စနေ ဘောလုံး ( ဂွာဒီယိုလာ ဂယက် )


တီတာလင်း ရေ ( လန့်မသွားပါနဲ့ )

ဟိုလိုလို ဒီလိုလို ဂွာဒီယိုလာက ဘိုင်ယန်မြူးနစ်ကို ရွေး လိုက်တော့ အောင့် ထားတဲ့ နည်းပြတချို့ရဲ့ သက်ပြင်းတွေ အခုမှ " ဟူး " ကနဲ ချနိုင်ကြတော့ တယ်။
ဂွာဒီယိုလာရဲ့ ရွေးချယ်မှုနဲ့ ဆက်နွှယ်ပြီး သက်ရောက်လာတဲ့ အကျိုးတွေက ဘိုင်ယန်မြူးနစ်နဲ့ ဂွာဒီယိုလာအပေါ်သာမက တော်တော်များများအပေါ်မှာ ရှိနေခဲ့တယ်လို့ ဂါးဒီးယန်း သတင်းစာက ဆိုထားတယ်။

Biggest Winners
သူက ဥရောပ ချန်ပီယံ လေးကြိမ်ပိုင်ရှင် ဘိုင်ယန်မြူးနစ်ပါ။ ဂွာဒီယိုလာရောက်လာတဲ့နောက် လူငယ်ခြေတက်တွေပေါ၊ ဘဏ္ဍာရေး လည်း တောင့်တင်းတဲ့ ဘိုင်ယန်မြူးနစ်ဟာ ငါးကြိမ်မြောက်ဖြစ်ဖို့ အလား အလာတွေ ကောင်းနေပါလိမ့်မယ်။

Winners
Jose Mourinho
ဂွာဒီယိုလာကို ရွေးချယ်ခွင့်မရတော့ဘူးဆိုတဲနောက် တစ်ယောက်တည်း ကမ္ဘာ့ " အေ " အဆင့်နည်းပြအနေနဲ့ ထီးထီးကြီး ရှိနေတော့တာ ကတော့ မော်ရင်ညိုပါပဲ။ ရီယယ်မက်ဒရစ်ရဲ့ အဓိက အာကစားသမားတွေ၊ ပရိသတ်တွေ၊ စပိန်မီဒီယာတွေနဲ့ သူ့ဆက်ဆံရေးကလည်း ဂဟေဆက်ဖို့ ခပ်ခက်ခက်ပါ။ သူလာမယ်ဆို လက်ကမ်းကြိုမယ့် ကလပ်တွေ မနည်းနိုင်ဘူး။

David Moyes
မော်ရင်ညိုနဲ့အတူ ကြားထဲက အမြတ်ထွက်သွားသူကတော့ အယ်ဗာတန် နည်းပြ ဒေးဗစ် မိုယေးပါပဲ။ မန်ယူက အသက် ၇၁ နှစ်ရှိ ဖာဂီ အနားယူသွား ရင် အစားထိုးဖို သူ တစ်ပြေးနေကြောင်း ခန့်မှန်းချက်တွေ ထွက်လာနေပြန် တယ်။

Losers
Manchester City
လက်ရှိနည်းပြ မန်ချိနီကို ထုတ်ပစ်ပြီး မော်ရင်ညိုကလည်း ခပ်စိမ်းစိမ်း ပဲ နေလိုက်မယ်ဆိုရင် ပရီမီးယားလိဂ် ချန်ပီယံဟာ " ဘီ " အဆင့်သာရှိတဲ့ နည်းပြနဲ့ ကျေနပ်ရတော့မယ့် သဘောရှိနေပြန်တယ်။

Jupp Heynckes
နောက်တစ်ယောက်က ဘိုင်ယန်မြူးနစ်က အသက် ၆၇ နှစ်ရှိလက်ရှိနည်းပြ ဂျက်ပ် ဟေးနက်စ်ပါ။ စတိုင်ပါပါ နှုတ်ဆက်ချင်လို့ ဘိုင်ယန်ကို ချန်ပီယံဖြစ်အောင် ကြိုးစားနေပေမယ့် ချန်ပီယံဖြစ်ခဲ့ရင်တောင် ဒီသတင်းကို ဂွာဒီယိုလာရောက်လာတဲ့ ဓာတ်ပုံတွေက လွှမ်းသွားလိမ့်မယ်။

Biggest Loser
Roman Abramovich
ဒီတစ်ပတ်မှာ ဘောလုံးမကန်ရခင် အရှုံးကြီး ရှုံးခဲ့ရသူကတော့ ရိုမန် အေဘ ရာမိုဗစ်ပါ။ ဂွာဒီယိုလာအရောက် ချယ်လ်ဆီးကို ဘာစီလိုနာပုံစံပေါက်အောင် ဆိုပြီး မက်ခဲ့ရတဲ့ အိပ်မက်ကလည်း ရှည်သာရှည်တယ် ထမင်းလုံး တစ္ဆေခြောက်ရုံနဲ့ လမ်းဆုံးသွားခဲ့တယ်။ ပညာရှင်ရဲ့ရည်မှန်းချက် နဲ့ သိက္ခာ။ ငွေနဲ့ ပုံအောလို့ ဝင်ဆက်တာတောင် စတန်းဖို့ တံတားက ဂွာဒီယို လာ ဆီ ရောက်မသွားခဲ့ဘူး။
ဂွာဒီယိုလာနဲ့လွဲတော့ ဇိုလာ တို့တောင် တော်ကောက်ခံရကိန်းရှိတယ် လို့ ပြောနေကြလေရဲ့ ကွာ။
Ref: The Guardian. London.



ဇင်ဝေသော်

ကွန်ပလိန်းထူတဲ့ တိုးရစ်


၁။ ကာရစ်ဘီယန် ကမ်းခြေရောက် တိုးရစ်
" ဒီ ဘိခ်ျကလည်း သဲ ထူ လိုက်တာ "

၂။ အိန္ဒိယရောက် တိုးရစ်
" ဒီနိုင်ငံကဟင်းတွေကလည်း မဆလာ နံ့ နံလိုက်တာ "

၃ ။ ပင်လယ် ကမ်းခြေရောက် တိုးရစ်
" ပင်လယ်ထဲ ငါးရှိတယ်ဆိုတာ ဘယ်သူကမှ အသိမပေးလို့ ငါး မမျှားခဲ့ရဘူး၊ တော်တော်တာဝန်မကျေတဲ့ ဝန်ထမ်းတွေ "

၎။ စပိန်ရောက် အင်္ဂလိပ်လူမျိုး
" ဒီနိုင်ငံကလည်း စပိန်လူမျိုးတွေ များလိုက်တာ "

၅။ မြန်မာပြည်ရောက် တိုးရစ်
" ဒီနိုင်ငံက မြေတွေကလည်း အနီကွက်ကြီးတွေ များလိုက်တာ "
:(

 ဇင်ဝေသော်

စူပါများကြား ရပ်တည်ခြင်း ( ၈:၂ )

အခု ဆက်လက်ဖော်ပြမယ့် အပိုင်းက လီကွမ်းယု ရဲ့ The Hard Truths ( to keep Singapore going ) စာအုပ်မှ အခန်း ( ၈ ) " Standing Among Giants " စူပါများကြား ရပ်တည်ခြင်း ဖြစ်ပါတယ်။

" တရုတ်တွေ အမေရိကန်တွေလောက် အားကောင်းလာဦးမယ်လို့ လည်း လောလောဆယ် မမြင်မိပါဘူး။ ကိုယ်တိုင်မှ စူပါပါဝါကြီး မဟုတ်သေး ဘဲ ဘာဖြစ်လို့ စူပါပါဝါ မဟုတ်ပါဘူးလို့ ထပ်ပြောနေစရာလိုလို့လဲ "
( လီကွမ်းယု )


မေး ။ ။ လူ့အဖွဲ့အစည်း ဖွံ့ဖြိုးတိုးတက်လာမှု၊ ခေတ်မီလာမှု၊ ဂလိုဘယ်ဆန် လာမှုတွေကို အခြေခံပြီး တစ်ချို့အမြင်တွေမှာ ပိုပြီးတရားမျှတမှု ဖြစ်လာနိုင် တယ်ဆိုတာကို မစ္စတာလီ မယုံကြည်ဘူးနော်။

ဖြေ ။ ။ မင်းမှာ သမီးရှိသလား။

မေး ။ ။ ရှိတယ်။

ဖြေ ။ ။ အာဖရိကလူမည်းတစ်ယောက်က မင်းရဲ့သမီးကို လက်ထပ်ချင် တယ်ဆိုရင် ဘယ်လို တုန့်ပြန်မလဲ။ တော်လိုက်တဲ့ ငါ့သမီးလို့ ပြောမှာလား။ ဒါမှမဟုတ် သမီး စဉ်းစားပါဦးလို့ ပြောမှာလား။ ငါသာဆိုရင်တော့ ငါ့သမီးကို “နင် အရူးပဲ” လို့ ပြောလိုက်မှာပဲ။

တကယ်ဆို ဂျူးဆရာဝန်က ငါ့သမီးကို လက်ထပ်ချင်တာ။ ဦးနှောက်အထူးကု ဆရာဝန်အနေနဲ့ MGH (Massachusetts General Hospital) မှာ အလုပ် လုပ်တုန်းက သူတို့တွေ့ကြတာ။ ငါ့ဇနီးက အမေရိကန် ဂျူးတစ်ယောက်နဲ့ သမီးတို့အိမ်ထောင်ရေးက ရေရှည်ခံပါ့မလားလို့ မေးခဲ့တယ်။ ဒါနဲ့ ငါ့သမီးက အပြန်ပြန် အလှန်လှန် စဉ်းစားပြီး သူ့အမေပြောတာ မှန်တယ်လို့ဖြေတယ်။ ဒီိလို အိမ်ထောင်ရေးက နှစ်အနည်းငယ်ပဲ ကြာမယ်၊ ပြီးရင် ကိုယ့်လမ်း ကိုယ်လျှောက်ကြရမှာ။

သူ့နေရာမှာ တရုတ်ပြည်က ဒေါက်တာတစ်ယောက်ဆိုရင် ဘယ်လိုနေမလဲ။ ငါ့မြေး (လက်ရှိဝန်ကြီးချုပ်ရဲ့သား) က သူ့ကောင်မလေးကို အိမ်ခေါ်လာဖူး တယ်။ သူ့ပညာသင်ဆုနဲ့ ပတ်သက်ပြီး ဂျပန်ကိုအသွား စင်ကာပူကို ဝင်လာ ပြီး တို့မိသားစုနဲ့ လာတွေ့တာ။ သူက မက်ဆာချူးဆက် (MIT) နည်းပညာ တက္ကသိုလ်ဘွဲ့ရ၊ တရုတ်ပြည်မကြီးက၊ သူ့အဖေက ပါမောက္ခ။ အခု သူတို့က အမေရိကမှာ နေကြတယ်။ သူက (၁၁) နှစ်သမီးကတည်းက အမေရိက ကို ရောက်တယ်ပေါ့။ မကျေမနပ်ဖြစ်စရာ ဘာအကြောင်းမှ မရှိဘူးလေ။ ဒါနဲ့ တို့က မဆိုးပါဘူးလို့ပဲ ပြောလိုက်ကြတယ်။ တရုတ်မိန်းကလေးကို တွေ့အောင်ရှာနိုင်တယ်။ ကောင်မလေးက တော်တယ်။ အင်္ဂလိပ်၊ တရုတ် နှစ်ဘာသာ ပြောနိုင်တယ်။ ကြာရင် သူ (ငါ့မြေး) ပါတောင် တဖြည်းဖြည်းနဲ့ နှစ်ဘာသာ ပြောသွားနိုင်လိမ့်မယ်။

မေး ။ ။ စိတ်ထဲမှာစွဲနေတဲ့ အဲသလိုအမြင်တွေက လူတစ်ဦးရဲ့အမြင်အဖြစ် အပြည်ပြည်ဆိုင်ရာ နယ်ပယ်ထဲမှာ ရှိနေဦးမှာလို့ ဆိုလိုတာလား။ အခု တရုတ်က တက်လာပြီဆိုတော့ အင်ဂလိုဆက်ဆွန်း (လူဖြူ) တွေရှိခဲ့တဲ့ ပါဝါတွေ တရုတ်ဆီကို ရွေ့ပြောင်း မရောက်လာနိုင်ဘူးလား။

ဖြေ ။ ။ လောလောဆယ်မှာတော့ အမေရိကန်တွေ ပါဝါရှိနေတာတို့အ တွက် ကောင်းတာပေါ့။ တရုတ်တွေ အမေရိကန်တွေလောက် အားကောင်း လာဦးမယ်လို့လည်း လောလောဆယ် မမြင်မိပါဘူး။ ကိုယ်တိုင်မှ စူပါပါဝါကြီး မဟုတ်သေးဘဲ ဘာဖြစ်လို့ စူပါပါဝါ မဟုတ်ပါဘူးလို့ ထပ်ပြောနေစရာ လိုလို့ လဲ။ အမေရိကန်တွေကမှ တကယ့်စူပါပါဝါ။ ယဉ်ယဉ်ကျေးကျေးလည်း ပိုရှိ တယ်။ ငါကတော့ အမေရိကန်တွေဖက်ကပဲ။ လက်ရှိစူပါပါဝါကိုပဲ သူ့အတိုင်း ထားလိုက်ပေါ့။ မဟုတ်ဘူးလား။

မေး ။ ။ စီးပွားရေး အရေးပါမှုတွေကရော ဘယ်လိုလဲ။ အကျိုးဆက်တွေ အများကြီး ရှိလာနိုင်တယ်။ ငွေကုန်ကြေးကျလည်း များမယ်။ စီးပွားရေးအရ ယုံကြည်မှုလည်း ရရှိနေမယ်ဆိုရင်တော့ နိုင်ငံတွေအချင်းချင်း တိုက်ခိုက်နေ ကြမှာ မဟုတ်ဘူးပေါ့။ ဒီအချက်တွေက ဒေသပိုင်းဆိုင်ရာ နိုင်ငံရေးနဲ့ ဆက် စပ်မှု ရှိနေနိုင်သလား။


ဖြေ ။ ။ ဂျာမဏီ ဥရောပမူဝါဒထဲဝင်လာပြီး အားကောင်းလာတော့ ဒီိလိုပဲ ထင်ခဲ့ကြဖူးတယ်။ ဂျာမဏီအင်ပါယာဖြစ်လာတာက သူများတွေ ထက် နောက်ကျတယ်။ ဘာပဲဖြစ်ဖြစ် သူတို့ဆက်ပြီး ကြိုးစားခဲ့ကြတယ်။ ဒီတော့ အားလုံးစုပေါင်းပြီး ဂျာမဏီကို နှိပ်ကွပ်ဖို့ ကြိုးစားခဲ့ကြတယ်။ အမေရိကန်တွေတောင် ပါသေး။ အခုတော့ သူတို့ ဒီကိစ္စကို ကျေအေး လိုက်ကြပြီ။

ကုန်သွယ်မှုနဲ့ စီးပွားရေးအရ ဆက်ဆံနေတာတွေက နိုင်ငံချင်း စစ်ဖြစ်မှု အပေါ် ဒီလောက်အရေးပါတဲ့ ကိစ္စကြီးလို့ မထင်မိဘူး။ အစိတ်အပိုင်း တစ် ခုလောက်ပဲ ရှိမယ်။

သေချာပေါက် နိုင်လောက်တယ်ထင်ရင် တိုက်လိုက်ပေါ့။ ခဏ ဒုက္ခရောက်၊ ပြီးရင် အားလုံး ကိုယ်ပိုင်ပြီ။ ဒါပေမဲ့ နှစ်နိုင်ငံလုံးက ဟိုက်ဒရိုဂျင်ဗုံးတွေ ရှိနေ မှတော့ စစ်ဖြစ်ကြလိမ့်မယ်လို့ မထင်ပါဘူး။ နှစ်ဘက်စလုံး သေကုန်မှာကိုး။ ဒါကြောင့် အားပြိုင်မှုတွေက စိတ်လှုပ်ရှားစရာ ဖြစ်နေမယ်။

မေး ။ ။ အပြည်ပြည်ဆိုင်ရာ အဖွဲ့အစည်းတွေ၊ အတူတကွ ပူးပေါင်းဆောင် ရွက်မှုတွေ ရှိလာနေပြီဆိုတော့ နိုင်ငံအချင်းချင်းအဆင့်မှာ တစ်နိုင်ငံနဲ့ တစ်နိုင်ငံ ဗိုလ်ကျဖို့ ကြိုးစားနေကြတာတွေကို အခြေခံဥပဒေတွေနဲ့ ထိန်း ထားလို့ မရနိုင်ဘူးလား။

ဖြေ ။ ။ မင်းအသက် ဘယ်လောက်ရှိပြီလဲ။

မေး ။ ။ ၂၆ နှစ်ပါ။

ဖြေ ။ ။ အေးလေ၊ ထားပါတော့။ မင်းအသက် (၄၆) မှာ ဒီမေးခွန်း မျိုး မေး လာရင်တော့ မင်းက ဘာမှလည်း ဟုတ်တိပတ်တိ မလေ့လာ ရသေးပါလား လို့ ပြောရလိမ့်မယ်။ ကီရှော မာဘုဘာနိက စလို့ ကုလသမဂ္ဂမှာ အမှုထမ်းနေ သူတွေအားလုံးကို မေးကြည့်။ နိုင်ငံသေးသေးလေးနှစ်ခု ပြဿနာဖြစ်ရင်တာ့ လုံခြုံရေးကောင်စီက ရပ်ကြ၊ နို့မဟုတ်ရင် တို့ကြားဝင်ရလိမ့်မယ် လို့ ပြော မှာပေါ့။ အဲဒီ အရေးအခင်းထဲမှာ စူပါပါဝါကြီး တစ်နိုင်ငံ၊ လုံခြုံရေးကောင်စီ အဖွဲ့ဝင် နိုင်ငံပါလာရင် ဘယ်လိုလဲ။ လုံခြုံရေးကောင်စီ အဖွဲ့ဝင် မဟုတ်ပေမဲ့ အားကောင်းတဲ့ နိုင်ငံပါလာရင်၊ ဥပမာ အိန္ဒိယနဲ့ ပါကစ္စတန်လိုမျိုးပေါ့။ အားလုံးက လစ်လျူရှုထားကြတာ။ တိုက်ချင်ရင် ဆက်တိုက်ကြပဲ။


ဇင်ဝေသော်

ကမ္ဘာ့လူမျက်နှာပြင်


ကမ္ဘာမှာ ခမ်းနားတဲ့ အတိတ်က သမိုင်းတွေနဲ့ ဂရိတို့၊ ရောမတို့၊
အိန္ဒိယတို့က ခပ်ကြွားကြွား ရင်ကော့ပြနေချိန် ........
သမိုင်းဆိုတာ လူကရေးတာဆိုတဲ့ အမေရိကန်တွေက အားလုံးကို ကျော်တက်သွားလေရော။

အရှေ့တောင်အာရှမှာ တရံရောက ရွှေအိုရောင်တွေအကြောင်း မြန်မာတွေ၊ ထိုင်းတွေ အငြင်းပွားနေချိန်.........
ခေတ်သစ် သမိုင်းဆရာ လီကွမ်းယုက တာ့တာ ဆိုပြီး လက်ပြထားခဲ့တယ်။

" သူ့အဘိုး ဘာပဲဖြစ်ခဲ့ ဖြစ်ခဲ့ ကျနော်စိတ်မဝင်စားဘူး၊ ကျနော် စိတ်ဝင်စားတာက သူ့မြေး အမေရိကန် သမ္မတဖြစ်ဖို့ပဲ "
( အေဘရာဟင် လင်ကွန်း )


ဒါဟာ အမေရိကန်နစ်ဇင်ပဲလား။

ဘာပဲဖြစ်ဖြစ်
နေရစ်ခဲ့ သမိုင်းဆိုး
ငါတို့ကိုယ်တိုင်
ရေးထိုးမယ့်
သမိုင်းသစ်
လာခဲ့။

 ဇင်ဝေသော်

သင်းကွဲလိပ်ပြာများရဲ့ ရင်ခုန်သံကို ခံစားခြင်း ( ၃ )

" ပထမဆုံး ကျရှုံးမယ့် နိုင်ငံဆိုတာ ဗိုလ်ချုပ်ကြီးတွေက ဝေစု အများဆုံးယူ ပြီး ပြည်သူကို အနည်းဆုံး ဖြန့်ဝေပေးတဲ့ နိုင်ငံပဲ " တဲ့။
( ထရူးမင်း )


ဒီနေ့ ခံစားမိတာကတော့ ၃၃ ဆက်မြောက် အမေရိကန် သမ္မတ Harry Truman ပါပဲ။ လူဆိုးကြီးလို့ ဆိုချင်ဆို လူကောင်းကြီးပါလို့ ပြောလိုပြော ကမ္ဘာ့စစ်ကိုတော့ လူမိုက်ဆန်ဆန် လက်နက်အချခိုင်းလိုက်သူပေါ့။

ဒီ အမေရိကန် သမ္မတ ရာထူးကို သူဘယ်လောက် တန်ဖိုးထားသလဲ ဆိုတာနဲ့ ပတ်သက်လို့ သူ့ညီမဆီ ရေးတဲ့ ကိုယ်ရေးကိုယ်တာ စာမှာ တွေ့ ရတယ်။

" ပုံမှန်စိတ်ရှိသူ ( မရူးနှမ်းသူ ) တစ်ယောက်အနေနဲ့ အမေရိကန် သမ္မတ ဘယ်တော့မှ ဖြစ်ချင်မှာ မဟုတ်ပါဘူး။ မတန်တဆ စီမံ ခန့်ခွဲနေရတဲ့ တာ ဝန်တွေအပြင် အပြစ်ရှာ ဝေဖန်ပုတ်ခတ်မှု မှန်သမျှကိုလည်း ခံရတယ်။
လူထုကို အသုံးတော်ခံရ၊ သူတို့ကိုယ်တိုင် တကယ်လုပ်ကို လုပ်ရမယ့် အလုပ်တွေကို လုပ်ဖို့ ချော့ရ၊ မြှောက်ပင့်ပြီး ကြိုက်အောင်ပြောရ၊ ဖက်နမ်းရ၊ ဖင်တွန်းပေးရ နဲ့ " တဲ့။

ခပ်ပြတ်ပြတ်ပဲ ပြောတတ်တဲ့ သူ့အကြောင်းသူလည်း သိထားပုံတော့ ရတယ်။
" သူတို့ကို ကျနော် ငရဲ မပေးခဲ့ပါဘူး။ အမှန်တွေပဲ ပြောခဲ့တာပါ။ ဒါကိုပဲ သူတို့က ငရဲ ထင်နေကြလို့ပါ " တဲ့။

သူ့ စီပွားရေးနဲ့ နိုင်ငံရေး အမြင်ကတော့ ကျနော်တို့ကို များ စောင်းပြောနေလေသလား?? ( ဒု သမ္မတ ဒစ်ကဆင်ကို ဆဲရင်း ဆိုရင်း )

" ပထမဆုံး ကျရှုံးမယ့် နိုင်ငံဆိုတာ ဗိုလ်ချုပ်ကြီးတွေက ဝေစု အများဆုံး ယူပြီး ပြည်သူကို အနည်းဆုံး ဖြန့်ဝေပေးတဲ့ နိုင်ငံပဲ " တဲ့။ ထရူးမင်းတို့ တော်ချက်က။ Like!

မိစ္ဆာအဏာရှင်တွေကို တို့ထိရာမှာလည်း လေသံမာလှတယ်။

" မိစ္ဆာအဏာရှင်တွေဟာ အကုသိုလ် ဆန္ဒတွေကနေ ပေါက်ဖွား လာတာ ။ ပြည်သူရဲ့ ဆင်းရဲမွဲတေမှု ကျစ်တီးကုန်းပေါ်မှာ ရှင်သန်ပြီး ပြည်သူတစ် ရပ်လုံး ယုံကြည်ချက်တွေ မဲ့ လာပြီဆိုရင် အဲဒါ သူတို့ ပန်းတိုင် " တဲ့။ လာပြန်ပြီ။ Like!

သူ ဘာတွေပဲပြောပြော နိုင်ငံရေးသမားက နိုင်ငံရေးသမားပဲဆိုတာကိုလည်း တစွန်းတစ သိလိုက်ရတယ်
" ဂျာမန်က နိုင်မယ့် အနေအထားဆို ရုရှားကို ကူညီရမယ်။ ရုရှားက နိုင်မယ့် အနေအထားဆိုရင်တော့ ဂျာမန်ကို ကူရမယ်။ သူတို့ချင်း အရေအတွက် များနိုင်သမျှ များအောင် သတ်ကြပါစေ "

စစ်ကို မုန်တီးမှု တစွန်းတစလေသံတော့ သူ ခပ်ဟဟ ပြောခဲ့တယ်။
" ကျနော်တို့က စစ်ပွဲတွေကို အဆုံးမသတ်နိုင်ရင် စစ်ပွဲတွေက ကျနော်တို့ကို အဆုံးသတ် ပေးသွားလိမ့်မယ် " တဲ့။

Ref: The Great Thoughts By George Seldes


 ဇင်ဝေသော်

ပထမဆုံး ဝါကျ



JEET ဆိုတဲ့ အန္ဒိယန်း စာရေးဆရာရဲ့ စာအုပ်ဟာ ထုတ်ဝေသူ အငြင်းပယ်ခံ ဘဝကနေ Man Booker Prize စာပေဆု ရဖို့ ရှိနေလို့ အံ့ဩ တကြီး ဖြစ်ကြ ရပါတယ်။ သူ့စာအုပ်ကို အန္ဒိယ တစ်နိုင်ငံလုံးရှိ ထုတ်ဝေသူတွေက ပယ်ချခဲ့
ပေမယ့် ကံဇာတာက တက်လာတော့ UK အခြေစိုက် Faber and Faber စာအုပ် ထုတ်ဝေရေးက ဝယ်ယူခဲ့ပါတယ်။
အဲဒီ Faber and Faber စာအုပ် ထုတ်ဝေရေးကလည်း အလွန် ချေး များပြီး တော်ရုံ တန်ရုံ စာအုပ်ကို ထုတ်ဝေတာ မဟုတ်ပါဘူး တဲ့။ ဒီလောက်ကောင်းတဲ့ စာအုပ်ကို ဘာကြောင့် များ အိန္ဒိယ ထုတ်ဝေသူတွေက မျက်စေ့လျှံသွားရတာလဲ ဆိုတာနဲ့ ပတ်သက်လို့ JEET ကို အင်တာဗျူး ကြည့်တော့ ခပ်ဝါးဝါးတော့ သဘောပေါက်ခဲ့ရတယ်လို့ သိရပါတယ်။



" ဒီလောက် နာမည်ကြီးတဲ့ ခင်ဗျား စာအုပ် ရဲ့ ပထမဆုံး ဝါကျက ဘာလဲ "
" မမှတ်မိဘူးဗျ "
" ကိုယ့် စာအုပ် ရဲ့ ပထမဆုံး ဝါကျကိုများ မမှတ်မိရဘူးရယ်လို့ ဗျာ "
" အကုန် မမှတ်မိဘူး ပြောတာပါ "
" ပထမ ဝါကျက ဘယ်လောက် ရှည်နေလို့လဲ "
" စာမျက်နှာ ခြောက်မျက်နှာ ခွဲ ရှိတယ် " တဲ့။


 ဇင်ဝေသော်

ဗြိတိသျှ ဗုဒ္ဓဘာသာ တစ်ယောက်ရဲ့ စစ်တပ်တွင်း အတွေ့အကြုံများ ( ၂ )

" ဒီပွဲကို ကျနော်တက်ရောက်ခဲ့တာမှန်တယ်လို့ သိလိုက်ရပါတယ်။ တိုက် ဆိုင်မှုလည်းဖြစ်ကောင်းဖြစ်မယ်၊ မသေချာလှဘူး။ နောက်နှစ် ရောက်တော့ ယဇ်ပူဇော်ဖို့ တိရစ္ဆာန်အရေအတွက်တွေ တဖြည်းဖြည်း လျှော့ချလာခဲ့ ကြတယ်တဲ့"
( လက်ဖတင်နယ်ကာနယ် မာ့(စ်) ဗစ်ကာ (Mark Vickers)

ကျနော်တို့ စစ်တပ်ထဲကို ပုံမှန်လာနေတတ်တဲ့ ခရစ်ယာန် ချပ်ပလင် တစ်ယောက်လည်း ရှိတယ်။ သူ့ကို ဒီအကြောင်း ပြောပြတော့ ဒီလိုပွဲ မျိုးတွေကို သူ့အနေနဲ့ ဘယ်နည်းနဲ့မှ မတတ်နိုင်ကြောင်း ပြောပါတယ်။ သူပြောတာတွေက ကျနော် စဉ်းစားမိတာတွေနဲ့ ဆန့်ကျင်နေပြန်ရော။ တကယ်တော့ ဟိန္ဒူ စစ်သားတွေဖိတ်လို့ ကျနော်တတ်ခဲ့ရတဲ့ အခန်းအ နားတွေထဲမှာ အခုချိန်က ပထမ ဆုံး အကြိမ်မဟုတ်တော့ဘူး။ သူတို့ကိုလေးစားတဲ့အနေနဲ့ ကျနော်တတ်ခဲ့ တာပါ။ ကျနော် စဉ်းစားမိတာက ဒီပွဲကို ငါမတတ်လည်း ဒီ ဆိတ်တွေ ကျွဲတွေကတော့ အသတ်ခံရမှာပဲ ဆို တာကိုပါ။ တကယ်လို့ ကျနော်တက်ခဲ့ရင် တစ်ခုခု ကောင်းကျိုးလေးများ ရလာနိုင်မလားဆိုတဲ့ အတွေးပဲ ရှိပါတယ်။ ဒါနဲ့ ကျနော် ဆုံးဖြတ်ချက် ချ လိုက်နိုင်တယ်။

ငါ မတတ်ဘူးဆိုရင် ငါ့ခံစားမှုတစ်ခုကိုပဲကြည့်တဲ့ တစ်ကိုယ်ကောင်းဆန် သူဖြစ်မယ်။ ဒါကြောင့် ပွဲကျင့်ပရေး ခေါင်းဆောင်တွေကို ဘာပဲဖြစ်ဖြစ် ကျနော်တက်မယ်ဆိုတဲ့အကြောင်း အသိပေးလိုက်ပါတယ်။ ဒါပေမယ့် တိရစ္ဆာန်လေးတွေကို ကျွမ်းကျွမ်းကျင်ကျင် သတ်နိုင်လို့ ဆိုပြီး သားသတ် သမားကိုတော့ လက်ခုပ်သြဘာမပေးနိုင်သလို ဆုငွေတွေလည်း (ယဉ်ကျေး မှုအရ) မချနိုင်ပါဘူးလို့ ခပ်ပြတ်ပြတ်ပဲ ပြောလိုက်ပါတယ်။ ပြီးတော့ သတ်တာတော့ သတ်တာပေါ့ သူတို့ကို လူလို သဘောထားပြီးညင်ညင်သာသာနဲ့ အသက်ထွက်အောင် သတ်ပေးဖို့ မေတ္တာရပ်ခံခဲ့ပါတယ်။

အဲဒီပွဲတော်နေ့မှာ သူများထက်စောရောက်အောင်သွားခဲ့ပြီး တိရစ္ဆာန်လေးတွေ နား သွား မေတ္တာပို့ပေးခဲ့တယ်။ တတ်သလောက် မှတ်သလောက်လည်း ရွတ်ဖက်ပေးတာပေါ့။ ပြီးတော့ မင်းတို့ကို ဒီလိုသတ်ဖြတ်ကြလို့ သူတို့ကို အမျက်မထား၊ ရန်ငြိုးမဖွဲ့ကြပါနဲ့လို့လည်း တိုးတိုးလေး ကပ်ပြီး ပြောပေး တယ်။ တစ်ခုကျေနပ်စရာက ကျနော် ကောင်းကောင်း မေတ္တာရပ်ခံထားတဲ့ အတွက် မကြာခင်အသတ်ခံရမှာပေမယ့် တိရစ္ဆာန်လေးတွေဟာ အစားကောင်းကောင်းစားရသလို အေးအေးချမ်းချမ်းရှိနေတာကိုလည်း တွေ့ရတယ်။ ပွဲလည်းစရော ကျနော်ကတော့ စိတ်ထဲကနေပဲ တိရစ္ဆာန်လေးတွေ အတွက် မေတ္တာစာတွေ ရွတ်ဖက်ပေးနေလိုက်တယ်။

ပွဲပြီးသွားတော့ ဒီပွဲ တာဝန်ခံက ကျနော့် ဆီလာပြီး စကားပြောတယ်။ သူ ကျနော့်ကို ကြည့်နေမိတယ်တဲ့။ သူနဲ့ ကျနော်က ရာထူး အဆင့် အတန်းချင်း တော်တော်ကွာနေတော့ သူ့စိတ်ထဲ ရှိနေတာတွေ ပွင့်ပွင့်လင်းလင်းကြီး ဖွင့်ပြောရဲမှာမဟုတ်ဘူးလို့ တွေးနေမိတယ်။ မှားပါတယ် သူကျနော့်ကို ဆက်ပြောလာတာက ကျနော့်မျက်လုံးထဲမှာ ထိခိုက်ကြေကွဲ ရိပ်တွေ သူတွေ့နေရတယ်တဲ့။
ခဏကြာတော့ သူ ကျနော့်ဆီပြန်လာပြီး ကျနော်တက်ရောက်ခဲ့တဲ့အတွက် သူတို့ ဘယ်လောက်ဂုဏ်ယူကြောင်း၊ ဘယ်လောက်အလေးအနက် ထားကြောင်း ပြောတယ်။ ဟုတ်တာပေါ့ အပြစ်မဲ့ တိရစ္ဆာန်တွေကို သတ်ဖြတ် မှုဆိုတာ ကျနော့် ယုံကြည်မှုနဲ့က တိုက်ရိုက်ဆန့်ကျင်နေတာပဲ။ ဒီလို အပြုအမူကို ဘယ် ဗုဒ္ဓဘာသာကမှ ကောင်းချီးပေးနေမှာ မဟုတ်ပါဘူး။

နောက် သူဆက်ပြောတာက ကျနော့် မေတ္တာရပ်ခံချက်ကြောင့် တိရစ္ဆာန်တွေ အပေါ် အတတ်နိုင်ဆုံး ညင်ညင်သာသာဖြစ်အောင် ဆောင် ရွက်ခဲ့ကြတယ် ဆိုတာပါ။

သူ့စကားဆုံးတော့ ဒီပွဲကို ကျနော်တက်ရောက်ခဲ့တာမှန်တယ်လို့ သိလိုက်ရ ပါတယ်။ တိုက်ဆိုင်မှုလည်းဖြစ်ကောင်းဖြစ်မယ်၊ မသေချာလှပါဘူး။ နောက်နှစ် ရောက်တော့ ယဇ်ပူဇော်ဖို့ တိရစ္ဆာန်အရေ အတွက်တွေ တဖြည်းဖြည်း လျှော့ချလာခဲ့ကြတယ်တဲ့။
အင်္ဂလန်မှာ အသတ်ခံနေရတဲ့ တိရစ္ဆာန်တွေကိုလည်း ကျနော် တွေ့ဖူးနေတာ ပဲ၊ အဲဒီ တိရစ္ဆာန်တွေနဲ့စာရင် အခု ကျနော် တွေ့မြင်လိုက်ရတဲ့ တိရစ္ဆာန်တွေက အများကြီးညင်ညင်သာသာ ရှိလှပါတယ်။ ဗုဒ္ဓဘာသာတစ်ယောက်အနေနဲ့ ရှင်းရှင်း ပြောရရင်တော့ ဘာအကြောင်းနဲ့ မှ ဘယ်လို တိရစ္ဆာန်မဆို အသတ်မခံရစေလိုပါဘူး။

တစ်ခါတစ်ခါကျတော့လည်း ကျွန်တော်ကိုယ်တိုင် သတိလက် လွတ်ဖြစ်ရ တတ်တာလည်း ရှိပါတယ်။ တခါမှာတော့ ကျနော်တို့အားလုံး ၀ရန်တာမှာ ထိုင်ပြီး အဖွဲ့လိုက်လက္ဘက်ရည်သောက်နေကြတယ်။ အဲဒီနေရာကနေ ဟ်ိ မ၀န္တာတောင်တန်းကြီးကိုပင် လှမ်းပြီး မြင်နေရတယ်။ ကျနော်က အရာရှိ ဆိုတော့ ရဲဘော်တွေ ခုနှစ်ယောက်ရှစ်ယောက်က ကျနော့်ဘေးမှာ ၀ိုင်းပြီး ရပ်နေကြတယ်။ ကျနော့်ဘေးကပ်ရက်မှာ ရပ်နေတာက ချပ်ပလင် တစ်ယောက်။ ကျနော်ငုံ့ကြည့်လိုက်တော့ ပုရွက်ဆိတ်လေးတွေ အတန်း လိုက် သူ့ဆီကို သွားနေကြတာတွေ့ရတယ်၊ တဖြည်းဖြည်းနဲ့ သူ့ခြေဖမိုးပေါ် အထိ ပုရွက်ဆိတ်လေးတွေက တက်နေတာမြင်ရတယ်။

ကျနော့်စိတ်ထဲမှာတော့ “ပုရွက်ဆိတ်ကလေးတို့ရေ၊ ဒီဖက်ကိုလာခဲ့ကြပါ၊ ငါ့အနားကိုလာခဲ့ကြပါ မင်းတို့အတွက် ဘေးကင်းရန်ကင်း နေရာလေးတစ်ခု ငါပေးထားပါ့မယ်” လို့။ ဆုတောင်း မပြည့်ခဲ့ပါဘူး။ ချပ်ပလင်က ပုရွက်ဆိတ်ေ လးတွေပေါ် စိတ်ရှိလက်ရှိ တက်နင်းတော့တာပါပဲ။ တကယ်တော့ ဘာမှ မပြောဘဲ နေခဲ့သင့်တာပါ၊

မနေနိုင်ခဲ့တာနဲ့
“ချပ်ပလင်- ခင်ဗျား ဘာကြောင့်ဒီလိုလုပ်ရတာလဲ”
“ဘာလုပ်လို့လဲ ၊ ဘာမှမလုပ်မိပါဘူး”
လို့ သူကဖြေတယ်။
“လုပ်တယ်၊ အကြောင်းပြချက်ခိုင်ခိုင်လုံလုံ မရှိဘဲနဲ့ ပုရွက်ဆိတ်ကလေးတွေ ကို မြင်ရက်သားနဲ့ တက်နင်းတယ်”
ပြောမိတော့ သူလည်း ရှက်သွားပြီးမျက်နှာကို နီရဲသွားတာပဲ။
ဒါနဲ့ ကျနော်လည်း ချက်ချင်း စကားလမ်းကြောင်းပြောင်းပြီး ခဏနေ လှည့် ထွက် ခဲ့တော့တယ်။ ကျနော်လည်း ထွက်ခဲ့ရော ကျန်ရစ်ခဲ့တဲ့ ချပ်ကျောင်း ပုံမှန်တက်တတ်တဲ့ ရဲဘော်နှစ်ယောက်(တစ်ယောက်က အမျိုးသမီး၊ တစ်ယောက်က အမျိုးသား) ပြောလိုက်တဲ့ စကားကို ကျနော်က ကြား မိအောင် ကြားလိုက်သေးတယ်။
“ပုရွက်ဆိတ်ကိုတောင် မသတ်ရဲတဲ့လူက ဘယ်လိုလုပ် စစ်တပ်ထဲ ရောက်ပြီး ဗိုလ်ဖြစ်လာရတာလဲ ” တဲ့။
ဒါနဲ့ သူတို့ဆီ ချက်ချင်းသွားပြီး အရာရှိလေသံနဲ့ပဲ ပြောလိုက်တယ်
“ မင်းတို့နှစ်ယောက် ငါးမိနစ်အတွင်း ငါ့ရုံးကိုလာခဲ့” လို့။

ဆက်ရန် -


သီဟနာဒ

သင်းကွဲလိပ်ပြာများရဲ့ ရင်ခုန်သံကို ခံစားခြင်း ( ၂ )


( Leonard Roy Frank 20th century American epigrammist. )

Democracy+ Private Ownership    =Capitalism.
Democracy+Public Ownership    =Socialism.
Dictatorship+Private Ownership    =Fascism.
Dictatorship+Public Ownership    =Communism.

Just one statement is missing.
Dictatorship+Dictator-ownership    = ???

 ဇင်ဝေသော်

ငယ်လေးတို့ရွာ

နောက်လူတွေကို သနားတယ်၊ ရှေ့ကလူတွေ ခိုးသွားလို့ သူတို့ခိုးစရာ ဘာမှ မကျန်တော့ဘူး။
(ရုရှားစကားပုံ)

စင်္ကာပူဆိုတာ မြေဆင်းရဲတဲ့မြို့။ ဘာတွေ ဘယ်လောက်ပဲ ချမ်းသာချမ်းသာ ဒီမြို့ဟာ ဘယ်တော့မှ မြေမချမ်းသာနိုင်ဘူး။ ဒီတော့ တိုက်ခန်းတွေ၊ အိမ်တွေက မြင့်ပြီးရင်း မြင့်လာမယ်။ ကျဉ်းပြီးရင်း ကျဉ်းလာမယ်။ ပြီးတော့ စင်္ကာပူဆိုတာ လူလတ်တန်းစား မြန်မာတွေရဲ့ ထွက်ပေါက်၊ လူချမ်းသာ မြန် မာတွေရဲ့ အိမ်၊ ကွန်ဒို၊ ဘန်ဂလိုတွေ ဝယ်ယူရာ မြို့တော်။ နိုင်ငံတော်ရဲ့ အခြေအနေတွေ ပြောင်းလဲသွားရင် အဲ့ဒီ လူချမ်းသာတွေရဲ့ ထွက်ပေါက် လည်း ဖြစ်နိုင်ပြန်သေးရဲ့။

စင်္ကာပူဆိုတာ အမေရိက၊ ဥရောပ၊ သြစတေးလျတို့လို ဗီဇာရဖို့လည်း သိပ် မခက်ခဲလှ၊ ငွေကုန်ကြေးကျကလည်း လူလတ်တန်းစားတို့ အတွက် ဖြစ်ညှစ် ထုတ်ရင် လက်လှမ်းမီလောက်တဲ့ အနေအထား၊ အင်ဂျင်နီယာနဲ့ ကွန်ပျူတာ ဘွဲ့ရ လူငယ်တွေအတွက် ကမ္ဘာ့စံချိန်မှီ ဘဝထွက်ပေါက်တစ်ခု အဖြစ် ရှိနေခဲ့ တာ ကာလအတန် ကြာခဲ့ပေါ့။

လူလတ်တန်းစား ကျောင်းသားလေးတွေကတော့ တက္ကသိုလ်တွေ ၊ ကျောင်းတွေက ပေးတဲ့ အဆောင်မှာပဲနေနေ၊ အပြင်မှာပဲ ငှါးရမ်းနေနေ ကျပ်ကျပ်ညှပ်ညှပ်ပဲ နေကြရရှာပါတယ်။ တစ်ချို့ကျောင်းသားတွေကတော့ ဘွဲ့ရပြီးလို့ လစာကောင်းကောင်းလေး ရရင် အခန်းကျယ်ကျယ်မှာ တစ်ယောက်တည်း နေလိုက်ဦးမယ်လို့ ကြုံးဝါး တတ်ကြပါတယ်။ ဘယ်လောက်ပဲ ကြုံးလို့ ဝါးဝါး တကယ် အလုပ်လုပ် ကြပြန်တော့လည်း ဒီအိပ်မက်က တကယ်ဖြစ်လာဖို့ ခက်ခက်ပါပဲ။ ဒီလိုနဲ့ တိုက်ခန်းလေးတွေငှါး၊ သဘောထားမျှတဲ့ မိတ်ဆွေတွေနဲ့ အတူ အိမ်၊ အခန်းတွေ ရှယ်ယာလုပ်ပြီး ကျပ်ကျပ်ညှပ်ညှပ်ပဲ ခရီးဆက်နေကြရရှာဆဲပါပဲ။ အဲ့ဒါ စင်္ကာပူမှာ ရှိတဲ့ လူလတ်တန်းစား မြန်မာတွေကို ကိုယ်စားပြုတဲ့ ပုံရိပ်ကလေးပါ။

ဒါပေမယ့် ကျွန်တော်တို့ သိရတဲ့ အိမ်တစ်ချို့လည်း ရှိတယ်။ ဆယ်ကျော် သက် ကျောင်းသားလေး နှစ်ယောက် ကျောင်းထားဖို့ သူတို့ရဲ့ မိဘတွေ ဝယ်ထားတဲ့ ကွန်ဒိုတိုက်ခန်းထဲကို အကြောင်းအားလျော်စွာ ရောက်ခဲ့ရဖူး တယ်။ မိဘတွေက စင်္ကာပူနဲ့ မြန်မာ သွားချည်လာလှည့်။ လေယာဉ် စရိတ် ဆိုတာ သူတို့ရဲ့ ထမင်းစားရေသောက် မုန့်ဖိုး၊ သားတို့နေတဲ့ ကွန်ဒိုက စင်္ကာပူရဲ့ အရှေ့ပိုင်းမှာ ရှိတယ်။ စက်ရုံတွေ သိပ်မရှိ၊ လေထုညစ်ညမ်းမှု သိပ်မရှိလို့ ကွန်ဒိုဈေး ပိုကြီးတဲ့ အရပ်ပေါ့။ သူတို့အခန်းကျယ်ကြီးကနေ ငုံ့ကြည့်လိုက်တော့ ပြာလဲ့လဲ့ ရေကူးကန်က ချမ်းစိမ့်စိမ့် မနက်ခင်းမှာတောင် ဒိုင်ပင်ထိုးပြီး ဆင်းကူးချင်စရာပါပဲ။ ဒီကောင်လေးနှစ်ယောက်ဟာ ဘယ်သူရဲ့ သားတွေများ ဖြစ်နိုင်ပါသလဲ။

နာမည်တွေ မပါရင်တောင်မှ ဘယ်လိုလူတွေရဲ့ သားတွေဆိုတာ ခပ်ဝါးဝါးေ တာ့ သဘောပေါက် နိုင်မယ်လေ။ ဒါတွေကို တွေ့ရတော့ ဣဿာ မစ္ဆရိယ ပဲ ဖြစ်ရမလိုလို၊ မုဒိတာပဲ မျက်စေ့မှိတ် ပွားလိုက်ရမလိုလို။ နိုင်ငံတော် အ တွက် ရင်ထဲမှာတော့ အောင့်သက်သက် နာကျင်ဆဲပါ။

နောက်တစ်အိမ်ကတော့ တရံရောအခါက ဗိုလ်ချုပ်ကြီးတစ်ယောက်ရဲ့သမီး။ သူမဝယ်ထားတဲ့ ဘန်ဂလိုကြီး ဟီးနေချက်က လစာဒေါ်လာ ခြောက်ေ သာင်းလောက် ရသူတွေတောင် မနာလိုစိတ်ကို ချုပ်တည်းထားနိုင်မယ် မထင်ဘူး။ ရေးကူးကန်က ပြာလဲ့လဲ့။ ဈေးလည်းချို၊ အသစ်စက်စက် လည်း ဖြစ်နေလို့ဆိုပြီး စီးသူမရှိဘဲ ဝယ်ထားတဲ့ မာစီးဒီးနဲ့ BMW ဂျာမန်ကားနှစ်စီးက ဘန်ဂလိုရဲ့ ကျက်သရေကို ပိုပြီး ခန့်ငြားစေတယ်။ အဲ့ဒီ ဘန်ဂလိုမှာ ကလေးထိမ်းတစ်ယောက်ရယ်၊ ကားဒရိုင်ဘာရယ်၊ ကံကောင်း လှတဲ့ ကောင်လေးနှစ်ယောက်တို့ နေကြပါတယ်။ မိဘတွေကတော့ ရန်ကုန်၊ စင်္ကာပူ၊ အင်္ဂလန် သွားချည်လာလှည့်ပဲပေါ့။

နိုင်ငံတော်အတွက် ရင်နာနေရတာနဲ့ ဣဿာလည်း မဝင်မိ၊ မုဒိတာလည်း မပွားမိတော့ပါဘူး။ အနောက်နိုင်ငံတွေကတော့ ဝေးလည်းဝေး၊ ဗီဇာက လည်းကျပ်၊ စီးပွားရေးပိတ်ဆို့မှုတွေကလည်း တင်းကြပ်ဆိုတော့ ပိုက်ဆံ ရှိပေမယ့် ပြဿနာကတော့ အနည်းနဲ့အများ ရှိနေဆဲပါ။

ငွေရှိရင် အဆင်ပြေတဲ့ မြို့က စင်္ကာပူပါ။ ဘိန်းကို အဝင်မခံပေမယ့် ဘိန်းကနေ ရလာတဲ့ ငွေတွေကိုတော့ စင်္ကာပူက “နိုး” မပြောဘူး။ ဒီလိုနဲ့ပဲ စင်္ကာပူဆိုတာ ဆရာ့ဆရာကြီးတို့ သားသမီးတွေ ကျောင်းတက်ရာ၊ တစ်ခုခုဆို ဆရာ့ဆရာကြီးတို့ ခိုလှုံရာ နေရာလေး ဖြစ်နေခဲ့တယ်။

ဆရာ့ဆရာကြီးတို့ရဲ့ တရားဝင် သားသမီးတွေ နေထိုင်၊ ပညာသင်ရာဖြစ်နေ လို့ စိတ်ထဲမှာ စင်္ကာပူကို “ငယ်လေးတို့ရွာ” လို့ ခေါ်နေမိတယ်။

ရန်ကုန်ကို ပြန်ရောက်လို့ သာကေတတို့၊ တောင်ဒဂုံတို့ကနေ လှမ်းကြည့်ရင် လွင်တီးခေါင်ထဲက တိုက်မြင့်မြင့်တွေ ထောင်ထွက်နေတဲ့ မြို့တော် တစ်ခု ကို တွေ့ရတယ်။ စင်္ကာပူက ဆင်ကန်းနဲ့ နည်းနည်း ဆင်ပါတယ်။ အဲ့ဒီမြို့တော်ရဲ့ နာမည်ကို မေ့နေတာနဲ့ ဦးလေးတစ်ယောက်ကို မေးမိတော့ အဲ့ဒါ ယုဇနဥယျာဉ်မြို့တော်လေ၊ ဒီနေ့ လူတွေ သိနေကြတာကတော့ “ငယ်လေးတို့ရွာ” တဲ့။

လာပြန်ပြီ ငယ်လေးတို့ရွာ။
အဲ့ဒီဦးလေး ရှင်းပြတာက ထူးဆန်းလွန်းတော့ မယုံဘူးလို့ မပြောရဲခဲ့ပေမယ့် ယုံပြစ်လိုက်ဖို့ကြပြန်တော့လည်း ဝမ်းနည်းစရာ ကောင်းလွန်းလှတယ်။ နံပါတ်မဝင်တဲ့ အငယ်လေးတွေ အဲ့ဒီမြို့မှာ အနေများတယ်တဲ့။ အဲ့ဒီအငယ်လေးတွေက အများအားဖြင့် နယ်က ဖြစ်နေပါသတဲ့။ (ကျန်သူတွေကို တောင်းပန်ခဲ့ပါရစေ)

ဒါကို ယုံပြစ်လိုက်ဖို့ အင်တင်တင် ဖြစ်နေတဲ့ ကျွန်တော့်ကို “မင်းမယုံရင် တက္ကစီတစ်စီးကို တားပြီး ငယ်လေးတို့ရွာ သွားမလို့ပါလို့ ပြောလိုက်၊ တက္ကစီ က မင်းကို ပို့ပေးလိမ့်မယ်” လို့ ပြောတယ်။

ဒါနဲ့ ကျွန်တော်လည်း သူ့ကားပေါ်က ဆင်းပြီး ရောက်လာတဲ့ တက္ကစီကိုတား၊ ငယ်လေးတို့ရွာ သွားမလို့ပါလို့လည်း ပြောလိုက်ရော တက္ကစီသမားက ကျွန်တော့်မျက်နှာကို တစ်ချက်ကြည့်ပြီး နှစ်ထောင်လို့ ဈေးပြောကာ အဲ့ဒီ မွဲခြောက်ခြောက် မြို့တော်လေးဆီ မောင်းထွက်ခဲ့ပါတော့တယ်။ ကျွန်တော် သဘောပေါက်ထားတာက စင်္ကာပူသာ ငယ်လေးတို့ရွာဆိုတာပါ။ အဲ့ဒီမြို့တော်ကို တက္ကစီသမားလောကက ငယ်လေးတို့ရွာလို့ ခေါ်တာ မသိ ဘူးလေ။

ခေတ်နောက်ဆွဲသမားတွေကို ချန်ထားခဲ့မယ်ဆိုတဲ့ သမ္မတကြီးရဲ့ စကားကြောင့် ကျန်နေရစ်ခဲ့မှာစိုးလို့ အဲ့ဒီဝေါဟာရလေးကို မရ၊ အရ နှုတ် တက် ရွတ်မိတယ်။ “ငယ်လေးတို့ရွာ” ။

ရွာနာမည်ချင်း တူပေမယ့် နေတဲ့လူတွေကတော့ မတူကြဘူး။
သူတို့ အနာဂတ်တွေရော ကွဲပြားနေမှာပဲလား၊ မဆီမဆိုင် ရုရှားစကားပုံက ကျွန်တော့်ခေါင်းထဲ ရောက်လာသေးတယ်။


 ဇင်ဝေသော်

ပြုံးစိစိ အတွေး


၁၁၅ နှစ် အရွယ်ရှိ ဂျပန်လူမျိုး ကမ္ဘာ့ အသက်ရှည်ဆုံးအဖွား Okubo ဟာ စနေနေ့က စောင့်ရှောက်ရေးဂေဟာမှာ ဆုံးပါးသွားခဲ့ပါတယ်။ သူမဟာ ကမ္ဘာ့ အသက်ရှည်ဆုံးလူသား ဘွဲ့ကို အမေရိကန်အအဖွား Dina Manfrgndini ဆီကနေ ရယူခဲ့တာပါ။ ဒီဘွဲ့ကိုရပြီး တစ်လတောင် မပြည့်လိုက်ဘူးလို့ သိရပါတယ်။ ဒေါ်Dina Manfrgndini ကိုယ်တိုင်ကလည်း ကမ္ဘာ့ အသက်ရှည်ဆုံးလူသား ဘွဲ့ကိုရပြီး နှစ်ပတ်အတွင်း ဆုံးပါးခဲ့ရပါတယ်။ ( The Straits Times, 14th, Jan, 2013 )

ကမ္ဘာ့ အသက်ရှည်ဆုံးလူသားတွေရဲ့ လတ်တလောသမိုင်းကို ပြန် ကြည့်တော့ ...
လွန်ခဲ့တဲ့ စက်တင်ဘာလက ကမ္ဘာ့ ( အမျိုးသား ) အသက်ရှည်ဆုံး ၁၁၄ နှစ်ရှိ ဂျပန်အဘိုးသေဆုံးပြီး ဒီဇင်ဘာလ၊ ၄ ရက်မှာ ၁၁၆ နှစ်ရှိ ကမ္ဘာ့ ( အမျိုးသာမီး ) အသက်ရှည်ဆုံးလည်း သေဆုံးခဲ့ရပြန်ပါတယ်။ ပြီးတော့ အသက် ၁၁၅ နှစ်ရှိ အဖွားတစ်ယောက်က ဒီဘွဲ့ကို ဆက်ခံခဲ့တယ်။ ဘာမှ မကြာလိုက်ဘူး။ ဒီဇင်ဘာလ၊ ၁၇ ရက်နေ့မှာ ဒီအဖွားလည်း ဆုံးပါးခဲ့ ရပြန်ပါတယ်။

ဒီဖြစ်စဉ်တွေနဲ့ ဆက်စပ်ပြီး မတွေးဘဲ မနေတတ်တဲ့ ပညာရှင်တွေကတော့ ....
" ဒီဘွဲ့ကို ရယူပြီး မကြာမီ သေဆုံးရတာဟာ သွေးရိုးသားရိုးတော့ မဖြစ်နိုင်ဘူး " လို့ တွေးနေကြပါသတဲ့။
အဖြေများရှိရင် ချီးမြှင့်လိုက်ကြပါအုံး။


 ဇင်ဝေသော်