ကမ္ဘာဦး လူမှုရေးဆက်ထုံး

ယောက္ခမ၊ ချွေးမ၊ ခမည်းခမက်ဇာတ်လမ်းတွေက မြန်မာတွေကြားမှာတော်တော်များများ ရှိသလို အမှန်တ ကယ်လည်း ဒါတွေက ဖြစ်နေတတ်တဲ့ သဘော ရှိပုံရပါတယ်။ ဒါပေမယ့် ဒီပြဿနာက မြန်မာတွေ မှာ တင် ဖြစ် တတ်တာမဟုတ်ပဲ ဂလိုဘယ်ဖြစ်နေတဲ့သဘောလည်း ရှိပါတယ်။ သူတို့ ဟာသလေးတွေ တစ် ချို့ ကို ဖတ်ကြည့်ပါ။

“ယောက္ခမနဲ့ စကားမပြောဖြစ်တာ (၁၈) လ ရှိပါပြီ။ သူပြောနေတာတွေ အနှောက်အယှက်ဖြစ်သွားမှာ စိုး လို့ ဝင်မပြောတာပါ”

“အလွန်ပျော်စရာကောင်းတဲ့ ခရီးတစ်ခုကနေ ပြန်လာတာပါ။ အဲဒါ ကတော့ ယောက္ခမ ကို လေဆိပ် လိုက် ပို့တာပါပဲ”

ကျွန်မယောက္ခမကပြောတယ်။ “နင်သေရင် နင့်အုတ်ဂူပေါ် တက်ကမယ်” တဲ့။
ဒါနဲ့ ကျွန်မကလည်း “ မျှော်လင့်ထားပြီးသားပါ။ ဒါကြောင့် ကျွန်မသေရင် ပင်လယ်ထဲမှာမြှုပ်ဖို့ ဆုံးဖြတ်ထား တယ်” လို့။

“ကျွန်မယောက္ခမနဲ့ ကျွန်မနဲ့ဆိုရင် နှစ်ပေါင်းနှစ်ဆယ်လုံးလုံး ဘာပြဿနာမှ မရှိပဲပျော်ပျော် ရွှင်ရွှင်နေနိုင် ခဲ့ကြပါတယ်။ အဲ အနှစ်နှစ်ဆယ်ကျော်မှ တစ်ယောက်နဲ့တစ်ယောက်တွေ့ကြ တာလေ။

အိမ်ထောင်ရေး ပြဿနာလို့ သုံးစွဲဖို့တော့ အားနာစရာ နည်းနည်းကောင်းပါ လိမ့်မယ်။ ဒါပေမယ့် ဇနီးမောင်နှံတွေရဲ့ အိမ်ထောင်ရေး ကတော့ယောက္ခမတွေကြောင့် အကျိုးသက် ရောက်မှု အများကြီး ရှိနေတယ် ဆိုတာ တွေ့ကြရပါတယ်။

ပထမဆုံးကတော့ အီတလီပါ။ အီတလီက အမျိုးသားတွေဟာ (ma ma’s boys-မေမေ့ သားလေး) လို့တင်စားခေါ်ကြပြီး မိခင် ရဲ့လွှမ်းမိုးမှု လည်းတော်တော်ရှိဟန် တူပါတယ်။ ဒါကြောင့် အိမ်ထောင်ရေး မပြေလည် မှုတွေထဲကယောက္ခမကြောင့်ဖြစ်ရတာက ၃၀ရာခိုင်နှုန်းတောင် ရှိပါသတဲ့။ ကမ္ဘာ့အမြင့်ဆုံးလို့ ယူဆရမှာပါ။

မလေးရှား မှာလည်း MIL (Mother In Law) Syndrome လို့ ယောက္ခမတွေကို တင်စား ခေါ်ဝေါ်ကြ ပါ တယ်။ ရာခိုင်နှုန်းတွနဲ့ အတိ အကျဆိုမထားပေမယ့် ယောက္ခမတွေ ကြား ဝင်လို့ အိမ်ထောင်ရေး ပြိုကွဲ မှုက ရာခိုင်နှုန်းအတော်များတယ်လို့ သိရပြန်ပါတယ်။

၂၀၀၈- ခုနှစ်က အိုဆာကာ တက္ကသိုလ်ရဲ့ သုတေသနပြုချက်အရ ယောက္ခမတွေနဲ့အတူတူနေ ရ တဲ့ ချွေးမတွေ ဟာ နှလုံးရော ဂါဖြစ်ပွါးနှုန်းပိုများတယ်ဆိုတာကို တွေ့ရှိကြရပါ သတဲ့။ ဒါပေမယ့် ၂၀၁၀- ခုရောက်တော့ ချွေးမတွေလည်း လက်စားချေတာကို ခံလိုက်ရပြန်ပါ တယ်။ ၂၀၁၀- ခု သုတေသနအရ သား၊ ချွေးမတွေနဲ့ အတူနေရ တဲ့ ယောက္ခမတွေဟာ သမီး၊ သမက်နဲ့ အတူနေရ တဲ့ ယောက္ခမတွေထက် အသက်ပိုတိုကြတယ် လို့တွေ့လာ ရပြန်ပါတယ်။

ဒီနေရာမှာ ထူးခြားမှုဖြစ်နေတာ တစ်ခုက ချွေးမရဲ့ စောင့်ရှောက် ကူညီ မှုနဲ့ နေကြရ တဲ့ ယောက္ခထီးကြီးတွေကတော့ သူတို့ ဇနီး ကိုယ်တိုင်စောင့်ရှောက်မှုအောက်မှာ နေရတာ ထက် အသက်ပို ရှည် တတ်တာ တွေ့ကြရပြန်ပါသတဲ့။ ဒါကြောင့် ချွေးမနဲ့ ယောက္ခမက ပနံ မရဖြစ်တတ်ပေမယ့် ချွေးမနဲ့ယောက္ခ ထီးတွေရဲ့ ဆက်ဆံရေးကတော့ အဲသလို မဟုတ်ပြန် ဘူးဆိုတာ တွေ့လာရပြန်ပါတယ်။ ဒီ ထက်ပိုပြီး ထူးခြား တာက ဒီသုတေသန တွေထဲမှာ သားမက်နဲ့အ တူနေရ တဲ့ ယောက္ခမ ၊ ယောက္ခထီးတွေ အကြောင်း ထူးထူးခြားခြားပြောထား တာမရှိခြင်းပါ။ သားမက်ကြောင့် အသက်တို၊ ရှည်၊ နှလုံးရောဂါ ရ၊ မရ ဆိုတာတွေ မတွေ့ ရပါဘူး။ သား မက်ကတော့ ဘာသိဘာသာ ပဲ နေ ကြပုံရပါတယ်။

လူမှုရေးဥပဒေတွေ ဘယ်လောက်ပြောင်းပြောင်း၊ လူမှုရေး အသိစိတ်နဲ့ သက်ဆိုင်တဲ့စာအုပ်တွေ၊ ပညာပေး ကဏ္ဍတွေ ဘယ်လောက်ပဲ လုပ်လုပ် ယောက္ခမ၊ ချွေးမဇာတ် လမ်း တွေ ကတော့ နိုင်ငံ ဆင်းရဲချမ်းသာ မရွေး ရှိနေတတ်တယ်လို့ ဆိုပါတယ်။

ဒီဆောင်းပါးမှာလည်း ပညာရှင်တွေက ထပ်ပြီးလမ်းညွှန်ထားတာတွေ တွေ့ရ ပါတယ်။ သိပ်တော့ မထူးခြားလှပါဘူး။

၁။ သား (သို့) သမီးအိမ်ထောင်ပြုသွားတာနဲ့ မိမိရဲ့ မိခင်ဘဝကဆုံး ပါးသွားတာမဟုတ် ပါဘူး။ ဒါကို အံဝင်ခွင်ကျဖြစ် သွားအောင် နေတတ် သွားဖို့ပဲ လိုပါတယ်လို့ ပညာရှင် Anne Hollands က ယောက္ခမတွေကို လှမ်းတို့လိုက်ပါတယ်။ ဒါကြောင့် သိပ် မထူးခြားလှဘူး လို့ ပြောတာပါ။
မြန်မာတွေမှာလည်း သား(သို့) သမီး အိမ်ထောင်ပြုတာကြောင့် သား(သို့) သမီးဆုံးရှုံးမ သွားဘူး။ မဆုံးရှုံရုံတင်မက သမီး (သို့) သားတစ်ယောက်ပါအဆစ်ရလိုက် တယ် လို့ဆို တတ်ကြပါတယ်။

၂။ ယောက္ခမက ဘယ်လောက်ပဲဆိုးဆိုး ကိုယ့်ဖက်က ရိုရိုသေသေ နဲ့လေးလေး စားစား ဆက်ဆံတတ်ဖို့ လိုပါတယ်လို့ သူမ ကပဲ ချွေးမတွေကို လက်တို့ခဲ့ပြန်ပါတယ်။ ချွေးမအတွက် ဆုံးမစကားနဲ့ ပတ်သက်လို့ ကတော့ မြန်မာတွေဆီမှာ ပိုများပါတယ်။ဝိသာခါ ကို ဆုံးမလိုက်တဲ့ သူမဖခင်ရဲ့ဆုံးမစကား ဆယ်ခွန်း က တော်တော် လေး ပြည့်စုံပါတယ်။

၃။ ပြဿနာတစ်ခုခုဖြစ်ရင် ရေရှည်အတွက် စဉ်းစားပြီး ဆုံးဖြတ်ပါလို့လည်း ပြောခဲ့ပါတယ်။ ဒါကလည်း သိပ်တော့ မထူးခြားလှပါဘူး။

ဒါတွေထဲမှာ ထူးထူးခြားခြားရှိတာကတော့ ကိန်းဘရစ်ခ်ျတက္ကသိုလ်စိတ်ပညာပါမောက္ခ ဒေါက်တာ Terri Apter ရဲ့ သုံးသပ် ချက်ပါ။ သူမပြောတာက “ယောက္ခမရော ချွေးမပါ သူ တို့ အသားမကျသေးတဲ့ ဘဝတွေကို အခုမှ နဖူးတွေ့ ဒူးတွေ့ ရင် ဆိုင်ကြ ရ တာဆိုတော့ ပြဿနာ တစ်ချို့ ရှိလာတတ်တာပါ။ အဓိကအားဖြင့် မတူတဲ့မိသားစုတွေရဲ့ခံယူချက်၊ သိက္ခာ၊ မာနစတာတွေကြောင့် အလျှော့မပေးလို စိတ်တွေ ဖြစ် လာတတ်ရာကစတင်တတ် တယ်” လို့ ဆိုပါတယ်။

တော်တော်လေး အဓိပ္ပါယ်ရှိပါတယ်။ မိန်းကလေးတစ်ယောက်ဟာ အိမ်မှာလည်းသန့်ရှင်း ရေးလုပ်၊ ထမင်းချက်၊ ဟင်းချက် လုပ် ကြ မှာပါ။ ဒါပေမယ့် ယောက္ခမကခိုင်းရင်တော့ ဒီပြင် လူတွေမခိုင်းပဲ ငါ့ကိုယ်မှ ရွေးခိုင်းတယ်ဆိုတဲ့အတွေးမျိုး ရောက်သွားနိုင်ပါတယ်။ သူ့အိမ်မှာ ဘာမှမလုပ်ခဲ့ရတဲ့ မိန်း ကလေးဆိုရင်တော့ ဒီကိစ္စက ကြည့်ကောင်းမယ့် ပွဲတောင်ဖြစ်သွား နိုင်ပါတယ်။

Terri Apter ကတော့ သိပ်မလိုအပ်လှတဲ့ “သိက္ခာ” ဆိုတာကြောင့် ဒီ လူမှုရေးပြဿနာ က ဖြစ်လာ တတ် တာဖြစ်ပြီး ဒါကိုကျော် လွှားနိုင် ရင် အဆင်ပြေသွားတဲ့ ယောက္ခမ၊ ချွေးမတွေ အများကြီးရှိပါတယ် လို့ ဆို ထားပါတယ်။ ဟုတ်ပါတယ်။ တချို့ဆိုရင် ချွေးမကသမီးလိုဖြစ်ပြီးသားကပင်
သားမက်လိုဖြစ်နေတတ်တာ တွေပင်ရှိနေတတ်ပါတယ်။

ဘာပဲပြောပြော ဒီလူမှုရေးဆက်ထုံးကလည်း ကမ္ဘာဦးကစလို့ နောင်လည်းရှိနေဦးမည့် သဘောပါပဲ။

Ref: Reader’s Digest, October, 2012.
How to tame your mother in law.

ဇင်ဝေသော်

Read more

ဓာတ်တူ သဘောတူ ပညာရှင်

1 ) ဓာတ်တူ

" ဖူးစာ ဆိုတာ ကောင်းကင်ဘုံပေါ်က တခါတည်း ဖန်တည်းပေးထားတာလို့ ဆိုကြတယ်၊ ဒါကို ဘယ်လို သဘောရပါသလဲ "
"  အများကြီး ဖြစ်နိုင်ပါတယ်၊ လျှပ်စီးတွေ၊ မိုးခြိမ်းသံတွေ၊ မိုးကြိုးတွေလည်း  ကောင်းကင်က ကျလာတာပဲလေ "

2 ) သဘောတူ

" မြေးတွေ၊ အဘိုး အဖွားတွေရဲ့ ဆက်ဆံရေးက တော်တော် ကောင်းတတ်ကြတယ် နော် "
" ဟုတ်တယ်ဗျ၊ သူတို့မှာ ဘုံ ရန်သူ ရှိပုံရပါတယ် "

3 ) သမိုင်း ပညာရှင်

" အမေရိကန် သမိုင်းကို တော်တော် နှံ့နှံ့စပ်စပ် သိသလား "
" သိတာပေါ့၊  မေးလ် ဂစ်ဘ်ဆင် ( Mel Gibson ) ရဲ့ လက်ထက်မှာ ပြည်တွင်း တော်လှန်ရေး စစ်ပွဲ နိုင်ခဲ့တယ်။
တွန် ဟင့် ( Tom Hanks ) ရဲ့ လက်ထက်မှာလည်း ဒုတိယ ကမ္ဘာစစ် နိုင်ခဲ့ပြန်တယ်။
ဟို အဖြစ်မရှိတဲ့ ချာလီ ရှီးန်း ( Charlie Sheen )  ရဲ့ လက်ထက်ရောက်မှ ဗီယက်နမ် စစ်ပွဲ ရှုံးခဲ့ရတယ် "

3  3 ) A TV show, Family Guy.

ဇင်ဝေသော် 

Read more

မန်းကို လွမ်းလို့ တမ်းတဲ့စာ ( ၃ )

သာသနာ့ တက္ကသိုလ်ထဲက ခွေးကြီး တစ်ကောင်အကြောင်း။

၁၉၉၀ ခုနှစ်များက သာသနာ့ တက္ကသိုလ် မြောက်ဖက်ခြမ်း၌ အများနှင့်မတူ ဝဖြိုးနေသော ခွေးကြီး တစ်ကောင်ကို တွေ့နိုင်သည်။ စင်္ကာပူလို နိုင်ငံမျိုးမှာဆိုလျင် အိုဗာဝိတ် ဖြစ်နေသော ခွေးကြီးဟု ဆိုကောင်း ဆိုပေလိမ့်မည်။ ဆီးချို သွေးချိုဖြစ်ဖို့ အလားအလာ ရှိသည် ဟုလည်း ဆိုကောင်းဆိုပေလိမ့်မည်။ ထို ခွေးကြီး ကတော့ ဘာရောဂါမှ မရှိ ကျန်းကျန်းမာမာပင် ဖြစ်သည်။ ထို ခွေးကြီးသည် ဆွမ်းစားကြောင်းသွားရာ တန်ဆောင်းအောက်၌လည်းကောင်း၊ အဆောင် တစ် နှင့် အဆောင် ခြောက်တို့ ကြားမှာလည်းကောင်း အနေများလေသည်။

ထို ခွေးကြီးအကြောင်းကို ပြောပြချင်သည်။ ဘာ့ကြောင့် ထို ခွေးကြီးက ထူးထူးခြားခြား ဝ နေရသနည်းက အဓိကအကြောင်းဖြစ်သည်။
ည ည အခါ တစ်ခါတရံ နာယက ဆရာတော်တို့က စာသင်သား သံဃာငယ်များ သီတင်းသုံးရာ အဆောင်များကို စစ်တတ်ကြသည်။ ထိုအခါ ရဟန်းပင် ဖြစ်သော်ငြား စာသင်သားသံဃာငယ်များ ဖြစ်သည်အားလျော်စွာ ဆရာတို့ မမြင်အပ်သည်တို့ တခါတရံ တွေ့ရှိတတ်သည်။ ဥပမာ ကက်စက် ဖွင့်နေခြင်း၊ ရေဒီယိုအသံ အနည်းငယ် ကျယ်နေခြင်း စသည် တို့ ဖြစ်လေသည်။ ထို အခါမျိုးတွင် ရိုးသားသော ဆရာတော်ကြီး တစ်ပါးက ရေဒီယိုကက်စက် ဂျက်ပင်များ သိမ်းဆည်းသွားတတ်သည်၊ ဤသို့ သိမ်းဆည်းခြင်းမှာ ဂျက်ပင်မရှိလျင် ရေဒီယိုကက်စက် ဖွင့်မရတော့ဟု ဆရာတော်က ယုံကြည်ထားသောကြောင့် ဖြစ်သည်။ မှန်၏။ ရေဒီယိုကက်စက်ဝယ်ရာ၌ ဂျက်ပင် တစ်ချောင်းသာပါ၏၊ အပိုမပါ။

ထို ပြဿနာက မကြာမီ ပြေလည်သွားတော့သည်။ အကြောင်းက အထက်ဖော်ပြပါ ခွေးကြီးက ထို ဆရာတော် အဆောင်မှ ထွက်လာလျင် ဟောင်တတ်သောကြောင့် ဖြစ်လေသည်။ ထူးတော့ ထူးခြားသည်၊ သူဟောင်ပုံက ယင်း ဆရာတော်ကြီးကို မုန်း၍ ဟောင်ခြင်းမျိုး မဟုတ်ဘဲ စာသင်သား သံဃာငယ်များကိုသတိပေးသော ဟောင်ခြင်းမျိုး ဖြစ်နေခြင်း ဖြစ်လေသည်။
" ဝေါင်း၊ ဝေါင်း၊ ဝေါင်း "
ဤ အဓိပ္ပါယ်က
" သတိရှိကြလော့၊ နာယက ဆရာတော်များ အဆောင်တွေ စစ်တော့မည် " ဟု ဖြစ်သည်။

ထို အခါ အချင်းချင်း စကားပြောနေကြလျှင်ရပ်။ ကိုယ့်အခန်းကိုပြန်၊ ကက်စက်ဖွင့်ထားလျှင် ပိတ်၊ စာအုပ် ထူထူ ကောက်လှန်၊ သည်းသည်း မည်းမည်း စာကြည့်ဟန် ပြုနေလိုက်ရုံပင်။ လှ၏၊ သမဏ သာရုပ္ပဖြစ်၏။

အစပိုင်းတော့ သတိမထားမိကြ၊ တဖြည်းဖြည်းကြာလာမှသာ ထို ခွေးကြီး၏ ဟောင်သံကို သတိထားမိကြသည်။ ထို ခွေးကြီးကိုစာသင်သား သံဃာငယ်များ အလွန် ချစ်ကြသည်ဟု ဆိုဖွယ် မလိုတော့ဟု ထင်သည်။ ထိုနောက် တစ်ခါ ဟောင်တိုင်း ထို ခွေးကြီးကို ထန်းလျက် ကျွေးကြသည်။ ကြာလာတော့ ခွေးကြီးကလည်းသဘော ပေါက်လာသည်။  ဆရာတော်ကြီးကို ဟောင်လျင် ထန်းလျက် စားရသည်။

ကောင်းတော့ မကောင်းလှ၊ ထိုမှနောက်ထိုဆရာတော်ကြီးကို တွေ့သည့်နေရာ ဟောင်လေတော့သည်။
ဟောင်ပြီးလျင် အဆောင် တစ် နှင့် အဆောင် ခြောက်တို့ ကြား လာပြီး မြင်သည့် ရဟန်းတစ်ပါးပါဆီ သွားလေတော့သည်။
ဆိုလိုသည်က
" ငါ့ရှင်တို့ လိုသော ဆားဗစ်ကို ငါ ပရိုဗိုက်လုပ်ခဲ့ပြီ၊ ငါ ရသင့်သော ပရောဖစ်ကို ပေးပါတော့ " ဟု ဖြစ်သည်။
ရွာပြန်လျင်ပင် မိဘ၊ ဆရာ ကန်တော့ရန် ဘာမှ ယူသွားလေ့ မရှိကြသော၊ မန္တလေး ပြန်လာလျင်လည်း ဒကာ၊ ဒကာမတို့အားပေးရန် ဘာလက်ဆောင်မှ ယူ မလာတတ်သော ရဟန်းတော်များကပင် ထို ခွေးကြီးအတွက် ထန်းလျက် နှစ် ပိဿာ သုံး ပိဿာ ယူလာရန် ဝန်မလေးကြတော့ပေ။
ဤသို့ဖြင့် ထို ခွေးကြီးသည်အလွန်ဝ၊ လှသော ခွေးကြီးဖြစ်လာလေတော့သည်။
အကြံ တစ်ချက်ကောင်းလျှင် ခွေးလည်း ကောင်းစားလေတော့သည်။ အချက် ပိုင်ဖို့သာ အရေးကြီး၏။

အစပိုင်းမှာတော့ ထို ခွေးကြီးက သူဟောင်ချင်၍ ဟောင်ခြင်း တနည်း လူမှား၍ ဟောင်ခြင်းဖြစ်သည်။ သို့သော် ဟောင်သဖြင့် ထန်းလျက်စားရမှန်း သိသောအခါ ထန်းလျက်ကျွေးသဖြင့် ဟောင်ခြင်းဖြစ်သွားလေတော့သည်။ ကိုယ့်ဆရာကို ဟောင်သောခွေးကို ထန်းလျက်ကျွေးသော ရဟန်းများ ဟူ၍လည်း ဤ ဘုရား သာသနာမှာတော့ မိမိတို့ကလွဲလျင် မရှိဟု ထင်သည်၊ စာပေမှာ မတွေ့မိ။ နောက် ဘုရား သာသနာမှာတော့ မပြောတတ်ပေ။

မည်သို့ဖြစ်စေ လူရှင်းလှသော၊ သင်တန်းများပိတ်ထားသော ဒေပါဗလီ ပတ်ဘလစ် ဟောလီးဒေး၌ ထို ခွေးကြီးကို ထူးထူး ခြားခြား သတိရလွမ်း
ဆွတ်မိသဖြင့် ဤစာကို ရေးမိသည်။
( ထို ဆရာတော်ကြီးကိုလည်း ဤမှ ထပ်မံ တောင်းပန်ပါ၏ )

အထူး အမှာ။   ။ ဤစာသည် မန်းကို လွမ်းလို့ တမ်းတဲ့စာ ဟူသည့်အတိုင်း လွမ်း၍ တမ်းသောစာသာဖြစ်သည်၊ တောင်တောင် အီအီ စဉ်းစားပြီး ဟိုဟို ဒီဒီ မတွေးကြရန် မေ့နေသူတို့ကို သတိပေးချင်ပါသည်၊ သတိပေးလိုက်ပါမှ တောင်တေင် အီအီ စဉ်းစားပြီး ဟိုဟို ဒီဒီ တွေးနေကြလျှင် သီဟနာဒ နှင့်မဆိုင်၊ စာဖတ်သူများနှင့်သာ ဆိုင်၏။

သီဟနာဒ

Read more

ကုန်းဘောင် ငလျင် နဲ့ မှတ်စုတို

မန္တလေး၊ ရွှေဘို၊ မုံရွာ၊ မိုးကုတ် စတဲ့ မြန်မာပြည် အလယ်ပိုင်းမှာ လှုပ်သွားတဲ့ ငလျင်ကြောင့် အသက်ဆုံးပါးရရှာသူ၊ ပျက်စီးဆုံးရှုံးမှုများအတွက် မိသားစု များနဲ့ အတူ ဝမ်းနည်းပါတယ်။
( ကမ်းလက် )

ဒါနဲ့ ဆက်စပ်ပြီး သတင်းစာ ဆောင်းပါးတစ်ပုဒ်ထဲကနေ ရေးကူးထားမိတဲ့ မှတ်စု အတိုလေးကို မျှဝေချင်ပါတယ်။ ကြာပါပြီ၊ ခုနှစ် မှတ်မထားလိုက်မိပါ။

" ၇.၆ စကေး ရှိတဲ့ ငလျင် ကာလီဖိုးနီးယားမှာ လှုပ်တော့ လူပေါင်း ၅၀ ကျော် သေဆုံးခဲ့ပါတယ်။

  ၇.၆ စကေးပဲ ရှိတဲ့ ငလျင် ကက်ရှမီးယားမှာ လှုပ်တော့ လူပေါင်း ၃,၀၀၀ ကျော် သေဆုံးခဲ့ပါတယ်။

ဒါတွေကိုကြည့်ရင် သဘာဝဘေးခြင်း တူနေရင်တောင်ဆင်းရဲတဲ့ နိုင်ငံတွေမှာ အဆပေါင်း များစွာ ပိုသေတယ် ဆိုတာ တွေ့ရှိရပါတယ် " တဲ့။
အဆောက်အဦတွေ အဆင့် မမီ ခြင်း ၊ လူဦးရေ ထူထပ်ခြင်း၊ သတင်း အချက် အလက် နောက်ကျခြင်း ( သုိ့ ) မှားယွင်းခြင်း၊ ကယ်ဆယ်ရေး မရှိ ( သို့ ) နှေးကွေးခြင်းတို့ကြောင့် ဖြစ်ပါတယ်။
ဒီတာဝန်က ကျန်ရစ်သူတွေရဲ့ တာဝန်သိ ပခုံးတွေပေါ်မှာ..............

စာနာစွာဖြင့်

ဇင်ဝေသော်

Read more

သူတို့ချန်ထားခဲ့သည့် ပုံရိပ်များ

တစ်ခါက ကမ္ဘာသိ ဆရာတော်ကြီးတစ်ပါး တနင်္ဂနွေနေ့ တရားဟောရန် ကြွရောက်လာခဲ့သည်။ ထိုဆရာတော်ကြီးကား K. Sri Dhammananda ဆိုသည့် ကွာလာလမ်ပူ အခြေစိုက် သီရိလင်္ကာ ဆရာတော်ကြီးပင် ဖြစ်သည်။ ဆရာတော်ကြီး၏ “What Buddhists Believe” သည် မာစတာပိစ်ဟု ခေါ်ရလောက်အောင် ကောင်းလည်းကောင်း၍ အုပ်ရေပေါင်း များစွာလည်း ကမ္ဘာပြန်နှံ့ခဲ့သည်။
ထိုဆရာတော်ကြီးသည် ကျော်သည်နှင့်အညီ အလွန်လည်း တော်သည်ဟု ထင်သည်

။ ကျောင်း ရောက်လာခိုက်
“ဦးဇင်းက ဗမာလား” “Are you a Burmese?”
“မှန်ပါတယ်ဘုရား” ဟု ပြန်လျှောက်စဉ်
“မင်္ဂလာပါ” ဟု အရင်ဆုံး ဗမာလို နှုတ်ဆက်သည်။
ထို့နောက်
“ဒီကျောင်းကို တရားဟောဖို့ ရောက်တော့ ရောက်ဖူးပါတယ်။ ဒါပေမယ့်မေ့ကုန်ပြီ။ ဒီကျောင်းအတွင်းတရားဟောရာမှာ ဆောင်ရ ရှောင်ရမယ့် အချက်တွေရှိရင် ဦးပဉ္စင်းက ကြိုတင်လျှောက်ထား အသိပေးပါဦး” ဟု အင်္ဂလိပ်လို ဆက် မိန့် လာသည်။

ရိုးသားစွာ ဆိုပါအံ့။ ဤစကားမျိုး မကြားခဲ့ဖူးရိုး အမှန်ပင် ဖြစ်ပါသည်။ ကမ္ဘာသိ ဆရာတော်တစ်ပါးထဲမှ မဆိုထားလင့်၊ မြန်မာသိ ဆရာတော် များထံမှပင် မိမိတို့ တရားဟောမည့် ကျောင်း (နေရာ၏) ဆောင်သင့်၊ ရှောင်သင့်သော အချက်တို့ကို ကြိုတင်မေးတာ မဖြေခဲ့ရဖူးပေ။ ကမ္ဘာကျော်သည့် ဆရာတော်တို့သည် ကမ္ဘာ့စံညွှန်းနှင့်လည်း ညီညွှတ်ပေ၏ဟုသာ သဘော ပေါက်လိုက်ရသည်။ ကမ္ဘာ့စံညွှန်းဟု ဆိုလိုက်သဖြင့် ဗုဒ္ဓဘာသာအဆုံးအမတို့ကို ကျော်ခွရာ ရောက်ပေလိမ့်မည်။ အမှန်မူ ဤကိစ္စတို့သည် ကျောင်းနေရဟန်း (အာဝါသိက) နှင့် ဧည့်သည် ရဟန်း (အာဂန္တုက) တို့ ရှိသင့်သည့် အပြန်အလှန် ဝတ္တရားတို့သာ ဖြစ်ကြပါသည်။

ထိုဆရာတော်ကြီးက
“တို့ကို တရားချီးမြှင့်ဖို့ ပင့်ထားတာကတော့ (၁၀) နာရီကနေ (၁၁) နာရီအထိကွ၊ (၁၁) နာရီမှာ မင်းတို့ ဘုရားဆွမ်းကပ်ရှိတယ် မဟုတ်လား။ ဒါဆို ပြင်ဖို့ဆင်ဖို့ အချိန်ရအောင် တရားပွဲကို (၁၀း၅၀) နာရီလောက်မှာတော့ ရပ်မှ ကောင်းမယ် ထင်တယ်” ဟု သူ့ဘာသာ ဆက်လက်မိန့်သည်။

“မှန်လှပါ။ (၁၀) မိနစ်ဆိုရင် အချိန် လုံလောက်ပါတယ်ဘုရား” ဟု ကျေးဇူးတင်စွာ ပြန်လျှောက်ထားမိသည်။ ဆက်ဟောနေမည်ဆိုလည်း ဤသို့သော ဆရာတော်ကြီးမျိုးကို ဘာမှ လျှောက်ကြတော့မည် မဟုတ်ပါ။ သို့သော် လူမှုရေး ကျမ်းကျေသော ထိုဆရာတော်ကြီးက တရားကို မိနစ် (၅၀) ဖြင့် ပြောချင်တာ ခြုံငုံမိအောင် ပြောဟောခဲ့ပြီး (၁၀) နာရီ၊ မိနစ် (၅၀) တွင် တရားပွဲ သိမ်းလိုက်တော့သည်။

သူတစ်ပါးတို့၏ အချိန်ဇယားကို တန်ဖိုးထားသော ထိုဆရာတော်မျိုးအတွက် နာမည်ကြီးတာကပင် နည်းနေသေးသည်ဟု တွေးလိုက်မိတော့သည်။ ကမ္ဘာ့လူထုထဲဝင်ရန် ကမ္ဘာ့စံညွှန်းလို၏။ ငါ ဟောချင်သလောက်ဟော၊ ငါ အဆုံးသတ်ချင်တဲ့ အချိန်သတ် လုပ်၍မရ။ အခြား အခြားသော အက်တီဗီတီများ ကမောက်ကမ ဖြစ်သွားနိုင်သည်။

နောက်ထပ် ကြုံတွေ့ရသော ဆရာတော်ကြီးကား မဟာယာန ဆရာတော် တစ်ပါးဖြစ်သည့် မြန်မာတို့နှင့် အကျွမ်းတဝင်ရှိသော စင်္ကာပူ ရွှေကျောင်းဆရာတော် ချီပါစောပင် ဖြစ်သည်။ မဟာယာနဟု ဆိုသော်လည်း ထိုဆရာတော်က ထေရဝါဒရဟန်းတော်များနှင့် ပို၍ နီးနီးကပ်ကပ် ရှိသည်ဟု ထင်သည်။ မြန်မာပြည်မှာ လှူသလို ထိုင်း၊ သီရိလင်္ကာတို့မှာလည်း တော်တော် လှူဒါန်းသည်။ သူအများဆုံး လှူသောနေရာမှာ သီရိလင်္ကာဟု ထင်သည်။

ထိုဆရာတော်နှင့် ပတ်သက်၍လည်း အထင်တကြီး တော်တော် ဖြစ်ခဲ့ရသည်။
အခမ်းအနားတစ်ခုမှာ သူက တရုတ်လို မိန့်ပြီး သူ့တပည့် ရဟန်းတော်ကို အခြားဘာသာဖြင့် ဘာသာပြန်ပေးဖို့ ခေါ်လာခဲ့သည်။ သို့သော် အရေးထဲ အရာပေါ်ဆိုသလို လူ့ရှေ့ရောက်ပါမှ ဘာသာပြန်ဖို့ ခေါ်လာခဲ့သော ရဟန်းက အိုးနင်းခွက်နင်း ဖြစ်နေလေတော့သည်။ မိမိတို့ ကြုံတွေ့နေကျ မြင်ကွင်းက ဤသို့ဖြစ်လျှင် ဆရာက တပည့်ကို ဆူပူငေါက်ငမ်းခြင်းတို့ ဖြစ်သည်။ အချို့ဆိုလျှင် ကြမ်းရှသော စကားများပင် ပါလာတတ်သေးသည်။ ပရိသတ်လည်း စိတ်ညစ်ရ၊ တပည့်လည်း သိက္ခာကျ၊ ဆရာကိုယ်တိုင်လည်း သိက္ခာကျ ဖြစ်ရသည်။

ချီပါစောကား ဤသို့ မဟုတ်။ အေးငြိမ်းသော မျက်နှာအသွင်အပြင် လုံးဝ မပျက်၊ တပည့်ကို ကြိုးစားကြည့်ဖို့သာ ချိုချိုသာသာ အားပေးနေသည်။ မတတ်နိုင်တော့သည့် နောက်ဆုံး နောက်တစ်ခါဆိုရင် ဒီထက် ပိုကောင်းအောင် ပြင်ဆင်ခဲ့ပေါ့ဟုသာ ပြုံးပြုံးဖြင့် မိန့်လိုက်တော့သည်။

ချီပါစော လူရှေ့တွင် ပြသွားသော ပုံရိပ်က တော်တော်လှသည်။ သူ့လိုဆရာတော်ကြီး တစ်ပါးက ဒေါသတကြီးဖြင့် တပည့်ကို ငေါက်ငမ်းနေလျှင် ကမ္ဘာ့ပရိသတ်အလယ်မှာ လွန်စွာ အရုပ်ဆိုးသွားနိုင်သည်။ ယခုမူ ပြင်ဆင်မှု အားနည်းခဲ့သော တပည့်ကို အပြုံးဖြင့် ခွင့်လွှတ်ပြသွားခဲ့သည်။  ချီပါစော ဆရာတော် ဒေါသနည်းခြင်းလား။ ပရိသတ်ရှေ့မှာ ရှိနေသင့်သော ပုံရိပ်ကို စနစ်တကျ လေ့ကျင့်ထားခြင်းလား။ မသိပါ။ နှစ်ခုစလုံး ဖြစ်နိုင်ပါသည်။ အဆိုးမြင်ဝါဒဖြင့်အဆုံးစွန်အထိ တွေးကြည့်မည်ဆိုလျှင် လူ့ရှေ့မှာ ပြုံးပြုံးဖြင့် ခွှင့်လွှတ်ခဲ့ပြီး လူကွယ်ရာရောက်မှ ငါ့ကို အရှက်ခွဲတဲ့ကောင်ဆိုပြီး ခပ်နာနာ ဒဏ်ခတ်ခြင်းမျိုးလည်း ဖြစ်နိုင်ပါသည်။ ဤသို့အထိတော့ မထင်ပါ။ ရှိပါစေတော့။

မည်သို့ဆိုစေ။ ဒေါသမကင်းသော ပုထုဇဉ် ရဟန်းတစ်ပါးအနေနှင့် အရုပ်ဆိုးလှသော ဒေါသပုံရိပ်ကြီး လူထုရှေ့ ချမပြခြင်းကပင်အထင်ကြီးစရာ ကောင်းလွန်းလှပေသည်။ ကမ္ဘာကျော်သည်ဟုမဆိုနိုင်စေ၊ ရွှေကျောင်းဆရာတော်လည်း အာရှတော့ ကျော်ပါသည်။ ကျော်သင့်သော Public Image လည်း သူ့မှာ ရှိနေသည်။ အထင်ကြီးလေးစား ကြည်ညိုမိ၏။

နောက် တစ်ခုကား ၂၀၀၀၊ ၂၀၀၁ ခန့် မဟာသန္တိသုခကျောင်းတော်ကြီး အာဏာ အသိမ်း မခံရခင်က ဖြစ်သည်။ ရဟန်းတော် ၂၁ ပါး၊ ဆရာလေး ၅ ပါးတို့ သင်တန်းတက်နေသည့် ပထမပတ် သင်တန်း တစ်ဝက်လောက်ဟု ထင်သည်။ ဆရာလေး ၅ ပါးတွင် မဟာယာန ဘိက္ခုနီ တစ်ပါးလည်း ပါဝင်သည်။ တစ်နေ့ ထို မဟာယာန ဘိက္ခုနီ၏ အသိ ထိုင်ဝမ်မှ မဟာယာန ရဟန်းငယ်တစ်ပါး အလည်ကြွရောက်လာခဲ့ပြီး မိမိတို့ အင်္ဂလိပ်စာလေ့လာ နေပုံကို အကဲဖြတ်ပြီး မြန်မာ ရဟန်း၊ ဆရာလေးများ အင်္ဂလိပ်စာ သင်ကြားရာ ကိုယ်တိုင် လေ့လာဖို့ အထောက် အကူ ရေဒီယို ကက်စက်ပင် အများအားဖြင့် မရှိကြသည်ကို တွေ့ရှိသွားလေတော့သည်။
ထိုအခါ အားလုံးအတွက် သူ လှူချင်သည်ဟုဆိုကာ သူ၏ ဓမ္မမိတ်ဆွေ မဟာယာန ဘိက္ခုနီ၊ ကျောင်းထိုင်ဆရာတော်နှင့် တိုင်ပင်လေတော့သည်။ အားလုံးအတွက် လှူမည်ဆိုသဖြင့် ခပ်ပေါပေါ တရုတ်ဖြစ် ရေဒီယို ကက်စက်သာ ဖြစ်လိမ့်မည်ဟု ထင်နေမိသည်။ မဟုတ်ပေ၊ ဂျပန်ဖြစ်၊ စီဒီပါ ဖွင့်လို့ရသည့် ဈေးအကြီးဆုံး ရေဒီယို ကက်စက်များ အလုံး ၂၈ လုံး ( သံဃာစေ့ အပြင် ဆရာသုံး၊ ကျောင်းသုံးဖို့ အတွက်ပါ ) ချက်ချင်း သွားဝယ်ပြီး လှူဒါန်းလေတော့သည်။ ထိုစဉ်ကပင် ၂ သောင်းကျော် တန်သည်ဟု သိရသည်။ ငမွဲ သီဟနာဒကား ထိုအခါရောက်မှ ဂျပန်ဖြစ်ကို သုံးဖူးသဖြင့် ကျေးဇူးလည်း တင်မဆုံး၊ ဂျပန် ပစ္စည်းကိုလည်း ချီးမွမ်းမဆုံး ဖြစ်ခဲ့ရသည်။

ဤမျှ ငယ်ရွယ်သော ရဟန်းက ဤမျှ လှူဒါန်းနိုင်သလား ဟုလည်း သူ့ငွေ၊ သူ့ စေတနာကို အံ့ဩမဆုံးဖြစ်မိသည်။ နောက်မှ သိရသည်မှာ အဖွဲ့က တစ်နှစ်အတွက် သုံးစွဲရန် ခွင့်ပြု ထားသော ဝတ္ထုငွေ ပမာဏ ရှိသည်။ ထို အတိုင်အတာ အတွင်း သူ သုံးစွဲခွင့်ရှိသည် ဟု ဖြစ်လေသည်။
ခွင့်ပြုငွေ အားလုံး ဤမှာ သုံးလိုက်လျှင် သူ့အတွက် အနည်းငယ် ကျပ်တည်းသွားလိမ့်မည် ဟူသော သသခါင်္ရိက စိတ်တွန့်၊ စိတ်ရွံ့ သူ့မှာ မရှိ။ သူက ပိုက်ဆံ ချမ်းသာတာကိုး ဟု အချို့က တွေးကောင်း တွေးနိုင်၏။ ပိုက်ဆံ ရှိခြင်းနှင့် လှူခြင်းက တိုက်ရိုက် မဆက်စပ်ပါ။ ပိုက်ဆံ ရှိ၍ လှူသည် မဟုတ်၊ စေတနာ သဒ္ဓါ ရှိ၍သာ လှူခြင်းဖြစ်သည်။

ကိုယ်တိုင် အလှူခံသူများတွင် ပါဝင်နေ၍ ပြောခြင်း မဟုတ်ပါ။ ဘာအတွက် ညာအတွက် စသည် အလှူခံပြီး ပြန်လည်လှူဒါန်းတတ်ကြသည်ကိုသာ အတွေ့များပြီး မိမိအတွက် အလှူငွေကို ဤလို ရက်ရက် ရောရော လှူသည်က ကြုံရခဲ၏။ မရှိဟု မဆိုလို။

ထိုမှနောက် လူတစ်ယောက်၏ တန်ဖိုးသည် အမည်နာမတွေနဲ့ ( ထေရဝါဒ၊ မဟာယာန စသည် ) မဆိုင်၊ သင်္ကန်း အရောင် အသွေးနဲ့ ( အညို၊ အဝါ၊ မီးခိုးရောင် စသည် )လည်း မဆိုင် ရဲဝံ့စွန့်လွှတ်ခြင်း၊ အသင်္ခါရိက ဆန်ခြင်းသာ ဖြစ်သည်ဟု သဘောပေါက်မိသည်။ ထိုရဟန်းငယ် ပေးခဲ့သော ပုံရိပ်က ယနေ့ မိမိဘဝ အတွက် အတောက် အပ ရှိနေသလို အထောက် အပံ့လည်း များစွာ ရှိနေဆဲဖြစ်၏။ ထို ရဟန်းငယ်က မိမိတို့အောက် များစွာ ငယ်၏။

သင့်မှာ ခွင့်ပြုငွေ တစ်နှစ်လျှင် ဒေါ်လာ ၅ ထောင်ရှိ၏။ ဒေါ်လာ ၄ ထောင် လှူပြီး ၁ ထောင်ဖြင့် ကျပ်ကျပ် တည်းတည်း မျှတ နိုင်ပါ၏ လား ဟု ကိုယ်တိုင် မေးမိသောအခါ ( အများအားဖြင့် ) သသင်္ခါရိက ဆင်ခြေများ တက် တက် လာတတ်၏။

ဘာမှ ထူးထူးခြားခြား မရည်ရွယ်ပါ။ ကြုံတွေ့ခဲ့ရ၊ ကြုံတွေ့နေရသော ဤအဖြစ်အပျက် တို့သည် လူထုအမြင်မှာ တော်တော်ကောင်းသော Public Image များ ဖြစ်သည်ဟု ခံစားမိ၍သာ ရေးသားမိခြင်း ဖြစ်ပါသည်။

မြန်မာရဟန်းတစ်ပါး ဖြစ်သဖြင့် အားနည်းချက်များ ကိုယ့်ဆီမှာလည်း ရှိကြောင်း ဝန်ခံပါသည်။ သို့သော် ဝိုင်း၍ မကူကြ၊ မပြောကြလျှင် မိမိတို့ ဗုဒ္ဓဘာသာ၏ ပုံရိပ်ကို ထိခိုက်စေနိုင်သည်ဟု ခံစားမိ၍သာ (စကား ရိုင်းရိုင်းဆိုရလျှင်) ပက်လက်လှန်၍ တံတွေး ထွေးခြင်း ဖြစ်သည်။ ကိုယ့်အပေါ် ပြန်ကျဖို့ ရာခိုင်နှုန်းတော့ များပါ၏။
အတွင်းကောင်းဖို့ လိုသလို အပြင်လှဖို့လည်း လိုလာပါသည်။

သီဟနာဒ

Read more

တစ်လစာ ဖုန်း အခွန် 11 thousand trillion euros

တယ်လီဖုန်းခ ဆောင်မယ့် အမျိုးသမီးက အရေးတကြီး ဖုန်းဆက်တော့ ရုံးဝန်ထမ်းက ဖြေတယ်
" ဟယ်လို၊ ဒီလ ပေးဆောင်ရမယ့် တယ်လီဖုန်းခက သိပ်များလွန်းနေလို့ပါ "
" ဆောရီးပါရှင်၊ များလည်း ပေးဆောင်ရမှာပါ "
" မဟုတ်သေးပါဘူး၊ တစ်ခုခု မှားနေလို့ ဖုန်းဆက်တာပါ "
" ကွန်ပျူတာက မမှားနိုင်ပါဘူး ရှင် "
" တစ်လစာ ဖုန်း အခွန် က 11 thousand trillion euros ကျတယ်လို့ ဖော်ပြထားပါတယ် "
" စိတ်မကောင်းပါဘူးရှင်၊ ဒါကို ပြင်လို့ မရပါဘူး "

" ရှင်တို့ အရူးတွေပဲ၊ ဒီလောက်များတဲ့ ဖုန်းအခွန် တကမ္ဘာလုံး ဘယ်သူမှ မဆောင်နိုင်ဘူး "
" ကိစ္စမရှိပါဘူး၊ အရစ်ကျ ပေးသွားလို့ ရပါတယ် "

ပုံပြင်လို့ မထင်ကြပါနဲ့၊ ပြင်သစ်က Solenne San Jose of Bordeaux ဆိုတဲ့ အမျိုးသမီးရဲ့ တစ်လစာ ဖုန်း အခွန် က 11 thousand trillion euros ဖြစ်နေလို့ ဝန်ထမ်းကို ရှင်းပြရတာ ၄၅ မိနစ် ကြာသွားတယ်လို့ ပြင်သစ် သတင်းဌာန တစ်ခုဖြစ်တဲ့ Sud Ouest က ဖော်ပြထားပါတယ်။
( ဒီ သတင်းရဲ့ မော်ရယ်က အခွန် နဲ့ ကွန်ပျူတာကို မယုံနဲ့ တဲ့။ )

ပဲရစ် မရောက်သော လမ်း

Pakistan နိုင်ငံ၊ Lahore မြို့ကနေ ပဲရစ်မြို့ကို ထွက်တဲ့ လေယာဉ်ပေါ်မှာ အမျိုးသမီး ခရီးသည်တစ်ယောက် တရေးတမော အိပ်ပျော်သွားခဲ့ပါတယ်။ သူမအိပ်ပျော်တာ နည်းနည်းကြာသွားတော့ ပဲရစ်မြို့ လေယာဉ်ဆိုက်ချိန်မှာ မဆင်းလိုက်ရပါဘူး။ ဒါနဲ့ လေယာဉ်က ပြင်သစ်ကနေ အီတလီ၊ အီတလီကနေ Pakistan နိုင်ငံ၊ Lahore မြို့ကို ပြန်ဆိုက်ရောက်ခဲ့ပါတယ်။
သူမအိပ်ရာက နိုးလို့ ပဲရစ်ထင်ပြီး ဆင်းမယ်လုပ်တော့မှ သူမရဲ့ နေရာ Lahore မြို့ကို ပြန်ရောက်နေတယ်ဆိုတာ သိရပါသတဲ့။ သူမကို မနှိုးရကောင်းလာလို့ ပါကစ္စတန် အပြည်ပြည်ဆိုင်ရာ လေယာဉ်ဝန်ထမ်းတွေကို အပြစ်တင်နေတုန်း သူမ ဖောင်ဖြည့်ထားတာတွေ၊ လေယာဉ်လက်မှတ် အချက်အလက်တွေက မညီလေတော့ တာဝန်ရှိသူတွေက သူမကို ချက်ချင်း ပြည်ဝင်ခွင့် မပေးဘူးလို့ သိရပါတယ်။
Express News၊Pakistani TV show
( ဒီ သတင်းရဲ့ မော်ရယ်က အသွား အပြန် လက်မှတ်မပါမှ လေယာဉ် ဝန်ထမ်းတွေက အိပ်ပျော်နေရင် နှိူးတယ် တဲ့ )

အမှာ။ ။ အက်ဒမင် ခွင့်ယူထားလို့ အဆင်မပြေတာတွေ ခွင့်လွှတ်ကြဖို့ တောင်းပန်ပါတယ်။

 ဇင်ဝေသော်

Read more

ပြန်ချင်တဲ့ ကွန်မင့် များ ( ၆ )

" ယန္တယား တခုလုံးကို စီးပွားရေးတွက် တွက် ထားတဲ့ စင်ကာပူ..."

ဒီမှာလည်း အကောင်းရော အဆိုးရော မြင်မိပါတယ်။ ဒီ ကွန်မင့်ဟာ စင်္ကာပူနဲ့ ပတ်သက်လုိ့ အငြင်းပွားဖွယ် မရှိ မှန်တယ်လို့လည်း ထင်ပါတယ်။ သိပ်ပြီး တိုးတက်ချင်တော့ ဈေးတွက်တွက်ပြီး အလုပ်လုပ်ကြရတယ်၊ ဒီ အားနည်းချက်ကြောင့် ဘယ်မှာသွားထိသလဲ ဘာတွေကို ကြည့်ရမလဲ ဆိုရင် အနုပညာ၊ စာပေ၊

အားကစား နဲ့ ယဉ်ကျေးမှု စတဲ့ ကဏ္ဍတွေမှာ အားနည်းသွားတော့တယ်။ နိုင်ငံသစ်ကလေး မို့ လို့ ပြောရင်တော့ ရတာပေါ့။ နိုင်ငံကသာသစ်တာ ဒီမှာ နေနေကြတဲ့ လူတွေက အသစ်တွေ မဟုတ်ကြပါဘူး။ သူလို ကိုယ်လို အာရှသားတွေပဲ။

အရင်ဆုံး ဈေးတွက် တွက်ပြီး အင်္ဂလိပ်စာ ရုံးသုံးလုပ်တော့ တရုတ်လူမျိုးတွရဲ့ အနုပညာ နဲ့ စာပေအမွေ ကောင်းကောင်း မရတော့ဘူး။ ဒါနဲ့ ပတ်သက်လို့ တရုတ်ဘွဲ့ရ ပညာတတ်တွေက အခုအထိ မကျေကြသေးဘူး။ စာပေနဲ့ယဉ်ကျေးမှုပါ ကိုယ်ပိုင်အမွေ မကျန်တော့လိုပ့ါ။ စင်္ကာပူရီးယန်း မလေးနဲ့ အိန္ဒိယန်းတွေက သူတို့ စာပေနဲ့ ယဉ်ကျေးမှု စတာတွေကို အပြောက်မခံဘူး။ လက်သိပ်ထိုး ထိန်းသိမ်းကြတယ်။

တိုးတက်တဲ့ နိုင်ငံတွေထဲ အနုပညာ နဲ့ ဖန်တီးမှုမှာ စင်္ကာပူ တော်တော်ညံ့ပါတယ်။ လူဦးရေ ကြောင့်လို့ ပြောနိုင်ပေမယ့် တကယ့် ပါရမီရှင်တွေဟာ နိုင်ငံ သေးသေးလေးထဲကနေလည်း ထွက်လာနိုင်တာပဲ။ အဓိက ကတော့ လူတွေရဲ့ မိုင်း ( ဒ် ) ဆက်ပါ။ လူဦးရေကြောင့်လို့ ပြောချင်ပြော စင်္ကာပူမှာ ကမ္ဘာသိတဲ့ အနုပညာရှင် ထိုင်ဝမ်နဲ့ ဟောင်ကောင်တို့လို မရှိဘူး။ တကယ်စွမ်းရင် တရုတ် ပရိဿတ်က ကမ္ဘာနဲ့အဝှမ်း ရှိနေတာပဲ။ မရေမရာ၊ အာမခံချက်မရှိတဲ့ အနုပညာလို ကဏ္ဍတွေမှာ အားမပေးတဲ့ မိဘတွေက ၉၀ ရာခိုင်နှုန်းလောက် ရှိမယ်။

အခုတော့ အစိုးရကပါ စပြီး ဒီအားနည်းချက်ကို ဖြည့်ဖို့ ဆော်အောနေတာတွေ ကြားရ ဖတ်ရတယ်။ ဒါပေမယ့် သူတို့ မိုင်း ( ဒ် ) ဆက်ကို ချက်ချင်း ပြင်လို့ မရတော့ဘူး။
လီကွမ်းယု ပြောခဲ့ပါရော လား။ သုတေသန လုပ်မယ့် ကျောင်းသား စလုံးတွေထဲမှာ မရှိဘူး တဲ့၊ ဘာကြောင့်လဲ ဆိုတော့ ဆရာဝန်လုပ် ရှေ့နေလုပ်ရတာလောက် ပိုက်ဆံ မဝင်လို့ တဲ့။ သုတေသနဆိုတာကလည်း ဘရိတ် သရု မဖြစ်သေးရင် ငွေရဖို့ မသေချာလှဘူး။

စာပေရေးသားမှုမှာလည်း ဂျာနယ်လစ်လို ပညာရပ်ပိုင်းတွေမှာ တော်ပေမယ့် ဒီထက် ပါရမီနဲ့ အားစိုက်မှုလိုတဲ့ ရသစာပေလိုမျိုးတွေမှာ သိပ်မစွံပါဘူး။ ကျန်တာတွေ နောက်ထား မြန်မာတွေရဲ့ စာပေနဲ့ ပတ်သက်တဲ့ အဆင့်က အတော်မြင့်တယ်လို့ ယုံကြည်ပါတယ်။
အားကစားမှာလည်း တရုတ်ပြည်မကြီးရဲ့ ဒုတိယတန်းစားတွေကို မွေးပြီး ပြိုင်ပွဲတွေ ဝင်ရတယ်။ ဘောလုံး ဆိုရင်လည်း လူ အထိုက်အလျောက်သိတဲ့ ဖန်ဒီ အာမက်တို့ အလန် ရှာ တို့က စင်္ကာပူရီးယန်း မလေး အသိုင်းအဝိုင်းထဲကပါ။ လူ အများစု တရုတ်တွေထဲက မပါဘူး။ ပရော်ဖက်ရှင် အနေနဲ့ မိဘတွေက အားလည်း မပေးကြဘူး။ ဝင်ငွေ ပုံမှန် တွက်လို့မှ မရတာပဲ။

နောက်ထပ် အရွယ်နဲ့ မလိုက်တဲ့ ဖိအားက ကလေးတွေရဲ့ ပညာရေး။ နှစ် နှစ်လောက်က စ လို့ ပညာရေး ပရက်ရှာတွေနဲ့ နေကြရရှာတယ်။ မျက်မှန်ပါဝါ ထူထူလေးတွေနဲ့။ ပြီးတော့ ပရက်ရှာတွေကြောင့် စင်္ကာပူမှာ စိတ်ရောဂါသည်တွေလည်း များတယ်။

ထားပါတော့ တော်တော်များများဟာ စီးပွားရေး ပုံသဏ္ဍာန်နဲ့ လည်ပတ်နေတာလို့ ပြောရင်ရပါတယ်။

စင်္ကာပူဖက်က နေရေးတာမဟုတ်ပါဘူး။ လူတိုင်းဟာ စီးပွားရေး တွက် တွက်တတ်ပါတယ်၊ တွက်လည်း တွက်ရပါမယ် ။ ဟင်းချက်စရာဝယ်တဲ့ အိမ်ရှင်မက စလို့ ကုမ္ပဏီတစ်ခုလုံးကို လည်ပတ်နေသူအထိ တွက်ရပါတယ်။ ဟင်းချက်စရာ ဝယ်တဲ့နေရာမှာတောင် ပစ္စည်းမှန် ဈေးမှန်ဆိုတာ သိပါလျက်နဲ့ ဈေးချိုနိုင်သမျှ ချိုအောင် ဆစ်တော့ ဆစ်နေကြတာမဟုတ်လား၊ ဒါဟာ အမြတ်ရရေး၊ မရှုံးရေး အခြေခံ ပြယုဂ်ပါ။ စင်္ကာပူလို မြေဆင်းရဲ သယံဇာတ မရှိတဲ့ နိုင်ငံလေးက စီးပွားရေးတွက် တွက် မထားရင် ဒီလိုလည်း ဖြစ်မလာနိုင်ပါဘူး။

ကျနော်တို့ဆီ ပြည်ပက စီးပွားရေးလာလုပ်ကြမယ့် စီးပွားရေးသမားတိုင်းဟာလည်း ဒီလိုပဲ ရှိမှာပါ။ လက်ရှိ မြန်မာပြည်ကိုပဲ ကြည့်ပါ။ ပြည်ပက စီးပွားရေးရင်းနှီးမြှုပ်နှံမှုတွေကိုလည်း လိုချင်တယ်ပြည်တွင်းစီးပွားရေးသမားတွေ သူတို့နဲ့မယှဉ်နိုင်မှာကိုလည်း စိုးရိမ်တယ် ဒါကိုဈေးကွက်စနစ်နဲ့ညီမျှအောင်ကြည့်ပြီးဆုံးဖြတ်ကြရမှာပါ။ ရှုံးမယ်လို့ သေချာပေါက် တွက်ထားရင် ဘယ် စီးပွားရေးသမားမှ မလာပါဘူး။ မြန်မာပြည်က စီးပွားရေး ကောင်းလာလို့ နိုင်ငံခြားသားတွေ လာပြီး အလုပ်လုပ်လာကြမယ်ဆိုရင် တိုးတက်တဲ့ နိုင်ငံတွေက အလုပ်ရှင်တွေကို ပိုပြီး နားလည်လာနိုင်ကြမှာပါ။

( အများအားဖြင့် ) သူတို့ နစ်နာရင် ပြည်သူက ဆန္ဒပြတယ်၊ အစိုးရက သူတို့ ရှုံးမှာကို မလုပ်ဘူး။ ကုမ္ပဏီ ပိုင်ရှင်က အရှုံးခံပြီး အလုပ်သမားကို လစာပေးမထားဘူး၊ အလုပ်သမားကလည်း ဒီထက်သာတာတွေ့ရင် အလုပ်ပြောင်းတယ်။ နေရာပဲကွာတယ် အရှုံးမခံချင်တာကတော့ အတူတူပါ။
စီးပွားရေးတွက် တွက်တဲ့နေရာမှာ ပညာသားပါရင် စီးပွားရေးကျွမ်းကျင်သူ ဖြစ်ပြီး ပညာသားမပါရင်၊ မရိုးမသားဆိုရင် အမြတ်ကြီးစား ဖြစ်သွားပါတယ်။ မျှော်လင့်ချက် တစ်ခုခုမှ မရှိဘဲ အရှုံးခံသူတော့ မရှိနိုင်ပါဘူး။ တံခါးဖွင့် စီးပွားရေး ဆိုတာ တကယ်တော့ ဘယ်သူ ပိုလည်သလဲ၊ ပို ပါးနပ်သလဲ ( အရင်းအနှီး ပိုရှိသလဲ ) ဆိုတာ ကမ္ဘာနဲ့ချီပြီး ယှဉ်ပြိုင်ရတဲ့ ပြိုင်ပွဲပါ။ ကြိုက်သည် ဖြစ်စေ မ ကြိုက်သည် ဖြစ်စေ ဈေးကွက် စီးပွားရေးက တွက်မှကို ရပါတယ်။ တစ်။ မရှုံးရေး။ နှစ်။ အမြတ် ရရှိရေး။ သုံး။ မြတ်နိုင်သမျှအမြတ် ရရှိရေးပါ။ ပြီးတော့မှ လှူချင် လှူပေါ့။

ပြည်ကြီးတရုတ်တွေနဲ့စာရင် စင်္ကာပူတရုတ်၊ မလေးတရုတ်တွေက အများကြီး အက်သစ်ကယ် ပိုဖြစ်ပါတယ်။ ဆက်ဆံကြည့်ပါ။
ဒါပေမယ့် တိုးတက်ဖို့ အတွက် ဘာသာစကားကို အလျော်ပေးလိုက်ရတာမျိုးကတော့ နည်းနည်း အရင်းများသွားသလား ထင်ရပါတယ်။ သူ့ အနေအထားနဲ့ သူပေါ့လေ။

လေးစားလျက်
ဇင်ဝေသော်

Read more

အိုင်တီ ရောဂါဆန်း

တချိန်က ဆိုရင်တော့ လူတစ်ယောက်က အိပ်ပျော်နေရင်း လမ်းလျှောက်နေမိတာ၊ မနက် မိုးလင်းတော့ ညက သူ လုပ်ခဲ့မိတာတွေကို ဘာမှ မမှတ်မိဘဲ ဖြစ်နေတတ်တာမျိုးသာ ကြုံတွေ့ရတတ်ပါတယ်။ အခု တွေ့ရှိရတဲ့ ရောဂါဆန်းက အိပ်ပျော်နေရင်း ဖုန်း မက်ဆေ့ဂ်ျ ပို့မိတာ၊ ကွန်ပျူတာရှေ့မှာ တစ်ယောက်ယောက်နဲ့ ချတ်တင်း လုပ်နေမိတာ မျိုးတွေ ရှိလာခဲ့တယ်လို့ ဆိုပါတယ်။

အိုဟိုင်ယို Sleep medicine Institute က Dr. Markus Schmidt နဲ့ Melbourne Sleep Disorders Centre Dr. David Cunnington တို့က ဒါမျိုးတွေ အခု ပိုပြီး ကြုံတွေ့လာရတယ် လို့ ဆိုပါတယ်။ ဒါနဲ့ ပတ်သက်လို့ သူတို့ပေးတဲ့ အကြံဉာဏ်ကတော့ ဒီလိုဖြစ်တတ်သူတွေ အနေနဲ့ အိပ်ခန်းထဲမှာ ဟင်းဖုန်းတို့ လက် ( ပ် ) တော့ ( ပ် ) တို့ မရှိပါစေနဲ့ ပါတဲ့။

Multi-tasking

Multi-tasking ဆိုတာ ကွန်ပျူတာသက် ဝေါဟာရ အသစ် တစ်ခုပါ၊ တချိန်တည်းမှာ အလုပ်များစွာ လုပ်တတ်၊ လုပ်နေရတတ်တဲ့ ခေတ်သစ် လူ့ဘဝကို ဖော်ညွှန်းပါတယ်။ အာရုံမတူတဲ့ သာမန် အလုပ်နှစ်ခုကို တပြိုင်တည်း လုပ်နိုင်ပေမယ့် အရေးတကြီးကိစ္စတွေမှာ ဒါမျိုး ပြုလုပ်ခြင်းဟာ ပိုပြီး အလုပ်နှေးကွေးစေသလို အမှားလည်း ပိုများတယ်လို့ မွန်တယ်ရီယယ် တက္ကသိုလ် ဒေါက်တာ Pierre Jolicoeur က ဆိုပါတယ်။

တချိန်တည်းမှာ အလုပ်များစွာ လုပ်တာက မြန်မြန်ပြီးလွယ်တယ် လို့ ထင်ရင် စမ်းကြည့်ဖို့ လေ့ကျင့်ခန်းလည်း ပေးထားပါတယ်။
အေ ဘီ စီ ၂၆ လုံးကို သီးသန့်ရေး၊ ဂဏန်း ၂၆ လုံးကိုလည်း ၁ ကနေ ၂၆ အထိ ရေးပါ။ ပြီးရင် ရောပြီး အေ ၁၊ ဘီ ၂၊ စီ ၃ စသည် ပြီးသည်အထိ ရေးပါ တဲ့။

အက္ခရာနဲ့ ဂဏန်း ရောပြီး ရေးသူက အက္ခရာ နဲ့ ဂဏန်း သီးသန့် ခွဲပြီး ရေးသူထက် အချိန် နှစ်ဆ ပိုကြာသလို အမှားလည်း ပိုများတယ်လို့ ဆိုပါတယ်။

ဇင်ဝေသော်

Read more

ဆိုရှယ်လစ်လား ဖရီးမားကတ်လား ရှင်းရှင်းလုပ်ပါ ထိုင်းမြန်မာ

ကျနော်တို့  ဘလော့ဂ်မှာ လီကွမ်းယုတွေသိပ်များနေသလားလို့ တောင် စဉ်းစားစရာပါ။ မြန်မာလိုမတတ်တဲ့ တရုတ်မ စလုံးမိတ်ဆွေက မင်းဘာတွေရေးနေတယ်ဆိုတာတော့ မသိဘူး။ လီကွမ်းယုပုံတွေတော့ အများကြီးတွေ့ ရတယ်လို့  ဆိုလာပါတယ်။ ဒါပေမယ့် မတတ်နိုင်ပါဘူး။ သတင်းစာထဲပါလာတဲ့ ဒီဆောင်းပါးလေးကိုလည်း သဘောတူတာ မတူတာအပထား သဘောကျလို့  ဘာသာပြန်လိုက်မိပါတယ်။

သူရဲ့ Hard Truths စာအုပ်ကြီးထဲမှာတောင် မြန်မာနဲ့ ပတ်သတ်တဲ့မေးခွန်းတစ်ခုသာပေးခွင့်ပြုပြီး မြန်မာအကြောင်း စိတ်နာတယ်။ တော်ပြီတခြားဟာမေးလို့ ပြောပြီး ရှောင်ထွက်သွားတဲ့အဖိုးကြီးက မြန်မာအကြောင်းတခမ်းတနား ဆောင်းပါးတွေဘာတွေတောင် ကောက်ရေးနေတော့ အံသြတကြီးလည်း ဖြစ်မိတယ်။

ထားပါတော့ သူ့ ဆောင်းပါးက “Socialism or free market? Consider Myanmar and Thailand” ပါတဲ့။

မြန်မာနှင့်ထိုင်းတို့ သည် အကျယ်အဝန်းအားဖြင့်လည်းကောင်း လူဦးရေအားဖြင့်လည်းကောင်း မတိမ်းမယိမ်း ရှိကြသည်။ ၁၉၆၀ ခုနှစ်များ တိုးတက်မှုနှုန်းအားဖြင့်လည်း သူ မသာ ကိုယ်မသာရှိနေခဲ့ကြသည်။

သို့ သော် ၁၉၆၂ခုနှစ်၌ ဂျင်နရယ်နေဝင်းက စစ်တပ်အာဏာကိုသိမ်းခဲ့ပြီး စစ်တပ်ကိုအခြေခံပြီး ဆိုရှယ်လစ်စနစ်ပါးပါးဖြင့် နိုင်ငံကို တည်ဆောက်ခဲ့သည်။ ပြင်ပကမ္ဘာ၏ တံခါးတို့ ကို ပိတ်ခဲ့ပြီး ဗြိတိသျှအစိုးရနှင့်အတူ ပါလာသည့် အိန္ဒိယန်းတို့ ကိုမောင်းထုတ်ခဲ့သည်။ ၁၉၈၈ခုနှစ်၌ နေဝင်းကိုယ်တိုင်က နှုတ်ထွက်ခဲ့သော်လည်း နိုင်ငံကို စစ်တပ်ကပင် အုပ်စိုးထားခဲ့သည်။

ထိုတချိန်တည်းမှာပင် ထိုင်းနိင်ငံကလည်းစစ်တပ်အာဏာသိမ်းမှုများ အကြိမ်ကြိမ်ဖြစ်ပွားခဲ့သည်။ ခေါင်းဆောင်တို့  က မတူသောစီးပွားရေးမူဝါဒကို ရွေးချယ်ခဲ့ကြသည်။ ထိုင်းနိုင်ငံက တံခါးဖွင့်စီးပွားရေးစနစ်ကိုကျင့်သုံးပြီး ကမ္ဘာ့ နိုင်ငံများမှ ရင်းနှီးမြုပ်နှံသူတို့ ကို လက်ခံခဲ့သည်။ ထို့ အပြင် ဗြိတိသျှအုပ်ချုပ်မှုကာလအတွင်း ရောက်ရှိလာခဲ့သည့် တရုတ်လူမျိုးတို့  ကို လက်ခံထားခဲ့သည်။ ယနေ့ ဆိုလျှင် ထိုင်းနိုင်ငံသည် ကုန်ထုတ်လုပ်မှုပိုင်း၌ အာရှ၏ အစည်ကားဆုံးနိုင်ငံတစ်ခုထဲတွင် ပါဝင်နေပေသည်။

မြန်မာနိုင်ငံ၏တံခါးပိတ်ဆိုရှယ်လစ်ဝါဒကြောင့် ပြည်တွင်းထုတ်ကုန်နှင့်တစ်ဦးချင်းဝင်ငွေကဏ္ဍ၌ထိုင်းနိုင်ငံနောက် နောက်ကျကျန်ရစ်ခဲ့ရလေသည်။၁၉၈၀ခုများ၌ မြန်မာနိုင်ငံ၏တစ်နှစ်အတွင်းတစ်ဦးချင်းဝင်ငွေသည်၁၇၂အမေရိကန် ဒေါ်လာဖြစ်ပြီးထိုင်းနိုင်ငံတစ်နှစ်အတွင်း တစ်ဦးချင်းဝင်ငွေက အမေရိကန်ဒေါ်လာ ၁၀၆၀ရှိနေခဲ့သည်။ယခုနှစ်တွင် မြန်မာ၏တစ်ဦးချင်းဝင်ငွေကအမေရိကန်ဒေါ်လာ ၁၉၅၀ ဖြစ်ပြီး ထိုင်းက ၈၅၁၆ အထိ ကွာဟခဲ့လေတော့သည်။

၁၉၉၇ခု မေလတွင်အမေရိကန်နိုင်ငံကလူ့ အခွင့်အရေးချိုးဖောက်မှုတို့ ကြောင့် မြန်မာနိုင်ငံအပေါ်စီးပွားရေးပိတ်ပင်မှုများ ပြုလုပ်ခဲ့
သည်။ထိုပိတ်ဆို့ မှုတို့ တွင်ရင်းနှီးမြုပ်နှံမှုနှင့်ကုန်သွယ်မှုတို့ ပါပါဝင်ခဲ့သည်။ နိုင်ငံ၏စီးပွားရေးချွတ်ခြုံကျလာခြင်းနှင့်အခြား
အခြားသောပြဿနာတို့ ကြောင့် နိုင်ငံသူ၊ နိုင်ငံသားတို့ သည်လိုအပ်သောဆေးဝါးများရရှိစေရန်အတွက်ပင်ထိုင်းနိုင်ငံနယ်စပ်သို့ သွားကာ ကျောက်စိမ်းများဖြင့်ဆေးဝါးတို့ ကိုလဲလှယ်ရသည်အထိရှိခဲ့ရသည်။ထိုတချိန်တည်းမှာပင် မြန်မာအစိုးရက ကျောက်မျက်ရတနာနှင့် ပတ်သက်သော သဘာဝအရင်းအမြစ်တို့ ကို တရုတ်အစိုးရစိတ်ကြိုက် တူးဖော်ခွင့်ပြုခဲ့ပြန်လေသည်။

ယခုမူထင်ရှားသောအပြောင်းအလဲတချို့  မြန်မာနိုင်ငံတွင်တွေ့ လာရသည်။အထင်ရှားဆုံးသာဓကမှာလက်ရှိမြန်မာနိုင်ငံ၏ခေါင်းဆောင်ဖြစ်ခဲ့သော ဗိုလ်ချုပ်အောင်ဆန်း၏ တတိယသမီး အောင်ဆန်းစုကြည်ပင်ဖြစ်သည်။ ဒေါ်စုကြည်က သူမ၏လူငယ်၊ လူလတ်အရွယ်တွင် နိုင်ငံခြားတိုင်းပြည်များ၌ ကျင်လည်ခဲ့ရပြီး မိခင်၏ကျန်းမာရေးကြောင့် ၁၉၈၀ ခုတွင် မြန်မာပြည်ပြန်သွားခဲ့ပြီး ပရိုဒီမိုကရေစီခေါင်းဆောင်တစ်ယောက်အနေဖြင့် NLDကို ဦးဆောင်ခဲ့သည်။

၁၉၈၉ ခု၌ ပထမဆုံး သူမကိုယ်တိုင်နေအိမ်အကျဉ်းချခံခဲ့ရသည်။ ထို့ နောက် ၁၉၉၀ ခုရွေးကောင်ပွဲတွင်ကား သူမ၏အမျိုးသားဒီမိုကရေစီအဖွဲ့ ချုပ်က တစ်နိုင်ငံလုံး ၅၉ ရာခိုင်နှုန်း၊ ပါလီမန်အမတ်နေရာ ၈၁ ရာခိုင်နှုန်းအထိ အပြတ်အသတ် အနိုင်ရခဲ့သည်။ သို့ သော် စစ်တပ်က ထိုရွေးကောင်ပွဲရလာဒ်ကို အသိအမှတ်မပြုခဲ့ပေ။ ဒေါ်စုကြည် ကိုယ်တိုင်က ၂၁ နှစ်အတွင်းတွင် ၁၅နှစ်ခန့် နေအိမ်အကျယ်ချုပ်ဘဝဖြင့် နေထိုင်ခဲ့ရသည်။ ၁၉၉၁ ခုနှစ်တွင် ငြိမ်းချမ်းရေး နိုဘယ်ဆုကို သူမရခဲ့သည်။၂၀၁၀ ခု၊ နိုဝင်ဘာလ၌ သူမလည်းအကျယ်ချုပ်ဘဝမှ လွတ်မြောက်ခဲ့ရတော့သည်။

ယခုနှစ်ဧပြီလတွင်ကျင်းပသောကြားဖြတ်ရွေးကောက်ပွဲ၌ကားအမျိုးသားဒီမိုကရေစီအဖွဲ့ ချုပ်ကပါလီမန်အမတ်၄၃ နေရာရရှိခဲ့လေသည်။ ဒေါ်စုကြည်ကိုယ်တိုင်ပင်ပါလီမန်အောက်လွှတ်တော်အမတ်နေရာကိုရယူခဲ့သည်။သူမ၏ရဲဝံ့ပြောင်မြောက်သောသတ္တိက မြန်မာနိုင်ငံ၏ပြောင်းလဲမှုကို အဓိကတွန်းအားတစ်ခု ဖြစ်စေခဲ့သည်။

အလားတူစွာပင် စစ်တပ်အတွင်း အဓိကအပြောင်းအလဲကလည်း မြန်မာနိုင်ငံ ပြောင်းလဲရေးအတွက် အထူးအရေးပါလှပေသည်။ နိုင်ငံတော်အေးချမ်းသာယာရေးနှင့် ဖွံဖြိုးတိုးတက်ရေးကောင်စီဥက္ကဌ သန်းရွှေ နှုတ်ထွက်ပြီး သူ၏စစ်တပ်ထဲမှ ဦးသိန်းစိန်ကသူ့ နေရာကို ဆက်ခံခဲ့သည်။ ဦးသိန်းစိန်ကား အမှန်တကယ်ပြောင်းလဲရေးကို လိုလားသူဟု သုံးသပ်၍ရသည်။ သူ၏ခေါင်းဆောင်မှုအောက်၌ အပြောင်းအလဲများစွာရှိခဲ့သည်။

သမ္မတဦးသိန်းစိန်နှင့် အမေရိကန်နိုင်ငံရေးဝန်ကြီးဗယ်လာရီကလင်တန်တို့  ပထမဆုံးတွေ့ ဆုံစဉ် ကလင်တန်က နိုင်ငံခြားရင်းနှီးမှုနှင့် ကုန်သွယ်မှုတို့ အတွက် ဆက်လက်တံခါးဖွင့်ပေးရန် တိုက်တွန်းခဲ့သည်။ ယခုနှစ်အရင်လက သူတို့  နှစ်ဦးထပ်မံတွေ့ ဆုံရာ အမေရိကန်ကပိတ်ဆို့ ထားသော စီးပွားရေးကဏ္ဍများ ဆိုင်းငံ့ထားမည်ဖြစ်ကြောင်း သူမက ကြေငြာခဲ့သည်။ ဤအခွင့်အရေးကို အမိအရယူနိုင်မည်ဆိုလျှင် ကျဉ်းမြောင်းသွားစေနိုင်ပေလိမ့်မည်။

ထိုင်းနိုင်ငံကိုယ်တိုင်ကလည်း ဘုရင်စနစ်ဒီမိုကရေစီမှသည် အရပ်သားဒီမိုကရေစီစနစ်သို့  ကူးပြောင်းဆဲကာလသာ ဖြစ်သည်။ ပုံမှန်ရွေးကောက်ပွဲများ ကျင်းပနေသော်လည်း တစ်ခုခုဖြစ်တိုင်း စစ်တပ်က ရှေ့တက်လာပြီး ထိန်းသိမ်းထားတတ်သည်။ လွန်ခဲ့သော နှစ် ၈၀ သမိုင်းကို ပြန်ကြည့်လျှင် စစ်တပ်ကအာဏာသိမ်းမှုပေါင်း (၁၈) ကြိမ်ရှိခဲ့ပြီး (၁၁)ကြိမ်အောင်မြင်ကာ (၇)ကြိမ်ကျရှုံးခဲ့သည်။ လတ်တလောထင်ရှားသောသာဓကမှာ ဝန်ကြီးချုပ် သက်ဆင်ကို ၂၀၀၆ခု၊ စက်တင်ဘာလက ဖြုတ်ချလိုက်ခြင်းပင်ဖြစ်သည်။ စစ်တပ်၏ ဝင်ရောက်စွက်ဖက်မှုတို့ က အပြည်ပြည်ဆိုင်ရာရင်းနှီးမြုပ်နှံသူတို့ ၏ ယုံကြည်မှုကို လျော့ပါးစေသည်။

ထို့ ကြောင့် မြန်မာနှင့်ထိုင်း နှစ်နိုင်ငံလုံးကအစိုးရတို့ သည် ထိုသင်္ခန်းစာကို ကောင်းကောင်းရယူနိုင်ခဲ့သည်ဆိုလျှင် တံခါးဖွင့်စီးပွားရေးစနစ်ကို ခိုင်ခိုင်မာမာကျင်သုံးပြီး အပြည်ပြည်ဆိုင်ရာရင်းနှီးမြုပ်နှံသူတို့ ကို ပိုမိုဆွဲဆောင်နိုင်အောင် ကြိုးစားသင့်သည်။ ထိုင်းနိုင်ငံတိုးတက်လာခြင်းသည် တံခါးဖွင့်စီးပွားရေးစနစ်ကြောင့်ဖြစ်ပြီး မြန်မာနိုင်ငံ နောက်ကျကျန်ရစ်ခဲ့ရခြင်းသည် တံခါးပိတ်ဆိုရှယ်လစ်ဝါဒကြောင့်ဖြစ်သည်။

ဤအချက်သည် နှစ်နိုင်ငံလုံးအတွက် သင်္ခန်းစားများဖြစ်ပေသည်။

Original article >> Socialism or free market? Consider Myanmar and Thailand By Lee Kuan Yue

This article first appeared in the November issue of Forbes Asia magazine in a column ratated among Mr. Lee Kuan Yew, former Primine Minister of Singapore; Mr. David Malpass, global Economic, President of Encima Global LLC; Ms Amity Shales, director of the 4% Growth; and Mr. Paul Johnson, Eminent British historian and author. FORBES ASIA.

ဇင်ဝေသော်

Read more

မီးလောင်ရာ အမြန်ဆုံးရောက် မီးသတ်သမားများ ( ကမ္ဘာ့ စံချိန်ဝင်)

တရုတ်ပြည်၊ Gansu ပြည်နယ်၊ Lanzhou မြို့မီးသတ်စခန်းမှာ အရင်တပတ်က မီးလောင်မှု ဖြစ်ပွားခဲ့ပါတယ်။ ဒါကို တာဝန်သိ ပြည်သူတစ်ယောက်က ဓာတ်ပုံရိုက်ပြီး တွစ်လိုက်တော့ တရုတ်ပြည်သာမက တရုတ်လူမျိုးတွေရှိရာ သတင်းတွေ ပြန့်သွားပါတော့တယ်။

ဒါကိုပဲ မီးသတ်စခန်းတာဝန်ရှိ ပုဂ္ဂိုလ်တွေက လက်တွေ့ လေ့ကျင့်ခန်းပဲ လုပ်နေတာလိုလို ဟန်ဆောင်နေကြပါသတဲ့။ မီးခိုးလုံးကြီးတွေအဆမတန် ကြီးလာတော့မှ ဟန်ဆောင်တာ ပျောက်ပါတော့တယ်။

ရှက်စရာပေမယ့် အကောင်းမြင်ဖက်က ကြည့်ရင် မီးလောင်မှု ဖြစ်ပွားတဲ့နေရာကို အမြန်ဆုံး ရောက်တဲ့ မီးသတ်သမားတွေ ဆိုပြီး ဂီးနစ် စာအုပ်ထဲ ဝင်နိုင်တယ်လို့ ဆိုကြပါတယ်။

ဇင်ဝေသော်

Read more