ဘဝကိုပြန်လည်ပုံဖော်(Re-design) ယူခြင်း

၁၈ ရာစုက အင်္ဂလိပ်စာရေးဆရာ George Eloit ရဲ့ Silas Marner (ယက်ကန်းသည်) ဆိုတဲ့ဝတ္ထုထဲက Godfrey Cass ရဲ့ ကာရိုက်တာ ကနေ ဂယ်ရီဟေဒင် ဆွဲယူတဲ့ ကောက်ချက်ပါ။ လှပါတယ်။
သူ့မှာ အစစပြည့်စုံတဲ့ (အားလုံးနီးပါး) ဘဝရှိပါလျက် ကလေးယူလို့ မရနိုင်တဲ့ မိသားစုဘဝကို မကျေမနပ်ဖြစ်ပြီး ပူဆွေးရပုံကို ဖွဲ့ဆိုတာမျိုးပါ။
ဆိုလိုတာက ဘဝဆိုတာ ပုံစံအမျိုးစုံနဲ့ ပြန်လည်ပုံဖော်လို့ရတယ်။ ကလေး မရနိုင်တော့ဘူးဆိုတဲ့နောက် မိမိဘဝကိုလည်း ကလေးမရှိတဲ့ဘဝအနေနဲ့ ပုံဖော်ယူခြင်းလို့ ကောက်ယူနိုင်ပါတယ်။ အဲသလို မလုပ်နိုင်ရင် ဘာမှ မဟုတ် တာလေးအတွက် ထပ်တလဲလဲ ဝမ်းနည်းနေရတတ်တယ်ဆိုတဲ့အထိ ညွှန်းဆို ပါတယ်။
ဆိုလိုတာကတော့ ရှိမှု၊ မရှိမှုနဲ့အညီ ဘဝကို လှလှပပနေထိုင်ခြင်း အတတ်ပညာ လို့ဆိုရပါမယ်။
ဖတ်မိရင်း သဘောကျလို့။

Read more

ရှီ ဒါဒါ၊ ပိန် မာမာ

"ကမ်းလက်စာမျက်နှာမှာ"ဘပြောင်"ဆိုတဲ့ဝေါဟာရမသုံးဖို့ မေတ္တာရပ်ခံပါတယ်။ ဒါဟာ အက်သစ်အရ မှားပါတယ်။ ဦးသိန်းစိန် နဖူးပြောင်တာက ပြင်လို့ မရပါ။ မိတ်ကပ်တွေနဲ့ ဒေါ်စု မျက်နှာပြောင်တာက ပြင်လို့ရပါတယ်။ ပြင်မရတာကို ပျက်ရယ်ပြုခြင်းကမှားပြီး ပြင်လို့ရတာကို ဝေဖန်ခြင်းက အက်သစ်အရ မှန်ပါတယ်"

အခုတလော တရုတ်သမ္မတ ရှီအကြောင်းတွေများနေပါတယ်။ စိတ်မရှိကြပါနဲ့၊ ဒီနေ့မနက်လည်း လာပြန်ပါပြီ။
တရုတ်သမ္မတကို လူထုက အတော်သဘောကျလာဟန်ရှိပါတယ်။ သူတို့ လင်မယားနှစ်ယောက်အကြောင်း ရေးစပ်ထားတဲ့သိချင်းက တော်တော်ပေါ်ပြူ
လာဖြစ်နေသတဲ့။ ဒေါင်းလုပ် ၄၅ သန်းတောင် ရှိဆိုပဲ။ ဒါတောင် ဆိုရှယ်မီဒီယာ မဟုတ်လို့။ သီချင်းရဲ့အဓိကအချက်ကတော့ သူတို့ဇနီးမောင်နှံ ဘယ်လောက် လိုက်လျောညီထွေရှိတယ်၊ ပြည်သူတွေအပေါ် ဘယ်လောက် ဩဇာလွှမ်းမိုးမှု ရှိတယ်၊ သူ့ဇနီးက သူ့အပေါ် ဘယ်လို လွှမ်းမိုးမှုရှိတယ်ဆိုတာတွေပါ(ပွဲတစ်ပွဲမှာ သမ္မတကတော်က လူထုကို လက်ပြနေချိန် သမ္မတကလက်ပြမနေဘူး တဲ့၊ ဒါနဲ့ သမ္မတကတော်က မျက်စောင်းလှမ်းချိတ်လိုက်လို့ သမ္မတပါ လက်ပြလိုက်ရ တယ် ဆိုတာလေးတွေ ပါဝင်ပါသတဲ့)။

သူ့လုပ်ရပ် သတင်းတွေကိုဖတ်ရတာလည်း ကောင်းပါတယ်။ ဒါနဲ့ဆက်စပ်ပြီး မြန်မာသမ္မတ ဘယ်လိုလဲ၊ ဘာလဲဆိုတဲ့မေးခွန်းကလည်း တွဲပါလာတယ်။
တချို့ကလည်း"အာဏာတည်ဆောက်ဆဲမို့ မဖြစ်နိုင်ဘူးလား" လို့ ဆိုပါတယ်။ ဖြစ်နိုင်ပါစေ၊ ဖြစ်ပါစေပေါ့။ တကယ်က တရုတ်ပြောင်းလဲမှု စတင်ခဲ့ တာက မစ္စတာ တိန်လက်ထက်ကတည်းကပါ။ ကြာပါပြီ။ ဒါပေမဲ့ နောက်ကလိုက် တဲ့မြန်မာဟာ အချိန်ဒီလောက်မကြာသင့်ပါဘူး။ အနောက်ဒီမိုကရေစီဖြစ်ဖို့ နှင်္စ်ရာချီပြီးကြာပေမဲ့ အာရှဒီမိုကရေစီဖြစ်ဖို့ ဆယ်စုနှစ် ပဲလိုပါတယ်။ ဘာလို့လဲဆိုရင် ရှေ့မှာ လမ်းကြောင်းရှိပြီးသားမို့ပါ။ ရှောင်သင့် တာရှောင်၊ ဆောင်သင့်တာဆောင် ခရီးသွားရတော့ တောတိုးရသူလောက် အချိန် မလိုတော့ခြင်းကြောင့်ပါ။

ဒါနဲ့ ကမ်းလက်စာမျက်နှာမှာ ဘပြောင် ဆိုတဲ့ဝေါဟာရမသုံးဖို့ မေတ္တာရပ်ခံ ပါ တယ်။ ဒါဟာ အက်သစ်အရ မှားပါတယ်။ ဦးသိန်းစိန် နဖူးပြောင်တာက ပြင်လို့ မရပါ။ မိတ်ကပ်တွေနဲ့ ဒေါ်စု မျက်နှာပြောင်တာက ပြင်လို့ရပါ တယ်။ ပြင် မရတာ ကို ပျက်ရယ်ပြုခြင်းကမှားပြီး ပြင်လို့ရတာကို ဝေဖန်ခြင်းက အက်သစ်အရ မှန်ပါ တယ်။ ဒါဟာ ကမ်းလက်ရဲ့ ယုံကြည်ချက်၊ ရပ်တည်ချက်ပါ။ ဒီမူလေးအတိုင်း ခရီးဆက်ပါမယ်။

အမှာ။ ။ ဒါဒါက ဒေသသုံးစကားအရ ဦးလေးလို့အဓိပ္ပါယ်ရှိပြီး မာမာကတော့မေမေပါပဲ။

Read more

Don't let your emotional feeling rules your intellectual observation.

မစ္စတာရဲထွဋ် တောင်းပန်စကားမဆိုမီ ရက်စက်လှသော ကမ်းလက်ရဲ့ ခန့်မှန်း ချက်အတွက် ကွင်းတွင်း၊ ကွင်းပြင်၊ တစ်နိုင်လုံးက ဘောလုံးပရိသတ်များ ကို တောင်းပန်စကား ပြေကြားလိုပါတယ်။ ဆိုရိုးစကားအရ "Don't let your emotional feeling rules your intellectual observation." ခန့်မှန်းလိုက်မိပါတယ်။ ကလေးတွေ အသင်းလိုက် ကစားကွက် ကောင်းပါတယ်။ စင်္ကာပူရဲ့ Dead ball တွေက ကောင်းသွားလို့ ရှုံးရတာလို့ ယူဆမိပါတယ်။ ဒါကို လေ့ကျင့်ပေးနိုင်ရင် မဆိုးလှဘူး ယူဆမိပါတယ်။

Read more

ကမ်းလက် မှားပါစေ

အရင်နေ့က အတိုင်းပဲ
စင်္ကာပူရောက် ညီ၊ ညီမ၊ အကို၊ အမတို့ရေ
မိုးတွေကလည်းရွာ၊ ခြိမ်းလည်းခြိမ်းနေဆဲ ဒါပေမဲ့ ကျေးဇူပြုပြီး....
စည်းကမ်းသေဝပ်ခြင်းနဲ့ ခုံချိုးလူရမ်းကားတွေကို သင်္ခန်းစာပေးပါ။
အမှိုက်တွေသိမ်းခြင်းအားဖြင့် နိုင်ငံတော်အလံမီးရှို့သူတွေကို ပညာပေးကြပါ။
အမျိုးသားရေးသိက္ခာကို မြှင့်တင်ပေးခြင်းအားဖြင့် အင်တာဗျူးထဲမှာ နိုင်ငံကို ချစ်ပြ သူကြီးတွေထက် ပိုချစ်ပြကြပါ။

ဝမ်းနည်းစရာက
ကန်ပြီးပွဲနှစ်ပွဲခြေအရ
မင်းတို့မိခင်နိုင်ငံအသင်းက
မင်းတို့ထမင်းရှင် နိုင်ငံအသင်းကို
နိုင်ဖို့ သိပ်မလွယ်ဘူး ထင်တယ်၊ ကမ်းလက် မှားပါစေ။ ။

Read more

လယ်သမားစစ်တပ်

လီကွမ်းယုတို့ နိုင်ငံရေးအစီအမံချတယ်ဆိုတာ ကမ္ဘာ့သမိုင်းကို ကျေနေအောင် ဖတ်ထားတာ။ သူ့ဘေးက လူတွေကလည်း သူလိုပဲ။ မီဒီယာသမား လူငယ်တွေ ကလည်း ဒါတွေက ဟန်တင်တန်အယူအဆတွေမဟုတ်ဘူးလား၊ ဒါက မီယာရှေးမား၊ ဒါက ကစ်ဆင်းဂျား အယူအဆတွေမဟုတ်ဘူးလား ဆိုတာ မျိုး ထောက်နိုင်တဲ့အဆင့်အထိရှိတယ်။
ကိုယ့်နိုင်ငံရေးအစီအမံကို ကိုယ်ပဲချမှတ်ရတယ်ဆိုတာ မှန်ပါတယ်။ ဒါပေမဲ့ ကမ္ဘာ့ရေစီးကိုသိမှ ဒါက မှန်ဖို့များမယ်။ ဒါကိုသိဖို့ကလည်း စစ်တက္ကသိုလ်က လက်ချာနုတ်လောက်နဲ့တော့ မရနိုင်ဘူး။

အရေအတွက်များပြီး ထိရောက်မှုမရှိတဲ့ စစ်တပ်ကို လယ်သမားစစ်တပ်လို့ခေါ် ကြတယ်။ မြန်မာစစ်သားငါးသိန်းသာ အရည်အချင်းမှီရင် ဧရာမကြီးပဲ၊ ကိုယ့်နိုင်ငံ ကာကွယ်ရေးသာမက ဒေသတွင်း ငြိမ်းချမ်းရေး၊ သဘာဝအန္တရာယ်၊ လူအန္တရာယ် ကယ်ဆယ်ရေးတွေတောင် အကူအညီပေးနိုင်တဲ့ ပမာဏ။
လောလောဆယ်ကတော့ လယ်သမားစစ်တပ်ထွက်တွေမို့ ပြောင်းလဲလိုစိတ် ကလေး(တကယ်ရှိခဲ့ရင်)ရှိတာကိုပဲ ကျေးဇူးတင်ရတော့မှာပဲ။ အရည်အချင်း မြှင့်တင်လာကြကောင်းပါရဲ့။
ကစ်ဆင်းဂျား စာအုပ်ဖတ်ရင်း စိတ်မကောင်းလို့ ဒါလေး ရေးမိတယ်။ ဖတ်သူတွေ ရှိသရွေ့ ရေးလည်း ရေးရဦးမယ်။ လက်ရှိအမှန်တရားကနေရူးချင်ယောင် ဆောင် မနေချင်ဘူး။

Read more