"ပျော်ရွှင်စရာအိမ်ထောင်သက် ၃၅နှစ်ရဲ့ လျှို့ဝှက်ချက်က ဘာပါလဲ" လို့ ဗြိတိန်ရဲ့ Bargain Hunt တီဗွီရှိုး တင်ဆက်သူကမေးတော့ အမျိုးသမီးရဲ့ တိုတိုတုတ်တုတ် အဖြေက "မျှော်လင့်ချက် သိပ်မထားနဲ့ (Low expectation)" တဲ့။ ကြားနေကျ စကားတစ်ခွန်းပေါ့။ စိတ်ဝင်စားစရာက ဒီစကားကို ထောက်ခံပေးနေတဲ့ သိပ္ပံဆိုင် ရာ တွေ့ရှိမှုတွေပါ။
ဗြိတိန်သိပ္ပံပညာရှင်တွေတွေ့ရှိမှုအရ ဒါဟာ ပျော်ရွှင်စရာအိမ်ထောင်သည် အ တွက်ရယ်မဟုတ်၊ လူတိုင်းဘဝပျော်ရွှင်မှုမှာ အရေးပါတဲ့အချက်ဖြစ်နေပါတယ်။
သူတို့ သုတေသန
ပထမအဆင့်မှာ ငွေရေးကြေးရေးအရ အရေးကြီးတဲ့ဆုံးဖြတ်ချက်တွေချဖို့ လူ ၂၆ ယောက်ကိုရွေးပြီး အရှုံးအမြတ်နဲ့ပတ်သက်ပြီးထွက်ပေါ်လာမယ့် သူတို့ ဦးနှောက်တွေရဲ့တုန်ပြန်လာပုံတွေကိုလည်း ဓာတ်မှန်ရိုက်ကူးထားပါသတဲ့။
ဒုတိယအဆင့်မှာတော့ လောင်းကစားဝါသနာပါသူ တစ်သောင်းရှစ်ထောင်ရဲ့ အရှုံးအနိုင်နဲ့ဆက်သွယ်နေတဲ့ စိတ်ခံစားချက်ကို စစ်ဆေးတာပါ။
သူတို့တွေ့ရှိမှုအရ ပျော်ရွှင်မှူဆိုတာ ဘယ်လောက်အများကြီးနိုင်တယ်၊ မြတ်တယ် ဆိုတာထက် မျှော်လင့်ထားတဲ့အဖြေအပေါ်မှာ မူတည်နေပါသတဲ့။ မျှော်လင့်ထား တဲ့အဖြေထက်သာနေရင် ပျော်သွားကြတာပဲ။ မှန်းထားတာများရင် စိတ်ညစ်ရဖို့ လည်း များသွားတယ်။ ဒီတော့ ပျော်ရွှင်မှုရဲ့ ကိန်းသေ ညီမျှခြင်းလည်း ထွက် လာတယ်။
ဒါက အမှန်တကယ်ဖြစ်နိုင်ခြေ၊ အနှုတ်၊ ပျော်ရွှင်မှုတဲ့။
ဒါကို "The fundamental equation of happiness" လို့ ခေါ်ပါတယ်။
အတောမသတ်နိုင်တဲ့ လောဘသံသရာနဲ့ပတ်သက်လို့ သိပ်ပြီးပျော်ရွှင်စရာ မကောင်းလှဘူးဆိုတဲ့အချက်ကို အမေရိကန် သိပ္ပံပညာရှင်တွေဖြစ်ကြတဲ့ Sarin နဲ့ Baucells တို့ရဲ့ တွေ့ရှိမှုတွေက ထောက်ခံပေးထားပြန်တယ်။
သူတို့ကတော့ ဇိမ်ခံအိမ်ကြီးတွေထဲက အမေရိကန် ဘီလျံနာတွေဟာ တဲပုတ် ထဲက ဆိုမာလီယာတော်လှန်ရေးသမားတွေထက် ပိုမပျော်ပါဘူးလို့ ခိုင်ခိုင်မာမာ ဆိုခဲ့ကြပါတယ်။ ဒါကတော့ ဒီနေ့ Gary Hayden ရဲ့ want to be happy? lower your expectation ဆောင်းပါးထဲကပါ။
ဝိုင်ရှိနေရင် ပေါင်မုန့်မလို
ခရီးထွက်စဉ်က ကြည့်ခဲ့ရတဲ့ စပါတာတပ်ဇာတ်ကားထဲက ဒိုင်ယာလော့လေး ကလည်း တော်တော်ကောင်းပါတယ်။
စပါတာတပ်က သူ့နောက်လိုက်တွေကို အနည်းဆုံး ပေါင်မုန့်နဲ့ဝိုင်ရစေရပါမယ်လို့ဆိုတော့ စစ်သားတစ်ယောက်က
"ဝိုင်ရှိနေမှတော့ ပေါင်မုန့်ကို မလိုတော့ဘူး" တဲ့။
စစ်သားတွေအားလုံးက "ဟေး" ဆို လက်ခုပ်တွေ ပြိုင်တူတီးကြလို့လေ။ သဘာဝကျပြီး ကြည်နူးစရာ ပြကွက်နဲ့ ဒိုင်ယာလော့လေးပါ။
သန္တုဋ္ဌီ ပရမံ သုခံ
ဘုရားစကား သိပ္ပံဖြစ်လာတော့.......
