ငါဘုရားတောင် ကျောကော့တော်မူရတယ်


တစ်ခါက ဘုရားရူးရူးနေတဲ့ စိတ်မနှံ့ရှာတဲ့ ကိုရင်ကြီး တစ်ပါးရှိသတဲ့။ ဦးဏှောက်က သိပ်မပြည့်ရှာပေမယ့် စိတ်ရင်းကောင်းတဲ့အတွက် ကိုရင်ကြီး ကိုရင်လေးတွေ ကျောင်းသားတွေက လေးစားကြပါတယ်။ 

တစ်နေ့ သူ့ရောဂါ ဗုဒ္ဓမနေးယား ထလာတော့ ကိုရင်ငါးပါးကိုခေါ်၊ သူ့ဘေးမှာ အထိုင်ခိုင်းပြီး ဓမ္မစကြာဟောတမ်း ကစားတယ်။ သူက ဘုရား၊ ကိုရင်ငါးပါးကတော့ ပဉ္စဝဂ္ဂီတွေပေါ့။ နာမည် တွေတောင် သေသေချာချာပေးတာ။ ဘယ်သူက ကောဏ္ဍည၊ ဘယ်သူက ဝပ္ပ စသဖြင့်ပေါ့။

ဒါကို ဆရာတော်မြင်သွားတော့ တော်တော်စိတ်ဆိုးသတဲ့။ ဒီပြင့် ကစားနည်းတွေ အများကြီးရှိတာပဲ။ ကစားပါတော့လား။ ခုတော့ ဘုရားလုပ်တမ်းများ ကစားရတယ်လို့ ဆိုပြီး ကိုရင်ကြီး ( ဘုရား ) နဲ့ ကိုရင်ငယ်ငါးပါး ( ပဉ္စဝဂ္ဂီ ) တို့ကို ကြိမ်နဲ့ ရိုက်သတဲ့။ ကိုရင်ကြီးကိုတော့ ငါးချက်၊ ကိုရင်ငယ်ငါးပါးကိုတော့ တစ်ချက်စီ။

ကျောင်းအောက်ပြန်ရောက်လို့ ကိုရင်ကြီး ပြောလိုက်တဲ့ စကားကိုကြားလိုက်ရတဲ့ အခါမှာတော့ နောက်ဆိုမရိုက်တော့ပါဘူးကွာလို့ ဆရာတော်က တိုးတိုးလေး ရွတ်လိုက်သတဲ့။ ကိုရင်ကြီးပြောလိုက်တာက

သာဝကတို့… ဒုက္ခသစ္စာကို သိကြပြီနော်။ ဆရာတော်က လက်သံပြင်းသကွဲ့။ သာဝကတို့က တော်ပါသေး သကွယ်။ ဒုက္ခတစ်ချက်စီပဲရလိုက်တယ်။ ငါဘုရားရှင်မှာတော့ ဒုက္ခ ငါးချက်မို့ ကျောကော့အောင်ခံစားတော်မူလိုက်ရသကွဲ့“ ။
(ကြားဖူးနားဝပုံပြင်)


ဦးကိုမောင်















Copyright © 2011 ကမ်းလက်. All rights reserved.                                                                          

ဘ၀ဟူသည် ယား၏

ဘ၀ဟူသည် အလွန်ယားယံသော ကိစ္စတစ်ခုဖြစ်ပါသည်။ ဤအကြောင်းကို ငယ်စဉ် ကတည်း ကပင် လေ့လာခဲ့ရသည်။ တစ်နေ့... အဖေက ဘ၀အကြောင်း သိရအောင်ဆိုပြီး စပါးရိတ်ရာ လယ်တောသို့ အစ်မများနှင့်အတူ လိုက်သွားရန် စေခိုင်းသည်။ ထိုအချိန်မှစ၍ ဘ၀အကြောင်းကို မသိချင်တော့ပါ။ "အလွန်ယားယံလှပါသည်။"

အသက်အရွယ် အတန်ရလာပြီး "ဆုထားမျက်ချယ်" ဆိုသည့် ကောင်မလေးနှင့် ပေါင်းသင်း ဆက်ဆံရသည့်အခါ ထိုအယူအဆသည်ပို၍ပင် ခိုင်မာလာခဲ့လေသည်။ "ဆုထားမျက်ချယ်" သည်မဖြစ်ညစ်ကျယ် အလွန်နိုင်သောကောင် မလေး ဖြစ်သည်။ ဧပြီလ ကတည်းက "ရန်ကုန်ပြန်မည်"ဟု သူမကို ပြောသောအခါ ချမ်းရင် ၀တ်ဖို့ဆိုပြီး သိုးမွှေး ဆွယ်တာကြီး တစ်ထည် လက်ဆောင်ပေးသည်။

ထိုသိုးမွှေးဆွယ်တာကလည်း ၀ယ်လာတာဟုတ်ဟန်မတူပါ။ သူမဘာသာသူမ သိုးမွှေးထိုးကျင့်ရင်း ဆွယ်တာလို့ လည်းပြောမရ၊ သိုးမွှေးတဘက်လိုလည်း အနားသတ်မညီ၊ အူချာပေါက်နေသည့် သိုးမွှေးချည်လုံးကြီး မျှသာဖြစ်သည်။ ဥပမာနှိုင်းပြရလျှင် ဆိတ်ပုဆိုးကြမ်းနှင့် ခပ်ဆင်ဆင် တူနေသည်ဟု ထင်ရပါသည်။

မှတ်မှတ်ရရ မနှစ်ကသူမ လက်ဖက် တစ်ခါ သုတ်ကျွေးဖူးသည်။ ထို့နောက် သူမ လက်ဖက်သုတ် ကို ကောင်းကောင်း သုတ်တတ်ကြောင်း၊ ကျွန်တော့်ကိုလက်ဖက်သုတ် ကျွေးမည်ဖြစ်ကြောင်း ပြောသည်မှာ (၆၈)ကြိမ်ရှိပြီဖြစ်ပါ သည်။ ကျွန်တော့်ကို ပြောသည်မှာ ပြသနာမဟုတ်ပါ။ ဒီစကားကို တွေ့တဲ့လူတိုင်းကို ပြောနေတတ်သည်။ လူအရေအတွက် တိတိကျကျ မဖော်ပြနိုင်သည် ကို တောင်းပန်ပါ၏။

ကျွန်တော် မဂ္ဂဇင်းတစ်စောင်မှာ အယ်ဒီတာလုပ်စဉ်က သူမ နားပူနားဆာ လုပ်သည်ကို မခံနိုင်တော့ သဖြင့် ဖြစ်ချင်ရာဖြစ်ဆိုပြီး သူမဆောင်းပါးလေးတစ်ပုဒ် မဂ္ဂဇင်းမှာ ထည့်ပေးခဲ့ဖူးသည်။ တကယ်ဆိုလျှင် သူမ ရေးသည့်ဆောင်းပါး ကို တည်းဖြတ်ရတာထက်ကိုယ်တိုင် ကောက်ရေးလိုက်ရတာကမှ လွယ်ကူပါလိမ့်ဦးမည်။ သူမရေးတာအစစ်ဟူ၍ "ဆုထားမျက်ချယ်" တစ်ခုတည်းသာ ကျန်အောင် တည်းဖြတ်ပစ်လိုက်သည်။

သူမကစိတ်မဆိုးပါ။ စိတ်မဆိုးသည့်အပြင် သူမဆောင်းပါး မဂ္ဂဇင်းမှာ ပါပြီး ကတည်းက "ဆရာမတို့ စာရေးဆရာ တွေဆိုတာကလေ" ဆိုတာကို နားကြားပြင်းကတ်အောင် ထပ်တလဲလဲ သုံးစွဲပါတော့သည်။ ဤမျှဆိုလျှင် ကျွန်တော့်ဘ၀သည် မည်မျှ ယားယံကြောင်း သင်တို့ အထိုက် အလျောက် သဘောပေါက်ပြီဟု ထင်ပါသည်။

ကျွန်တော့်ဘ၀ထဲသို့ ယားယံမှုတွေ သယ်ဆောင်လာသူ နောက်တစ်ယောက် (တစ်ပါး)ကတော့ ဆရာတော်ဦးစိတ္တရ ဖြစ်သည်။ ဒီအရှင်ဘုရားကလည်း ကမ္မဋ္ဌာန်းပြရင်း "ဖာဂူဆန်"ဆီ ရောက်သွားတတ်သလို ပဋ္ဌာန်းကနေလည်း "ပို့(စ်)မော်ဒန်"ဆီ ရောက်သွား တတ်ပြန်သည်။

အရှင်ဘုရားက လိုက်ခဲ့ပါဟု   ပြောသဖြင့် တလောလေးက မလေးရှားကို လိုက်ခဲ့ ရပါသည်။ ခြင် အလွန်ပေါသော   ဒေသဖြစ်သည်။ ခြင်တစ်ကောင်က ကျွန်တော့်ကို ကိုက်နေတုန်း ကျွန်တော်လည်း ရိုက်သတ်လိုက်မိသည်။ ဒါကို မျက်စိရှင် နားပါး အရှင်ဘုရားက တွေ့ဖြစ်အောင် တွေ့လိုက်သည်။

"ဟဲ့...ဇင်ဝေသော်၊ ခြင်က   နင့်သွေးလေးတစ်ပေါက်ကိုပဲ သောက်တာ၊ နင်က သူ့အသက် တစ်ချောင်း လုံး ပြန်ယူ လိုက်တော့ ဘယ်တရားမလဲ" ဟု ပြောပါသည်။ စိတ်ကောင်း ၀င်ခိုက်မို့ဖြစ်မည်။ ဤတစ်ခါတော့ အရှင်ဘုရား စကားက မှန်လည်းမှန်၊ ချိုလည်း ချိုသာ၊ ကျိုးကြောင်းညီညွတ်သည်ဟု သုံးသပ်ကာ မှတ်ယူထားလိုက်မိသည်။ (ဤစကားသည် သူမိန့်သမျှထဲ အချိုသာဆုံးဖြစ်သည်။)

မှတ်ထားလိုက်မိသည်ဆိုခါမှ ရှိရှိသမျှ ခြင်တွေက ကျွန်တော့်ကို ၀ိုင်းဖဲ့ ကြပါတော့သည်။ အမှန်ဆိုလျှင် ခြင်ကိုက်စရာ လူခြောက်ယောက်ရှိပါသည်။ ကျန်တဲ့ ငါးယောက်ကို မကိုက်ဘဲ ကျွန်တော့်ကိုသာ ၀ိုင်းကိုက်နေကြခြင်း ဖြစ်သည်။ မိတ်ဆွေ အသိတစ်ယောက်က သွေးချိုလို့ ကိုက်တာဟုသူ ကြားဖူးတာကို ပြောသည်။ ကျွန်တော် မကြိုက်ပါ။ ဒီလိုဆိုလျှင် သွေးချိုတာထက် ဆီးချိုတာကမှ တော်လိမ့်ဦးမည်ဟုလည်း မဆီမဆိုင် တွေးနေမိသည်။

ဦးစိတ္တရက ဆရာမကြီးတစ်ယောက်က သူ့ကို လျှောက်ဖူးသည့်အကြောင်းကို မိန့်သည်။

"ဆရာမကြီးတစ်ယောက် ပြောဖူး     တယ်ကွ။ ခြင်ဆိုတာ ကိုက်စရာ လူအများကြီး ရှိရင် ပညာရှိတဲ့ လူကို ရွေးကိုက် တာတဲ့။ ဒါကလည်း သိပ္ပံနည်းကျ စမ်းသပ်ပြီးတွေ့ရှိတာ။ လူတွေအများ ကြီးတောထဲကို လွှတ် လိုက်ရင် ပညာတတ်တွေ၊ ပရော်ဖက်ဆာတွေပဲ ခြင်ကိုက်                  ခံရသတဲ့။ ပညာမတတ်၊ သာမန်လူတွေ ကတော့ ခြင်ကိုက်မခံရ ဘူး   တဲ့ကွ။ ခြင်လည်း ပညာတတ်ကို ကြိုက်တယ်။ တို့ခြောက်ယောက်ထဲမှာ မင်းက ပညာအရှိဆုံး၊ ဒါကြောင့် မင်းကို ၀ိုင်းကိုက်ကြတာ"ဟု ပြောသည်။

အမှန်ပြောရလျှင် ဒီအဖြေကို ကျွန်တော် သဘောကျပါသည်။ သိပ္ပံနည်းကျပြီး ယုတ္တိလည်းရှိသည်ဟု ရိုးရိုးသားသား ထင်မိပါသည်။ ထိုမျှမကပါ ဦးစိတ္တရတို့၊ ဒေါက်တာ အရှင်အာစာရတို့ ရှိနေပါလျှက် ကျွန်တော့်ကို ၀ိုင်းကိုက်နေကြသည့် ခြင်များကို ဒေါသ မထားမိသည့်အပြင် ကျေးဇူးပင် တင်နေမိပါတော့သည်။ သိပ္ပံနည်းကျ တွေ့ရှိမှုအရ ထိုခြောက်ယောက်တွင် ကျွန်တော်သည် ပညာဥာဏ် အကြီးဆုံး ဖြစ်နေသည်မဟုတ်ပါလား။ ကိုက်ကြ။ သူတို့ ကိုက်လေ ကျွန်တော် ဥာဏ်ကြီးလေဖြစ်၏။

တကယ်တော့ ပညာရှိလုပ်ရသည့် အလုပ်သည် မလွယ်ပါ။ အလွန် ယားယံ လှပါသည်။ မလေးရှားကနေ အိမ်ပြန်ရောက်တော့မှ ယားယံမှုအဓိပ္ပါယ်ပို၍လေးနက် လာပါသည်။ ကျွန်တော့်ဘ၀ထဲ ၀င်လာသော ယားယံမှုများတွင် ဦးစိတ္တရပေးခဲ့သည့် ယားယံမှုသည် အဆိုးဝါးဆုံး၊ အချိုမြိန်ဆုံးသော ယားယံမှုတစ်ခု ဖြစ်ပါသည်။

ထို့ကြောင့် ဘ၀ဟူသည် "ယား"၏ဟု ဆိုခြင်းဖြစ်ပါသည်။

ဤအဆိုကို မယုံကြည်သူရှိလျှင် ရေမချိုး၊ ခေါင်းမလျှော်ပဲ တစ်ပတ်ခန့် နေကြည့် စေချင်ပါသည်။ သို့မဟုတ် "ဆုထားမျက်ချယ်"ဆိုသည့် ကောင်မလေးနှင့် သော်လည်းကောင်း၊ "ဆရာတော်ဦးစိတ္တရ"နှင့်သော်လည်းကောင်း မိတ်ဆက်ပေး ချင်ပါသည်။ ထိုအခါ ဘ၀သည် ယားယံကြောင်း ကိုယ်တိုင် သဘောပေါက်လာပါလိမ့်မည်။

"ဘ၀သည် ယား၏ "

ဆရာတော်ဦးစိတ္တရ နှင့် ဆုထားမျက်ချယ် တို့ကို ကျေးဇူးတင်ပါသည်။



ဇင်ဝေသော်







Copyright © 2012 ကမ်းလက်. All rights reserved.

နှိုးဆော်လွှာ

(ဟိုတုန်းက လူတန်းစား ဒီထက်ပိုကွဲတယ်၊ကုသိုလ်တောင် စုပေါင်းပြုတဲ့ ကုသိုလ်ထက်(Collected Kamma) တစ်ဦးတည်းတွေ ပိုများတယ် ဆိုတာလေး ခံစားမိလို့ပါ။ပြုံးစိစိ ဖတ်ပေးကြရန် မေတ္တာရပ်ခံအပ်ပါတယ်။)

၁။ ဘုရားရှင်ကိုယ်တော်မြတ်ကြီးသည် တပည့်သားရဟန်းတော် များနှင့်အတူ ကြွရောက်တော်မူလာပြီး ဘုရင့်သမားတော်ကြီး ဒေါက်တာ ဇီဝက ၏ သရက်တော ထဲ၌ သီးတင်းသုံးတော်မူပါမည်။ သီတင်းသုံးခိုက် သာသနာတော် အတွက်  အလွန်ကျေးဇူးများသော(ပရိတ်သတ်အကြိုက်လည်း တွေ့နိုင်သည့် ) သာမညဖလ သုတ်  တရားတော်ကိုလည်း ဘုရင်မိုက် အဇာတသတ် ကို ဦးတည်၍ ဟောကြားတော်မူပါမည်။

ဘုရားရှင် မကြွလာမီ ထို သရက်တောကြီး  သရက်ဥယျာဉ်တော်ကြီး အဖြစ် ပြုပြင် မွမ်းမံရန် အလှူငွေများ လိုအပ်လျှက် ရှိပါသည်။ ထို့ကြောင့် သဒ္ဓါတတ်အား နည်းများမဆို ကုသိုလ် ပါဝင်နိုင်ကြရန် သရက်ဥယျာဉ် ကော်မတီက မေတ္တာ အကျိုးမျှော်၍ နှိုးဆော်လိုက်ရပါသည်။

ပုံ/
သရက်ဥယျာဉ် ကော်မတီ၊
မဇ္ဈိမဒေသ။

၂။ ဝိသာခါ ဆိုသော ဗုဒ္ဓဘာသာ အမျိုးတစ်ယောက်သည် သူမ၏ အပ်ဒိတ် အဖြစ်ဆုံး မဟာလတာ မဟလ္လက ဝတ်စုံကို ရောင်းချပြီး မြန်မာလို ပန်းမြိုင်လယ်၊ ပါဠိလို ပုပ္ဖာရာမ ကျောင်းဆောင်ကြီး ဆောက်လုပ်လှူဒါန်းမည်ဖြစ်ပါသည်။ ထို ကျောင်းဆောင်ကြီး ပြီးစီးသွားသော အခါ ရဟန်းတော်ပေါင်းထောင်ချီပြီး သတင်းသုံးနိုင်မည် ဖြစ်သဖြင့် အလွန်ထူးခြားသော ကုသိုလ်ဖြစ်ကြောင်း ဆိုဖွယ်မရှိပေ။ ကျောင်းအမကြီးက အလှူခံရန် ဆန္ဒမရှိသော်လည်း သူတစ်ထူး၏ ကုသိုလ်ကို မတားမြစ်ကောင်းသဖြင့်     ဝက်ဆိုက်မှ ကြေငြာရန်(အင်တင်တင်ဖြင့်) သဘောတူခဲ့ပါသည်။ ထို့ကြောင့် စေတနာရှင် ပြည်သူများ အနေဖြင့် သဒ္ဓါတတ်အား နည်းများမဆို ပါဝင်လှူဒါန်းကြပါရန် နိဗ္ဗာန် အကျိုးမျှော်၍ နှိုးဆော်လိုက်ရပါသည်။

ပုံ/
ပုပ္ဖာရာမကျောင်း ကော်မတီ
မဇ္ဈိမဒေသ။

၃။ အနာထပိဏ် သူဋ္ဌေးကြီးသည် ဇေတမင်းသား၏ သရက်ခြံ ကို ဝယ်ယူပြီး ဘုရားရှင်အား ဂရမ်မြေနှင့်တကွ ကျောင်းဆောက်လှူရန် ပလန် ချလျက် ရှိပါသည်။ ယင်း ကျောင်းတော်ကြီး ပြီးသောအခါ နာမည်ကျော် မင်္ဂလသုတ် စသော တရားတော်များ ထိုကျောင်း၌ ဟောကြားမည်-ဟု သတင်းရရှိသည်။ အလှူအတန်း ရက်ရောသော သူဋ္ဌေးကြီးသည် တစ်ချိန်ချိန်၌ ဆင်းရဲသွားနိုင်သည် ဟု စီးပွားရေး ပညာရှင်တစ်ချို့က ခန့်မှန်းကြသည်။ ယင်း ခန့်မှန်းချက်ကို ဘာသာရေးသမား တို့က လက်မခံ၊ မိစ္ဆာ ဒိဋ္ဌိ ဆန်သည်ဟု ဆိုကြ၏။ ရှေးနည်း အတိုင်းပင်သူဋ္ဌေးကြီးက အလှူခံရန် ဆန္ဒမရှိသော်လည်း သူတစ်ထူး၏ ကုသိုလ်ကို မတားမြစ်ကောင်းသဖြင့်     ဝက်ဆိုက်မှ ကြေငြာရန်(အင်တင်တင်ဖြင့်) သဘောတူခဲ့ပါသည်။ ထို့ကြောင့် စေတနာရှင် ပြည်သူများ အနေဖြင့် သရက်ခြံဝယ်ယူရန် နှင့် ကျောင်းတော်ကြီး ဆောက်လုပ်ရန် သဒ္ဓါတတ်အား နည်းများမဆို ပါဝင်လှူဒါန်းကြပါရန် နိဗ္ဗာန် အကျိုးမျှော်၍ နှိုးဆော်လိုက်ရပါသည်။

ပုံ/
ဇေတဝန်ကျောင်းကော်မတီ၊
မဇ္ဈိမဒေသ။


"ဒီခေတ်မှာ ကုသိုလ်စုပေါင်းပြုဖြစ်ဖို့ အခွင့်အရေး ပိုရလာတာ စဉ်းစားရင်း ရေးလိုက်တာပါ။ ဒါတွေဟာ နှစ်ဦးနှစ်ဖက်  အကျိုးပဲဖြစ်စေတယ်ဆိုတာ ယုံကြည်ပါတယ်။"


 ဦးကိုမောင်
(ပြုံးစိစိဖတ်စာ တာဝန်ခံ။ စိတ်ကူးပေါက်မှ ပြုံးတတ်သူ။ )

ခင်ပွန်း၊ ဖခင်၊ အဘိုး၊ မိတ်ဆွေ ( ၁၁း ၁ )

အရွယ်ရလာတဲ့နောက် “အင်း … အရင်လို မဟုတ်တော့ဘူး” ဆိုပြီး ထိုင်ငြီးနေမယ်ဆိုရင်တော့ ဒုက္ခရောက်ပြီသာ မှတ်ပေတော့။

မေး ။   ။ ဒီအခန်းကို Mrs Lee အကြောင်းနဲ့ စလိုက်ကြရအောင်လား။ သူ့ကျန်းမာရေးနဲ့ ပတ်သက်လို့ ဘယ်လို အခက်အခဲတွေ ရင်ဆိုင်နေရသလဲ။

ဖြေ ။    ။ အေးလေ။ အစ ပထမတော့ တော်တော်ကို အခက်အခဲ တွေ့စေခဲ့တာပဲ။ သူ နှစ်ကြိမ် လေဖြတ်တယ်။ ၂၀၀၃ - မှာ တစ်ကြိမ်၊ ၂၀၀၈ - ခုနှစ်မှာ တစ်ကြိမ်။ ဦးနှောက်မှာ သွေးယိုနေတာ ဆရာဝန်တွေ တွေ့ရတယ်။ စွမ်းသလောက်တော့ တို့လည်း ကြိုးစားကြပါတယ်။ နောက်ဆုံးမှ ဆရာဝန်တွေ လက်လျှော့လို့ အိမ်ကို ပြန်ခေါ်ခဲ့ရတယ်။ နာ့(စ်)က (၂၄) နာရီ စောင့်ရှောက်ပေါ့။ ငါလည်း အိပ်လို့ ကောင်းကောင်း မရပါဘူး။ ဒီရောဂါတွေ ဖြစ်မယ်ဆိုတာ တွက်ချက်ထားကြပေမဲ့ ဖြစ်လာတာက နည်းနည်း စောသွားတယ်။

နောက်တော့လည်း ကိုယ့်ကိုယ်ကို ပြန်ထိန်းယူရတာပေါ့ကွာ။ နာ့(စ်) ထားပေးတာက လွဲလို့ ကိုယ်လုပ်ပေးနိုင်တာလည်း ဘာမှ မရှိတော့ဘူး မဟုတ်လား။ ငါတို့ ကလေးတွေလည်း ဒီအတိုင်းပါပဲ။ တဖြည်းဖြည်းနဲ့ အာရုံကြောတွေ ဆုံးပြီးရင်းဆုံး ဖြစ်လာတယ်။ အခုဆို သူ မှတ်မိပေမဲ့ စကား မပြောနိုင်တော့ဘူး။ ဘဝဆိုတာ ဒါပဲလေ။

ငါကိုယ်တိုင် စက်ဘီးနဲ့ ချော်လဲတော့ ဒီအတွေးမျိုးတွေ ပေါက်ခဲ့ဖူးတယ်။ ခေါင်းနဲ့ နံရံနဲ့ကို ရိုက်မိတာ။ ငါလည်း သူလို ဖြစ်မယ်ဆိုရင် ဖြစ်သွားနိုင်တာပဲ။ တချို့ဘဝ အစိတ်အပိုင်းတွေက ရှောင်လွဲလို့ မရဘူး။ အရှိအတိုင်း လက်ခံနိုင်အောင်ပဲ ကြိုးစားရတော့တာပေါ့။ ဒီလိုဒီလိုတွေ ဖြစ်လာနိုင်တယ်ဆိုတဲ့ ဆရာဝန်တွေရဲ့ စကားနဲ့တင်ပဲ မသက်မသာလေ။ ဘယ်အချိန် ဖြစ်လာမလဲပဲ စောင့်နေရတာမျိုးကိုး။ စိတ်ဓာတ်ပိုင်း အနေနဲ့တော့ ငါက ပြင်ဆင်ထားပါတယ်။

ငါကိုယ်တိုင်ရဲ့ သေခြင်းတရားအကြောင်းကိုလည်း စဉ်းစားမိပါတယ်။ ဒါပေမဲ့ ဘာတတ်နိုင်မှာတုန်း။ အဆိုးတွေကိုသာ ထိုင်စဉ်းစားနေလို့ကတော့ ဘယ်လို ရှေ့ခရီးဆက်လို့ ရပါတော့မလဲ။

မေး ။   ။ ဘေးပတ်ဝန်းကျင်မှာ ဘာတွေ ဖြစ်နေတယ်ဆိုတာ သိသေးသလား။

မြေ ။    ။ ငါ့ကို သူ အမှတ်မိဆုံးပဲ။ ငါ့အသံကို ကြားရင် သူမှတ်မိတယ်။ ခြောက်ဆယ့်နှစ်နှစ်ကျော် အတူတူ နေလာခဲ့ကြတာကွာ။ သူ့အတွက်ရော ငါ့အတွက်ပါ မသက်မသာကြီးပေါ့။ နောက်ပိုင်းမှာတော့ အိပ်ချိန်တွေ ပိုများလာပြီး အားလည်း နည်းပြီးရင်းနည်း ဖြစ်လာနေတယ်။

မေး ။   ။ ဒီလို ခက်ခဲတဲ့ နေ့ရက်တွေမှာ မစ္စတာလီရဲ့ နေ့စဉ်လုပ်ငန်းတွေကို ဘယ်လို လုပ်ဆောင် နေရသလဲ။

ဖြေ ။    ။ အင်း …။ တစ်ချိန်တုန်းကတော့ သူနဲ့ အတူတူ နေ့လည်စာ၊ ညနေစာတွေ စားကြ၊ ပြီးတော့ လမ်းလျှောက်ကြပေါ့ကွာ။ အခုတော့ မင်းဒရင်စာ ပိုကောင်းလာအောင် အာရုံစိုက်ပေးနေရတယ်။ လမ်းလျှောက် ထွက်တယ်ဆိုရင်လည်း ငါ့ဘေးက လုံခြုံရေးအရာရှိကို တရုတ်လို ပြောတယ်။ မသိသေးတဲ့ တရုတ်စကားလုံး အသစ်တွေကို လေ့လာတယ်။ နေ့စဉ်သုံး ဝေါဟာရတွေပေါ့။ စားပွဲတို့၊ ကုလားထိုင်တို့၊ အံဆွဲတို့ စတာတွေပေါ့။ တရုတ်စာနဲ့ ပတ်သက်လို့ ငါသိတဲ့ ဝေါဟာရတွေက နိုင်ငံရေး၊ စီးပွားရေး၊ လူမှုရေးနဲ့ဆိုင်တဲ့ ဝေါဟာရတွေ ချည်းပဲ။

နာ့(စ်)နဲ့လည်း တရုတ်လိုပဲ ပြောတယ်။ ငါ နေ့လည်စာ၊ ညစာ စားနေချိန် ငါ့ဇနီးလည်း အိပ်ပျော်နေမယ်ဆိုရင် သူနဲ့ တရုတ်လို ပြောတာပေါ့။ ဒီတော့ ငါ့တရုတ်စကားက တော်တော် ကောင်းလာတယ်။ အခုဆိုရင် တရုတ်ခေါင်းဆောင်တွေနဲ့ တွေ့ဆုံစကားပြောဖို့ စကားပြန် မလိုတော့ဘူး။ အခုတလော တရုတ်ပြည်က ကောင်ဆယ်လာ Liu Yangdong နဲ့ တွေ့တယ်။ သူက နိုင်ငံတော် ကောင်စီထဲမှာ တစ်ဦးတည်းသော အမျိုးသမီးအဖွဲ့ဝင်ပဲ။ ပြီးတော့ ပညာရေး ဒုဝန်ကြီး Hao Ping နဲ့ တွေ့ဖြစ်တယ်။ တရုတ်စာ သင်နေတော့ အာရုံ မပြန့်တော့ဘူးပေါ့။ နို့မို့တော့ ယောင်တောင်တောင် ဖြစ်နေမှာပဲ။

ဒါတွေအတွက် အဆင်သင့် ဖြစ်နေအောင် စိတ်ဓာတ်ပြင်ဆင်ထားရတယ်။ ပြင်လည်း ပြင်ဆင်နိုင်ခဲ့ပါပြီ။ သူ မရှိတော့ဘူး ဆိုတဲ့နောက် ပြင်ဆင်စရာ ထပ်လိုလာဦးမှာပေါ့ကွာ။ အဲ့ဒီအချိန်ရောက်မှ အိမ်ကြီးကကြီး၊ နေသူက မရှိ ဖြစ်ဦးမှာ။ ကံကောင်းတယ် ပြောရမလားပဲ။ ငါ့အလုပ်တွေအပေါ် အာရုံစိုက်ထားနိုင်ပါတယ်။ ခရီးထွက်စရာရှိ ထွက်၊ လုပ်စရာ ရှိတာ လုပ်ပဲ။ ငါသာ ဒီလို မနေနိုင်ရင် ငါလည်း ပုံကျသွားမှာပဲ။ တစ်နေ့လုံးထိုင်၊ ဝတ္ထုစာအုပ်ဖတ်၊ ဂေါက်ရိုက်ဆိုရင်တော့ အရူးမို့လို့ပေါ့ကွာ။ ငါ့အတွက်တော့ နေ့သစ်တိုင်းဟာ စိတ်ခေါ်မှု တစ်ခုပဲ။ နေ့တိုင်း ကြုံရတဲ့ ပြဿနာတွေအတွက် နေ့တိုင်း ဖြေရှင်းနိုင်အောင် ကြိုးစားနေဖို့ပဲ။

မေး ။   ။ မစ္စတာလီရဲ့ ကျန်းမာရေးကရော ဘယ်လိုလဲ။

ဖြေ ။    ။ နှလုံးမှာ အစားထိုး ကိရိယာ တပ်ဆင်ထားရတဲ့နောက် အန္တရာယ်တော့ ရှိတယ် ဆိုရမှာပေါ့။ Plavix ထည့်ထားရတယ်။ သူက သွေးကြောကို ကျဉ်းစေတယ်။ ထိခိုက်မှု တစ်ခုခုဖြစ်ရင် အထဲမှာ သွေးယိုတာတွေ ဖြစ်နိုင်တယ်။ ပြဿနာက တစ်ခါတစ်ခါ ဘယ်နေရာက သွေးယိုနေတယ်ဆိုတာ ရှာလို့ မတွေ့တတ်ဘူး။ ဦးနှောက်ထဲမှာ သွေးယိုတာ ဆိုရင်တော့ ပြဿနာ အကြီးအကျယ်ပဲ။ ဒီတော့ အရေးအကြီးဆုံးက ခန္ဓာကိုယ်အတွင်းပိုင်း သွေးယိုစီးတာ မဖြစ်အောင် မလဲဖို့၊ မထိခိုက်ဖို့ပဲ ကြိုးစားနေရတာပေါ့။ ဒါ့ကြောင့် အခု ငါ စက်ဘီးအမျိုးအစား ပြောင်းပြီး စီးနေတယ်။ မလဲအောင်လို့။

အရွယ် ရလာတဲ့နောက် ဒီခန္ဓာကိုယ်ကြီးက အမြဲတမ်း ပြုပြင်ပေးနေရတယ်။ အသက် (၃၀) အထိ တကယ့် အားကောင်းတဲ့ အရွယ်ပဲ။ (၄၀) ဆိုရင် နည်းနည်း ကျလာပြီ။ (၅၀) ဆို ပိုကျလာတယ်။ ဒါ့ကြောင့် အေရိုးဗစ် စပြီး ငါ ကစားခဲ့တာ။ အစပိုင်း ဆယ်ငါးမိနစ်၊ မိနစ်နှစ်ဆယ်လောက် ပြေးတယ်။ တင်ပါးဆုံတွေ နာလာတဲ့အထိ ပြေးတယ်။ အဲ့ဒီနောက်မှ ပြေးတဲ့အစား စက်ဘီးစီးခဲ့တာ။ စက်ဘီးတော့ အခုထိ စီးနေတုန်းပဲ။

မေး ။   ။ ရေကော ကူးသေးသလား။
ဖြေ ။    ။ ကူးတယ်။ နေ့တိုင်းပဲ။ ရေးကူးတာက အကြောအခြင်ကို ပြေစေတယ်။ လူလည်း လန်းဆန်းတယ်။ ပြီး ခဏနား၊ ညစာစား။ ညစာ စားပြီး လမ်းလျှောက်။ ကောင်းကောင်း အနားယူဖို့လည်း လိုတယ်။ အရွယ်ရလာတဲ့နောက် “အင်း … အရင်လို မဟုတ်တော့ဘူး” ဆိုပြီး ထိုင်ငြီးနေမယ်ဆိုရင်တော့ ဒုက္ခရောက်ပြီသာ မှတ်ပေတော့။

ဆက်ရန် -


 ဇင်ဝေသော်

ရှေ့ကရောက်ချင်ရင် နောက်ပြန်လျှောက်

    ဒီလေ့ကျင့်ခန်းက ရှေးဟောင်းတရုတ်ယဉ်ကျေးမှုပါ။ အခုတော့ နောက်ပြန်လမ်းလျှောက်တဲ့ လေ့ကျင့်ခန်းက ခန္ဓာကိုယ်ရော၊ စိတ်ကိုပါ အကျိုးသက်ရောက်စေနိုင်တဲ့အတွက် ဟောင်ကောင်၊ မလေးရှား၊ အိန္ဒိယ၊ အာဂျင်တီးနား၊ ပြင်သစ်၊ နယ်သာလန်စတဲ့ နိုင်ငံပေါင်း(၂၀) ကျော်အထိ ပြန့်နှံ့သွားခဲ့ပါပြီ။
    တောင်အာဖရိကမှာရှိတဲ့ စာဖတ်ပရိသတ်တစ်ယောက်က သူ့အတွေ့အကြုံကို ပြောပြပါတယ်။ သူနောက်ကြောင်းပြန်လမ်းလျှောက်နေရင်း မက္ကဆီကန်ကလေးနဲ့ ဝင်တိုက်မိပြီး ခေါင်းကွဲသွားတယ်တဲ့။ ခေါင်းကွဲသွားတော့ ဦးနှောက်တောင် အနည်းငယ်ထွက်သွားတယ်လို့ ဆိုပါတယ်။ ဒါပေမယ့် သူကတော့ “  A bit of brain fell out but not much. I still have plenty.” ဦးနှောက်တွေ ခေါင်းထဲမှာ အများကြီးကျန်နေသေးလို့ ကိစ္စမရှိပါဘူးလို့ ပြောပါတယ်။ ဒါကြောင့် “Backing up affects your brain” ဆိုတာ မှန်ပါတယ်။

    နောက်ပြန်လမ်းလျှောက်ခြင်း လေ့ကျင့်ခန်းနဲ့ပတ်သက်လို့ လူတွေမေးတတ်တဲ့ မေးခွန်းတွေကို စာရင်းပြုထားပါတယ်။

မေး။        ။ နောက်ကြောင်းပြန်လမ်းလျှောက်ရင် ဘယ်ကိုဦးတည်သွားနေတယ်ဆိုတာ သိပါသလား။
ဖြေ။        ။ မသိပါ။ ဒါကသည်ပင် ပျော်စရာပါ။

မေး။        ။ အဲသလိုလျှောက်ရင် ဓာတ်တိုင်စတာတွေနဲ့ မတိုက်မိဘူးလား။
ဖြေ။        ။ မတိုက်မိပါဘူး။ ဒါပေမယ့် သူတို့ဟန်းဖုန်းတွေကိုပဲကြည့်ပြီး လမ်းလျှောက်တတ်သူတွေနဲ့တော့ ဝင်တိုက်တတ်ပါတယ်။

မေး။        ။ သူတို့က ခင်ဗျားတို့ကို မမြင်ဘူးလား။
ဖြေ။        ။ မမြင်ပါဘူး။ သူတို့ဟာ အသိဥာဏ်သိပ်မမြင့်မားသေးတဲ့ ကျောက်ခေတ်သတ္တဝါတွေနဲ့ တူပါတယ်။ သူတို့ရဲ့ ဝိဥာဉ်ဟာ ဟန်းဖုန်းမျက်နှာပြင်ပေါ်မှာပဲ ပူးကပ်နေတတ်ပါတယ်။

မေး။        ။ သူတို့နဲ့ ဝင်တိုက်မိရင် နာကျင်(အနာတရဖြစ်) ပါသလား။
ဖြေ။        ။ မနာကျင်ပါ။ ခေါင်းနဲ့ ခန္ဓာကိုယ်နောက်ပိုင်းက မာကျောပြီး ခေါင်းနဲ့ ခန္ဓာကိုယ်ရှေ့ပိုင်းက ပိုနူးညံ့ပါတယ်။ ဒါကြောင့် နာခြင်းနာ သူတို့ပဲ နာပါတယ်။

မေး။        ။ အဲသလိုဝင်တိုက်မိရင် သူတို့ကို တောင်းပန်ပါသလား။
ဖြေ။        ။ Yes, but I don’t mean it. သူတို့ဟန်းဖုန်းကို ပြန်ကောက်ယူစဉ် မရယ်မိအောင်ပင် ထိန်းထားနိုင်ပါတယ်။

မေး။        ။ ကိုယ်တိုင်ရော အနာတရဖြစ်ဖူးပါသလား။
ဖြေ။        ။ ဖြစ်ဖူးပါတယ်။ တစ်ချို့ဆို ချောက်ကမ်းပါးပေါ်ကနေကျပြီး သေဆုံးပါတယ်။ အဲသလိုဖြစ်ပြီဆိုရင်တော့ အဲဒီနေ့ဟာ ပြဿဒါးနေ့လို့ ဆိုရမှာပါ။ တရုတ်ပြည်မှာလည်း လူတစ်ယောက် နောက်ပြန်လမ်းလျှောက်ရင်း ရေကန်ထဲကျပြီး နစ်မြှပ်သေဆုံးခဲ့ပါတယ်။ အဲဒီနောက် သူလည်း နောက်ပြန်လမ်းလျှောက်တဲ့အကျင့်ကို စွန့်လွှတ်လိုက်ပါတော့တယ်။

မေး။        ။ နောက်ပြန်လမ်းလျှောက်တာက နှေးနှေးပဲလျှောက်လို့ ရပါသလား။
ဖြေ။        ။ မနှေးပါ။ ယူကေက Garret Doherty ဆိုတဲ့လူဟာ (၇) မိနစ်အတွင်း တစ်မိုင်ရောက်အောင် နောက်ပြန်ပြေးနိုင်ခဲ့ပါတယ်။ တစ်ချို့ဆို အတည့်ပြေးတာတောင် (၇) မိနစ်အတွင်း တစ်မိုင်ရောက်အောင် မပြေးနိုင်ပါ။

မေး။        ။ နောက်ပြန်လမ်းလျှောက်ခြင်းရဲ့ အကောင်းဆုံးအချက်တွေကို ပြောပြပါ။
ဖြေ။        ။ တော်တော်လေးလျှောက်ပြီးရင် ကိုယ်ကလွဲလို့ ကျန်တဲ့လူတွေအားလုံးဟာ ပြောင်းပြန်လမ်းလျှောက်နေကြတာကို တွေ့ရပါတယ်။

မေး။        ။ မကောင်းတဲ့အချက်ရော မရှိဘူးလား။
ဖြေ။        ။ ရှိပါတယ်။ သုံးချက်ပါ။ တစ်- အူကြောင်ကြောင်နိုင်ပါတယ်။ နှစ်- “You are going the wrong way” လို့ လူတွေက ထပ်တလဲလဲ ပြောကြပါတယ်။ သုံး- ကောင်လေး (သို့) ကောင်မလေးချောချောတွေ့ရင် နောက်ယောင်ခံလိုက်လို့ မရတော့ပါ။

မေး။        ။ အဲသလို နောက်ယောင်ခံမလိုက်ရဘူးဆိုရင် သူတို့ကို သတိရနေပါသလား။
ဖြေ။        ။ သတိရပါတယ်။ ဒါပေမယ့် ကျန်းမာရေးအတွက် ဒီလောက်တော့ အနစ်နာခံရပါတယ်။

မေး။        ။ အခုမှစပြီး နောက်ပြန်လမ်းလျှောက်တဲ့သူတွေကို ပြောချင်တဲ့စကားလေးများရှိရင် ပြောပေးပါ။
ဖြေ။        ။ လမ်းကို သေသေချာချာ ရွေးချယ်ပါ။ တိုင်တွေ၊ မီးတိုင်တွေ၊ စက်ရုံ၊ ဆေးရုံတွေမရှိတဲ့ နေရာမျိုးတွေကို ရွေးပြီးလျှောက်ပါ။ အထူးသဖြင့် မက္ကဆီကန်ပေါက်စလေးတွေကို ဂရုစိုက်ပါ။

    အောက်မှာဖော်ပြထားတဲ့ ဗွီဒီယိုကလစ်လေးကို ကြည့်ပေးပါ။ အဲသလို မကြာမကြာလုပ်ပေးဖို့လည်း အကြံပြုလိုက်ပါတယ်။



By Mr Jam



 ဇင်ဝေသော်