မြန်မာယဉ်ကျေးမှုထဲမှ ပဋိစ္စသမုပ္ပါဒ်

သင်္ချာသဘောတရားအရ ဘုရားရှင်သည် ဓမ္မနှင့်ညီ၏။
       “ ယော ဓမ္မံ ပဿတိ၊ သော မံ ပဿတိ” ဟု မိန့်၏။ ဓမ္မကိုမြင်သူသည် ငါဘုရားကို မြင်၏။
       “ ယော မံ ပဿတိ၊ သော ဓမ္မံ ပဿတိ” ငါ့ကို မြင်သူလည်း ဓမ္မကိုမြင်၏။

       ထို့အတူ မဇ္ဈိမနိကာယ်၌ ဆက်လက်မိန့်သည်ကိုကြည့်လျှင် ဓမ္မသည် ပဋိစ္စသမုပ္ပါဒ်နှင့် အချိုးညီနေပြန်၏။
       “ ယော ပဋိစ္စသမုပ္ပါဒံ ပဿတိ၊ သော ဓမ္မံ ပဿတိ၊
       ယော ဓမ္မံ ပဿတိ၊ သော ပဋိစ္စသမုပ္ပါဒံ ပဿတိ။”

       ပဋိစ္စသမုပ္ပါဒ်ကို သိမြင်သူသည် ဓမ္မကိုသိမြင်၏။
       ဓမ္မကိုသိမြင်သူလည်း ပဋိစ္စသမုပ္ပါဒ်ကို နားလည်တော့၏။
       ဤဒေသနာနှစ်ခုကိုဆက်စပ်သော် ဘုရားရှင်နှင့် ပဋိစ္စသမုပ္ပါဒ်သည်ပင် ထပ်တူကျနေပြန်တော့၏။

       ဗုဒ္ဓ= ဓမ္မ
       ဓမ္မ= ပဋိစ္စသမုပ္ပါဒ
       ပဋိစ္စသမုပ္ပါဒ= ဗုဒ္ဓ ဟု ဖော်မြူလာချလို့ရ၏။

       ထို့ကြောင့် ပဋိစ္စသမုပ္ပါဒ်သည် ဗုဒ္ဓအဆုံးအမ၏ အခြေခံအကျဆုံး တရားတော်ဟု ပညာရှင်တို့ဆိုကြ၏။ Paticcasamuppada is the fundamental teaching of the Buddhism ဟုလည်းကောင်း ဗုဒ္ဓဘာသာအဆုံးအမများအားလုံးထဲ၌ ပဋိစ္စသမုပ္ပါဒ်သဘောတရားများ စီးဝင်နေသည်။ “Relativity theory occupies the Buddhist teachings” ဟုလည်းကောင်း ဆိုစမှတ်ပြုကြလေကုန်၏။

       ဒေသနာအတွင်း စီးမျောနေသော ပဋိစ္စသမုပ္ပါဒ်သဘောကိုမပြောမီ ပဋိစ္စသမုပ္ပါဒ်သဘောများ စီးဝင်နေသော မြန်မာ့ယဉ်ကျေးမှုစာပေမှ သာဓကတစ်ချို့ကို ပြန်ကြည့်မိသည်။ ပဋိစ္စသမုပ္ပါဒ်သဘောတရားသည် “က” ကြောင့် “ခ” ဖြစ်သည်။ “ခ” ကြောင့် “ဂ” ဖြစ်သည်။

       “က” မဖြစ်သော် “ခ” မဖြစ်၊ “ခ” မရှိသော် “ဂ” မဖြစ် စသောဆက်နွယ်မှု Relativity သဘောတရားပင်ဖြစ်၏။

       ဤသဘောတရားသည် မြန်မာ့စာပေထဲ၌ နက်နက်နဲနဲဝင်နေသည်ကား ထင်ရှား၏။ ကြည့်ပါလေ။

       “ ပေါက်ပင် ပေါက်ပင် ရွှေပေါက်ပင်၊
       ပေါက်ပင်ဘာကြောင့် ကိုင်းရတယ်၊
       ဗျိုင်းနားလို့ ကိုင်းရတယ်။
       ဗျိုင်းဘာကြောင့် နားရတယ်၊
       ငါးပေါ်လို့ နားရတယ်။

       ငါးဘာကြောင့် ပေါ်ရတယ်၊
       ကျွဲလူးလို့ ပေါ်ရတယ်။
       ကျွဲဘာကြောင့် လူးရတယ်၊
       ဖြုတ်ကိုက်လို့ လူးရတယ်။

       ဖြုတ်ဘာကြောင့် ကိုက်ရတယ်၊
       မိုးရွာလို့ ကိုက်ရတယ်။
       မိုးဘာကြောင့် ရွာရတယ်၊
       ဖားအော်လို့ ရွာရတယ်။

       ဖားဘာကြောင့် အော်ရတယ်၊
       မြွေကိုက်လို့ အော်ရတယ်။
       မြွေဘာကြောင့် ကိုက်ရတယ်၊
       ငါ့ဝမ်းပူစာ မနေသာလို့ ကိုက်ရတယ်။” ဟု ဖြစ်သည်။

       ကလေးများကို လောကကြီးထဲ၌ဖြစ်ပျက်နေသော သဘာဝတရားများ၏ ကျိုးကြောင်းဆင့်ကဲ ဖြစ်နေဟန်ကို လှလှပပပြသထားသော စာဖြစ်သည်ဟုထင်ပါသည်။ သေချာပါသည်။ ဤစာထဲ၌ ပဋိစ္စသမုပ္ပါဒ်သီအိုရီများ စီးဝင်နေလျှက်ရှိသည်။

       မြွေကိုက်ခြင်းကြောင့် ဖားအော်-
       ဖားအော်ခြင်းကြောင့် မိုးရွာ၊
       မိုးရွာခြင်းကြောင့် ဖြုတ်ကိုက်၊
       ဖြုတ်ကိုက်ခြင်းကြောင့် ကျွဲလူး၊
       ကျွဲလူးခြင်းကြောင့် ငါးပေါ်၊
       ငါးပေါ်ခြင်းကြောင့် ဗျိုင်းနား၊
       ဗျိုင်းနားခြင်းကြောင့် ကောက်ပင်ကိုင်းညွှတ်- ဟု ဖြစ်သည်။

       ထို့အပြင်…..
       “ အဖေက အမေ့ကို ဆူတယ်၊
       အမေက အမခေါင်းကို ခေါက်တယ်၊
       အမက ကျွန်တော့်ပေါင်ကို ဆွဲဆိတ်တယ်၊
       ကျွန်တော်က အောင်နက်(ခွေးကြီး) ကို ခြေထောက်နဲ့ ကန်တယ်၊
       အောင်နက်က အဖေ့ဖိနပ်ကို သေးနဲ့ပန်းတယ်”

       ကလေးတစ်ယောက်ရဲ့ ပြုံးချင်စဖွယ် ညည်းချင်းကိုလည်း ဖတ်ရဖူးပါသည်။ ဤစာလေးထဲမှာလည်း မိသားစုပြဿနာရဲ့ ကျိုးကြောင်းဆက်ကို ပဋိစ္စသမုပ္ပါဒ်ဆန်ဆန် တွေးပြသွားတာကို တွေ့ရပြန်သည်။

       လောကနီတိဆုံးမစာကလည်း ဤသဘောကို ဆိုရှယ်နှင့် ဘဝပန်းတိုင်ကိုပြဆိုရာ၌ ဆိုထားပြန်သည်။

       အလဿဿ ကုတော သပ္ပံ- ပျင်းရိသူ ဘယ်မှာ အတတ်ပညာရှိအံ့နည်း၊
       အသိပ္ပဿ ကုတော ဓနံ- အတတ်ပညာမရှိသူ ဘယ်မှာ စည်းစိမ်ဥစ္စာရှိအံ့နည်း၊
       အဓနဿ ကုတော မိတ္တံ- စည်းစိမ်ဥစ္စာမရှိသူ အဘယ်မှာ မိတ်ဆွေကောင်းရှိအံ့နည်း၊ 
       အမိတ္တဿ ကုတော သုခံ- မိတ်ဆွေကောင်းမရှိသူ၌ အဘယ်မှာ ပျော်ရွှင်ဝမ်းမြောက်မှုရှိအံ့နည်း။
       အသုခဿ ကုတော ပုညံ- ပျော်ရွှင်ဝမ်းမြောက်မှုကင်းသူ အဘယ်မှာ ကုသိုလ်ကောင်းမှု ပြုလုပ်နိုင်အံ့နည်း၊
       အပုညဿ ကုတော ဝရံ- ကောင်းမှုမရှိသူသည် အဘယ်မှာ နိဗ္ဗာန်သုခရနိုင်အံ့နည်း-

       ဟု ဆုံးမစကားဆိုပြန်သည်။ (တစ်ခုရှိသည်မှာ လောကနီတိ၌ ဘုရားဟောများပါဝင်သလို လူပညာရှင်၊ ရဟန်းပညာရှင်တို့ အဆိုအမိန့်များလည်း ပါနေရကား မှန်ခြင်း၊ မှားခြင်းသဘောရှိနိုင်ပေသည်)။ မည်သို့ဆိုစေ ဤဆုံးမစကား၌လည်း ပဋိစ္စသမုပ္ပါဒ်လောင်းရိပ် အများကြီး ပါဝင်နေပေသည်။

       ပညာရှင်တို့နယ်ပယ်သာမက လူရွှင်တော်များ၏ပါးစပ်၌ပင် ဤကျိုးကြောင်းဆက်စပ်မှု သီအိုရီက ရောက်ရှိနေပြန်သည်။

       သရက်သီးတစ်လုံးကို မြင်တယ်၊
       မြင်တဲ့မျက်စေ့က မခူးပဲ မမြင်တဲ့လက်က ခူးတယ်၊
       ခူးတဲ့လက်က မစားပဲ မခူးတဲ့ ပါးစပ်ကစားတယ်၊
       စားတဲ့ပါးစပ်က မဝပဲ မစားတဲ့ ဗိုက်က ဝတယ်၊

       ဝတဲ့ ပါးစပ်က…..
       မ…….တဲ့ မျက်စိက မြင်တယ်၊
       မြင်တဲ့မျက်စိက မနံပဲ မမြင်တဲ့ နားခေါင်းက နံတယ်၊
       နံတဲ့နာခေါင်းက မပိတ်ပဲ မနံတဲ့ လက်က ပိတ်တယ်။

       စသဖြင့် အဆုံးမရှိလည်ပတ်နေသည့် သဘောတရားများကို ထပ်တလဲလဲဆင်ကာ လူရွှင်တော်များ ပြက်လုံးထုတ်ကြသည်ကိုလည်း ကြားခဲ့ရဖူးသည်။

       ပဋိစ္စသမုပ္ပါဒ်စကားလုံးကိုသုံးကာ ဆရာသမားများ မိန့်ဆိုထားသည်ကိုလည်း ကြားခဲ့ရဖူးသည်။ ဆရာတော်ဘုရားက လူဒကာ၊ ဒကာမတို့ကို ( ဘ၊ က များ ခေတ်စားစဉ်အခါက) ဤသို့ မိန့်တတ်ကြသည်။

       “ မင်းတို့ ကလေးထိန်းရတယ်ဆိုတာက ကလေးတွေကြီးသွားရင် လွတ်သွားပါပြီ။ ငါတို့ဘုန်းကြီးတွေ ကလေးထိန်းနေရတာကမှ ပဋိစ္စသမုပ္ပါဒ်လို အဆုံးကိုမရှိတော့ဘူး” ဟု ဖြစ်သည်။

       ဆိုလိုသည်မှာ မိဘများက ကလေးများကြီးသွားလျှင် လွတ်သွားပြီဖြစ်သည်။ ဘုန်းတော်ကြီးများမှာမူ ငနီကြီးတော့ ငညိုလာ၊ ငညိုကြီးတော့ အောင်ဘုတက်၊ ဘုန်းတော်ကြီးများ စောင့်ရှောက်နေရသော ကလေးများက လူလားဘယ်တော့မှ မမြောက်တော့ဟုပင်ဖြစ်လေသည်။

       မြန်မာစာ၊ မြန်မာ့ယဉ်ကျေးမှုသည် ပါဠိစာပေ၊ ဗုဒ္ဓဘာသာ အဆုံးအမနှင့် တရင်းတနှီးရှိနေရကား ပါဠိနှင့် ဗုဒ္ဓဘာသာသဘောတရားများလည်း စကားနှင့် ယဉ်ကျေးမှုထဲ၌ များစွာစိမ့်ဝင်လျှက်ရှိနေသည်။ ဤသည်တို့ကား လက်လှမ်းမှီသ၍ စီးဝင်နေသော ပဋိစ္စသမုပ္ပါဒ်သဘောတရားအချို့ပင်ဖြစ်လေသည်။

       ( ဗုဒ္ဓဘာသာထဲမှ ပဋိစ္စသမုပ္ပါဒ်သဘောကို ဆက်ရေးပါမည်။)

သီဟနာဒ
( ၁၉-၃-၂၀၁၂)







Copyright © 2012 ကမ်းလက်. All rights reserved.

တိုင်တန်းနစ် နှစ်တစ်ရာ (Apr 15, 2012)

ကျနော်တို့ဘလော့ဂ်အပေါ်မှာ အခုတလော တိုင်တန်းနစ်စာမျက်နှာတွေ ဘူလီကျတာခံနေရပါတယ်။ ဒါပေမယ့် မတတ်နိုင်တောဘူး။ ဆက်လွှတ်လိုက်ရပါတော့တယ်။ ပြောရင်ယုံဖို့ခက်တယ်၊ ဒီဇာတ်ကားကို ဆုံးအောင်မကြည့်ဖူးဘူး။ လီယိုနာဒိုနဲ့(အထူးသဖြင့်) ကိတ်ဝင်းစလက်တို့က ကျနော့်အပေါ် ဒီလောက် မစည်းရုံးနိုင်ခဲ့ပါဘူး။ နှလုံးသားတစ်ခြမ်းကို အလံဖြူတစ်လက်နဲ့ သိမ်းပိုက်သွားတာက ဆူဇီ နဲ့ ဂျိမ်းစ် ကင်မရွန်းတို့ပါ။ သူတို့ဟာ မြန်မာ့အရေးနဲ့ပတ်သက်လို့ ၂၀၀၇ ကတည်းက ကျယ်ကျယ်လောင်လောင်အာပေးခဲ့ကြသူတွေပါ၊ ဒေါ်စု နဲ့ပတ်သက်ရင်တော့ အထူးသဖြင့် ဆူဇီကင်မရွန်းပေါ့။အဲဒီကနောက် ကင်မရွန်းတို့နောက်ခြေရာခံရင်း ရွာအနောက်ခြမ်းက သူဋ္ဌေးတွေနဲ့ အဒိဋ္ဌသဟာယက(unseen friends)ြ ဖစ်ခဲ့ရတာပါ။ ဂျိမ်းစ် နဲ့ဆက်နွှယ်ပြီး ယူတူးက ဆရာကြီး ဘိုနို ကိုတောင် ဒေါ်စု ရဲ့ပရိသတ်တစ်ယောက်အနေနဲ့ တွေ့ခဲ့ရပါသေးတယ်။ ကြုံမှ ဘိုနိုအကြောင်းလည်းရေးရပါဦးမယ်။ အခုတော့ (သင်္ကြရက်တွင်းပေမယ့် ) တိုင်တန်းနစ်ရာပြည့်ဖြစ်နေလို့ မျက်စေ့စုံမှိတ်၊ တစ်၊နှစ်၊သုံး အော်ရွတ်ပြီး လွှတ်လိုက်မိပါတယ်။
(ဇင်ဝေသော်)


တိုင်တန်းနစ်ကို “Unsinkable” လို့ ကြေငြာခဲ့ပေမယ့် တကယ်ကြုံတွေ့ခဲ့ရတာကတော့ ဒီလို မဟုတ်ခဲ့ဘူး။

By the numbers

  • 10 စက္ကန့်   -      ရေခဲတောင်နဲ့ သင်္ဘောရဲ့ကြား အကွာအဝေးဟာ (၁၀) စက္ကန့်မျှသာဖြစ်။
  • 2208        -     သင်္ဘောသား၊ ခရီးသွား စုစုပေါင်း တိုင်တန်းနစ်ပေါ်မှာ (၂၂၀၈) ယောက်ရှိ။
  • 1496        -     စုစုပေါင်း (၁၄၉၆) ယောက် သေဆုံး။
  • 20           -     အသက်ကယ်လှေပေါင်း (၂၀) ပါရှိ။
  • 1178       -     တကယ်တမ်းဆိုရင် လူပေါင်း (၁၁၇၈) ယောက် တင်ဆောင်နိုင်။
  • 676         -     အများဆုံး တစ်စုတစ်ဝေးတည်း သေဆုံးမှုသည် သင်္ဘောဝန်ထမ်းများ ဖြစ်ကြသည်။ စုစုပေါင်း (၆၇၆) ယောက်ရှိ။
  •  

What went wrong (ဘာတွေ မှားခဲ့သလဲ)

         သမိုင်းသုတေသီများ အဆိုအရ အားလုံးအတွက် တာဝန်ရှိသူမှာ “The Millionaires’ captain” လို့ခေါ်တဲ့ ကပ္ပတိန် Edward Gohn Smith ပါပဲ။ သူဟာ အတွေ့အကြုံများစွာရှိတဲ့ ကပ္ပတိန်ပါ။ ရေခဲတောင်နဲ့ ပတ်သက်တဲ့ သတင်းကြောင့် တောင်ဖက်ယွန်းယွန်း ရေကြောင်းကို ယူခဲ့ပေမယ့် သင်္ဘောရဲ့ အမြန်နှုန်းကို မလျော့ချခဲ့သလို အထူးစောင့်ကြပ် ကြည့်ရှု့မှုတွေ မပြုလုပ်ခဲ့ပါဘူး။

         ဝိုင်ယာလက် အော်ပရေတာက ရေခဲ့တောင်နဲ့ ပတ်သက်တဲ့ သတင်းတွေ ထပ်ရခဲ့ပေမယ့် ပဲ့ထိမ်းတို့ထံ ပို့မပေးခဲ့ပါဘူး။ ပင်လယ်ရေ စောင့်ကြည့်သူ နှစ်ယောက်မှာလည်း အဝေးကြည့်မှန်ပြောင်း မရှိခဲ့ပါဘူး။ ပြီးတော့ အနီးမှာရှိတဲ့ Califonion ဆိုတဲ့ သင်္ဘောကို အကူအညီတောင်းဖို့ ဆစ်ဂနယ် မပေးဖြစ်ခဲ့ကြပါဘူး။

Doing something pointless?

         ဒီအဖြစ်အပျက်ကို အခြေခံပြီး “Rearranging the deck chairs on the Titanic” ဆိုတဲ့ အင်္ဂလိပ်စကားကို ၁၉၇၀ - ခုနှစ်တွေက စတင် သုံးစွဲခဲ့ကြပါတယ်။ အမေရိကန် ဗြူရိုကရက်ရဲ့ အချိန်ဖြုန်းခြင်းကို ညွှန်းဆိုခဲ့ကြတာပါ။ (အဓိပ္ပါယ်မရှိတဲ့ အလုပ်လုပ်နေရင် ဒီစကားကို ဒီနေ့ သုံးလို့ ရနေပါပြီ။)

The Timeline

  • Mar 31, 1909     ။    Beffast နဲ့ Ireland မှာရှိတဲ့ Mauretania နဲ့ Lusitania ကို ယှည်ပြိုင်ဖို့ White Star Line ကို တည်ဆောက်ခဲ့။

  • Apr 10, 1912     ။   အဲ့ဒီခေတ်က အများဆုံး ခရီးသွားတွေကို သယ်ဆောင်လာတဲ့ တိုင်တန်းနစ်ဟာ အင်္ဂလန်နိုင်ငံ၊ ဆော်သင်(ပ်)တန် မြို့ကနေ နယူးယောက်ကို စတင်ထွက်ခွါခဲ့ပါတယ်။ ပြင်သစ်နဲ့ အိုင်ယာလန်ဆိပ်ကမ်းတွေမှာ ရပ်နားခဲ့။

  • Apr 14, 1912     ။   ည (၁၁)နာရီ မိနစ် (၄၀) အချိန်မှာ ရေကြောင်းကြည့် သင်္ဘောသားက ငြိမ်သက်နေတဲ့ ပင်လယ်ပြင်ထဲမှာ တစ်ခုခု ထူးထူးဆန်းဆန်း တွေ့လိုက်ရပါတယ်။ အဲ့ဒီနေရာက ကနေဒါပိုင် Newfoundland နဲ့ ကီလိုမီတာ (၆၄၀) ခန့် ဝေးပါတယ်။ ဒါနဲ့ သူက အချက်ပေး ခေါင်းလောင်းကို တီးခဲ့တယ်။ တစ်မိနစ်တောင် မကြာဘဲ တိုင်တန်းနစ်ဟာ ရေခဲတောင်ကို ဝင်တိုက်ပါတော့တယ်။

  • Apr 15, 1912     ။   မနက် (သန်းခေါင်ကျော်) (၁၂) နာရီ (၄၅) မိနစ်မှာ ပထမဆုံး အသက်ကယ်လှေကို ချကြပါတယ်။ (၂) နာရီ မိနစ် (၂၀) မှာ သင်္ဘောကြီး နှစ်ပိုင်းကွဲထွက်သွားပြီး နစ်မြုတ်ပါတော့တယ်။ အချက်ပေးမီးတွေကြောင့် မနက် (၄) နာရီမှာ RMS Carpaththia ရောက်လာပြီး အသက်ရှင် ကျန်ရစ်သူတွေကို ဆက်လက် ကယ်တင်ခဲ့တယ်။

  • Apr 17, 1912     ။   The White Star Line က ဘာသာရေးဆိုင်ဝန်ကြီး၊ အသုဘကိစ္စ ဆောင်ရွက်သူတွေ (သုဘရာဇာတွေ) ရေခဲ၊ အခေါင်း၊ ကင်းဘတ်အိပ်တွေကို သယ်ပြီး စတင်ခရီးထွက်ခဲ့ကြတယ်။ အေးခဲနေတဲ့ မြောက်အတ္တလန်တိက် သမုဒ္ဒရာထဲက လူသေအလောင်း (၃၃၇) လောင်း တွေ့ရှိခဲ့ကြတယ်။

  • 1985     ။   အမေရိကန်၊ ပြင်သစ် စူးစမ်းလေ့လာရေးသမားတွေက လေးကီလိုမီတာလောက်မှာ နစ်မြုတ်နေတဲ့ သင်္ဘောရဲ့ အကြွင်းအကျန်တစ်ချို့ကို တွေ့ရှိခဲ့ကြတယ်။

  • 2009     ။   သင်္ဘောပေါ်မှာ အသက်ရှင် ကျန်ရစ်သူတွေထဲက Millvina Dean ဟာ နောက်ဆုံးအနေနဲ့ အသက် (၉၇) နှစ်မှာ သေဆုံးခဲ့ပါတယ်။ ဒီနောက် တိုင်တန်းနစ်ပေါ်က ကိုယ်တွေ့ကြုံဖူးသူရယ်လို့ ကမ္ဘာမှာ မရှိတော့ပါဘူး။

Question of chivalry (ဦးစားပေးခြင်းရဲ့ အငြင်းပွားစရာ)

         တိုင်တန်းနစ် အသက်ကယ်လှေအဖွဲ့က “Women and children first” ဆိုတဲ့ ဆောင်ပုဒ်ကို ကိုင်ဆောင်ထားကြတယ်။ သင်္ဘောကုန်းပက်ပေါ်က အဖွဲ့က အသက်ကယ်လှေပေါ် အမျိုးသမီးတွေနဲ့ ကလေးတွေကိုပဲ တက်စေခဲ့ပေမယ့် သင်္ဘောဘေးက အသက်ကယ်လှေအဖွဲ့ကတော့ အမျိုးသားတွေကိုပါ အသက်ကယ်လှေပေါ် တက်ခွင့်ပြုခဲ့တယ်။ ဒါ့ကြောင့် တိုင်တန်းနစ်ပေါ်က အသက်ရှင် ကျန်ရစ်တဲ့ အမျိုးသားတွေကို “လူကြောက်” တွေလို့ စွပ်စွဲခဲ့ကြပါတယ်။

The Blockbuster

         စာရေးဆရာ၊ ဒါရိုက်တာ James Cameron က ၁၉၉၇ - ခုမှာ တိုင်တန်းနစ် ရုပ်ရှင်ဇာတ်ကား ရိုက်ကူးခဲ့တယ်။ ဒေါ်လာ မီလျံ (၂၀၀) ခန့် ကုန်ကျခဲ့ပါတယ်။ ဘီရိုတွေ၊ အသက်ကယ်လှေတွေကစလို့ အနီးစပ်ဆုံး မူရင်းနဲ့တူနေဖို့ အတက်နိုင်ဆုံး ကြိုးစားခဲ့တယ်။ ခရီးသွားအနေနဲ့ ပါဝင်ရမယ့် သူတွေကိုတောင် ၁၉၁၂ - ကလူတွေရဲ့ စရိုက်နဲ့တူအောင် သင်တန်းတွေ ပေးခဲ့တယ်။ ဒီဇာတ်ကားဟာ အော်စကာဆု (၁၅)ဆုလုံး သိမ်းကြုံးယူသွားလိမ့်မယ်လို့ ထင်ကြေးပေးခဲ့ကြပေမယ့် (၁၁)ဆုပဲ ရခဲ့ပါတယ်။


         ၁၉၉၈ - ခုနှစ်မှာ The Passenger Vessel Association က တိုင်တန်းနစ် သတိပေးသံ (Titanic Alert) ကို ထုတ်ပြန်ခဲ့ပါတယ်။ အကြောင်းကတော့ ရေကြောင်းခရီးသည်တွေက ရုပ်ရှင်ထဲက သရုပ်ဆောင်တွေကို အတုခိုးရင်း အန္တရာယ်ရှိတဲ့ သင်္ဘောရဲ့ အပိုင်းတွေပေါ်မှာ လိုက်ပြီး လုပ်တတ်ကြလို့ပါ။ အထူးသဖြင့် လီယိုနာဒိုရဲ့ “I’m the king of the world” ဆိုတဲ့ ပြကွက်မျိုးပါ။

         ဒီလမှာပဲ တိုင်တန်းနစ်ဇာတ်ကားဟာ 3D အနေနဲ့ ထွက်လာခဲ့ပါတယ်။

When the ship went down (Business as usual)

         သင်္ဘောကြီး နစ်မြုပ်နေစဉ်အထိပဲ သင်္ဘောပေါ်က တီးဝိုင်းဟာ အတီးမပျက် ဆက်လက် ဧည့်ခံနေခဲ့ကြတယ်။ ဒီ တိုင်တန်းနစ်တီးဝိုင်းအဖွဲ့ကို ဂုဏ်ပြုတဲ့ “business as usual” ဆိုတဲ့စကားဟာ ပေါ်ပြူလာ ဖြစ်လာခဲ့တယ်။

         တီးဝိုင်းထဲက တစ်ယောက်မှ အသက်ရှင် မကျန်ရစ်ခဲ့ပါဘူး။

When life is on the line (လူပါး အသက်ရှင်)

         ဒီလို အန္တရာယ်နဲ့ ကြုံရတဲ့အခါ သင်္ဘောပေါ်မှာ ကသောင်းကနင်း ဖြစ်နေမှာပဲလို့ ထင်စရာ ရှိပေမယ့် အသက်ရှင် ကျန်ရစ်သူတွေ ပြောစကားအရကတော့ အားလုံး သေသေဝပ်ဝပ်ပါပဲတဲ့။ ခရီးသွား တော်တော်များများဟာ သင်္ဘောကို ယုံကြည်ပြီး သင်္ဘောပေါ်ကနေ မစွန့်ခွါလိုကြပါဘူးတဲ့။ အမျိုးသား အနည်းငယ်ကသာ အကောင်းဆုံး ဝတ်စုံတွေကို ဝတ်ဆင်ပြီး gentle man ပုံစံနဲ့ အသက်ကယ်လှေပေါ် ခပ်တည်တည် တက်ကြပါသတဲ့။

         လက်တလော သုတေသနက ပြောပြတာကတော့ အမေရိကန်တွေထက် ဗြိတိသျှလူမျိုးတွေက ပိုပြီး အသေအပြောက် များခဲ့ပါသတဲ့။ အကြောင်းကတော့ ဗြိတိသျှတွေက လူကြီးလူကောင်းဆန်ဆန် တန်းစီနေကြတာဖြစ်ပြီး အမေရိကန်တွေကတော့ လူကြီးလူကောင်းဆန်တာ၊ မဆန်တာ အပထား၊ အသက်ကယ်လှေပေါ် ရောက်ဖို့ အဓိကထားပြီး တိုးတိုးဝှေ့ဝှေ့ သွားကြလို့ပါတဲ့။

ဆက်ရပ်သတင်း

         တိုတန်းနစ်ပေါ်မှာ မြန်မာလူမျိုး အသေအပြောက်တော့ မရှိခဲ့ပါဘူး။ အကြောင်းကတော့ မြန်မာ့နှစ်သစ်ကူး သင်္ကြန်ပွဲနဲ့ တိုက်ဆိုင်နေလို့ ဘယ်မြန်မာလူမျိုးကမှ ဒေါ်လာ (၄၃၅၀) ပေးရတဲ့ ပထမတန်းလက်မှတ်ကို ဝယ်ဖို့ စိတ်မဝင်စားကြလို့ပါ။

         ဒါ့ကြောင့်ပါ။ နောက်ဆုံး ဆက်ရပ်သတင်းကလွဲရင် ရီးဒါးဒိုင်ဂျက်ထဲက Leesa Hamilton ရဲ့ ဆောင်းပါးကို သင့်သလို ဘာသာပြန်ထားတာပါ။

ဇင်ဝေသော်








Copyright © 2012 ကမ်းလက်. All rights reserved.

NGO ချည်းအားမကိုးပါနဲ့

မစ္စတာ Jonathan ရဲ့ဆောင်းပါးတစ်ချို့ကို စွဲစွဲမြဲမြဲ ဖတ်ခဲ့တာကြာပါပြီ။ သမာသမတ်ကျတဲ့အမြင်ရှိတယ်လုိ့ ယုံကြည်လို့ပါ။ အခုလည်း ဘယ်သူမှမတို့မထိရဲတဲ့ NGO တွေရဲ့စကားကို သူကခပ်ပါးပါးကောက်ကြောင်းပြထားခဲ့တယ်။ ကြိုက်လွန်းလို့ ဘာသာပြန်မျှဝေလိုက်တာပါ။ မူရင်းဆောင်းပါးနာမည်ကတော့ Moving beyond sanctions ပါ။ ခုတလော ဘလော့ဂ် တက်နှုန်းစိပ်နေတာက ပြည်တွင်းရေးရယ်၊ ဒီလိုစာရေဆရာကြီးတွေကြောင့်ပါ။ (ဇင်ဝေသော်)

ဆယ်စုနှစ်ပေါင်းများစွာ စီးပွားရေးပိတ်ဆို့လာခဲတဲ့နောက် ဗြိတိသျှဝန်ကြီးချုပ် ဒေးဗစ် ကင်မရွန်း မြန်မာပြည်ခရီးစဉ်နဲ့ပတ်သက်လို့ တစ်စုံတစ်ရာ အကျိုးရှိနိုင်လိမ့်မယ်ဆိုတာကတော့ အသေအခြာပါဘဲ။ သူဟာ နှစ်ငါးဆယ်အတွင်း မြန်မာပြည်ကို ပထမဆုံးရောက်မဲ့ ဥရောပထိပ်တန်း နိုင်ငံရေးခေါင်းဆောင်တစ်ယောက်ပါ။ ဗြိတိသျှအစိုးရဟာ စစ်အစိုးရအပေါ် အရေးယူမှုတွေနဲ့ပတ်သက်လို့ လက်သံအပြောင်ဆုံး ဥရောပအစိုးရလည်းဖြစ်ပါတယ်။

အခု အမှန်တကယ်လိုအပ်နေတာက မြန်မာနဲ့ အီးယူ ပေါင်းစပ်ပေးနိုင်ဖို့ပါ။ ဒါမှလည်း သူ့ခရီးစဉ်ကမျှော်ရကျိုးနပ်လိမ့်မယ်။ အာဏာရှင်အစိုးရတွေနဲ့ကိုင်တွယ်ဖြေရှင်း ဖို့ ပြဿနာမရှိလှတဲ့ ဥရောပအစိုးရတွေဆီက စီးပွားရေးပိတ်ဆို့ထားတာတွေပြန်ဖွင့်ဖို့ ဘယ်လိုအရိပ်အမြွက်မှ မပြကြသေးပါဘူး။ အတိုက်အခံခေါင်းဆောင် ဒေါ်အောင်ဆန်းစုကြည်ဟာ ဒီကိစ္စအတွက် အကြီးမားဆုံးထူးခြားမှုကိုဖြစ်စေနိုင်သူပါ။ ရုပ်ရည်က နွဲ့နောင်းနောင်း ဖျက်ဆီးလို့မရတဲ့ နိုင်ငံရေးခံယူချက်တွေနဲ့သူမဟာ အနောက်ဆန်ပါတယ်။

မြန်မာဟာ ဘယ်တုန်းကမှ ဥရောပရဲ့ အရေးကြီးတဲ့စီးပွားရေး လုပ်ဖော်ကိုင်ဖက်နိုင်ငံမဟုတ်ခဲ့ပါဘူး၊ ဒါကြောင့် မြန်မာကိုစီးပွားရေး ပိတ်ဆို့မှုဆိုတာ အပျင်းပြေလေ့ကျင့်ခန်းတစ်ခုမျှသာပါ။ သူတို့ပိတ်ဆို့မှုကြောင့်၏ ဘာမှလည်းထူးထူးခြားခြား ဖြစ်မလာခဲ့ပါဘူး။

မြန်မာရဲ့လတ်တလော ပြောင်းလဲမှုအပေါ် ဘယ်သူမှ သံသယမရှိကြပါဘူး။ ဖွဲ့စည်းပုံအခြေခံဥပဒေသစ်ကို ကျင့်သုံးတယ်၊ နိုင်ငံရေးအကျဉ်းသားတွေကို လွှတ်ပေးတယ်၊ ငြိမ်းချမ်စွာဆန္ဒပြမှုပေးတယ်၊ ဒါတွေဟာ ဥရောပအကြိုက်တွေပါ။ ဒေါ်အော်ဆန်းစုကြည်ရဲ့ NLD ပါတီ အောင်ပွဲခံခဲ့တဲ့ရွေးကောက်ပွဲ ရလာဒ်နဲ့ပတ်သက်လိုးလည်း သူတို့အနေနဲ့ကျေနပ်စရာပါ။

ဒါပေမယ့် စီးပွားရေးပိတ်ဆို့တာတွေ ရုပ်သိမ်းဖို့နဲ့ပတ်သက်လို့တော့ စိတ်ကူးရကြသေးပုံမရှိပါဘူး။ ဘာကြောင့်လဲလို့စဉ်းစားရင် စီးပွားရေးပိတ်ဆို့မှုဟာ ဥရောပရဲ့ လက်ကျန် လက်နက်လေးတစ်ခုဖြစ်နေလို့ပါ။ ဥရောပနိုင်ငံတွေဟာ သူတို့နိုင်ငံနယ်နိမိတ်ကိုကျော်ပြီး စစ်အင်အားမဖြည့်ဆည်းနိုင်ကြတော့ဘူး။ အာရှမှာ ဥရောပစစ်တပ်မရှိဘူး။ ပြီးတော့ အာဖဂန်နစ်တန်နဲ့ လစ်ဗျား မှာ စစ်ရေးပတ်သက်ခဲ့ပြီးတဲ့နောက် တစ်ချိန်က သူတို့ ချန်ပီယံဖြစ်ဖူးတဲ့ ဖြန်ဖြေရေးကိစ္စကိုတောင် သိပ်စိတ်မဝင်စားကြတော့ဘူး။

စီးပွားရေး အင်အားကရှိနေတော့ စီးပွားရေးပိတ်ဆို့မှုက သူတို့ရဲ့ အသိအမှတ်ပြုလောက်တဲ့ လက်နက်တစ်ခု ဖြစ်နေဆဲပါ။ ဒီနှစ် ဇန်နဝါရီလက စပြီး အီးယူက စီးပွားရေးပိတ်ဆို့ လာလိုက်တာ ၁၅ ခုလောက်ရှိနေပြီ၊ ဒီအရေအတွက်ကအရင် ဆယ်နှစ် ပေါင်းတာထက်ပိုနေပါတယ်။ အီးယူ အစိုးရတွေက သူတို့က စီးပွားရေးပိတ်ဆို့လိုက်ရင် တစ်ခုခုဖြစ်လာလိမ့်မယ်လို့ ထင်နေကြတယ်၊ အထောက်အားတွေကိုကြည့်တော့ သူတို့ထင်သလိုမဟုတ်ပြန်ဘူး။

မြန်မာအစိုးရ ပြုပြင်ပြောင်းလဲရေးလုပ်တယ်ဆိုတာ အီးယူရဲ့ စီးပွားရေးပိတ်ဆို့မှု တစ်ခုတည်းကြောင့်မဟုတ်ပါဘူး။ ဒီကိစ္စမှာ အီးယူက ပမွှားလေးပါ။ နောက်ပြီးအီးယူ အစိုးရတေူရဲ့ စီးပွားရေးပိတ်ဆို့မှုကြောင့် အီရန်နဲ့ ဆီးရီးယား တို့ပြောင်းလဲလာလိမ့်မယ်လို့ ဘယ်သူမှ မယုံကြည်ပါဘူး။ ဒီတော့ စီးပွားရေးပိတ်ဆို့မှုဟာ ထိရောက်တယ်ဆိုတာထက် သူတို့ဟာ အရေးပါတယ်ဆိုတာလေးကိုပြဖို့ပဲ ပိတ်ဆို့နေကြရတာပါ။

ဒီထက်အန္တရာယ်ရှိတဲ့ အယူအဆ ဥရောပမှာရှိနေတယ်။ ဒါက စီးပွားရေးပိတ်ဆို့မှု တစ်ချို့ကိုသာဖွင့်ပေးရမယ်၊ အားလုံးမဖွင့်ရ၊ ဖွင့်လိုက်ရင် ပြောင်းလဲမှုတစ်မျိုးတစ်ဖုံ ဖြစ်သွားနိုင်တယ် ဆိုတာပါပဲ။ စစ်အစိုးရနဲ့ တစောင်းစေး မျက်ချေး ဖြစ်တဲ့ အပြည်ပြည်ဆိုင်ရာ ရာဇဝတ်မှုအဖွဲ့(International Crisis Group)ကတောင် ပြုပြင်ပြောင်းလဲမှုဟာ အကျိုးရှိတယ်ဆိုတာ စစ်အစိုးရကို ပြသဖို့ အနောက်နိုင်ငံများအနေနဲ့ စီးပွားရေးပိတ်ဆို့မှု တွေ အမြန်ရုပ်သိမ်းသင့်တယ်လို့ သဘာဝကျကျ ပြောဆိုလာကြပါတယ်။

အကြီးမားဆုံးပြောင်းလဲမှုလုပ်ခဲ့ပြီးတဲ့နောက် မြန်မာနိုင်ငံဟာ နိုင်ငံတစ်ဝှမ်းလုံး ယုံကြည်မှုတည်ဆောက်ဖို့ လိုနေတယ်။ ဒီအခြေအနေမှာ ခေါင်းမာသူ ပြောင်းလဲမှုကိုလိုလားသူ စတာတွေခွဲခြားပြီး ဒဏ်ပေး၊ ဆုပေးစနစ်ကိုပဲ ကျင့်သုံးမယ်ဆိုတဲ့အယူအဆဟာ ပြပြင်ပြောင်းလဲရေးကို အများကြိးအဟန့်အတား ဖြစ်စေနိုင်ပါလိမ့်မယ်။ လတ်တလောအနေအထားက ဘာဘာညညာ တောင်းဆိုမှုတွေလုပ်မနေဘဲ မြန်မာနိုင်ငံရေးကို ထောက်ခံအားပေးနေရမဲ့အချိန်ဖြစ်ပါတယ်။

စီးပွားရေးပိတ်ဆို့တာတွေ ရုပ်သိမ်းဖို့တင်မကပဲ အခြားလုပ်စရာတွေများကြီး ရှိနေပါတယ်။ သဘာဝဘေးအန္တရာယ် ကယ်ဆယ်ရေးတွေ၊ သူတို့ကို ကယ်ဆယ်ရေးလေ့ကျင့်ပေးမှုတွေ စစ်အစိုးရနဲ့ပူးပေါင်းလုပ်ဆောင်နိုင်ပါတယ်။ ဒီကိစ္စတွေမှာ အီးယူ နိုင်ငံတွေက ကျွမ်းကျင်ပါတယ်။

နောက်ပြီး တိုင်းရင်းသားလက်နက်ကိုင်အဖွဲ့တွေနဲ့ ငြိမ်းချမ်းရေးဆွေးနွေးဖို့ အီးယူ နိုင်ငံတွေက ကြားဝင်ဖြန်ဖြေပေးနိုင်တယ်။ တိုတိုပြောရရင် အီးယူ နိုင်ငံတွေအနေနဲ့ နက်ဂတစ်ဆန်တဲ့ စီးပွားရေးပိတ်ဆို့တာတွေအပြင် အပြုသဘောဆောင်တဲ့ အားပေးမှုတွေ အများကြီးလုပ်ပေးနိုင်တယ်။

ဒါတွေကိုလုပ်ဖို့ ပထမဆုံး အီးယူအစိုးရတွေရဲ့သဘောထား အရင်ပြောင်းလဲရလိမ့်မယ်။ ဒီကိစ္စမှာ ဗြိတိန်က အရေးကြီးဆုံးပါ။ ဗြိတိန်ကိုချီးကျူးရမှာက သူတို့ဟာကျန်းမာရေးနဲ့ပညာရေး အတွက် သုံးနှစ်အတွင်း ပေါင် ၁၈၀ မီလျံ မြနမာနိုင်ငံကိုလှူဒါန်းခဲ့တယ်။ ဒီပမာဏက ဥရောပ တစ်တိုက်လုံးပေါင်းတာထက် ပိုပါတယ်။

ဒါပေမယ့်ဗြိတိသျှအစိုးရဟာ မြန်မာပြည်တွင်းက NGOတွေရဲ့ ဩဇာသက်ရောက်မှု့ အများကြီးခံနေပါတယ်။ သူတို့က ပြည်တွင်းမှာ အားလုံး အလိမ်အညာတွေချည်းပဲလိ့ ဆိုနေကြဆဲပါ။ လတ်တလောမတိုင်ခင်ကအထိ မြန်မာပြည်တွင်းရေးကို ကမ္ဘာက သိလာအောင် NGOတွေက ဆော်အောပေးခဲ့တာပါ။ ချီးကျူးဂုဏ်ပြုထိုက်ပါတယ်။ အခု သူတို့မှာ ဗွီတိုအာဏာမရှိတော့ပါဘူး။

မစ္စတာဘရောင်းနဲ့အီးယူခေါင်ဆောင်တွေအနေနဲ့ အတုအယောင်ပြောင်းလဲမှုဆိုတဲ့ ဝေဖန်သံတွေကို အံတုပြီး စီးပွားရေးပိတ်ဆို့မှုကလည်း အလုပ်မဖြစ်တော့တဲ့ပေါ်လစီ လို့သဘောပိုက်ကာ မြန်မာပြည်အတွက် ရှေ့ကရပ်ပြဖို့သင့်နေပါပြီ။

The Straits Times.Friday,April 13,2012.
By Jonathan Eyal.
Euro Correspondent
Original story >>Moving beyond sanctions
ဇင်ဝေသော်









Copyright © 2012 ကမ်းလက်. All rights reserved.

Why Buddhism and not Christianity

ဒီနေ့မနက် FB မှာထိုင်းလူမျိုးတစ်ယောက်က မေး ခွန်းနှစ်ခုမေးတယ်၊ အီစတာပွဲကိုမြင်ပြီး စိတ်ဝင်စားတာရယ် ခရစ်ယန်အသိုင်းအဝိုင်းထဲက အနောက်တိုင်းသားတစ်ယောက် ဗုဒ္ဓဘာသာရဟန်းဖြစ်နေတာရယ်ကြောင့်ပါ။

သူသိချင်တာက ဘုန်းကြီးဘာကြောင့် ရဟန်းဝတ်ရတာလဲ နဲ့ ခရစ်ယန်နဲ့ ဗုဒ္ဓဘာသာ တို့ရဲ့ ခြားနားချက်ကဘာလဲ ဆိုတာပါ။ ဘုန်းကြီးကမဂ္ဂဇင်းကနေပဲ ဖြေဖို့ဆုံးဖြတ်ပါတယ်၊ ဒီအဖြေက FB ကွန်မင့်မှာသိပ်ရှည်လျားသွားမှာမို့ပါ။ ပြီးတော့ ဒီအဖြေကိုလူတိုင်းဖတ်လို့ရတာလည်း ဖြစ်စေချင်တယ်။ ဒါကိုဖတ်ပြီး လူတိုင်းကွန်မင့်ပေးလို့လည်းရသွားတာပေါ့။ ဒီစာက ဘယ်သူ့ကိုမှအတိုက်အခံမဖြစ်စေချင်သလိုအားလုံးဖက်ကလည်း ဒီလိုပဲလို့မျှော်လင့်ပါတယ်။

ပထမမေးခွန်းကိုဖြေဖို့အတွက် ဒုတိယမေးခွန်းကို အရင်ဖြေတာက ပိုအဆင်ပြေမယ်လို့ထင်ပါတယ်။

ဒါက ဂျီးဇက်နဲ့ ဗုဒ္ဓ တို့ အဆုံးအမတွေရဲ့ အဓိက ခြားနားချက်က ဘာလဲ ဆိုတာပါ။ အခြေခံအားဖြင့် ဘာသာတွေအားလုံး အတူတူပဲဆိုတာ ဒီနေ့ တော်တော်များများပြောနေကြတယ်။ တစ်ချို့မှန်ပါတယ်။ လူသားတိုင်းအတွက် လူတော်လူကောင်းတွေဖြစ်အောင်လုပ်ရမယ်ဆိုတာ ဘာသာတိုင်း သင်ကြားကြပါတယ်။ ဒီအထိသဘောတူပါတယ်။ အခုပြောမှာတွေကလည်း ကိုယ့်ဘာသာ ပြန့်ပွားရေးအတွက် သူများဘာသာကို ထိခိုက်စေဆိုတဲ့ ဘာသာရေး တစ်ယူသန်ကိစ္စအကြောင်း မဟုတ်ပါဘူး။ ဒါပေမယ့် ဘာသာတရားတွေမှာ လုံးဝ ညှိလို့မရတဲ့ ကွဲလွဲမှုတွေရှိပါတယ်။ ဒါကြောင့် သူတို့ကို မုန်တီးဖို့ မလိုသလို သူတို့တည်ရှိနေခြင်းကိုလည်း ငြင်းဆန်နေစရာမလိုပါဘူး။

စရစ်ယန်ကပြောပြီး ဗုဒ္ဓဘာသာက မပြောခဲ့တာတွေက..
  • ၁။         ခရစ်ယန်ဘာသာက ဖန်ဆင်းရှင်အကြောင်းကို ဆုံးမတယ်၊ ဗုဒ္ဓဘာသာကဖန်ဆင်းရှင်အကြောင်းမပြောဘူး။

  • ၂။         ခရစ်ယန်ဘာသာက ဂျီးဇက်ဟာ ထာဝရုရားရှင်ရဲ့ သားလို့ဆိုပြီး ၊ဗုဒ္ဓဘာသာကတော့ ဗုဒ္ဓဟာလူသားတစ်ယောက်ဖြစ်ပြီး သစ္စာတရားကိုလည်း ကိုယ်တိုင်ကြိုးစားပြီးမှသိခဲ့ရတာလို့ဆိုပါတယ်။ ဗုဒ္ဓဟာ နတ်မဟုတ်၊ နတ်ရဲ့သားမဟုတ်၊နတ်ရဲ့မက်ဆေ့ဂ်ျကိုသယ်လာသူလည်းမဟုတ်ပါဘူး။

  • ၃။         ခရစ်ယန်ဘာသာက ထာဝရ ဝိဉာဉ်ရှိတယ်လို့ဆိုတယ်၊ ဗုဒ္ဓဘာသာက ဒါကိုငြင်းတယ်၊ အရာခပ်သိမ်းဟာ ဖြစ် ပျက်ပဲရှိတယ်။

  • ၄။         ခရစ်ယန်ဘာသာက အားလုံးတစ်ဘဝပဲရှိတယ်၊ ဒီဘဝပြီးရင် ကယ်တင်ရှင်ကို ယုံရင်ယုံသလို မယုံရင်မယုံသလို ထာဝရကောင်းကင်ဘုံနဲ့ ထာဝရငရဲမှာ စံရ ခံရမယ်လို့ဆိုတယ်။ ဗုဒ္ဓဘာသာက ရေတွက်လို့မရတဲ အတိတ်ဘဝတွေ ဘုံဘဝအသီးသီးမှာရှိခဲ့ပြီးပြီ၊ ကိလေသာကုန်ခမ်းပြီးရဟန္တာဖြစ်သည်အထိ ဒီသံသရာကဆက်လည်နေဦးမယ်လို့ဆိုတယ်။ ကျွန်ုပ်တို့ကျူးလွန်ခဲ့တဲ့အပြစ်တွေကိုခွင့်လွှတ်ပြီး လာရောက်ကယ်တင်ပေးဖို့ တောင်းခံစရာ ပြင်ပ တန်ခိုးရှင်လည်းမရှိပါဘူး။

  • ၅။         ခရစ်ယန်ဘာသာ ယုံကြည်တာက တိရစ္ဆာန်တွေဟာ ဝိဉာဉ်မရှိလို့ လူသားတွေပဲ ကယ်တင်ခြင်းကိုခံရမယ် လို့ဆိုတယ်။ ဗုဒ္ဓဘာသာကတော့ သတ္တဝါအားလုံးဟာ ခံစားမှုရှိတယ်၊ဒါကြောင့် အားလုံးဟာဒုက္ခမှလွတ်မြောက်သင့်တယ်လို့ ဆိုပါတယ်။

  • ၆။         ခရစ်ယန်ဘာသာ ယုံကြည်တာက ကျွန်ုပ်တို့မှာ ဆွေ(၇)ဆက်က အကုသိုလ်တွေအတွက် တာဝန်ရှိတယ်လို့ဆိုတယ်။ ဗုဒ္ဓဘာသာက ပြောတာကတော့ ဘုန်းကြီးကံနဲ့ဘုန်းကြီးပဲ၊ဘုန်းကြီးက ဘယ်သူ့ကံကိုမှတာဝန်ယူစရာမလိုဘူး လို့ဆိုပါတယ်။

ဒီတော့ ပထမမေးခွန်းကိုဖြေဖို့ ခရစ်ယန်ဘာသာနဲ့ဗုဒ္ဓဘာသာကြားခြားနားချက် သဲလွန်စ တစ်ချို့ရခဲ့ပါတယ်။

ဘာကြောင့် ဗုဒ္ဓဘာသာရန်းတော်တစ်ပါးလုပ်ဖို့ ဆုံးဖြတ်ခဲ့တာလဲ။ အနောက်မှာကြီးပြင်းခဲ့ရသူပီပီ ပုံစံအမျိုးမျိုးနဲ့ ခရစ်ယန်နဲ့ပဲ ထိစပ်နေခဲ့ပါတယ်။ ဒါပေမယ့် စွဲယူဖို့ခက်ခဲတဲ့ ခရစ်ယန်ဘာသာ ယုံကြည်မှုတွေရှိခဲ့ပါတယ်။


  • ၁။         ဘုန်းကြီးကြားသိခဲ့ရတာက လူတစ်ယောက်သေအံ့ဆဲဆဲမှာ အပြစ်တွေကိုခွင့်လွှတ်ပြီးကယ်တင်ဖို့ ဂျီးဇက်ဆီမှာတောင်းခံခွင့်ရရင် ထာဝရကောင်းကင်ဘုံမှာ ခံစားရပြီး မွေကင်းစကလေးတစ်ယောက်ဟာ ဂျီးဇက်ဆီမှာ ဒီလိုတောင်းခံမှုမျိုးမပြလုပ်ရဘဲ သေဆုံးခဲ့မယ်ဆိုရင် ထာဝရငရဲဘုံမှာ ခံစားသွားရမယ် ဆိုတာပါ။

  • ၂။         ဂျီးဇက်မပေါ်မှီမွေးဖွားသေဆုံးသွားကြသူတိုင်းဟာ ဂျီးဇက်ကို ကယ်တင်ရှင်အဖြစ် တောင်းခံခွင့်မရခဲ့ကြတဲ့အတွက်ထာဝရငရဲဘုံမှာ ခံစားသွားရမယ်လို့ ကြားခဲ့ရဖူးပြန်ပါတယ်။

  • ၃။         နောက်တစ်ခုက အဖေရဲ့အပြစ်တွေ သားကအစားခံယူရမယ်ဆိုရင် အဲဒီသားဟာထာဝရကောင်းကင်ဘုံရောက်ဖို့ အခွင့်အလမ်းရှိပါဦးမလား။ တကယ်လို့ ကိုယ်ပြုတဲ့ကံက အဲသလိုစီမံပြီးသားဆိုရင် ကိုယ်ကြိုက်တာတွေလုပ်လိုက်ရုံပါပဲ။

  • ၄။        နောက်ထပ်ပြဿနာတစ်ခု နောက်ဆုံး ဘိုက်ဘယ်စာအုပ်ထဲမှာဖော်ပြထားတာက လူပေါင်း ၁၄၄ ၀၀၀ သာ ကယ်တင်ခြင်းခံရမယ် တဲ့။ ဒါဆို လူတွေ အများကြီး အမှောင်ကမ္ဘာကြီးထဲ ကျန်နေခဲ့ရလိမ့်မယ်ထင်ပါတယ်။

လွန်ခဲ့တဲ့ ဆယ်နှစ်ကအိန္ဒိယမှာ ဒလိုင်းလားမားရဲ့ တရားနာဖို့ အခွင့်ကြုံခဲ့ပါတယ်။ သူက ဗုဒ္ဓဘာသာရဲ့ အခြေခံဖြစ်တဲ့ ကံ၊သံသရာအကြောင်းကိုဟောသွားခဲ့တယ်၊ နက်နက်နဲနဲရှိလှပါတယ်။ ဒါပေမယ့် ကိုယ်တိုင်က ထေရဝါဒဖက်ကို ပိုနွှယ်နေတော့ ထိုင်းနိုင်ငံက ကျောင်းတွေမှာ အနေများပြီး ဝိပဿနာတရား ကိုပဲ အားထုတ်ဖြစ်ခဲ့တယ်။ နှစ်အတော်ကြာတော့ ရဟန်းဝတ်ဖို့ စဉ်းစားမိသေးတယ်၊ ဒါပေမယ့် တစ်ခုခုက အမြဲ ဆွဲထားသလိုပါ။

မနှစ်ကတော့ ချင်းမိုင်က အိမ်မှာ ကိတ်မုန့်စားနေရင်း မုန့်အပဲ့လေးတွေ ကျမ်းပြင်ပေါ်ကျသွားတယ်။ မကြာပါဘူး ပုရွက်ဆိတ်တွေ အတန်ကြီးလိုက်ရောက်ာပြီး မုန့်အပဲ့လေးတွေ ချီပြီးပြန်သွားကြတယ်။

သူတို့ကိုကြည့်ရင်း ငါ ဘယ်လောက်ကံကောင်းလိုသလဲ၊ လူဖြစ်လာပြီး ဘုရားရှင်ရဲ့ တရားတော်တွေကို နာခွင့်ရနေတယ် လို့စဉ်းစားမိတယ်။ အရွယ်လည်းရှိ စိတ်ဓာတ်လည်းပြင်းပြနေတုန်း အိမ်ကိုအပ်နှံပြီး ဒီကိစ္စကိုအထမြောက်အောင်ကြိုးစားခဲ့ပါတယ်။ မနှစ်ကပဲ ရဟန်းဖြစ်ပြီး ဝိဿနာတရားပြဖို့ ဒီကျောင်းက ပင့်လျှောက်တာနဲ့ အခု ဒီရောက်နေတာပါ။

ဘုန်ကြီးက နယူးဇီလန်မှာမွေးခဲ့တော့ ပတ်ဝန်းကျင်အမှားထဲရောက်နေရသလို ငယ်စဉ်ကခံစားခဲ့ရတယ်။ လမ်းသူရဲတွေနဲ့အတူနေပြီး ရန်ဖြစ်တဲ့အထဲတွေအထိ ပါဝင်လာခဲ့တယ်။ ဒီအပြစ်တွေကိုမြင်လာတာနဲ့ မွေးရပ်နိုင်ငံကနေ ခရီးထွက်ဖြစ်ခဲ့တယ်။ ခရီးထွက်ရင်းနဲ့ ကိုယ့်ထက်ပျော်စရာကောင်းတဲဘဝမှာ နေကြတဲ့လူတွေကိုတွေ့လာတယ်။ ဒါနဲ့ တရားတွေ စ နာဖြစ်ခဲ့တာပါ။

ပထမဆုံး တရားနာရတဲ့ အခိုက်မှာ ကိုယ့်အိမ်ပြန်ရောက်သွားသလို စိတ်ထဲမှာ ခံစားနေရတယ်။ ပထမ တိဗက်နည်းနဲ့ တရားထိုင်ခဲ့တယ်၊နောက်မှ ဝိပဿနာတရားရိပ်သာကို ရောက်တာပါ။ ၂၀၀၅ ခုနှစ်မှာ ချင်းမိုင်က ဆရာတော် That Doi ဆီ ချဉ်းကပ်ပြီး တရားအားထုတ်ဖြစ်ခဲပါတယ်။

အဲဒီနောက် ဆရာဖြစ် သင်တန်းပြီးသည်အထိ အားထုတ်ခဲ့တယ်။၂၀၀၆ မှာ ကမ္မဌာန်းပြခွင့်ရပါတယ်။ ၂၀၁၀ ခုမှာ မလေးရှားနိုင်ငံ Buddhist Hermitage ကိုရောက်ပြီး ရဟန်းဘဝကိုရောက်ခဲ့ပါတော့တယ်။ ဒီကျောင်းမှာ မနက်လေးနာရီကနေ ည ကိုးနာရီအထိ တရားအားထုတ်ကြတယ်။ ဒီကျောင်းရဲ့ ကျောင်းထိုင်ဆရာတော်က မြန်မာပြည်မှာ ဗုဒ္ဓဘာသာလေ့လာခဲ့ပြီး မဟာစည်နည်းနဲ့ တရားမှတ်ပါတယ်။ ဘုန်းကြီးကတော အခု Wat Sri Boen Ruang မှာသီတင်းသုံးပြီး ကိုယ်တိုင် ကျင့်သုံးရင်းနဲ့ စိတ်ဝင်စားသူတွေကို တရားပြပေးလျက်ရှိပါတယ်။


Original version >> Why Buddhism and not Christianity
 
ဆုထားမျက်ချယ်











Copyright © 2012 ကမ်းလက်. All rights reserved.

ခန္ဓာဝန် နှင့် ချစ်သူခေါ်သံ

ခန္ဓာဝန် ရှင်သန်ရေး
ဓာတုဆေးဝါး ကျားကန်ရင်း
ရင်ထဲဝင်ရောက်ကူးစက်တဲ့
ပြင်ပဇီဝ ပိုးမွှားကြောင့်
(ခင်မောင်တိုး၊မဇ္ဈိမလှိုင်း၊ခန္ဓာဝန်၊တေးရေးကိုရဲလွင်)

မဇ္ဈိမလှိုင်းတို့က လွှတ်လိုက်လျှင် ပေါ့ရွှတ်ရွှတ်လုံးဝမရှိ၊
၉၆ ပါး၊ ၉၈ ပါးသောဝေဒနာအစု၊ ခန္ဓဘာရော အတိဘာရော။
ရင်ခုန်ချင်စရာလုံးဝမရှိသည့်ကိစ္စကို သီချင်းစပ်ဆိုရဲကြသည်။

ကျန်းမာရေးမကောင်းခိုက် ကိုရင်ဘဝက စာကျက်ရတာငြီးငွေ့တိုင်း
နားထောင်ဖြစ်ခဲ့သည့် ထိုသီချင်းက ငယ်မူငယ်သွေးပြန်ဝင်လာသည်။

စ လုံးဒေါက်တာက အင်တီဘိုင်အောတစ်မပေးသဖြင့် ရောဂါက(ပြင်ပဇီဝ ပိုးမွှားက)
ပျင်းတောင်ပျင်းသေး လုပ်နေသဖြင့် တစ်လနီးပါး ကျားကန်လိုက်ရသည်။
အာရုံထွေကာ ဟို ဒီ လွင့်စင်နေတုန်း
နှိူးလှုပ်သူ ချစ်သူ့ခေါ်သံ
အော် ခေါ်နေသံရယ်
မိုးခြိမ်းသည့်နှယ်။

ကျန်းမာရေး၊ပြင်ပဇီဝ ပိုးမွှားကြောင့်  အားနည်းသလိုလိုရှိသော်လည်း
ချစ်သူခေါ်သံများကိုကား ကျယ်လောငစွာကြားလိုက်ရသည်။

၁။ပြည်တွင်းကချစ်သူများ အောင်ပွဲခေါ်သံ။
၂။ပြည်ပမှာလည်း ပထမဦးဆုံး အဘိဓမ္မာစာဖြေဌာန အောင်ပွဲခေါ်သံ

ဒါတွေလောက် အရေးမကြီးသော်လည်း သရဲနီ(မန်ယူ)က
နွိုက်ဇီးနေဗား(ပူညံပူညံ အိမ်နီးချင်း) မန်စီးတီးကို ၆ ပွဲအလို ၈ မှတ်ဖြတ်လိုက်သည်။
သီဟနာဒ












Copyright © 2012 ကမ်းလက်. All rights reserved.

ခြူသံစွဲအလင်္ကာ

အလင်္ကာတွေထဲမှာ “မည်သံစွဲ အလင်္ကာ” ဆိုတာ ရှိတယ်လို့ သိရပေမယ့် ခြူသံစွဲအလင်္ကာ ရှိ၊ မရှိဆိုတာကိုတော့ တိတိကျကျ မသိပါဘူး။ ဒီကိစ္စကို အလင်္ကာ၊ ဒေါသပါရဂူတွေ ဆုံးဖြတ်ဖို့ ချန်ထားခဲ့ရတော့မှာပဲ။ ဘာပဲဖြစ်ဖြစ် (၂၁) ရာစု မျက်ခွက်ဘွတ်အုပ်ခေတ်မှာတော့ ကိုယ်သုံးချင်တဲ့ အလင်္ကာ ကိုယ်သုံးလို့ ရပါပြီ။

    ခြူသံစွဲဆိုတာက ဒီလိုပါ။


    “နွားပျောက် ခလောက်သံကြား” ဆိုတဲ့ စကားပုံ ရှိပါတယ်။ ခလောက်က ခြူတွေ မပေါ်ခင်က သုံးတာလို့ ထင်ရပေမယ့် ခြူတွေ ပေါ်လာတဲ့အထိလည်း သုံးနေကြတုန်းပါ။ သစ်သားကို ထွင်းထုထားတာချင်း အတူတူမို့ ခလောက်သံခြင်း တူနေမယ်ထင်ရင် မှားပါလိမ့်မယ်။ နွားပိုင်ရှင်ဟာ သူ့နွားရဲ့ ခလောက်သံကို မှတ်မိနေတတ်ပါတယ်။ အရောင်တူ၊ ဆိုက်တူ၊ တံဆိပ်တူ ဖိနပ်တွေထဲမှာ ကိုယ့်ဖိနပ်ကို မှတ်မိနေသလိုမျိုးလို့ ထင်ပါတယ်။ ခြူသံကျတော့ သိပ်ခွဲခြားလို့ မရတော့ပါဘူး။ ဒါ့ကြောင့် တောအုပ်ထူထူထဲက တောင်သူကြီးတွေ ခလောက်ကို ဆက်သုံးနေတာနေမှာလို့ စဉ်းစားစရာ ရှိပါတယ်။

    အားလုံး သိကြမယ် ထင်ပါတယ်။ ယာထွန်ဖြုတ်ပြီဆိုရင် နွားတွေကို တောထဲလွှတ်ပေးလိုက်ကြတယ်။ သူစားချင်ရာ လျောက်စားပေါ့။ ညနေစောင်းတော့မှ နွားပိုင်ရှင်က ခလောက်သံကို နားထောင်၊ သူ့နွားရှိတဲ့ နေရာကိုသွားပြီး ဆွဲခေါ်လာခဲ့တော့တာပါ။ ဆိုလိုတာကတော့ ခလောက်သံနဲ့ဆိုရင် နွား ဘယ်ရောက်နေတယ်ဆိုတာ သိလို့ရပါတယ်။ ဒါပါပဲ။

    နွားနဲ့ အကျွမ်းတဝင်ရှိခဲ့တော့ တစ်ခါတစ်ခါ အခက်ကြုံရပါတယ်။ သူများကတော့ မသိပါဘူး၊ ကိုယ့်ဘာသာကိုယ် ကြုံရတာပါ။ တစ်နေ့က ကောင်မလေးတစ်ယောက် ခြေထောက်မှာ ခြူတွေ ဆင်ထားတာ တွေ့ရတယ်။ ပြုံးမိတယ်။ မတတ်နိုင်ဘူး။ ဒုက္ခဆိုတာ အဲ့ဒါပါ။ သူမကို အားနာပါတယ်။ ခြေထောက်မှာ ခြူဆွဲထားတော့ သူမ ဘယ်သွားသွား သိနေရတယ်။

    ဂလိုဘယ်ခေတ်ကြီးထဲမှာတော့ လူလည်း ခြူဆွဲတော့တာပါပဲ။ နွားက လည်ပင်းမှာ ဆွဲပြီး လူကတော့ ခြေချင်းဝတ်မှာ ဆွဲတာပေါ့။ တော်ပါသေးတယ်။ ခြူဆွဲတဲ့နေရာ မတူလို့။

    အခုမှ ကျနော်ပြောချင်ရာ ရောက်ပါတော့တယ်။

    “ခြူသံစွဲ” အလင်္ကာဆိုတာ လူတစ်ယောက် ဘယ်ကို ရောက်နေတယ်ဆိုတာ သိနိုင်တဲ့ အလင်္ကာပါ။ (ကျနော်ကိုယ်တိုင်ပေးတဲ့ အလင်္ကာမို့ စာအုပ်ထဲမှာ မရှာကြဖို့ မေတ္တာရပ်ခံပါတယ်။)
    ဒီနေ့ မျက်ခွက်ဘွတ်အုပ်လို့ခေါ်တဲ့ F.B. ဟာ ခြူသံစွဲအလင်္ကာပါ။ အနည်းဆုံး အကြောင်းနှစ်ချက် ရှိပါတယ်။

    ၁။ မျက်ခွက်ဘွတ်အုပ်ကို ကြည့်လိုက်ရင် အဲ့ဒိဘွတ်အုပ်ပိုင်ရှင် ဘယ်ရောက်နေတယ်ဆိုတာ သိလို့ ရပါတယ်။
    ၂။ မျက်ခွက်ဘွတ်အုပ်ကို ကြည့်ရင်း သူဘာလဲဆိုတာလည်း သိလို့ ရပါတယ်။





    ဆိုရှယ်ကွန်ယက်ကြီးကို F.B. ခြူသံနဲ့ ဆက်သွယ်ပေးထားတော့ မိတ်တွေဟောင်း၊ မိတ်ဆွေသစ်တွေ ဘယ်ရောက်နေကြတယ်၊ ဘာတွေ လုပ်နေကြတယ်ဆိုတာ သိခွင့် ရနေကြရပါတယ်။ ဆိုရှယ်အတွက် အတော်ထိရောက်တယ်လို့ ပြောရင် မလိုအပ်ဘဲ စကားဖောင်းပွတာပါပဲ။

    မိတ်ဆွေတစ်ချို့ဆို မိနစ်ပိုင်းအတွင်းမှာ သူတို့ ဘယ်ရောက်နေကြောင်း ကြေငြာပြီး ဖြစ်နေတယ်။

    တစ်ခါတစ်ခါမှာ အဲ့ဒီ မျက်ခွက်ဘွတ်အုပ်ကနေပဲ ကိုယ်ဘာလဲ၊ ဘယ်လိုလူလည်းဆိုတာ ပြောမိလျက်သားလည်း ဖြစ်နေတတ်ပြန်ပါတယ်။ ဒါကိုတော့ ခြူသံစွဲအလင်္ကာသာမက မည်သံစွဲအလင်္ကာလို့လဲ ခေါ်မယ်ဆို ခေါ်လို့ရပါတယ်။ အဲ့ဒီလူဟာ ဓာတ်ပုံဝါသနာပါသူလား၊ ပန်းချီဝါသနာပါသူလား၊ အားကစားဝါသနာပါသူလား၊ နိုင်ငံရေးလား၊ စာပေလား၊ ကွန်မင့်ရေးတာ၊ ကိုယ့်ကို ကွန်မင့်ပြန်တာကို ကြိုက်သူလား စတာတွေကိုလည်း သိနိုင်ပါတယ်။

    ဆက်ပြောဖို့ ရှိတာက တစ်ချိန်ကတော့ ခြူဆိုတာ နွားဘယ်မှာရှိတယ်ဆိုတာ သိရုံနဲ့ တူပါတယ်။ နောက်ပိုင်းကျတော့ ခြူဆွဲထားခြင်းကပင် နွားရဲ့ တန်ဆာတစ်ခု ဖြစ်နေပါတော့တယ်။ လှတဲ့နွား၊ ကောင်းတဲ့နွားတွေဆိုရင် ခြူသံတစ်ချွင်ချွင်နဲ့ပါ။ မစွံတဲ့နွားကို ခြူတတ်မိပြန်တော့ ကိုယ့်နွား မစွံတာကို ပြနေသလို ဖြစ်တတ်ပြန်ပါရော။

    မှားရင်တော့ တောင်းပန်ရမှာပါပဲ။

    အဲ့သလိုပါပဲ။ ခံစားချက်တွေရေးရင်း၊ ပေါက်ကွဲရင်းနဲ့ ကိုယ့် F.B. က ကိုယ်မစွံကြောင်း၊ အတင်းပြောတတ်ကြောင်း၊ သူများကိစ္စတွေ ဝင်စွက်တတ်ကြောင်း ပြောပြနေတတ်ပြန်ရော။

    တစ်ခုရှိတာက နွားပိုင်ရှင်တွေက နွားကို ခြူဆွဲပေးတတ်ပေမယ့် ကြောင်ပိုင်ရှင်တွေကတော့ ကြောင်ကို ခြူဆွဲပေးတယ်လို့ မကြားဖူးပြန်ဘူး။ ပုံပြင်ထဲမှာတော့ ကြောင်ကို ခြူဆွဲပေးဖို့ ကြွက်ကလေးတွေ တိုင်ပင်နေကြတာ ဖတ်ဖူးတယ်။ ပုံပြင်က ရှည်တော့ ပြီးအောင် မဖတ်လိုက်မိဘူး။ သူတို့ အကြံအစည် အထမြောက်၊ မမြောက် မသိခဲ့ရဘူး။

    တစ်ချို့ မျက်ခွက်ဘွတ်အုပ်တွေကျတော့ ကြောင်နဲ့ တူပြန်ရော။ ခြူမပါတော့ ဘယ်သူရေးမှန်း မသိ၊ ရေးသူ ဘယ်သွားမှန်းလည်း မသိ၊ တောရောက်လား၊ မြို့ရောက်လား မသိ၊ ဘွဲ့ရလား၊ ဘွဲ့မရလား မသိ၊ ဘာဆို ဘာမှ မသိ။

    ကြောင်ကိုတော့ ခြူဆွဲပေးလို့ မရဘူး။
    သူက ကြွက်ခုတ်ရဦးမှာ မဟုတ်လား။

    ခြူသံမြိုင်မြိုင်နဲ့ တောက လှည်းယဉ်ကျော့လေးတွေကို သတိရရင်း မဆိုင်ရာတွေကို နှိုင်းမိပြန်ပါရော။

    ဖေ့(စ်)ဘုတ် (သို့) ခြူသံစွဲအလင်္ကာ

ဇင်ဝေသော်








(စကားနည်းနည်း ရိုင်းသွားသလားလို့ စဉ်းစားမိပါသေးတယ်။ ဒါပေမယ့် ဘုရားရှင်ကိုတောင် နွားလားဥသဘနဲ့ နှိုင်းတာ၊ ဘုရားရှင်ရဲ့ အနွယ်တော်ကလည်း ဂေါတမ (နွားတကာထက် မြတ်သောနွား) ဆိုတာကို တွေးမိရင်း လိပ်ပြာသန့်လို့ လွှတ်လိုက်မိပါတယ်။)

Copyright © 2012 ကမ်းလက်. All rights reserved.

ရဲအရာရှိငှားရန်ရှိသည်


ပါဆင်နယ်ရဲအရာရှိ အစောင့်အရှောက် လိုအပ်ပါသလား။
ယနေ့ ရဲအရာရှိ တစ်ယောက်ကို တစ်နာရီ ပေါင် ၃၀ နဲ့ငှားရမ်းနိုင်ကြပါပြီ။

ငွေကြေးအကျပ်အတည်းနဲ့ အကြီးအကျယ်ရင်ဆိုင်နေရတဲ့
ဂရိအစိုးရက ရဲအရာရှိတွေကို နာရီနဲ့ငှားပြီး ရံပုံငွေရှာဖို့ ကြိုးစားနေပါတယ်။

ရဲကားပါလိုချင်ရင်တော့ ၁၀ ပေါင်ထပ်ပေးရပါလိမ့်မယ်။
ရလာတဲ့ငွေကို ရဲဌာနတွေအတွက်လိုအပ်တဲ့ ပစ္စည်းပစ္စယတွေအတွက် သုံးစွဲမယ်လို့ ပြည်ထဲရေးဝန်ကြီးဌာနက တနင်္ဂနွေနေ့က ဆိုပါတယ်။

ဒါပေမယ့် ရဲအရာရှိ အစောင့်အရှောက်ငှားတဲ့နေရာမှာ အကန့်အသတ်တော့ရှိပါတယ်။
အရေးကြီးတဲ့ပစ္စည်းတွေအတွက် ဒါမှမဟုတ် အနုပညာနဲ့ပတ်သက်တဲ့ တန်ဖိုးကြီးပစ္စည်းတွေ ပို့ဆောင်ပေးရတဲ့ကိစ္စမျိုးသာဖြစ်ရပါမယ်။

တစ်ချိန်ကတော့ ဒီကိစ္စမျိုးတွေအတွက် အလကားဆောင်ရွက်ပေးခဲ့ပါသတဲ့။
အခုတော့ ကင်းလှည့်ရေယာဉ်အတွက် ပေါင် ၂၀၀၊
ဟယ်လီကော်ပတာအတွက် ပေါင် ၁၅၀၀ သတ်မှတ်ထားပါတယ်။
ဒါကလည်း ပြည်ထဲရေးတာဝန်ကိုမထိခိုက်မှ ပါ လို့ ပြည်ထဲရေးဝန်ကြီးဌာနက ဖြည့်စွက်ပြောကြားခဲ့ပါတယ်။

ဂရိနိုင်ငံဟာ အကြွေးပေးရန် ပေါင် ၃၅၀ ဘီလီယံရှိပါတယ်။
ဒေဝါလီမခံရဖို့ အီးယူနဲ့ အပြည်ပြည်ဆိုင်ရာရံပုံငွေအဖွဲ့ တွေကနေ ချေးငှားထားရတာဖြစ်ပါတယ်။
ဒီကိစ္စကြောင့်ဆန္ဒပြမှုတွေများလွန်းလို့ ရဲဌာနတွေလည်း တော်တော် အလုပ်ရှုပ်နေကြရပတယ်။(ဒီကြားထဲက ငှားရတာပါ၊)

လူငါးယောက်မှာ တစ်ယောက် တော်တော်အခြေအနေဆိုးနေပါတယ်၊
ကိုယ့်ကိုယ်ကို သတ်သေမှုတွေကလည်း မနှစ်က လေးဆယ်ရာခိုင်နှုန်း
မြင့်တက်လာကြောင်း သိရပါတယ်။

(သံရုံးမြေ ပိုင်းရောင်းတာတောင် သတင်းမဟုတ်တော့သလိုလို၊ စာပြန်သူ)
AGENCE FRANCE-PRESS

ဦးကိုမောင်





















Copyright © 2011 ကမ်းလက်. All rights reserved.

အနိစ္စအိုးကွဲ

အမှန်မူ တောင်တန်းသာသနာပြုကာလသည် (၂) နှစ်မျှသာဖြစ်သည်။ သို့သော် ဒေသခံများကို စာနာမိခြင်း၊ ကိုယ့်ရည်ရွယ်ချက်လည်း အထမြောက်ပြီဟု မဆိုနိုင်ခြင်းကြောင့် အနည်းဆုံးတစ်နှစ်တော့ ထပ်နေမည်ဟု ဗော်လန်တီယာ တာဝန်ယူပြီး ငှက်ဖျားပိုး၊ ဝမ်းပျက်ဝမ်လျောပိုးတို့ ပျော်မွေ့ရာ ထိုဒေသသို့ ခရီးတစ်ခေါက်ပြန်ဆန့်ခဲ့ရတော့သည်။

နံပါတ်တစ်ပြုလုပ်ရမည့်ကိစ္စက ဟုမ္မလင်းမြို့နယ် ဥက္ကဋ္ဌ (မ.ယ.က) ၏ အထံမှ ကျောင်းဆောက်ခွင့် ပါမစ်ရရှိရေးနှင့် မြို့နယ်မှ ထိုက်သင့်သော ပံ့ပိုးကူညီမှုပေးရေးပင် ဖြစ်သည်။ မယက ဥက္ကဋ္ဌကလည်း ဘာသာရေးကိုင်းရှိုင်းသူတစ်ယောက်ဖြစ်ကြောင်း သိရသည်။ မိမိတို့ဖြစ်ပျက်ခဲ့သောကိစ္စက ဟုမ္မလင်းမြို့နယ် ထဲမှာဖြစ်သဖြင့် ဥက္ကဋ္ဌကလည်း တော်တော်အကြိမ်းအမောင်း ခံလိုက်ရရှာသည်ဟု ကြားသိရသည်၊ စိတ်မကောင်းစရာပါ။ သူလည်း ဘာမှတော့ မတတ်နိုင်ရှာပါ။

ထို့ကြောင့် ဟုမ္မလင်းကိုသွားရန် လူပုဂ္ဂိုလ်သာသနာပြုတစ်ယောက်ကို ခေါ်ရ၏။ သူ့နာမည်က ဦးအနူစီးတည်း။ စခန်းမှူး၏အကူအညီဖြင့် စက်လှေတစ်စီးကို မေတ္တာရပ်ကာ (စခန်းမှူးပါ ပါဝင်နေသဖြင့် မေတ္တာရပ်ဟူသောစကား မှန်၊ မမှန်တော့ မသိပေ၊ မေတ္တာတော့ ရပ်ခဲ့ပါ၏။) ဟုမ္မလင်းသို့လိုက်လိုကြောင်းပြောရာ လိုက်နိုင်ကြောင်း သူတို့ကပြန်ပြောကြ၏။

စက်လှေကသေးသဖြင့် မြန်လိမ့်မည်ဟုထင်ပြီး ရွေးချယ်မိကာမှ ရွေးမိသောစက်လှေက ဈေးသည်လှေဖြစ်နေသဖြင့် လုံးဝမှားယွင်းသွားကြောင်း နောက်ကျစွာ သိခဲ့ရတော့သည်။

ထိုဈေးစက်လှေများသည် ချင်းတွင်းမြစ်တစ်လျှောက် ဆန်တက်ရင်း ပစ္စည်းဝယ်လိုသော ရွာများသို့ကပ်ကာ ကုန်ပစ္စည်းများ ချပေးခဲ့ကြ၏။ ပစ္စည်းတန်ဖိုးငွေကို ခန္တီးမှ သူတို့ပြန်ဆုံဆင်းလာတော့မှသာ တောင်းကြ၏။  ဤသည်မှာ ချင်းတွင်းဝဲယာမှ လူတို့၏ ယဉ်ကျေးမှုဖြစ်သည်။

စီးလာသောစက်လှေသည် အသွားက ပစ္စည်းချပေးခဲ့သောရွာတိုင်းကို ဆိုက်ကပ်ကာ ဈေးဖိုးတောင်းလေတော့သည်။ ဆွမ်းစားအမီ ဟုမ္မလင်းရောက်ဖို့ နေနေသာသာ ဈေးဖိုးတောင်းတာနှင့်ပင် ဆွမ်းစားချိန်ရောက်လေတော့သည်။

သို့ဖြင့် ဦးအနူစီး ပြင်ဆင်ကပ်သော ဆွမ်းကို စက်လှေပေါ်မှာ စားလိုက်ရတော့သည်။ ပြီးမှ ဦးအနူစီးကို ပေးလိုက်သည်။ ခရီးစဉ်ဖင့်နှေးသည်မှတပါး ချောမွေ့သောခရီးစဉ်တစ်ခုပင် ဖြစ်လေသည်။

ဈေးဖိုးတောင်းသော စက်လှေကမူမပျက်သော်လည်း အတန်ကြာသောအခါ ဦးအနူစီး မူပျက်လေတော့သည်။ ဝမ်းတွေ စတင်လျှောတော့သည်။ တစ်နာရီခန့်ကြာသော် ဝမ်းသွားတာ ငါးကြိမ်ထက်မနည်းတော့ဟု သိရသည်။ ထိုအခါ စိုးရိမ်စပြုလာရတော့သည်။ ထိုတလောက ချင်းတွင်းဝဲယာ၌ ဝမ်းလျောရောဂါဖြင့်သေဆုံးသူ တော်တော်များများကြားရသည်။ စိုးရိမ်မယ်သာစိုးရိမ်ရသည် ကိုယ်လည်းဘာမှတော့မတတ်နိုင်။ စက်လှေသမားတွေကိုလည်း ဦးအနူစီးဝမ်းလျောနေပါသည်ဟုပြော၍မရ၊ သူတို့အပေါ် မတရားသလိုတော့ ဖြစ်သည်။ အဖြစ်မှန်ကို မပြောမိ။ ပြောမိပါကလည်း ဝမ်းလျောနေသူ တစ်ယောက်ကို လှေပေါ်ဆက်တင်ထားလောက်အောင် သူတို့သဘောမကောင်းလောက်ပေ။

ဆယ်ကြိမ်မျှ ဝမ်းသွားပြီးသောအခါ ဝမ်းလျောရုံသာမက အန်ပါ အန်လာသည်။ သိသမျှဗဟုသုတလေးအရ အခြေအနေတော်တော် ဆိုးနေပြီဆိုတာ သဘောပေါက်လိုက်ရသည်။ ထို့ကြောင့် သူ့ကို ဘာမှမပူရန် အားပေးရသည်။ ကောယားမောင်းခန်းကိုရောက်လျှင် ဤစက်လှေမဆင်းပြီး စက်လှေတစ်စင်းအပြတ်ငှားကာ ဟုမ္မလင်းကို အမြန်ရောက်အောင်သွားပြီး ဆေးကုပေးမည်ဟု ပြောရသည်။ ခပ်နဲ့နဲ့သာကျန်နေရှာသော ဦးအနူစီးက သူဘာမှမဖြစ်ကြောင်း ပြောနေဆဲသာတည်း။

မပြောသော်လည်း အတန်ကြာသောအခါ စက်လှေသမားတို့ သိသွားကြတော့သည်။ ထို့ကြောင့် သူတို့စက်လှေပေါ်မှာ ဆက်လက်မထားနိုင်တော့ကြောင်း ပွင့်ပွင့်လင်းလင်းပင် ပြောလာကြတော့သည်။ မတတ်နိုင်ပေ၊ ဤရောဂါသည် နာရီပိုင်းအတွင်း လူကိုသေစေနိုင်သော ရောဂါဖြစ်ကြောင်း သူတို့လည်း သိကြသည်။ ထို့ကြောင့် ကောယားမောင်းခန်းကို အမြန်မောင်းပေးစေလိုကြောင်း ထိုရောက်ပါက ချပေးပါဟု မေတ္တာရပ်ခံရသည်။ သူတို့လည်း သဘောတူကြပါသည်။

ကေားယားသို့ရောက်သောအခါ ဦးအနူစီးက လမ်းပင်မလျှောက်နိုင်တော့ပေ။ မကြောကတတ်သော စက်လှေသမားတစ်ယောက် အကူအညီဖြင့် သူ့ကိုတွဲချကြရသည်။ ဦးအနူစီးလည်း ကောယားသောင်ပေါ်ရောက်ရော ထိုစက်လှေသည်လည်း ဝန်ထုပ်ကြီးတစ်ခုချထားခဲ့ရသည့်အလား ပေါ့ပါးလွတ်လပ်စွာ တရှိန်ထိုး ထွက်ခွါသွားလေတော့သည်။

ထိုအခါ ကောယားခေါ်သည့် ရှမ်းရွာကြီး၏ သဲသောင်ပေါ်၌ တောင်တန်းသာသနာပြုရဟန်းတစ်ပါးနှင့် ဝမ်းလျှောရောဂါဖြင့် သတိရတချက် မရတချက် နာဂအမျိုးသားကြီး ဦးအနူစီးသာ ကျန်ခဲ့လေတော့သည်။ သူကား သဲသောင်မှာ ခွေခွေလေး လဲလျောင်းလျက်။

            ဘာဆက်လုပ်ရမလဲ။ စဉ်းစားရသည်၊ အချိန်မရှိ။

ဦးအနူစီးခေါင်းအောက်သို့ ခရီးဆောင်အိတ်ကလေး ထိုးပေးကာ မှိန်းအနေခိုင်းပြီး ကောယားရွာကြီးထဲသို့ အမြန်သုတ်ခြေတင်လိုက်သည်။ တစ်ယောက်ယောက်အကူအညီဖြင့် စက်လှေတစ်စီး ရှာပေးရန် ထိုစက်လှေဖြင့် ဟုမ္မလင်းသို့ အမြန်စုံရန်ပင်ဖြစ်သည်။ ကောယား၊ မောင်းခန်းတို့ကား ရှမ်းရွာကြီးများဖြစ်ပြီး ဘာသာရေးလည်း အလွန်ကိုင်းရှိုင်းကြသော ရှမ်းတိုင်းရင်းသားများ ဖြစ်ကြသည်။ ထို့ကြောင့် ဤကိစ္စကိုပြောသောအခါ ဒါဆို ဥက္ကဋ္ဌနှင့်ပြောမှ အဆင်ပြေမည်ဟုဆိုကာ ဥက္ကဋ္ဌအိမ်ကို လိုက်ပို့ကြ၏။ ဥက္ကဋ္ဌဆိုသူနှင့်တွေ့ပြီး ဤကိစ္စကိုပြောကာ အကူအညီတောင်းရ၏။ လူနာက ဘယ်မှာလည်းဟု မေးရာ မြစ်ဘေးကသဲသောင်ပေါ်မှာဟု ဖြေရ၏။ ထိုအခါ စက်လှေငှားဖို့နောက်ထား လူနာကို အရင်သွားကြည့်ရအောင်ဟုဆိုကာ လူတစ်ချို့နှင့်အတူ သောင်ပြင်ပေါ် ထွက်ခဲ့ကြ၏။

ထိုလူစုထဲ၌ ရှမ်းတိုင်းရင်းဆေးကို နားလည်သော ဒကာကြီးတစ်ယောက်လည်းပါသည်။ သူက ဦးအနူစီးကို စစ်ဆေးကြည့်သောအခါ မရတော့၊ လူနာက ဆုံးတော့မည်။ ထွက်သက်သာရှိပြီး ဝင်သက်မရှိတော့ဟု ဆိုလေသည်။

မိမိက လက်မခံ၊ ဘာသက်ပဲရှိရှိ ဟုမ္မလင်းကိုတော့ ရောက်မှဖြစ်မည်။ ဆေးရုံတင်မည်။ စက်လှေငှားဖို့သာ ကူညီကြပါဟု ဇွတ်အတင်းပြောမိ၏။ မှန်သည်၊ ဘာမှမလုပ်ရပဲ ရဲဘော်ရဲဘက်ကြီးတစ်ယောက် အသက်ထွက်တာကို ထိုင်ကြည့်မနေနိုင်၊ ကြိုးစားလျှက်မရသည်ကတော့ ကံပေါ့။ ဤသဘောမျိုးရှိနေခဲ့သည်။

ထိုအခါ ယင်းဒကာကြီးက “အရှင်ဘုရား၊ တပည့်တော်က စေတနာပါ။ လူနာက တပည့်တော်တို့ လှေရှာနေတုန်းမှာကိုပဲ ဆုံးနှင့်နေမှာ၊ သူ့အသက်က မိနစ်ပိုင်းလေးပဲကျန်တယ်။ ဒီမှာဆုံးရင် တပည့်တော်တို့ရွာက သုသာန်မှာ မီးသဂြိုဟ်လို့ရတယ်။ ဥက္ကဋ္ဌကြီးနဲ့ တပည့်တော်တို့ ရပ်မိ၊ရပ်ဖတွေလည်း ကူညီလို့ရတယ်။ အရှင်ဘုရားရဲ့လူနာက ဟုမ္မလင်းအထိ အသက်ခံကို မခံဘူး။ မြစ်အလယ်မှာ လူနာအသက်ထွက်ရင် အရှင်ဘုရား ဒုက္ခကောင်းကောင်း ရောက်မယ်။ ဘယ်သူမှလည်း အကူအညီပေးလို့မရဘူး။ စဉ်းစားပါဘုရား” ဟုလျှောက်ထားတော့မှ သူပြောတာက သဘာဝကျနေ၍ လက်ခံရသည်။ သို့သော် စက်လှေရရေးကိုမူ တောင်းဆိုဆဲပင်တည်း။

သူပြောတာ မှန်သည်။ နှာခေါင်းဝကို လက်ကပ်ကြည့်တော့ ထွက်လေသဲ့သဲ့သာ တိုးထွက်လာပြီး ဝင်လေက မရှိတော့ပေ။

မကြာပါ၊ ၅ မိနစ်ခန့်ကြာသောအခါ အကြောအချဉ်များ တွန့်ဆိုင်းလာပြီး ဦးအနူစီးလည်း အသက်ထွက်သွားလေတော့သည်။

အနိစ္စကား မှန်၏။ အနိစ္စတရားချဉ်းကပ်ပုံကား ရက်စက်လွန်းလှသည်။ တစ်လှေထဲစီး၊ တစ်ခရီးထဲ သွား၊ ခရီးလမ်းခုလတ်ပင် မရောက်လိုက်။ ရိုးသားသော၊ အားကိုးရသော၊ ဘုန်းဘုန်းကို ရန်ရှာချင်ရင် တပည့်တော်ကိုသတ်ပြီးမှ ရန်ရှာလို့ရမယ်ဟု အားပေးခဲ့သော နာဂအမျိုးသားကြီး ဦးအနူစီး၏ သုသာန်က ကောယားဆိုသည့် ရှမ်းရွာကြီးဘေးက ချင်းတွင်းမြစ်သဲသောင်ခုံပေါ်မှာဆိုသည်ကို မည်သူမှ ကြိုတင်မသိခဲ့ကြပေ

            မှန်သောစကားကိုဆိုရမူ ဖခင်သေဆုံးစဉ်ကပင် ကိုယ့်လက်ပေါ်မှာ မဟုတ်ခဲ့သည့်အတွက် ဒီလောက်မတုန်လှုပ်ခဲ့ရပေ။

ဦးအနူစီး၏ ရုပ်အလောင်းက ဝမ်းလျှောပြီးဆုံးတာဖြစ်သဖြင့် လူတော်တော်များများက မကိုင်လိုကြ၊ သူတို့ကိုလည်း အပြစ်တင်လို့မရ။ သို့သော် သူနှင့်သိသူဟူ၍ကလည်း တောင်တန်းသာသနာပြုရဟန်းသာ။ နောက်ပြီး နာဂအမျိုးသားပင်ဖြစ်သော်လည်း ဗုဒ္ဓဘာသာ သာသနာပြုတစ်ယောက်ဟူသော သံယောဇဉ်ကြောင့် ကူညီသူတစ်ချို့တော့ရှိခဲ့သည်။ ရွာတွင်းသို့ မဝင်တော့ပဲ သုသာန်သို့သွားကာ ချက်ချင်း မီးသဂြိုဟ်ကြသည်။

            ဦးအနူစီးဘဝက ဆုံးသွားပေပြီ။

            သို့ဖြင့် တစ်ပါးတည်း ဟုမ္မလင်းကို သွားခဲ့ရသည်။

            သူ့မိသားစုကို ဘယ်လိုရှင်းပြရမည်ပင် မစဉ်းစားတတ်။

            ထို့ကြောင့် ဟုမ္မလင်းတပ်မှနေပြီး ထမံသီတပ်သို့ သံကြိုးအရင် ပို့ထားလိုက်သည်။

ကျောင်းအတွက် အထိုက်အလျှောက် အကျိုးရှိသည်ကား မှန်ပါ၏။ သို့သော် ထိုဟုမ္မလင်းခရီးက ရဲဘော်ကြီး တစ်ယောက်ကို ချွေယူသွားခဲ့သည်။ ရင်နာရပါ၏။

ထမံသီသို့ ပြန်ရောက်သောအခါ ထိုသတင်းကို အားလုံးရထားကြပြီးဖြစ်၍ ထပ်မံရှင်းပြစရာ အထွေအထူးမလိုတော့။ သို့သော် တိတ်ဆိတ်စွာ ဝမ်းနည်းနေကြရသည်ကိုကား မည်သူမှ ဖုံးဖိဖို့မကြိုးစားကြ။ ဤရဟန်းကိုယ်တိုင်ပင် မျက်ရည်တစ်ချို့ဖြင့် စက်လှေပေါ်မှ ဆင်းခဲ့ရသည်။

ကျောင်းဖြစ်မြောက်ဖို့သွားခဲ့တဲ့ခရီးမှာ ဆုံးပါးခဲ့ရလို့ ဗိမာန်ကျယ်ကျယ်နဲ့ နတ်သားတစ်ပါးဖြစ်စေဖို့တော့ တောင့်တမိသည်။


            သူတောင့်တခဲ့တဲ့ သာသနာပြုကျောင်း…..။
            သူဖြစ်စေချင်တဲ့ ပရဟိတကျောင်း…….။
            သူမြင်ချင်တဲ့ ဒညင်းသီးခြံ……။
            ကျန်ရစ်သူတို့မှာလည်း တာဝန်ဖြင့်………….။


သီဟနာဒ












Copyright © 2011 ကမ်းလက်. All rights reserved.

D.I.Y

"အတ္တာဟိ အတ္တနော နာထော"
"မိမိကိုယ်သာ ကိုးကွယ်ရာ"
"One relies on oneself "

တော်တော်လူကြိုက်များတဲ့ဒေသနာတစ်ခုဖြစ်ပြီး 
မကြာမကြာလည်းကိုးကားတတ်ကြတယ်။

ခက်တာက အရေးအကြီးဆုံးဖြစ်တဲ့အပိုဒ်ကို ချန်ချန်ထားတတ်ကြတယ်။
"အတ္တနာဟိ သုဒန္တေန "
"မိမိကိုယ်ကို ထိမ်းသိမ်းလေ့ကျင့်ပေးခြင်းအားဖြင့် "
"By disciplining oneself "

ကိုယ့်ကိုယ်ကို မထိန်းကြောင်းရသေးလျှင် ကိုယ့်ကိုယ်ကို  မှီခိုဖို့ဆိုတာကလည်း မဖြစ်နိုင်ပါဘူး။
ဒီဝါကျကို မကိုးကားမိတော့ ဗုဒ္ဓဘာသာက လေလုံးထွားသလို ဖြစ်နေတတ်ပါတယ်။

ဒေသနာတွေကိုကြည့်ရင် မိမိကိုယ်ကို ထိန်းသိမ်းလေ့ကျင့်ပေးခြင်းဟာ အချက်အချာအကျဆုံးဆိုတာတွေ့ရပါလိမ့်မယ်။











Copyright © 2011 ကမ်းလက်. All rights reserved.

လူကမှား သတင်းစာက တောင်းပန်

မမှားသောလူဟူသည်မရှိ၊ ဒါ့ကြောင့် လူသည် တစ်ခုမဟုတ် တစ်ခု မှားတတ်ကြပါတယ်။ လူကမှားပေမယ့် တကယ်တမ်း တောင်းပန်ရတာက သတင်းစာသာ ဖြစ်တယ်လို့ အမေရိကန် စာရေးဆရာ တစ်ယောက်က ပြောဖူးပါတယ်။ သူ့နာမည်ကို မှတ်ထားပေမယ့် မေ့သွားပါပြီ။ စိတ်မကောင်းပါ၊ သတင်းစာကနေ တောင်းပန်ရပါလိမ့်မယ်။

            အမေရိကန်မှာ ဗာဂျီးနီးယားက အိမ်တစ်ခုပေါ်ကို F-18 တိုက်လေယာဉ် ပျက်ကျခဲ့တယ်။ လူကိုးယောက် ဒဏ်ရာရပေမယ့် သေပြောက်သူ မရှိဘူးလို့ ဆိုပါတယ်။ အသေအပြောက် မရှိတာကတော့ သတင်းကောင်း တစ်ခုပေါ့။ ဒါပေမယ့် အမေရိကန်သတင်းစာမှာ ဖော်ပြထားတာက ဗာဂျီးနီးယားမှာရှိတဲ့ စင်္ကာပူပိုင် F-16 တိုက်လေယာဉ်လို့ ဖော်ပြထားပါတယ်။ ဒါကို စင်္ကာပူက မဟုတ်ကြောင်း တုန့်ပြန်တော့ လူက မတောင်းပန်ဘဲ သတင်းစာကနေပဲ တောင်းပန်လိုက်ပါတယ်။

            သတင်းစာက တောင်းပန်နေတုန်းမှာပဲ ကိုလံဘီယာက (၁၀) နှစ် သမီးလေးက သမီးမိန်းကလေး မွေးဖွားကြောင်း အံ့ဩတုန်လှုပ်ဖွယ် ဖတ်လိုက်ရပြန်ပါတယ်။ ဆရာဝန်တွေ ပြောစကားအရက (၁၀) နှစ်သမီးအရွယ်ရောက်ရင် ကိုယ်ဝန်တည်နိုင်တဲ့ အနေအထား ရှိပြီလို့ ဆိုထားပါတယ်။ အရုပ်နဲ့ ကစားရမယ့် အရွယ်မှာ သမီးလေးနဲ့ ကစားလို့ ရတာပေါ့လို့ စဉ်းစားစရာပဲ ရှိပါတော့တယ်။ ဒါပေမယ့် သူတို့ Wayuu လူမျိုးစုအနေနဲ့တော့ (၁၀) နှစ်သမီးလေးမွေးတာ မထူးဆန်းပါဘူးတဲ့။ လွန်ခဲ့တဲ့ နှစ်တွေတုန်းကလည်း ဒီလိုပဲ ဖြစ်ခဲ့ဖူးတယ်တဲ့။

            ဒါ့ကြောင့် (၁၀)နှစ်တော့ ငယ်လွန်းပါရဲ့လို့ ထင်မိတာ သူတို့ယဉ်ကျေးမှုကို စော်ကားသလို ဖြစ်နေတာကို စိတ်မကောင်းပါဘူး။ သတင်းစာကနေ တောင်းပန်ရပါလိမ့်ဦးမယ်။

            (၁၀) နှစ်သမီးလေး အမေဖြစ်လို့ အံ့ဩနေရတုန်း အရပ်ရှည်သူတွေ ကင်ဆာ အဖြစ်များတယ်ဆိုတဲ့ သတင်းက ထွက်လာပြန်လေရော။ အရပ်ရှည်တာနဲ့ ကင်ဆာ ဘာဆိုင်လို့တုန်း။ ဒီကိစ္စကို ဦးဆောင်ပြီး သုတေသနပြုခဲ့တဲ့ အောက်စဖို့ဒ်တက္ကသိုလ်က ဒေါက်တာ Gome Greer က “အရပ်ရှည်တာနဲ့ ကင်ဆာနဲ့တော့ မဆိုင်ဘူးပေါ့။ ဒါပေမယ့် ကင်ဆာဖြစ်စေနိုင်တဲ့ အကြောင်းတွေနဲ့တော့ ဆက်စပ်ကောင်း ဆက်စပ်နေနိုင်တယ်” လို့ ဆိုပါတယ်။ အရပ်ပုသူများ ဝမ်းသာစေဖို့ သူတို့ပေးထားတဲ့ အချက်အလက်ဇယားလေးကို ဖော်ပြပေးပါမယ်။

1)    Shortest (Under 152. cm) - 7.5 cancers par 1,000 women.
2)    Average (160. cm) – 8.3 cancers par 1,000 women
3)    Tallest (Over 175. Cm) – 10 cancers par 1,000 women.
ဒီသတင်းကို ဖတ်မိတော့ အရပ်ရှည်ရမှာကိုပဲ ကြောက်ရတော့မလိုပါဘဲ။ ဆေးသိပ္ပံသတင်းတွေကလည်း တစ်ခါတစ်လေ အူကြောင်ကြောင် အနည်းငယ် နိုင်ပါတယ်။
            ဆီစားတာများရင် ရောဂါများတတ်တယ်။ ဒါပေမယ့် အိုလီ (သံလွင်ဆီ) ကတော့ စားသုံးဖို့ အသင့်တော်ဆုံးပါလို့ ဆိုတော့ လူတွေက သံလွင်ဆီစားရင် ဘာမှမဖြစ်ဘူးဆိုပြီး စားကြတော့ ရောဂါဖြစ်ပွားနှုန်းက အတူတူပဲ ဖြစ်သွားပြန်ပါလေရော။
            အရပ်နဲ့ကင်ဆာ တွဲစပ်ပြပြီးနောက် ဆက်ဖတ်လိုက်တော့ ပိုထူးဆန်းတဲ့သတင်း ဖတ်လိုက်ရပြန်ရော။
            အမေရိကန်အစိုးရက မစ္စတာ Derek Mitchell ကို သံအမတ်အဖြစ် ခန့်အပ်ကြောင်းသတင်း ဖတ်လိုက်ရပါတယ်။ ၁၉၉၀-ခု ကထဲက သံအမတ် ရုပ်သိမ်းခဲ့တာပါတဲ့။
            အင်း… စိုးရိမ်စရာက အမေရိကန်တွေကလည်း လူကအမှားလုပ်ပြီး သတင်းစာက တောင်းပန်တာဆိုတော့ ဒီကိစ္စကိုများ သတင်းမှားရေးမိလို့ပါဆိုပြီး သတင်းအမှားပြင်ဆင်ချက်များ ထွက်လာလေအုံးမလားလို့ စိုးရိမ်တကြီး စောင့်နေရပါတော့တယ်။



ဇင်ဝေသော်















Copyright © 2011 ကမ်းလက်. All rights reserved.