နိုဝင်ဘာ၊ ဒီဇင်ဘာ ကျောင်းပိတ်ရက် ဗုဒ္ဓဘာသာသင်တန်း

BUDDHISM THROUGH ENGLISH

The class on Buddhism will be opened every Sunday during November and December holidays. It will be conducted with English medium and mainly emphasized on the major events of the life of the Buddha, fundamental teachings of the Buddha, and history of Buddhism. Anyone who is above fifteen can make enrollment.

နိုဝင်ဘာ၊ ဒီဇင်ဘာ ကျောင်းပိတ်ရက် ဗုဒ္ဓဘာသာသင်တန်း

ဗုဒ္ဓဝင်၊ ဗုဒ္ဓဘာသာသမိုင်းနှင့် ဗုဒ္ဓဘာသာ၏ အခြေခံတရားတော်များကို အင်္ဂလိပ်လို သင်ကြားပေးမည်။ ဗုဒ္ဓဘာသာအကြောင်း ဂဃနဏ သိလိုသူများ၊ အင်္ဂလိပ်လို လေ့လာလိုသူများ တက်ရောက်ရန် သင့်လျော်ပါသည်။ နိုဝင်ဘာနှင့် ဒီဇင်ဘာလ၊ တနင်္ဂနွေနေ့တိုင်း သင်ကြားပေးမည်။ အသက် (၁၅) နှစ်နှင့် အထက် ဖြစ်ရမည်။

Date        11 Nov 2012

Time        5:15 pm

Venue      Mingala Vihara Buddhist Temple, 30 Jalan Eunos, Singapore 419495

Contact       Elsie 8611 4840

                  Myint Myint Than 94242713

                  media@bmca-sg.com

                  http://www.facebook.com/BMCAsg

******************************************************************************************

ဘာသာစကား စာစကား သင်ကြားအပ်သည် မှတ်

အခြေခံ မြန်မာစာ ရက်တို(နှစ်လပြတ်) အမြန်သင်တန်း

          နိုဝင်ဘာ နှင့် ဒီဇင်ဘာကျောင်းပိတ်ရက်များတွင် အခြေခံ မြန်မာစာ ရက်တို(နှစ်လပြတ်) အမြန်သင်တန်း ဖွင့်လှစ်မည် ဖြစ်ပါသည်။

အသက် ၁၀နှစ်မှ ၁၅နှစ်အထိ ကလေးများအတွက် ရည်ရွယ်ပါသည်။
ဝိုင်းပုံစံ ဖြင့် သင်ကြားပေးမည် ဖြစ်ပါသည်။

နိုဝင်ဘာ (၉) ရက် နောက်ဆုံးထား၍ ကြိုတင်စာရင်းပေးရန် နှိုးဆော်အပ်ပါသည်။

၁၀ နှစ်အောက် ကလေးများ အတွက် တနင်္ဂနွေသင်တန်းများ ပုံမှန်ရှိပါသည်။

သင်တန်းအချိန်
စမည့်ရက်        ။ ၁၁ ၊ ၁၁၊ ၂၀၁၂ (တနင်္ဂနွေနေ့ တိုင်း)
စမည့်အချိန်      ။ ညနေ ၅ နာရီ ၁၅မိနစ်

နေရာ              ။ မင်္ဂလဝိဟာရ ကျောင်းတိုက်, 30 Jalan Eunos, Singapore 419495
ဆက်သွယ်ရန်    ။ မအယ်စီး ၈၆၁၁ ၄၈၄၀၊ မမြင့်မြင့်သန်း ၉၄၂၄ ၂၇၁၃
                      media@bmca-sg.com

                     http://www.facebook.com/BMCAsg

ကမ်းလက်

Read more

အဘိဓမ္မာစာမေးပွဲ ဝင်ရောက်ဖြေဆိုခွင့် (စင်္ကာပူ)

စင်္ကာပူနိုင်ငံတွင် အဘိဓမ္မာစာမေးပွဲ ကျင်းပခွင့်ကို ပြည်ထောင်စုမြန်မာနိုင်ငံ၊ သာသနာရေးဝန်ကြီးဌာနမှ တရားဝင် ခွင့်ပြုပြီး ဖြစ်ပါသည်။

အဘိဓမ္မာစာမေးပွဲ ဖြေဆိုမည့် ပုဂ္ဂိုလ်များအနေဖြင့် ဝင်ခွင့်တောင်းခံလွှာနှင့် ဝင်ခွင့်ကဒ်များကို မင်္ဂလာဝိဟာရကျောင်း

(Mangala Vihara Buddhist Temple, 30 Jalan Eunos, Singapore 419495) တွင် ရယူနိုင်ပါသည်။ ဖောင်ဖြည့်ရာတွင် လိုအပ်သည့် အချက်အလက်တို့ကို ဝင်ခွင့်တောင်းခံလွှာနှင့် ဝင်ခွင့်ကဒ်တွင် ကြည့်ရှုနိုင်ပါသည်။

ဖြေဆိုသူတစ်ဦးလျှင် ဝင်ခွင့်တောင်းခံလွှာ (၂) စုံ၊ ဝင်ခွင့်ကဒ် (၂)စုံ ဖြည့်ရမည်။ 

ဝင်ခွင့်ကဒ်တွင် ဓာတ်ပုံနှစ်ပုံကပ်၍ ဓာတ်ပုံအလွတ် (၂) ပုံ၏ နောက်ကျောတွင် ဖြေဆိုမည့်သူ၏အမည်၊ အဘအမည်၊ ဖြေဆိုမည့်စားမေးပွဲကို ထင်ရှားစွာ ရေးသားပေးပို့ရမည်။

စာမေးပွဲ ဖြေဆိုမည့်သူများအနေဖြင့် တစ်ဦးလျှင် (၂) လက်မပတ်လည် ဓာတ်ပုံ (၄) ပုံ ယူဆောင်ကာ အောက်ပါ နေ့ရက်များတွင် မင်္ဂလာဝိဟာရကျောင်းသို့ လာရောက်၍ ဖောင်ဖြည့်နိုင်သည်။

ဗုဒ္ဓဟူးနေ့       ။    ။ ည (၇း၃၀) နာရီမှ (၉း၀၀) အထိ
စနေနေ့         ။    ။ ညနေ (၄း၀၀) နာရီမှ (၆း၃၀) အထိ
တနင်္ဂနွေနေ့    ။    ။ ညနေ (၄း၀၀) နာရီမှ (၆း၃၀) အထိ

မိမိအစီအစဉ်ဖြင့် ဖောင်ဖြည့်သူများသည် ဝင်ခွင့်တောင်းခံလွှာများကို နိုဝင်ဘာ (၁၁) ရက်၊ တနင်္ဂနွေနေ့ နောက်ဆုံးထား၍ မင်္ဂလာဝိဟာရကျောင်းသို့ ပြန်လည်ပေးပို့ရမည်။

စာမေးပွဲကျင်းပမည့်ရက်

အဘိဓမ္မာပထမဆင့် (ဒီဇင်ဘာလ (၁၀) ရက်၊ တနင်္လာနေ့)
အဘိဓမ္မာဒုတိယဆင့် (ဒီဇင်ဘာလ (၁၁) ရက်၊ အင်္ဂါနေ့)
အဘိဓမ္မာတတိယဆင့် (ဒီဇင်ဘာလ (၁၂) ရက်၊ ဗုဒ္ဓဟူးနေ့)

စာမေးပွဲကျင်းပမည့်အချိန် ။        ။ စင်ကာပူစံတော်ချိန် မွန်းလွဲ ၁:၃၀ မှ ညနေ ၅:၃၀ အထိ
ကျင်းပမည့်နေရာ           ။        ။ မင်္ဂလာဝိဟာရကျောင်း၊ Chew Quee Neo Hall

အဘိဓမ္မာ နှင့် ၀ိသုဒ္ဓိမဂ် စာမေးပွဲကြေငြာချက်
အဘိဓမ္မာစာမေးပွဲ ၀င်ခွင့်တောင်းပုံစံ
အဘိဓမ္မာ ၊ အဘိဓမ္မာ (ဂုဏ်ထူးဆောင်) ၊ ၀ိသုဒ္ဓိမဂ် ၀င်ခွင့်လက်မှတ်

~ စုံစမ်းရန် ~
ဦးစက္ကပါလ (၈၅၉၈၈၁၇၇)
ဦးအံ့ထူးနိုင် (၉၀၂၅၄၉၀၉)

အဘိဓမ္မာအသင်းကြီး၏ Webiste

ကမ်းလက်

Read more

လူ ( လောဘနဲ့ မောဟ )

ရှေးသရော အခါ လူတစ်ယောက်ထံ၌ တစ်နေ့လျှင် ရွှေဥတစ်လုံး ဥပေးသော ဘဲငန်းမကြီးတစ်ကောင် ရှိလေသည်။
တစ်နေ့လျှင်  ရွှေဥတစ်လုံးမျှသာ ဥပေးနေသဖြင့် စိတ်မရှည်တော့သော ထိုလူက ဘဲငန်းမကြီးသတ်၊ ဝမ်းဗိုက်ထဲ ရှာကြည့်လေရာ
 ရွှေဥနှင့်တူတာဆို၍ ဘာမှ မရှိတော့သည်ကို တွေ့ရလေသည်။

ထိုအခါ ထို ပုဂ္ဂိုလ်က များစွာ ကျေနပ်မိလေတော့သည်။
အကြောင်းကား
" ဤ ဘဲငန်းမကြီး၌  ရွှေဥ ဥပေးရန် လက်ကျန်မရှိတော့၊ မစူးစမ်းမိသော် ဥလာနိုး ဥလာနိုး ဖြင့် အစာတွေ ကျွေးနေရဦးမည် " ဟု တွေးမိသောကြောင့် ဖြစ်လေသည်။

ဇင်ဝေသော်

Read more

ပြုံးမိတဲ့ သတင်း သုံးပုဒ်

ကဲ... ဖြေကြ
Stephen Wright: “If all the nations in the world are in debt, where did all the money go?”
စီးပွားရေးပညာရှင်တွေ ဖြေကြဗျာ။
( အမေရိက၊ ဥရောပ၊ အာရှတိုက်က ) နိုင်ငံတိုင်း အကြွေးတင်နေတယ်ဆိုရင်၊ ရှိရှိသမျှပိုက်ဆံတွေ ဘယ်ရောက်ကုန်တာတုန်း တဲ့။ ဘာတွေမှန်း မသိဘူး။


ဒုန့် ဝေါရီး? ထောင်ဒဏ် ငါးနှစ်

လိမ်မပြောတဲ့လူတွေထဲမှာ မိုးလေဝသ ခန့်မှန်းသူတွေက နံပါတ်တစ်ပဲ။
" သူတို့က လိမ်မပြောဘူး၊ မှားတာပဲရှိတယ် " တဲ့ ။
နောက် တစ်ခုက
" မိုးလေဝသထက် ပိုကြောက်စရာ ကောင်းတာဆိုလို့ မိုးလေဝသခန့်မှန်းကြေငြာသူတွေပဲ ရှိတယ် " တဲ့။
ဒါ့ကြောင့် ထင်ပါရဲ့ အီတလီ တရားရုံးတစ်ခုက ငလျင် အကြီးအကျယ် လှုပ်ခါနီးမှာ ပြည်သူတွေကို " ဒုန့် ဝေါရီး " ပြောလို့ မိုးလေဝသခန့်မှန်းကြေငြာသူကို အရင်တပတ်က ထောင်ဒဏ် ငါးနှစ် ချလိုက်တယ်။


သတင်းနဲ့ မီဒီယာ
မီဒီယာက ယုံလို့ မရ၊ မယုံလို့ မရ။ တော်တော်ရေးတတ်ကြတယ်။
မနေ့ညက ကန်တဲ့ မန်ယူ အာဆင်နယ် ပွဲ အာဆင်နယ် ရှုံးနေတာက လ အတော်ကြာပြီ။ ဗန်ပါစီ မန်ယူ သွားခွင့်ပြုလိုက် ကတည်းက တဲ့။

လန်ဒန် အခြေစိုက် ရော့ဘ် ဟျုဂ်ျ ကလည်း အရေးကောင်းတယ်။ နယူးကာဆယ်နဲ့ လီဗာပူ တိုက်စစ်ခြင်း ယှဉ်ရင် လီဗာပူက သာတယ်။

နယူးကာဆယ် တိုက်စစ်မှူး ဒန်ဘာဘာ က ဂိုးသွင်းတတ်တယ်၊ ဂိုးသွင်းခွင့် ဖန်တီးပေးတတ်တယ်။ ဒါပဲ။
ဒါပေမယ့် လီဗာပူတိုက်စစ်မှူး လူးဝစ် ဆွာရက် က ဂိုးလည်သွင်းတတ်၊ ဂိုးသွင်းခွင့် လည်းဖန်တီးပေးတတ်၊ ဘောလုံးဆုံးသွားရင် လိုက်လည်း လုတယ်။

အဲ ... လိုအပ်ရင် ပါစပ်နဲ့လည်း ငုံ့ကိုက်တတ်တယ် တဲ့။

ဇင်ဝေသော်

Read more

ပြန်ချင်တဲ့ ကွန်မင့် များ ( ၅ )

" စင်ကာပူမှာ အလကားသုံးလို့ရတာ အိမ်သာပဲရှိတယ် ကျန်တာတခုမှ free မရဘူး "
" တချို့ဈေးအိမ်တွေက၁၀ပြားပေးရတယ် "

ဘာမှ အလကား မရဘူးဆိုတာ တော်တော်များများ မှန်နိုင်ပါတယ်။ ( ထူးထူးခြားခြား သတင်းစာလေးတွေ တချို့ အလကား ဝေပါတယ် ) အိမ်သာတွေ အတွက် သိသိသာသာကြီး မပေးလိုက်ရဘူး ဆိုရင်တောင် ပုံစံတစ်မျိုးမျိုးနဲ့ ယူထားမယ်ထင်တယ်။ ဥပမာ ရထားဘူတာတွေလိုမှာပေါ့၊ ရထားစီးခထဲမှာ ထည့်တွက်ထားမယ်လို့ ထင်ပါတယ်။ လေယာဉ်ဆိပ်မှာတော့ ခရီးသွားသူ မဟုထ်ရင် အခွန်ရဖို့ လမ်းမမြင်ဘူး။

အိမ်သာရယ် ဆေးရုံဆေးခန်းတွေရယ်ဟာ ကျန်းမာရေး၊ လူမှုရေး ရှုဒေါင့်တွေအရ နံပါတ်တစ် ဖြစ်နေရမယ်လို့ တိုးတက်ပြီး နိုင်ငံကြီးတိုင်း ( အိန္ဒိယက လွဲရင် ) လက်ခံကျင့်သုံးကြပါတယ်။ စင်ကာပူတော့ နိုင်ငံကသေးတော့ သူများတွေထက်ပိုပြီး ဂရုစိုက်နိုင်တာပေါ့။

ရိုးရိုးသားသားပြောရရင် ကမ္ဘာ့ခရီးသွားနဲ့ စီးပွားရှာမယ့် နိုင်ငံတိုင်း ဒီ စနစ်ရှိရပါမယ်။ မြန်မာပြည်ရောက်တဲ့ နိုင်ငံခြားသားတိုင်း ဒီ ဒုက္ခကို ရင်ဆိုင်ကြရတယ်။ ကျန်တာတွေကောင်းတယ်၊ အဲဒါက တော်တော် စိတ်ညစ်စရာ လို့ ပြောကြတယ်။
အရေးကြုံလာရင် ပိုက်ဆံပေးရတာက ပြဿနာကြီးမဟုတ်လှပါဘူး။ ဒီ ပြဿနာ ဘယ်သွားရှင်းရမလဲ ဆိုတာ မသိရခြင်းကသာ ဇောချွေးပျံရတာပါ။ နှာခေါင်းပိတ်၊ အသက် မရှုရဲတဲ့ အိမ်သာထဲဝင်ဖို့ထက် ၁၀ ပြားပေးရတာက မဆိုးဘူးထင်ပါတယ်။

ပြီးတော့ ဆေးရုံဆေးခန်းတွေပါ။ မဖြစ်လို့ သွားရပေမယ့် မသွားချင်တဲ့ နောက်ထပ်နေရာတစ်ခုပေါ့။
စင်ကာပူ ဆေးရုံဆေးခန်းတွေရဲ့ ပေါ်လစီက စိတ်ကိုလည်းကု ရောဂါလည်းကု ပါ။ ကျနော်တို့နိုင်ငံက ဆရာဝန်တွေ၊ နာ့စ်တွေ ( တချိ့လို ) မျက်နှာထားကြီးတွေနဲ့ မကျန်းမာရှာတဲ့ လူနာကို မအော်ကြ မငေါက်ကြဘူး။ လူငယ်ဆရာဝန်တွေဆိုရင် ပိုပြီးတောင် ဖော်ရွေသေးတယ်။ စိတ် ချမ်းသာတယ်။ ဒါတွေကို အလကားတော့ မရဘူးပေါ့။ ဒါဟာ ခေတ်သစ် လူနေမှုစနစ်၊ ဝန်ဆောင်မှုစနစ်ပါ။ မှန်တယ်လို့လည်း ထင်ပါတယ်။

အလကား ရတာ မရတာ အပထား။ အိမ်သာနဲ့ ဆေးရုံဆေးခန်း ဝန်ဆောင်မှု အဆင့်မရှိသေးရင် အဲဒီ လူ့ အဖွဲ့အစည်းလည်း သိပ်မစွံသေးပါဘူး။ ရှောင်လွှဲမရတဲ့ နေရာတွေမို့ပါ။

ဒါ့ကြောင့် လူတော်တွေ ဘယ်လောက်ရှိရှိ အိန္ဒိယ ဟာ ကမ္ဘာ့စံ နဲ့ ဝေးနေရတာပါ။ စိတ်ညစ်ညစ်နဲ့ ရှေးဟောင်း ယဉ်ကျေးမှုတွေကြောင့် သွားနေရတဲ့ နေရာတွေမှာ အိန္ဒိယက နံပါတ် တစ် ပဲ။ မြန်မာက နံပါတ် နှစ် မဖြစ်သင့်ဘူး။ ဒါပေမယ့် အလကားတော့ ရပါရဲ့ ဆေးရုံတွေမှာ၊ ဘူတာရုံတွေမှာ၊ ဈေးတွေမှာ၊ အဝေးပြေးကားဂိတ်တွေမှာ အိမ်သာတွေက ညစ်ပတ်လွန်းတယ်။

ကမ္ဘာ့ခရီးသွား ထွန်းကားရင် အိမ်သာတွေသန့်ရှင်းဖို့ အဓိက လိုပါတယ်။ ကုသိုလ်လည်းရ ဝမ်းလည်းဝ စီးပွားရေးလို့တောင် ပြောလို့ရပါတယ်။ မရှိလို့ကတော့ တကယ် ဒုက္ခရောက်တဲ့ ကိစ္စပါ။

လေးစားလျက်
ဇင်ဝေသော် ( ကမ်းလက် )

Read more

ပဟေဠိ

ပထမလူ ။       ။ ဘုရားရှင်ရဲ့ လူ့ဥပဒေတွေဖြစ်တဲ့ ငါးပါးသီလတို့ ရှစ်ပါးသီလတို့ဆို ရှင်းနေတာပဲနော်။ ဖတ်လိုက်ရင် တန်းပြီး နားလည်တယ်။ မင်္ဂလသုတ်တို့ သိင်္ဂါလောဝါဒသုတ်တို့ဆိုလည်း လိုက်နာရမယ့် ဝတ္တရားတွေက ရှင်းနေတာပဲ။

ဒုတိယလူ။       ။ ဟုတ်တယ်ဗျ။ လူ့ဥပဒေတွေဖြစ်တဲ့ ငါးပါးသီလတို့ ရှစ်ပါးသီလတို့ ရှင်းနေတာက ဘုရားလက်ထက်က အကြံပေး ပညာရှင် အဖွဲ့ဆိုတာတွေ မရှိသေးလုိ့နေမှာ၊ သုတ္ထန်တွေ အဓိပ္ပါယ်ရှင်းနေတာကတော့ စပိခ်ျ ရိုက်တာတွေ ( Speech writer ) မပေါ်သေးလို့ထင်ပါတယ်။ ထားပါဗျာ၊ ဒီကိစ္စတွေမှာ ဉာဏ်မမီပါဘူး။

ဇင်ဝေသော်

Read more

*** ပါလီမန် လွှတ်တော်မှ ထုတ်ပြန် ကြေငြာချက် ***

၁ ။ လျှပ်စစ်မီးကိစ္စ
လျှပ်စစ်မီးများ ပျက်ခြင်းသည် အစိုးရနှင့် မဆိုင်၊ ထရန်စဖော်မာပုံး များနှင့်သာဆိုင်သည်။ ထို့ကြောင့် လျှပ်စစ်မီးပျက်ခဲ့သော် ထရန်စဖော်မာပုံး နှင့်အနီးဆုံးတွင်ရှိသော တာဝန်သိ ပြည်သူတစ်ယောက်ယောက်က ( မြန်မာ့နည်း မြန်မာ့ဟန်ဖြင့် ) ထရန်စဖော်မာပုံးကို ခြေထောက်ဖြင့် ခပ်နာနာလေး ကန်ပေးရန်လိုအပ်ပါသည်။  ခြေထောက်ဖြင့် ခပ်နာနာလေး ကန်ဟူသည်  ခြေထောက်ဖြင့် ခပ်နာနာလေး ကန်၊ တုတ် စသည်ဖြင့် မရိုက်ရဟု ဆိုလိုသည်။ ထိုသို့ ကန်လိုက်ခြင်းကြောင့် ခြေထောက်မှာ ဒဏ်ရာရသော် ဆေးဖိုးဝါးခ လိုအပ်သည်ထက် ပိုမတောင်းရန်  ထရန်စဖော်မာပုံးများ နှင့် နီးသော ဆေးရုံ ဆေးခန်းများကို အမိန့်စာ ထုတ်ပေးပြီးဖြစ်သဖြင့် ပြည်သူများ အနေဖြင့် စိုးရိမ်စရာ မလို။

၂ ။ လျှပ်စစ်ပစ္စည်းများ မသုံးစွဲရန်
လွှတ်တော်ပါလီမန်ထဲ၌ အရေးတကြီးကိစ္စများ ဆွေးနွေးရာ လွှတ်တော်ပါလီမန်အတွင်းရှိ နဗီဂိတ်တာများ၏ ဆစ်ဂနယ်များ ရောထွေးသွားနိုင်သဖြင့် ပြည်သူများ အနေနှင့် ဆဲလ်ဖုန်း၊ ကွန်ပျူတာ အင်တာနက် စသည့် လျှပ်စစ်ပစ္စည်းများ မသုံးစွဲကြရန် မေတ္တာရပ်ခံလိုက်သည်။ ထိုသို့သော အပြုအမူတို့ကြောင့် ပါလီမန်၏ ဆုံးဖြတ်ချက်များ နှောင့်နှေးစေနိုင်သည်ဟု မြန်မာ့ ပညာရှင်တို့ တွေ့ရှိခဲ့ရသည်။ မနေ့က သမ္မတရုံးသို့ ပို့လိုက်နိုင်သော ရင်းနှီးမြှပ်နှံမှုဆိုင်ရာ ဥပဒေအတည်ပြုချက်သည် မီးဖြတ်ပြီး လျှပ်စစ်ပစ္စည်း သုံးစွဲမှု ရပ်တန့်လိုက်နိုင်ခဲ့သောကြောင့်ဖြစ်သည်။

၃ ။ စကားလုံးကြီးများ မသုံးစွဲရန်
နိုင်ငံတော်၏ ဒီမိုကရေစီသည် နုနု နယ်နယ်သာ ရှိသေးသည်။ ထို့ကြောင့် သုံးစွဲသူကိုယ်တိုင် မနိုင်မနင်း မ ယူနေရသည့် မဏ္ဍိုင် မဏ္ဍပ် မဟာဗျူဟာ စူဠဗျူဟာ စသောပါဠိသက် မြန်မာ ဝေါဟာရများ၊ ဟူးမင်းရိုက် ဟျူမီလီယေးရှင်းရိုက်၊ စထရက်ဒဂျီ ထရက်ဂျဒီ စသော အင်္ဂလိပ်  ဝေါဟာရများဖြင့် ပစ်ပေါက်၍ မကစားကြရန်၊ အထူးသဖြင့် သမ္မတကြီးကို မျက်ရည်ယိုစေသော ပေါက်တတ်ကရ မေးခွန်းများ မမေးကြရန်ဖြစ်သည်။ နိုင်ငံအတွက် မျက်ရည်ကျရသော ခေါင်းဆောင်များတွင် အေဗရာဟင် လင်ကွန်း၊ တိန်ရှောက်ဖိန်တို့မှအစ လီကွမ်းယု အထိပါဝင်ကြောင်းသိရသည်။ နောက်နောင် မျက်ရည်ယိုမေးခွန်း မေးပါက မျက်ရည်ယိုဗုံးဖြင့် ပစ်ခတ် တားမြစ်မည်ဖြစ်သည်။

၎ ။ အလုပ်လက်မဲ့ ပြဿနာ
တစ်ကမ္ဘာလုံး ရင်ဆိုင်နေရသော ဤ  ပြဿနာကို စစ်အစိုးရ လက်ထက်ကတည်းက အမျှော်အမြင်ကြီးစွာ ဖြေရှင်းနိုင်ခဲ့သည်။ ဥပမာ ကားလမ်းများ ညီညွတ်နေလျှင် မိုးရွာအပြီး ရေများက သူ့ အလိုလို အောက်စီးသွားသဖြင့် မည်သူမှ အလုပ်မရနိုင်တော့။ ယခုမူ အမျှော်အမြင်ကြီးစွာ မညီအောင်လုပ်ထားသဖြင့် မိုးရွာအပြီး တံမြက်စည်းများဖြင့် လှဲကျင်းပေးရသည်။ ထို့ကြောင့် စည်ပင်သာယာ ဝန်ထမ်းများစွာကို အလုပ်ပေးထားနိုင်ခဲ့သည်။

ဤသို့သော စီးပွားရေး ပညာရှင်အချို့နှင့် ဖွဲ့စည်းထားသော အစိုးရကို ပိုင်ဆိုင်ထားသော မြန်မာပြည်သူများ အနေနှင့် ကံကောင်းသည်ဟု ဆိုနိုင်ပြီး ဉာဏ်ရှိသရွေ့တော့ ပြည်သူ့တာဝန်ကို  ဘယ်သူမှ မပေးဘဲ ကိုယ်ဘာသာကိုယ် လွှတ်တော်အမတ် ရာခိုင်နှုန်းများများ ယူပြီး အကောင်းဆုံး လုပ်ဆောင်သွားမည်ဟု သံဓိဋ္ဌာန်ပြုကြသည် ။

ပုံ
အမိန့်အရ
ဦးကိုမောင်၊ အလယ်လွှတ်တော် အမတ် ( ကြီး )

Read more

အဘိဓမ္မာအခါတော်နေ့ ဆီမီးပူဇော်ပွဲဖိတ်ကြားလွှာ ( ၂၀၁၂ ခု နိုဝင်ဘာလ ၄ ရက် ၊ တနင်္ဂနွေနေ့ )

အဘိဓမ္မာအခါတော်နေ့မြတ်ကို ပူဇော်သည့် အနေဖြင့် ဆီမီးလှည့်လည်ပူဇော်ပွဲနှင့် ပဋ္ဌာန်းပစ္စယနိဒ္ဒေသ ရွတ်ဖတ်ပူဇော်ပွဲကို အဘိဓမ္မာအသင်းကြီး(စင်္ကာပူ)က ဦးဆောင်၍ မင်္ဂလ၀ိဟာရ ကျောင်းတိုက် ( 30 Jalan Eunos , Singapore 419495 ) တွင် ၂၀၁၂ ခု နိုဝင်ဘာ ၄ ရက် ( ၁၃၇၄ ခု သီတင်းကျွတ်လပြည့်ကျော် ၅ ရက်) တနင်္ဂနွေနေ့ ညနေ ( ၇ ) နာရီမှ စတင်ကျင်းပမည် ဖြစ်ပါသဖြင့် ကုသိုလ်ပါဝင် ယူနိုင်ကြရန် ဓမ္မမိတ်ဆွေအပေါင်းထံ ဓမ္မစကား ပါးအပ်ပါသည်။


အခမ်းအနား အစီအစဉ်

ညနေ ၇း ၀၀ နာရီ ~ အကျွေးအမွေးဖြင့်ဧည့်ခံခြင်း။
ညနေ ၇း ၃၀ နာရီ ~ ပဋ္ဌာန်းပစ္စယုဒ္ဒေသရွတ်ဆို၍ ဆီမီးလှည့်လည်ပူဇော်ခြင်း ။
ညနေ ၈း ၀၀ နာရီ ~ ပဋ္ဌာန်းပစ္စယနိဒ္ဒေသရွတ်ဖတ် ပူဇော်ပြီး သံဃာတော် အရှင်မြတ်တို့ထံမှ တရားနာယူခြင်း။

"ဗုဒ္ဓသာသနံ စိရံတိဋ္ဌတု" သုံးကြိမ်ရွတ်ဆို၍ အခမ်းအနားကိုပိတ်သိမ်းခြင်း။


ပူဇော်ပွဲအခမ်းအနားတွင် အကျွေးအမွေးဒါန ၊ လုပ်အားဒါနတို့ဖြင့် ကုသိုလ်ပါဝင်ဆောင်ရွက်လိုသူများအောက်ပါဖုန်းနံပါတ်များကို ဆက်သွယ်နိုင်ကြပါသည်။

ဦးအံ့ထူးနိုင် 4025 4909 ၊ ဦးမြင့်သိန်း 8159 3989 ၊ ဦးစည်သူအေးကို 9108 3678 ၊ ဦးဇော်မျိုးမင်း 9047 9374 ၊ မဖြူမွန်သန့် 8511 0187 ၊ မသန်းလဲ့ခိုင် 9277 0249

Abhidhamma Foundation's Facebook Event page

ကမ်းလက်

Read more

အရှင် အာနန္ဒာကို အမှာမထားခဲ့သည့်ကိစ္စ

ဤကိစ္စက ဘုရားရှင်၏ ကြွင်းကျန်ရစ်သော မွေတော် ဓာတ်တော် ကိစ္စဖြစ်သည်။ မဟာပရိနိဗ္ဗာနသုတ်၌ အနာဂတ်မှာတမ်းတော်တော် များများ အရှင်အာနန္ဒာထံ ချန်ထားတော်မူခဲ့သော်လည်း  မွေတော် ဓာတ်တော်ကိစ္စကိုမူ လူ ပုဂ္ဂိုလ်များ သဒ္ဓါတရား တိုးပွားစေရုံသာ ဘုရားရှင် ရည်ရွယ်တော်မူခဲ့ဟန်တူသည်။ ထို့ကြောင့် ဓာတ်တော် ဝေငှရာ၌ပင် အရှင် အာနန္ဒာမပါ၊ ဒေါန ပုဏ္ဏားက ဦးဆောင်သွားခဲ့သည်။

ဓာတ်တော်ကို ဖူးမြင်ရပြီး စိတ်ကြည်နူးနေရမည့်အစား ဓာတ်တော်ပိုင်ဆိုင်ခွင့်ရရေး အတွက်ပင် စစ်ဖြစ်မလို ဖြစ်ခဲ့ရသေးသည်။ ဤကိစ္စကလည်း အနည်းငယ် အရုပ်ဆိုးသည်။ ဇာတိမာန်၊ ဂုဏမာန်တွေ များလွန်းသည်။ သံဝေဇနိယ လေးဌာနနှင့် ပတ်သက်၍ မိန့်မှာခဲ့သလို  မွေတော် ဓာတ်တော် ကိစ္စနှင့် ပတ်သက်၍လည်း  မိန့်မှာခဲ့တန်ရာ၏ ဟု စဉ်းစားရန်ရှိသော်လည်း တကယ်တမ်း ရဟန်းတော်များအတွက် အထွေအထူး အမှာ မထားခဲ့ပေ။

ဤ မွေတော် ဓာတ်တော်ကိစ္စက ဗုဒ္ဓဘာသာမှာသာမက အခြားဘာသာများမှာလည်း ပုံစံတစ်မျိုးစီဖြင့် ရှိနေတတ်သည်။ အထူးအဆန်းကို နှစ်ခြိုက်ကြသော လူထု အကြိုက် ထူးဆန်းသော ဓာတ်တော်များလည်း ပေါ်ပေါက်ပေးလာရတော့သည်။

ဓာတ်တော်ကို အလေးတမြတ်ထားသော လူမျိုးတို့တွင် တရုတ်တို့က နံပါတ်တစ်ဟု ထင်သည်။ မြန်မာတို့လည်း ထပ်ချပ်မကွာတော့ ရှိသည်ထင်၏။ ထို့ကြောင့်ဖြစ်မည် တရုတ်ကြွင်း၊ မြန်မာကြွင်း၊ တရုတ်လူမျိုးများရှိရာ ကမ္ဘာအရပ်ရပ်ကြွင်း ဓာတ်တော်များ ယခုခေတ်၌ တော်တော်များများတွေ့လာရသည်။
မည်သို့ဖြစ်စေ သူတော်စင်တို့ ဓာတ်တော်များမှန်လျှင်တော့ လေးမြတ်ကော်ရော်မှုတော့ ထိုက်သည်။ သဒ္ဓါတရား တိုးပွားစေနိုင်သည်။

သို့သော် မဟာပရိနိဗ္ပာနသုတ်မှာ တွေ့ရသည့်အတိုင်း ဓာတ်တော်ကြောင့် စစ်ပင်ဖြစ်ရတော့မလို ဖြစ်ချေသော် ဓာတ်တော်နှင့်  သူတော်ကောင်းဖြစ်ရေးကတော့ တိုက်ရိုက် ပတ်သက်နေဟန်မရှိဟု ယူဆရန်သာရှိပေတော့သည်။ ဘယ်လို ဘယ်ပုံ   မီးသဂြိုဟ်ရန်ပင် မှာထားတော်မူခဲ့ပါလျက်  မွေတော် ဓာတ်တော်များကို ဘယ်လို ဘယ်ပုံ ခွဲဝေရစ်စေဟု အမှာ မထားခဲ့ခြင်းက အနည်းငယ်တော့ ထူးခြားသည်။

အကျင့်လောက် အရေးမပါသောကြောင့်သာ အထွေအထူး အမှာမထားခြင်း ဖြစ်နိုင်ရာ၏ ဟုသာ သုံးသပ်ရန်ရိုပေတော့သည်။

Ref: Relic. A to Z

သီဟနာဒ

Read more

စီးပွားရေး ပဉ္စလက် ( ၆ )

မေး ။     ။ ဝင်ငွေကွာဟမှုတွေက ပိုပြီးကျယ်ပြန့် လာတာကြောင့် လစာနည်းတဲ့လူတွေကို ပြန်လည်ဖြန့် ဝေပေးဖို့  စင်္ကာပူအစိုးရမှာ ဖိအားတွေ ကျရောက်နေတာကော မဖြစ်နိုင်ဘူးလား။

ဖြေ။    ။မင်းပြောချင်တာက အောက်ခြေလူတန်းစားတွေကအစိုးရရဲ့ဆန့် ကျင်ရေးသမားတွေလို့ လား။ဒါ့ကြောင့်ငါတို့ ကပြောင်းရမှာလား၊ ဒါမှမဟုတ် "အိုကေ၊ ငါတို့ တော့ ဒီမဲတွေရှုံးဖို့ ရာရှိနေပြီး အထက်ပိုင်းလူတန်းစားတွေ သဘောကျအောင်လုပ်ကြဦးစို့ ” လို့ ပြောရမှာလား။ ဆိုလိုတာက ဒါက နိုင်ငံရေး .. လေ။

တကယ်လို့ အထက်လူလတ်တန်းစားတွေအနိမ့်ပိုင်းလူလတ်တန်းစားတွေထက်ပိုနည်းနေမယ်ဆိုရင်ငါတို့ ကနည်းနည်းလျှော့ပေးဖို့ လိုလိမ့်မယ်။ ဒါတွေကိုစနစ်တကျငါတို့ လေ့လာကြည့်ပါတယ်။ လူဦးရေဘယ်လောက်များများက ကိုယ်ပိုင်အိမ်မှာ နေနိုင်ကြ သလဲ၊ လေးခန်းရှိတဲ့အိမ်မှာနေသူတွေဟာဟိုတုန်းကထက်လူလတ်တန်းစားလို့ယူဆစရာရှိခဲ့ဖူးတယ်။ဒါပေမယ့် လေးခန်းအိမ်ကိုဝယ်ရင်အစိုးရဆီက ငွေပိုပြီးရနိုင်တယ်ဆိုတာသိတော့သုံးခန်းပဲတတ်နိုင်သူတွေကလည်း လေးခန်းတွေဝယ်လာကြတယ်။

ဒီထက်ပိုပြီးတော့ သူတို့ ကိုပေးသင့်တယ်လို့  မထင်မိဘူး။ ပိုပေးမိရင် လူတော်တွေ စီးပွားရေးလုပ်ချင်စိတ် ပျောက်သွားလိမ့်မယ်။ ငါတို့ သူတို့ ကိုပြန်မျှဝေပေးနိုင်တာကလူတိုင်းအိမ်ရရှိရေးပဲ။စင်္ကာပူလူမျိုးတိုင်းအိမ်ရှိရမယ်။အဲ့ဒီအိမ်ကလည်း မြေဈေးထည့်မပေါင်းပဲ ရက်ရက်ရောရောရောင်းပေးထားတာ။ အနှစ်သုံးဆယ်လောက်ကြာပြီး အနားယူပြီဆိုတော့ အိမ်ရဲ့တန်ဖိုးက အများကြီးတက်သွားပြီ။

ဒါပြီးတော့ CPF ။ အစိုးရက CPF ပိုရဖို့့ကြိုးစားနေတယ်။ သူတို့ သုံးစွဲပစ်လိုက်မှာစိုးလို့ မဟုတ်ဘူး။ သူတို့ အနားယူပြီးတဲ့နောက်ငွေ ရှိနေရစ်အောင်လို့ ။ကျန်းမာရေး၊ကလေးတွေရဲ့ပညာရေးစတာတွေအတွက်ပေါ့။ ပြီးတော့အပိုငွေထွက်လာမယ်ဆိုရင်စင်္ကာပူဝေစုနဲ့ စီးပွားရေး ပြန်လည်တည်ဆောက်ရေးဝေစု ဆိုတာတွေ ပေးဖို့ ရှိတယ်။

မေး ။     ။ မစ္စတာလီပြောတာကို နားထောင်ရရင် နိုင်ငံခြားအလုပ်သမားတွေကိုဝင်ခွင့်ပြု၊ အထက်တန်းလွှာတွေ ဝင်ငွေပိုရအောင် လုပ်ပေးနိုင်ရုံတင်မကဘဲ အောက်ခြေလူတန်းစားတွေကိုလည်းသူတို့လိုချင်တဲ့လစာပမာဏရအောင်ပိုပြီးလုပ်ပေးနိုင်တယ်ဆိုတဲ့သဘောမျိုးဖြစ်နေပါတယ်။ အိမ်ရရှိရေးနဲ့ CPF ကိစ္စတွေကတော့ ကောင်းပါတယ်။ ဒီထက်ပိုကောင်းအောင်လုပ်လို့့ရဦးမလား။

ဖြေ ။    ။ တို့ မှာ Workfare ရှိတယ်။ (ဝင်ငွေနည်းတဲ့အလုပ်သမားတွေကို ဝင်ငွေဖြည့်ဆည်းပေးတဲ့ စီမံကိန်း)။ ဒါက အစပိုင်းပဲရှိသေးတယ်။ ပြန်ပြီးလေ့လာဆန်းစစ်ကြည့်ရဦးမယ်။ ဒါပေမယ့် အဓိကကျတဲ့အချက်ကတော့ အလုပ်လုပ်မှရမယ်။ အိပ်နေတဲ့လူကိုတော့ မပေးဘူး။ ဒါကိုလုပ်တော့ လုပ်ရမယ်။ သိပ်မြန်မယ်တော့မဟုတ်ဘူး။ဒါကဟိုးလေးတကြော်ဖြစ်သွားနိုင်တယ်။

မေး ။     ။ တကယ်က ဒီ Workfare ကကို မစ္စတာလီ သတိပေးခဲ့တဲ့ အောက်ခြေလူတန်းစားတွေရဲ့ စိတ်ဓာတ်ကို စပြီးယိုယွင်းစေနိုင်င်လိမ့်မယ် မဟုတ်လား။

ဖြေ ။    ။ မထင်မိပါဘူး။ Workfare မရခင် သူကအလုပ်လုပ်နေမှရမှာ။

မေး ။     ။ မှန်ပါတယ်။ ဒီဥပဒေအခြေခံက အသက် ၃၅ နှစ်ရှိတဲ့လူတစ်ယောက်ဟာ တစ်ပတ်မှာ ၂ ရက်၊ ၃ ရက် အလုပ်လုပ်နေရမယ်။ ဒါမှ သူဝင်ငွေစံညွှန်းနဲ့ ပတ်သက်လို့  …

ဖြေ ။    ။ မဟုတ်ဘူး။ အဲဒီတုန်းက စင်္ကာပူမှာ စီးပွားရေးကျဆင်းနေတယ်။ သူတို့ ကို ဆွဲထုတ်ပြီး ကူညီထားကြရတယ်။ Workfare ကိုရဖို့ လူတစ်ယောက်ဟာအလုပ်ရှိကိုရှိနေရမယ်ဆိုတဲ့ ဥပဒေက ပျက်မသွားပါဘူး။

မေး ။     ။ Workfare က တကယ်တော့ စီးပွားရေးကောင်းနေစဉ် ၂၀၀၇ ခုနှစ်မှာ တင်ခဲ့တာပါ။ တစ်ခုခုလုပ်ပြီဆိုရင် ကြိုတင်မမြင်နိုင်တဲ့ကိစ္စတစ်ချို့ ကိုလည်း အရဲစွန့် ပြီးလုပ်ကြည့်ရတတ်ပါတယ်။ သူတို့အလုပ်လုပ်နေဖို့ လိုတယ် ဆိုတာ လူထုကြီးသိနေရန် ပြီးတာပါပဲ။

ဖြေ ။    ။ မထင်မိပါဘူး။တို့ က အများကြီးပေးလိုက်ရင်တော့ လူတွေကအလုပ်လုပ်ချင်စိတ် ရှိမှာမဟုတ်တော့ဘူး။ လုံလောက်ရုံလေးပဲပေးပြီး သူတို့ ကိုလည်း ကြိုးတင်းထားမယ်ဆိုရင် သူတို့ လည်းသဘောပေါက်လာမှာပါ။ ငါ့မှာ အရည်အချင်းပိုရှိလာရင် ဝင်ငွေလည်း ပိုလာမယ် ဆိုတာမျိုးလေ။

ဒါကြောင့် ငါတို့ SPUR ကိစ္စအတွက် တအားကြိုးစားနေကြတာ။ (Skills Programme for Upgrading and Resilience) ပြီးရင် အလုပ်အကိုင်အတွက် လေ့ကျင့်သင်ကြားပေးတာတွေရှိတယ်။ အလုပ်သမားတွေ အလုပ်ဆက်လုပ်ကြဖို့  တို့ က အားပေးတယ်။ ဒါမှ နိုင်ငံစီးပွားရေးတက်မယ်။ နိုင်ငံရဲ့စီးပွားရေးတက်လာရင် သူတို့ ဝင်ငွေလည်းတိုးလာတယ်။ ဒီနေ့ခေတ်ကြီးထဲမှာ မင်းဘယ်လောက်လစာရသင့်သလဲဆိုတာ မင်းမှာ အသိပညာနဲ့အရည်အချင်း ဘယ်လောက်ရှိတယ်ဆိုတာနဲ့  သတ်မှတ်တယ်။ ဆိုပါတော့ မင်းက သိပ်တော်တဲ့လူ၊ ဒါပေမယ့် ဈေးကွက်မှာ ရောင်းချစရာပစ္စည်းမရှိဘူး။ ဒါဆိုရင် မင်းဘာရနိုင်ဦးမလဲ။

မေး ။     ။ ဝင်ငွေကွာဟမှုနဲ့  ပတ်သတ်လို့ လူထုခံစားနေရတာကို နားလည်ပြီး .. လစာကွာခြားမှုပမာဏတွေကို စနစ်တကျတွက်ချက်ပြီး ဒါကိုဖြေရှင်းဖို့ ပေါ်လစီချမှတ်ပြီးလုပ်ရရင် အစိုးရအတွက်ပိုကောင်းမယ်လို့  မထင်မိဘူးလား။ ဥပမာ ပြည်သူဝန်ထမ်းတွေဆိုရင် GDP နဲ့ တွဲပြီး ဘောနပ်ရနေကြတယ်။ တချို့့အကြံပြုကြတာက တစ်ဦးချင်းဝင်ငွေ မညီမျှမှုကိုလည်း ဒီလိုGDPနဲ့ တွဲပေးထားရင်ကောင်းမယ်။အထူးသဖြင့် အနိမ့်ဆုံးဝင်ငွေ ရှိသူတွေကိုပေါ့။

ဖြေ ။    ။ ပြည်သူ့ ဝန်ထမ်းတွေကိုကျတော့ သူများတွေနဲ့့ပြိုင်ပြီး လစာပေးထားမှရတယ်။ ဆိုလိုတာက ပုဂ္ဂလိကစီးပွားရေးတွေကပေးသလို ပေးထားရတယ်။ သမ္မတ ပညာသင်ဆု၊ နိုင်ငံခြားပညာသင်ဆု၊ SAF ၊ ပြည်သူရဲ့ စတာတွေရဲ့ အရေအတွက်ကို တို့ လေ့လာကြည့်ထားကြပြီးသားဖြစ်တယ်။ ဂျူနီယာကောလိပ်ကထွက်လာတဲ့ လူတော်ကျောင်းသားတွေရဲ့အရေအတွက်နဲ့  မဟပ်မိဘူး။ ဘာ့ကြောင့်လဲဆိုတော့ သူတို့ ကကိုယ့်ပိုက်ဆံနဲ့ ကိုယ်ပညာသင်တာ၊ ပုဂ္ဂလိကထောက်ပံ့တဲ့ ပညာသင်ဆုနဲ့ ပညာဆက်သင်တာတွေရှိနေလို့  နောက်ဆုံးကောက်ချက် ကတော့ အစိုးရက ပုဂ္ဂလိကဆိုတာ စင်္ကာပူထဲမှာတင် မဟုတ်ဘူး။ တစ်ကမ္ဘာလုံးကို ဆိုလိုတာ။ ဒါကဖြစ်နေတဲ့ အမှန်တရားပဲ။ ရှောင်နေလို့ မရဘူး။ ရင်ဆိုင်ကြရမယ်။

မေး ။     ။ ပြည်သူဝန်ထမ်းတွေအဖို့  ဝင်ငွေကွာဟမှုနည်းသွားအောင်လုပ်နိုင်ရင် သူတို့ လည်း ဘောနပ်ရလာမယ်လို့  ကျွန်တော်စဉ်းစားမိတယ်။

ဖြေ ။    ။ (ရီလျက်) ဝင်ငွေကွာဟမှု ဒီထက်ပိုကျဉ်းသွားအောင်ဆိုရင်တော့ အစိုးရစစ်စတန်ကြီးတစ်ခုလုံး ပေါင်းပေးတာတောင် ရမှာဟုတ်ဘူး။ ဂျပန်တွေကိုကြည့်။ ဖွံ့ ဖြိုးပြီးနိုင်ငံတွေထဲမှာ ဂျပန်တွေဟာ လူသားအချင်းချင်း တန်းတူအခွင့်အရေးရရှိရေးဆိုတဲ့ မူဝါဒကို အားအကောင်းဆုံးလက်ကိုင်ပြုထားတဲ့ လူမျိုးတွေပဲ။ သူတို့ အလုပ်အကြီးအကဲတွေကို ရက်ရက်ရောရောပေးတာ တစ်သက်လုံးအလုပ်ခန့် ထားတာတို့ လေ။ ဂလိုဘယ်လိုက်ဇေးရှင်း ဖိအားအောက်မှာ သူတိုလည်း မခံနိုင်တော့ဘူး။

ဆိုနီနဲ့ နစ်ဆန်ဆိုရင်အခုအနောက်တိုင်းသားတွေကို ငှားနေပြီးလူတော်တွေရဖို့  သူတို့ လည်း ပြိုင်ပွဲထဲ ဝင်လာကြပြီ။ ကမ္ဘာထဲကိုဝင်ယှဉ်ပြိုင်နိုင်ဖို့  သူတို့ မူဝါဒကို ဂရုမစိုက်နိုင်ကြတော့ဘူး။ နိုင်ငံခြားသားတွေ အလုပ်လုပ်တာ ပိုများလာလေလေ သူတို့ စနစ်လည်း ပြောင်းရလေလေ ဖြစ်လာမှာပဲ။

ဟိုတုန်းကဆိုဒါမျိုးတွေဂျပန်မှာမြင်ကိုမမြင်ရတာ။အခုဆိုဆောင်းရာသီမှာတံတားအောက်အိပ်နေတဲ့လူတွေရဲ့ဓာတ်ပုံတွေ တွေ့ လာရပြီ။ သူတို့ စစ်ပွဲတွေဖြစ်တော့ အဆင်းရဲဆုံးလူတန်းစားဖြစ်တဲ့ လယ်သမားတွေက အထိအနာဆုံး၊ သားတွေဆုံး၊ အိမ်တွေဆုံးနဲ့ ၊ ဒါကြောင့်လူထုကြီးတစ်ရပ်လုံးက သူတို့  (ဆင်းရဲသားလယ်သမားတွေကို) ပြန်ပြီးကျေးဇူးဆပ်ရမယ်ဆိုတဲ့ ခံစားချက်တွေ လှိုက်လှိုက်လှဲလှဲကို ရှိကြတယ်။

ဗြိတိသျှတွေလည်း ဒီအတိုင်းပဲ။ အပြစ်မကင်းဘူးဆိုတဲ့ခံစားချက် ရှိကြတယ်။ အသက်အိုးအိမ်တွေ တကယ်ဆုံးရှုံးခဲ့ရတာက Oxbridge က အရာရှိကြီးတွေ မဟုတ်ဘူး။ အရာရှိငယ်တွေ၊ မဖြစ်မနေ စစ်တပ်ထဲဝင်ခဲ့ရတဲ့ စစ်သားတွေပဲ။ ဒီတော့ လူချမ်းသားတွေက လေဘာပါတီရဲ့ ထောက်ခံမှု၊ ကွန်ဆာဗေးတစ်ပါတီရဲ့ မွေးစားကျင့်သုံးမှုနဲ့  မူတစ်ခု ချမှတ်လာကြတယ်။ အထက်တန်းလွှာက လူတွေဟာ ဒီအတွက်အကြွေးတွေ တင်နေကြတုန်းပဲပေါ့။ ဒါနဲ့  ဆင်းရဲသားတွေကို ထောက်ပံ့လာကြတာ။

ဒါ့ကြောင့်ဖြစ်လာနိုင်တဲ့ဆိုးကျိုးကို သူတို့ မစဉ်းစားကြဘူး။ လူတွေအလုပ်လုပ်ချင်စိတ်ပျောက်ပြီး စစ်စတန်တစ်ခုလုံးလည်း အလုပ်မဖြစ်တော့ဘူး။ မာဂရက်သက်ချာက အဲဒီမူကို ပြောင်းပစ်ခဲ့တာ၊ တိုနီဘလဲယားက ဆက်လက်ကျင့်သုံးတာ။ ဂေါ်ဒင်ဘရောင်းက အောက်ခြေလူတန်းစားတွေရဲ့ ထောက်ခံမဲတွေကို လိုချင်တော့ လမ်းဟောင်းဖက်ကို ပြန်ပြီး ဦးလှည့်နေပြန်ရော။

နားလည်ထားဖို့ က တစ်ဦးချင်းဝင်ငွေ “ မျှတမှု ပြဿနာက ဒီအတိုင်းပဲ အမြဲရှိနေမှာတော့ မဟုတ်ဘူး။ ဒါက ဘယ်လောက်ကြာနိုင်မလဲ။ ဆယ်နှစ်၊ အနှစ်နှစ်ဆယ်၊ အနှစ်သုံးဆယ်။ ဟုတ်ပြီ၊ ဒါပြီးတော့ ဘာလာဦးမလဲ။ နည်းပညာတွေ၊ ယှဉ်ပြိုင်လာသူအသစ်တွေ၊ မတူညီတဲ့ အလုပ်လုပ်ပုံတွေ၊ လိုက်(ဖ်)စတိုင်လ်တွေက ငါတို့ အပေါ် ကျရောက်လာဦးမှပဲ..”

မေး ။     ။ စည်းပွားရေးကိစ္စတွေမှာ အစိုးရက ထိန်းချုပ်ထားတာ သိပ်များလွန်းတယ်ဆိုတဲ့အမြင်နဲ့ ပတ်သက်လို့  မစ္စတာလီ ဘာပြောချင်ပါသလဲ။ ကျွန်တော်ထင်တာကတော့ စီးပွားရေးကဏ္ဍတွေကို အစိုးရကပဲ ထိန်းထားသင့်တယ်လို့  သူတို့ ယုံကြည်ထားတဲ့ ရှေးရှေးနှစ်တွေတုန်းက ပြောခဲ့ကြတာ မဟုတ်ပါဘူး။ အခုအထိ အစိုးရ ထိန်းချုပ်ထားတဲ့ စီးပွားရေးကဏ္ဍတွေက တော်တော်ကြီးများနေသေးတယ်။ ဒီကိစ္စ၊ ဒီပြဿနာဟာ ရှေ့ဆက်ဖြစ်နေဦးမယ်လို့  ထင်ပါသလား။

ဖြေ ။    ။ လူတော်တွေက အစိုးရအလုပ်ထဲကို မဝင်ဘဲ ပုဂ္ဂလိကစီးပွားရေးတွေထဲ ပိုပိုပြီးဝင်နေမယ်။ သူတို့ ကိုလည်း နိုင်ငံခြားကုမ္ပဏီတွေဆီမှာ ဆုံးရှုံးလိုက်ရတာမဟုတ်ဘဲ သူတို့ ဒီကိုပြန်လာကြမယ်။ ဒီနောက် ပုဂ္ဂလိကတွေက ကုမ္ပဏီအကြီးစားကြီးတွေကို လည်ပတ်နိုင်လောက်တဲ့ ဦးနှောက်ရှိသူတွေကို ပိုင်ဆိုင်လာမယ်။ ဒါဆိုရင် ဒီကိစ္စက အေးသွားမှာပါ။ ငါပြောခဲ့သားပဲ။ ငါတို့ စီးပွားရေးတချို့ ကို ပုဂ္ဂလိကပိုင်လွှဲပေးချင်တယ်။ တချိန်ထဲမှာပဲ ပြဿနာက ဘယ်သူ့ ကိုလွှဲပေးရမှာတုန်းဆိုတာ ဖြစ်လာပြန်ရော။

DBS နဲ့  OCBC ဘဏ်တွေကိုကြည့်။ သူတို့ နိုင်ငံခြားဦးနှောက်ကိုသုံးထားရတာ။ UOB ကဥက္ကဌ Wee Cho Yaw အပေါ်မှာလုံးဝမှီနေရတာ။ သူ့ နေရာဘယ်သူ့ ကိုအစားထိုးမှာလဲ။ UOB ရဲ့ စီအီးအိုရွေးထုတ်ဖို့  သူတို့ မှာ ဦးနှောက်ကောင်းကောင်းတွေ ဘယ်လောက်ရှိနေလို့ လဲ။ ဒီနေရာကို လျာထားထားတဲ့ Ernest Wong ကလည်း သူ့ အတွက်ဒီနေရာရဖို့  မျှော်လင့်ချက်မရှိဆိုပြီးထွက်သွားပြီ။ Wee Cho Yaw ကအခုသူ့ သားကို အစားထိုးဖို့ လုပ်နေတယ်။

အခုနိုင်ငံခြားကို ပညာသင်ထွက်သွားတဲ့လူတော်တွေ ဘယ်ကပညာသင်ဆုမှမယူဘူး။ နိုင်ငံခြားမှာလည်း အမြဲမနေဘူး။ ဒီကိုပြန်လာကြမယ်။ ဒါဆိုရင်လာမယ့် ၁၀နှစ် ၁၅နှစ်လောက်ကိုပုဂ္ဂလိကစီးပွားရေးတွေမှာရှိတဲ့ ဦးနှောက်က အစိုးရဆီမှာရှိတဲ့ ဦးနှောက်တွေကို ယှဉ်လို့ ရပြီ။ လွန်ခဲ့တဲ့ ၁၅နှစ် အနှစ်၂၀ ကနဲ့ စာရင် ဒီနေ့ အစိုးရရဲ့ ပညာသင်ဆုယူတဲ့ကျောင်းသားနည်းနည်းလာတာတွေ့ ရတယ်။

ဆိုလိုတာက ဝန်ကြီးရဲ့သားဘယ်နှစ်ယောက် စကောလားရှစ်ယူလို့ လဲ။ Lin Hng Kiang ရဲ့သား စကောလားမယူဘူး၊ Teo Chee Hean ရဲ့သားတော့ယူတယ်။

မေး ။     ။ လောလောဆယ်မှာ ဖြေရှင်းချက်က ဘာဖြစ်မလဲ၊ ပုဂ္ဂလိကစီးပွားရေးအားနည်းလာစရာရှိသလား။

ဖြေ ။    ။ မရှိဘူး။ ငါပြောခဲ့ပြီးပြီ။ လူတော်တွေသူတို့ ဆီမှာ အလုပ်လုပ်မလား။ ဒါပဲ။ သင်္ဘောကျင်းကိုကြည့်။ Cheng Wai Koung ကို ငါတို့ ရလိုက်တယ်။ SIA အတွက် စတီဗင်လီကို ရထားတယ်။ DBS အတွက် Koh Boon Hwee ပြီးရင် ဘယ်သူရှိဦးမလဲ။ ဒီလောက်ကြီးတဲ့ ကုမ္ပဏီကြီးတွေကို တခြားလူ ငါတို့့ကယုံကြည်လို့ ရပါ့မလား။

စီးပွားရေး ပဉ္စလက် ( ၅ )

ဇင်ဝေသော်

Read more