊ မှုစရာမလိုသောသူများကို ရေမြွေဟု ခေါ်ကြ၏။ တချို့သောဒေသက လင်းမြွေဟုလည်း ခေါ်ကြ၏။ ရေမြွေက အဆိပ်မရှိ၊ ရေ၏ အအေးဓာတ်ကြောင့် ဖြစ်ကောင်း ဖြစ်နိုင်၏။ သို့သော် လင်းမြွေကမူ အဆိပ်ရှိ၏။ သူက လူကိုမကိုက်၊ ကိုက်သော်လည်း ဘာမှမဖြစ်။ ထိုလင်းမြွေက နွားကို ကိုက်လျှင်မူ တုံးကနဲ ချက်ချင်း သေတတ်၏။ လူနှင့် နွား ခန္ဓာကိုယ်ဓာတ်သဘာဝ ဖွဲ့စည်းပုံတူဟန် မတူချေ။

          စာပေကတော့ အိပ်၊ စား၊ ကာမဂုဏ်မှီဝဲရာတို့၌ လူနှင့်နွား တူသည်ဟု ဆို၏။ မြွေဆိပ်ခုခံရာ၌ တူသည်ဟုမဆို။ ထို့ကြောင့် ပြောရန်မလိုတော့။

          ပြောရန်ရှိသည်က ရဟန်းတို့မစားအပ်သော အသားကြီးဆယ်မျိုးတွင် မြွေသားပါ၏။ ထို့ကြောင့် ရဟန်းတစ်ပါး မြွေသားမစားအပ်။ စေတနာရှိသော် မြွေဆိပ်ဖြေဆေးအတွက်တော့ လှူကောင်း၏။

          ပူပြင်းသော ကုန်းခေါင်ခေါင်တွင်နေသောမြွေက ရေမြွေထက် အဆိပ်ပြင်း၏။ လူသိနည်း သောကိစ္စက အဆိပ်ပြင်းသောမြွေပင်ဖြစ်စေ အစာစားပြီးခဏ၌ဆိုလျှင် အဆိပ်သိပ်မပြင်းတော့။ အပြန်အားဖြင့်ဆိုရလျှင် အစာရှာထွက်လာသော မြွေကိုက်လျှင် အဆိပ်အပြင်းဆုံး ဖြစ်တော့၏။ မမြန်လျင် အသက်ဆုံးပါးတတ်၏။

          မှန်မမှန်တော့ မသိချေ။ ကျန်စစ်သားလှံတစ်ချောင်းနှင့် ထွက်ပြေးစဉ်က ပုန်းခိုခဲ့သောနေရာ၌ သူဘုရင်ဖြစ်သောအခါ စေတီတည်သည်ဟု ဆို၏။ ထိုစေတီက စည်ဆုံစေတီ၊ ယခု စည်တုန်းဘုရားဟု ခေါ်ကြ၏။ ဗျုပ္ပတ်ကား ကျန်စစ်သားပုန်းနေစဉ် ဟိုရွာ၊ ဒီရွာမှတီးသောစည်များဆုံ၍ ကြားရသောနေရာ၊ ရွာတိုင်း (သုံးရွာ) က စည်သံများ ကြားရသောနေရာဖြစ်သောကြောင့်ဟု ဆို၏။ ထိုဘုရားက တန်ခိုးကြီး၏။

          ဘုရားဝန်းကျင်၌ ညစ်ညမ်းသောအမှု၊ ညစ်ညမ်းသောစကား မပြောရ။ ထိုဘုရားရှေ့၌ မန်ကျည်းပင်ကြီးရှိ၏။ တစ်နေ့သ၌ လူတစ်ယောက်က ထိုမန်ကျည်းပင်ပေါ်တက်ပြီး မန်ကျည်းရွက်ခူးစဉ် ညစ်ညမ်းသောစကားများ ပြော၏။ ထိုပုဂ္ဂိုလ် သစ်ပင်ပေါ်မှ ငုံ့ကြည့်သောအခါ မန်ကျည်းပင်အောက်၌ ဧရာမမြွေကြီးများ ရစ်ထွေးပြည့်နှက်နေလေ၏။ ထိုအခါမှစကာ ထိုပုဂ္ဂိုလ်ဦးနှောက်ချောင်သွား၏။ လူအများလည်း ထိုဘုရားကို ပို၍လေးစားလာကြ၏။ ထိုမြွေများ ဘာမြွေဖြစ်သည်ကို ထင်ကြေးပေးရုံမှလွဲ၍ မည်သူမှ တိတိကျကျ မပြောနိုင်ကြပေ။

          တောင်ရောက်မြောက်ရောက် မြွေကိစ္စပြီးသောအခါ စာလာပေလာမြွေတို့ကို ဆက်ဦးအံ့။

          ပထဝီဓာတ်ပျက်ခြင်းသည် ထဒ္ဓမုခမြွေကိုက်သည်နှင့်တူသည်ဟု ဆို၏။ ထိုမြွေကိုက်သော် ကိုယ်အလုံးခက်ထရော်ရှိခြင်း၊ ခိုင်မာခြင်းသို့ရောက်၍ ကွေးခြင်းဆန့်ခြင်းကို မရမူ၍သေရသကဲ့သို့ ပထဝီဓာတ်ပျက်သော် ကိုယ်အလုံးခိုင်မာခြင်း၊ ခက်ထရော်ရှိခြင်းသို့ရောက်၍ သေချင်းသို့ရောက်၏။
          မုတိမုခမြွေခဲသောသူအား ကိုယ်အလုံးပုပ်၍ ပျက်စီးခြင်းသို့ ရောက်ရသကဲ့သို့၊ ထို့အတူ အာပေါဓာတ်ပျက်သောသူအား ကိုယ်အလုံးပုပ်၍ ပျက်စီးခြင်းသို့ရောက်၏။

          အဂ္ဂိမုခမြွေခဲသည်ရှိသော် ကိုယ်အလုံးကို မီးဖြင့်တိုက်ဘိသကဲ့သို့ လွန်စွာပူလောင်ခြင်း နှိပ်စက်၍ ပျက်စီးခြင်းသို့ ရောက်ရသကဲ့သို့ ထို့အတူ တေဇောဓာတ်ပျက်သောသူအား ပြင်းစွာပူပန်ုခြင်း နှိပ်စက်၍ ပျက်စီးခြင်းသို့ရောက်၏။

          သတ္တမုခမြွေခဲသည်ရှိသော် ကိုယ်အလုံးကို သားလှီးဓားဖြင့် လိုက်၍လိုက်၍ မွှန်းဘိသကဲ့သို့ ဖြစ်၍ သေချင်းသဘောသို့ ရောက်ရသကဲ့သို့ ထို့အတူ ဝါယောဓာတ်ပျက်သောသူအား အလုံးစုံသော အရိုး၊ အဆစ်၊ အသား၊ အကြောတို့ကို သားလှီးဓားငယ်ဖြင့် ဖြတ်ခြင်းကိုပြုဘိသကဲ့သို့ဖြစ်၍ သေချင်းသို့ ရောက်တတ်၏ (ဂမ္ဘီရတ္ထဒေသနာ၊ သီးလုံးဆရာတော်ကြီး၊ နှာ-၂၄၆) ဟု လာရှိလေ၏။

          သိပ္ပံနည်းကျ၊ မကျတော့ မသိပေ။

          လူကို မြွေကိုက်ပါက ဆေးမမှီလျှင် အကိုက်ခံရသောလူ သေဆုံးတတ်၏။ ထို့ကြောင့် မြွေဆိပ်ပြင်းသည်ဟု ဆိုကြ၏။

          လူကိုကိုက်လိုက်မိသော မြွေများသည်လည်း လူ့သွေးနှင့်မတည့်သဖြင့် ကိုက်မိသည့်နေရာနှင့် မလှမ်းမကမ်း၌ သေဆုံးနေရှာကြသည်ကို တွေ့ရတတ်၏။ ဤသို့ဆိုသော် လူများသည် မြွေများအတွက် အဆိပ်ပြင်းသော သတ္တဝါတို့တည်း။ တဖက်သတ်ဆိုခြင်းကား မတရားလှပေ။

မှတ်ချက်။        ။ရွာသားများမှတ်စုဖြစ်သဖြင့် သိပ္ပံနှင့် ညီချင်မှ ညီပါလိမ့်မည်။ မည်သို့ဆိုစေ မြွေဆောင်းပါးသည် အညာသိ အန်ကယ်နှင့် တွံတေးသောင်းတန်- တို့အဖွဲ့ကို မှတ်တမ်းပြုပါ၏။



မှတ်တမ်းဓါတ်ပုံများ  (အဘိဓမ္မာ အသင်းကြီး၏ Facebook မှ ရယူသည်။)

 

သီဟနာဒ

















Copyright © 2011 ကမ်းလက်. All rights reserved.

လူနဲ့မြွေ

မြွေဆိပ်ဖြေဆေး လူကိုလှူရင် လူဆိပ်ဖြေဆေးမြွေကိုလှူရအုံးမလား၊ မသိဘူး။
မြွေကိုအိပ်မက်မက်ရင် ငွေဝင်သတဲ့ ၊ မက်ရက်နဲ့ မဝင်ရင် ဘယ်သူ့ဆီသွားတောင်းရမလဲ၊ မသိဘူး။
လင်းမြွေက လူကိုက်တော့ လူဘာမှမဖြစ်ဘူး၊ နွားကိုကိုက်ရင် တုံးကနဲသေတတ်တယ်။
နွားက လင်းမြွေဟာ မြွေဆိုးတဲ့။

ဗုဒ္ဓစာပေက မြွေဆိုးလေးကောင်အကြောင်း ထပ်ရှင်းတော့ ဓာတ်လေးပါးဖောက်ပြန်မှုက မြွေလေးကောင် အဆိပ်သင့်ခြင်းနဲ့တူသတဲ့။ မြွေကိုက်တဲ့လူ ဆေးမမီရင်သေတယ်၊ လူကိုကိုက်တဲ့မြွေရဲ့ အလောင်းလည်း သိပ်ဝေးဝေး ရှာစရာမလိုပဲ တွေ့ရတတ်တယ်။

ရဟန်းတစ်ပါးက မြွေသားမစားကောင်းပေမဲ့ မြွေဆိပ်သင့်သူကို ကူညီတာတော့ဝိနည်းလွတ်ကောင်းထင်ပါရဲ့။
ဒီစကားစုနဲ့ အညာသိအန်ကယ်၊ ကိုသောင်းတန် တို့အဖွဲ့သားတွေရဲ့ အားထုတ်မူတွေကို အမြတ်တနိုးဂုဏ်ပြုမိပါတယ်။








Copyright © 2011 ကမ်းလက်. All rights reserved.

Freedom Fighter


          မတ်လထုတ်၊ ရီးဒါးဒိုက်ဂျက်ထဲက “The Lady” ကို ဦးဆောင်ခဲ့တဲ့ Michelle Yeoh ရဲ့ “The Role Of Life Time” ကို အဆင်ပြေသလို ဘာသာပြန်ထားတာပါ။


ရီးဒါးဒိုက်ဂျက်(R-D)  စုကြည်ဟာ ကမ္ဘာ့ရဲ့အထင်ကရ အမျိုးသမီးတစ်ယောက်ရဲ့ ပုံရိပ်ကြီးပဲ။ ဒီရုပ်ရှင်ဇာတ်ကားကို ရိုက်ကူးဖို့ ဘာတွေက ဆွဲဆောင်ခဲ့လို့လဲ။

M-Y                       ကျွန်မက ဒေါ်စုရဲ့ မြန်မာနိုင်ငံနဲ့ အိမ်နီးချင်းဖြစ်တဲ့ မလေးရှားမှာ ကြီးပြင်းခဲ့တာပါ။ သူမဟာ တကယ်အားကျစရာကောင်းတဲ့ အမျိုးသမီးတစ်ယောက်ပါ။ အထူးသဖြင့်တော့ အာရှတိုက်က အမျိုးသမီးတွေအတွက်ပေါ့။ နိုင်ငံနဲ့ လူမျိုးအတွက် ငြိမ်းချမ်းတဲ့နည်းနဲ့တိုက်ပွဲဝင်နေတဲ့ သူမလို ကိုယ်ကျိုးစွန့် အမျိုးသမီးတစ်ယောက် နေရာကနေ သရုပ်ဆောင်ခွင့်ရတယ်ဆိုတာ ကျွန်မအတွက်တော့ တကယ့်ကို အခွင့်ထူးတစ်ခုပါ။

R-D                       ဇာတ်ညွှန်းရေးဆရာ Rebecca Frayn က ခင်ဗျားကို ချဉ်းကပ်ပြီးတဲ့နောက် အတူတူအလုပ်လုပ်ကြဖို့ ဒါရိုက်တာ Luc Besson ကို ခင်ဗျားကစပြီးတောင်းဆိုခဲ့တယ်နော်။ ဒါက အဓိပ္ပါယ်တမျိုး ပေါက်သွားနိုင်တယ်။ ဘာဖြစ်လို့ ဒီဇာတ်ကားကိုရိုက်ဖို့ အဲသလောက် ဆန္ဒပြင်းပြခဲ့တာလဲ။

M-Y                       ဒီဇာတ်ညွှန်းရရချင်းပဲ “အိုး- မိုင်ဂေါ့ ၊ ဘာဖြစ်လို့ ဒီဇာတ်ကားကို လက်လွတ်ခံမလဲ။ ကျွန်မတို့ ဒီဇာတ်ကားကို ရိုက်ဖြစ်အောင် ရိုက်ရမယ်လို့” စိတ်ကူးမိပါတယ်။ ဒါပေမယ့် ဒေါ်စုက တကယ်အသက်ရှိထင်ရှားကြီး၊ အများကြီး ဂရုစိုက်ရမယ်ဆိုတာတော့ သဘောပေါက်မိပါတယ်။
                             ဒါပေမယ့် လုပ်ဖြစ်အောင် လုပ်ရမယ်။ ဒီဇာတ်လမ်းဟာ ဖွင့်ကို ဖွင့်ပြောရမယ့်ဇာတ်လမ်းဆိုတာလည်း ကျွန်မသဘောပေါက်ပါတယ်။ ဒီလို အာရှတိုက်ရဲ့ ဂုဏ်ထူးဆောင်အမျိုးသမီးတစ်ယောက်ရဲ့ ဘဝအကြောင်းကို ပုံဖော်ခွင့်ရဖို့ဆိုတာ အင်မတန် မလွယ်ကူတဲ့ ကိစ္စပါ။ ကျွန်မရိုက်ခွင့်ရတာကို အများကြီး ကျေနပ်မိတယ်။ ကံအလွန်ကောင်းလို့ ရခဲ့တာလို့လဲ ယူဆပါတယ်။ ကျွန်မဖြင့်လေ “ ဒါ ငါရိုက်ရမဲ့ဇာတ်ကား၊ ဒီဇာတ်ကားကို အကောင်းဆုံးဖြစ်အောင် အစွမ်းကုန် ကြိုးစားမယ်” လို့လည်း သန္ဓိဌာန်ချခဲ့တယ်။

R-D                       ဒါရိုက်တာ Besson က အက်ရှင်ကားတွေပဲ အရိုက်များတာ။ ဘာကြောင့်သူ့ကို ဒါရိုက်တာလုပ်ဖို့ ရွေးခဲ့တာလဲ။

M-Y                       ရုပ်ရှင်ဇာတ်ကားတစ်ကား ရိုက်ကူးရာမှာ ဒါရိုက်တာဟာ အရေးအကြီးဆုံးလို့ ကျွန်မယုံကြည်ပါတယ်။ သူက ဇာတ်ကားတစ်ကားလုံးရဲ့ ဝိဥာဉ်ပါ။ အားလုံးကို ပေါင်းစည်းပေးရတာက သူပါ။ အစကထဲက ကျွန်မအမှန်တကယ်လက်တွဲပြီး အလုပ်လုပ်သွားချင်တာက Luc ပါ။ သူက ကျွန်မရဲ့ Mentor လည်း ဖြစ်ပါတယ်။ လူတွေက သူ့ကို အက်ရှင်ဒါရိုက်တာလို့ ပြောကြပေမယ့် ကွန်မအမြင်မှာတော့ သူဟာအလွန်တော်တဲ့ ဒါရိုက်တာ တစ်ယောက်ပါ။
                             တစ်ခါက သူကျွန်မကို ပြောဖူးတာရှိတယ်။ ဇာတ်ညွှန်းတစ်ခုက ရူးသွပ်လောက်အောင် မဆွဲဆောင်နိုင်ဘူးဆိုရင်တော့ ဒီဇာတ်ကား မျိုးကိုရိုက်ဖို့ မိသားစုရဲ့ အချိန်တွေကို ဖဲ့မပေးနိုင်ပါဘူးတဲ့။

R-D                       ဒီအခန်းကနေ သရုပ်ဆောင်ဖို့ ဘယ်လိုပြင်ဆင်ခဲ့ရသလဲ။

M-Y                       ဒေါ်စုက လူသိများပြီး တမူထူးခြားတဲ့ အမျိုးသမီးတစ်ယောက်ပါ။ သူမ ပြောပုံဆိုပုံ၊ သူမလှုပ်ရှားပုံ စတာတွေပေါ့။ ကျွန်မတို့မှာ အနီးကပ် အကူအညီပေးနေကြတဲ့ အင်္ဂလိပ်၊ မြန်မာ ဒိုင်ယာလော့ နည်းပြနှစ်ယောက် ရှိခဲ့ရပါတယ်။ ကျွန်မက စန္ဒယားအတီး သင်ခဲ့ရတယ်။ ဝိတ်လျှော့ခဲ့ရတယ်။ သူမကို စတွေ့ခဲ့ရတဲ့ ၁၉၈၈-ခုနှစ်ကနေ သူမအမျိုးသား သေဆုံးသည်အထိ သူမဘဝရဲ့ ဆယ်နှစ်တာကာလကို ရိုက်ကူးကြမှာပါ။ ကျွန်မကိုယ်တိုင် သူမဘဝထဲကို နှစ်လ၊ သုံးလကြာအောင် နေခဲ့ရပါတယ်။
                             အများနဲ့မတူတဲ့ သူမရဲ့အမူအရာတွေကို အသေးစိတ် လေ့လာခဲ့ရပါတယ်။ သူမ ခေါင်းညိတ်ဟန်၊ သူမ လက်ရမ်းဟန်၊ သူမ ငြီးငြူဟန်၊ စိတ်မသက်မသာဖြစ်ဟန် စတာတွေပေါ့။ အစပထမ တုန်းကတော့ ဘယ်လိုလုပ်ရမလဲဆိုတာ သိပ်မသေချာလှဘူး။ တဖြည်းဖြည်းနဲ့မှ ယုံကြည်မှုရလာတာပါ။ ဒါတွေဟာ ဒီရုပ်ရှင်ဇာတ်လမ်းအတွက် ကျွန်မရဲ့ အကြီးမားဆုံး စိန်ခေါ်မှုတွေပါ။

R-D                       Besson က သူမအိမ်နဲ့ တစ်ပုံစံတည်းတူတဲ့အိမ်ကို ဖန်တည်းခဲ့တယ်နော်။ သူမတီးတဲ့ စန္ဒယားတံဆိပ်ကစလို့ပေါ့။ ဒီလို တစ်ပုံစံတည်းတူနေတာက အထူးအဆန်းကြီးဖြစ်နေပြီး သူမနဲ့ လူချင်းတွေ့ရတဲ့အခါ ဘယ်လိုခံစားရပါသလဲ။

M-Y                       ဒေါ်စုနဲ့တွေ့ဖို့ ပထမဆုံးသွားတဲ့အခေါက်ကို ကျွန်မကောင်းကောင်းကြီး မှတ်မိနေတယ်။ ကျွန်မ အလွန်စိတ်လှုပ်ရှားနေခဲ့ပါတယ်။ သူမဘဝနဲ့ ကျွန်မနေခဲ့ရတယ်။ သူမပြောတာတွေ နားထောင်ခဲ့ရတယ်။ သူမကို နေ့တိုင်း ကြည့်နေရတယ်။ အခု ကျွန်မ သူနဲ့ မျက်နှာချင်းဆိုင် တွေ့ရတော့မယ်၊ သူမက ကျွန်မကို စကားပြောတော့မယ်ဆိုတဲ့ အတွေးကြောင့်ပါ။ သူမ ကျွန်မကို နှစ်ခြိုက်လက်ခံပါစေလို့လည်း အမှန်တကယ် ဆန္ဒရှိခဲ့တယ်။ ပြီးတော့ ငါ့ဘဝအကြောင်း ရိုက်မယ့်ရုပ်ရှင်ဟာ စိတ်ချရတဲ့လူတွေရဲ့ လက်ထဲမှာလို့လည်း သူမခံစားရစေချင်တယ်။
                             ဒေါ်စုရဲ့ ပုံစံတူ ရက်ပလေကာ အိမ်ထဲကထွက်မလာခင်လေးမှာ ကျွန်မစိတ်ထဲ မျှော်လင့်ထားတာလေးရှိတယ်။ ကျွန်မအိမ်ထဲက ထွက်အလာမှာ David (ဒ်ါစုရဲ့အမျိုးသား အဲရစ်အဖြစ်နဲ့ သရုပ်ဆောင်သူ) နဲ့ ကျွန်မသားနှစ်ယောက် ကျွန်မဆီပြေးအလာ Luc က ချက်ချင်းကြီးပေါ်လာပြီး “မလာကြနဲ့၊ ဒီအခန်းမှာ မင်းတို့မပါဘူး” လို့ ပြောလိုက်တာမျိုးလေး မျှော်လင့်ခဲ့မိတယ်။
                             ကျွန်မလည်း အိမ်ထဲကထွက်လာရော သူမရဲ့ NLD အဖွဲ့ဝင်တွေက၊ ကျွန်မရဲ့ NLD အဖွဲ့ဝင်တွေလိုပဲ တစ်ပုံစံတည်း ဝတ်စားထား ကြတာလေ။ ကျွန်မဖြင့် တကယ့်ကို အရူးအမူးပါပဲ။

R-D                       ဒေါ်စုကရော ဘယ်လိုအနေအထားရှိပါသလဲ။

M-Y                       ကျွန်မလှည့်ကြည့်လိုက်တော့ သူမကို တွေ့ရတော့တာပါပဲ။ သူမက ကျွန်မကို တင်းတင်းကြပ်ကြပ်ကြီးဖက်တယ်။ ဒေါ်စုက သေးသေးသွယ်သွယ်ပေမယ့် တော်တော်သန်ပါတယ်။ တကယ် ခမ်းနား၊ ရိုးသားတဲ့ အမျိုးသမီးတစ်ယောက်လို့ ခံစားမိပါတယ်။ ပျော်လည်း ပျော်တတ်ပါတယ်။
                              သူမကိုတွေ့ပြီး ချက်ချင်းပဲ သက်တောင့်သက်သာ ဖြစ်သွားခဲ့ပါတယ်။ သူမက ဆိုဖာပေါ်ထိုင်ပြီး “အိမ်က ရှုပ်ပွနေတာ စိတ်မကောင်းပါဘူး၊ ကျွန်မလွတ်လာကတည်းက လူတွေက ဝင်လိုက်၊ ထွက်လိုက်၊ ပြီးတော့ သားလေး Kim ကလည်းရောက်နေ၊ သူ့ပစ္စည်းတွေကလည်း နေရာတကာပဲ” လို့ ပြောတယ်။ ကျွန်မကတော့ ကျွန်မအန်တီအိမ် ရောက်သွားရသလိုပါပဲ။



                             အဲဒီအချိန်မှာ ကျွန်မက ကျွန်မသရုပ်ဆောင်ခဲ့တာတွေကိုပဲ စိတ်စွဲနေတာလေ။ ဘုရား…ဘုရား…ငါသရုပ်ဆောင်ခဲ့တာတွေက သိပ်များရိုင်းသွားပြီလား။ သူမက တကယ့်ကို အဇ္ဈတ္တအလှရှိသူပဲ- လို့လေ။ မေ့လို့မရနိုင်တဲ့ အချိန်လေးပါ။ ကျွန်မတို့ ရုပ်ရှင်အကြောင်း မပြောဖြစ်ကြပါဘူး။ တမင်မပြောပဲ ကျွန်မတို့ ရှောင်ခဲ့ကြတာပါ။ အဲဒီအချိန်မှာ Kim က ကျွန်မတို့လုပ်နေတာတွေကို ဖြည့်စွက် ပြောပြပါတယ်။ အဲဒီနောက် သူမနဲ့အင်တာဗျူးဖို့ မလိုအပ်တော့ပါဘူး-

                                                         
R-D                       ကွန်ဖူးကားတွေကိုမရိုက်တော့ပဲနဲ့ ဒီကရှေ့ ဒရားမား တွေကိုပဲ အာရုံစိုက်တောမဲ့ သဘောလား။

M-Y                       မင်သမီး တစ်လက်အနေနဲ့ တစ်ယောက်ယောက်က ကျမဇာတ်ကားကို ကြည့်ပြီး ဒီကားဟာ အက်ရှင်လား ဒရားမားလို့ မခွဲခြားနိုင်တာမျိုးကို သဘောကျပါတယ်။ ရှင်တို့စိတ်ထဲမှာ အပြောင်းအလဲ တစ်ခုလုိ့ ထင်လိုက်ရင ကျမ ဖြော်ဖြေမှုကိစ္စ အောင်မြင်တာပေါ့။

R-D                       သူမလွတ်မြောက်တဲ့ အခန်းလည်းရိုက်ပြီးရော သူမလည်း တကယ် လွတ်မြောက်သွားတယ်၊ဒီသတင်းကိုဖတ်ပြီး အရူးအမူး မခံစားရဘူးလား။

M-Y                       အဲဒီသတင်း တီဗွီကလာနေတုန်း Luc  ရဲမျက်နှာကို ရှင်တို့ မြင်စေ့ချင်တယ်၊ သူက တစ်ယောက်ယောက် ကျမတိုရုပ်ရှင်ထဲက သတင်းကိုများ ခိုးယူသွား သလားတောင် ထင်နေတာ။


R-D                       ဒေါ်စု ဒီဇာတ်ကားကို ကြည်ပြီးပြီလား၊ စိတ်ဝင်စားမှုရော ရှိသလား။

M-Y                       သူမဘယ်တော့မှ ပြန်မလာနိုင်တော့မဲ့ အောက်စဖို့မှာရှိတဲ့မိသားစုကို ခွဲခွာရတဲ့ အခန်းကို စိတ်ကူးနဲ့ သာ မှန်းကြည့်လိုက်ပါ၊ အဲဒီနောက် အိမ်တွင်းထောင်နန်းစံခရီးရှည်။ သူမပါတီ အနိုင်ရတော့   သူမအများကြီး ပျော်ခဲ့ရတယ်၊ ပြီး သူမ အမျိုးသား ဆုံးတော့ ဝမ်းနည်းပက်လက် ကျေကွဲရပြန်ရော။သေဆုံးတဲ့အထိ သူမ အမျိုးသားကို မတွေ့လိုက်ရရှာဘူး။ ဒီဇာတ်ကားကိုကြည့်ရင်း ကျမတော့ငိုမိတယ်၊  ကျမတော့ငိုမိတယ်၊ သူ ဘယ်လိုနေမလဲတော့ မပြောတတ်တော့ဘူး။        

R-D                       ရှလူငယ်တွေအတွက် ဒေါ်စုကလွဲရင် ဘယ်သူစံပြဖြစ်နိုင်ဦးမလဲ။

M-Y                   ဟောင်ကောင်က မာဂရက်ချန်း ပါ၊ကမ္ဘာ့ကျန်းမာရေးအဖွဲ့ အကြီးအကဲ ပေါ့။ ကျမတို့ဘဝမှာ စံပြပုဂ္ဂိုလ်တွေရှိနေဖို့ အရေးကြီး ပါတယ်၊ ဒါပေမယ်အဝေးကြီးလိုက်ရှာဖို့တော့မလိုပါဘူး၊ သူတို့က     ကျမတို့မိခင်တွေပါ။ အခုကျမတို့မှာ အမျိုးသမီးနိုဘယ်လ်ဆုရှင် သုံးယောက်တောင်ရှိနေပါပြီ၊ဒါက အများကြီးအပြောင်းအလဲတွေဖြစ်စေနိုင်လိမ့်မယ်လို့ ကျမမျှော်လင့်မိပါတယ်။

ပြီး။     ။ 



ဆုထားမျက်ချယ်







    






Copyright © 2011 ကမ်းလက်. All rights reserved.

☥၂၁ ရာစု တိုင်တန်းနစ် ☥

Look out!
Iceberg, Iceberg!

Bang!

Oh,no. The ship is sinking!
Lifeboats, lifeboats.
Women and children first!
(The chaotic situation on the 21st century Titanic.)

မိန်းမဆန်တဲ့ ယောက်ျားတွေ အလုအယက်
ယောက်ျားဆန်တဲ့ မိန်းမတွေ ငြိမ်သက်။



ဇင်ဝေသော်









Copyright © 2012 ကမ်းလက်. All rights reserved.

သူလည်းလူပါပဲ

 
ကြာတော့ကြာပါပြီ ။ ဒီအင်တာဗျူးလေးကို ပြန်ဖတ်မိတာနဲ့ မိတ်ဆွေတစ်ယောက်ပို့လိုက်တဲ့ ၇-၁၁-၂၀၁၀ ဆိုတဲ့ မက်ဆေ့လေးရတာနဲ့ တပြိုင်နက်ဖြစ်နေတယ် ။ ဒါကြောင့်မို့ထင်ရဲ့ ဒီအင်တာဗျူးလေးကလည်း အရင်တစ်ခါ ဖတ်မိတာကထက် ပိုလို့တောင် စီးစီးပိုင်ပိုင်ရှိနေပါသေးတယ် ။

မယုံရင်ဖတ်ကြည့်ပါ ။ Scott Johnson ဗျူးထားတဲ့ ဇင်ဘာဘွေဝန်ကြီးချုပ် မော်ဂန်စဗန် ဂီရိုင်းရဲ့ အဖြေစကားတွေပါ။ ၂၀၀၉ ခု (မနှစ်က) စက်တင်ဘာလ News week ထဲက "He is human after all" ကိုဘာသာပြန်ထားတာပါ ။

မေး ။   ။ ခင်ဗျားအောင်မြင်မှုရဲ့ အနံ့အသက်လေးတွေ ရနေတယ်မဟုတ်လား ။
ဖြေ ။    ။ ဟုတ်ပါတယ် ၊ အထင်ကရ တိုးတက်မှုနှစ်ခု ရခဲ့ပါတယ် ။ သဘောတူညီချက် လက်မှတ်ရေးထိုးနိုင်ခဲ့တာရယ် ၊ ပူးတွဲအစိုးရ ပုံဖော်နိုင်ခဲ့တာရယ်ပါ ။

မေး ။   ။ ခင်ဗျားကို သတ်ပစ်ချင်နေတဲ့ လူတွေနဲ့တွဲပြီး အလုပ်လုပ်နေရတာနော် ။
ဖြေ ။    ။ ဒါကိုကျနော် သဘောပေါက်ပါတယ် ။ နိုင်ငံရေးသဘောတရားမှာ အတိုက်အခံဆိုတာ ရန်သူပါပဲ ။ အယူအဆ မတူညီမှုတွေဟာ တကယ့်ကို အဟန့်အတားပါပဲဗျာ ။

မေး ။   ။ မူဂါဘီ အပေါ်မှာထားတဲ့ ခင်ဗျားရဲ့အမြင် ပြောင်းသွားပြီလား ။ ခင်ဗျားက သူ့ကို အာဏာရှင် လို့ခေါ်ပြီး သူကလည်း ခင်ဗျားခေါ်သလိုပဲ အာဏာရှင်ဆန်ဆန် လှုပ်ရှားပြခဲ့တယ်နော် ။
ဖြေ ။    ။ လွန်ခဲ့တဲ့နှစ်တွေကစပြီး မူဂါကီရဲ့ လုပ်ရပ်တွေဟာ ခွင့်လွှတ်လို့ မရအောင် ဆိုးဝါးလှပါတယ် ။ ဒါပေမယ့် သဘောတူညီချက်ရပြီးတဲ့ နောက်မှာတော့ ဘာပဲဖြစ်ဖြစ် လက်တွဲ အလုပ်လုပ်ကြဖို့ စတင်ခဲ့ကြပါတယ် ။

မေး ။   ။ အတူတကွ ပူးပေါင်းရေးမှာ သူဟာတကယ်လေးလေးနက်နက်ကော သဘောထားရဲ့လား ။
ဖြေ ။    ။ ဒီအတွက်တော့ သံသယဖြစ်စရာမရှိပါဘူး ။ သူ့မှာ သူ့ကိုယ်ပိုင် နိုင်ငံရေးအဖွဲ့အစည်းရှိပါတယ် ။ သူ့အဖွဲ့ကို သူထိန်းချုပ်ထားနိုင်တယ်လို့ သူယုံကြည်ထားပါတယ် ။

မေး ။   ။ အခုဆို နှစ်ပါတီ ပူးပေါင်းပြီး အလုပ်လုပ်နေခဲ့ရပြီ ။ ကျားမြီးဆွဲလိုက်မိသလို မခံစားရဘူးလား ။
ဖြေ ။    ။ ဖွဲ့စည်းပုံ မူဝါဒစခဲ့ပြီ ။ နိုင်ငံတော်ကို ကုစားဖို့လည်းစခဲ့ကြပြီ ။ တစ်ရှိန်ထိုး ကျဆင်းနေတဲ့ နိုင်ငံတော်ရဲ့ စည်းပွားရေး အခုရပ်နေတယ် ။ စီးပွားရေး အသိုင်းအဝိုင်းမှာ ယုံကြည်မှုတွေ ရလာတယ် ။ ကုန်ထုတ်လုပ်မှုတိုးတက်လာနေတယ် ။ နိုင်ငံတော်ဟာလည်း ငြိမ်းငြိမ်းချမ်းချမ်းပဲ ။

မေး ။   ။ ဒီထက်ပိုပြီးပြောင်းလဲမှုမလုပ်ရင် ဆက်ပြီးရင်းနှီးမြုပ်နှံမှုလည်း လုပ်မှာမဟုတ်ဘူးလို့ အနောက် သံတမန်တွေက ပြောနေကြပါလား ။
ဖြေ ။    ။ ဇင်ဘာဘွေကိုထောက်ခံဖို့ ဘယ်သူ့ကိုမှ ကျနော်က အတင်းတွန်းအားပေးလို့ မရပါဘူး ။ ဒါဟာကျနော်တို့လက်ရှိအနေအထားနဲ့ ကျနော်တို့ အနာဂါတ်ပါပဲ ။ 

မေး ။   ။ စီးပွားရေးပိတ်ဆို့မှုတွေ ရုပ်သိမ်းသင့်ပြီလား ။
ဖြေ ။    ။ ကျနော်တို့ ရင်ဆိုင်နေရတာက ကမ္ဘာလှည့် ခရီးသွားနဲ့ ပတ်သက်တဲ့ ပိတ်ဆို့မှုတွေပါ ။ ဒါကလည်း အခြေအနေအရ ဖြစ်ခဲ့ရတာပါ ။ ။ အကြမ်းဖက်မှုတွေပေါ့ ။ အကြမ်းဖက်မှုဆိုတာကလည်း ဘာလက်နက်မှ ခုခံစရာမရှိရှာတဲ့ ပြည်သူတွေကို နိုင်ငံတော်အစိုးရက အကြမ်းဖက်တာပါ ။ တကယ့်ကို ခွင့်လွှတ်လို့ မရတဲ့ ပြစ်မှုပေါ့ ။ ဒါပေမယ့် အခုလက်ရှိအနေအထားမှာတော့ အီးယူတို့  အမေရိကန်တို့နဲ့ ပြန်တွေ့ဆုံပြီး "ကျနော်တို့ ပုံမှန်အနေအထားအတိုင်း ပြန်သွားကြစို့လား" လို့ မေးရတော့မယ့် အချိန်ပါ ။

မေး ။   ။ လွန်ခဲ့တဲ့ လပိုင်းတွေက ခင်ဗျားနဲ့ မူဂါဘီနဲ့ အပြန်အလှန် ဆက်ဆံရေးက ဘယ်လိုအခြေအနေမှာ ရှိပါသလဲ ။
ဖြေ ။    ။ ဒါကတော့ ရှင်းပြလည်း အပိုပဲလို့ ထင်တယ် ။ ကျနော်ရှင်းပြလည်း ခင်ဗျားသဘောပေါက်မှာ မဟုတ်ဘူး ။ (ရီလျက်)တစ်ပတ်တစ်ခါ ကျနော်တို့တွေ့တယ် ။ အစိုးရနဲ့ ပတ်သက်တဲ့ စကားတွေ ကျနော်တို့ပြောကြတယ် ။ သူ့ရဲ့ဝန်ကြီးတွေကို ကျနော်က ဦးဆောင်တယ် ။ ဒါပေမယ့် "သမ္မတကြီး ကျနော်ရောက်လာပါပြီ ။ လျှပ်စစ်မီးနဲ့ ပတ်သက်လို့ ဘာတွေဖြစ်နေတယ်ဆိုတာ ကျနော်တင်ပြနေပါတယ်" ဆိုတာလောက်တော့ မဟုတ်ရဘူးပေါ့ဗျာ ။ ကျနော်တို့ရဲ့ ပုဂ္ဂိုလ်ရေးသင့်မြတ်မှု အတွက်လည်း တိုက်ဆိုင်တိုင်း ပြောကြတာပေါ့ . ဒါလည်းတိုးတက်စ ပြုနေပါပြီ ။

မေး ။   ။ ကိုယ်ရေးကိုယ်တာ ကိစ္စတွေမှာ သူနဲ့ဘယ်လိုလုပ် ဆက်ဆံဖို့ လမ်းစတွေ ရခဲ့တာလဲ ။
ဖြေ ။    ။ အခက်ခဲဆုံးကာလတစ်ခုကို ကျနော်ကျော်ဖြတ်ခဲ့ရပါတယ် ။ (ရွေးကောက်ပြီး တစ်ပတ်မှာ သူ့ဇနီး ကားတိုက်မှုနဲ့ သေဆုံးခဲ့ရရှာပါတယ်) ။ ဒီအတွက် ကျနော့်အပေါ်မှာ သူကရုဏာသက်လာပါတယ် ။

မေး ။   ။ ခင်ဗျားကို ကရုဏာသက်ခဲ့တာ  အမှန်ပဲလား ။
ဖြေ ။    ။ အမှန်ပါပဲ ၊ ဒါပေမယ့် ကျနော်နဲ့ မူဂါဘီဟာ တစ်အူတုံဆင်း ညီရင်းအစ်ကိုတွေလို ချစ်ကြပါတယ်လို့တော့ ပြောလို့ဘယ်ရမလဲဗျာ။

မေး ။   ။ ခင်းဗျားကို အံ့သြစေတဲ့ အချက်တွေများ မရှိခဲ့ဘူးလား ။
ဖြေ ။    ။ တကယ်တော့ သူလည်းလူပါပဲ ။

မေး ။   ။သူ့ကို တစ်ယောက်ယောက်က နောက်ကနေ ချုပ်ကိုင်ထားတယ်လို့ မထင်ဘူးလား။
ဖြေ ။    ။ အရူးလုပ်မခံရပါစေနဲ့ဗျာ ။ သူဟာ အားလုံးကို ထိန်းချုပ်ထားတဲ့လူပါ ။ သူဟာ အဘိုးကြီးတစ်ယောက်ဆိုတာ မှန်ပါတယ် ။ ဒါပေမယ့် သိပ်ပါးနပ်ပြီး အခွင့်အရေးရရင် ရသလို ယူနိုင်တဲ့ လူကြီးပါ ။ 

မေး ။   ။ သူ့ရဲ့ခြိမ်းခြောက်တာကို ခံရဖူးသလား ။
ဖြေ ။    ။ ဘယ်သူခြိမ်းခြောက်တာကိုမှ ကျနော် မခံရဖူးပါဘူး ။ ဒီလိုမှ မဟုတ်ရင်လည်း ပြဿနာပေါင်း သောင်းခြောက်ထောင်နဲ့ ဆယ်နှစ်တာကာလကို ဘယ်လိုရင်ဆိုင်လို့ ရပါတော့မလဲဗျာ ။

မေး ။   ။ မူဂါဘီက တရားစွဲခံရမှာကို စိုးရိမ်နေသလား ။
ဖြေ ။    ။ မထင်ပါဘူး ။ သူ့အဓိကပစ်မှတ်က သေရင်နာမည်ကျန်ရစ်ခဲ့ဖို့လို့ထင်ပါတယ် ။ ဒါကလည်း အပြင်လူတွေနဲ့ သိပ်မဆိုင်လှဘူးဗျ ။ လူထုချစ်အောင် ဘာမှလုပ်မပေးခဲ့တာတောင် လူထုရဲ့မေတ္တာကို ခံယူချင်တတ်ကြတာ ကျနော်တို့လူ့သဘာဝပဲမဟုတ်လား ။ ကျနော်တို့လုပ်ခဲ့တဲ့ကောင်းကွက်လေးတွေကိုကြည့်ပြီး လူထုကြီးက ကျနော်တို့ကို သတိရစေချင်တယ် ။ အဆိုးတွေမြင်ပြီး မေ့မရဖြစ်တာမျိုး မလိုချင်ဘူးပေါ့ဗျာ ။


ဒါပါပဲဗျာ ။ မစ္စတာမော်ဂန်ဟာ ဒီနေရာကိုရောက်ဖို့ အသတ်ခံရလုနီးပါး ဖြစ်ခဲ့တယ် ။ ရွေးကောက်ပွဲမတိုင်မီ ပြန်ပေးဆွဲခံရမလိုလည်း ဖြစ်ခဲ့တယ် ။ ထောင်ဆိုတာကတော့ အိမ်ဦးနဲ့ကြမ်းပြင် ။

သူ့အတိုက်အခံ ဇင်ဘာဘွေသမ္မတ ရောဘတ်မူဂါဘီဆိုတဲ့ အာဏာရှင် အဘိုးကြီးကလည်း အာဖရိကရဲ့ အာဏာရှင် ကျောက်ဖြစ်ရုပ်ကြွင်းကြီး ။ နည်းနည်းနောနော အကောင်ကြီးမဟုတ်ဘူး ။  သူ့အာဏာမြဲဖို့ ဘာလုပ်ရမလဲသာပြော ၊ အကုန်လုပ်ခဲ့တဲ့ အဖိုးကြီးပဲ ။

ဘာပဲပြောပြော ရွေးကောက်ပွဲမှာ အနိုင်ရလိုက်တော့ မူဂါဘီတစ်ယောက် အောင့်သက်သက်နဲ့ ပါဝါရှဲယား လုပ်ခဲ့ရတယ် ။ မစ္စတာမော်ဂန်ကို ဝန်ကြီးချုပ်နေရာပေးခဲ့တယ် ။

သာကီဝင်မျိုးဆိုတာတွေ ၊ ဘုရားမျိုးဆိုတာတွေနဲ့ ကိုယ့်ကိုယ်ကို လူယဉ်ကျေးလို့ထင်နေကြတဲ့ ကျနော်တို့လူမျိုးတွေ အာဖရိကလူရိုင်းတွေလောက်မှ ယဉ်ကျေးပါ့မလားလို့ စိုးရိမ်မိတယ် ။

မစ္စတာမော်ဂန်ရဲ့စကားအရတော့ သူ့အာဏာမြဲဖို့ ဘာမဆိုလုပ်ခဲ့တဲ့ မူဂါဘီတောင် "He is human after all" တဲ့ ။

မူဂါဘီတော့ လူဖြစ်သွားပြီ ။
အတ္တတွေ မာနတွေချပြီး နိုင်ငံအတွက် အလုပ်လုပ်နေပြန်ပြီ ။

(ရွှေမြန်မာမဂ္ဂဇင်း ၊ အတွဲအမှတ် (၃၄) တွင်ပါရှိခဲ့သောဆောင်းပါးကို ပြန်လည်ဖော်ပြခြင်း ဖြစ်ပါသည်။)


ဇင်ဝေသော်
















Copyright © 2011 ကမ်းလက်. All rights reserved.

ကွန်ဖလစ်

၁၉၈၆ခု အမေရိကန် အက်ဖ် ဘီ အိုင် ရဲ့အစီရင်ခံစာအရ ၂၈ မိနစ်မှာ လူတစ်ယောက် အသတ်ခံနေရသတဲ့။
မနှစ်က ကုလသမဂ္ဂ အစီရင် ခံစာတမ်းမှာတော့ ဒီနှုံးထားက ခေါက်ချိုးတက်သ္ပားပြီ တဲ့။
a) Micro conflicts
b) Macro conflicts
လူနည်းစု ကြားမှာ ပြဿနာဖြစ်ပ္ပားမှူကို Micro conflicts လို့ခေါ်ပြီး
အစိုးရ အဆင့်နိုင်ငံတော် အဆင့်ဖြစ်နေတဲ့ ပြဿနာတ္ပေကိုတော့ Macro conflicts လုိ့ ခေါ်ရင် ရပါတယ်။

ဒါကိုပဲ
Inter-nation conflicts
International conflicts လုိ့ ခေါ်နိုင်ပါတယ်။


















Copyright © 2011 ကမ်းလက်. All rights reserved.

စပါးနှံနှင့် ပြောင်းဖူး

ညီမလေးရေ-
          ဒီတစ်ခါတော့ စာသင်ခန်းထဲကို ပထမဝင်လာတာက ရသေ့ကြီးတဲ့ကွယ်။ သူ့လက်ထဲမှာလည်း ငိုက်နေတဲ့စပါးနှံတစ်နှံ ကိုင်ထားသတဲ့။ ကလေးတွေက စာကလေးတွေများ အစာကျွေးဖို့လားလို့ စဉ်းစားနေတာပေါ့။

          မဟုတ်ပါဘူးကွာ၊ ရသေ့ကြီးက စပါးနှံကိုပြပြီး-


          “ပညာရှိဆိုတာ အဆံပြည့်နေတဲ့ စပါးနှံလို ငိုက်နေတယ်။ ထောင်ထောင်လွှားလွှား မရှိတော့ဘူး” ဆိုပြီး ပညာရှိရဲ့ ဂုဏ်ပုဒ်တွေကို ရှင်းပြသတဲ့။


          ဒီတော့ ကျောင်းသားလေးတစ်ယောက်က-
          “ပညာရှိမဖြစ်ချင်တော့ပါဘူး။ ပညာရှိဖြစ်ရင် လူတကာကို မော့မကြည့်ရဲတော့ဘူး။ ကျွန်တော်တို့မှာ အဲသလောက်ပျော့တဲ့ ခါးရိုးတွေမရှိဘူး။ လူတွေ့တိုင်းကို ဦးညွှတ်အရိုအသေ မပေးနိုင်ဘူး၊ စပါးနှံဆိုတာက လေလာရာ ယိမ်းတတ်တဲ့ သဘောလည်းရှိတယ်၊ ကျနော်တို့က အဲလိုကြီး လိုက်မယိမ်းနိုင်ပါဘူး” လို့ တွေးတွေးဆဆ ပြောသတဲ့။

          ဒီတော့ ရသေ့ကြီးက-
          “မင်းတို့ခေတ် လူငယ်တွေ တော်တော်ပြောရခက်တာပဲ” ဆိုပြီး စိတ်ဆိုးဆိုးနဲ့  စာသင်ခန်းထဲက ထွက်သွားသတဲ့။


  ရသေ့ကြီး စာသင်ခန်းထဲက ထွက်သွားတော့ (၂၁) ရာစု ရဟန်းတစ်ပါး ဝင်လာသတဲ့ကွယ်။ သူ့လက်ထဲမှာ ပြောင်းဖူးကြီးတစ်ဖူးလည်း ကိုင်ထားသတဲ့။ အဲဒီ ရဟန်းက-


       “ကလေးတို့ရေ၊ ဒီပြောင်းဖူးကြီးကို ကြည့်ကြကွဲ့။ ဒီပြောင်းဖူးကြီးဟာ အဆံလည်းပြည့်နေပြီး၊ နေတာကလည်း ပညာရှိဆန်ဆန် ခပ်ဖြောင့်ဖြောင့် ခပ်မှန်မှန်ပဲ။ သူတတ်ထားတဲ့ ပညာကို ဘယ်အာဏာ ဘယ်ပါဝါနဲ့မှ မလဲနိုင်ဘူးလို့လည်း ခံယူထားတယ်ဒီတော့ ဒီပြောင်းဖူးကြီးက လူတွေ့တိုင်း ဦးညွှတ်အရိုအသေ မပေးတော့ဘူးတဲ့သူ့ခါးက သိပ်မပျော့လို့လည်း နေမှာပေါ့ကွယ် ၊ ဒီတော့ သူကလေလာတိုင်းလည်း လိုက်ယိမ်းစရာ မလိုတော့ဘူး” လို့ ရှင်းပြသတဲ့။
 
  ဒီတော့ ကလေးတွေက “ဟုတ်တာပေါ့၊ ပညာတတ်ပြီး ဘာမှမဟုတ်တဲ့လူတွေကို လိုက်ဦးညွှတ်ရတာ၊ လေလာတိုင်း လိုက်ယိမ်းနေရတာ ခါးညောင်းပါတယ်” လို့ ပြောကြသတဲ့။        ။


ဒါပါပဲ ညီမလေးရယ်-
   ဒီပုံပြင်က အန္တရာယ်ကြီးသကွဲ့ ။ ညီမလေးကို ချစ်လို့ (အားကြီးချစ်လို့)  ပြောတာ။ သူများတွေကို လျှောက်မပြောရဘူးနော်။ သဘောတူသော်ရှိ၊ မတူသော်ရှိပေါ့ကွယ်။ မှတ်ထားနော် ညီမလေး။



ဇင်ဝေသော်



















Copyright © 2011 ကမ်းလက်. All rights reserved.

❀အာ့တ်၊ အနုပညာ❀

ဘိက္ခု ဘိက္ခူနီတ္ပေ ကျောင်းကိုမြေမှုန့်လိမ်းကျံပြီး တန်ဆာဆင်တာ၊ ပန်းစသည်တုိ့နဲ့
တန်ဆာဆင်တာတ္ပေကို ခ္ပင့်ပြုတော်မူတာကြည့်ရင် ဘုရားရှင်ဟာ အနုပညာကို
တန်ဖိုးထားတယ်ဆိုတာ သိသာထင်ရှားပါတယ်။

ဗုဒ္ဓဘာသာပြန့်နှံ့ ခဲ့တာကကို ပန်ချီ၊ ပန်းပု၊ ကဗျာ၊ပြဇာတ်၊
အနည်းငယ်သော ဂီတတ္ပေကို အမှီပြုပြီး ပျံ့နှံ့ခဲ့တာပါ။
ဒါကို ငြင်းလို့မရပါဘူး။












Copyright © 2011 ကမ်းလက်. All rights reserved.

✿◕ ‿ ◕✿ ဗုဒ္ဓဘာသာ နှင့် မြန်မာ့ယဉ်ကျေးမှု သင်တန်း ✿◕ ‿ ◕✿


စင်္ကာပူရောက် ပထမဒုတိယမျိုးဆက် မြန်မာကလေးငယ်များအတွက်

ဗုဒ္ဓဘာသာ နှင့် မြန်မာ့ယဉ်ကျေးမှု သင်တန်း

မှတ်တမ်းဓါတ်ပုံများ (အဘိဓမ္မာ အသင်းကြီး၏ Facebook မှ)
၁။ ၁၂-၀၂-၂၀၁၂ (ပြည်ထောင်စုနေ့)
၂။ ၁၉-၀၂-၂၀၁၂
၃။ ၂၆-၀၂-၂၀၁၂


ပထမနှစ်တွင် စတင်သင်ကြားပေးမည့် ဘာသာရပ်များ -
 ╰⊰⊹✿ ဗုဒ္ဓဘာသာ ✿⊹⊱╮
- သြကာသ၊ သရဏဂုဏ်၊ ငါးပါးသီလ၊ ရှစ်ပါးသီလ၊
- ခုနစ်နေ့ ဘုရားရှိခိုး၊ ဗုဒ္ဓ၀င်အကျဉ်း၊
- ဘုရားရှင်၏ နာမည်ကျော် သာဝကများ စသည်။


╰⊰⊹✿ မြန်မာ့ယဉ်ကျေးမှု ✿⊹⊱╮
- ရွှေတိဂုံ ပုဂံ စသည့် ဘာသာရေးနှင့် လူမျိုးရေး အမွေအနှစ်များ၊
- မြန်မာပြည်တည်နေရာ၊ ရာသီဥတု၊ အစားအစာ၊
- တိုင်းရင်းသားလူမျိုးစုများ၊ ၀တ်စားဆင်ယင်မှု၊ ပြောဆိုဆက်ဆံမှု စသည်။
- မြန်မာနှစ်၊ လ၊ ပွဲလမ်းသဘင် နှင့် ရာသီပန်း စသည်။

[စာသင်ချိန် နာရီ (၄၀)ခန့်၊ အီလီနွိုက်တက္ကသိုလ်၏ သင်ရိုးညွှန်းတမ်းကို မှီးသည်]

နေရာ - မင်္ဂလ၀ိဟာရ၊ 30 Jalan Eunos, Singapore 419495
နေ့ရက် - ၂၀၁၂ ခုနှစ် ဇန်န၀ါရီ ၂၉ရက်မှ စ၍ တနင်္ဂနွေနေ့တိုင်း
အချိန - ညနေ (၇)နာရီမှ (၉)နာရီအထိ
သင်တန်းကာလ - သုံးနှစ် ။

★နှစ်စဉ် စာမေးပွဲ စစ်မည်။ အောက်လက်မှတ်နှင့် ဆုများ ချီးမြှင့်မည်။
★မိဘကိုယ်တိုင် လက်မှတ်ထိုး၍ အပ်နှံရမည်။
★ကျောင်းသားဦးရေ ကန့်သတ်ချက် ရှိသည်။

ဆက်သွယ်ရန်
၁။ ဦးမြင့်သိန်း ၊ ☎ ၈၁၅၉ ၃၉၈၉ ၊ ✉mtheingeo@gmail.com
၂။ ဒေါ်မြင့်မြင့်သန်း၊ ☎ ၉၄၂၄ ၂၇၁၃ ၊ ✉mamyintthan@gmail.com

“ပစ္စုပ္ပန်ကို မကျေနပ်လို့ အနာဂတ်နောက်ကို အသဲအမဲ လိုက်နေရင်း အတိတ်က ခမ်းနားတဲ့ ဘာသာရေးနဲ့ ယဉ်ကျေးမှု အမွေတွေ ကျကျန်ခဲ့မှာစိုးလို့ ဒီ သင်တန်းကို စခဲ့ကြပါတယ်။

သင်တန်းဖြစ်မြောက်ရေးအဖွဲ့

အပေါ့စတေစီ၊ ဘာသာကူးပြောင်းခြင်း

 
မိမိဘာသာကို စ္ပန့်လွှတ်သ္ပားတဲ့အတ္ပက် ပစ်ဒဏ်ပေးရမယ်၊
ငရဲရောက်သ္ပားလိမ့်မယ်လို့ ဘုရားရှင် ဘယ်တုန်းကမှ မမိန့်ခဲ့ဖူးပါဘူး။

ဘာသာကူးပြောင်းသ္ပားလို့ တရားစွဲအရေးယူတာမျိုးတ္ပေ
ဘယ် ဗုဒ္ဓဘာသာနိုင်ငံမှာမှ မရှိပါဘူး။




Copyright © 2011 ကမ်းလက်. All rights reserved.