ရွက်ကြမ်းရေကျို အဘိုး မဟုတ် (၂ )


မေး ။ ။ အချစ်ဆိုတာ မစ္စတာလီ ယုံသလား။ မြင်မြင်ချင်း ချစ်မိတဲ့အချစ် ဆိုတာမျိုးပေါ့။

ဖြေ ။ ။ မြင်မြင်ချင်း ချစ်တယ်ဆိုတဲ့အချစ်ကို ငါ မယုံဘူး။ အဲ့ဒါ အကြီး အ ကျယ် အမှားလို့ ငါ ထင်တယ်။ မြင်မြင်ချင်း ချစ်တယ်ဆိုတာ ရုပ်ရည်ရူပကာနဲ့ ဖမ်းစားတာ ခံလိုက်ရတာ၊ နောက်ပိုင်း နောင်တ ရလိမ့်မယ်။

မေး ။ ။ သေချာရဲ့လား။

ဖြေ ။ ။ သေချာတယ်။ ငါ့ဇနီးဆိုရင် ငါ သူ့ကို သိလာတာ အကြာကြီးပဲ။ ရပ် ဖဲ(လ်) ကောလိပ်မှာ ငါနဲ့ အတူ ကျောင်းတက်နေတော့ သူ့ကို လုံးဝ စိတ် မ ဝင်စားခဲ့ဘူး။ သိပ်ငယ်သေးတော့ ငါ့ကျောင်းစာနဲ့ငါ ပိနေတာလည်း ဖြစ် မှာပေါ့။ ဒါပေမဲ့ တစ်နေ့တော့ သူက ငါ့ကို စိတ်ဝင်စားတယ်လို့ ပြောတယ်။ အဲ့ဒါ စစ်အတွင်းမှာ။ ငါက Yong Nyuk ကို တွေ့ဖို့ စက်ဘီးနဲ့ သူ့အိမ် အသွား မှာ သူ့ကို တွေ့ခဲ့တာ။ အချိန်လည်း နည်းနည်းရှိတာနဲ့ သူ့ကို ပြောမိတယ်။ ဒီကောင်မလေးက မဆိုးဘူးပဲလို့။

အဲ့ဒီနောက် မိတ်ဆွေတွေ ဖြစ်လာကြတာ။ တဖြည်းဖြည်းနဲ့ ပိုပိုပြီး ရင်းနှီး လာခဲ့ကြတယ်။ ဒီကိစ္စကို သေသေချာချာ ငါ စဉ်းစားတယ်။ မှန်ခဲ့တယ်လို့ ထင်တယ်။ အဲ့ဒီက စပြီး တစ်ယောက်အကြောင်း တစ်ယောက် နားလည်ဖို့ ကြိုးစားခဲ့ကြတာ။ အခုဆိုရင် ငါတို့ ဝါသနာကအစ အတူတူပဲ။

လူတွေ လက်ထပ်နှုန်း တိုးမြှင့်ဖို့ စည်းဝေးပွဲမှာ တော်တော် အတွေ့အကြုံများ တဲ့ အိန္ဒိယန်းရှေ့နေ တစ်ယောက်နဲ့ တွေ့တယ်။ သူ့နာမည်တော့ မေ့နေ တယ်ကွာ။ ဘွဲ့ရအမျိုးမျိုးတွေ အိမ်ထောင် မပြုကြတာနဲ့ ပတ်သက်လို့ ငါ မိန့် ခွန်းပြောခဲ့တယ်။ ၁၉၈၀ - ခုဆီကလို့ ထင်တာပဲ။ အဲ့ဒီရှေ့နေ ပြောတာ က တော်တော် မှတ်သားထိုက်တယ်။ အနောက်တိုင်းမှာ ကိုယ်ချစ်တဲ့ မိန်းမ ကို ယူတယ်ဆိုပြီး ခဏနေတော့ မချစ်တော့ဘူး။ အိန္ဒိယမှာတော့ ကိုယ် လက်ထပ်တဲ့ မိန်းမကို ကိုယ်ချစ်လိုက်ကြတာပဲ။ လက်မထပ်ခင်မှာ အဲ့ဒီ မိန်းကလေးက ဘယ်သူဆိုတာတောင် မသိကြဘူးတဲ့။ မဆိုးဘူးပဲကွ။

ဇယကုမာရ်ကလည်း သူလက်ထပ်ခဲ့တာလည်း အဲ့ဒီအတိုင်းပဲလို့ ပြောတယ်။ မိဘပေးစားလို့ ယူခဲ့ကြပေမဲ့ သူတို့ဘဝက ပျော်ပျော်ရွှင်ရွှင်ပဲ။ သူကရှေ့နေ၊ သူ့မိန်းမက ဒေါက်တာ။
သူတို့က ဂြိုလ်နင်းဂြိုလ်စီးကအစ မိသားစုနောက်ခံသမိုင်း၊ လူမှုရေးနောက် ခံသမိုင်း၊ ငွေကြေးကြွယ်ဝမှုတွေအထိ သေသေချာချာ လေ့လာကြတာ။ ဒီတော့ … အင်း … ရှေ့သွားနောက်လိုက် ညီတယ်ပေါ့ကွာ။ ဒီလို စီစဉ်တာ က “ဟာ … ဒီကောင်မလေးက ချောတယ်” ဆိုတာထက် ပိုကောင်းတယ်လို့ ထင်တယ်။ ( ဇယကုမာရ် - အကြီးတန်းဝန်ကြီးနဲ့ အမျိုးသားလုံခြုံရေး ပူးတွဲ ဝန်ကြီး)

ကောင်မလေးကတော့ အပျံစားပဲ။ သူ့ကိုပဲ လက်ထပ်မယ်ဆိုရင်တော့ မင်း နောက်တရမှာပဲ။ အလှအပဆိုတာ အရေပြားပေါ်မှာပဲ ရှိတယ်။ လက်ထပ်ပြီး တစ်နှစ်၊ နှစ်နှစ်လောက်လည်း ကြာရော “အိုး … ငါတော့ အကြီးအကျယ် မှားပြီ” ဆိုတာ ဖြစ်လာမှာပဲ (ရီလျှက်)။ ဟိုကောင်မလေးကလည်း အဲ့သလို တွေးမှာပဲ။
ဒါနဲ့ပဲ မင်းတို့ ဘဝတွေကလည်း ကိုယ့်လမ်းကိုယ်လျှောက် ဖြစ်ကရော။

မေး ။ ။ ကျွန်မ ကိုယ်ရေးကိုယ်တာကို ပြောခွင့်ပြုရင် ပြောချင်ပါတယ်။ ကျွန်မ အိမ်ထောင်ပြု ဖြစ်တာက မစ္စတာလီရဲ့ ကိုယ်ရေးအတ္ထုပ္ပတ္တိက အားပေးခဲ့လို့ပါ။

ဖြေ ။ ။ ကြားရတာ ဝမ်းသာတယ်ကွာ။ စာအုပ်ထဲက ဘယ်အပိုင်းလဲ။

မေး ။ ။ စထရက်ဖို့မှာ လျှို့ဝှက်လက်ထပ်ခြင်းဆိုတဲ့ အပိုင်းပါ။

ဖြေ ။ ။ သူမက ရှေးဟောင်းယဉ်ကျေးမှုကို ဆုပ်ကိုင်ထားတဲ့ မိသားစုထဲက အိုး(လ်)ဖက်ရှင် မိန်းကလေး။ ငါကလည်း အတူတူပဲ။ မှားကောင်း မှားမယ်။ ငါတို့ လက်ထပ်လိုက်ကြတယ်။ သူကလည်း ပညာသင်ဆုယူပြီး ပညာ သင်နေတာ။ ငါ့ကျူတာကလည်း လက်ထပ်လိုက်ပြီဆိုတာ သိရင် သိပ် သဘောကျမှာ မဟုတ်ဘူး။ ဒါနဲ့ ငါတို့လည်း လျှို့ဝှက်ထားလိုက်ကြတယ်။

သူက လက်ထပ်လက်စွပ်ကို ဆွဲကြိုးနဲ့တွဲပြီး ဆွဲထားတယ်။ ငါ ပေးနိုင်တာက လည်း အဲ့ဒီလက်စွပ်လေး တစ်ကွင်းပဲ။ အဲ့ဒီလက်စွပ်ကလေးက နေ့ရက်တွေကအစ အရင်အတိုင်း မပျောက်မပျက် ရှိဆဲပဲ။ ငါ မှန်ခဲ့တယ်လို့ ထင်တာပဲ။

ဒီနှစ်တွေမှာ ကျန်းမာရေးနဲ့ ပညာရေးအဖွဲ့တွေက ထုတ်တဲ့သတင်းတွေကို ဖတ်ရတယ်။ တို့ဆီက (၇) ရာခိုင်နှုန်းကျော်တဲ့ ဆယ်ကျော်သက်လေးတွေ လိင်ဆက်ဆံကြသတဲ့။ သိပ် မကောင်းလှဘူး။ ငါ့မြေးတွေသာ အဲ့သလိုဆိုရင် စိတ်မကောင်း တော်တော် ဖြစ်မိမယ်။

မေး ။ ။ အကြိုက်နှစ်သက်ဆုံး ရုပ်ရှင်ကားရော ရှိလား။

ဖြေ ။ ။ အခုတော့ ရုပ်ရှင်ရုံ မသွားတော့သလို ကြည့်လည်း မကြည့်ဖြစ်ေ တာ့ပါဘူး။ အချိန်ကုန်တယ်ကွ။ ကျောင်းသားဘဝတုန်းက ကြည့်ခဲ့ရတဲ့ ဟာသကားတစ်ကားကိုတော့ သတိရတယ်။ မင်းသားက Danny Kaye တဲ့။ လန်ဒန်မှာ ကြည့်ခဲ့တာ။ ဇာတ်ကားနာမည်တော့ မေ့နေပြီ။ တော်တော် ကောင်းတယ်။ ရီရတယ်။ သူက သရုပ်ဆောင်တတ်၊ သီချင်းဆိုတတ်ရယ်၊ တော်တော်များများ လုပ်ပြနိုင်တယ်။ ဟာသမဟုတ်တဲ့ ကားတွေထဲကဆိုရင် Pygmalion ပဲ။ နောက် သူတို့ ပြန်ရိုက်ကြသေးတယ်။ နာမည်တော့ မမှတ်မိတော့ဘူး။ ဂီတကို အခြေခံ ရိုက်ထားတဲ့ကား။ တော်တော် ကောင်းတယ်။ သရုပ်ဆောင်တွေက Rex Harrison နဲ့ Audrey Hepburn။

မေး ။ ။ My Fair Lady လား။

ဖြေ ။ ။ အေး … ဟုတ်တယ်။ ဒီဇာတ်ကားက စိတ်ထဲမှာ စွဲနေတာ။ ငါ့ စိတ်ထဲမှာ အစွဲဆုံးကတော့ Gone with Wind ပဲ။ အမေရိကန် စစ်တွင်း ဇာတ်ကား။ အဲ့ဒီနောက်တော့ ရုပ်ရှင်တွေ မကြည့်ဖြစ်တော့ဘူး။ စာအုပ်တွေ ဖတ်လာတဲ့ အခါမှာ ရုပ်ရှင်ကရတဲ့ ခံစားမှုက ဘာမှ မဟုတ်တော့သလိုပဲ။

မေး ။ ။ အနှစ်ခြိုက်ဆုံး စာရေးဆရာ၊ အတွေးအခေါ်ဆရာတို့ရော ရှိပါ သလား။ စင်္ကာပူရီယန်းတွေ ဖတ်သင့်တယ်လို့ ထင်တဲ့ စာအုပ်မျိုး ရှိရင် ပြောပြပေး ပါလား။

ဖြေ ။ ။ မင်းက ဘယ်လိုစာပေမျိုးကို စိတ်ဝင်စားတာလဲ။ ဂန္ထဝင်ကို စိတ် ဝင်စားရင်တော့ ရှိတ်စပီးယား ဖတ်ပေ့ါ။ စီးပွားရေးကို စိတ်ဝင်စားရင် Hayek ကိုဖတ်။ တစ်ခုခုလုပ်ဖို့ စီစဉ်ထားရင် သူ့စာတွေ ဖတ်သင့်တယ်။ သူပြောတာ မှန်တယ်။ နိုင်ငံရေးကို စိတ်ဝင်စားရင်တော့ အဲ့သလို စာအုပ် တစ်အုပ်နှစ် အုပ်ကို ညွှန်းရုံနဲ့ မရဘူး ထင်တယ်။ ခက်ခက်ခဲခဲ လေ့လာယူရတဲ့ သင်္ခန်းစာ မျိုးပဲ။ ကနေဒီရဲ့ Profiles in Courage တို့၊ အိုဗားမားရဲ့ သူ့ဘဝအကြောင်း စတိုရီတွေ ဖတ်ပြီး လေ့လာလို့တော့ ရတာပေါ့။

မေး ။ ။ ကျွန်မဆီကို သူများက ပေးလိုက်တဲ့ စိတ်ဝင်စားစရာ မေးခွန်း တစ်ခု ပါလာတယ်။ “လက်တွေ့ဘဝနဲ့ အကြုံးမဝင်တဲ့ ရှားလော့ဟုမ်းလို စာမျိုးကို မစ္စတာလီ တစ်သက်လုံး မဖတ်ခဲ့ဖူးဘူးဆိုတာ ဟုတ်ပါသလား” တဲ့။

ဖြေ ။ ။ ယေဘုယျအားဖြင့်တော့ မဖတ်ဖူးဘူးလို့ ဖြေရမှာပဲ။ ဖတ်စရာ အချိန်မှ မရှိတာ။ ဘာသာပြန် အသစ်ထွက်လာတော့ “Don Quixote” ကိုတော့ ဖတ်ဖြစ်တယ်။ တော်တော် ကောင်းတဲ့ ဘာသာပြန်ပဲ။ ငါ စပိန် ကို ရောက်နေတုန်းက အင်္ဂလိပ်ဘာသာပြန်စာအုပ် ရခဲ့တာ။ ငါ့အလုပ်နဲ့ မဆိုင်ပေမဲ့ အပန်းဖြေတဲ့ သဘောနဲ့ ဖတ်တာပေါ့။ အဲ့ဒီစာအုပ်က ရာစုနှစ်ေ ပါင်းများစွာ နောက်ပြန်ခေါ်သွားတယ်။စိတ်ဝင်စားစရာ တော်တော် ကောင်းပါတယ်။

မေး ။ ။ သင်္ခန်းစာယူစရာ တစ်ခုခုများ ရခဲ့သလား။

ဖြေ ။ ။ မင်းက ရန်သူအတုကို အစစ်ထင်ပြီး တိုက်နေတာလို့ ဆိုလိုချင်တာ ထင်တယ်။ အချိန် ကုန်အောင်ကွာ။ အဲ့ဒါက ဟာသစာအုပ်ပဲ။ ငါက ရန်သူ အတုကို တိုက်စရာ မလိုပါဘူး။ ငါ့မှာ ရန်ဖက် အစစ်တွေကို ပြည့်လို့။ (Don Quixote စာအုပ်က (၁၇) ရာစုက စပိန်စာရေးဆရာ Migruel De Cervantes ရေးတဲ့ စာအုပ်ပါ။ အဲ့ဒီစာအုပ်ထဲက အဓိကဇာတ်ဆောင် Don Quixo က ရေပန်းတွေ ဖြာကျနေတာကို ရန်သူလို့ ထင်ပြီး တိုက်ခိုက်ခဲ့တယ်။ ဒါ့ကြောင့် “Tilting at windmills” ဆိုတဲ့စကား ပေါ်လာပြီး တကယ်မဟုတ် တဲ့ ရန်သူတွေကို တိုက်တဲ့နေရာမှာ အသုံးပြုပါတယ်)


မေး ။ ။ နောက်ထပ် ကျွန်မကို အမေးခိုင်းလိုက်တဲ့ မေးခွန်း ရှိပါသေးတယ်။ ဒီမေးခွန်းကို မေးသူက goth တီးဝိုင်းရဲ့ အဖွဲ့ဝင်ပါ။
ဖြေ ။ ။ နင် ပြောလိုက်တာ ဘာရယ်။

မေး ။ ။ A goth Music Band ပါ။
ဖြေ ။ ။ အဲ့ဒါက ဘာတုန်း။

မေး ။ ။ ဒါက အားလုံး အနက်ရောင်တွေ ဆင်တူဝတ်ဆင်ပြီး အလွန် စိတ်ခြောက်ခြားစရာ ကောင်းတဲ့ မြူးဇစ်တွေကို တီးခက်ကြတာပါ။
ဖြေ ။ ။ ဘာ့ကြောင့် goth လို့ ခေါ်တာလဲ။

မေး ။ ။ goth က gothic ကို ရည်ညွှန်းပါတယ်။ Victorian gothic လိုပေါ့။
ဖြေ ။ ။ ဟုတ်ပြီ။ goth။ ရပြီ။ ဒီတော့ …

မေး ။ ။ သူတို့တီးဝိုင်းက ဒီမှာ မှတ်ပုံတင်ဖြစ်ဖို့ ခက်နေတာ။ သူတို့ အဖွဲ့ ဝင် တွေက ခြောက်ယောက် အထက်မှာ ရှိမယ်။ လိုအပ်တဲ့ စာရွက် စာ တမ်းတွေအားလုံးကိုလည်း သက်ဆိုင်ရာကို တင်ပြခဲ့ပြီးပြီ။ မှတ်ပုံတင် ရပြီ ဆိုတော့မှ သူတို့က တရားဝင် ပွဲတွေမှာ တီးခတ်လို့ ရကြမှာ မဟုတ်လား။ မဂ္ဂဇင်းတွေ ဘာတွေကနေ ကြော်ငြာပြီး လူထုသိအောင်လည်း လုပ်ပါတယ်။ ဒါပေမဲ့ သူတို့တီးဝိုင်းအတွက် သုံးစွဲထားတဲ့ ပုံတွေကို အေဂျင်စီတွေက ဆင် ဆာဖြတ်ကြတယ်။ တချို့ဆိုရင် သူတို့ပုံတွေအတွက် တော်တော် မကျေ မနပ်တောင် ဖြစ်ကြတာ။

သူသိချင်တာက အနုပညာနဲ့ ပတ်သက်ပြီး စင်္ကာပူမှာ ဒီထက်ပိုပြီး လွတ် လွတ်လပ်လပ် ဖန်တီးခွင့် ရှိမလား ဆိုတာပါပဲ။

ဖြေ ။ ။ လူထု နားမကလောဘူးဆိုရင်တော့ ငါ့သဘောကတော့ ရှိပါစေ ပါပဲ။ အမည်းရောင် ဝတ်ချင်ဝတ်၊ ခြောက်ခြားစရာတွေ တီးချင်ရင် တီးပေါ့။ ငါ့သဘောကို ပြောပါတယ်။ ဒါပေမဲ့ ဒါက လူထုကြီးကို ထိပါးလာစေနိုင်တယ်၊ လူထုကြီးနဲ့ မသင့်မြတ်ဘူးဆိုရင်တော့ ဒါကို ဆိုင်းထားရမယ်လို့ ငါတော့ ပြောမှာပဲ။ ဘာ့ကြောင့် လူထုကို စိတ်ဆင်းရဲအောင် လုပ်နေမလဲကွာ။

ငါ့ကို နားလည်မှု မလွဲနဲ့နော်။ ငါက လစ်ဘရယ်မဟုတ်သလို ကွန်ဆာဗေး တစ် လည်း မဟုတ်ဘူး။ အရာအားလုံးကို လက်တွေ့ကျကျပဲ တွေးတယ်၊ လုပ်တယ်။


 ဇင်ဝေသော်

ကောင်းကင်ထဲ သောင်တင်နေတော့မှာပဲ


သူငယ်ချင်းနှစ်ယောက် ရောမမြို့ကို ဟောလီးဒေးခရီးထွက်ခဲတော့ လေယာဉ် စီးလို့ တစ်နာရီလောက် အကြာမှာ လေယာဉ်မယ်ဆီက ကြေငြာသံ ထွက် လာတယ်။
" ခရီးသည်များရှင် ကျမတို့ လေယာဉ်စက်လေးလုံးမှာ တစ်လုံး ပျက်သွားခဲ့ပါ တယ်၊ စိတ်မပူကြပါနဲ့၊ စက်သုံးလုံး ကောင်းပါတယ်။ တစ်ခုရှိတာက လေ ယာဉ်ဆိုက်ချိန် တစ်နာရီတော့ နောက်ကျပါလိမ့်မယ်ရှင်"

နောက်ထပ် တစ်နာရီလောက်ကြာတော့ ကြေငြာသံ ထွက်လာပြန်တယ်
"ခရီးသည်များရှင် နောက် လေယာဉ်စက်တစ်လုံး ထပ်ပျက်ပြန်ပါပြီ၊ ဒါပေမဲ့ ကျန်တဲ့ စက်နှစ်လုံးစလုံးက ဒေါင်ဒေါင်မည်မို့ ပူစရာမရှိပါ။ နောက်ထပ် တစ်ခုရှိတာက လေယာဉ်ဆိုက်ချိန် နှစ်နာရီ နောက်ကျပါလိမ့်မယ်ရှင်"

ဒီတော့ ခရီးသည်တစ်ယောက်က သူ့သူငယ်ချင်းဖက်လှည့်ပြီး
"ကိုယ့်လူရေ၊ နောက်စက်နှစ်လုံးသာဆက်ပျက်လို့ကတော့ တို့တော့ ကောင်း ကင်ထဲ သောင်တင်နေတော့မှာပဲ" တဲ့။

Chris Lochete,
RD, Apr,2005

 ဇင်ဝေသော်

ကိုယ့် နိုင်ငံသား ပဓာနဝါဒ (သို့) နိုင်ငံတချို့ရဲ့ ဖောရိန်းအလုပ်သမား ကန့်သက်ချက်များ( ၃ )


၎ ။ ထိုင်ဝမ်

ထိုင်ဝမ်ရဲ့ အလုပ်သမားရေးရာနဲ့ ပတ်သက်လို့ကတော့ ‘ဒေသခံများ ခန့်အပ်ရေးသည် ပထမ’ (Locals over foreigners) ဆိုတဲ့ စာတန်းကိုပါ ထင်ထင်ရှားရှား ဖော်ပြထားတာ တွေ့ရပါတယ်။

အလုပ်သမား ခန့်ထားရေး အက်ဥပဒေ ၄၂ - အရ “ဘယ်နိုင်ငံခြား သားေ ကြာင့်မှ ပြည်တွင်း အလုပ်သမားတွေရဲ့ အလုပ်ကို ထိပါးမှု မရှိစေရ” ဆိုတာ တိတိကျကျ ဖော်ပြထားတာလည်း ရှိပါတယ်။ ဒီဥပဒေအရ နှစ်စဉ် ထိုင်ဝမ်ငွေ ဆယ်ဘီလျံထက်ကျော်ပြီး လည်ပတ်နိုင်တဲ့ ကုမ္ပဏီတွေကသာ ပညာရှင် နိုင်ငံခြားသား အရာရှိကို ငှါးလို့ ရပါတော့တယ်။ ဒီနိုင်ငံခြားသားကလည်း အနည်းဆုံး အသိအမှတ်ပြု ဘာချလာဒီဂရီဘွဲ့ (B.A ဘွဲ့) ရထားပြီး လုပ်သက် နှစ်နှစ် အတွေ့အကြုံ ရှိပြီး ဖြစ်နေရပါမယ်။ ဒီ အထဲ မှာ စက်မှုဆိုင်ရာ သုတေသနပညာရှင်တွေ၊ သိပ္ပံဌာနအတွက် အင်ဂျင်နီ ယာတွေတော့ မပါဝင်ပါဘူး။ ဒါပေမဲ့ ဒီဥပဒေကိုပဲ ၂၀၀၄ - ခုနှစ်ကစလို့ ပြင် ဆင်ရဖို့ အခြေအနေနဲ့ ဖိအားတွေလည်း တိုးလာနေပါတယ်။

ဒီနှစ် ဇန်နဝါရီလကုန်စာရင်းအရ ထိုင်ဝမ်မှာ နိုင်ငံခြားသားပေါင်း (၂၇၀၀၀) အလုပ် ခန့်အပ်ထားရပါတယ်။ ဒီအရေအတွက်ထဲမှာ ရှစ်ထောင်ကျော်က အင်္ဂလိပ်စာ သင်ပေးနေတဲ့ ကျောင်းဆရာတွေပါ။ ထိုင်ဝမ်ရဲ့ လူဦးရေနဲ့ နှိုင်း စာကြည့်ရင် ထိုင်ဝမ်မှာ ရှိတဲ့ နိုင်ငံခြားသား အလုပ်သမား အရေအတွက်ဟာ (၀.၂၅) ရာခိုင်နှုန်းပဲ ရှိပါတယ်။ အေဆာ (Acer) ကုမ္ပဏီ တည်ထောင်ခဲ့သူ စတန်ရှီး (Stan Shih) လို လူမျိုးတွေအတွက်တော့ စိတ်ကြိုက်ပညာရှင်တွေ ကမ္ဘာပတ်ရှာခွင့် မရလေအောင် ဒီဥပဒေက အဟန့်အတား တစ်ခုဖြစ်နေသ လို အေဆာကလည်း ဒီအတွက် စောဒကတွေ တက်နေဆဲပါပဲ။

၅ ။ ထိုင်း

နိုင်ငံခြားသားတွေ ထိုင်းနိုင်ငံထဲမှာ အလုပ်လုပ်ဖို့ စာရွက်ထဲမှာကတော့ အ ခက်အခဲတွေ အများကြီးပါပဲ။ ၁၉၇၃ - ခုနှစ်က စတင် အတည်ပြုခဲ့ပြီး မကြာ မကြာ ပြင်ဆင်ပေးနေရတဲ့ အလုပ်သမား ဥပဒေအရ နိုင်ငံခြားသား အလုပ် လုပ်ခွင့် မရှိတဲ့ အလုပ်အကိုင် အရေအတွက်ဟာ (၃၉) ခုတောင် ရှိပါတယ်။ ဒီအထဲမှာ ဆံပင်ညှပ်တာ၊ ရှုးဖိနပ်လုပ်တာတွေတောင် ပါဝင်ပါတယ်။ တိုးရစ်ဂိုက်နဲ့ ရှေ့နေ အလုပ်အမျိုးတွေအတွက် ဘယ်လို နိုင်ငံခြားသားမှ လုပ်ပိုင်ခွင့် မရှိပါဘူး။

နိုင်ငံခြားသားတွေ လိုအပ်နေဆဲဖြစ်တဲ့ ဆေးဝါး၊ ကျန်းမာရေးနဲ့ ပတ်သက်တဲ့ ဌာနတွေမှာတော့ ဥပဒေက ဒီလောက် မတင်းကြပ်လှပါဘူး။ ဒါပေမဲ့ လိုင်စင် ရရှိဖို့ ဆိုတာကျတော့ အခက်အခဲတွေက ရှိနေဆဲပါ။ ဆရာဝန်တစ်ယောက် ဟာ ထိုင်းနိုင်ငံထဲမှာ ဆေးကုသခွင့်လိုင်စင်ရဖို့ ထိုင်းဘာသာနဲ့ မေး၊ ဖြေရတဲ့ လိုင်စင်စာမေးပွဲ ဖြေဆိုရပါတယ်။

နိုင်ငံခြားသား ပညာရှင် ငှါးရမ်းလိုတဲ့ ကုမ္ပဏီတစ်ခုဟာ အနည်းဆုံး ထိုင်း အလုပ်သမား (၄) ဦး ခန့်ထားရမယ်။ အနည်းဆုံး ထိုင်းဘက်ငွေ နှစ်သန်းနဲ့ လည်ပတ်နေရပါမယ်။ နိုင်ငံခြားသားရဲ့ အလုပ်လုပ်ခွင့်ပြုမိန့်ရဖို့ အလုပ်ရှင် က အဲဒီအလုပ်သမားရဲ့ နောက်ခံသမိုင်း၊ ပညာအရည်အချင်း၊ ဒီလုပ်ငန်း အ တွက် အရည်အချင်း ပြည့်မှီကြောင်း အထောက်အထားတွေကို အစိုးရထံ တင်ပြရပါတယ်။

လိုအပ်တဲ့ စာရွက်စာတမ်း အထောက်အထားက “တောင် သေးသေးလေး တစ်လုံးစာလောက်တော့ ရှိပါတယ်” လို့ Bangkok International Associates ဆိုတဲ့ ဥပဒေရေးရာ ကုမ္ပဏီရဲ့ ဒါရိုက်တာ မစ္စတာ စတီဖင် ဖရော့(တ်) က ဆိုပါတယ်။

ရှေ့နေ လုပ်ခွင့်မရဘူး ဆိုပေမဲ့ နိုင်ငံခြားသား ရှေ့နေတစ်ယောက်ဟာ ထိုင်း ကုမ္ပဏီတွေမှာ အကြံပေးအနေနဲ့တော့ လုပ်ခွင့်ပြုထားပါတယ်။

မနှစ်က ဇွန်လစာရင်းအရတော့ ထိုင်းနိုင်ငံထဲမှာ ပညာရှင် နိုင်ငံခြားသား အလုပ်သမားဦးရေ (၈၃၀၀၀) ရှိခဲ့ပါတယ်။

နိုင်ငံခြားသား ငှါးရမ်းခွင့်နဲ့ ပတ်သက်လို့ ထိုင်းကုမ္ပဏီတွေမှာ ပြဿနာ မရှိ လှသလို သူတို့ကလည်း သိပ်ပြီး ဂရုမစိုက်ပါဘူး။ ထိုင်းနိုင်ငံမှာက နိုင်ငံခြား သားကို ပေးရတဲ့ လစာထက် ထိုင်းလူမျိုးကို ပေးရတဲ့ လစာက ပိုပြီး နည်းနေ တယ် မဟုတ်လား။ ပြီးတော့ ထိုင်းလူမျိုးက ထိုင်းစကား မတက်မှာလည်း ပူ စရာ မလိုတော့ဘူးပေါ့။

၆ ။ အင်ဒိုနီးရှား

အင်ဒိုနီးရှားရဲ့ အလုပ်သမား ဥပဒေကလည်း ပညာရှင် နိုင်ငံခြားသား အလုပ် သမားတွေအတွက် တင်းကြပ်တာပါပဲ။ သူတို့ရဲ့ အလုပ်လုပ်ခွင့်ပါမစ်ဟာ နှစ် စဉ် သက်တမ်းတိုးကြရပါတယ်။ အလုပ်အကိုင် အမျိုးအစားအနေ နဲ့ ဖျော်ြေ ဖရေး ၊ အားကစားနဲ့ ဆောက်လုပ်ရေး စီမံခန့်ခွဲမှုတွေပါ ပါဝင်ပါတယ်။

နိုင်ငံခြားသားကို အလုပ်လုပ်ခွင့်ပြုတဲ့ စာရွက်ထဲမှာကိုပဲ အလုပ်သမား ဝန် ကြီးဌာနက အလုပ်ရှင်ကို မှာကြားထားတာတွေ အတိအကျ ပါဝင်ပါတယ်။ ဒီနိုင်ငံခြားသားနဲ့အတူ အင်ဒိုနီးရှန်းတွေကို တွဲပြီး အလုပ်လုပ်စေရမယ်။ တစ် ချိန်ချိန်မှာ ဒီနိုင်ငံခြားသား နေရာကို အင်ဒိုနီးရှန်းနဲ့ အစားထိုးဖို့ ကြိုးစားရမယ် ဆိုတာမျိုးပါ။

မနှစ်က အင်ဒိုနီးရှားမှာ မန်နေဂျာနဲ့ အဲဒီအထက်က ရာထူးတွေအတွက် နိုင် ငံခြားသားတွေ အများကြီး ဝင်လာခဲ့လို့ နိုင်ငံခြားသား အလုပ်လုပ်ခွင့် မရှိတဲ့ အလုပ်အကိုင် (၁၉) မျိုးကို အလုပ်သမား ဝန်ကြီးဌာနက အသစ် ထုတ်ပြန်ခဲ့ ပါတယ်။

“အလယ်အလတ် ရာထူးနေရာတွေကို နိုင်ငံခြားသားတွေကချည်းပဲ ဝင်ယူနေ ကြမယ်ဆိုရင် ပြည်သူက ဘယ် ကြည်ဖြူတော့မှာလဲ” လို့ အလုပ်သမားဝန်ကြီးက ပြောကြားခဲ့တယ်။ ဒါပေမဲ့ ဒီဥပဒေဟာ အင်ဒိုနီးရှား ပိုင် ကုမ္ပဏီတွေနဲ့သာ သက်ဆိုင်ပြီး နိုင်ငံခြားသားပိုင် ကုမ္ပဏီတွေ အနေနဲ့ ကတော့ စိတ်ကြိုက် ငှါးရမ်းခွင့် ရှိပါတယ်။

အင်ဒိုနီးရှားရဲ့ လူဝင်မှုကြီးကြပ်ရေးဌာန စာရင်းအရ ၂၀၁၀ - ခုနှစ်တုန်း က နိုင်ငံခြားသား အလုပ်သမားဦးရေ (၄၉၀၀၀) ရှိပြီး ၂၀၁၁ - ခုနှစ်မှာ (၅၅၀၀၀) ရှိတယ်လို့ သိရပါတယ်။ ဒီအလုပ်သမားတွေဟာ အများအားဖြင့် ကုန်ထုတ်လုပ်မှု၊ ဆောက်လုပ်ရေးနဲ့ မိုင်းတွေမှာ အလုပ်လုပ်ကြရသူတွေ ဖြစ် ကြပါတယ်။
.............................................................................................

မတ်လ (၁၈) ရက်ထုတ် စထရိတ်တိုင်းဆောင်းပါးကို မူတည်ပြီး ရေးထား တာပါ။ ဂလိုဘယ် ဖြစ်လာတဲ့ ကမ္ဘာမှာ ဒီကလူက ဟိုသွားပြီး အလုပ်လုပ် သလို ဟိုကလူကလည်း ဒီလာပြီး အလုပ်လုပ်နေကြ ပါတော့တယ်။

ဖွံ့ဖြိုးမှု နည်းသေးတဲ့ နိုင်ငံတွေမှာတော့ ဒီပြဿနာက သိပ်မကြီးသေး ပါဘူး ။ ဒေသခံလူထုကို ပေးရတဲ့ လစာက နိုင်ငံခြားသားကို ပေးရတဲ့လစာအောက် ပိုနည်းနေသေးတယ် မဟုတ်လား။ ဒါပေမဲ့ နိုင်ငံတစ်နိုင်ငံရဲ့ စီးပွားရေးဟာ တစ်ခါတလေမှာ တစ်ဦးချင်းနဲ့ ဆက်စပ်မှု တော်တော် နည်းပါတယ်။

တရုတ်ပြည် တိုးတက်လာတယ် ဆိုပေမဲ့ ငတ်မွတ်ဆဲ၊ ဆင်းရဲဆဲ တရုတ်တွေ အများကြီးပါ။ အဲသလိုပဲ အိန္ဒိယမှာကလည်း အဲသလိုလူတွေ အများကြီးပဲ ။ မြန်မာပြည်ထဲ တစ်ခုခုဆို တရားဝင်၊ မဝင် ဝင်ရောက်လာမှာကလည်း လူဦးရေ မဆန့်မပြဲနဲ့ အဲဒီနှစ်နိုင်ငံကပဲ ဖြစ်ဖို့ များပါတယ်။
ဒီနှစ်နိုင်ငံကြားမှာ Dark horse က ဘင်္ဂလားဒေ့ရ်ှပေါ့။ ဒီနေ့ ကြုံတွေ့နေရတဲ့ ဘင်္ဂါလီတွေဟာ တစ်ချိန်က မသေသပ်ခဲ့တဲ့ လူဝင်မှုကြီးကြပ်ရေး ဝန်ကြီးဌာန ရဲ့ ညံ့ဖျင်းမှုတွေပါ။

ဘာပဲဖြစ်ဖြစ် “အစိုးရဟာ ကိုယ့်လူမျိုးသာ ပထမ” ဝါဒကိုတော့ ရှိနေကြ ရပါတယ်။ ထိုင်ဝမ်လို စာနဲ့ ရေးတာ၊ မရေးတာက လွဲရင်ပေါ့။

( ပြီး)



 ဇင်ဝေသော်

ခွေးဆွဲခံရမှ အမြန်ဆုံးပြေးတယ်


မူလတန်းကျောင်းသား ကလေးဘဝက အပြေးအလွှား ဇာတ်လမ်းတွေ ကို ပြန်စဉ်းစားတော့ လွတ်လပ်ရေးပြိုင်ပွဲတွေမှာ ဘယ်လောက်ပဲ ပြေးပြေး အမြန်ဆုံးပြေးခဲ့တဲ့ အချိန်ဟာ ခွေးလိုက်ဆွဲစဉ်က ဖြစ်ခဲ့တယ်ဆိုတာ သိခဲ့ရ တယ်။ လူဟာ အကျပ်းအတည်းရောက်မှ စွမ်းရည် အကုန်ထွက်တယ်။

လွန်ခဲ့တဲ့ ၁၅နှစ် အနှစ် ၂၀ တုန်းက ဂျပန်လူကြီးပိုင်းတွေနဲ့ ကြုံလို့ စကာြးေ ပာမိတိုင်း ဒီခေတ် ဂျပန်လူငယ်တွေ သူတို့လို မကြိုးစားကြဘူး ဆိုတဲ့ ဝေဖန် တဲ့အသံ ကြားရတတ်တယ်။ တူကြမယ်တော့ မဟုတ်ဘူး။ ဟိုခေတ် ဂျပန်ရဲ့ အနေအထားနဲ့ ဒီခေတ် ဂျပန်ရဲ့ အနေအထားကလည်း တူမှ မတူတာပဲ။ အနုမြူပြာပုံထဲကနေ ကုန်းထနေရတဲ့ ဂျပန်မျိုးဆက်ဟာ ခွေးအလိုက်ခံရတဲ့ မျိုးဆက်ပါ။
ဒါ့ကြောင့် သူတို့ပြောတိုင်း ကိုယ်တိုင်ကလည်း လူငယ်ဆိုတော့ လူငယ်တွေ ဖက်က ရပ်ပြီး ဒါဟာ ပျင်းလို့မဟုတ်နိုင်ဘူး၊ ခေတ်ရဲ့အနေအထား မတူတာ သာဖြစ်မယ်။ ဒီခေတ် ဂျပန်မျိုးဆက်ကို အဲဒီခေတ် ပြောင်းပို့ပေးလိုက်ရင် သူ တို့လည်း အဲဒီခေတ်က ဂျပန်တွေလိုပဲ မနေမနား ကြိုးစာကြလိမ့်မယ် လို့ ပြန်ပြောမိတယ်။ ယုံကြည်တာကလည်း ဒီအတိုင်းပဲ။ ဒီခေတ်ဂျပန်မျိုးဆက်ဟာ အပြေးပြိုင်ပွဲမှာဝင်ပြေးသူတွေနဲ့ဆင်ပါတယ်။ ဘယ်လောက် ပဲ ပြေးပြေး အမြန်ဆုံးမဖြစ်နိုင်ဘူး။

လတ်တလော စင်္ကာပူရဲ့ ပထမ နဲ့ ဒုတိယ ဂျင်နရေှးရှင်းတွေကလည်း တတိယဂျင်နရေှးရှင်းတွေကို အဲသလို လေသံတွေ ပြောလာနေကြပြီ။ တံငါရွာက ကုန်းထရတဲ့ စင်္ကာပူရီယန်းနဲ့ ဂလိုဘယ်လ်စီးတီး ( သူတို့ ဘာသာ ခေါ်တာ ) စင်္ကာပူရီယန်း တူချင်လို့ မရနိုင်ဘူး။

လူတစ်ယောက်ချင်းစီကအစ နိုင်ငံလိုက်အထိ ကြီးမားတဲ့ မိုတီဗေးရှင်း ( တွန်းအား ) လိုကိုလိုတယ်။ နို့မို့တော့ ဘယ်လောက်ကြိုးစားကြိုးစား အား အကုန် မထွက်လာဘူး။

အခု ခြေစွာလှတဲ့ တောင်ကိုရီးယားလည်း ဒီအတိုင်းပါပဲ။ ဂျပန်ကို ကျော် တက်နိုင်ဖို့
ဘာလုပ်ရမလဲ?
ဘယ်လို လုပ်ရမလဲ?
ဘယ်နှနာရီ အလုပ်လုပ်ရမလဲ?
ပြောသာပြော၊ နဖူး အမာရွတ်မပြောက်သေးတဲ့ ကိုရီးသားအများစုဟာ ဒါကို လုပ်ဖို့ အဆင်သင့်ပဲ။

မြန်မာတွေရော ဒီလို မိုတီဗေးရှင်း ( တွန်းအား ) ဘယ်ကရှာမလဲ။ အနီးဆုံး က ထိုင်းပဲ။ ဘောလုံးကအစ ထိုင်းက ပယ်ပယ်နယ်နယ် နှိပ်ကွပ်နေ တာတွေ ပြပေးရမယ်။ အရှုံးတွေဆို ထပ်တလဲလဲ ပြပေးနေသင့်တယ်။ အခု ဟာက နိုင်တာလေးပဲ ကြည့်ကြည့်နေရတော့ ဘာမှမရှိဘဲ " တရံရောအခါက " တွေနဲ့ အဟုတ်ထင်နေကြရတယ်။
လူငယ်တွေ နိုင်ငံခြား ထွက်သင့်တယ်။ အနီရောင် ပတ်စ်ပို့ရဲ့ လူပုံအလယ် မျက်နှာငယ်ရပုံတွေ နက်နက်ကြီး ခံစားနေစေရမယ်။ သတ္တိရှိသူတွေ၊ အရှုံး ကို လက်ခံရဲသူတွေဖြစ်အောင် လေ့ကျင့်ပေးရမယ်။ ဒါမှ ဘယ်ရောက်ရောက် သူဟာ သူ့နိုင်ငံနဲ့ ခွဲမရဘူးဆိုတာ ကြေကြေကွဲကွဲ နားလည်မယ်။ ဒီအထဲ ဖောက်ထွက်သွားတဲ့ ပတ်စ်ပို့ အကူးအပြောင်းတွေလည်း ရှိမှာပေါ့။ ဘာဖြစ်ဖြစ် မပြောင်းသူတွေလည်း အများကြီးပဲ။ ပြောင်းသွားတော့ရော အကြောင်းလား။ ဒါက ဂလိုဘယ်လ် ကမ္ဘာရဲ့ လက်ချက်ပဲ။
ဘာရယ်မဟုတ်ပါဘူး။ ကိုယ့်ကိုယ်ကိုယ် အမြန်ဆုံးပြေးတာလို့ ထင်ခဲ့ပေမယ့် တကယ်က ဧရာမခွေးကြီး လိုက်ဆွဲမှ သေရေး ရှင်ရေး တကယ်ပြေးမိတာ သတိရမိလို့ပါ။
လူဟာ၊ နိုင်ငံဟာ အရည်အသွေး၊ အားမာန်၊ အလုပ်လုပ်ချိန်တွေ အစွမ်းကုန် ထွက်လာဖို့ ခွေးလိုက်ဆွဲတာ ခံဖူးမှလို့ နှစ်ပြားတန် အတွေး ခေါင်းထဲ ရောက် လာလို့။


 ဇင်ဝေသော်

အရှေ့တောင်အာရှက ကျူပီအာများ


အိပ်ရေးတစ်ညလုံးပျက်တာတောင် သတင်းစာလာတော့ မြန်မာ့သတင်းနဲ့ အားကစားစာမျက်နှာဆီ မျက်စေ့ရောက်သွားတယ်။ ကိုယ့်နိုင်ငံရဲ့ သတင်း ကလည်း အခုတလော " No news is good news " ဖြစ်နေတာကိုး။ စထရိတ်တိုင်းမ် သတင်းထောက်ကတော့ ဦးဝီရသူ လေသံပြောင်းသွားပြီ လို့ ခေါင်းစည်းတင် ရေးထားတယ်။ ဒါပေမဲ့ အခု ပြောချင်တာက အဲ့ဒီကိစ္စ မဟုတ်ပါဘူး။ တစ်နှစ်လုံး ဇယားအောက်ဆုံးမှာနေခဲ့တဲ့ ကျူပီအာက ဇယား မှာ တစ်ဆင့်တက်သွားတဲ့ ကိစ္စပါ။ အိပ်ချင်စိတ် နည်းနည်းပြေသွားတယ် ။ ခေတ် စကားနဲ့ ဘိုကြီးလဲပေါ့။ အဲ ရေးချင်တာက ဘောလုံးကိစ္စလည်း မဟုတ်ပြန်ဘူး။

ကျူပီအာ ဇယားမှာ တစ်ဆင့်တက်သွားပုံ။ နိုင်သွားလို့များလား အောက်မေ့ တယ်။ မဟုတ်ရှာဘူး။ ဒီအသင်းက ဒီတပတ်ပွဲစဉ် မကန်ရသေးတော့ အရှုံး မရှိ၊ အနိုင်မရှိ၊ သရေမရှိ။ ဒါပေမဲ့ တစ်ဆင့်တက်သွားတယ်။ သူတော်လို့ မ ဟုတ်ဘူး၊ သူ့အထက်က Reading ရှုံးသွားလို့။
ပြုံးမိတယ်။

စင်္ကာပူကနေထိုင်ပြီး ကိုယ့်နိုင်ငံအပေါ် ကျော်တက်သွားတယ်ဆိုတဲ့ အရှေ့တောင်အာရှ နိုင်ငံတွေကို ကြည့်မိတယ်။ စင်္ကာပူကလွဲရင် အားလုံး ကျူပီအာတွေချည်းပဲ။ ထိုင်း၊ အင်ဒို၊ မလေး၊ ဖိလစ်ပိုင် စတာတွေ ပေါ့။ ထိုင်းကိုကြည့်၊ ကမ္ဘာစစ်ဒဏ်မခံရ၊ ကိုလိုနီလုပ်မခံရနဲ့ လုံးခြာလိုက်နေလိုက် တာ တခါတခါ လေယာဉ်ပျံတောင် ဆင်းလို့မရဘူး။
အင်ဒိုလား။ ဆူဟာတိုရှိတုန်းက တစ်ယောက်ကို လာဘ်ထိုးလိုက်ရင် ပြီးပြီ၊ အခု ဘယ့်သူ့ကိုလာဘ်ထိုးရမှန်းမသိလို့ လူတကာကိုပေးနေရသတဲ့။ မလေးကြည့်အုံး။ တရုတ်၊ ကုလားစည်းပွားရေးဖယ်လိုက်ရင် စားအုန်းဆီ ခြံတွေနဲ့ လုံးခြာလိုက်နေတုန်း။ မြို့ကြီးသား ပီသဖိုဆိုတာ ခဏထားပါအုံး။

စင်္ကာပူကတော့ ကိုလိုနီစနစ်လက်ကျန် ပညာရေးစတာတွေရယ်၊ လီကွမ်းယု သံလက်သီးရယ်ကြောင့် လုံးဝ ပုံစံကျနေတယ်။ ရှေ့က ပြေးနေလိမ့်ဦးမယ်။
အဲဒါ ပြောတာ။ ကျန်တဲ့နိုင်ငံတွေက တော်လို့မဟုတ်ဘဲ ကိုယ်ကကို မစွံလွန်း မက မစွံလွန်းလို့ ကျန်ခဲ့ရတာ။ သူတို့ဆီတွေ ရောက်ခဲ့ဖူးတယ်၊
အထင်ကြီးလေးစားစရာ၊ အတုခိုးစရာရယ်လို့ကို ( ကိုယ် ညံ့လို့လည်း ဖြစ်မယ် ) မတွေ့ မိဘူး။
ဘာဖြစ်ဖြစ် နိုင်ငံအလိုက် ကြည့်ရင်တော့ စင်္ကာပူကလွဲရင် အားလုံး ကျူပီ အာတွေချည်းပဲ။ လိုက်လို့ ရကိုရတယ်။
အဲ..... အချင်းချင်း အိမ်မီးရှို့တမ်း ကစား မနေကြရဘူးဆိုရင်ပေါ့။



 ဇင်ဝေသော်