အင်္ဂလိပ်စကားပြောသူများ နှလုံးရောဂါပိုဖြစ်တယ်

ငြီးငွေ့ပင်ပန်းစရာကောင်းလှတဲ့ ကျန်းမာရေးနဲ့ပတ်သက်တဲ့ သုတေသနတွေကို အဖြေထုတ်ကြည့်လိုက်တော့ နောက်ဆုံးထွက်လာတာက

*          ဂျပန်လူမျိုးများက အဆီသိပ်မစားကြ၊ ထို့ကြောင့် နှလုံးရောဂါဖြစ်နှုန်း ကနေဒီယန်းတွေ၊ ဗြိတိရှတွေ ၊ သြစတေးလျန်းတွေ၊ အမေရိကန်တွေထက် နည်းပါးကြတယ်။


*          မက္ကဆီကန်လူမျိုးတို့ကား အဆီအဆိမ့် အလွန်စားကြ၏ ။  သို့သော် နှလုံးရောဂါဖြစ်နှုန်း ကနေဒီယန်း ၊ ဗြိတိရှ ၊ သြစတေးလျန်း ၊ အမေရိကန်တို့ထက် နည်း၏ ။


*          တရုတ်လူမျိုးများ ရက်(ဒ်)၀ိုင်ကို သိပ်မသောက်ကြ။  ထို့ကြောင့် နှလုံးရောဂါခံစားနေရသူများ ကနေဒီယန်း ၊ ဗြိတိရှ ၊ သြစတေးလျန်း ၊ အမေရိကန်တို့ထက် လျော့ပါး၏ ။


*          အီတလီလူမျိုးများ ရက်(ဒ်)၀ိုင်ကို အလွန်အကျွံ သောက်ကြ၏ ။ သို့သော် နှလုံးရောဂါဖြစ်ပွားမှု ကနေဒီယန်း ၊ ဗြိတိရှ ၊ သြစတေးလျန်း ၊ အမေရိကန်တို့လောက် မရှိ ။


*          ဂျာမန်များ ဘီယာ အလွန်အကျွံ သောက်ကြ၏ ။ နှလုံးရောဂါဖြစ်ပွားမှု ကနေဒီယန်း ၊ ဗြိတိရှ ၊ သြစတေးလျန်း ၊ အမေရိကန်တို့လောက် မမြင့်မား ။


*          ယူကရိန်းလူမျိုးများ Vodka အလွန်အကျွံ သောက်ကြ၏ ။ နှလုံးရောဂါဖြစ်ပွားမှု ကနေဒီယန်း ၊ ဗြိတိရှ ၊ သြစတေးလျန်း ၊ အမေရိကန်တို့လောက် မဖြစ်။


CONCLUSION:
Eat and drink what you like.
Speaking English is apparently what kills you.


Net Buzz
Newpapaer,  Spotted by Selvaraj K.


ဦးကိုမောင်






















Copyright © 2011 ကမ်းလက်. All rights reserved.

မန်းကိုလွမ်းလို့တမ်းတဲ့စာ (၂) ကြည့်မှန်နှင့် ဒေါသ

ငါ့ကို ဆရာတော်ကြီးတစ်ပါးက သြဝါဒပေးဖူးတယ်ကွ၊ မှန်လေးတစ်ချပ် အမြဲတမ်းဆောင်ထားရတယ်-တဲ့။ ဘာလုပ်ဖို့လဲဆိုတော့ ဒေါသဖြစ်နေပြီဆိုရင် ကုဋီထဲကို ချက်ချင်းဝင်သွားပြီး ဒေါသဖြစ်နေတဲ့ ကိုယ့်မျက်နှာကို ကိုယ်ပြန်ကြည့်ရတယ်။ တော်တော်အရုပ်ဆိုးတာပဲတဲ့။ ကိုယ့်မျက်နှာကိုတောင် မကြည့်ချင်လောက်အောင် အရုပ်ဆိုးတာ၊ သူများတွေအတွက်တော့ ပြောမနေနဲ့တော့” ဟု ဒေါသဖြစ်နေသည့်အခါ သိပ်မတွေ့ရသည့် ဆရာတော်တစ်ပါးက အမိန့်ရှိလေသည်။

       မဟာဂန္ဓာရုံဆရာတော်ကြီး၏ သံဃာကို ရုပ်သေးပွဲလို အဝေးကဖူးရတယ်ဆိုသည် သြဝါဒကား ဤဆရာသမားနှင့် သိပ်မဆိုင်တော့ပေ။ ဤဆရာကား အနီးကပ်လေ၊ ကြည်ညိုဖွယ်ကောင်းလေ ဖြစ်လေသည်။

       ဘထဲ၌ အနီးကပ်လေလေ၊ ကြည်ညိုစရာကောင်းလေလေ ဆရာတော်နှစ်ပါးနှင့် နှစ်အတော်ကြာ နေခဲ့ရဖူးလေသည်။ တစ်ပါးကား ဒေးဝန်းဆရာတော်ကြီးပင် ဖြစ်သည်။ ဝိနည်းလေးစားခြင်းက လူသိအများဆုံး၊ ရဟန်းသိအများဆုံး ဂုဏ်ပုဒ်ဖြစ်လေသည်။ ဝိနည်းကျင့်ဝတ်၌ အသေးအမွှားလေးကအစ အစွန်းအထင်းမခံပေ။ သာမဏေဘဝက ဆရာတော်၏ ဝိနည်းကြောင့် အခြာကျောင်း(ဓမ္မိက) ပေါ်သို့ သွားရောက်အိပ်စက်ရသည့်အကြိမ် အတော်ကြုံခဲ့ရဖူးသည်။

       ငါးနှစ်ကျော်ကျော်နေခဲ့သော်လည်း ဆရာတော်၏ ဝိနည်းကား ဘုရားလက်ထက်က ရဟန်းတော်တစ်ပါးနှယ် ကျင့်သုံးနေသည်ကိုသာ ဖူးတွေ့ခဲ့ရသည်။ မစိုးရိမ်ဆရာတော်ကြီး စင်ကာပူကိုကြွခိုက် “ မင်းက ဒေးဝန်းဆရာတော်ကြီးနဲ့ ဘယ်လောက်ကြာအောင် နေခဲ့ရဖူးသလဲ” ဟု မေးတော်မူ၏။

       ဆရာတော်၏အမေးက ဝိနည်းဥပနိဿယကို ရည်ရွယ်၍မေးကြောင်း ခပ်ရှက်ရှက်သဘောပေါက်ခဲ့ရသည်။

       “ သာသနာ့တက္ကသိုလ်မတက်ခင်အထိ ငါးနှစ်ကျော်ကျော်အတူနေ၊ ဝေယျာဝစ္စတချို့လုပ်ပေး၊ အထူးအားဖြင့် ဆရာတော်ကြီးကို သိထိုက်တဲ့သတင်းတစ်ချို့ သတင်းစာထဲမှဖတ်ပြရတဲ့ အလုပ်တွေလုပ်ပေးခဲ့ရပါတယ်ဘုရား” ဟု စပ်မိစပ်ရာပြောရင်း ဖြေကြားမိသည်။

       “ ဒါဆို ဆရာတော်ကြီးရဲ့ ဝိနည်းဆိုင်ရာဥပနိဿယတွေလည်း မင်းရခဲ့မှာပေါ့” ဟု မစိုးရိမ်ဆရာတော်ကြီးက ဆက်မိန့်ရာ “ မှန်ပါ” ဟုပင် မယုတ်မလွန် ဖြေခဲ့ရသည်။ ဆရာနှင့်တပည့်ကား အလှမ်းဝေးလှချည်သေးရဲ့ဟုပင် တွေးမိသေးတော့သည်။


       နောက်တစ်ပါးက ရွာမှ၊ ကျောင်းမှဆရာများနှင့် ရင်းနှီးနေရကား ငယ်ဆရာကဲ့သို့ပင် ချစ်ခင်လေးစားရသော မန္တလေးသာသနာ့တက္ကသိုလ် နာယကချုပ်ဟောင်းဆရာတော် ဦးသုစာရိန္ဒာလင်္ကာရပင် ဖြစ်သည်။

       ဤဆရာ၏ကြည်ညိုဖွယ်ကား ရိုးသားခြင်းနှင့် ဟန်ဆောင်မှုကင်းခြင်းတို့ပင် ဖြစ်သည်။ အထက်ပါ “မှန်” ကိစ္စကိုမိန့်သော ဆရာတော်ကား ပါချုပ်ဟောင်းဆရာတော်ပင်ဖြစ်သည်။

       တစ်ခါက အပြစ်တစ်ခုကိုကျူးလွန်သော ရဟန်းခြောက်ပါးကိုခေါ်၍ သြဝါဒပေး၏။ သြဝါဒထဲ၌ “မင်းတို့ နိုင်ငံခြားပို့တဲ့အထဲ မပါတော့ဘူး” ဟု ခပ်ပြုံးပြုံးကြီး မိန့်သောစကားလည်းပါဝင်လေသည်။ ရဟန်းငယ်ခြောက်ပါးက (ပြုံး၍ မသင့်တော်သဖြင့်) ခပ်တည်တည်ဖြင့်သာ “မှန်ပါဘုရား” ဟု လျှောက်ကြရလေသည်။ ရဟန်းငါးပါးပြန်ကြွသွားမှ “မင်းတို့က တော်တော်ဆိုးတဲ့  ကောင်တွေ” ဟု သီဟနာဒကို တစ်ပါးတည်းဆက်မိန့်သည်။ သို့သော် ထိုဆရာကား ဒေါသဖြစ်နေသည့်အခါကို သိပ်မတွေ့ရပေ။

       “ နိုင်ငံခြားပို့တဲ့အထဲ မပါတော့ဘူး” ဆိုသည် သြဝါဒကို ရွဲ့လိုက်သလိုတော့ ဖြစ်ကောင်းဖြစ်နိုင်သည်။ သို့သော် ထိုဆရာမျိုးကို မရွဲ့ရဲပါ။ သုံးလေးနှစ်ကြာမှပြန်ဖြစ်ပြီး အလှူလုပ်သည်ပွဲမှာတော့ ဆရာသမားများနှင့်အတူ ပျော်ပျော်ပါးပါး ရွာကိုသွားချင်သည်။ ရွာဟူသည် မန္တလေးမှပင် ကားတတန်၊ လှည်းတတန် ဖုံတစ်ထောင်းထောင်းထနေသော ခရီးတည်း။

       သီတင်းသုံးဖော်ရဟန်းများကပင် ရွာကို “ အနာဂါမ်” ရွာဟု ဆိုကြသည်။ အနာဂါမ်ဟူသည် နောက်တစ်ကြိမ်မရှိတော့၊ ထပ်မလာတော့ဆိုသော အဓိပ္ပါယ်ပင်ဖြစ်သည်။ မှန်၏။ ရွာကိုရောက်ဖူးသောရဟန်းများက ထပ်ခေါ်၍မရတော့၊ မရောက်ဖူးသေးသောသူများကိုသာ အချိုသပ်၍ ခေါ်ရသည်။

       ထိုဆရာက အနာဂါမ်ရွာကို ကြွဖို့လက်ခံသည်။

       စင်္ကာပူမှအဖွဲ့နှင့်အတူ ဘတ်(စ်) ကားနှစ်စီးဖြင့် ရွာကို သွားကြ၏။ ပျော်ပျော်ပါးပါး အလှူလုပ်ကြ၏။ အားလုံးပမ်းသော်လည်း ပျော်ရွှင်နေကြရ၏။

       ပြဿနာကား အပြန်ခရီးမှာဖြစ်၏။ ဘတ်(စ်) ကားကြီးများ ဝင်မရသောလမ်းကို ဒိုင်နာများဖြင့် (စလုံးတွေက လော်ရီလို့ခေါ်ကြတယ်) ခရီးဆက်ခဲ့ရ၏။ ဆရာတော်များကို ခေါင်းခန်းမှာ သီတင်းသုံးဖို့ စီစဉ်လို့ရ၏။

       ဥက္ကဋ္ဌက နေပူပူ၊ ဖုန်တစ်ထောင်းထောင်းထဲ၌ ရှိသမျှကလေးများကို နို့အေးချောင်းဝေကျွေးရင်း ဘာဖြစ်သည်မသိ မေ့မျောသွားသလို ဖြစ်တော့သည်။ ခရီးဒဏ်၊ ရောဂါအခြေခံ၊ အသက်ရှူမဝ အားလုံးစုံသွားပုံရပါသည်။ မလှုပ်နိုင်တော့ပေ။ ထို့ကြောင့် ဒိုင်နာတစ်စီး၏ ခေါင်းခန်းကို သူ့ပေးလိုက်ရတော့သည်။

       ထိုအခါ ပင့်လာခဲ့သော ကသာမြောက်ကျောင်းဆရာတော် ဦအဂ္ဂ၊ ဒေးဝန်းကျောင်းဆရာတော် ဦးသုမန(ဆရာကြီး) နှင့် ဘုန်းကြီး ဦးသုစာရိန္ဒာလင်္ကာရတို့အထဲမှ တစ်ပါးပါး အနစ်နာခံရပေတော့မည်။ အနစ်နာခံဟူသည် တောလမ်းတစ်လျှောက်လုံး (မုံရွာ၊ မန္တလေးကားလမ်း မရောက်မီ) မော်တော်ဆိုင်ကယ်ဖြင့် ကြွရခြင်းပင်တည်း။

       ဘာမှ မလျှောက်ရသေးပဲ ဗော်လန်တီယာတာဝန်ယူပြီး မော်တော်ဆိုင်ကယ်ဖြင့်ကြွရန် စာရင်းပေးသူကား ယင်းဆရာ မန္တလေးတက္ကသိုလ် ပါမောက္ခချုပ်ဟောင်းဆရာတော် ဦးသုစာရိန္ဒာလင်္ကာရပင် ဖြစ်ပေတော့သည်။ ဤဆရာကို မန္တလေးတက္ကသိုလ်ထွက် ရဟန်းများ မေ့မရကြသည်က ဤသို့သောကိစ္စများကြောင့်ပင် ဖြစ်ပေလိမ့်မည်။ သိပ်တော့ သဟဇာတမဖြစ်၊ ပါချုပ်ဟောင်းနှင့် မော်တော်ဆိုင်ကယ်။ ဂရုစိုက်မောင်းရန်သာ ရွာသားကို မှာရတော့၏။

       ရွာသားကို မှာနေစဉ် ထိုဆရာက အတိတ်ကိုဆွ၏။ ဒီရဟန်းငယ် ဒေါသကြီးသည်ဟု သိထားသောကြောင့်လားတော့ မသိ။

       “ မင်း ငါပြောတဲ့ မှန်ကိစ္စကို လုပ်ဖြစ်သလား၊ အကျိုးရှိတယ်နော်”
       “ ဘုန်းကြီးဘုရား၊ စင်္ကာပူမှာက ကုဋီထဲမှာကိုပဲ မှန်တွေရှိပါတယ်။ ဆောင်စရာ မလိုပါဘူး။ မှန်ကလည်း အကြီးကြီးပါ၊ ဒေါသဖြစ်နေတဲ့မျက်နှာကို ကြည့်ချင်ရင် အချိန်မရွေး ကြည့်လို့ရပါတယ်”

       “ ဒါဆို မင်း မှန်နဲ့ ဒေါသလျှော့လို့ ရပြီလား”
       “ မှန်တွေက ကြီးနေလို့လားတော့ မသိဘူး၊ တပည့်တော်ဒေါသက အရင်ကထက်တောင် ပိုကြီိးလာပါတယ်ဘုရား” ဟု စိတ်ထဲမှ လျှောက်မိသည်။

       အပြင်မှာမူ-
       “ အလုပ်ဖြစ်ပါတယ်ဘုရား၊ ကြိုးစားနေပါတယ်” ဟုသာ။


       ထိုဆရာကား မော်တော်ဆိုင်ကယ်ဖြင့် မန္တလေးကို ပြန်ကြွသွားလေတော့သည်။ ဖုန်များထနေသဖြင့် သိပ်မဝေးမီ ဆရာသမား၏ မော်တော်ဆိုင်ကယ်လေးလည်း ဝေဝါးသွားလေတော့၏။

       ပြဿနာကား ဆရာတော်ကြည့်သောမှန်နှင့် မိမိကြည့်သောမှန်တို့ အမျိုးအစားမတူသဖြင့် ဒေါသလည်း…………….။

(ဘုန်းကြီး ဦးအဂ္ဂ၊ ဆရာသမား ဦးသုမနနှင့် ပါချုပ်ဆရာတော်တို့ကို ဦးညွှတ်လိုက်ပါ၏။)

သီဟနာဒ
( ၁၉-၃-၂၀၁၂







Copyright © 2012 ကမ်းလက်. All rights reserved.

နားဝင်တော့ချိုပါရဲ့...သို့သော်

ဟိုအရင်က မြန်မာပြည်မှာ ကိုယ်ထူကိုယ်ထလမ်းတွေဖောက်ကြတယ်၊ နောက်ပိုင်းမှာတော့ကိုယ်ထူကိုယ်ထလမ်းတွေမဖောက်ရတော့ဘူး၊
ကိုယ့်အားကို ကိုးလမ်းတွေပဲ ဖောက်ရတော့တယ်။

မြန်မာပြည်က နာမည်ကြီးအဖွဲ့တစ်ဖွဲ့ကိုပေးထားတဲ့ နာမည်လေးကလည်း ပြည်ထောင်စု ကြံ့ခိုင်ရေးနဲ့ ဖွံ့ဖြိူးရေးအသင်းတဲ့။
သေသေချာချာမသိပေမဲ့ (ဘယ်သူတွေနဲ့ဖွဲ့စည်းထာတယ်ဆိုတာကို)ဆရာဝန်တွေ၊ နာစ်တွေ၊ ကလေးမိခင်တွေ၊ အားကစား
ကိုယ်ကာယပညာရှင်တွေနဲ့ ဖွဲ့စည်းထားတာဖြစ်မယ်လို့တော့ နာမည်လေးကြည့် ပြီးခန့်မှန်းရင် မှန်လိမ့်မယ်ထင်ပါတယ်။

အစိုးရအမည်တွေမှရယ်လို့တော့မဟုတ်ပါဘူး။ ဟိုတုန်းကသုဘရာဇာတွေ မရှိတော့ဘူး၊
ကိုကျော်သူတို့ နာရေးအသင်ကနေရာယူလိုက်လို့။

နာမည်လှလှလေးတွေကိုသဘောကျတာ မြန်မာတွေရယ်မှ မဟုတ်ပါဘူး။
အင်္ဂလိပ်တွေ လေဘာလုပ်နေတုန်း စင်ကာပူက မဲန်း ပါဝါ လုပ်လိုက်တယ်။
ဒါပေမယ့် မဲန်းပါဝါအောက်မှာက အလုပ်ပို ပင်ပန်းသတဲ့။

ဒါလေးတွေကိုစဉ်းစားမိရင်း တိုင်းမ် မဂ္ဂဇင်းထဲက စာရေးဆရာ Otto Friendrich ရဲ့"Of Words that Ravange, Pillage, Spoil" ကို
ဖတ်မိတော့ သဘောကျမိလို့ တစ်ချို့ဆွဲထုတ်လိုက်ပါတယ်။ တစ်ချို့က အင်္ဂလိပ်လိုမှ ပိုထိမိတာရယ်၊
သိပ်လည်းမခက်လှတာရယ်ကြောင့် မူရင်းအတိုင်းပဲထားပါတယ်။




Pennsylvania မှာကြက်ငှက်ရောဂါတွေဖြစ်တော့ ဖက်ဒရယ်အစိုးရက"Depopulation"ဆိုတ့စကားလုံးကိုသုံးခဲ့တယ်။
ဒါကိုသုံးရကြောင်းဖက်ဒရယ်အစိုးရရဲ့ သတင်းနဲ့ပြန်ကြားရေးအရာရှိ David Godman က
"We used the terrible word depopulation to avoid saying slaughter." လို့ရှင်းပြတယ်။

တကယ်တော့ "Depopulation"ဆိုတ့စကားက Terrible မဟုတ်ပါဘူး၊ လက်တင် populare ကလာတာမို့ ထူးခြားတဲ့စကားပါ။
အဓိပ္ပါယ်က “to lay waste, ravage, pillage, spoil" ပါ။

Shakespeare က “Where is this viper/That depopulate cities?" လို့သုံးပြီး
John Milton က "depopulating all places in their way" လို့ စစ်တပ်အင်အားကိုရည်ညွှန်းသုးစွဲခဲ့ပါတယ်။
စကားလုံးတွေရဲ့ မူရင်းအဓိပ္ပါယ်တစ်ချို့ပျောက်နေပါပြီ။
Webster အဘိဓာန်မှာဆို "to reduce greatly the population of"လို့ တစ်မျိုးပဲဖော်ပြတော့တယ်။

နောက်ပြီး သေဒဏ်စီရင်ခြင်းဆိုတာကို ဘယ်အစိုးရကမှမသုံးစွဲလိုပါဘူး။
ဂျာမနီက နာဇီတွေတောင် ဒီစကားလုးံကို ရအောင်ရှောင်ကြတယ်။ ထောင်သားတွေ ကွန်စန်ထရေရှင်းကမ့်ပ် ပို့ရာမှာ
စာရွက်ပေါ်အမှာ ရေးထားက"return unwanted"လို့ အဓိပ္ပါယ်ရတဲ့ဂျာမန်စကားပါ။ အဓိပ္ပါယ်က "death"ပါဘဲ။
ဒီတာဝန်ကိုတော့"special treatment"တဲ့။ အဓိပ္ပါယ်က "death"ပါဘဲ။ သေဒဏ်စီရင်ခြင်းကိုတော့"the final solution"တဲ့။
အဓိပ္ပါယ်လား၊ "death"ပါဘဲ။

စကားလုံးလှလှ နာဇီတွေဘယ်လိုပဲသုံးသုံးသူတို့လုပ်ရပ်တွေကို ဖုံးလို့မရမှန်း လူတိုင်းတော့သိတာပါဘဲ။
ဒါပေမယ့် ဒါဟာအကောင်းဆုံးဆက်သွယ်ရေးစကားဆိုတာ အစိုးရတိုင်းလက်ခံခဲ့ကြရတယ်။

စစ်ပွဲတွေနဲ့ပတ်သက်လို့ "Pacification" ဆိုတဲ့ဝေါဟာရ ရေပန်စားလာခဲ့တယ်။
("War is peace” as the Minister of truth says in 1984.) သူတို့မှမဟုတ်ပါဘူး၊
ရိုမန်တွေကလည်း"Where they make desert, they call it peace" တဲ့။

ဗီယက်နမ်စစ်ပွဲမှာလည်း စကားလုံးအသစ်တွေအများကြီးရခဲ့ပြန်ပါတယ်။
"........soldiers "wasted" the enemy; some "fragged" their officers, bombers provided "close air support"

တရုတ်ပညာရှင် ကွန်ဖြူးရှပ်က အစိုးရကောင်းရဲ့ အဓိကရေသောက်မြစ်က"precise definition"တဲ့။
ဒါဆို ဘယ်လောက် precise ကို precise လို့ခေါ်ရပါ့မလဲ၊
နိုင်ငံတစ်နိုင်ငံရဲ့ ဖရီးဒမ်းဖိုက်တာက အခြားနိုင်ငံရဲ့ အကြမ်းဖက်သမားဆိုတော့လေ။

ရော်နယ် ရီဂင်ဟာ မကောင်းတဲ့လုပ်ရပ်ကို စကား လှလှသုံးတဲ့နေရာမှာ အလွန်တော်ပါတယ်။ ဂျင်မီ ကာတာက အီရန်ကိုဝင်တိုက်တဲ့
ဟယ်လီကော်ပတာ အထမမြောက်ခဲ့တာကို "an incomplete success." လုိ့သုံးခဲ့လေရဲ့။ ရီဂင် "Peace keeper "လို့မသုံးခင်အထိ
ဒုန်းပျံနဲတိုက်တာကို MX (missile experiment) လို့ လူတွေသိထားခဲ့ကြတာပါ။

Grenada ကျူးကျော်စစ်ပွဲပြီးသည်အထိ သူကိုယ်တိုင် "invasion "လို့သုံးခဲ့တာပါ။ သတင်ထောက်တွေကမေးတော့မှ
"your frequent use of word invasion. This was a rescue mission" လို့လှလှပပပြင်သုံးပြလိုက်တယ်။

Grenada စစ်ပွဲဟာစကားလုံးအသစ်အဆန်းတွေအများကြီးမွေးထုတ်ပေးခဲ့ပါတယ်။ Wesley L.McDonald က လေတပ်ကလေယဉ်တွေ
သက်ဆင်းလာထဲ့အခါရေတပ်က ကျွန်းပေါ်မှာ ဘာတွေဖြစ်နေတယ်ဆိုတာမသိခဲ့ဘူး၊ ဒါကိုဝန်ခံဖို့ ဝန်လေးတော့ အံဩတကြီးနဲ့ဒီလိုပြောတယ်။
"We were not micromanaging Grenada intelligencewise until about that time frame."

အစိုးရက စစ်တပ်နဲ့ဆိုင်တဲ့ဝေါဟာရတွေကိုသာ ဝင်ပြီးအဆန်းထွင်တာတော့မဟုတ်ပါဘူး။
စီးပွားရေးကိစ္စမှာလည်း ဒါမျိုးလေးတွေ ထွင်တတ်ပြန်ပါတယ်။

ရီဂင်ပါဘဲ၊အခွန်တွေလျှော့ကောက်မယ်လို့ သူကိုယ်တိုင် ကြေငြာခဲ့ပြီး အခွန်တိုးကောက်တော့မယ်လည်းဆိုရော "အခွန်တိုးကောက်တယ်လို့မပြောပဲ
revenue enhancements."တဲ့၊ မလှဘူးလား။ ဒီစကားလုံးကို ရွေးပေးတာက Lawrence Kudlow ဆိုတဲ့ ဘတ်ဂျက် မန်းနေဂျမင့်က လူလေ။




ဒီအယူအဆက ပြန့်သွားတယ်ထင်ပါရဲ့။
ဆင်းရဲသားတွေကို (the poor)ခေါ်ဝေါ်တဲ့စကားပြောင်းသွားတယ်၊ "disadvantaged" တဲ့။

ပြီးတော့ ဆင်းရဲတဲ့နိုင်ငံတွေကို အစကတော့ "undeveloped nations."တဲ့၊
နောက်တော့ "developing nations." တဲ့၊ နောက်ဆုံးမတော့ "emerging nations" ပါတဲ့။

ဘာတွေဘဲပြောပြော နောက်ဆုံးမှာတော့ "nothing is certain except death and tax."ပါပဲ။
အဲ..မှားလို့ "Depopulation နဲ့ revenue enhancement." ပါတဲ့။




ဇင်ဝေသော်














Copyright © 2011 ကမ်းလက်. All rights reserved.

မစ္စတာဒါဝင်ကိုပြောပြချင်သည့် အဂ္ဂညသုတ် စသည်

       ဟဲလို မစ္စတာဒါဝင်ခင်ဗျား။
       ခင်ဗျားရဲ့ ကလေးဘဝက စိတ်ဝင်စားစရာမကောင်းလှပေမယ့် ခင်ဗျားရဲ့ အီဗော်လူရှင်းသီအိုရီကတော့ မျက်ပြူးဆန်ပြာအနိုင်သားလားဗျ။ ထူထည်းထည်းကျမ်းစာတွေကို ပျက်ရယ်ပြုတာတော့ မဟုတ်ခဲ့ပါဘူးနော်။ ကျွန်တော် လူကြီးမင်းနဲ့ နာရီဝက်လောက် စကားပြောချင်လို့ပါ။

       တစ်ခုတော့ရှိတယ်ဗျ၊ ကျွန်တော်တို့လိုနေတာက အီဗော်လူးရှင်းလား၊ ရီဗော်လူးရှင်းလား တိတိကျကျမသိဘူး။ ဒါပေမယ့် ကျွန်တော်ဆွေးနွေးချင်တာကတော့ လူကြီးမင်းရဲ့ အီဗော်လူးရှင်းအကြောင်းပါ။

       သတ္တဝါဟာ Survival ဖြစ်ဖို့ adaptable ဖြစ်ရမယ်လို့ လူကြီးမင်း ယူဆခဲ့တာမဟုတ်လား။ မှန်တာပေါ့ဗျာ။ အဒက်(ပ်-တ်) မလုပ်နိုင်တဲ့ ဒိုင်နိုဆောတို့တော့ မျိုးတုန်းခဲ့ရပြီပဲလေ။ လူကတော့ adaptable လုပ်တဲ့နေရာမှာ အတော်ဆုံးလို့ လူကြီးမင်းယူဆခဲ့တယ်မဟုတ်လား။ ဒါပေမယ့် လူထက်စွမ်းတဲ့ သတ္တဝါပေါ်လာပြီ။ အဲဒါ H.I.V ဗိုင်းရပ်စ်ပိုးမွှားပဲဗျ။ ပွက်ပွက်ဆူနေတဲ့ ရေနွေးထဲထည့်ပြုတ်တာတောင် ဒီဗိုင်းရပ်စ်က မသေဘူးဆိုပဲ။ လူကို အဲဒီရေနွေးထဲ ထည့်ပြုတ်လိုက်ရရင် ဘယ်လိုနေမလဲမသိဘူးနော်။ ဗိုင်းရပ်စ်ဟာ သေးမွှားသလောက် လူ့လောကကို ခြိမ်းခြောက်နေတော့တာပဲ။ ဒီလိုနဲ့ ကျွန်တော်တို့လည်း တစ်ခါသုံးဆေးထိုးအပ်တွေ သုံးကြရတော့တာပေါ့ဗျာ။

       ဒါပေမယ့် မစ္စတာ ချား(လ်-စ်)။
       ဗုဒ္ဓဘာသာကတော့ သတ္တဝါတိုင်းဟာ adaptable ဖြစ်တယ်လို့ ဆိုသဗျ။ ဥပမာ ငရဲပြည်ဗျာ။ ဒီလောက်ပူတဲ့ အပူထဲမှာ ဒီသတ္တဝါမသေပဲ ရှင်သန်နေနိုင်တာ အံ့သြစရာမကောင်းဘူးလား။ အကုသိုလ်ကံကြောင့် ဒီသတ္တဝါဟာမသေပဲ ဒီအပူကို ကျကျနနကြီး ခံစားနေရရှာတာလေ။

       နောက်ပြီး လောကန္တရိတ်ငရဲလို့ခေါ်တဲ့ အအေးငရဲ။ လောကန္တရိတ်ငရဲမှာလည်း ဘယ်လောက်ပဲအေးအေး သတ္တဝါက မသေဘူးလို့ဆိုတယ်ဗျ။ ဒါကလည်း အကုသိုလ်ကံကြောင့်ပဲပေါ့။ ကျွန်တော်ထင်တယ်၊ ဂလိုဘယ်ဟာ ဘယ်လိုပဲ ဝမ်း- ဝမ်း၊ လူသားကတော့ အဒက်(ပ်-တ်) လုပ်သွားလိမ့်မယ်။ H.I.V ဗိုင်းရပ်စ်လေးတွေကလွဲရင် လူသားလည်း စွမ်းတာပဲမဟုတ်လား။

       ဦးဒါဝင်။
       လူဆိုတာ မျောက်ကဆင်းသက်တာလို့ ခင်ဗျားပဲပြောခဲ့တာ မဟုတ်လား။ ခင်ဗျားက ရုပ်ဆင့်ကဲဖြစ်စဉ်ကို အဓိကထားတော့ ရုပ်ပြောင်းလဲမှုကို ဦးစားပေးပြောခဲ့တာပေါ့။ ဒါပေမယ့် စိတ်ကိုပိုပြီး အာရုံစိုက်တဲ့ ကျွန်တော်တို့ ဗုဒ္ဓမိန့်တာလေးကိုလည်း နည်းနည်းလက်တို့ချင်တယ်။

       ကျွန်တော်တို့ ဗုဒ္ဓက “လူ့စိတ်ဟာ မထိန်းသိမ်းရသေးရင် မျောက်စိတ်ပဲ” တဲ့ဗျာ။ လူကြီးမင်းနဲ့ မဆင်ဘူးလား။ လူကြီးမင်းက အပြင်ပုံသဏ္ဍာန်ကိုပြောပြီး ဗုဒ္ဓက အဇ္ဈတ္တကို သဗ္ဗညု မိုက်ကရိုစကုပ်နဲ့ကြည့်ပြီးပြောခဲ့တာလေ။ စိတ်မပျက်ပါနဲ့ဗျာ။ လူကြီးမင်းရဲ့ အီဗော်လူးရှင်းဝါဒကို ဗုဒ္ဓဘာသာက သိုသိုသိပ်သိပ် လက်ခုပ်တီးနေပါတယ်။

       နောက်ပြီးရှိသေးတယ် မစ္စတာဒါဝင်။
       လူ့ပြည်ကိုဆင်းပြီး ဘုရားဖြစ်ဖို့ နတ်ဗြဟ္မာတွေတောင်းပန်တော့ ဘုရားအလောင်းနတ်သားက တုသိတာကနေ ကြည့်ခြင်းကြီးငါးပါး- အဲလေ ခင်ဗျားသိတဲ့ ဘာသာစကားနဲ့ဆိုရင် Five Observations လုပ်ခဲ့တယ်လို့ဆိုတယ်ဗျ။ အဲဒီငါးပါးထဲမှာ နံပါတ်တစ်က ကာလဆိုတဲ့ အချိန်(သို့) proper ဖြစ်တဲ့ Time (or) occasion ကို ကြည့်တာလေဗျာ။

       လူဆိုတဲ့သတ္တဝါဟာ ကမ္ဘာဦးကတည်းက အသိဥာဏ်မြင့်မားခဲ့တယ်ဆိုရင် ဒါတွေ ကြည့်နေစရာမလိုတော့ဘူးပေါ့ဗျာ။ ကြိုက်တဲ့အချိန် ဘုရားကောက်ပွင့်လို့ရတာပဲ။ ဒီလိုမဟုတ်ဘူးလေ၊ ဘုရားပွင့်တယ်ဆိုတာ တရားဟောဖို့ကိုး။ တရားဟောဖို့ ပရိသတ်လိုတယ်။ဒီပရိသတ်ကလည်း ဘုရားဟောမယ့်တရားကို နားလည်နိုင်လောက်မယ့် အသိဥာဏ်ဖွံ့ဖြိုးမှု ရှိမှကိုးဗျ။ ဒါက ကျွန်တော်မှတ်သားရဖူးတဲ့ ဆရာကြီး ဦးဋ္ဌေးအောင်ရဲ့ လက်ချာပါ။ ကာလ ဆိုတာကိုကြည့်ရင် လူသားရဲ့အသိဥာဏ် ဖွံ့ဖြိုးလာမှုမှာလည်း ပြောင်းလဲဖြစ်စဉ်ရှိတာပါပဲ။ ဒါကြောင့် ပြောတာပါ၊ စိတ်မပျက်ပါနဲ့လို့။

       ခင်ဗျားတို့အနောက်ကလာတဲ့ အသံကို ဘာသာမပြန်ပဲ ကမ်းလိုက်ချင်ပါသေးတယ် မစ္စတာ ဒါဝင်။
       “ To the theistic religions which teach that humans are a special Creation of God, the idea that humans could have evolved from lower animals is deeply offensive. Buddhists have always believed that animals are worthy of love and respect, that humans can even sometimes be reborn as animals or animals as humans and therefore they are quite comfortable with the concept of evolution.” ( Pg 88, A Guide To Buddhism A to Z)

       ဒါ့ကြောင့်ပြောတာပါ၊ ဒီအီဗော်လူးရှင်းသီအိုရီက ကျွန်တော်တို့ဗုဒ္ဓဘာသာအတွက် သိပ်ထူးဆန်းလှတာတော့ မဟုတ်လှပါဘူး။ အဓိက ကျွန်တော်ပြောချင်တာက မြတ်စွာဘုရားရှင်ရဲ့ အဂ္ဂညသုတ်အကြောင်းပါ။

       ဒီဃနိကာယ်၊ အဂ္ဂညသုတ်မှာ မိန့်တာက- အစကနဦးမှာ ဒီကမ္ဘာကြီးဟာ ရေနဲ့ဖုံးလွှမ်းနေပါသတဲ့။ အဲဒီနောက် ရေမျက်နှာပြင်ပေါ်ရှိတဲ့ ရေညှိရေမှော်တွေကနေ သက်ရှိသတ္တဝါလို့ယူဆရတဲ့ သတ္တဝါလေးတွေ စတင်ရှင်သန်လာခဲ့တယ်။ အဲဒီနောက် သတ္တဝါတွေရဲ့ပုံစံတွေ တစ်ဆင့်ချင်းပြောင်းလဲတည်ရှိလာတယ်လို့ ဆိုပါတယ်။ သတ္တဝါရယ်လို့ တိတိကျကျပြောလို့ရလောက်အောင် ဘယ်လောက်အချိန်ကြာသလဲဆိုတာ ပြောလို့ကိုမရဘူး။ ဘုရားရှင်ကလည်း ကာလအပိုင်းအခြားကို ဟောပြတော်မမူခဲ့ဘူး။ လူကြီးမင်းတို့ပြောသလို နှစ်သန်းပေါင်းများစွာကြာတယ်ဆိုလည်း ဗုဒ္ဓဘာသာကတော့ ဘာမှဝင်ပြီး ကဏ္ဍကောဇလုပ်နေမှာ မဟုတ်ပါဘူး။ လက်ခံပါတယ်။

       အဲ မစ္စတာဒါဝင် စိတ်ဝင်စားမယ်ဆိုရင် အဲဒီ အဂ္ဂညသုတ်(On knowledge of Beginnings)ကို ပါဠိတက်(စ်) ဆိုဆိုက်ရတီးက ဘာသာပြန်ထားတာရှိပါတယ်။ ဖတ်ကြည့်နိုင်ပါတယ်။ ဒီဃနိကယ်၊ ပါထိကဝဂ်၊ စတုတ္ထမြောက် သုတ္တန်ပါ။
       အဲဒီသုတ်ရဲ့ အကျဉ်းချုပ်ကတော့-

       “Agganna Sutta: On Knowledge of Beginnings. A somewhat similar fable, this time addressed to the Brahmins whose pretentions the Buddha refutes. There is no different between Brahmins and others if they behave badly. A somewhat fanciful account of the origin of castes is given.

       ဒါပါပဲဗျာ။
       လူဟာ မျောက်ကဆင်းသက်လာတာပဲပြောပြော၊ ဆိတ်ကဆင်းသက်လာတာပဲဆိုဆို ဗုဒ္ဓဘာသာကတော့ မျောက်စိတ်နဲ့ လူဖြစ်မနေဖို့ပဲ အရေးကြီးကြောင်း မှာတမ်းထားခဲ့လေရဲ့။
       ကျေးဇူးတင်ပါတယ် မစ္စတာ ချားစ် ဒါဝင်။ နားပါရစေတော့၊ မျောက်စိတ်နဲ့ လူမဖြစ်ဖို့ လုပ်စရာတွေကျန်နေသေးလို့ပါဗျာ။






ဗလဝ မေတ္တာ စိတ္တေန။
မေတ္တာများစွာဖြင့်-
ဇင်ဝေသော်
(28- Jan- 2012)










Copyright © 2012 ကမ်းလက်. All rights reserved.

It is Kamma that differentiates beings( Kammam satte vibhajjhati)


 "Neither of his parents could read or write.He grew up in a small and ignorant village."
Of Shakespeare,Col.Ingersol writes.

"Human inequality springs from two sources,nature and nurture."
J.B.S. Haldane.The inequality of Mankind" p.23.


According to Buddhism this inequality is due not only to heredity,environment,nature and nurture, but also to the operation of the law of Kamma or ,in another words,to the result of our own inherited past actions and our present doing.

Perplexed by the seemingly inexplicable,a young truth-seeker named subha approached the Buddha and questioned him regarding it.
The Buddha's reply was
"All living beings have actions as their own,their inheritance,their congenital cause,their kinsman,their refuge.It is Kamma that differentiates beings into low and high state.

The problems posed by Subha
1) Short-lived and Long-lived
2) The diseased and the healthy
3)   The ugly and the beautiful
4) The powerless and powerful
5) The poor and the rich
6) The low-born and the high-born
7) The ignorant and the wise

1) "If a person destroy life,is a hunter.....as a result of his killing when born amongst mankind,will be shorted-lived."    
"If a person avoids killing.......as a result of his non-killing when born amongst mankind,will be long-lived.

2) "Harming.As a result of harmfulness,........he will suffer from various diseases."
    "Not harming.................will enjoy good health."

3) "Is wrathful,turbulent,irritated......as a result of irritability,.......will become ugly."
    "Is not wrathful..............................as a result of amiability,.......will be beauty."

4) "Is jealous,envies,stores jealousy in his heart.As a result of his jealousy,............,will be powerless."
    "Is not jealous,does not envy,.........................as a result of his  absence of jealousy,.......,will be powerful.

5) "Does not give any anything for charity,as a result of his greediness,....will be poor."
    "Is bent on charitable giving,as a result of his generosity,.....,will be rich."

6) "Is stubborn,haughty,honors not those who are worthy of honor, as a result of his arrogance and irreverence,.....,will be of low-birth.
    "Is not stubborn...................................will be of high-birth.

7) "Does not approach the learned and the virtuous and inquire what is good and what is evil,what is right and what is wrong,what should be practiced and what should      not     be practiced, what should be done and what should not be done, what conduces to one's welfare and what to one's ruin,....as a result of his non-inquiring spirit,...will be ignorant.
   "Does approach the learned..........will be intelligent."
(Cullakammavibhanga Sutta)
It is obvious that kammic tendencies could not only influence our physical organism,but also nullify the potentiality of the parental cells and genes-hence the significant of the Buddha's enigmatic statement "We are the heirs of our own actions."

Depending on this difference in Kamma, appears the difference in the birth of beings,high and low,base and exalted,happy and miserable.
Depending on this difference in Kamma, appears the difference in the individual features of beings, as beautiful and ugly,high-born and low-born,well-built and deformed.
Depending on this difference in Kamma, appears the difference in the worldly condition of beings,as gain and loss,fame and disgrace,blame and praise,happiness and misery.
(Atthasalini)
From a Buddhist standpoint,our present mental,moral,intellectual,and temperamental differences are preponderantly due to our own actions and tendencies,both past and present.

Further more info.
Kamma is the law of moral causation.Rebirth is its corollary.Both Kamma and rebirth are interrelated.
What is the cause of the inequality of mankind?
How do we account for the unevenness in this ill-balanced world?
Either there is a definite cause for this inequality or there is not.If there is not,the inequality is purely accidental.

The majority of mankind attribute this inequality to a single cause such as the will of a Creator
Now,how do modern scientists account for the inequality of mankind?
Confining themselves purely to sense-data,they attribute this inequality to chemico-physical causes,heredity,and environment.

-chemico-physical  phenomena are vital but Why should identical twins who are physically alike,inheriting like genes,enjoying the same privileges of upbringing, be temperamentally, intellectually and morally different?

-Heredity.Heredity alone cannot account for these vast differences.Strictly speaking,it accounts more plausibly for some of the similarities than for most of the differences.

-The theory of heredity cannot satisfactorily account for the birth of a criminal in a long line of honorable ancestors,for the birth of a Saint in a family of evil of genius and great spiritual teachers.

Ref:The Buddha and His teaching. Naradathera.P.333-343



                                                                                                                                                   U Cittara










Copyright © 2012 ကမ်းလက်. All rights reserved.

ဆင်ခြေ

(၁)
အမှန်တရားသည်
ရထားဆိုက်ချိန် နောက်ကျခဲ့၏။

( ၂ )
တကယ်တော့
ဘယ်သူမှ နောက်မကျပါဘူး
နေဝင်တာကကို စောလွန်းသွားတာပါ။

( ၃ )
တကယ်တော့
နေဝင်တာက မစောပါဘူး
ထူထဲ တဲ့ ဘဝအနွေးမောကြောင့်
ခပ်ဖွဖွ ဆောင်းခြေသံကို
နား မစွင့်မိခဲ့ကြတာပါ။


၁။မောင်သိန်းဇော်
၂။တာရာမင်းဝေ




ဇင်ဝေသော်







Copyright © 2012 ကမ်းလက်. All rights reserved.

လူသိနည်းသော ရဟန်းဒုက္ခ (၂)

စာဦးအမှာ။       ။ အမှာစကားထားချင်သည်။ တကယ်ဆိုရသော် လူသိနည်းသော ရဟန်းဒုက္ခဆိုသည်ထက် လူမသိသော ရဟန်းဒုက္ခဟုဆိုက ပို၍သင့်မည်ထင်၏။ မြန်မာဗုဒ္ဓဘာသာများနှင့်နေမည်ဆိုလျှင် ဤဒုက္ခမျိုးကြုံတွေ့ရန် အခွင့်အလမ်းအလွန် နည်းပါး၏။ လူမျိုးခြားဗုဒ္ဓဘာသာ၊ အထူးသဖြင့် စစ်စစ်ပေါက်ပေါက် သိလိုမေးမြန်းလိုသော လူငယ်ဗုဒ္ဓဘာသာဝင်များနှင့် ဆက်ဆံရမှသာ ကြုံတွေ့ရနိုင်သည်။ ဤဆောင်းပါးသည် နိုင်ငံခြားသာသနာပြုရန် ခြေလှမ်းပြင်နေကြသည့် ညီငယ်ရဟန်းတော်များကို မျှဝေလိုခြင်းဖြစ်သည်။ ဗဟုသုတအလို့ငှာ ဖတ်လိုသော လူဒကာ၊ ဒကာမတို့လည်း ဖတ်ရှုနိုင်ပါသည်။ သို့သော် သတိသမ္ပဇဉ်ဖြင့် နားလည်ခွင့်လွှတ်ကာ ဖတ်ရှုပေးကြရန် မေတ္တာရပ်လို၏။


--------------------


       သက္ကရာဇ် ၂၀၁၀ နှင့် ၂၀၁၁-၌ အမျိုးသမီးငယ် (၇) ဦးခန့်၊ အမျိုးသားငယ် (၁၀) ဦးခန့် သီဟနာဒ နာမည်တပ်ကာ ယင်းတို့၏ ကိုယ်ရေးကိုယ်တာများ ဘေးလူမရှိ၊ မျက်နှာချင်းဆိုင် ဆွေးနွေးလိုကြောင်း အချိန်းအချက်ပြုလုပ်ကြ၏။ ထိုအခါ သူတို့ဆွေးနွေးလာမည့်ကိစ္စကို သိသလိုလိုရှိနှင့်ပြီးသား ဖြစ်၏။

       သူတို့ရောက်လာလျှင် သူတို့ဟန်းဖုန်းထဲ၌ သိမ်းဆည်းထားသော မက်ဆေ့(ခ်ျ) လေးကိုပြပြီး ဒီစကားကို အရှင်ဘုရားပြောခဲ့တာ ဟုတ်ပါသလားဟု မေးကြသည်။ ဟုတ်ပါသည်ဟုဆိုမှ သူတို့ဆွေးနွေးလိုသော အကြောင်းကို ဆက်လက်ဆွေးနွေးကြသည်။

       ယင်းကား အခြားမဟုတ်။ သီဟနာဒက Gay နှင့် Lesbian ကို ဗုဒ္ဓဘာသာက လက်ခံ၏ဟူသော စကားတည်း။ (မသိသူများ အဘိဓာန်လှန်တော်မူကြပါ။ ဘာသာတော့ မပြန်ချင်)။

       ၂၀၀၉- ဧပြီလက စင်္ကာပူအမျိုးသားတက္ကသိုလ် ဗုဒ္ဓဘာသာအဖွဲ့ချုပ်က (N-U-S-B-S) ဆမ်းမစ်တရားပွဲတစ်ခု ပြုလုပ်၏။ ဓမ္မ စပီကာ (၃) ပါးပင့်၏။ ထေရဝါဒမှ တစ်ပါး၊ မဟာယာနမှ တစ်ပါး၊ ဇင် ဗုဒ္ဓဘာသာမှ တစ်ပါးတည်း။ ပြောဟောရမည့်အကြောင်းက “LOVE” ဆိုသည့် ချစ်ခြင်းမေတ္တာအကြောင်းတည်း။ ကိုယ့်စာပေ၊ ကိုယ့်အယူအဆကို အခြေခံ၍ ဟောပြောနိုင်၏။ ထေရဝါဒရှုထောင့်မှ သီဟနာဒက ဟောပြောရသည်။

       ၁။ ချစ်ချင်းမေတ္တာဟူသည် အဘယ်နည်း။
       ၂။ ချစ်ခြင်းမေတ္တာအမျိုးအစား မည်မျှရှိသနည်း။
       ၃။ ထိုချစ်ခြင်းမေတ္တာကို ခိုင်မြဲအောင် မည်သို့ပြုလုပ်ရမည်နည်း။

       နံပါတ်တစ်ကား လွယ်၏။ နူးညံ့သိမ်မွေ့မှုသဘော၊ တစ်ယောက်အကျိုးကို တစ်ယောက်က လိုလားသောသဘောသည် မေတ္တာဖြစ်၏။ မေတ္တာသုတ်ဖြင့် အလုပ်ပြီး၏။

       နံပါတ်နှစ်လည်း လွယ်ပါ၏။
       ၁။ သားချစ်၊ သမီးချစ်၊ မိဘချစ်၊ ညီအစ်ကို မောင်နှမချစ်ဆိုသည့် ဂေဟဿိတချစ်ခြင်း။
       ၂။ လင်မယား၊ သမီးရည်းစားစသည့် တဏှာပေမချစ်ခြင်း နှစ်မျိုးစာပေမှာ တိုက်ရိုက်ရှိ၏။ Platonic Love စသည်တို့ကို ချဲ့ကား၍ ပြောပြနိုင်၏။

       ပြဿနာကား နံပါတ်သုံးတည်း။
       သူတို့ပြောသည့် “LOVE” သည် မေတ္တာသုတ်ထဲက မေတ္တာမကပါ။ ထို့ထက် ကျယ်ပြန့်၏။ သားသမီးနှင့် မိဘ၊ နှမ အမနှင့် မောင်အစ်ကိုတို့ကို ညွှန်းရာ၌ တာဝန်ဝတ္တရားကျေပွန်မှု စသည်တို့ဖြင့် ရှင်းပြနိုင်၏။ ခက်သည်က လင်ချစ်၊ မယားချစ်ကို ဘယ်လိုခိုင်မြဲစေမလဲဟူသော မေးခွန်းဖြစ်၏။ တာဝန်ဝတ္တရားမျှဖြင့် မလုံလောက်တော့။ အခြားအခြားသောအကြောင်းတွေ ပါလာ၏။ ထေရဝါဒ ရဟန်းတစ်ပါးအနေနှင့် မည်သို့မျှ မသိနိုင်သောကိစ္စဖြစ်၏။

       ထို့ကြောင့် ဥာဏ်ကိုလွှာသုံး၍ ဒါလည်းကိုယ့်တာဝန် ကိုယ်ကျေပွန်ခြင်းပါပဲဟု ခပ်သောသောသာ ဖြေခဲ့ရ၏။ သူတို့လည်း ရယ်ကြ၏။

       ခက်သည်က ထိုရဟန်းသုံးပါးအနက် သီဟနာဒက အငယ်ဆုံးဖြစ်နေ၏။ မျက်နှာလည်း တော်တော်များများနှင့် တန်းမိနေ၏။ ထို့ကြောင့် ကပေါက်တိ ကပေါက်ချာ မေးခွန်းမှန်သမျှ မိမိဆီ ဦးတည်နေသည်ကများ၏။ မည်သို့ဖြစ်စေ Dhamma Talk က အဆင်ပြေပါသည်။ ကိုယ်ပြောချင်တာကို ပြောရသည်ကိုး။

       အကြီးဆုံးပြဿနာက Q & A ခေါ်သည့် အမေး အဖြေကဏ္ဍပင်။

       ကျောင်းသားတစ်ယောက်က မေး၏။ ယနေ့ကမ္ဘာတွင် အငြင်းပွါးဖွယ်ဖြစ်နေသော Gay နှင့် Lesbian ကိစ္စနှင့် ပတ်သက်၍ ဗုဒ္ဓဘာသာရဲ့အမြင်ကား ဘာပါလဲဟု ဖြစ်၏။ ခေါင်းနပန်းများ ကြီးသွား၏။ နားနှစ်ဖက် ထူပူသွား၏။ မိမိကို ချစ်မြတ်နိုးသော အခမ်းအနားမှူး (ကွတ်- အာနန္ဒ) က ထိုမေးခွန်းကို မိမိဆီ မဖြစ်မနေတွန်းပို့လိုက်တော့သည်။ အာနန္ဒကပင် မိမိပေးထားမိသည့် နာမည်။ အချစ်စမ်းလိုက်သည် ထင်၏။

       ဤကိစ္စက စာပေ၌ တိုက်ရိုက်မရှိ။

       လူနှစ်ယောက်၏ ဆက်ဆံရေးနှင့်ပတ်သက်၍ ကျယ်ကျယ်ပြန့်ပြန့်ကြီး မရှိလှ။ ဤကိစ္စများက ကိုယ်ရေးကိုယ်တာ သက်သက်များပင်ဖြစ်၏။ ကာမေသုမိစ္ဆာစာရ၌လည်း Gay ကိစ္စ၊ Lesbian ကိစ္စကို မပြော။ ဝိနည်းတော်၌ကား ဥဘတောဗျည်းဆိုသည့် ပုဂ္ဂိုလ်ပါသည်။ ဤပုဂ္ဂိုလ်ကလည်း ဤမေးခွန်းကို မဖြေရှင်းနိုင်။

       ထို့ကြောင့် အဘိဓမ္မာကို ပြန်ကပ်ရတော့သည်။
       ကာမရာဂသည် ကာမရာဂသာဖြစ်သည်။ ယောင်္ကျားနှင့် မိန်းမဖြစ်စေ၊ ယောင်္ကျားအချင်းချင်းပင်ဖြစ်စေ၊ မိန်းမအချင်းချင်းပင်ဖြစ်စေ နှစ်ဦးသဘောတူနေသ၍ နှစ်ဦးနှစ်ဘက် အရွယ်ရောက်ပြီးသူဖြစ်နေသ၍ ဤကိစ္စက အတူတူသာဖြစ်၏။ ကာမေသုမိစ္ဆာစာရဟု ပြောရန်ခက်သည်။ အမှန်လည်း ဤသို့ယုံကြည်သည်။

       ယဉ်ကျေးမှုနှင့် ဓလေ့ထုံးစံက လက်မခံနိုင်သော်လည်း ဗုဒ္ဓဘာသာကတော့ဖြင့် ဤကိစ္စကို ဘာသိဘာသာ သာသဘောထားသည်။ ကာမေသုမိစ္ဆာစာရ၌ မသွားအပ်သောမိန်းမ (၂၀) လာ၏။ ထို၌ Gay , Lesbian ကိစ္စမပါ။ ခက်လှ၏။

       ရဟန်း၊ သီလရှင်မဟုတ်လျှင် ဘာမှ ထူးခြားသောကိစ္စမဟုတ်။ အပါယ်ကျစေနိုင်သော အကုသိုလ်ဟု ပြောရန်လည်း မဖြစ်။ အပါယဂမနိယ (အပါယ်ချကြောင်းတရားများ) က ဒိဋ္ဌိနှင့် ဝိစိကိစ္ဆာတို့တည်း။ ပြီးလျှင် ဒေါသတည်း။ ထို့ကြောင့် အဘိဓမ္မာသဘောအရဆိုရသော် အတူတူပင်ဖြစ်၏။ သုတ္တာန်ကလည်း တိုက်ရိုက်မလာ။ ထို့ကြောင့် ထိုမေးခွန်းအတွက် ဗုဒ္ဓဇင်က နူထရယ်ဟုပင် ဖြေလိုက်၏။

       လူငယ်အများစုက ထောက်ခံသည်။
       အခြားအခြားသော ဘာသာများက Gay, Lesbian ကိစ္စကို ခါးခါးသီးသီး ငြင်းဆန်သည်။ ထို့ကြောင့် ဗုဒ္ဓဘာသာက ဤ “LOVE” ကိစ္စ၌ပင် ကျယ်ကျယ်ပြန့်ပြန့် သဘောရှိသည်ဟု သဘောပေါက်လိုက်သောကြောင့် ဖြစ်သည်။ မှန်သည်ဟုတော့ ထင်ပါသည်။

       ထိုအဖြေစကားကို သူတို့ခြင်းလက်ဆင့်ကမ်းကြပုံရ၏။

       တချို့က ထိုကိစ္စဖြင့် ဝန်းကျင်၏ ဝိုင်းပယ်ခြင်းကို ခံထားရ၏။ မတူမတန်သလို ဆက်ဆံတာ ခံကြရ၏။ ထိုအခါ ဖြေဆည်ရာကိုရှကြရင်း ထိုမက်ဆေ့ခ်ျလေးကိုတွေ့ကာ မိမိထံ ရောက်ရောက်လာကြခြင်း ဖြစ်၏။

       စိတ်တော့ မကောင်းပါ။ ဖြစ်နိုင်လျှင်တော့ ကျား ဆို ကျား၊ မ ဆို မ ဖြစ်စေချင်၏။ မတတ်နိုင်။ ကာမေသုမိစ္ဆာစာရ၌ မပါသော ဤကိစ္စကို ကာမေသုမိစ္ဆာစာရတွင် ထည့်မထားနိုင်။ သူတို့ အမေးအများဆုံးက ဤကိစ္စကြောင့် ငရဲကျမည်လားဟု ဖြစ်၏။ သေချာပါသည်၊ နိဗ္ဗာန်ရောက်ကြောင်းမဟုတ်သော်လည်း ငရဲရောက်ကြောင်းတွင်တော့ မပါပါ။ တဏှာသည် တဏှာသာဖြစ်ပါသည်။

       သူတို့က ဆိုသည်-
       အချို့ အချို့သော လင်မယားတွေကပင် သူတို့လောက်မချစ်၊ သူတို့လောက် နားလည်မှုမရှိ၊ သူတို့လောက် ဝေမျှခံစားမှုမရှိ။ သို့ဖြစ်လျှက် အဘယ့်ကြောင့်ဝန်းကျင်က သူတို့ကို ဤသို့ဆက်ဆံရသနည်းဟု ဝမ်းနည်းတကြီး ဆိုတတ်ကြသည်။

       သူတို့ပြောတာလည်း သဘာဝကျ၏။ ထို့ကြောင့် အားပေးရာလည်းမရောက်၊ စိတ်ဓာတ်လည်း ပိုမကျစေလို၊ ဤသို့ဖြင့်ပင် ရေလိုက်ငါးလိုက် နေလိုက်ရတော့သည်။ ဖြစ်နိုင်လျှင်တော့ ကျား ဆို ကျား၊ မ ဆို မ ဖြစ်စေချင်၏။ မ၊ မ။ ကျား၊ ကျား မဖြစ်စေလိုပါ။ သို့သော်-

       ဤသို့ဖြင့် သီဟနာဒသည် စင်္ကာပူဗုဒ္ဓဘာသာ Gay နှင့် Lesbian အချို့ကြား၌်အတန်ငယ် ပေါ်ပြူလာဖြစ်သော ရဟန်းတစ်ပါးဖြစ်ခဲ့ရ၏။ အနည်းငယ် ကြက်သီးထဖွယ်လည်းဖြစ်၏။

       ထို့ကြောင့် ညီငယ်ရဟန်းတော်များ အမေးအဖြေကဏ္ဍကို ပါးပါးနပ်နပ် ဖြေကြစေလို၏။ မိမိကဲ့သို့သော အမှားမျိုး မလွန်ကြူးစေလို။ မိမိကား ထိုစကားအတွက် နောင်တရလျှက်ရှိ၏။ အဘယ့်ကြောင့်ဆိုသော် “You are very ***y” ဟု အပြောခံခဲ့ရဘူးသောကြောင့်တည်း။ ငုတ်တုတ်ပင် မေ့မိ၏။



သီဟနာဒ








Copyright © 2012 ကမ်းလက်. All rights reserved.

Nibbana is the highest bliss


 -The third Noble Truth is the cessation of suffering.It is described as the cessation of craving        without   residue and dispassion (asesaviraga nirodho),giving up( Cago ),complete   abandonment (Pati nissaggo),release (Mutti ) and non-attachment (Anarlayo).(Dhammacakka pavattana Sutta)


-Originally, in the canonical references it bears an affinity to blowing off and most certainly the application is the blowing off the three roots of evils:craving,ill-will and delusion.


-Nibbana is an experience,which can not be grasped by logic and reasoning.So it is stated that it is beyond the range of logic(Atakka-avacara)


-Nibbana is also can be explained as the extinction of the fire of lust,hatred,and delusion.
Nibbana, in one sense,may be interpreted as the extinction of the flames: 

"The whole world is in flame.By what fire is it kindled?
By the fire of lust,hatred,and delusion;by the fire of birth,old age,death,sorrow,lamentation,
pain,grief and despair is it kindled."(Aditta pariyaya Sutta )


-The Buddha called it:The culmination,The Further shore,Truth,The Immaculate,The Joyful, Utter Peace,The Wonderful,The Pure,The Safe Refuge( S.IV,369-372)


To discuss this question, the ten grades of happiness found in the Bahuvedaniya Sutta are vital.
1)" Fivefold,Ananda,are sensual bonds,What are the five?
  Forms recognizable by the eyes,sounds recognizable by the ears, odours recognizable by the nose;flavors recognizable tongue;contacts recognizable by the body-desirable,lovely charming,infatuating,accompanied by thirst,and arousing the dust of passions.These,Ananda,are five sensual bonds.
Whatever happiness or pleasure arises from these sensual bonds,is known as sensual happiness.
Whoso should declare:'This is the highest happiness and pleasure which beings my experience'- I do not grant him that,and why?
Because there is other happiness more exalted and sublime."


2)The happiness of the first Jhana.( Associate with the five Jhana factors; initial application,sustained application,joy,happiness and one-pointedness.


3) The happiness of the second Jhana.(Associate with three Jhana factors; joy,happiness and one-pointedness.


4) The happiness of the third Jhana.(Associate with two Jhana factors;happiness and one-pointednedd.


5) The happiness of the fourth Jhana.(Associates with two Jhana factors;equanimity and one-pointedness.
(These four Jhanas are called Form-sphere Jhana(Rupa Jhana)


6) The happiness of the first formless jhana.(passing entirely beyond the perception form,with the disappearance of sense reaction,free from attention to perception of diversity,thinks:'Infinity is Space'-and lives abiding in the Realm if infinite Space.)


7) The happiness of the second formless Jhana.(.....'Infinite is Consciousness'-and lives abiding in the Realm of Infinite Consciousness.)


8) The happiness of the third formless Jhana.(...'There is nothing whatsoever'-and lives abiding in the Realm of Nothingness,)


9) The happiness of the fourth formless Jhana.(....lives abiding in the Realm of Neither perception Nor Non-perception.)


( These Jhanas are Formless Jhanas,Arupa Jhana)
"Whoso should declare:'This is the highest happiness and pleasure which beings my experience'- I do not grant him that,and why?
Because there is other happiness more exalted and sublime."


10) "Here a monk,utterly transcending the realm of Neither perception Nor Non-perception,lives,having attained to the Cessation of perception and sensation( Sannavedaniya niodha)This,Ananda,is the other happiness more exalted and sublime.


"How can that state be called highest happiness when there is no consciousness to experience it?'
"No,disciples,the Tathagata does not recognize bliss merely because of a pleasurable sensation,but disciples,whenever bliss is attained there and there Only does the Accomplished One recognize bliss."
"I proclaim that everything experienced by the senses is sorrow." But why?Because one in sorrow craves to be happy,and the so-called happy crave to be happier still.
The Buddha declare;"Nibbana paramam sukham,Nibbana is the highest bliss."
It is bliss supreme because it is not a kind of happiness experienced by the senses.It is a blissful state of positive relief from the ills of life.


Ref: Majjhima Nikaya,No.57.
        The Buddha and His Teaching.No 503-506.
        Essentials of Buddhism.No 60-65.


                                                                                                                                           U Cittara










Copyright © 2012 ကမ်းလက်. All rights reserved.

ကမ်းလက် ခြောက်လပြည့်


ဒီနေ့ ကမ်းလက် ခြောက်လပြည့်တဲ့နေ့ပါ။
စာဖတ်သူတွေကိုတောင်းပန်ချင်တာကတော့ အက်ဒမင်ခရီးထွက်နေလို့ (သူ စကက်ဂျူးတစ်ချို့ လုပ်ပေးထားခဲ့လို့)ပို့စ် တွေ ပုံမှန်တက်နေနိုင်ပေမယ့် ဘယ်လိုတွေ တက်လာသလဲဆိုတာကိုတော့ မသိချင်ယောင်ဆောင်ထားလိုက်ရပါတယ်။ ကမောက်ကမ နည်းနည်းဆန်ပါတယ်။

ထူးထူးခြားခြား ကျေးဇူးစကားပြောချင်တာကတော့ ကမ်းလက်ကို လင့်လုပ်ထားကြတဲ့ ဘလော့ဂ်ဂါတွေကိုပါ။

ကမ်းလက်ကိုယ်တိုင်က တကယ့်ကို "ထွန်ယက်လို့ မညက်သေးတဲ့ " စိုက်ခင်းပါ။ ဒါကြောင့် မမြင်ဖူးသေးတဲ့ ဘဝတူမိတ်ဆွေ ဘလော့ဂ်ဂါတွေကို ကျေးဇူးစကားနဲ့အတူ တောင်းပန်စကားပါ ထားခဲ့ချင်ပါတယ်။

အွန်လိုင်းပေါ်မှာ ရေးချင်ရာရေးလို့ရကြပေမယ့် စောင့်စည်းမှုတွေနဲ့ ယုံကြည်ရာလေးတွေကို ဖော်ပြနေကြတာကိုတွေ့ရတော့ ဘလော့ဂ်ဂါတွေကို လေးလည်းလေးစားမိတယ်။ အလကားရတဲ့ ဘလော့ဂ်စာမျက်နှာပေါ်မှာလည်း စာပေအက်သစ်တွေ အများကြီးဆိုတာ သိခဲ့ရလို့ပါ။

စကားလုံးကြမ်းကြမ်းတွေနဲ့ ဝိုင်းဆဲနေကြရင် စစ်အစိုးရကိုတောင် မေတ္တာရှိသလိုလိုဖြစ်တတ်သွားတာ (၈၈) ကာလက ကြုံဖူးခဲ့တယ်။ စာဖတ်သူတွေထဲမှာ ပြည်တွင်းက စာဖတ်သူအရေအတွက် သိသိသာသာ တက်လာလို့လည်း ဝမ်းသာရပါတယ်။

ခြောက်လပြည့် အမှတ်တရအတွက်တော့ သူငယ်ချင်းကဗျာဆရာ မောင်စူးရဲရဲ့ ကဗျာလေးကို ဖော်ပြလိုက်ပါတယ်။ရွှေမြန်မာ၊အတွဲအမှတ် ၅ ထဲကပါ။



ကဗျာဆရာတစ်ယောက်၏ နှစ်သုံးဆယ်ခရီး

ဘုရားပွဲတစ်ခုဆီကိုသွားနေတဲ့ လှည်းတန်းကြီးကို
စိတ်မှန်းနဲ့ လှမ်းကြည့်တော့
ဖုန်လုံးတွေက
အသက်ရှူလမ်းကြောင်းကို ပိတ်ဆို့ကုန်ကြ။

လွန်ခဲ့တဲ့ အနှစ် နှစ်ဆယ်ကို
ထိုင်ငေးမိတယ်။

သေဆုံးနေတဲ့ သစ်ရွက်တွေပေါ်
တောင်လေရိုင်းက ဒရွတ်ဆွဲလမ်းလျှောက်လို့၊
အမေက....
ညီလေးရဲ့ အင်္ကျီကြယ်သီးကို ပြန်တပ်လို့၊
အဖေက..
ရေဒီယိုတစ်လုံးနဲ့
လန်ဒန်သားတွေရဲ့စကားကို နားထောင်လို့၊
ကျနော်က...
လုံးကားနေတဲ့ ဗိုက်ကလေးကို ပွတ်သပ်ရင်း
(အစာတွင်းနက်မှန်း မသိတတ်စွာ)
ညနေကျောင်းဆင်းချိန် အပျော်တွေကိုစမြုံ့ပြန်လို့။

လွန်ခဲ့တဲ့ အနှစ် နှစ်ဆယ်ကို
ထိုင်ငေးမိတယ်။

နွမ်းခြောက်နေတဲ့ စံပါယ်ဖူးလေးက
လောကဓံအကြောင်းကိုမငြီးငြူပဲ
နေပူထဲ မတ်တပ်ရပ်လို့၊
ရှေးဟောင်း စေတီပျက်တွေကြား
ဗုဒ္ဓအဆုံးအမတစ်ခုခု တွေ့ရနိုး
သဲကြီးမဲကြီး လိုက်ရှာလို့၊
အဝါရောင် လိပ်ပြလေးနှစ်ကောင်
ဆွဲလဲသံထဲ ပျံဝဲဝင်သွားခိုက်
ကျနော့် မျှော်လင့်ချက်တွေက
အနာဂတ် အသိုက်တွေ
တစ်ခုပြီးတစ်ခု တည်ဆောက်လို့။

ဒီနေ့...
မျက်နှာပေါ် ယိုစီးကျနေတဲ့
ကျိုးကြေနေတဲ့ အလင်းခက်တွေကို
ထိုင်ငေးနေမိတယ်။

လောကဓံ၊ပို့စ်မော်ဒန်၊ ဘဝဒဏ်
ကော်ဖီတစ်ခွက်ပေးပါ...
ပေါင်မုန့်တစ်ချပ်ပေးပါ...
ရွာအနောက်ပိုင်းက
ဆော့ဖ်ဝဲသူဌေး ဘီးလ်ဂိတ်အတွက်
သက်ပြင်းတွေခဏခဏချလို့။

ပြီးတော့......
မသိယောင်ဆောင်ခြင်း သင်္ခန်းစာတစ်ပုဒ်ကို
နှုတ်တက်အရ ကျက်လို့။   ။

မောင်စူးရဲ





ကမ်းလက်

Copyright © 2012 ကမ်းလက်. All rights reserved.

ရယ်စရာဖြစ်နေတဲ့ ကမ္ဘာကျော်စွပ်စွဲမှုများ

၁။ ဆွာမိကြီး ဝိဝေကာနန္ဒ
နံပတ်တစ်ကတော့ ဆွာမိကြီး ဝိဝေကာနန္ဒပါ။ သူက ဗုဒ္ဓဘာသာရဟန်းတွေနဲ့     စကောလားတွေက ဗြဟ္မဏဝါဒကို တိုက်ခိုက်ကြတယ်၊ မနိုင်တော့ ဗုဒ္ဓရဲ့ဒေသနာတော်တွေကို အိန္ဒိယထဲကနေ အပြီးအပိုင် ခိုးယူသွားကြတယ် တဲ့။ ဗုဒ္ဓရဲ့ဒေသနာတော်တွေဟာ ခိုးယူထွက်ပြေးခြင်းခံလိုက်ရတာလား၊ မောင်းထုတ်တာကိုခံလိုက်ရတာလား ဆိုတာပညာရှင်တွေစကားဆိုဖို့ပဲ ချန်ထားခဲ့ပါရစေတော့။ ဗုဒ္ဓရဲ့ဒေသနာတွေဟာ ကော်မာရှယ်လိုက်ဇ် ထားတာမဟုတ်သလို ကော်ပီရိုက် ကိစ္စလည်း မရှိဘူး။ ဒီတော့ ကြိုက်သူယူသုံးလိုက်ကြတာပါ။နှီးနှောလို့မရတဲ့ အယူအဆတွေမို့ အမြစ်ပြတ်အောင်အသတ်ခံလိုက်ရပေမယ့် မသေနိုင်တဲ့ ဗုဒ္ဓဘာသာက အခြားကမ္ဘာ့ အစိတ်အပိုင်း တော်တော်များများမှာ ဖြည်းဖြည်းနဲ့ မှန်မှန် အမြစ်တွေတွယ်နေတော့ ဟိန္ဒူမြေပေါ်ကလွဲရင် အမြစ်မတွယ်တတ်တဲ့  ဗြဟ္မဏဝါဒ နည်းနည်းနယ်ကျဉ်းသလိုဖြစ်သွားတာနေမှာပါ။ ဘာပဲပြောပြော  အိန္ဒိယပိုင် ဗုဒ္ဓရဲ့ဒေသနာတော်တွေကို နိုင်ငံခြားသားဗုဒ္ဓဘာသာရဟန်းတွေက ခိုးယူသွားကြတယ် ဆိုတာကတော့ ပြုံးချင်စရာလေးပါ။ အကြီးကျယ် ခိုးယူသူတွေက ဆာ အက်ဒွင်အာနိုးတို့၊ အိုင်းစတိုင်းတို့ ပါ။သူတို့ကြောင့့် ရွာအနောက်ခြမ်းကလူတွေ ဗုဒ္ဓဘာသာ ကိုတွေ့သွားတာပါ။ အာရှတိုက်ရဲ့သူခိုးကြီးကတော့ သိရိဓမ္မာသောက မင်းကြီးပေါ့။ သူ့ကြောင့် ကိုးတိုင်း ကိုးဌာနကို  ဗုဒ္ဓဘာသာလွင့်သွားရတာမဟုတ်လား။
ဆွာမိကြီးမမီလိုက်လို့၊ဗြဟ္မဏဝါဒတွေရဲ့ နှလုံးသည်းပွတ်ဖြစ်တဲ့ ယောဂကျင့်စဉ်ဟာ ၂၁ ရာစုလည်းရောက်ရော ဆရာတွေအချို့က အဖြူတွေနဲ့ တရုတ်တွေ၊သူတို့ဆီကနေတစ်ချို့ အိန္ဒီယန်းတွေ ယောဂပြန်သင်ယူနေကြလေရဲ့။

၂။Sir Dave Richards
နောက်တစ်ယောက်ကတော့ Sir Dave Richards ဆိုတဲ့ ပရီမီးယားလိဂ် ဘုတ်အဖွဲ့ ဥက္ကဋ္ဌ၊FA အဖွဲ့ဝင်ပါ။သူကလည်း နိုင်ငံခြားသားတွေက သူတို့ပိုင် ဘောလုးံကစားခြင်းအတတ်ပညာကို မားသား လန်ဒ် ကနေ ခိုးယူသွားကြတယ် တဲ့။ဖြစ်ပုံက အထက်ကနဲ့ ခပ်ဆင်ဆင်ပဲ။အင်္ဂလိပ် အမျိုးသားအသင်းက ကန်လိုက်ရင် အနှေးနဲ့အမြန် ရှုံးတော့တာဘဲ။အခိုးခံလိုက်ရလို့နေမှာပေါ့။သူမှစကားမဆုံးသေဘူး တရုတ်ကလည်း ဘောလုံးကစားခြင်းကို စတင်တွေ့ရှိတာက တရုတ်၊အင်္ဂလိပ် မဟုတ် တဲ့။လုပ်ချပါလေရော။တရုတ်အဆိုအရ အင်္ဂလိပ် တွေ ဘောလုံးသူခိုးဖြစ်ရပြန်ရော။သူတို့လုနေတာနဲ့ပဲ ရွာက ကလေးတွေဘောလုးံမရှိလို့မကန်ရရှာတော့ဘူး။လောလောဆယ် အင်္ဂလိပ် တို့ ကမ္ဘာ့ဖလား၊ဥရောပဖလားကိုခိုးသွားတာက နွာရိုင်းသတ်သမားစပိန်တွေ။
ဘာမှမဟုတ်ပါဘူး။သူခိုးမယိုးတတ်ရင် ရီရတယ်လို့ စဉ်းစားမိလို့ပါ။


ဇင်ဝေသော်










Copyright © 2012 ကမ်းလက်. All rights reserved.