ဖွင့်ထားသော လူ့အဖွဲ့အစည်း

ဤခေါင်းစဉ်အောက်၌ မိမိကိုယ်တိုင် ကြုံတွေ့နေရသော ဘာသာရေး၊ လူမှုရေးနှင့်ဆိုင်သော စင်္ကာပူ၏ အားသာချက်တို့ကို ဆွေးနွေးရန် အကြံဖြစ်မိသည်။ အစိုးရပေါ်လစီနှင့်မဆိုင်၊ လူ့အဖွဲ့အစည်းများနှင့်သာ ဆိုင်၏။ ဤ၌ ကဏ္ဍအချို့ ခြုံငုံမိသမျှ ခြုံငုံမိအောင်တော့ ကြိုးစားမည်။ စင်္ကာပူဟူသည် အကြောင်းမဲ့ ရှေ့ရောက်နေသော လူ့အဖွဲ့အစည်းမဟုတ်၊ အကောင်းတကာ့အကောင်းများ ရရှိစေရန် အမှန်ပင် တံခါးဖွင့်ထားသော လူ့အဖွဲ့အစည်း ဖြစ်သည်။

ပထမဆုံး စင်္ကာပူအမျိုးသားတက္ကသိုလ်၊ ဗုဒ္ဓဘာသာအဖွဲ့ချုပ် National University of Singapore Buddhist Society (www.nusbs.org.sg) အကြောင်းကို ဆွေးနွေးပြပါမည်။ လူငယ်လေးများပင် ဖြစ်လင့်ကစား သူတို့က အပိတ်များ မဟုတ်ကြ။ စင်္ကာပူ၌ မဟာယာန ပိုအားကောင်းသည်ဟုဆိုစေ၊ ထေရဝါဒနှင့် အခြားယဉ်ကျေးမှုတို့ကို မျက်ကွယ်မပြုကြ။ သူတို့ ဗုဒ္ဓဘာသာအဖွဲ့ချုပ်ကိုပင် ဗုဒ္ဓဘာသာအဖွဲ့ချုပ်အနေဖြင့်သာ လက်ခံသည်။ ထေရဝါဒ၊ မဟာယာန၊ ဇင်၊ တိဗက်တန်စသည့် သီးသန့်နာမည်များ၊ ယဉ်ကျေးမှုများကို လက်မခံ။ မဟာယာနမှ ကောင်းတာကို ယူသည်။ ထေရဝါဒ၊ ဇင်၊ တိဗက်တန်တို့ထံမှ ကောင်းတာကို ယူသည်။

ထို့ကြောင့် သူတို့အဖွဲ့အစည်းအတွက် ဩဝါဒါစရိယများ တင်မြှောက်ရာ၌ပင် ဤယဉ်ကျေးမှု လေးခုစလုံးမှ ဆရာတော်များပါအောင် အနည်းဆုံး လေးပါး တင်မြှောက်ကြသည်။ ဩဝါဒ ခံယူကြသည်။ သူတို့ အဖွဲ့အစည်းနှင့် ကိုက်ညီသော၊ လက်တွေ့ကျသော ဩဝါဒတို့ကို ကျင့်သုံးကြသည်။ သို့ဖြင့် မဟာယာန၊ ထေရဝါဒ ဘာသာရေးဓလေ့ထုံးစံများနှင့် ကျောင်းသားများက အကျွမ်းတဝင် ရှိနေလေတော့သည်။



သူတို့မှာ ဗုဒ္ဓဘာသာသာ ရှိသည်။ ယဉ်ကျေးမှု အမည်နာမ မရှိ။ ကောင်းသည်ဟု ထင်သည်။ တိဗက်တန်ဗုဒ္ဓဘာသာကလည်း အကြောင်းမဲ့ ပေါ်ပြူလာ ဖြစ်နေသည် မဟုတ်။ ဇင်ဗုဒ္ဓဘာသာကိုလည်း အကြောင်းမဲ့ အမေရိကန်တွေ ကျင့်သုံးနေကြသည် မဟုတ်။ ကောင်းကွက်များ ရှိကိုရှိပါသည်။ ကိုယ့်ဟာကိုယ်ပဲ ကောင်းပြီး သူများဟာကို လေ့လာရမှန်း မသိသော ယဉ်ကျေးမှုသည် အပိတ်ဖြစ်သည်။ အတွေးအခေါ် ပိတ်နေသည်။ အိုင်ဒီယာတို့ ပိတ်နေသည်။

ဒုတိယ ဆွေးနွေးလိုသော အဖွဲ့အစည်းက မိမိ နေထိုင်သီတင်းသုံးရာ ကျောင်းပင် ဖြစ်သည်။ ဤကျောင်းသည် ၂၀၁၀- ခုနှစ်က နှစ် (၅၀) ပြည့်ခဲ့ပြီး သက်တမ်းနုနု စင်္ကာပူ၌ ဒုတိယ ရှေးအကျဆုံး ထေရဝါဒ ကျောင်းတစ်ကျောင်း ဖြစ်သည်။ တည်ထောင်ခဲ့သော ဆရာတော်က သီရိလင်္ကာဆရာတော်။ ထိုဆရာတော်ကြီး ပျံလွန်တော်မူပြီး သီရိလင်္ကာဆရာတော်နှစ်ပါး ဆက်လက် ကျောင်းထိုင်သည်။ သီဟနာဒကား ၂၀၀၃ - ခုမှ ဤကျောင်းကို ရောက်သည်။

ကျောင်းဒကာ၊ ဒကာမတို့ကလည်း အဖွင့်များ ဖြစ်သည်။ အပိတ် မဟုတ်ကြ။ သီရိလင်္ကာရဟန်း၊ မြန်မာ ရဟန်းဟု မစွဲ။ အတူတူပင် ဖြစ်သည်။ သူတို့နှင့် အံဝင်ခွင်ကျရှိသော သီရိလင်္ကာယဉ်ကျေးမှုကို ကျင့်သုံးသည်။ မြန်မာယဉ်ကျေးမှုတို့ကို ကျင့်သုံးသည်။ သီရိလင်္ကာဆရာတော်ကြီး၏ တပည့်များပင် ဖြစ်သော်လည်း လက်တွေ့ကျသော မြန်မာယဉ်ကျေးမှုကို ကျင့်သုံးရန် လက်မနှေးကြ။ ထို့ကြောင့် သီရိလင်္ကာနှင့် မြန်မာယဉ်ကျေးမှုတို့မှ အားသာချက်တိုင်းကို ရယူကြသည်။ ကောင်းသည်ဟု ထင်၏။ ဘုရားအဆုံးအမက တစ်ခုတည်း၊ ယဉ်ကျေးမှုကသာ ကွဲနေ၏။

ထို့ထက် ထင်ရှားသော တံခါးဖွင့်ဝါဒမှာ ကျောင်းထိုင်ဘုန်းကြီး တင်မြှောက်ရေးပင် ဖြစ်၏။ ဤကျောင်းကား သီရိလင်္ကာယဉ်ကျေးမှု အမြစ်ခိုင်နေသော ကျောင်းဖြစ်ပြီး ကျောင်းထိုင်ဘုန်းကြီးတိုင်းလည်း သီရိလင်္ကာရဟန်းတော် ဖြစ်နေရမည် ဖြစ်သည်။ ဤဥပဒေကို “စလုံး” ဗုဒ္ဓဘာသာတို့က ဂရုမစိုက်။ အလုပ်ဖြစ်သော ရဟန်းကို ကျောင်းထိုင်တင်မည်။ သီရိလင်္ကာသော၊ မြန်မာသော၊ ထိုင်းသော၊ ဘာသောညာသော မရှိကြ။ သို့ဖြစ်ပင် မြန်မာရဟန်း ကျောင်းထိုင် ဖြစ်လာခဲ့၏။ မြန်မာလူ့အဖွဲ့အစည်း၊ သီရိလင်္ကာ လူ့အဖွဲ့အစည်းတို့၌ ဤမျှရဲတင်းသော ဆုံးဖြတ်ချက် ချနိုင်လိမ့်မည် မဟုတ်။

စလုံး ဗုဒ္ဓဘာသာတွေအမြင်က ရှင်းသည်။ ရဟန်းဟူသည် ဘုရားသားတော် ဖြစ်သည်။ ဤမျှ ဖြစ်သည်။ လူမျိုးမကြည့်၊ သင်္ကန်းရောင် မကြည့်၊ အသားအရေအရောင်ကို မကြည့်။ ပွင့်၏။ မပိတ်။
ဤ၌ ညံ့နေရစ်သည်က မြန်မာနှင့် သီရိလင်္ကာ ဗုဒ္ဓဘာသာများ ဖြစ်ကြ၏။ ထေရဝါဒချင်း တူသည်ဟု ဆိုစေ၊ မြန်မာအခမ်းအနား၌ သီရိလင်္ကာတွေက ယောင်တောင်တောင်၊ သီရိလင်္ကာ အခမ်းအနား၌ မြန်မာတွေက တောင်ကြည့်မြောက်ကြည့်။ စလုံး ဗုဒ္ဓဘာသာတွေက နှစ်ခုစလုံးနှင့် အံဝင်အောင် လုပ်ပြသွားနိုင်သည်။ အားသာချက် မဟုတ်ပါလော။ သူတို့၏ အဓိက အားသာချက်သည် အစွဲနည်းခြင်း ဖြစ်သည်။

အချို့မြန်မာတို့က မေးတတ်ကြသည်။ ဤတရုတ်တွေ ထေရဝါဒစစ်သလားဟု ဖြစ်၏။ ကြည့်ပါလေ၊ ကျောင်းထဲ၌ ကွမ်ယင်မရှိ၊ ဘာမရှိ၊ ဘုရားဆင်းတုသာ ရှိ၏။ တစ်နေ့သုံးကြိမ် ဘုရားရှိခိုး၏။ ဒကာ၊ ဒကာမ အများစုက မင်္ဂလသုတ်၊ ရတနသုတ်၊ မေတ္တသုတ် သုံးသုတ် အလွတ်ရ၏။ တရားထိုင်၏။ သင် ပရိတ်သုံးသုတ် အလွတ်ရပါ၏လောဟု မေးရန်သာ ရှိ၏။

သူတို့ကိုယ်သူတို့ ထေရဝါဒစစ်လှပြီ ထင်သော ထိုထိုမြန်မာတို့က ညနေပိုင်း သစ်သီးကပ်ကြ၏။ ကျောင်းမှ တရုတ်ဒကာ၊ ဒကာမတို့က ဆွမ်းသစ်သီးစသည်တို့သည် (၁၂) နာရီကျော်က မကပ်သင့်ကြောင်း ရှင်းပြတတ်၏။ ထိုအခါ ရွှေမြန်မာတို့က တရုတ်တို့ သူတို့နေရာမို့ ဘာမကပ်ရ၊ ညာမကပ်ရ လူစွာလုပ်သည်ဟု ထင်ကြသည်။ အမှန်မူ ထိုထိုရွှေမြန်မာတို့ “ချာ” ခြင်းသာ ဖြစ်၏။ ပန်းကပ်သော် မည်သူမှ သူတို့ကို မတား။

ကျွန်ုပ်ဆိုလိုချင်သော အချက်သည် ဘာသာရေးမှာလည်း စလုံးတွေ “မချာ” ဟူသော အချက် ဖြစ်သည်။
ထို့နောက် ဆွေးနွေးလိုသော အချက်က သူတို့ ပညာရေးဖြစ်သည်။ ပညာရေးကောင်းသည်။ ပညာရေးသာမက အကျဉ်းအကြပ်ထဲရောက်သော် ဘာလုပ်ရမည်၊ ဘာလုပ်သင့်သည်ဆိုတာမျိုးတွေကိုပင် ကြုံလျှင်ကြုံသလို ငယ်စဉ်ကတည်းက ပညာပေးတတ်ကြ၏။

ဤမှ စလုံး ဒကာ၊ ဒကာမများနှင့် မြန်မာပြည် သွားကြစဉ် ကျိုက်ထီးရိုးမှအပြန် ကားနှစ်စီးအနက် တစ်စီးက ပျက်နေ၏။ အနည်းငယ် စိုးရိမ်မိသည်။ စလုံးများက ကားဒရိုင်ဘာနှင့် ဧည့်လမ်းညွှန်ကို ဆူလား၊ ကြိမ်းလား လုပ်နေလေမည်လားဟူသော အတွေးကြောင့် ဖြစ်သည်။

ထို့ကြောင့် ရှေ့ကားကို ခဏ အနားယူခိုင်းပြီး အခြားကားတစ်စီးကို တားပြီး ထိုကားပျက်ရှိရာ ပြန်လိုက်သွားမိသည်။ ရောက်သောအခါ အံ့ဩဖွယ် တွေ့ခဲ့ရသည်။ သူတို့အားလုံး စိတ်မဆိုး၊ စိတ်မညစ်ကြ။ ကားသမား စက်ပြင်နေချိန် အချိန်ဖြုန်းသည့်သဘောဖြင့် ပရိတ်ရွတ် ပြိုင်နေကြသည်။ တစ်ယောက်တလှည့်စီ ရွတ်ပြီး အမှတ်ပေးနေကြသည်။ မိမိရောက်သွားသောအခါ အခုမှ အမှတ်ပေးဒိုင်ပါ ရောက်လာသည်၊ ဘုရားမသည်ဟု လက်ခုပ်လက်ဝါး တီးကြ၏။ ထပ်ပြိုင်ကြ၏။ ထိုကားပေါ်၌ လူပေါင်း သုံးဆယ်ကျော်ခန့် ပါသည်။ ထို့ကြောင့် လူ (၃၀) မပြည့်မီ စက်လည်း ပြန်ကောင်းသွားတော့၏။ စိတ်ညစ်ချိန်မရ၊ စိတ်ဆိုးချိန်မရ၊ ဆူချိန်ငေါက်ချိန် မရလိုက်ကြတော့။ ဤသို့ နည်းလမ်းရှာဖွေတတ်ခြင်းသည် သူတို့ပညာရေး၏ အစိတ်အပိုင်း ဖြစ်၏။

သီဟနာဒကိုယ်တိုင် မြန်မာတွေနှင့် ခရီးသွားခဲ့ဖူးသည်။ ကားပျက်ပြီဆိုလျှင် ဘာလုပ်လို့ လုပ်ရမည် မသိ။ စက်ပျက်သဖြင့် စိတ်ညစ်နေရှာသော ကားသမားကို ဝိုင်းဆူကြသည်သာ များ၏။ မည်သူ့အတွက်မှ ကောင်းကျိုးမရှိ။

အစပထမပိုင်းက ဤကျောင်း၌ မြန်မာနှင့် ပတ်သက်သော သင်တန်းများ၊ တရားပွဲများ၊ ပဋ္ဌာန်းပွဲများ မရှိ။ သူတို့ စလုံးတို့ အခမ်းအနားများသာ ရှိ၏။ ထို့ကြောင့် သူတို့ကို ဩဝါဒပေးရသည်။ ဤကျောင်းသည် သံဃိကကျောင်းသာ ဖြစ်သည်။ အစိုးရဥပဒေအရ “စလုံး” တို့ ပိုင်သည်။ ဘုရားဥပဒေအရ သံဃာပိုင်သည်။ ထို့ကြောင့် ဗုဒ္ဓဘာသာနှင့် ပတ်သက်သော ဘယ်သင်တန်းမဆို ကျောင်းအားပါက၊ စာသင်ခန်းများ အားပါက လက်ခံသင့်သည်။ သို့မှသာ အစိုးရဥပဒေကိုလည်း မဖောက်၊ ဘုရားဥပဒေကိုလည်း မဖောက်ရာ ရောက်မည်ဟု ဖြစ်သည်။

မှန်၍ လက်တွေ့ကျသော ဩဝါဒမှန်း သူတို့သိသည်။ အားတက်သရော အားပေးကြသည်။ ဓမ္မကို သင်တာမှန်လျှင် တရုတ်လိုပဲ သင်သင်၊ အင်္ဂလိပ်လိုပဲ သင်သင်၊ မြန်မာလိုပဲ သင်သင်၊ သာသနာပြုခြင်းပင် ဖြစ်သည်ဟု ယုံကြည်သွားကြတော့သည်။

ထိုမှနောက် တရုတ်မင်ဒရင်းလို ဓမ္မသင်တန်းများ၊ မြန်မာလို ဓမ္မသင်တန်းများ၊ တတ်စွမ်းသရွေ့ လက်ခံလာခဲ့ကြသည်မှာ သာဓုခေါ်စရာပင် ဖြစ်သည်။ စင်္ကာပူ၌ ဤကျောင်းမျိုး ဒေါ်လာဘီလီယံရှိလည်း ဝယ်၍ မရ၊ အစိုးရက မြေအကျယ်ကြီး မရောင်းတော့။

မနှစ်ကပင် အစိုးရဆိုင်ရာမှ လူကြီးတစ်ယောက်က မေးသည်။ ဒီကျောင်းက အရှင်ဘုရား ပိုင်တာလားတဲ့။ စင်္ကာပူ၏ ဥပဒေကို မသိသော အရာရှိဟုပင် မှတ်ရပေတော့မည်။ မည်သည့် နိုင်ငံခြားသား ရဟန်းမှ မည်သို့သော မြေစိုက်အဆောက်အအုံကို မပိုင်။ အဖွဲ့အစည်းသာ ပိုင်သည်၊ နောက်ဆုံး အစိုးရသာ ပိုင်သည်။

ရဟန်းတစ်ပါးအနေနှင့် အကောင်းဆုံး လုပ်နိုင်သော အချက်မှာ ဤကျောင်းကို ပိုင်သော အဖွဲ့အစည်းကို ကိုယ်က ပိုင်နေအောင် လုပ်ထားဖို့ပဲ ရှိသည်။ ထို့ထက် မပို။

ဤသည်မှာ စင်္ကာပူ၏ ဥပဒေဖြစ်ပြီး ထိုဥပဒေဘောင်အတွင်းမှာ ရှိနေသော ဗုဒ္ဓဘာသာဝင်တို့ကို စည်းရုံးရေးမှလွဲ၍ မြန်မာပြည်လို ကျောင်းပိုင်၊ ပုဂ္ဂလိကပိုင်ဟူ၍ကား ရှိမည် မဟုတ်ပေ။

သူတို့လူမျိုးက စီးပွားရေးကိုသာမက သာသနာရေးကိုလည်း အမြတ်ရနိုင်သရွေ့ ရအောင် လုပ်တတ်သော အကျင့်ရှိသည်။ လူမျိုးမရှိ၊ အသားအရောင်မရှိ၊ သင်္ကန်းရောင်မရှိ။ ကြိုက်သလို ယူဆနိုင်ပါ၏။ သို့သော် လျော့တွက်လျှင်တော့ မှားပေလိမ့်မည်။

ဆိုလိုသည်မှာ စလုံးများ မခေကြ။ တစောက်ကန်းများ မဟုတ်ကြ။
သူတို့မူက အကျိုးအမြတ် ရရှိဖို့အတွက် ဘာမဆို Maximize လုပ်ရေး ဖြစ်၏။


သီဟနာဒ

အွန်လိုင်း ပေါ်မှာ ဘာလို့ ရိုင်းစိုင်းသွားတတ်တာလဲ

Ref : Why we are so rude online by Elizabeth Bernstein,
Wall Street Journal


ဖေ့စ်ဘုတ်ပေါ်တက်၊ ငြင်းကြ ခုန်ကြ စိတ်ဝမ်းကွဲကြတွေ ဟာ မြန်မာတွေမှာ သီးသန့် ဖြစ်တတ်တဲ့ သဘာဝ မဟုတ်ပါဘူး။ ဂလိုဘယ် ပြဿနာပါ။

စိတ်ဝင်စားစရာ ဆောင်းပါးတစ်ပုဒ် ဝေါစထရိတ် မှာ တွေ့ရလို့ အချက် တချို့ကို ထုတ်ကြည့် မိပါတယ်။
ဆောင်းပါးရှင်က " ဖေ့စ်ဘုတ်၊ တွစ်တာ၊ မက်ဆေ့ဂ်ျဘုတ်တွေပေါ်မှာ ဘာလို့ လူတွေ ရိုင်စိုင်းသွားတတ်တာလဲ၊ မျက်နှာချင်းဆိုင်ဆို ဘယ်လိုမှ ပြောမထွက်တဲ့ စကားမျိုးတွေကို ပြောဖြစ်ကြတာလဲ " လို့ မေးခွန်း စထုတ်တယ်။

ကိုယ် ဘယ်သူမှန်း တဖက်လူ မသိခြင်းဟာ အဓိက အကြောင်းလို့ ဆိုပါတယ်။ ဖန်သားပြင်ပေါ်က လူကို တဖက်လူ မြင်တာမှ မဟုတ်ဘဲ။ ဒါပေမယ့် ဖေ့စ်ဘုတ်ပေါ်မှာဆိုရင် ကိုယ့်ရဲ့ ကိုယ်ရေး အချက်အလက်တွေ ပြည့်ပြည့် စုံစုံ၊ မှန်မှန် ကန်ကန် ရှိနေပါလျက် ဒီပြဿနာက ရှိနေဆဲပါ။



Columbia နဲ့ Pittsburgh တက္ကသိုလ်တို့ သုတေသန အရကတော့ ဖေ့စ်ဘုတ် အသုံးများရင် ကိုယ့်ကိုယ်ကိုယ် ထိန်းချုပ်နိုင်မှု အားနည်းသွားတတ်တယ်။ အထူးသဖြင့် ကိုယ့်ရဲ့  ဖေ့စ်ဘုတ်ကွန်ယက်ဟာ ကိုယ်နဲ့ အမြဲတမ်း တွေ့ဆုံ ရင်းနှီးနေသူတွေနဲ့ပဲ ဆက်သွယ်နေမယ်ဆိုရင် တဲ့။ အကြောင်းကတော့ အချင်းချင်း အပြန်အလှန်တွေ လုပ်နေကြတဲ့ " လိုက်ခ် " ဆိုတာတွေကြောင့် လူရဲ့ အဇ္ဈတ္တပုံရိပ် နဲ့ ကိုယ့်ကိုယ်ကိုယ် ယုံကြည်မှုကို ကြီးထွားလာစေပြီး ဒါတွေကသည်ပင် ကိုယ့်ကိုယ်ကိုယ် ထိန်းချုပ်နိုင်မှု အားနည်းသွားအောင် ( မြောက်ကားကားကြီး ဖြစ်သွားအောင် ) လုပ်ပေးသလို ဖြစ်သွားတယ်လို့ ဆိုပါတယ်။

တက္ကသိုလ်ရဲ့ ဒု ပါမောက္ခ Keith Wilcox က  ဒါဆို ကိုယ့်ကိုယ်ကိုယ် ကျေနပ်သွားတယ်၊ ယုံကြည်သွားတယ်။ ဒီက တဆင့် ကိုယ့် အယူအဆတွေ ပြန့်အောင် လုပ်ချင်လာတယ်။ ဒီမှာကိုယ့် အယူအဆနဲ့ မတိုက်ဆိုင်သူတွေ တွေ့လာရင် မကျေ မချမ်းဖြစ်ပြီး မပြောသင့်တာတွေကို ပြောတတ်ကြတော့တာပဲ။ သောက်တတ်တဲ့ အကျင့်လည်းရှိ သောက်လည်းထားမယ်ဆိုရင် အခြေအနေက ပိုဆိုးနိုင်င်ပါတယ် လို့ ဆိုပါတယ်။

သူတို့က အွန်လိုင်းအသုံးများသူတွေ နဲ့ ပတ်သက်ပြီး အဆင့် ဆင့် သုတေသနလုပ်ကြတယ်။ မိတ်ဆွေရင်းတွေနဲ့ အွန်လိုင်းမှာ အချိန် ပိုပြီးကြာကြာရှိနေမယ်ဆို သူတို့ ပြောတတ်တာတွေက အစားအစာအကြောင်းနဲ့ အဆုံးသတ်တတ်ပြီး နောက်ဆုံး ကိုယ်အလေးချိန်တွေ တက်လာတတ်ကြပါ သတဲ့။

ဖေ့စ်ဘုတ် အသုံးများသူတွေဟာ ခက်ခဲတဲ့ ပြဿနာတွေ ကြုံလာရင် ပိုပြီး စိတ်ပျက် လက်လျှော့လွယ်ကြတယ်လို့ဆိုပါတယ်။ ဒီအဆိုနဲ့ ပတ်သက်လို့ ဖေ့စ်ဘုတ် ရဲ့ ပြောရေးဆိုခွင့်ရှိသူက ဘာကွန်မင့်မှ မပေးခဲ့ပါဘူး။

အွန်လိုင်း ပေါ်မှာ ဘာလို့ ရိုင်းစိုင်းသွားတတ်တာလဲဆိုတာရဲ့ အဖြေကို မန်ဆာချူးဆက် စိတ်ပညာရှင် ရှယ်ရီ တာကယ်လ် က ကိုယ်ပြောလိုက်တာကို အခြေခံပြီး တစ်ဖက်သား ဘယ်လိုအထိဖြစ်သွားတယ်ဆိုတာကို မမြင်ရလို့ ပါ လို့ ဆိုပါတယ်။ ပြီးတော့ အွန်လိုင်းပေါ်က စကားလေး တစ်ခွန်းဟာ ချက်ချင်း လူပေါင်းများစွာဆီ ပြန့်သွားတယ် ဆိုတဲ့ လွယ်ကူတဲ့ကိစ္စကို လူတွေ အရေးမမူကြခြင်းပဲ။ ချက်ချင်း တုန့်ပြန်တတ်ကြတာနဲ့ ပတ်သက်လို့ " တစ်ဖက်သားက ဒီလိုပြောလာလိမ့်မယ်လို့ ကြိုတင်သိမထား၊ ပြင်ဆင်မထားရတဲ့ အတွက် မမျှော်လင့်တဲ့ တုန့်ပြန်မှုရတာနဲ့ ရှူးရှူးဒိုင်းဒိုင်း ပြန်လည် တုန့်ပြန်တတ်ကြတာ " လို့ဆိုပါတယ်။

ဖေ့စ်ဘုတ်ပေါ်မှာ အသိတွေ ရတတ်သလို ဖေ့စ်ဘုတ်ပေါ်မှာပဲ မိတ်ဆွေဟောင်းတွေ ဆုံးရတတ်ပြန်ပါတယ်။ ဒါကြောင့် ဖေ့စ်ဘုတ်ပေါ်မှာ မြန်မာတွေ ရန်ပဲ ဖြစ်နေကြတယ် ဆိုရင်တော့ အဆိုး မြင်လွန်းရာ ရောက်ပါတယ်။ ဒီ ရန်ပွဲက ဂလိုဘယ်လ်ပါ။

ဒီဆောင်းပါးထဲမှာ ဖေ့စ်ဘုတ်အပေါ်က မဖြစ်စလောက်ပို့စ်လေးကြောင့် မိတ်ဆွေတွေ ကွဲကြ ဆဲကြ သာဓကတွေ ထုတ်ပြထားပေမယ့် မြန်မာတွေကြားမှာ " ဒါမျိုးကတော့ ရိုးနေပေါ့ " မို့ ဖော်ပြမနေတော့ပါဘူး။


ဇင်ဝေသော်

လီကွမ်းယု နဲ့ ခရစ်ယန်ဘာသာတရား ( ၆း ၅ )

အာရှ နိုင်ငံ ခေါင်းဆောင်များတွင် လီကွမ်းယုသည် ကျွန်ုပ် ချစ်ခင်ရသော မိတ်ဆွေတစ်ယောက် ဖြစ်သလို ကျွန်ုပ် အလေးစားရဆုံးသော ခေါင်းဆောင်တစ်ယောက်လည်း ဖြစ်ပေသည်။ ဂျပန် ဝန်ကြီးချုပ်တစ်ယောက် အနေဖြင့် G7စည်းဝေးပွဲ မတိုင်မီ မစ္စတာ လီနှင့် တွေ့ဆုံပြီး အာရှတိုက် ရင်ဆိုင်နေရသည့် ပြဿနာများနှင့် ပတ်သက်သော သူ့အမြင် သူ့အယူအဆတို့ကို အစည်းအဝေး မှတ်တမ်းများ အဖြစ် ကျွန်ုပ် သိမ်းဆည်းယူခဲ့သည်။ သူ၏ ကျနသော လေ့လာ သုံးသပ်မှု၊ ရိုးရှင်းသော ခွဲခြမ်း စိပ်ဖြာမှုတို့သည် အာရှ နိုင်ငံရေးလောက အတွက် အဓိပ္ပါယ် ရှိလှပြီး တန်ဖိုးလည်း ကြီးလှပေသည်။
Yasuhiro Nakasone,
Japanese Prime Minister,
1982-1987

မေး ။     ။ ခရစ်ယန်ဖြစ်တဲ့ ဝန်ကြီးတွေက ...

ဖြေ ။    ။ သူတို့က ဒီလောက် တစ်ယူသန်ကြီးတွေ မဟုတ်ပါဘူး။ သူတို့က "How to live and let live" ကို သဘောပေါက်ကြပါတယ်။ မင်းက ကျမ်းသစ္စာ ကျန်ဆိုချင်သလား။ ရတယ်။ ကျမ်းစာ အသစ်ပဲဖြစ်ဖြစ်၊ အဟောင်းပဲဖြစ်ဖြစ် (ဓမ္မဟောင်းကျမ်းပဲဖြစ်ဖြစ်၊ ဓမ္မသစ်ကျမ်းပဲဖြစ်ဖြစ်)။ သူတို့ ယုံကြည်တဲ့ ဘာသာတရားအတိုင်း (အသင်းတော်မူအတိုင်း) သစ္စာတိုင်တည်ပေးလိုက်တာပဲ။ ကက်ဘိနိတ်တစ်ခုလုံး ခရစ်ယန်တွေနဲ့ ပြည့်နေရင်တော့ သည်းခံစိတ်မရှိတဲ့ ကက်ဘိနိတ် ဖြစ်သွားလိမ့်မယ်။ ဒါတော့ အဖြစ်မခံနိုင်ဘူး။

မေး ။     ။ အခြားဘာသာတွေကလည်း တုန့်ပြန်လာကြလိမ့်မယ်လို့ လူတွေ စိုးရိမ်နေကြတယ်။
ဖြေ ။    ။ ဗုဒ္ဓဘာသာက တုန့်ပြန်ခဲ့ပြီးပြီလေ။ တုန့်လည်း တုန့်ပြန်ရမှာပဲ။ ဘာသာကွယ်ပျောက်သွားတာ ထိုင်ကြည့်နေလို့ ဘယ်ရမလဲ။ ဒီပြဿနာက အခု အေးသွားပါပြီ။

ကိုရီးယားနဲ့ ဂျပန်တို့မှာလည်း ငါတို့ လေ့လာခဲ့တယ်။ ဘာသာတရားအသစ် အားကောင်းလာပြီဆိုရင် ပူညံပူညံအသံတွေကတော့ ထွက်လာတာပဲ။ ခရစ်ယန်မှရယ်လို့ မဟုတ်ပါဘူး။ ကိုရီးယားမှာ ခရစ်ယန်အားကောင်းပြီး ထိုင်ဝမ်မှာက ဗုဒ္ဓဘာသာက ပိုအားကောင်းတယ်။ ဟောင်ကောင်မှာလည်း ခရစ်ယန်တွေ ရှိတယ်။ စင်္ကာပူနဲ့ မလေးရှားလောက်တော့ မများလှဘူး။

မေး ။     ။ ဘာသာတရားအချင်းချင်း ညီညွှတ်စွာပေါင်းစည်းနေထိုင်မှုဝါဒကို ဆက်လက် ထိန်းသိမ်းထားဖို့ အခက်အခဲ တွေ့လာနိုင်တယ်လို့ မထင်မိဘူးလား။

ဖြေ ။    ။ မထင်မိပါဘူး။ ပါလီမန်အမတ်တွေထဲမှာတော့ ဒါမျိုး ရှိကိုမရှိဘူး။ လူ့ကိုယ်အင်္ဂါ အစားထိုးကုသမှု အက်ဥပဒေ (HOTA - Human Organ Transplant Act) နဲ့ ပတ်သက်လို့ လွတ်လွတ်လပ်လပ် မဲခွဲဆုံးဖြတ်ကြတယ်။ ခရစ္စတိုဖာ ဒီဆော်ဆာက ကန့်ကွက်တယ်။ သူက တော်တော့်ကို မကြိုက်တာ။ မကြိုက်လည်း ထားလိုက်ပေါ့။ သူက ကက်သိုလစ်၊ ဒါပေမဲ့ ဘာသာရေးမဲဆွယ်တာတွေတော့ မတွေ့မိဘူး။ ပုတ်ရဟန်းမင်းကြီးက HOTA ကို သဘောမတူဘူး။ ဒါကြောင့် သူက ကန့်ကွက်တာ။
ငါ့သဘောအရတော့ ဒီကိစ္စမှာ ပုတ်ရဟန်း မှားတယ်လို့ ယုံကြည်တယ်။

မေး ။     ။ ၁၉၈၀ - ခုနှစ်တွေတုန်းက ချပ်ကျောင်းတွေ နိုင်ငံရေးထဲ ပါလာလို့ အစိုးရက လက်တုန်ပြန်ခဲ့ရသေးတယ်နော်။

ဖြေ ။    ။ ဟုတ်တယ်။ နိုင်ငံရေးထဲ သူတို့ ဝင်ပါလာတယ်။ သူတို့ကို ခွင့်ပြုလိုက်ရင် တခြား ဘာသာတွေကလည်း နိုင်ငံရေးထဲ ဝင်ပါလာကြမှာပေါ့။ ဒါဆိုရင် နိုင်ငံရေးပါတီက ဘာသာရေးကြောင့် အစိတ်အစိတ် အမွှာအမွှာ ဖြစ်သွားတော့မှာ။ ဒါကို ချက်ချင်း ရပ်ပစ်လိုက်ကြတယ်။ လက်တင်အမေရိကမှာ ဖြစ်ခဲ့တဲ့ ခရစ်ယန်လှုပ်ရှားမှုကနေတဆင့် ဒီကို ရိုက်ခက်လာတာ။ ကက်သိုလစ်ချပ်ကျောင်းတွေက ဆင်းရဲသားတွေအတွက် လုပ်သင့်တာတွေ လုပ်မပေးလို့တဲ့။

ငါ ရပ်ပစ်ခဲ့တာ။ ပုတ်ရဟန်းမင်းကြီး ဒီကိုလာတော့ သူ့ကို ငါ ရှင်းပြတယ်။ လက်တင်အမေရိကမှာတော့ ဒီကိစ္စက မှန်ပါတယ်။ စင်္ကာပူက ဘာသာပေါင်းစုံရှိတဲ့နေရာမို့ ကက်သိုလစ်တွေက စလိုက်ရင် အခြားဘာသာတွေကလည်း ပါလာမှာမို့ ဘာသာရေးအချင်းချင်း ပြဿနာဖြစ်လာနိုင်လို့ ခွင့်မပြုနိုင်ကြောင်းပေါ့။

ဘာသာရေးတိုင်း နိုင်ငံရေးနဲ့ ကင်းကင်းနေရမယ်။ ဒါမှ ညီညွှတ်မယ်။
မင်း မလေးရှားကိုကြည့်။ ဒီပြဿနာ ဘယ်တော့မှ အေးမှာ မဟုတ်ဘူး။ တန်ကု အပ်ဘဒူနဲ့ သူ့ကားပေါ် ပါပါသွားဖူးတယ်။ မင်္ဂလာဆောင်တို့၊ အခြားလူမှုရေးပွဲလမ်းတွေပေါ့ကွာ။ နေရာတိုင်းမှာလည်း ဗလီအသစ်တွေ ထပ်ထပ်ဆောက်တာ တွေ့ရတယ်။

ဒါနဲ့ ငါက တန်ကုကို "မင်းကွာ ... ဆေးရုံဆေးခန်းတွေ ဆောက်ပါလား" လို့ ပြောတော့ သူက "ကွမ်းယု၊ ဒါတွေကို မင်း နားမလည်ပါဘူး။ ဒါက မလေးလူထုကွ။ သူတို့က ဆုတောင်းဖို့လိုတယ်။ သူတို့ကို ဆု ကောင်းကောင်း တောင်းခွင့်ရအောင် လုပ်ပေးထား။ သူတို့ဘဝတွေလည်း နည်းနည်းလေး ပိုကောင်းလာအောင် ဆောင်ရွက်ပေးမယ်ဆိုရင် သူတို့က ပျော်နေပြီ။ သူတို့နဲ့ မင်းနဲ့ ကောင်းကောင်း လက်တွဲလို့ ရပြီ" တဲ့။

အစဆို တကယ့်အစပိုင်းတုန်းက သူတို့ မွတ်စလင်လူထုတွေထဲမှာ မွတ်စလင်မဟုတ်တဲ့လူတွေ ထောက်ခံမဲ မရအောင် အစ္စလမ်ကို နိုင်ငံရေးလက်ကိုင်တုတ်အဖြစ် အသုံးပြုခဲ့တဲ့စနစ်ပဲ။ ငါတို့ မလေးရှားထဲ ဝင်ပြိုင်တော့ မလေးတချို့က ငါတို့ ပီအေပီကို ထောက်ခံကြတယ်။ ဒီတော့ သူက ပြောတယ် "မင်း မလေးတွေထဲ ဝင်မလာနဲ့။ ပီအေပီပါတီဟာ တရုတ်လူမျိုးတွေထဲမှာပဲ ရှိနေပါစေ" တဲ့။

"ဒါဆို ငါတို့လူထုက နှစ်ခြမ်းကွဲနေမှာပေါ့" လို့ ငါက ပြောတော့ သူက ယူရေးရှန်းနဲ့ အိန္ဒိယန်းတွေကို စည်းရုံးချင် စည်းရုံး၊ မွတ်စလင်တွေကိုတော့ မင်း လက်ရှောင်ရမယ်တဲ့။ အခု သူတို့ ချွေးပျံနေပြီ။ ငါတို့ ပီအေပီက UMNO ခေါင်းဆောင်တွေနဲ့ ညီညွှတ်ရေးစကား ပြောတော့မှာ။ ဒီအကြောင်း မလေးသတင်းစာတွေမှာ ပါတယ်။ ဖတ်ကြည့်။ ဒါက ဖြစ်ကို ဖြစ်လာမယ့်ကိစ္စပဲ။

မေး ။     ။ အခုလေးတင်ပဲ ပါလီမန်အမတ်တွေအားလုံးဟာ မျှမျှတတရှိတယ်လို့ မစ္စတာလီ ပြောခဲ့တယ်။ သူတို့ ဒီအတိုင်းပဲ နေသွားကြမယ်၊ ဒါမှမဟုတ် ပေါ်လစီရေးဆွဲတဲ့ ထာဝရအတွင်းရေးမှူးလို ပုဂ္ဂိုလ်တွေက တစ်ဖက်ဖက်ကို မယိုင်ပါဘူးလို့ ဘယ်လိုကြောင့် သေချာပေါက် ပြောလို့ရတာလဲ။

ဖြေ ။    ။ အဲသလိုလူဆိုရင် လူထုက မထောက်ခံတော့ဘူး။ တရုတ်တွေရဲ့ (၇) လမြောက် သရဲကြီးပွဲကို မင်း မတက်ဘူးဆိုရင် ထောက်ခံမဲတွေ မင်း လက်လွှတ်သွားမှာပဲ။ အဲ့ဒါက မင်း ဘယ်လောက် ပျော့ပျော့ပြောင်းပြောင်း ရှိတယ်ဆိုတာ သက်သေပဲ။ ဘယ်တော့မှ ပြောင်းလို့မရတဲ့ တရုတ်ယဉ်ကျေးမှု အမွေအနှစ်တွေ ရှိတယ်။ ပညာသိပ်မတတ်တဲ့ တရုတ်တွေဆိုရင် နတ်တွေ၊ နတ်သမီးတွေ၊ ကွမ်ရင်တွေ စတာတွေကို ယုံကြည်နေကြတုန်း။ မင်းက ခရစ်ယန်စစ်စစ်ကြီးလုပ်ပြီး တမ်ပယ်တွေကို မသွား၊ သရဲကြီးပွဲကိုရှောင် ဆိုရင် "ဒီအမတ်က မစွံပါဘူး။ တို့နဲ့ တစ်သားတည်း မရှိဘူး"လို့ ပြောကြမှာ။ မင်းလည်း ထောက်ခံမဲတွေ လက်လွှတ်ရော။

မေး ။     ။ ရွေးကောက်ပွဲက ငါးနှစ်မှ တစ်ကြိမ်ပဲ မဟုတ်ဘူးလား။
ဖြေ ။    ။ ဟုတ်တယ်လေ။

မေး ။     ။ မစ္စတာလီပြောသလို ရွေးကောက်ပွဲမတိုင်မီ ကြားကာလတွေမှာရော တစ်ဖက်ဖက်ကို မယိမ်းနိုင်ဘူးလား။

ဖြေ ။    ။ အဲ့သလိုလုပ်ရင် ရွေးကောက်ပွဲမှာ ရှုံးမှာပေါ့။ အရေးအကြီးဆုံး စမ်းသပ်ချက်က လူထုကို ကိုယ်နဲ့အတူ ပါလာအောင် ခေါ်လာနိုင်သလားဆိုတဲ့အချက်ပဲ။ လူထုကြီးအားလုံးကို ခရစ်ယန်ဖြစ်အောင် စည်းရုံးလိုက်နိုင်ပြီဆိုရင် ငါတို့တော့ အကြီးအကျယ် ပြဿနာတက်မှာပဲ။ ဖြစ်လာမယ့် သဘောတော့ မရှိပါဘူး။

အော်စတင်တန်ရဲ့ မဲဆန္ဒနယ်ကို ငါ ရောက်ခဲ့ဖူးတယ်။ အဲ့ဒီမှာ တန်ခိုးကြီးတယ်ဆိုတဲ့ သစ်ပင်ကြီးမှာ ဖရောင်းတိုင်တွေ၊ ဆုတောင်းစာတွေနဲ့ ပြည့်နေတာပဲ။ ဒါနဲ့ ငါက "ဒါကတော့ ကျောက်ခေတ်ကိုးကွယ်မှု ကျနေတာပဲ" လို့ ပြောလိုက်တယ်။ သူက "မဟုတ်ပါဘူး။ သူတို့ စိတ်ကျေနပ်မှု ရကြတယ်။ ဒီအတိုင်းပဲ လွှတ်ထားရမယ်" လို့ ပြန်ပြောခဲ့တယ်။ သူက ခရစ်ယန်နော်။

ဒီမှာ ဆုတောင်းလို့ ကလေးရခဲ့တယ် ... စတဲ့ သူတို့ ယုံကြည်တဲ့ Temple တွေ၊ သစ်ပင်တွေသာ ဖျက်ဆီးပစ်လို့ကတော့ လူထုကြီးတစ်ခုလုံး မကျေမနပ် ဖြစ်ကြမှာပဲ။

တရုတ်ကွန်မြူနစ်ပါတီက ဘာသာမရှိဘူး။ အကုန်လုံးကို နှိပ်ကွက်တာ။ သူတို့လည်း သွေးအေးသွားရော ဘိုးစဉ်ဘောင်ဆက် ကိုးကွယ်တဲ့ အယူဝါဒလည်း ပြန်ရောက်လာတာပဲ မဟုတ်လား။ Qing Ming မှာဆိုရင် အဘိုးအဘွားတွေရဲ့ အုတ်ဂူတွေဆီသွား၊ မြက်ပင်တွေရှင်းလင်း လုပ်နေကြတာပဲ။ ဒီယဉ်ကျေးမှုက နှစ်ပေါင်းများစွာ အမြစ်တွယ်နေခဲ့တာ။ ခရစ်ယန်တချို့ အိန္ဒိယမှာ ရှိတယ်။ ဖီဂျီမှာရှိတဲ့ စီဗီလိုက်ဇေးရှင်းလည်း အသစ်လိုပဲ။ ခရစ်ယန်တွေက နတ်ကိုးကွယ်သူတွေကို ခရစ်ယန်တွေဖြစ်အောင် စည်းရုံးကြတယ်။ အိန္ဒိယမှာ ခရစ်ယန်ဦးရေ ဘယ်လောက်ရှိသလဲ။ ဟိန္ဒူတွေ အရိုးစွဲ ယုံကြည်တဲ့ နတ်နန်းတွေ၊ ဆင်နတ်တွေ၊ ဘာတွေညာတွေကို ဖယ်ပစ်လို့ မရဘူး။

မေး ။     ။ ကတ်ဘိနိတ်ထဲမှာ ဘာသာရေးကို အခြေခံပြီး ဒါကတော့ ဘာသာရေးနဲ့ ညီညွှတ်တယ်၊ ဒါကတော့ မညီညွှတ်ဘူးစတာတွေ အကျေအလည် ဆွေးနွေးခဲ့ရတာမျိုးတွေ ရှိခဲ့ဖူးသလား။ ဘာသာရေး ကိုယ်ကျင့်တရားနဲ့ ပတ်သက်လို့ပေါ့။ ဥပမာ ... ကက်စီနို၊ လိင်တူဆက်ဆံခြင်း စတာမျိုးတွေ ...

ဖြေ ။    ။ သူတို့က ခေတ်မီမီ စဉ်းစားတတ်ကြပါတယ်။ ဒါက လူထုရဲ့ အစစ်အမှန် ဖြစ်စဉ်ပဲ။ တို့ဆန္ဒရှိတာက ... ဒါ။ ဒါဆို လူထုက ဘယ်လို တုန့်ပြန်လာမလဲဆိုတာ ငါတို့ စဉ်းစားဆုံးဖြတ်ရတယ်။ လိင်တူဆက်ဆံတဲ့ကိစ္စကလည်း နောက်ဆုံးတော့ လက်ခံရမှာပဲ။ တရုတ်ပြည်မှာ ဒါကို တရားဝင် လက်ခံပြီးပြီ။ အနှေးနဲ့အမြန်ပါပဲ။ ဒါကို လက်ခံလာရလိမ့်မယ်။

အောက်ခြေလူတန်းစားတွေ ခရစ်ယန်ထဲ ဇွတ်အသွင်းခံရတာတော့ ငါ မတွေ့ဖူးသေးဘူး။ သူတို့အားလုံးကိုပါ ခရစ်ယန်ဘာသာထဲ အသွင်းခံလိုက်ရပြီဆိုရင်တော့ ဒီကိစ္စက တစ်မျိုးတစ်မည် ဖြစ်သွားနိုင်တာပေါ့။

ဇင်ဝေသော်
Zin Wai Thaw

ကပ်သီး ကပ်သပ်

ဘုန်းဘုန်း ရန်ကုန်မှာတုန်းက ပိန်ပိန်လေးနော်။ အခု တော်တော်ဝလာတယ်။ စင်္ကာပူက အစားအစာကြောင့်လား မသိဘူး။ ပေါက်ပေါက်ရှာရှာ မေးတယ် မထင်ပါနဲ့ ဘုရား။ ( ငတူး )

စင်္ကာပူက အစားအစာကြောင့် မဟုတ်ပါဘူး ငတူးရာ ။ ဘုန်းဘုန်းမှ မဟုတ်ပါဘူး၊ တခြား ဘုန်းဘုန်းတွေ ဝလာတာလည်း အစားအစာနဲ့ မဆိုင်ပါဘူး။ သင်္ကန်းကြောင့်ပါ။ လူတွေက အင်္ကျီဘောင်းဘီတွေ ဝတ်ကြတော့ နည်းနည်းလေး ဝ လာတယ်ဆိုရင်ပဲ အင်္ကျီတွေ ကျပ်၊ ဘောင်းဘီတွေ ကျပ် ဆိုတော့ တန်းသိတယ်။ ရဟန်းတော်တွေမှာတော့ သင်္ကန်းကြီးက ပြန့်ကြီးဆိုတော့  နည်းနည်းလေး ဝ လာလည်းမသိ၊ များများကြီးဝ လာလည်းမသိ။ ကျပ်တယ်ဆိုတာလည်း မရှိ။  ဒါကြောင့်ပါ။
ဘုန်းဘုန်းတွေ ဝလာရင် ဘုရားပေးတဲ့ သင်္ကန်းကြီးကြောင့်လို့သာ မှတ်လိုက်ပါ။ ဟုတ်ဟုတ် မဟုတ်ဟုတ်။

ဆရာတော် ဦးဗုဒ်က ကြည်ညိုဖို့သိပ်ကောင်းတယ်လို့ ပြောကြတယ်၊ ဆရာတော် ဦးဗုဒ် အကြောင်း နည်နည်း ပြောပြပေးပါလား ဘုရား။ ( ခက်ခက် )


ဆရာတော် ဦးဗုဒ်ကြည်ညိုဖို့သိပ်ကောင်းတာက ဒီခေတ် မဟုတ်လို့ပါ။  ဒီခေတ်မှာဆို ဆရာတော်ဗုဒ်ကို လူတွေ ဒီလောက်  ကြည်ညိုချင်မှ   ကြည်ညို ကြမှာပါ။ ဒီခေတ်က ဆိုရှယ်ခေတ် မဟုတ်လား။
ဥပမာ ကြည့်ပါ။

ယနေ့ခေတ်။ ဒကာကြီး ဒကာမကြီး တို့ မတွေ့တာတောင် ကြာလှပေါ့၊( ဒါမျိုးမှ ကြိုက် )
ဆရာတော်ဗုဒ်။ သူတို့ကို ဧည့်မခံရတော့ ငါ့ပရိယတ်၊ ပဋိပတ်ကို ဖြောင့်ဖြောင့် လုပ်နိုင်တာပေါ့။ ( ဘယ်လိုကြီးလဲ ဟ )





ယနေ့ခေတ်။ လာ၊ ဒကာမကြီးတို့၊ လှေကားကနေတက်ခဲ့။
ဆရာတော်ဗုဒ်။ လှေကားက မတက်လို့ ဒီ ဒကာမက တိုင်ဖက်ပြီး တက်နေရဦးမှာလား၊ စကားမရှိ စကားရှာ။

ယနေ့ခေတ်။ ထိုင်ကြ၊  ဒကာမကြီးတို့။ ကော်ဇောပေါ်ထိုင်။
ဆရာတော်ဗုဒ်။ ကော်ဇောပေါ်မထိုင်လို့  ဒီ ဒကာမတွေက ဆရာတော့်ခုံပေါ် တက်ထိုင်နေရမှာလား၊ စကားမရှိ စကားရှာ။

စာထဲက ဆရာတော်ဗုဒ်ကို ကြည်ညိုကြပေမယ့် အပြင်မှာ တကယ် နဖူးတွေ့ ဒူးတွေ့ဆို လန်သွားမယ့် ဒကာ ဒကာမတွေ ဒီခေတ်မှာ တော်တော် များလိမ့်မယ် ထင်သကွယ်။ မှားရင် ခွင့်လွှတ်တော်မူကြကုန်။

သီဟနာဒ

မြန်မာ (သို့) အင်ဂျင်သုံးလုံးဆွဲလာတဲ့ ရထား

United Front for Reforms in Myanmar
By- Bridget Welsh
ဘာသာပြန်ဆိုသူ - ဇင်ဝေသော်

သူတို့နိုင်ငံ အမှန်တကယ် ပြောင်းလဲလာနေပြီဖြစ်ကြောင်း သက်သေပြုရန် မြန်မာခေါင်းဆောင်များ အရင်တစ်ပတ်က ကမ္ဘာ့ဇာတ်ခုံပေါ်တက်လာရင်း ပြသခဲ့ကြသည်။

သမ္မတ ဦးသိန်းစိန်နှင့် အတိုက်အခံ နိုင်ငံရေးခေါင်းဆောင် ဒေါ်အောင်ဆန်းစုကြည်တို့ သမိုင်းဝင်အမေရိကခရီးကို သွားနေကြချိန် ပါလီမန်ပြောရေးဆိုခွင့်ရှိသူ သူရဦးရွှေမန်းက စင်ကာပူနှင့် သြစတေးလျတို့သို့ ရောက်ရှိလာခဲ့သည်။သူတို့ချန်ထားခဲ့သော မက်ဆေ့ခ်ျကတစ်သွေးတစ်ရောင်တည်း ဖြစ်၏။ မြန်မာပြောင်းလဲလာနေပြီ။ ပြောင်းလဲမှုကအစစ်အမှန်ဖြစ်ပြီး နောက်ကြောင်းပြန်လှည့်ဖို့ အကြောင်းမရှိ။ မြန်မာတို့ ပြောင်းလဲမှု ပုံသဏ္ဍာန်သည် မြန်မာ့နည်း မြန်မာ့ဟန်ဖြင့် ပြောင်းလဲမည်ဟု ဖြစ်လေသည်။

သူတို့ကိုယ်တိုင် မျိုးချစ်ပုဂ္ဂိုလ်များအနေဖြင့် ကမ္ဘာ့ဇာတ်ခုံပေါ်သို့တက်လာရင်း မြန်မာ၏ ပုံရိပ်ကိုလည်း ထိုးပြသွားခဲ့သည်။ တစ်ယောက်နှင့်တစ်ယောက် မည်သူက ပို၍အရေးကြီးသည်ဆိုသည့်သဘော မသက်ရောက်ရအောင် ဂရုတစိုက်ပြောခဲ့ကြသည်။ သူတို့သုံးယောက်စလုံး တညီတညွတ်တည်း ပြောသွားခဲ့သောစကားများမှာ “ မြန်မာနိုင်ငံပြောင်းလဲရေးအတွက် အပြည်ပြည်ဆိုင်ရာ နိုင်ငံများက အကူအညီပေးကြရန်၊ ရင်းနှီးမြှုပ်နှံမှုများ ပြုလုပ်ပြီး လူထုအတွက်အလုပ်အကိုင်အခွင့်အလမ်းများ ဖန်တည်းပေးကြရန်နှင့် အထူးသဖြင့် ပိတ်ဆို့ထားသော စီးပွါးရေးတံခါးများ ဖွင့်ပေးရန်၊ နည်းပညာအကူအညီများ ပေးကြရန်တို့ဖြစ်သည်။

မြန်မာနိုင်ငံခေါင်းဆောင်သုံးယောက်စလုံး ကမ္ဘာထဲသို့ တပြိုင်နက် ဝင်ရောက်လာခြင်းသည် မကြုံစဖူးအထူးတလည်ဖြစ်သည်။ ဗိုလ်ချုပ်မှူကြီးဟောင်း ဦးသန်းရွှေ၏ ထိန်းချုပ်မှုရှိသည်ဟူသော သံသယများကြားမှ ဤအမျိုးသားနှစ်ယောက်နှင့် အမျိုးသမီးတစ်ယောက်က ပြုပြင်ပြောင်းလဲရေးကို စနစ်တကျပြုလုပ်လာတာကို တွေ့ရှိရသည်။ ဤပြောင်းလဲမှုဖြစ်စဉ်သည် လွယ်ကူလှသောကိစ္စမဟုတ်၊ သူတို့အချင်းချင်းမှာပင် အလျော့ပေးမှုများ ပြုလုပ်ခဲ့ရသည်။ ကာလလည်း အတန်ကြာအောင် ညှိနှိုင်းယူခဲ့ကြရသည်။

နိုင်ငံရေးပြုပြင်ပြောင်းလဲရေးကို သက်သေပြလိုက်သောအချက်က ပုံနှိပ်ထုတ်ဝေရေး ဆင်ဆာဥပဒေကို ရုတ်သိမ်းခြင်းနှင့် ဧပြီလရွေးကောက်ပွဲအပြီးဆက်လက်လွှတ်ပေးလာနေသော နိုင်ငံရေးအကျဉ်းသားကိစ္စတို့ဖြစ်သည်။စီးပွါးရေးပြုပြင်ပြောင်းလဲမှုကို ဖောင်းပွနေသော ငွေကြေးစနစ်ကို ကိုင်တွယ်ရန် ဧပြီလက စတင်စီမံကိန်းချ ကြိုးစားလာခဲ့ခြင်းက သက်သေခံလျှက်ရှိသည်။

အခြားကိစ္စများက မပြီးဆုံးသေးသော မျှော်လင့်ခြင်းပန်းချီကားများ ဖြစ်သည်။ အထူးသဖြင့် နိုင်ငံခြားရင်းနှီးမြှုပ်နှံမှုပင် ဖြစ်၏။ ယင်းဥပဒေကို ပါလီမန်က အတည်ပြုခဲ့၏။ သို့သော် ထိုဥပဒေကို ပြန်လည်စစ်ဆေးရန် ရှိနေသေးသည်။ အထူးသဖြင့် အများအငြင်းပွါးဖွယ်ဖြစ်နေပြီး နိုင်ငံတော်၏ ပင်မစီးပွါးရေးအခန်းကဏ္ဍလည်းဖြစ်သော စိုက်ပျိုးရေးနှင့်ပတ်သက်သော အချက်အလက်တို့ဖြစ်သည်။ သူတို့သုံးယောက်စလုံး တညီတညွတ်တည်း ထွက်ဆိုခဲ့သောအသံသည် ပြောင်းလဲမှုလမ်းစဉ်ပေါ်သို့ သူတို့ရောက်နေပြီဟူသော အချက်ဖြစ်သည်။



သူတို့ သုံးဦးအနက် မည်သူက အနာဂတ်မြန်မာကို ဦးဆောင်မည်နည်းဆိုသောအချက်သည် ကမ္ဘာနှင့်မဆိုင်၊ သူတို့အိမ်တွင်းရေး ရှင်းရမည့်အခက်အခဲသာဖြစ်သည်။ အမှန်တကယ်ဆိုရမူ သူတို့သုံးယောက်စလုံးသည် နိုင်ငံတော်၏ သမ္မတရာထူးကို ရည်စူးထားကြသူများဖြစ်ကြသည်။ဦးသိန်းစိန်ကမူ သမ္မတသက်တမ်းတစ်ခုပြီးလျှင် ရာထူးမှနှုတ်ထွက်လိမ့်မည်ဟု ယူဆရသည်။ မည်သူ့ကို သူ့နေရာအတွက် လျာထားမည်နည်းဆိုသောကိစ္စက မည်သူမျှမသိပေ။ သူရဦးရွှေမန်း သမ္မတရာထူးကို မှန်းနေသည်ဆိုသောအချက်ကတော့ သိသာထင်ရှားသည်။

သူမ၏သားနှစ်ယောက် ဗြိတိသျှလူမျိုးများဖြစ်နေသဖြင့် သူမအတွက် အဟန့်အတားသဖွယ်ဖြစ်နေသော်လည်း ဒေါ်စုကြည် သမ္မတဖြစ်လာလိမ့်မည်ဟုတော့ လူအများက မျှော်လင့်ထားနေကြသည်။ ဤပြဿနာများ ဟန်ချက်ညီညွတ်ဖို့တော့ လိုပေလိမ့်မည်။ သို့သော် လာမည့်ရွေးကောက်ပွဲ နီးလာသည့်အချိန်ရောက်မှသာ ဤပြဿနာက တက်လာစရာရှိပေသည်။ ထို့အတူ ဒေါ်စုကြည်၏ အဖွဲ့ချုပ်လွှတ်တော်အမတ်များနှင့် အခြားလွှတ်တော်အမတ်များအကြား နိုင်ငံတော်ကို မြန်မာဟုခေါ်ရေး၊ ဘားမားဟုခေါ်ရေး ရှိနေဆဲပင်ဖြစ်သည်။ မဲဆန္ဒနယ်များနှင့်ပတ်သက်၍လည်း သူတို့ကြား၌ မပြေမလည်ဖြစ်နေသောကိစ္စတစ်ချို့ ရှိခဲ့ကြသည်။ ဤအချက်ကို နိုင်ငံတော်တရားရုံးချုပ်က သမ္မတဦးသိန်းစိန်ထံ အစီရင်ခံခဲ့ပြီးဖြစ်သည်။

နိုင်ငံတော် တရားရုံးချုပ်က အတည်ပြုခဲ့သောဥပဒေက ပါလီမန်အဖွဲ့၏ ဆုံးဖြတ်ပိုင်ခွင့်အချို့ကို ကန့်သတ်ထားလျှက်ရှိသည်။ အထူးသဖြင့် ပါလီမန်အနေနှင့် သမ္မတနှင့် သမ္မတရုံးအပေါ် ပြောရေးဆိုခွင့်တို့ဖြစ်သည်။ထိုပြဿနာကို ရှင်းရမည့်အစား တရားသူကြီးက ဤဥပဒေကို တဖန်လက်မှတ်ထိုး အတည်ပြုပေးခဲ့ပြန်သည်။ ထို့ကြောင့် သမ္မတဦးသိန်းစိန်နှင့် သူရဦးရွှေမန်းတို့အကြား အာဏာခွဲဝေမှု မညီမမျှ မည်မျှဖြစ်ခဲ့လေသနည်းဟူသောအချက်က မရှင်းမလင်း ရှိနေဆဲသာ ဖြစ်သည်။

ဤကိစ္စနှင့်အလားတူ မြန်မာနိုင်ငံလူ့အခွင့်အရေးကောင်စီနှင့်ပတ်သက်သော ပြဿနာလည်း ယမန်နှစ်က ရှိခဲ့ဖူးသည်။ လူ့အခွင့်အရေးကောင်စီက သူတို့အမှန်တကယ်လိုအပ်သော ငွေကြေးပံ့ပိုးမှု အလုံအလောက်မရရှိခဲ့ဟု ပြောဆိုခဲ့ကြသည်။ ထိုစဉ်ကလည်း ပါလီမန်၏ထောက်ခံမှုဖြင့် သူရဦးရွှေမန်းက သမ္မတရုံးနှင့် ဆန့်ကျင်ပြီး သူ့အယူအဆအပေါ် သူရပ်တည်ခဲ့ဖူးသည်။

ဒေါ်စု၏ အဖွဲ့ချုပ်ပါလီမန်အမတ်များနှင့် ယခင်စစ်တပ်မှ ပါလီမန်အမတ်များအကြား သဘောထားကွဲလွဲမှုများက ယခုအသံတိတ်ဆိတ်နေ၏။ အထူးသဖြင့် ဒီမိုကရက်တစ် အစိုးရစစ်စစ်ဖြစ်ရေးနှင့် စစ်တပ်ဗိုလ်ချုပ်ကြီးဟောင်းများက စီးပွါးရေး၌ အကြီးအကျယ် ပါဝင်ပတ်သက်နေမှုတို့ဖြစ်သည်။ ဤကိစ္စများကလည်း တဖန်ပြောစမှတ် ဖြစ်လာနိုင်သည်။

သူရဦးရွှေမန်းက လစ်ဘရယ်စီးပွါးရေးစနစ်ကို အားသန်ပုံရသည်။ သို့သော် သူ့အပေါ်မှာလည်း နိုင်ငံတွင်း စီးပွါးရေးသမားတို့၏ ဖိအားတစ်ချို့ရှိနေပြန်သည်။ ဒေါ်စုကြည်ကိုယ်တိုင်ကလည်း ဒီမိုကရေစီအတွက် သူမတောင်းဆိုခဲ့သည်နှင့်အညီ ပြုမူရန် ဖိအားတစ်ချို့ ရှိနေနိုင်ပြန်သည်။ ထို့အပြင် ခေါင်းဆောင်သုံးဦး၏ မတူညီသော ကိုယ်ရည်ကိုယ်သွေးနှင့် လိုက်(ဖ်) စတိုင်က နောက်ထပ်ပြဿနာတစ်ခု ဖြစ်နေနိုင်ပြန်သည်။

ဦးသိန်းစိန်က စကားနည်းသည်။ စီမံကိန်းပြတ်ပြတ်သားသား မရှိလှဟု ဆိုရန်ရှိသော်လည်း ချမှတ်ထားသောမူကိုတော့ တသွေမတိမ်း လိုက်တတ်သည့်သဘော တွေ့ရသည်။ ဒေါ်စုကြည်က လူထုသိ၊ ကမ္ဘာသိဖြစ်ပြီး မြန်မာလူထုနှင့် ကမ္ဘာကလည်း သူမထံမှ အများအပြား မျှော်လင့်ထားကြသည်။ ပါလီမန်အမတ်တွေထဲမှာပင် သူမက အခြားအမတ်တွေထက် ခေါင်းတစ်လုံးပိုမြင့်နေသည်။ ယခုဆိုလျှင် ဒေါ်စုကြည်သည် ဥပဒေကို ဝေဖန်သူထက် ကိုယ်တိုင်ဥပဒေရေးဆွဲသူအဖြစ် ပါဝင်ရတော့မည်ဖြစ်သည်။ ဤအကူးအပြောင်းကား ခက်ခဲသော အကူးအပြောင်းတစ်ခုဖြစ်၏။

သူရဦးရွှေမန်းက နိုင်ငံရေးအတွေ့အကြုံ ရင့်ကျက်သူဖြစ်၏။ ဆယ်စုနှစ်များစွာ စစ်တပ်ကို နောက်ကွယ်မှ ကြိုးကိုင်လှုပ်ရှားခဲ့သူဖြစ်၏။ သို့သော် ယခုအခါ၌ သူကိုယ်တိုင် လူထုမေတ္တာကို ရရှိရေး၊ လူထုထောက်ခံရေးအတွက် ကြိုးစားအားထုတ်လျှက်ရှိသည်။ စစ်တပ်ထဲ၌ အဓိကပါဝင်ခဲ့မှုများကြောင့် ပါလီမန်အမတ်တို့၏ ထောက်ခံမှုရရှိရေးကလည်း သူ့အတွက် ကြီးကျယ်သောစိန်ခေါ်မှုတစ်ရပ် ဖြစ်နေခဲ့သည်။

သူတို့အချင်းချင်း၌ မတူညီသော စရိုက်များရှိနေခဲ့သော်လည်း နိုင်ငံတော် ပြုပြင်ပြောင်းလဲရေး၌ကား တူညီသောအမြင်နှင့် ဦးတည်ချက်များ ရှိနေကြသည်။ အပြန်အလှန် နားလည်မှု၊ အပြန်အလှန် လေးစားမှုတို့ကိုလည်း တွေ့မြင်လာရသည်။ သူတို့ချင်း ကွဲပြားခြားနားမှု မည်မျှပင်ရှိစေ နိုင်ငံတော် ပြုပြင်ရေးကို အဟန့်အတားဖြစ်စေနိုင်လောက်သည့် ပုဂ္ဂိုလ်ရေးပြဿနာများ သူတို့ထံတွင် မတွေ့ရပေ။ သူတို့၏ ညီညွတ်သော တွဲလက်များကို အရင်တစ်ပတ်အတွင်း ကမ္ဘာကို ပြသနိုင်ခဲ့ကြသည်။

သူရဦးရွှေမန်းက စင်ကာပူနှင့် သြစတေးလျရောက်စဉ် စီးပွါးရေးရင်းနှီးမြှုပ်နှံမှုနှင့် နည်းပညာအကူအညီရရှိရေးကို ထပ်လောင်းပြောခဲ့သည်။ စီးပွါးရေးသမားများအတွက် တံခါးများ ဆက်လက်ဖွင့်လှစ်ပေးမည်စသဖြင့် ပြောကြားသွားခဲ့သည်။

အမေရိကဖက်ကို ကြည့်ပြန်တော့လည်း နိုင်ငံ့ခေါင်းဆောင်များကို ပိတ်ပင်ခဲ့သော ပြည်ဝင်ခွင့်၊ မြန်မာပြည်ထုတ်ပစ္စည်းများအား အမေရိကသို့ တင်သွင်းခွင့် ပိတ်ဆို့ခြင်းများ ရုတ်သိမ်းခဲ့သည်။ ဤအချက်တို့သည် အမေရိကန်တို့၏ အလုပ်ကို အလုပ်နှင့် သက်သေပြ (Action for action) ပေါ်လစီပင်ဖြစ်သည်။ ထို့အပြင် ပြောင်းလဲလာသော မြန်မာနိုင်ငံသည် သမ္မတ အိုဗားမား၏ ပေါ်လစီမှန်ကန်သည်ဟု သက်သေပြရာလည်းရောက်သည်။ မြန်မာနိုင်ငံ ဒီမိုကရေစီကူးပြောင်းရေးအတွက် စစ်တပ်ကိုရော အဖွဲ့ချုပ်ကိုပါ မတူညီသော ပေါ်လစီတို့ဖြင့် သူတို့ချဉ်းကပ်ခဲ့ကြသည်။ ဆုပေး၊ ဒဏ်ပေးစနစ်မှန်သည်ဟု ယူဆရန်ရှိသည်။

ပြောင်းလဲလာနေသော မြန်မာနိုင်ငံ၏ ကမ္ဘာပေါ်ထင်ဟပ်သော ပုံရိပ်နှင့်ပတ်သက်၍ ဤခေါင်းဆောင်သုံးဦးစလုံးကို ချီးကျူးရပေလိမ့်မည်။ သူတို့သုံးဦး လက်တွဲညီညီ ကြိုးစားအားထုတ်ခြင်းကြောင့် ပို၍တောက်ပသော အနာဂတ်ကို မြန်မာတို့ ပိုင်ဆိုင်နိုင်ပေလိမ့်မည်။သူတို့သုံးဦးရှေ့ခရီးကိုဘယ်လိုဆက်ကြမလဲဆိုသောအဖြေသည် မြန်မာနိုင်ငံ၏အနာဂတ်ကံကြမ္မာဖြစ်နေသည်။ လတ်တလော အနေအထားကို သုံးသပ်ရာမှာတော့ သူတို့သုံးဦး၏ စီးမြောနေသောရစ်သမ်သည် ဟန်ချက်ညီနေသည်ဟု ဆိုရပေတော့မည်။

***(The writer is an Associate Professor in Political Science at Singapore Management University)
မူရင်းဆောင်းပါး


ဇင်ဝေသော်

ဒီမိုကရက်တောဝါဒ

ဘုရားရှင် ကိုယ်တော်မြတ်ကြီးသည် တပည့်သား ရဟန်းတော်များနှင့် အတူ ၂၁ရာစု နေပြည်တော်ထဲသို့ ဆွမ်းခံကြွတော်မူ၏။ ထို အခါ မင်းသားတစ်ပါးသည် ( နန္ဒ မင်းသားတော့ မဟုတ်၊ မင်းသားနာမည်လည်း မေ့သွားပြီ ) ထို ၂၁ ရာစု နေပြည်တော်ထဲ၌ အလုပ်ရှုပ်နေ၏။

" ငါ့ညီ၊ လာလှည့်၊ ငါ၏ သပိတ်တော်ကို ထမ်း၍ ငါ့နောက်က လိုက်ခဲ့လေလော့ "
ဟု ဘုရားရှင် ကိုယ်တော်မြတ်ကြီးက မိန့်တော်မူ၏။

ထိုအခါ ထို မင်းသားက
" နောင်တော် သိဒ္ဓတ္တ၊ အခြား မင်းသားကို ခေါ်ပါလား၊ ညီတော်ကား  ဇနပဒကြိုင်လှိုင် နှင့် လက်ထပ်ရန် ရှိနေပါ၏ "
ဟု ခေါင်းမာမာ ပြန်လည်လျှောက်ထား၏။

" အင်း  ဤဝေနေယျကား ခက်ချေဘိ၏ " ဟု သည်းခံတော်မူပြီး အခြား မင်းသားငယ် တစ်ပါးကို သပိတ်တော်ထမ်း ခေါ်ရလေတော့၏။ ထို မင်းသားကြီးကား ဘုရား စကားကိုလည်း ပယ်ရဲ၏။

ထို မင်းသားငယ်ကို ခေါ်ပြီး ခရီးဆက်ရာ ထိုင်းနိုင်ငံ၊ မဲဆောက်မြို့၊ ဒုက္ခသည် စခန်းသို့ ရောက်လေ၏။ ထိုအခါ ဘုရားရှင် ကိုယ်တော်မြတ်ကြီးက
"  ညီတော်၊ ညီတော် တို့ ၂၁ရာစု လွင်တီးခေါင် နေပြည်တော်ကြီးနှင့် ဤ ဒုက္ခသည် စခန်း ဘယ်နေရာက ပို၍ နေချင်စဖွယ် ရှိသနည်း " ဟု မေးရာ

"  နောင်တော် သိဒ္ဓတ္တကား မေးရက်လှသည်၊  ညီတော် တို့ ၂၁ရာစု နေပြည်တော်ကြီးက ဤ ဒုက္ခသည် စခန်း ထက် အဆများစွာ နေချင်စဖွယ် ရှိပါသည် " ဟု ဝမ်းနည်းမျက်ရည် ရွှဲရွှဲဖြင့် ဖြေလေ၏။

" ခွင့်လွှတ်ပါ ညီတော်၊ သရော်လို၍ မေးခြင်းမဟုတ်ပါ " ဟု ဘုရားရှင် ချွေးသိပ်တော်မူ၏။

ဤသို့ ခရီးဆက်၍ ၁၅ မိနစ်ခန့် ကြာသော အခါ နယူးယောက်မြို့သို့ ရောက်လေ၏။ ထိုအခါ ဘုရားရှင်က အရင်မေးခွန်းကိုပင် ထပ်မေးတော်မူ၏။

" ညီတော် တို့ ၂၁ရာစု နေပြည်တော်ကြီးနှင့် ဤ  နယူးယောက်မြို့ ဘယ်နေရာက ပို၍ နေချင်စဖွယ် ရှိသနည်း "
" ဤ  နယူးယောက်မြို့ နှင့် နှိူင်းယှဉ်ပါက ညီတော် တို့ ၂၁ရာစု နေပြည်တော်ကြီးသည် မဲဆောက်မြို့၊ ဒုက္ခသည် စခန်းနှင့်ပင် တူနေပါတော့သည် ဘုရား " ဟု မင်းသားက မျက်လုံးလေး ကလယ် ကလယ်၊ တောင်ကြည့် မြောက်ကြည့် ဖြင့် ဖြေ၏။

" သို့ဖြစ်လျှင် ညီတော် တို့ ၂၁ရာစု နေပြည်တော်ကြီးကို ဤ  နယူးယောက်မြို့ကြီးလို ဖြစ်အောင် မလုပ်ချင်ဘူးလား " ဟုဘုရားရှင်က မေးတော်မူ၏။

" ဖြစ်စေလိုပါပြီကော နောင်တော် သိဒ္ဓတ္တ၊ ဘယ်သို့ လုပ်ရမည်ကိုသာ နောင်တော် အမိန့် ရှိတော်မူပါ " ဟု လျှောက်၏။

ထိုအခါ ဘုရားရှင်က ထိုမင်းသားကို နှစ်ကိုယ်ကြား တိုးတိုးသာ မိန့်တော်မူလေ၏။ ထို့ကြောင့် ဘုရားရှင်က ဘာမိန့်သည်ကို ထိုမင်းသားမှ လွဲ၍ မည်သူမှ မသိ။ အရှင် အာနန္ဒာပါ မကြားလိုက်သဖြင့် ဤ အကြောင်းလည်း သင်္ဂါယနာ တင်ရာတွင် မပါလိုက်။ ထို့ကြောင့် ကျွန်ုပ်လည်း မသိ။ သို့ဖြင့် ဤ နေရာမှပင် မဆုံးသော်လည်း ဆုံးလိုက်ရပေတော့သတည်း။ ( နှစ်ကိုယ်ကြား တိုးတိုးသာ မိန့်တော်မူသော စကားတော်သည် ဒီမိုကရက်တောဝါဒ ဖြစ်နိုင်ကောင်း၏ ဟု နှောင်းပိုင်း ပညာရှင်တို့ ယူဆကြလေသတတ် )

ခြေထောက် မှတ်ချက် ( Foot Note ) : ဒီမိုကရက်တောဝါဒ သည် ပါဠိ စပ်ပုဒ်တည်း။ ဒီမိုကရက်တစ် နှင့် ဩဝါဒ နှစ်ပုဒ် ပေါင်းစပ်ထားခြင်းဖြစ်သည်။


သီဟနာဒ

လီကွမ်းယုနဲ့ ဘာသာရေး ယုံကြည်မှု ( ၆း ၄ )

မေး ။     ။ အခု မစ္စတာလီ ပြောနေတာတွေက မစ္စတာလီကြုံတွေ့ခဲ့ရသလို ကြုံတွေ့ခွင့်မရတဲ့ နောက်မျိုးဆက်သစ် လူငယ်တွေက အဓိပ္ပါယ်အကောက်လွဲသွားမှာကို မစိုးရိမ်ဘူးလား။ မစ္စတာလီက မွတ်ဆလင်တွေ၊ မလေးတွေနဲ့ ရင်းနှီးကျွမ်းဝင်ခဲ့တယ်။ ဒါကြောင့် ဘယ်လိုဆက်ဆံ ကိုယ်တွယ်ရမယ်ဆိုတာကို သိတယ်။ ဒီလို ပြောတာတွေကိုကြားပြီး မွတ်ဆလင်တွေအပေါ် အလွန်အမင်း လက်တုံ့ပြန်မှုတွေရော ဖြစ်မလာနိုင်ဘူးလား။

ဖြေ ။    ။ ငါတော့ မထင်ပါဘူး။ ဆိုလိုတာက သူတို့ငါနဲ့တွဲပြီး အလုပ်လုပ်ခဲ့ကြဘူးတယ်။ ဂိုချောက်ထောင် ၁၅- နှစ်လောက် ငါနဲ့တွဲပြီး အလုပ်လုပ်ခဲ့တယ်။ သူအနားမယူခင်အထိပေါ့။ မလေးခေါင်းဆောင်တွေနဲ့ စည်းဝေးတိုင်း သူတက်တယ်။ လီရှန်လွန်းမှာလည်း မလေးမိတ်ဆွေ သူငယ်ချင်းတွေရှိတယ်။ ကလေးဘဝကတည်းက မဲဆန္ဒနယ်တွေကို ငါနဲ့အတူ လိုက်ခဲ့တာ။ သူတို့ မခံနိုင်တဲ့ကိစ္စမျိုးတွေကို သူသဘောပေါက်တယ်။ သူ့နေရာကို ဘယ်သူပဲဆက်ခံ ဆက်ခံ၊ အဲဒီလူက ပါလီမန်ထဲမှာကတည်းက မလေးတွေနဲ့ ဆက်ဆံရ၊ မဲဆန္ဒနယ်တွေသွားရင်း လေ့လာခွင့်ရဖြစ်မှာပဲ။ ဘယ်သူမဆို ဒီပေါ်လစီကို လက်ခံသွားမှာပဲ။

မခံမရပ်နိုင်စရာဖြစ်လာမယ်လို့ ငါတော့မထင်မိဘူး။ ငါတို့ရဲ့ ပထမဆုံး အရေးကြီးတဲ့ ပေါ်လစီက လူမျိုးပေါင်းစုံ ညီညီညွတ်ညွတ်နဲ့ နေထိုင်နိုင်တဲ့ လူ့အဖွဲ့အစည်းဖြစ်အောင် တည်ထောင်ယူရမယ်။ သည်းခံမှုတွေ အများကြီးလိုတယ်ဆိုတာ စင်ကာပူးရီးယန်းတိုင်း သဘောပေါက်တယ်။ အဲဒါ ငါတို့ဘဝပဲ။ ဂျူးဘာသာဝင်တွေ၊ ခရစ်ယန်တွေ၊ မွတ်ဆလင်တွေ၊ ဇိုဂို စထရီးယန်းတွေ၊ ဗုဒ္ဓဘာသာတွေ၊ တာအိုဘာသာဝင်တွေ၊ အားလုံးပေါင်းစည်းနေကြရတဲ့ ဘဝတွေပဲ။ SAF အတွက် ဆုတောင်းတာတွေကို ကြည့်။ ဘာသာတရားတိုင်း ပါဝင်တယ်။ ကိုယ့်ယုံကြည်မှု ကိုယ်နဲ့အတူရှိမှ တိုက်ပွဲမှာ ရဲရင့်တော့မပေါ့။ သေသွားတယ်ဆိုရင်တောင် ဘာသာရေးယုံကြည်မှုနဲ့ဆိုတော့ ကောင်းတာပေါ့။

မေး ။     ။ စင်ကာပူးရီးယန်း မွတ်ဆလင်တွေအပေါ် မစ္စတာလီ ဘယ်လောက်ယုံကြည်ထားပါသလဲ။

ဖြေ ။    ။ ငါပြောနိုင်တာက အင်္ဂလိပ်စကားပြောတဲ့ မလေးဖြစ်လေလေ၊ အကြမ်းဖက်မှု ရာခိုင်နှုံး စင်ကာပူမှာ နည်းလေလေလို့ ထင်တယ်။ အခု မလေးကျောင်းသားတွေရဲ့ ပထမဘာသာစကားက အင်္ဂလိပ်ဖြစ်လာတယ်။ သူတို့ အင်တာနက်ပေါ်တက်တော့လည်း အင်္ဂလိပ်လို ရေးထားတာတွေကို သူတို့ဖတ်ကြတယ်။ ဒီသုတေသနကို မူလတန်းဝင်ခွင်မှာကတည်းက ပြုလုပ်ခဲ့ကြတာ။ မလေးကလေးတွေဟာ ပိုပြီး အင်္ဂလိပ်စကား ပြောလာကြတယ်။ အဲဒီအရွယ်မှာ ကလေးတစ်ယောက်က အင်္ဂလိပ်လို ပြောနိုင်တယ်ဆိုရင် သူတို့မိဘတွေဟာ ပညာတတ်တွေလို့ သဘောပေါက်ထားလို့ရတယ်။ သူတို့ ကလေးတွေကိုလည်း လူတောထဲမှာ ထဲထဲဝင်ဝင် ရှိစေချင်ကြတယ်။ ဒီအစီအစဉ်က စနစ်တကျလေး ပြောင်းလဲလာနေတယ်။ သူတို့ကို မလေးဘာသာစကားကနေ အင်္ဂလိပ်ဘာသာစကားကို ပြောင်းပေးပြီး ပိုကျယ်တဲ့လောကကြီးထဲကို တိုးဝင်ခိုင်းထားတယ်။

မေး ။     ။ စင်ကာပူမှာရှိတဲ့ မလေးတွေရဲ့ ဖွံ့ဖြိုးတိုးတက်လာမှု၊ လူထုထဲမှာ အင်္ဂလိပ်စကား ပိုမိုကျယ်ပြန့်စွာ ပြောဆိုလာမှု၊ ဒါတွေကိုကြည့်ရင် မစ္စတာလီအမြင်မှာ ကျေနပ်စရာတွေ ဖြစ်နေတယ်လို့ ပြောရင်ရမလား။

ဖြေ ။    ။ ဒီလူငယ်ထုက ကြီးလာမှာပဲ။ ဒါပေမယ့် လူနည်းစု ဂျီးဟတ်တွေလည်း ရှိနေနိုင်တာပဲ။ သူတို့ကို ပျောက်သွားအောင် ငါတို့မလုပ်နိုင်ဘူး။ လူနည်းစုလေးပေမယ့် လူ့အဖွဲ့အစည်းတစ်ခုလုံးမှာရှိနေတဲ့ ဟာမိုနီတွေ ပျက်စီးသွားအောင် လုပ်နိုင်တယ်။

မေး ။     ။ ဒီပြင် ဘာသာတရားတွေဖက်ကို လှည့်ကြဦးစို့လား။ တစ်ချို့ပြောနေကြတာတွေ ရှိတယ်။ ခရစ်ယာန်ဘာသာ ထိန်းသိမ်းစောင့်ရှောက်ရေးအဖွဲ့တွေက ဘာသာရေးစည်းရုံးမှုတွေ တော်တော်လုပ်နေကြတယ်တဲ့။ ခရစ်ယာန်ဘာသာက ပိုပြီးအသံကျယ်ကျယ်ထွက်နေတဲ့ ကိစ္စနဲ့ပတ်သက်လို့ မစ္စတာလီ ဘယ်လိုမြင်ပါသလဲ။

ဖြေ ။    ။ ခရစ်ယာန်မစ်ရှင်နရီတွေရဲ့ လှုပ်ရှားမှုက ကျောင်းတွေမှာ ၁၉၇၀- ခုတွေကတည်းက စ နေတာပါ။ ငါ့မြေးမလေးဆိုရင် ဘာသာအပြောင်းခံလိုက်ရတယ်။ ငါ့မြေးကတော့ မပြောင်းဘူး။ သူမကို ဘယ်လိုပြောင်းအောင် လုပ်လိုက်ကြသလဲ ငါမသိဘူး။ Hwa Chong ကို မရောက်ခင် သူက ရပ်ဖဲ(လ်) မိန်းကလေးကျောင်းကို တက်ခဲ့တာ။ အခု သူက ဘာသာရေး တော်တော်ကြီး လိုက်စားနေတာ။ Cross လည်း ဝတ်တယ်။ တနင်္ဂနွေနေ့တိုင်း ချာ့(ခ်ျ) ကျောင်း သွားတယ်။ ဘိုက်ဘယ်(လ်) ဖတ်တယ်။

မေး ။     ။ ခရစ်ယာန်တွေက လူတွေစုပြီး စင်ကာပူမှာ ကာစီနိုခွင့်ပြုတာဟာ ဘာသာရေးနဲ့ မညီညွတ်ဘူး ဘာညာပြောနေကြတယ်။

ဖြေ ။    ။ သူတို့ ဗုံးကိုခါးမှာပတ်ပြီး လူကြားထဲတော့ မဖောက်ခွဲကြပါဘူး။ ဒါမျိုး သူတို့စလုပ်ရင်တော့ တားမြစ်ရမှာပေါ့။ မစ်ရှင်နရီတွေကိုပါ တားမြစ်ရမယ်။ ဒါ ဥပဒေပဲ။

မေး ။     ။ ခရစ်ယာန်ဘာသာ မဟုတ်ကြတဲ့ လူတွေထဲမှာ စိုးရိမ်နေကြတာ တစ်ခုရှိတယ်။ ပါလီမန်အမတ်တွေထဲမှာ ခရစ်ယာန်အမတ်တွေက တော်တော်များတယ်။ ပြီးတော့ သူတို့နဲ့ ပညာရေးလိုင်းနဲ့ကလည်း ဆက်စပ်နေတဲ့ပုံရတယ်တဲ့။ ပညာတတ် စင်ကာပူးရီးယန်းတွေ ခရစ်ယာန်ဖြစ်တာ ပိုများလာကြတယ်။

ဖြေ ။    ။ ခရစ်ယာန်ဘာသာ ပြောင်းလဲခံယူမှု ကျယ်ပြန့်လာတာက ဗုဒ္ဓဘာသာ၊ တာအိုဘာသာနဲ့ ဘိုးစဉ်ဘောင်ဆက် ကိုးကွယ်တဲ့စနစ်တွေကြောင့် ဖြစ်လာရတာ။ အနောက်တိုင်း ပညာတတ်တွေက ဒါကို ဘာသာရေးလို့ မထင်ကြဘူး။ ကိုရီးယားမှာလည်း ဒီအတိုင်းဖြစ်နေတာပဲ။ ပညာတတ် ကိုရီးယန်းတွေက ဗုဒ္ဓဘာသာနဲ့ တာအိုဘာသာနဲ့ ဘိုးစဉ်ဘောင်ဆက် ကိုးကွယ်တဲ့စနစ်ကို စွန့်ပစ်ကြတယ်။ အဲဒါ အယူသည်းမှုတွေလို့ သူတို့က ပြောကြတယ်။ သူတို့ ယုံကြည်တာက ဒီစင်္ကြာဝဠာထဲမှာ ဖန်ဆင်းရှင်၊ တန်ခိုးရှင် ရှိတယ်ဆိုတာပဲ။

ထိုင်ဝမ်မှာလည်း တိုးတက်လာတာနဲ့အမျှ ဘာသာတရားအသစ်လည်း သူတို့ရလိုက်ကြတယ်။ ဒါတွေက စီးပွါးရေးနဲ့ လူမှုရေး အပြောင်းအလဲတွေရှိရင် ဖြစ်တတ်တာပဲ။ တိုးတက်မှုနှုန်းမြန်တဲ့ နိုင်ငံတွေမှာ ဘာသာရေးရွေ့လျားမှု ဘယ်လိုဖြစ်သလဲဆိုတာသိရအောင် တို့ဆီကလူတွေကို ကိုရီးယား၊ ထိုင်ဝမ်နဲ့ ဟောင်ကောင်တို့ကို လွှတ်ပေးကြတယ်။ ထိုင်ဝမ်မှာတော့ Temple အသစ်တွေ အများကြီး တိုးလာတယ်။


ခရစ်ယာန်ချာ့(ခ်ျ) ကျောင်းတွေက မင်္ဂလာဆောင်တဲ့အခါ၊ ကလေးမွေးတဲ့အခါ၊ ဈာပနတွေမှာ ဘာသာရေးဝတ်ပြုပွဲတွေ လုပ်ပေးကြတယ်။ ဒါတွေက လူ့ဘဝရဲ့ အရေးအကြီးဆုံး အချိန်သုံးချိန်ပဲလေ။ ဗုဒ္ဓဘာသာမှာက ဒါမျိုး Baptism မရှိဘူး။ တရုတ်လူမျိုးက မင်္ဂလာဆောင်တယ်ဆိုရင် လက်ဖက်ရည်အခမ်းအနားရှိမှာပေါ့။ အနောက်ယဉ်ကျေးမှုမှာ ဒါလောက်နဲ့ တရားမဝင်သေးဘူး။ တရားဝင် မှတ်ပုံတင်လုပ်ယူရတယ်။ ဒီအမျိုးသမီး၊ အမျိုးသားကို လက်ခံပါသလား။ တစ်ယောက်ယောက်က ကန့်ကွက်လိုပါလျှင် ထ၍ကန့်ကွက်နိုင်ပါသည်- စတာတွေ ချာ့(ခ်ျ) ကျောင်းက မေးတယ်။ အဲဒီနောက်မှ ကတိကဝတ်ပြုကြရတယ်။ မကျန်းမာသည်ဖြစ်စေ၊ ကျန်းမာသည်ဖြစ်စေ၊ ဆင်းရဲသည်ဖြစ်စေ၊ ချမ်းသာသည်ဖြစ်စေ သက်ဆုံးတိုင် ပေါင်းသင်းသွားပါမည်- စတာတွေ ရွတ်ဆိုရတယ်။ ဒါတွေက စိတ်ဓာတ်ခွန်အားတွေ အများကြီးရတယ်။

သေဆုံးသွားပြန်တော့လည်း တရားဟောဆရာက နောက်ဆုံးဘာသာရေးဝတ်ပြုပွဲ လာလုပ်ပေးတယ်။ Hon Swi Sen (ဘဏ္ဍာရေးဝန်ကြီးဟောင်း) က ကက်သလစ်စစ်စစ်ကြီး။ သူ့ဇနီးလည်း အတူတူပဲ။ သူ့ဇနီးက သူသေရင် သူ့အမျိုးသားနဲ့ ပေါင်းဆုံရမယ်ဆိုတာ ခိုင်ခိုင်မာမာကြီး ယုံကြည်တာ။ ယုံကြည်တော့ စိတ်ဓာတ်ခွန်အားရတာပေါ့။

ငါကတော့ ဒါတွေကို မယုံဘူး။ လက်တွေ့ကျတာတွေကိုပဲ ယုံယုံကြည်ကြည်လုပ်တယ်။ ငါကတော့ ပြင်သစ်စကားပုံလို ဘဝဆိုတာ ဒါပါပဲ။      “ C’ est la vie ” (Life is like that)

ငါ့အမေဆုံးတယ်။ သူက ခရစ်ယာန်မဟုတ်တော့ ခရစ်ယာန်လိုလည်း မလိုက်ခဲ့။ ဗုဒ္ဓသာသာလိုလည်း မလိုက်ခဲ့ဘူး။ ရိုးရိုးဈာပနလေးပဲ ဖြစ်သွားတယ်။ ငါရော၊ ငါ့ညီအစ်ကိုတွေရော ယူလော်ဂျီ(သေသူ၏ ဂုဏ်ပုဒ်များ ထုတ်ဖော်၊ ချီးကျူးပြောကြားမှု) တော့ ပြောကြတာပေါ့။ ဒါပေမယ့် ခရစ်ယာန်တွေရဲ့ ဂီတဆန်တဲ့ တေးသွားတွေလို အပူတွေ ငြိမ်းမသွားဘူး။ ခရစ်ယာန်တွေက တေးဂီတသံတွေကိုပဲ ရာစုနှစ်တွေနဲ့အညီ လူတွေခံစားလို့ရအောင် ပြောင်းလဲလာကြတာ။ Hon Swi Sen ရဲ့ဈာပနမှာ ခရစ်ယာန်ဘုန်းတော်ကြီးက ဈာပနအခမ်းအနားလေး လုပ်ပေးတယ်။ လူတိုင်း သူ့ဆီက ဝေဖာလေးတွေ ယူကြတယ်။ ငါကတော့ ကိုယ့်ကိုကိုယ် ကက်သလစ်လို့မထင်တော့ မယူပဲနောက်ဆုတ်နေလိုက်တယ်။ ငါကလွဲရင် အားလုံးယူတယ်။ ဘာပဲပြောပြော ကျန်ရစ်သူမိသားစုကိုတော့ တော်တော်စိတ်သက်သာစေတာပဲ။

ငါ့ဇနီးဆုံးပြန်တယ်။ သူက ခရစ်ယာန်မဟုတ်တော့ ဒီပြဿနာက တက်လာပြန်ရော။ ငါကိုယ်တိုင်ရယ်၊ ငါ့သား၊ ငါ့မြေးတွေရယ် ရိုးရိုး ယူလော်ဂျီပဲ ပေးလိုက်ကြတယ်။

ငါ့ဇနီးနဲ့ငါက ကောင်းကင်ဘုံမှာရော၊ အခြားတစ်နေရာမှာပါ ပြန်လည်တွေ့ဆုံစရာ အကြောင်းမမြင်မိပါဘူး။ ခံစားချက်အနေနဲ့ကတော့ ငါတို့အရိုးပြာလေးတွေ တစ်ခုနဲ့တစ်ခု နီးနီးနားနားရှိနေစေချင်တယ်။ ဒါပါပဲ။

မေး ။     ။ ဒါဆို စိတ်ဓာတ်ပိုင်းဆိုင်ရာ ခွန်အားတွေ ဘယ်ကရသလဲ။

ဖြေ ။    ။ ဒါတော့ မသိဘူး။ လဲကျတိုင်းတော့ ကုန်းထလာနိုင်ခဲ့တာချည်းပဲ။ ဒီလို ပြန်ထနိုင်အောင် တစ်ခုခုက အကူအညီပေးနေတယ်လို့တော့ ထင်တယ်။ ဒါပေမယ့် တန်ခိုးရှင် တစ်ယောက်ယောက်က ကူညီနေတယ်ဆိုတာတော့ ငါ့မယုံဘူး။

ဇင်ဝေသော်

တစ်ပတ်အတွင်း သတင်းများ

" မြန်မာသတင်း"
 
~ မြန်မာ လူမျိုး အယဉ်ကျေးဆုံး ( ဂူဂဲလ် သုတေသန အဖွဲ့ ) ~
ဖြစ်ပုံက ဤသို့တည်း။ ဂူဂဲလ် သုတေသန အဖွဲ့က ကမ္ဘာပေါ်တွင် စာအုပ်ရေ မည်မျှရှိသနည်းဟု သုတေသနပြုရာ ၁၂၉ သန်းရှိကြောင်း တွေ့ရသည်ဟုဆိုသည်။ အတိအကျ ဆိုရမူ ၁၂၉, ၈၆၄, ၈၈၀ ဖြစ်၏။ ထို့အတူ   ဂူဂဲလ် သုတေသန အဖွဲ့က စကားလုံး တစ်လုံးထဲ ထပ်တလဲလဲ သုံးစွဲသော ပို့စ် ကို ဆက်လက် သုတေသနပြုရာ မြန်မာလူမျိုးမျာနှင့် ပတ်သက်သော စာမူ တစ်ခု ဖြစ်နေသည်ကို တွေ့ရသည် ။ ( ထိုစာမူသည် နိုင်ငံရေးသမား တစ်ယောက်၊ ကဗျာဆရာ တစ်ယောက်နှင့် ပတ်သက်သည်ဟု ဆို၏ )
ထို ပို့စ် နှင့် ဆက်စပ်၍ လူ အများဆုံး သုံးစွဲသော ဝေါဟာရမှာ "  -ီး " ဖြစ်သည်။ စုစုပေါင်း ၎င်း  ဝေါဟာရ သုံးစွဲသော အရေအတွက် ၈ သိန်း ကျော်ပြီဟု ဆို၏။ ၎င်း  ဝေါဟာရ၏ အဓိပ္ပါယ်ကို မသိသော ဂူဂဲလ် သုတေသန အဖွဲ့က မြန်မာစာ ပညာရှင်များထံ ချဉ်းကပ် မေးမြန်းရာ ယဉ်ကျေးမှုကို ညွှန်းဆိုသော ( ယဉ်ယဉ်ကျေး ကျေး သုံးစွဲထားသော ) ဝေါဟာရ ဖြစ်ကြောင်း ပညာရှင်တို့က ဖြေဆိုသည်။ ထို့ကြောင့် ပို့စ် တစ်ခုတည်း၌ ထပ်တလဲလဲ သုံးစွဲခြင်းခံရသော ဝေါဟာရသည် ဂူဂဲလ် သုတေသန အရ  " -ီး " ဖြစ်လေသည်။ ထို့အတူ မြန်မာ လူမျိုးများလည်း ဂူဂဲလ် သုတေသန အဖွဲ့ အဆိုအရ အယဉ်ကျေးဆုံး လူသားများ ဖြစ်ကြလေသည်။


" အရှေ့တောင် အာရှသတင်း "
မလေးရှာနိုင်ငံ ပညာရေးဝန်ကြီး Mohd Puad Zarkashi က သိပ္ပံ ပညာရှင်များ တွေဝေသွားနိုင်သည့် သတင်းတစ်ပုဒ် ထုတ်ပြန်လိုကသည်။ သူ့ အဆိုအရ အခြောက်စိတ်ပေါက်ခြင်းသည် ဗီဇနှင့်လည်း မဆိုင် ပတ်ဝန်ကျင် လိုက်ဖ် စတိုင် နှင့်လည်း မဆိုင် စွပ်ကျယ် ခေါင်းစွတ် ပုံစံနှင့်သာဆိုင်သည်။ V -shape ပုံ  စွပ်ကျယ် ခေါင်းစွတ် ဝတ်သူများသည် အချောက်များ ဖြစ်ကြသည်၊ ထို့ကြောင့် ကျောင်းသားလူငယ်များ ထို ပုဂ္ဂိုလ်တို့ကို ဝေးဝေးက ရှောင်ရမည် ဟု ပညာသားပါပါ မှာကြားခဲ့သည်။ အမှန်မူ ယနေ့အထိ အခြောက်စိတ်ပေါက်ခြင်း၏ အကြောင်းကို  သိပ္ပံ ပညာရှင်များ တိတိကျကျ မပြောနိုင်သေး။ ယခုမှ ရှင်းသွားတော့သည်။

" အာရှ သတင်း "
ကမ္ဘာပေါ် ဖြစ်ဖြစ်သမျှသော စစ်ပြင်ဆင်ခြင်း၊ အငြင်းပွားခြင်းတို့တွင် တရုတ်နှင့် ဂျပန်တို့က စံချိန်တင်နိုင်ခဲ့သည်။ အခြား အငြင်းပွားတို့က ကိုလိုနီ နယ်လုခြင်း၊ စီးပွားရေး ဈေးကွက်လုခြင်း၊ ဘာသာရေး ယုံကြည်မှု မသင့်မြတ်ခြင်း စသည်တို့ ဖြစ်သည်။ ယခု တရုတ်နှင့် ဂျပန် အငြင်းပွားမှုကား ၎င်းတို့နှင့် မဆိုင်၊ ပင်လယ်ထဲမှာရှိသော အရုပ်ဆိုးဆိုး ကျောက်တုံးကြီး တစ်တုံးအတွက် စစ်ပြင်နေကြခြင်းဖြစ်သည်။ ထို့ကြောင့် သမိုင်းပညာရှင်တို့ အဆိုဖြစ်သော  " ဘာသာရေးအခြေခံသော စစ်ပွဲ " လည်း မှားလေတော့သည်။ ကျောက်တုံးအခြေခံသော စစ်ပွဲ ဖြစ်၏။

" ကမ္ဘာ့သတင်း "
၁ ။ အမေရိကန် နိုင်ငံ State of Tennessee က ကလေးအမေ အမျိုးသမီးတစ်ယောက်ဟာ အသက် ၁၁ နှစ် အရွယ်ရှိ သူ့ကလေး ပစ်လိုက်တဲ့ ကျည်ဆန်နဲ့ သူမခေါင်းကို ရှပ်မှန်သွားတဲ့အတွက် ( အဲဒီ အမျိုးသမီး) အဖမ်းခံခဲ့ရပါတယ်။ ဖမ်းတဲ့ အမှုကတော့ " child neglect -ကလေးကို ဂရုစိုက် မထိမ်းသိမ်းခြင်း "  ဖြစ်ပါတယ်။

၂။ နာမည်နဲ့ ပတ်သက်လို့ အလေးထာသူတွေ ရှိသလို လုံးဝ အလေးမထားသူတွေလည်းရှိတယ် ဆိုတာ အမေရိကန်တွေကပဲ ဦးဆောင် ပြသခဲ့တယ်လို့ ဆိုပါတယ်။ မယုံရင် သူတိုအချို့ မြို့တွေရဲ့အမည်ကို ကြည့်ပါ။
    Bland မြို့ ( Missouri )
    Flat မြို့  ( Alaska )
    Ordinary  မြို့ ( Virginia )
    Dowdy မြို့ ( Arizona )
    Pitts မြို့( Georgia )
    Mount Misery မြို့ ( New Jersey )
    Dull မြို့ ( Ohio )
    Plain မြို့( Wisconsin )
    Mousie မြို့( Kentucky )
    Low Point မြို့ ( Arizona )
   Swastika မြို့( New York )
မကျေနပ်သေးရင် Michigan ကို သွားပါ၊ Hell  မြို့ ကို တွေ့ရပါလိမ့်မယ်။


ဇင်ဝေသော် ( ဦးကိုမောင် ကိုယ်စား အပြုံးတစ်ပွင့် :)

စင်ကာပူကိုလာသင့် မလာသင့်နဲ့ သူ့အမြင် ကိုယ့်အမြင်များ

Daw Myaing Myaing စလုံးအတင်းနဲနဲဝင်ပြောခွင့်ပြုပါ..(တကယ်တော့မနဲဘူးနော်..)

-------------------------------------------------------
စင်္ကာပူရဲ့ အဓိကပစ်မှတ်တွေက တရုတ်ပြည်မကြီးက
တရုတ်တွေ၊ ဆိုတာအစိုးရရဲ့သဘောထားဘဲဖြစ်ပါလိမ့်မယ်..
အရင်တုန်းကတော့ဟုတ်လိမ့်မယ်..

အခုအချိန်မှာတော့..စလုံးတရုတ်တွေက..ပြည်ကြီးတရုတ်တွေကို
မုန်းတယ်..ပြည်ကြီးတရုတ်တွေကရိုင်းတယ်လို့
စလုံးတရုတ်အများစုက..ယူဆကြတယ်..
internet ပေါ်မှာ..ပြည်ကြီးတရုတ်တွေနဲ့ခဏခဏ ဖိုက်ကြတယ်.
ပြည်ကြီးတရုတ်တွေကို PRC တွေလို့စလုံးအချင်းချင်းပြောကြတယ်..
သူတို့စလုံးရဲ့ website တွေမှာရှာကြည့်ရင်တွေ့လိမ့်မယ်..
ဘယ်လောက်တောင်မုန်းလဲဆိုတော့..ဒီမှာ Hougang လို့ခေါ်
တဲ့နေရာမှာ..သူတို့စလုံးမိသားစု၂စု ကား ထားဘို့အချင်းချင်း
လမ်းမပေါ်မှာရန်ဖြစ်ကြတယ်..အဲဒါကို website မှာတင်တော့
သူတို့စလုံးတွေကတဲ့..foreigner( အထူးသဖြင့် PRC တွေပေါ့)
တွေများလာတဲ့အတွက်...စိတ်ဖိစီးမှု့များပြီးဒီလိုဖြစ်ရတာပါလို့..
comment ပေးကြတယ်..(foreigner တွေနဲ့နေရာတကာလိုက်ပြီး
(အလုပ်တို့..အိမ်ခန်းတို့.စသဖြင့်)
ပြိုင်နေရတဲ့အတွက်.စိတ်ဖိစိးမှု့များတယ်ပေါ့)..
နောက်ပြီး ခုဒီတနှစ်မှာ စလုံးမှာရထားပျက်တာတွေ..Bus တွေရုံးချိန်မှာ
လူကျပ်တာတွေ..ဒါတွေဟာလည်း..သူတို့ဆီမှာ..foreigner တွေများများ
လာလို့ပါတဲ့.. (မြန်မာပြည်ကိုခေါ်လာပြီး..bus ကားခဏလောက်
စီးကြည့်ခိုင်းလိုက်ချင်တယ်)
တကယ်လည်း Bus တို့ MRT တို့ပေါ်မှာ..၇န်ဖြစ်ကြရင်လည်း..
ပြည်ကြီးတရုတ်တွေနဲ့ဖြစ်တာများတယ်..PRCတွေကလည်းစွာတယ်
နော်..မြန်မာတွေလိုသူများနိုင်ငံမှာမို့ဆိုတဲ့အတွေးနဲ့ငုံနေလိမ်မထင်နဲ့..
( bus နဲ့ MRT မှာ..elderly တွေထိုင်ဘို့အတွက်ခုံသတ်မှတ်ပေးထားတယ်..
ခုနောက်ပိုင်းတော်တော်များများက..elderly ခုံမှာထိုင်ပြီး
အသက်ကြီးသူတွေလာရင်..မမြင်ချင်ယောင်ဆောင်နေကြတယ်..
ဒီလိုလုပ်တဲ့အများစုက foreigner တွေဖြစ်နေတတ်တယ်..)
ferrair car accident ဖြစ်သွားတော့.. စလုံးတွေက..
PRC တွေကိုတော်တော်အပြစ်တင်တယ်..ဒီအကြောင်းက..၂နိုင်ငံ
အစိုးရတွေတောင်ဝင်ပြောရတဲ့အထိဘဲ..ဒါကြောင့်
လီရှန်လွန်းရဲ့ national day speech မှာ..သူ့နိုင်ငံသားတွေ..
Xenophobia ဖြစ်တယ်လို့အများစုက၀ိုင်းပြောနေပါတယ်လို့ပြောပြသွား
တယ်..လွတ်တော်အမတ် Grace Fu က တလောက..PR criteria
ကို more information လုပ်သင့်တယ်လို့ ပြောလို့စလုံးတွေဝိုင်းဆဲကြ
တယ်..အခုတောင်သူတို့စလုံးမှာ..ဒီအစိုးရဲ့ ပေါ်လစီကြောင့်
foreigner များနေတာ(အထူးသဖြင့် PRC တွေများနေတာ)ပေါ့ဆိုပြီး
တယောက်မှမထောက်ခံဘူး..
(တကယ်တွေးကြည့်ရင် ဒို့မြန်မာမှာလည်း PRC တွေအများကြီး
ဘဲနော်..စလုံးမှာ..PRC များတယ်သာပြောတာ..မြန်မာလောက်
မများသေးဘူး..)

၂၀၁၁ကစပြီး..၂၀၁၂မှာ EP , S pass, Dependent pass ရဲ့ criteria ကိုမြင့်တယ်..PR တို့ Citizenship တို့ကိုလည်းသူတို့လိုချင်
တဲ့လူဘဲပေးတော့တယ်.တကယ်ကတော့.ဒီလိုအစိုးရက..ကျပ်လာတဲ့အထဲမှာ..သူတို့နိုင်ငံသားတွေ ထစ်ခနဲ့ရှိ foreigner တွေ ကြောင့် ဆိုပြီး complain တွေသိပ့်များလာတာရယ်..ဒီ foreigner တွေကိုလက်ခံတဲ့လက်ရှိ
အာဏာရပါတီ (PAP) ကိုအပြစ်တွေအရမ်းပြောလာတာလည်း
အကြောင်းတချက်ပါဘဲ...နောက်လာမဲ့ရွေးကောက်ပွဲမှာမဲမထည့်တော့ဘူး
လို့ပြောနေတာတွေများလာတော့အစိုးရလည်းသူ့လူတွေကိုကြောက်လာရတယ်..

အလုပ်ခွင်မှာတော့..ဘာမှပြသနာမရှိပါဘူး..(သူတို့ကခိုင်းနေရလို့လည်း
ပါတာပေါ့)..နေရေးထိုင်ရေးလည်းပြသနာမရှိပါဘူး.(သူတို့နဲ့ပြောတာနော်)
.မြန်မာအများစုကလည်းသူတို့နဲ့ပြသနာမဖြစ်အောင်နေကြပါတယ်..
တသက်လုံးနေမယ်ဆိုရင်တော့..တော်တော်စဉ်းစားရလိမ့်မယ်..
23 minutes ago · Edited · Like
-------------------------------------------------------

၁။ ပထမဆုံး ဒေါ်မြိုင်မြိုင် ရဲ့ ကွန်မင့်အတွက် ကျေးဇူးတင်ကြောင်း ပြောပါရစေ။ စာဖတ်သူတွေ ဗဟုသုတ ရလို့ပါ။

စ လုံး တရုတ်တွေ ( တကယ်တော့ ဘယ်နိုင်ငံမှာနေတဲ့ တရုတ်တွေ မဆိုပါ၊ ) ပြည်မကြီးက  တရုတ်တွေကို ကြည့်မရတာက အခုမှ ထလာတဲ့ ၂၁ ရာစုရောဂါ မဟုတ်ပါဘူး။ အဲဒါက  ပြည်မကြီး  တရုတ်တွေက ပြည်ပရောက်တရုတ်တွေကို တစ်ဆင့်နိမ့်တဲ့   တရုတ်တွေဆိုပြီး ခွဲခွဲခြားခြား ဆက်ဆံလို့ပါ။ တရုတ် ပြည် ပြန်သွားရင်လည်း   ပြည်မကြီးက တရုတ်တွေနဲ့ တန်းတူမထားပါဘူး။
ဒီ အချက်ကို ဖွင့်ချသူက ဆရာကြီး လီကွမ်းယုပါ။ သူ့ လူမျိုးတွေ ပိုကြိုးစားအောင် လှုံ့ဆော်လိုက်တဲ့ သဘောလည်း ပါ ပါလိမ့်မယ်။ အဲဒီ အကျိုးဆက်ပါ။ အခု  ပြည်မကြီး  တရုတ်တွေများလာတော့ ရောဂါ ပြန်ထတဲ့ သဘောလောက်ပါ။

၂။  ပြည်မကြီး တရုတ်တွေက မြန်မာတွေလို သည်းမခံဘူး ဆိုတာကလည်း အထက်က အချက်နဲ့ ဆိုင်ပါတယ်။ ပြည်မကြီး တရုတ်တွေက ဒီကိုသာလာတယ် ဒီက တရုတ်တွေထက် သူတို့က စူပီးရီးယား (ပို မြတ်တယ်၊သာတယ် ) ဖြစ်တယ် လို့ ခံယူထားကြလို့ပါ။ ကျနော်တုိ့ကတော့ အပြင်လည်း ထွက်လာရော ကိုယ်က ဘယ်သူ့ထက်သာမှန်းကို မသိတော့ပါဘူး။

၃။ ခရိုက်တီးရီးယား တွေက
(၁) ပညာအရည်အချင်း
(၂) လစာ
(၃) စင်္ကာပူ အတွက် အကျိုးသယ်ဆောင်နိုင်မူ။
(၄) လုပ်သက် တို့ပါ။
နံပါတ် ၃ ကို ကြည့်ရင် ပြည်ကြီးတရုတ်က အားသာချက် အများကြီ ရှိပါတယ်။ ဥပမာ တင်းနစ်နဲ့ ရေကူးမယ်တွေ။

အခု ဒေါ်မြိုင်မြိုင်တင်ပြခဲ့တာတွေဟာ ဒီနေ့ မီဒီယာမှာ ဟိုးလေးတကြော် ပြောကြ၊ရေးကြတဲ့ အချက်တွေပါ။
ဒါပေမယ့်
၎။ ဒီမျိုးဆက်ကို အသာထား၊ ဒုတိယမျိုးဆက် စ လုံး စစ်စစ် ဖြစ်ဖို့ တရုတ်မိဘတွေက မွေးတဲ့ ကလေးက မြန်မာမိဘတွေက မွေးတဲ့ ကလေးထက် အခွင့်အလမ်း ပိုများပါတယ်။ ဒါကြောင့်  မြန်မာတွေထဲမှာကိုပဲ တရုတ်နွယ်တဲ့၊ တရုတ်အဖေနာမည်ပါတဲ့သူတွေက ( အရည်အချင်း အားလုံးတူနေရင် ) နှာတဖျား သာပါတယ်။

၅ ။ ပီကင်းတက္ကသိုလ်မှာ ဝင်ခွင့်မရတဲ့ ကျောင်းသားက NUS, NTU  မှာ တော့ ( ပ် ) ဖြစ်နေနိုင်ပါတယ်။

လူထုနဲ့ အစိုးရဆိုတာ တစ်သားတည်း ကျ၊ တမြင်တည်းမြင်လို့ မရပါဘူး။ သာမန်လူထုလောက် မြင်ရုံနဲ့တော့ ထိပ်တန်းအစိုးရလည်း မဖြစ်နိုင်သေးပါဘူး။ လူထုကို တိုက်ရိုက်ကြီး ဆန့်ကျင်လို့ မရသလို အားလုံးကို နားထောင်လို့လည်း မရပြန်ပါဘူး။ ဒါကိုပင် နိုင်ငံရေး သိပ္ပံ လို့ ခေါ်တယ်မဟုတ်လား။ ဒါကြောင့် ( ဒီ အချက် ၅ ချက် ကြောင့် ) လူသိပ်မသိတဲ့
( မီဒီယာပေါ် မရောက်တဲ့ ) အစိုးရ ပေါ်လစီမှာတော့
" စင်္ကာပူရဲ့ အဓိကပစ်မှတ်တွေက တရုတ်ပြည်မကြီးကတရုတ်တွေ၊ ဆိုတာအစိုးရရဲ့သဘောထားဘဲဖြစ်ပါလိမ့်မယ်.."
မှန်ပါတယ်။ အစိုးရရဲ့သဘောထားပဲဖြစ်ပါ။
ဆုံးဖြတ်တာကလည်း တကယ်တော့ အစိုးရ ပဲ မဟုတ်လား။

( ကျနော်က ပြည်တွင်းက လူငယ်တွေ ကောက်ချက်ဆွဲ လို့ရအောင် တစ်ဦးချင်းအမြင်၊ခံစားချက်တွေကို အင်တာဗြူးမလို့ကို စဉ်းစားနေတာပါ။ တကယ်  ကျေးဇူးပါ။ )
ဇင်ဝေသော်

သူ့ကမ်း ကိုယ့်ကမ်း

တစ်ခါက ဇင် ဆရာနဲ့ တပည့်တို့ မြစ်ကမ်းဘေးမှာ တရားရှုမှတ်နေကြတယ်။
အတန်ကြာတော့ ဆရာက တစ်ယောက်ပဲ စီးလုိ့ရတဲ့ လှေကလေးကို လှော်ပြီး ဟိုဖက်ကမ်းကို ကူးသွားတယ်။
ခဏနေတော့ တပည့်ကလည်း တဖက်ကမ်းကို ကူးချင်လို့
" ဆရာ၊ ကျနော့်ဆီကို လှေပြန်ပုိ့ပေးပါ၊ ကျနော်လည်း တဖက်ကမ်း ရောက်ချင်လို့ပါ " လှမ်းပြောတယ်။
ဒီတော့ သူ့ဆရာက
" ငါ့တပည့်၊ ကိုယ့်တရားကိုသာ စူးစိုက်ရှုမှတ်နေပါ၊ ငါ့ဖက်က ကြည့်တော့ မင်းလည်း တဖက်ကမ်း ရောက်နေတာပဲ၊ ဘာ လှေနဲ့မှ ကူးနေစရာတောင် မလိုဘူး " တဲ့။
ဒီတော့မှ တပည့်က သဘောကျသွားပြီး သူ့ ကမ္မဌာန်း နဲ့သူ ပျော်မွေ့သွားနိုင်တော့တယ်။


~ သူ ငါ မရှိ ~
ဇင်ဆရာကြီး တစ်ယောက်က သူ့ ဂျူနီယာကို ဩဝါဒပေးနေတယ်

" မာစတာ တစ်ယောက်ဖြစ်ဖို့ အရင်ဆုံး သူ ငါ အစွဲတွေ ပြုတ်ပြီး သူ မရှိ ငါ မရှိ နေနိုင်ရတယ်။
ငါ ပြောတာ သဘောပေါက်သလား "

" နေပါဦး၊ ဘယ်သူက ဘယ်သူ့ကို ပြောနေတာ လဲ "


~ သက်သေပြမယ် ~
ဇင်နဲ့ ပတ်သက်တဲ့ ရှေးဟောင်း ပုံတို ပတ်စတွေက အာရှတိုက်မှာ အစပြုခဲ့ပေမယ့် အနောက်၊ အထူးသဖြင့်အမေရိကမှာ သွားပြီး ရေပန်းစားနေပါ သတဲ့။ ဒါကြောင့် အာရှသားတွေဟာ သင်္ချာမှာ တော်သလောက် ဟာသဉာဏ် မှာတော့ ချားတူးလန်လို့ ပြေတာခံကြရတယ်။

အနောက်တိုင်းသားက
" မင်းတို့ အာရှသားတွေ သင်္ချာမှာ တော်သလောက် ဟာသဉာဏ် မှာတော့ ချားတူးလန် ပဲ "

ဒါနဲ့ အာရှသားက
" အဲဒါ မမှန်ပါဘူး၊ စာ နှစ်မျက်နှာလောက်နဲ့ ( သိပ္ပံနည်းကျ သင်္ချာအခြေခံသဘောတရားတွေ ကိုးကားပြီး ) မမှန်ကြောင်း ဒါကို သက်သေပြပါမယ် " လို့ ပြန်ပြောလိုက်တယ်။


ဇင်ဝေသော်