A rose for Suu Kyi
By Karel Schwarzenberg.
ခံစားပြန်ဆိုသူ - ဇင်ဝေသော်
By Karel Schwarzenberg.
ခံစားပြန်ဆိုသူ - ဇင်ဝေသော်
ကွယ်လွန်လေသူ မစ္စတာ ဗားကလပ်ဗ် ဟာဘယ် (Vaclav Havel) ရဲ့ချက်နိုင်ငံ ဒီမိုကရေစီ အကူး အပြောင်း အခက်အခဲ သင်္ခန်းစာတွေကိုဟာ မြန်မာ နိုင်ငံရဲ့ ဒီမိုကရေစီ အကူး အပြောင်းမှာ အစစ်အမှန် တန်ဖိုးတွေ ပေးထားနိုင်ပါလိမ့်မယ်။ ချက် သမ္မတဟောင်းဟာ မြန်မာ နိုင်ငံရဲ့ ဒီမိုကရေစီ အကူး အပြောင်းကာလ အမြန်ဆုံး ရောက်ရှိလာဖို့ စိတ်အားသန်သန် စောင့်စားနေမိကြောင်း နဲ့ ဖြစ်နိုင်မယ်ဆိုရင် နိုဘယ်ဆုရှင် ဒေါ်အောင်ဆန်းစုကြည်ကို နှင်းဆီတစ်ပွင့် လူချင်းတွေ့ပြီး ပေးလိုက်လိုကြောင်း ဝါရှင်တန် ပို့စ်မှာဒီလို ရေးခဲ့ဖူးတယ်။
"I wish for her that those changes will happen as soon as possible, and that my silly idea -to hand her a rose -becomes a simple and easy thing to do."
"အပြောင်းအလဲတွေ အမြန်ဆုံးဖြစ်လာဖို့ ဆုတောင်းပေးပါတယ်၊ ဒါ အပြင် ကျနော့်ရဲ့ ခပ်ကြောင်ကြောင် အိပ်မက်ကတော့ သူမကို နှင်းဆီတစ်ပွင့် လက်ဆောင် ပေးချင်တာပါ"
လို့ သူရေးခဲ့တယ်။
မြန်မာပြည်အထိ ခရီးသွားဖို့ သူ့ ကျန်းမာရေးက ခွင့်မပြုခဲ့ဘူး။ ဒါပေမယ့် သူမ လွတ်မြောက်လာတဲ့ ၂၀၁၀ ခု မှာတော့ သူတို့ချင်း ဖုန်း အဆက်အသွယ်တွေ ရှိခဲ့ကြပါတယ်။ မြန်မာနိုင်ငံရဲ့ ဒီမိုကရေစီ နဲ့ လူ့ အခွင့်အရေး အတွက် တစိုက်မတ်မတ် အားပေးခဲ့တဲ့ မစ္စတာ ဗားကလပ်ဗ်ကို ကျေးဇူး အများကြီးတင်ကြောင်း ဒ်ါအောင်ဆန်းစုကြည်က ပြောခဲ့ပါတယ်။
သူ သေဆုံးတော့ သူ့ဈာပန က နှင်းဆီတွေကို သူ့မိတ်ဆွေတွေက စုစည်းပြီး ပညာရှင်တွေရဲ့ အကူအညီနဲ့ နှင်းဆီတွေ ကြာရှည်ခံအောင် စီမံခဲ့ကြတယ်၊ အဲဒါ သွားလေသူရဲ့ ဆန္ဒကို ဖြည့်ဆည်းပေးဖို့ပါ။
မြန်မာနိုင်ငံရဲ့ လတ်တလော ပြောင်းလဲမှုတွေကြောင့် နေပြည်တော်ကို ကျနော်ရောက်ခဲ့တယ်။ သမ္မတ ဦးသိန်းစိန် နဲ့ သူ့ ထိပ်တန်း အရာရှိတွေကို တွေ့ခဲ့တယ်။ သူတို့ အစီအစဉ်တွေကို ပြောပြကြတယ်။ သူတို့ ပွင့်လင်း ရိုးသားမှုကို တကယ် အံ့ဩမိပါတယ်။
ဒီ အပြောင်းအလဲတွေအတွက်ချက်နိုင်ငံရဲ့ ပြောင်းလဲလာပုံကိုလည်း သူတို့ စိတ်ဝင်စားကြတယ်။ မြန်မာအစိုးရဟာ လူးမျိုးစု လက်နက်ကိုင် တော်တော် များများနဲ့ ငြိမ်းခြမ်းရေး ယူခဲ့တယ်။ နှစ် ၆၀ ကြာ ကရင် လက်နက်ကိုင်အဖွဲ့နဲ့ ပဋိပက္ခကို ဖြေရှင်းဖို့ ခြေလှမ်းပြင်နေတယ်။ ကချင်တွေနဲ့ မပြေလည်သေးဘူး။ ရခိုင်ပြည်နယ်ကလည်း မငြိမ်းသေးဘူး။ ထောင်ထဲမှာလည်း နိုင်ငံရေး အကျဉ်းသားတွေ ကျန်ရှိနေဆဲပဲ။
သမ္မတ ဦးသိန်းစိန် နဲ့ သူ့ အစိုးရ က ပြောင်းလဲရေးကို စိတ်အားထက်သန်သလို ဒီလို ပြောင်းလဲမှုတွေလုပ်ဆောင်ရာမှာ အခက်အခဲတွေ အများကြီးဆိုတာ သဘောပေါက်ထားဖို့ လိုပါတယ်။ နှစ်ပေါင်း ၄၀ ပြည်နှင်ဒဏ်ခံခဲ့ရပြီး ကိုယ့်နိုင်ငံကို ပြန်ရောက်တော့ မြင်မိတဲ့ မွေးရပ်မြေရဲ့ ပုံသဏ္ဍာန်ကို ပြန်ပြောင်း သတိရမိတယ်။ အဆောက်အဦ တွေက အိုမြင်း၊ မြို့က ဖရိုဖရဲ၊ အက်စစ်မိုးတွေကြောင့် သစ်တောတွေတောင် စိမ်းစိမ်းစိုစို မရှိနိုင်ဘူး။
တစ်နိုင်ငံလုံး ကျနော် ပတ်ကြည့် ပြီးတဲ့နောက် ကျနော့် အစီရင်ခံစာကို သမ္မတဟောင်း ဗားကလပ်ဗ် ဟာဘယ်က တောင်းပါတယ်။ ပြီးတော့ "မင်းက နိုင်ငံနဲ့ အကြာကြီး ဝေးနေတာကိုး။ အဆောက်အဦတွေ ပိုင်ရှင်မှန်တွေပြန်ရအောင်လုပ်ပြီး ဒါတွေ ပုံမှန် ပြန်ဖြစ်အောင် လုပ်ရမယ်၊ ပါဝါ ပလန့် တွေ တည်ဆောက်၊ သစ်တောတွေကို ရှင်းလင်းပြီး အရင်လို စိမ်းစိုအောင် ပြန်လုပ်ရမယ်၊ မြို့တော်ကိုလည်း ပြန်လည် တည်ဆောက်ရမယ်။ ဒါပေမယ် ပျက်စီးသွားတဲ့ တို့ လူမျိုးတွေရဲ့ စိတ်ဓာတ်ကို ပြန်လည် တည်ဆောက်ရမယ့် တာဝန်က ဒါတွေထက် အချိန် အကြာကြီး ပိုလိုလိမ့်မယ်"
ဒီလိုပါပဲ။ လွတ်လပ်မှု၊ ဒီမိုကရေစီ၊ တရားဥပဒေ စိုးမိုးမှု စတဲ့ အယူအဆတွေကို အဝေးကွာဆုံး တောထဲက နောက်ဆုံးလက်နက်ကိုင် စစ်ဗိုလ်တစ်ယောက် လက်ခံလာဖို့ ဆိုတာအချိန်တွေ အများကြီး လိုပါတယ်။ ဒီ အကူးအပြောင်း ကာလမှာ လိုအပ်တဲ့ ပစ္စည်းပစ္စယတွေ ကျနော်တို့က အကူအညီ ပေးနိုင်ပါတယ်၊ ဒါပေမယ့် ကျနော်တုိ့ အတွေ့အကြုံတွေဟာ ငြိမ်းချမ်းစွာ ဒီမိုကရေစီ ကူးပြောင်းရေး အတွက် အကောင်းဆုံး အကူအညီတွေ ဖြစ်မှာပါ။
မြန်မာပြည် ရောက်ခိုက် လူမျိုးစု လက်နက်ကိုင် အဖွဲ့တွေ၊ လူမှုဝန်ထမ်းတွေ၊ အဖွဲ့ချုပ်ခေါင်းဆောင် ဒေါ်စုကြည် နဲ့ တွေ့ခဲ့ပါတယ်။ ဖန်ပုလင်းထဲမှာ ထည့်ထားတဲ့ နှင်းဆီလက်ဆောင် ဒေါ်စုကို ပေးခဲ့နိုင်လို့ သွားလေသူ သမ္မတကြီးရဲ့ ဆန္ဒကို ဖြည့်ဆည်း ပေးနိုင်ခဲ့ပါတယ်။ ဒီမိုကရေစီ ရဲ့ ချန်ပီယံကြီး နှစ်ယောက်ကြားမှာ ဆက်ဆံရေး တံတားလေး ဖြစ်ခွင့်ရတဲ့အတွက် ဂုဏ်ယူမိပါတယ်။ ပြီးတော့ ဒါဟာ ငြိမ်းချမ်းစွာ ဒီမိုကရေစီ ကူးပြောင်းနေတဲ့ မြန်မာပြည်အတွက် ချက် သမ္မတနိုင်ငံ တစ် နိုိင်ငံလုံးရဲ့ လက်ဆောင်ပါပဲ။
ကျနော်တို့ တွေ့ဆုံစဉ်မှာ မစ္စတာ ဟာဘယ်လ် ချမှတ်ထားခဲ့တဲ့ လမ်းစဉ်တွေကို လိုက်ကြဖို့၊
မစ္စတာ ဟာဘယ်လ် ရေးသားခဲ့တဲ့ စာအုပ်တွေ၊ နိုင်ငံရေး အကူးအေပြောင်း လက်စွဲ တွေ ရွးချယ်ပြီး ဘာသာပြန်ကြဖို့ နဲ့ မီဒီယာနဲ့ လူမှုရေး ခေါင်းဆောင်ပိုင်တွေကို စနစ်တကျ လေ့ကျင့်ပေးကြဖို့ ဒေါ်စုကြည်က အားပေးစကား ပြောခဲ့ပါတယ်။
"အာဏာရှင်တွေနဲ့ အမှန်တကယ် ရင်ဆိုင်ခဲ့ရတဲ့ အခြား နိုင်ငံတွေ အကြောင်း ဖတ်ရ လေ့လာရတာဟာ သိပ် သဘောကျစရာ ကောင်းပါတယ်။ သူတို့ တော်တော် များများဟာ အစိုးရနဲ့ တစ်သက်လုံး သဘောထား ကွဲလွဲခဲ့သူတွေပါ၊ သူတို့ အသိအားပြိုင်မှုက ဘယ်လို အစိုးရကိုမဆို ကွက်ရှင်ထုတ်ဖို့ အဆင်သင့်ဖြစ်နေကြတယ်လို့ ကျမ ထင်ပါတယ်"
လို့ ၁၉၉၈ ခုက သူမ ရေးခဲ့တဲ့ ချက်နိုင်ငံ နဲ့ ကျမတို့ ဆောင်းပါးထဲမှာ ရေးထားခဲ့ပါတယ်။ (Czechs and Us)
ကျနော်တို့ အတွေ့အကြုံ အရ မြန်မာရဲ့ ဒီမိုကရေစီ အကူးအပြောင်းဟာ ညှိနှိူင်းဆွေးနွေးမှုတွေ အများကြီး လိုတယ်ဆိုတာ သိရပါတယ်။ ဒီအတွက် စွန့်စားမှု နဲ့ အခွင့်အရေး၊ သည်းခံမှု နဲ့ အလျော့အတင်းရှိမှု၊ ဒါတွေ ညီမျှနေဖို့လိုပါတယ်။
ဒါကို ပြတ်ပြတ်သားသာ ဆုံးဖြတ်ရမှာကတော့ သူတို့ ကိုယ်တိုင်ပဲ ဖြစ်ပါတယ်။ အပြင် ကမ္ဘာကတော့ မြန်မာ့ ခေါင်းဆောင်ပိုင်းတွေကိုသာ လေ့လာ အကဲခတ်လို့ ရမှာပါ။ အပြည်ပြည်ဆိုင်ရာ အဖွဲ့အစည်းတွေ အနေနဲ့ အမှန်တကယ် ပြုပြင် ပြောင်လဲမှု ဖြစ်အောင် တစိုက် မတ်မတ် တွန်းအားပေးနေကြရမယ်၊ ဒီလိုမဟုတ်ရင် နှစ်ပေါင်းများစွာ သို့ ဆယ်စု နှစ်များစွာ သမိုင်း တစ်ပတ် ပြန်လည်သွားနိုင်ပါတယ်။
မြန်မာ နိုင်ငံဟာ စစ်မှန်တဲ့ အမျိုးသား စည်းလုံး ညီညွတ်ရေး တကယ် လိုအပ်နေပါတယ်။ ရင်းနှီးမြှပ်နှံမှုတွေလည်း အရေးတကြီး လိုအပ်နေပါတယ်။ ဒီ ရင်းနှီးမြှပ်နှံမှုတွေကလည်း သယံဇာတကို အမြတ်ထုတ်လိုမှု သက်သက်သာ မဟုတ်ဘဲ အနာဂတ် လူငယ်တွေ အတွက် အကျိုးရှိတာတွေ တောင်သူလယ်သမားတွေနဲ့ လူနည်းစု တိုင်းရင်းသားတွေရဲ့ အခွင့်အရေးကို လေးလေးစားစားနဲ့ လုပ်ဆောင်ကြတာတွေ ဖြစ်နေဖို့ လိုအပ်ပါတယ်။
လူထုကြီးရဲ့ အသက်မွေးဝမ်းကြောင်းမှု အဆင့်အတန်းကို မြှင့်တင်ပေးမယ့် အလုပ် အကိုင် အခွင့်အရေး ကို မပေးနိုင်တဲ့ ဘယ်လို ဒီမိုကရေစီ မှ ဆက်လက် ရှင်သန်နိုင်မှာ မဟုတ်ပါဘူး။
မြန်မာလူထုကြီးနဲ့ အတူ ကျနော်တို့ အားလုံးလည်း ကျနော်တို့ ယုံကြည်မှုတွေကို ဖွင့်ပြောပြနိုင်ကြပါတယ်။ ဒါကို ဒေါ်စု စကားကို ပြန်ကိုးကားရမယ်ဆိုရင်
"ပြောင်းလဲဖို့ အကြောင်း ပြောနေရုံနဲ့ အလုပ် မဖြစ်ဘူး၊ ပြောင်းလဲမှု တကယ် ဖြစ်နေစေရမယ်"
(To talk about change is not enough. Change must happen.")
(To talk about change is not enough. Change must happen.")
The Washington Post.
The writer is Deputy Prime Minister of the Czech Republic.
He was president of the International Helsinki Federation for Human Rights from 1984 to 1991 and was chief of staff to Mr Vaclav Havel from 1990 to 1992.
The writer is Deputy Prime Minister of the Czech Republic.
He was president of the International Helsinki Federation for Human Rights from 1984 to 1991 and was chief of staff to Mr Vaclav Havel from 1990 to 1992.
ဇင်ဝေသော်
