ကွန်စစ်စတင့် ဖြစ်သူများ (New Addition)

မေး ။ ။ တော်လှန်ရေးသမား စစ်စစ်တွေဟာ ဘယ်လိုလူတွေပါလဲ။

ဖြေ ။ ။ ရုရှား စာရေးဆရာကြီး တစ်ယောက် ပြောဖူးပါတယ်။ တော် လှန်ေ ရးသမား စစ်စစ်တွေဟာ ပထမ နိုင်ငံခြားသားတွေကို တော်လှန်ပါ တယ် ။ တော်လှန်ဖို့ နိုင်ငံခြားသားတွေ မရှိတော့ဘူးဆိုရင် အချင်းချင်း အုပ်စုခွဲပြီး ဆက်လက် တော်လှန်ကြပါတယ် တဲ့ ။ ကွန်စစ်စတင့် ဖြစ်လို့ ချီးကျူး စရာပါ။

မေး ။ ။ အနောက်က အမျိုးသားတွေ နဲ့ အာရှ အမျိုးသမီးတွေ အိမ်ထောင်ကျတာ များပြီး အနောက်က အမျိုးသမီးတွေ နဲ့ အာရှ အမျိုး သားတွေ အိမ်ထောင်ကျတာ တော်တော်နည်းပါတယ်။ ဘာကြောင့်လဲ လို့ မေးတဲ့ အခါမှာ အာရှ အမျိုးသမီးတွေက ရင့်ကျက်တယ်၊ ( Girl ) ဂါးလ် ကနေ (Lady ) လေဒီ ဖြစ်လာကြတယ်၊ အာရှ အမျိုးသားတွေကတော့ အသက်ကြီးလာပေမယ့် ( Man ) မဲန်း ဖြစ်မလာဘဲ ( Big boys ) ဘစ် ဘွိုင်းပဲ ဖြစ်နေကြလို့ လို့ ဆိုပါတယ်။ ဒါနဲ့ ပတ်သက်လို့ ဘာပြောချင်ပါသလဲ။

ဖြေ ။ ။ ဘာမှ မပြောချင်ပါဘူး။ အာရှ အမျိုးသားတွေက အာရှ အမျိုး သမီးတွေထက် ပိုပြီး ကွန်စစ်စတင့် ဖြစ်တယ်ဆိုတာ ကမ္ဘာကတောင် သိနေ မှပဲ။

မေး။ ။ ဘီရူးမာ (ဘူးရ်မား) လွန်ခဲ့တဲ့ အနှစ် ၃၀ တုံးက ငါတို့ လာစဉ် ကလည်း ဒီခြုံပုတ်က ဒီအတိုင်း၊ ဒီတောင်ကုန်းလေးကလည်း ဒီအတိုင်း၊ လူတွေကလည်း ဒီအတိုင်းပဲ၊ ဘာမှလည်း မပြောင်းပါလား။
ကွန်စစ်စတင့် ဖြစ်တယ်။

ဖြေ။ ။ မစ္စတာဂျပန်။ ခင်များ အဲသလို မပြောပါနဲ့။ ဟိုတုံးက စစ်အာဏာ ရှင်လက်ထက်မို့ တစ်ပါတီထဲကိုပဲ ဆဲလို့ရတယ်။ အခု ဒီမိုကရေစီရတော့ အနည်းဆုံး နှစ်ပါတီကို စိတ်ကြိုက်ထိုင်ဆဲလို့ရတယ်။ ဆင်ဆာမရှိတော့ဘူးဆိုတော့ ယဉ်ကျေးတဲ့ စကားလုံး ဘာညာတွေအတွက် လည်း ခေါင်းရှုပ်ခံ စဉ်းစားနေစရာမလိုတော့ဘူး။ လွတ်လပ်စွာ ဆဲရေးဆိုခွင့် ပါ အပြည့်ရနေပြီ။
ဟုတ်ပါတယ်။ ကွန်စစ်စတင့်တော့ ဖြစ်တယ်။ ဒါလည်း ဂုဏ်ယူစရာပဲ မဟုတ် လား။

ကြားဖူးတဲ့ ပုံပြင်နှစ်ပုဒ်

(၁)
ကံကောင်းတဲ့လူဆိုတာ ရေထဲတွန်းချလိုက်ရင်တောင် ငါးကို ကိုက်ပြီးပြန် တက်လာတယ်။ (အမည်မသိ)

(၂)
ကံဆိုးတဲ့လူ (ကျနော်) သုဿာန်ကန်ထရိုက်ဆွဲလိုက်ရင် လူတွေမသေ ကြတော့ဘူး။(အမည်ရှိ၊မမှတ်မိ)

ဒီပုံပြင်နှစ်ပုဒ်ရဲ့ မော်ရယ်: ကံကောင်းသူကို သုဿာန်ကန်ထရိုက်မဆွဲစေနဲ့။

ကဆုန် ဝါဆို

ကဆုန်လပြည့် (Wesak Day) ရောက်တိုင်း မေးတတ်ကြ သည့် မေးခွန်း က မြန်မာပြည်မှာလည်း ဒီလိုပဲ ကြီးကြီးကျယ်ကျယ် ကျင်းပကြသလား ဆို သည့် မေးခွန်းဖြစ်သည်။
"Yes." ဟုဆိုက အလွယ်တကူ ပြီးနိုင်သော်လည်း အဖြေက အနည်းငယ် လိုနေသလိုပင်။ ကမ္ဘာ့ဗုဒ္ဓဘာသာများကြား၌ ဤနေ့ (ကဆုန်လပြည့်) က အထူးခြားဆုံး အကြီးကျယ်ဆုံးဖြစ်ပြီး ဝါဆိုလပြည့်က တကယ့်ကို သာမန် သာဖြစ်သည်။ မြန်မာပြည်မှာ ကဆုန်လပြည့်နှင့် ဝါဆိုလပြည့်က သူမသာ ကိုယ်မသာဖြစ်သည်။ မင်းကွန်းဆရာတော်ကြီး ဩဝါဒ မချွေခင်က ဝါဆို လပြည့်ကပင် ပို၍စည်ကားသယောင် ထင်မိသည်။
(ညောင်ရေ သွန်းရင်း ယေဓမ္မာ ဟေတုပ္ပဘာဝါ စသော ဥဒါန်း ဂါထာတော် များ၊ ပဋိစ္စသမုပ္ပါဒ် အနု၊ ပဋိလုံများ ရွတ်ဖတ်ကြလျှင် ပို၍ အကျိုးများဖွယ် ရှိသည်၊ ညောင်ရေ သွန်းခြင်းက မြန်မာ့ယဉ်ကျေးမှု သက်သက်သာဖြစ်၍ အဖျားကျပြီး ဥဒါန်းဂါထာတော်များက ဗုဒ္ဓနှင့် တိုက်ရိုက်ဆက်စပ်သဖြင့် အရင်းကျသည်)

ထိုအခါ ကဆုန်လပြည့်နှင့် ဝါဆိုလပြည့်ကို ဘာကြောင့် တန်းတူထားရတာ လဲ (စည်ကားစွာ ကျင်းပတာချင်း တူရတာလဲ) ဟူသော မေးခွန်းလည်း တက်လာတတ်သည်။
ကိုယ့် ဉာဏ်မီသလောက်ကြည့်မိတော့ ယဉ်ကျေးမှုကို အဓိက တွေ့ရသည်။ ရဟန်းတော်အရေအတွက် အခြားနိုင်ငံတွေထက် ပိုများနေခြင်းကြောင့် အရှင်တို့ ဝါဆိုရာနေ့၌ တစ်နွယ်ငင် တစ်စဉ်ပါ ဝါဆိုလပြည်မှာ ကျောင်းကန် ဘုရားတွေမှာ စည်ကားတာ ဖြစ်တန်ရာ၏ ယူဆမိသည်။

ထိုအခါ ဓမ္မစကြာတရားဟောတာ၊ ဝါဆိုဝါကပ်တာလည်း အရေးကြီးပါတယ်၊ ဒါပေသည့် ဘုရားအလောင်း ဖွားမြင်တာ၊ ပရိနိဗ္မာန်စံဝင်တာ၊ အထူးသဖြင့် ဘုရားအဖြစ်ရောက်ရှိတာလောက်တော့ အရေးမကြီး ဆိုသည့် မေးခွန်းလည်း ရှိလာတတ်ပြန်သည်။

ဤမေးခွန်းကိုတော့ ခေတ်စကားနဲ့ပဲ ရယ်စရာလို ဖြေမိသည်။ ကဆုန်လပြည့်မှာ ဘုရားဖြစ်တာပဲ ရှိသေးသည်၊ သတ္တလောက အတွက် ဘာမှ မလုပ်ရသေး၊ ရာထူး ခန့်အပ်၊ လက်ခံ သည့်သဘောသာရှိသည် ။ အော်ဖစ် ရှယ်လီ တကယ် အလုပ်စတာကတော့ ဝါဆိုလပြည့်နေ့မှသာဖြစ် သည်။ ဒါကြောင့် မြန်မာ့ ယဉ်ကျေးမှုမှာတော့ ဒီနှစ်ရက်ဟာ တန်းတူ အရေး ကြီးကြသည်ဟု ရယ်စရာလိုလို ဆိုမိသည်။
နောင်နှစ် ကဆုန်လတွေ ရောက်လျင်လည်း အခြား အခြား ပုဂ္ဂိုလ်တွေ က မေးကြဦးမှာ သေချာပါသည်။ သင်ကော ဘယ်လိုထင်ပါသလဲ။
အကြံဉာဏ်ကောင်းများ ရလျှင် လိုချင်ပါသည်။ ကျေးဇူးလည်း တင်ပါသည်။

နည်းပညာ အကြံပေး အရာရှိ ရှင့်

ကျမလေ မနှစ်ကပဲ Boyfriend 0.5 ပရိုဂရမ်ကို အပ်ပ်ဒိတ်လုပ်တဲ့ အနေနဲ့ Husband 1.0 ကို ပြောင်းလိုက်ပါတယ်။
အပ်ပ်ဒိတ်လုပ်လိုက်တဲ့ အချိန်က စပြီး ပြဿနာ စ တက်တော့တာပါပဲ။ အထူးသဖြင့် Romance 9.5 ဆိုရင် အလုပ် မလုပ်တော့သလောက်ပဲ။
Personal Attention 6.5 ဆိုရင် အခြား ပရိုဂရမ်တွေနဲ့ ရောထွေးနေပြီး ဘာမှ ချောချောမွေ့မွေ့ မရှိတော့ပါဘူး။
သူ့အစား ဝင်လာတဲ့ ပရိုဂရမ်တွေကက NFL. EPL. CL စတာတွေ ဖြစ်နေ ပါတယ်။
နောက်ပြီး Boyfriend 0.5 တုန်းက မရှိခဲ့တဲ့ ပြဿနာတွေ စိတ်ပျက်ေ လာက်အောင် ကြုံတွေ့နေရပါတယ်။
Flowers နဲ့ Jewellery ပရိုဂရမ်တွေ အလိုလို ပျောက်သွားပါတယ်။ အရင်က ကောင်းခဲ့တဲ့ Conservation 8.0 ဆိုလည်း မရန်း တော့ဘူး။
ကျမ အင်စတောလုပ်ထားပေမဲ့ Housecleaning 2.6 က အက်တီဗိတ် မဖြစ်ဘူး။
အကူအညီဖြစ်မလားဆိုပြီး Nagging 5.3 ကို ထပ်တလဲလဲ အင်စတောပေမဲ့ အလုပ်မဖြစ်ပါဘူးရှင်။
ကျမ ဘာဆက်လုပ်ရမလဲဆိုတာ ကျေးဇူးပြု လမ်းညွှန်ပေးပါလား ရှင့်။

*************
သောကသည် ဇနီး

သောကသည် ဇနီး ခင်ဗျား

ဒါတွေက ဖြစ်တတ်တဲ့ နည်းပညာရပ်ဆိုင်ရာပြဿနာတွေဆိုတာတော့ အမှတ်ရပေးပါ။ Boyfriend 0.5 က အင်တာတိန်းနင်း ပရိုဂရမ်ဖြစ်ပြီး Husband 1.0 က အော်ပရိတ်တင်း စစ်စတန်ပါ။ ကွန်ဂရက်ကျူလေးရှင်းလို့ ပြောပါရစေ။

တကယ်တော့ Husband 1.0 က အကောင်းစား ပရိုဂရမ်တစ်ခုပါ။ အရင်ဆုံး ကွန်မင့် C:/ ကို ရိုက်ပြီး ITHOUGHTYOULOVEME လို့ ရိုက်ထည့်လိုက်ပါ။ ဒါပြီးရင် Tears 6 နဲ့ Guilt 3.0 ပရိုဂရမ်နှစ်ခု အော် တိုမက်တစ် အင်စတော လုပ်လာပါလိမ့်မယ်။ ဒီနှစ်ခု အင်စတောပြီးရင် အမကြုံတွေ့နေရတဲ့ Jewellery 2.0 နဲ့ Flowers 3.5 ပရိုဂရမ်နှစ်ခုလည်း အဆင်ပြေသွားပါပြီ။
ဒါနဲ့ပတ်သက်လို့ သတိပေးချင်တာကတော့ Jewellery 2.0 ကို အိုဗာဖြစ်အောင် မရန်း မိပါစေနဲ့။ ဒါက Husband 1.0 ကို အကြီးအကျယ်ပင်ပမ်းစေပြီး Grumpy Silence 6.1 ဖြစ်သွားနိုင်ပါတယ်။ ဒါဆို ဆီးရီးယပ်စ် ဖြစ်သွားပါပြီ။


ဒီ Husband 1.0 အတွက် အထောက်အကူဖြစ်စေတာတွေကတော့ Happy Hour 7.0 ပရိုဂရမ်နဲ့ Beer 6.1 ပရိုဂရမ် တို့ပဲ ဖြစ်ပါတယ်။ ဒါပေမဲ့ Beer 6.1 ရန်းတာ များပြန်ရင် Snoring Loudly 10.8 ဖြစ်ပြီး မလိုလားအပ်တဲ့ အသံတွေ ထွက်လာနိုင်ပြန်ပါတယ်။
Ho Lu Gyi 0.11 ရယ် Eing Ga Lugyi 2.2. ရယ် Thay Nar Gyi 3.1 ရယ် စတဲ့ အလကားရတဲ့ ပရိုဂရမ်တွေ သူ့ဘာသာဝင်လာရင် ချက်ချင်း Uninstall လုပ်ပစ်ပါ။
အရေးတကြီးသတိပေးချင်တာကတော့ Husband 1.0 ကောင်းကောင်း မရန်းလို့ဆိုပြီး Mother-in-law 1.0 ကို အင်စတောတာ မလုပ်လိုက်မိ ပါစေနဲ့။
ဒီထက်ပိုဆိုးတာက New Boyfriend Program 0.6 ပါ။ လုံးဝရှောင်ပါ။
တစ်ခုသတိထားရမှာက Boyfriend 0.5 ပရိုဂရမ်ကနေ Husband 1.0 ကို ပြောင်းလိုက်ရင် မှတ်နိုင်တဲ့ မီမိုရီအား အလိုအလို အများကြီး ကျသွားတတ်ပါတယ်။
အမအနေနဲ့ Sweet and Short Conversation 8.5 ရယ် Make-Up 8.6 ရယ် Self-cooked Food 8.7 ရယ်ကို ထပ်ပြီး အင်စတောထားနိုင်မယ်ဆိုရင် Husband 1.0 ရဲ့ ရန်းအား အများကြီး တိုးတက်လာပါလိမ့်မယ်။
အားလုံး အဆင်ပြေ ချောမွေ့ပါစေ



******************
နည်းပညာ အကြံပေး အရာရှိ
(Ref: The World Joke Book)

**ကျောင်းနောက်ကျနေတဲ့ လွယ်အိတ်များ**

ဝင်း ဝင်း စီကျူယေးရှင်းဆိုတာ
လူတိုင်းကို 'ဟိုင်း၊ ဟယ်လို' မလုပ်တတ်ဘူး။

နံနက်ခင်းလေပြေဦးနဲ့ ခရီးထွက်ဖို့
တစ်ညလုံး ထုပ်ပိုးနေတဲ့ ရနံ့တွေ
ကြယ် လ သဘင်ကိုတောင် ရင်မခုန်နိုင်ခဲ့ဘူး
မြို့ဦး တုန်းမောင်းမထိုးခင် အရောက်သွားဖို့ တဲ့။

ကဲ ဘယ်လိုလဲ
မိုင်တစ်ထောင် ခရီးရှည်ဟာ
ကျွံနေတဲ့ ဖဝါး စကြွရာက စတယ်။

နောက်တစ်ကြိမ် နင့်အလှည့်

ကျမမေမေက မွေးချင်းများတော့ ကျမမှာ အဒေါ်တွေအများကြီးရှိတယ်။
မင်္ဂလာဆောင် ဖိတ်လို့ သူတို့နဲ့များ အတူတူသွားရရင် ကျမလက်မောင်းကို လှုပ်လှုပ်ပြီး နောက်တစ်ကြိမ် နင့်အလှည့်လို့ အမြဲပဲ ပြောတတ်ကြတယ်။

သဘော မတွေ့လှပေမဲ့ အဒေါ်တွေဆိုတော့ အပြုံးလေးနဲ့ပဲ တုန့်ပြန်ရ တာပေါ့။ ကျမအသက်က ၂၇ နှစ်ပဲ ရှိပါသေးတယ်။

ဒါနဲ့ ဈာပနပွဲတွေ သွားရတဲ့ အခါတွေမှာ ဘာမှမပြောဘဲ သူတို့ လက်မောင်းတွေကို အပြုံးနဲ့ လှုပ်လှုပ်ပေးလိုက်တယ်။

အဲဒီနောက် ကျမကို ဘာမှ မပြောကြတော့ဘူး။

(အပျိုကြီး များသို့မေတ္တာလက်ဆောင်)

Dirty job

အင်္ဂလိပ်စာမှာ Dirty ဆိုတဲ့စကားလုံးနဲ့ ပတ်သက်လို့ ကောင်းတဲ့ အဓိပ္ပါယ် ထွက်တာ တော်တော်နည်းပါတယ်။ Dirty hand၊ Dirty money စ သဖြင့်ပေါ့။ ဒါပေမဲ့ ထူးထူးခြားခြား Dirty job ဆိုတာကတော့ ချစ်စရာ ၊ လေးစားစရာ အဓိပ္ပါယ်ရှိနေတယ်။ သူများတကာ မလုပ်ချင်တဲ့ အလုပ်တွေ ကို Dirty job လို့ခေါ်တယ်။ ဒါတွေကို မဖြစ်လို့ အနစ်နာခံပြီး လုပ်နေရ သူေ တွကို Dirty job လုပ်နေရသူတွေလို့ ခေါ်ပါတယ်။ အဖွဲ့အစည်း တစ်ခုခုမှာဆို လူမကြိုက်တဲ့ သတင်း ထုတ်ပြန်ပေးရတာ၊ တစ်ယောက်ယောက်ကို အလုပ်ဖြုတ်ရတာ စတာတွေဟာ အများအားဖြင့် မျက်နှာပူစရာ၊ သိက္ခာကျ စရာတွေ ရှိတတ်တော့ လူတိုင်း လက်ရှောင်လိုကြပါတယ်။ မဖြစ်မှသာ လုပ်ကြရတာမျိုးတွေပါ၊ ဖြစ်နိုင်ရင် တစ်ယောက်ယောက်ကို လွှဲပေးလိုက် တတ်ကြတာပါ။

ဘောလုံးအားကစားမှာလည်း အဲသလို Dirty job လုပ်ရသူတွေရှိတယ်။ သူတို့က အလယ်တန်း ခံစစ်သမားတွေ ဖြစ်နေတတ်တယ်။ လွန်ခဲ့တဲ့ ၁၀ နှစ်ဝန်းကျင်ကဆို ချယ်ဆီးက မိုက်ကယ် လီလီ၊ အာဆင်နယ်က ပက်ထရစ် ဗီယာရာ၊ မန်ယူက ရှိုင်ကိန်းတို့ဟာ စံပြတွေပါပဲ။ ရော်နယ်ဒိုတို့ ဆံပင်ပုံစံ မပျက်ခင် ရှိုင်ကိန်းရဲ့ ဘောင်းဘီ၊ အင်္ကျီတွေကတော့ ရွှံ့တွေ နဲ့ ပေပွနေတတ်တယ်။ အသင်းအတွက် အနစ်နာခံပြီး ဖျက်နေရတော့ အဝါတွေ၊ အနီတွေ ထိတာကလည်း မကြာခဏပဲပေါ့။ တကယ်တမ်း နာမည်တွေကို ယူသွားတာက ရော်နယ်ဒိုတို့လို ဂိုးသွင်းသူတွေဖြစ်နေ တတ်တယ်။ ဒါပေမဲ့ အသင်းရဲ့ ကျောရိုးကိုသိတဲ့ နည်းပြတွေကတော့ တိုက်စစ်မှူးကို ရောင်းချင်ရောင်းမယ်၊ ကျောရိုးကြီးတွေကို ရောင်းဖို့ ပို လက်တွန့်တတ်ကြတယ်။

မှတ်မိသေးတယ်။ ဘောလုံးလွတ်ထွက်သွားတာက ရော်နယ်ဒိုခြေထောက်ထဲက၊ ရော်နယ်ဒိုက ဒါကို လိုက်ဆယ်ကြည့်တယ်၊ မမီဘူးဆိုတော့ ခါး လက်ထောက်ပြီး ရပ်ကြည့်နေလိုက်တော့တယ်။ သူ့ကြောင့် ပျက်တဲ့ဘောလုံးကို အနာခံပြီး လိုက်ဆယ်ရတာက ရှိုင်ကိန်းတို့ပေါ့။ ဒါက သူ့တာဝန်လို ဖြစ်နေတာကိုး။

အဲသလိုပါပဲ။ ကျနော်တို့ ဘဝတွေထဲမှာလည်း တချို့လူတွေကြောင့် ပျက် သွားတဲ့ ဘောလုံးကို တချို့လူတွေက အနာခံပြီး လိုက်ဆယ်ရတာတွေ ရှိတယ်။ သူတို့ မှာ အဝါ အနီ အဆို အဆဲတွေလည်း ထိတတ်တယ်။ ဖြစ်နိုင်ရင်တော့ လူတိုင်းဟာ ရော်နယ်ဒိုလို ဆံပင်ပုံစံ မပျက် ကြွကြွလေး ကစားချင်တာပေါ့။ ဒါပေမဲ့ ရော်နယ်ဒို ၁၁ ယောက်နဲ့ ဘောလုံးအသင်း တည်ဆောက်လို့မှ မရတာပဲ။
Dirty job လုပ်နေရသူတွေဟာ အသင်း (အဖွဲ့အစည်း) အတွက် ဖြူစင် စွန့်လွှတ်ရဲသူတွေဖြစ်ကြပါတယ်။ နှလုံးသားသေးရင် လုပ်လို့မရဘူး။

တိုက်တိုက်ဆိုင်ဆိုင် ကိုတိုးကြီးရဲ့ ခွန်အားဖြည့် မိငယ် သီချင်း အလိုလို ပါးစပ်ထဲရောက်လာတယ်
"အများအကျိုးအတွက် တာဝန်ထမ်းရွက်တဲ့အခါ တကယ် ကိုယ်ကျိုး စွန့်နိုင်မှ"

ဘုရား ပန်းအိုး ရေ

မြန်မာများ ဘုရားပန်းတင်သော ပန်းအိုးနှင့် တရုတ်များ ဘုရားပန်းတင်သော ပန်းအိုးများကို လေ့လာကြည့်ရာ မြန်မာတို့က ပန်းအိုးထဲကို ရေပြည့်လုခမန်း ထည့်တတ့်ပြီး တရုတ်တို့က ရေကို လက်နှစ်လုံးစာလောက်သာ ထည့်ထား တတ်ကြသည်။
တစ်ရက် နှစ်ရက်ခန့်ကြာလောအခါ ဘုရားပန်းအိုး ရေကိုလဲကြသည်။ ရေ လဲ သည့်အခါ တရုတ်တို့က ရေကြောင့် ဆွေးရိနေသော ပန်းရိုးတို့ကို ဖြတ်ပစ်ပြီး ထိုပန်း လန်းသေးလျှင် ပြန်တင်ကြသည်။ သို့သော် မြန်မာတို့တင်သော ပန်း အိုးတို့ကိုကား ထိုနည်းအတိုင်း ကျင့်သုံးဖို့ အခက်ကြုံတတ်သည်။ အကြောင်း က ရေအပြည့်ထည့်လိုက်သဖြင့် ပန်း အရိုးအားလုံး ရေကြောင့် ဆွေးရိနေ ပြီး ဖြစ်နေတတ်သောကြောင့်ပင်။


အဘယ့်ကြောင့် ဘုရား ပန်းအိုး ရေများ ပုတ်စော်နံရသနည်း ဆိုလျှင် လည်း ရေကြောင့် မဟုတ် ပန်းရိုးကြောင့်သာ ဖြစ်နိုင်သည်။
ဤသည်မှာ လေ့လာမှတ်သားမိသည့် ကျောင်းတွင်း ဒိုင်ယာရီမျှသာ ဖြစ် သည်။

တရုတ် (သို့) ဘာတွေပျက်ပျက် ကြေးနီထွက်ရင် တူးသူ

အာဖဂန်နစ္စတန်ဆိုတာ ဘီစိ(၁) ရာစုကအစပျိုးခဲ့ပြီး အေဒီ (၁၀ ) ရာ စုလောက်အထိ ဗုဒ္ဓဘာသာစည်ပင်ထွန်းကားခဲ့တယ်လို့ ယူဆလို့ ရတဲ့ နေ ရာပါ။ ရှေးဟောင်း ယဉ်ကျေးမှု၊ ကုန်သွယ်မှုတွေ ရှိခဲ့တာကိုလည်း "the Silk Road" သမိုင်းက သက်သေခံနေတယ်။
တရုတ်နဲ့ ဆက်စပ်လို့ အငြင်းပွားဖွယ်ရာ (သို့) မြန်မာပြည်က လက်ပံေ တာင်းအပြီး ကံဆိုးရရှာတာကတော့ အာဖဂန်နစ္စတန်က မီးအီနက် (Mes Aynak) ရှေးဟောင်းဗုဒ္ဓမြို့တော်ကြီး (Ancient Buddhist city on the route of the Silk Road in Afghanistan) ပဲ ဖြစ်ပါတယ်။


ဘီစိ(၁) ရာစုကနေ အေဒီ (၁၀ ) ရာစုလောက်ထိစည်ပင်ထွန်းကားခဲ့တဲ့ မီးအီနက် ရှေးဟောင်းဗုဒ္ဓမြို့တော်ကြီးရာကြီးရဲ့အောက်မှာ ပမာဏ ကြီးမား လှတဲ့ ကြေးနီသိုက်ကြီးကို ရှာဖွေတွေ့ရှိထားပါတယ်။ ဒီ ကြေးနီသိုက်ကြီးကို တူးဖော်လိုက်ရင် ရရှိလာမဲ့အကျိုးအမြတ်က လက်ရှိ အာဖဂန်တနိုင်ငံလုံး လည်ပတ်နေတဲ့ ဘတ်ဂျက်ငွေပမာဏရဲ့ ငါးဆဖြစ်ပါတယ် တဲ့။ ကမ္ဘာ့ဘဏ်နဲ့ အမေရိကန်-တရုတ်တို့က ပဏာမလေ့လာတိုင်းတာမှု လုပ် ငန်းတွေအတွက် လိုအပ်ငွေဒေါ်လာ (၁ )ဘီလျံကိုထုတ်ချေးလိုက်ကြပြီး တရုတ်က တူးဖော်ရေးကန်ထရိုက်ရလိုက်ပါတယ်။

အခြားနိုင်ငံတကာ မိုင်းကုမ္ပဏီတွေက ရှေးဟောင်းမြို့တော်ကြီးကိုဖြိုဖျက်မှ ရမည့်အချက်ကို ထည့်သွင်းစဉ်းစားနေရလို့ မဝံ့မရဲ ဖြစ်နေကြချိန်မှာတရုတ် ကတော့ (ဘာဖြစ်ဖြစ် သဘောနဲ့) လက်ရဲဇက်ရဲကန်ထရိုက်ဝင်ဆွဲသွားတာ ပါ။ အခုတော့ တရုတ်ရဲ့ကြးနီးတူးဖော်ရေးလုပ်ငန်ဟာ မြန်မာပြည်က လက်ပံတောင်းအရေးလို နိုင်ငံတကာ ရှေးဟောင်းသုတေသန ပညာရှင်တွေ အများကြီးစိုးရိမ်သောကရောက်ရတဲ့ အရေးကိစ္စတခုဖြစ်နေပါတယ်။

သမိုင်း၊ ပထဝီနိုင်ငံရေး၊ ရှေးဟောင်သုနေသန နဲ့ သဘာဝ ဝန်းကျင်ကို လေး စားသူတွေ အမြင်မှာတော့ တရုတ်ဟာ ကြေးနီသာရရင် အဘနှဖူးလည်း သိုက် တူးမယ့်သဘော ဖြစ်နေပါတော့တယ်။

မူရင်း: William Dalrymple The Guardian, Friday 31 May 2013 22.00 BST
Link : click here

အမျိုးသားဖြစ်ရခြင်းရဲ့ အားသာချက် (၁၀) ချက်

၁။ တရားဝင် ဘုရားဆုပန်ခွင့်ရှိတယ်။
၂ စက်ပြင်၊ ကားပြင်ဆရာက သင့်ကိုပဲ အမှန်ပြောတယ်။
၃။ မေးမွှေး၊ မုတ်ဆိတ်မွှေး မရိပ်ဘဲထားလည်း ဘာမှမဖြစ်။
၎။ ဧည့်ခံပွဲ တစ်ပွဲပွဲကိုတက်ရောက်ဖို့ မိတ်ဆွေတစ်ယောက်ယောက်က သင့်ကို ဖိတ်ဖို့ မေ့နေခဲ့တယ်ဆိုရင်တောင် သူနဲ့ (သူမနဲ့) သင် မိတ်ဆွေ ဆက်ဖြစ်ခွင့်ရှိတယ်။ ( ဒါကတော့ ဟဲဟဲ)
၅။ ကမ္ဘာမှာ သေးပေါက်စရာ နေရာတွေ ပိုများတယ်။
၆။ လုပ်ရတဲ့အလုပ်က အတူတူ လစာပိုရတတ်တယ်။
၇။ အဝတ်အစားနဲ့ပတ်သက်လို့ အရောင် ငါးမျိုးသိရင် လုံလောက်တယ်။
၇။ အသိအိမ် အလည်သွားလို့ လက်ဆောင်မပါလည်း လူတွေက ခွင့်လွှတ် တယ်။
၈။ ပါးရေ နားရေတွန့်တာကရင့်ကျက်မှုကို ဖြည့်ဆည်းတောင် ပေးသေးတယ်။
၉။ အသက်တူရင်တောင် အပျိုကြီးဖြစ်တာထက် လူပျိုကြီးဖြစ်တာက ၁၅ နှစ်နောက်ကျတယ်။
၁၀။ နည်းနည်းလေး ကြင်နာပြရင်တောင်( ဖြစ်ခဲလို့ ) အများကြီး ခရက်ဒစ် ပိုရတယ်။

ကဲ ဒါပါပဲ။ ကျန်သေးရင် ဖြည့်လို့ရ။ ဂွတ် ဝိကင့်စ်။