ရေစက်လွဲတတ်သည့် မင်္ဂလာများ

အသက် ၆၀ ဝန်းကြင် အမျိုးသားနဲ့ အမျိုးသမီး ရှေ့ရောက်လာပြီး စကား အ နည်းငယ်လောက် ပြောချင်တယ်၊ ပြောလို့ ရမလားဟုမေးသည်။ ရကြောင်း အချက်ပြ အထိုင်းခိုင်းပြီးကြည့်မိတော့ သူတို့မျက်တွေက မသာယာ။ အမျိုးသမီးမျက်နှာမှာ မျက်ရည်အချို့ပင် စွတ်စိုလျှက်။ အမျိုးသားက စကား စသည်။ သူတို့မှာ သမီးနှစ်ယောက်ရှိကြောင်း၊ အကြီးက အောစတေးလျမှာ ပညာသင်၊ ဘွဲ့ရပြီးဖြစ်ကြောင်း၊ သူမဘဝ အသစ်ကို အောစတေးလျမှာ စ တင်မယ် ပြောပြီးဘယ်လိုအဆက်အသွယ်မှ မလုပ်တော့သလို ဒီဖက်က ဆက်သွယ်ရင်လည်း ဖုန်းမဖြေ၊ စာမပြန်ကြောင်း၊ ယခုဆို သူမ ဘယ်ရောက် လို့ ဘာဖြစ်နေတယ်ဆိုတာပင် မသိရကြောင်း ပြောပြသည်။
သမီးအငယ်က ရှေ့လထဲမှာ အမေရိကကို သွားတောမှာမို့ ပိုလို့ ဝမ်းနည်း မိကြောင်း ဆက်ပြောသည်။ မဆန်းလှသည့် မိဘသောကဇာတ်လမ်းပင်။ သမီးကြီးအတွက် အလွန်အမင်းစိတ်မပူဖို့လောက်သာ ပြောနိုင် ပါသည် ။ သေကွဲ၊ ရှင်ကွဲ ဒုက္ခသစ္စာကို သူတို့လည်း သိကြသည်။ သူတို့ကလည်း နားထောင်ပေးမည့် နားတစ်စုံထံ ရင်ဖွင့်လိုရုံသာဖြစ်ပြီး ဤ ကိစ္စမျိုးမှာ ရ ဟန်းတစ်ပါးက လက်တွေ့ကျကျ (ထိထိရောက်ရောက်) ဘာမှလုပ်ပေးနိုင်မှာ မဟုတ်ကြောင်း သဘောပေါက်ကြပါသည်။

သူတို့ပြန်သွားမှ သူတို့သမီးနှစ်ယောက်နဲ့ ဆက်စပ်ကာ "ပူဇာစ ပူဇနေယျာနံ" ဆီ စိတ်ညွတ်သွားမိသည်။
ပူဇော်ထိုက်သူကို ပူဇော်(ခွင့်)ရခြင်းသည် မင်္ဂလာမည်၏ တဲ့။ ပူဇော်ထိုက်သူများသည် ရတနာသုံးပါး၊ မိဘ၊ ဆရာသမားတို့ဟု စာပေနှင့် ယဉ်ကျေးမှုက ဆိုသည်။
ဤ မင်္ဂလာနှင့် ပြည့်စုံရန်
၁။ ကျေးဇူးသိတတ်မှု၊ ပြန်လည်ပူဇော်လိုမှု
၂။ ကျေးဇူးရှင်များ သက်ရှိထင်ရှားရှိနေဖို့လို၏။
ကျေးဇူးရှင်များ သက်ရှိထင်ရှားရှိနေစဉ် ပူဇော်ရမှန်း မသိခြင်း၊ မပူဇော်နို င်ခြင်း။ ပူဇော်ရမှန်းသိ၊ ကျေးဇူးဆပ်တော့မယ်ဆိုသည့်ချိန်တွင် ကျေးဇူးရှင်များ မရှိတော့ခြင်းသည် မင်္ဂလာနှင့် လွဲရခြင်းဖြစ်သည်။

သူတို့ မင်္ဂလာနှင့်အချိန်မှီ ဆက်သွယ်မိကြပါစေဟု ဆန္ဒပြုရုံမှလွဲ၍.....
မိမိကိုယ်တိုင်လည်း နွမ်းပါး စာသင်သားဘဝက သက်ရှိထင်ရှား မိဘများ....
ကျေးဇူးဆပ်နိုင်သည့် အခြေအနေရောက်မှ မရှိရှာတော့သည့် မိဘနှစ်ပါး...
မိသားစုထဲမှာ အငယ်ဆုံးဖြစ်ခဲ့ရခြင်းက အဓိကအကြောင်းလား.....
သူတို့ကံလား၊ ကိုယ့်ကံလား..
ကံတရားက ဘုရားရှင်မှသာ အပြည့်အဝ သိနိုင်သည်ဟု စာပေလာ၏။
မည်သို့ဆိုစေ တစ်ခါတစ်ရံ မင်္ဂလာသည် ပြည့်စုံရန် ခက်ခဲနေတတ်၏။

Read more

အေကေ ၄၇ ပိုင်ရှင်ရဲ့ နောင်တ

အေကေ ၄၇ ရိုင်ဖယ်သေနတ်ဟာ ကမ္ဘာကျော်လက်နက်တစ်ခုဖြစ်ပြီး သန်းပေါင်း တစ်ရာဝန်းကြင် ကမ္ဘာအနှံ့ ပြန့်နေတယ်၊ ဒီသေနတ်ကို ဒီဇိုင်းတည်ထွင်ခဲ့သူ မီခေးလ် ခလပ်ရှနီကော့ဗ်ဟာ သူ့သေနတ်တွေကြောင့် လူတွေရဲ့အသက်တွေ ဆုံးရှုံးခဲ့ရတာကို တွေးမိပြီး မသေခင်မှာ ဝမ်းနည်းနောင်တ သေတန်းစာတစ်စောင် ရေးခဲ့ပါသတဲ့။

စိတ်ထဲ နာကျင်မှုက မခံစားနိုင်သလောက်ပါ။ အဖြေမရှိတဲ့ ဒီ မေးခွန်းကိုပဲ ထပ်တလဲလဲ ကျနော်မေးနေမိတယ်။
"ကျနော့် assault rifle ကြောင့် လူတွေရဲ့အသက်တွေ သေခဲ့ရတယ်ဆိုရင် သူတို့အသက်တွေအတွက် လယ်သမားသား၊ အော်သိုဒေါက်စ် (Orthodox Christian) ခရစ်ယန်တစ်ယောက်ဖြစ်တဲ့ ကျနော်ဆိုတဲ့ မီခေးလ် ခလပ်ရှနီကော့ဗ်မှာ တာဝန်ရှိနေသလား"

အသက်ကြီးလာတာနဲ့အမျှ ဒီမေးခွန်းက မကြာမကြာ ခေါင်းထဲ ရောက်ေ ရာက်လာပြီး ပိုလို့လည်းလေးလေးနက်နက် စဉ်းစားနေမိပါတယ်။ ထာဝရဘုရားရှင်က လူတွေရဲ့ အကုသိုလ် ဣဿာ၊ မစ္ဆရိယ၊ လောဘ ၊ ဒေါသတွေကို ဘာကြောင့်များ ခွင့်ပြုခဲ့တာပါလိမ့်၊ အရာခပ်သိမ်းဟာ ပြောင်းလဲနေတယ်၊ မပြောင်းလဲတာဆိုလို လူတွေနဲ့ သူတို့ စိတ်ပဲ ရှိတယ်။ လူသားကတော့ အရင်ကအတိုင်းပဲ လောဘကြီးဆဲ၊ ယုတ်မာ ဆဲ၊ နှလုံးသား မဲ့ဆဲ၊ ကယောင်ကတန်းဖြစ်နေဆဲပါ။

"The longer I live, the more often that question gets into my brain, the deeper I go in my thoughts and guesses about why the Almighty allowed humans to have devilish desires of envy, greed and aggression," Kalashnikov continued. "Everything changes, only a man and his thinking remain unchanged: he's just as greedy, evil, heartless and restless as before!"

တစ်ချိန်ကတော့ သူ့မှာ တာဝန်မရှိ၊ အစိုးရတွေနဲ့ အကြမ်းဖက်သမားတွေမှာပဲ တာဝန်ရှိတယ်လို့ သူ ယုံကြည်ခဲ့ဟန် တူပါတယ်။
("I sleep well. It's the politicians who are to blame for failing to come to an agreement and resorting to violence," the designer told The Associated Press in 2007.)

အရွယ်ကြောင့်ထင်ပါရဲ့ သူ့ အတွေးက ပြောင်းသွားတယ်။ လူသား ဆန်လာ တယ်လို့ ပြောရမယ်ထင်ပါတယ်။

Read more

ပြသနာ ၊ Civilization

ယနေ့ ကြုံတွေ့နေရတဲ့ (ဖွင့်ပြော၊ မပြော) ပြသနာတွေဟာ Civilization ကို အခြေခံပါတယ်။
Civilization ဟာ စီးပွားရေးနဲ့ လူဦးရေ တိုးပွားမှုနှုန်းမှာ အဓိက မူတည်နေ ပါတယ်။
ဖူလာက မွတ်စလင်မရှိလည်း ကမ္ဘာဟာ ပြသနာတွေ ရှိနေမှာပဲလို့ ဆိုပါ တယ်။
သူက ခရစ်ယန် ခရူးဆေ့ စစ်ပွဲတွေနဲ့ အခြား စစ်ပွဲတွေကို ကိုးကားတယ်။
ဟန်တင်တန်က သူရေးတာထက် သတင်းစာဖြတ်ပိုင်းတွေနဲ့ သမိုင်းကို ပို အားပြုတယ်။
(သူ ပြသနာတက်တာက အများစုသတင်းစာဖြတ်ပိုင်းတွေကြောင့်)လီကွမ်ယုရဲ့ နွေ ရောက်မလာတဲ့ နွေဦးက ကမ္ဘာကို လှုပ်ခပ်စေပြန်တယ်။ ဘာလဲ၊ ဘယ်လဲ။
အားလုံးကိုခြုံကြည့်တော့ ပထဝီနိုင်ငံရေးဟာ လေ့လာရမှာဖြစ်သလို သူများ အသံကို နားစွင့်ရမှာလည်းဖြစ်တယ်။ ယောင်လို့လည်း မရဘူး။ သေသွား မယ်။
အူလို့လည်း မရ၊ ပညာရှင်ယောင် ဆောင်လို့လည်း မရပါဘူး။
ကျနော် တွေ့မိတဲ့ (ခင်ဗျား တွေ့ရင်လည်း လက်တို့ပါ၊ ပညာရှင် ဆန်ရမယ်၊ သမိုင်း ခိုင်ရမယ်) လေးစားဖွယ် အညွှန်း လေးခု ထားခဲ့မယ်။
ဖတ်ကြည့်ပါ။ သုံးသပ်ကြည့်ပါ။ ဘယ်သူ၊ ဘယ်ဘာသာကိုမှ မထိခိုက်စေ လိုပါ။

Read more

စင်္ကာပူကိုကျော်သွားတဲ့ ဝက်သေလေး

ဝက်သေလေးက "စင်္ကာပူ လာသင့် မလာသင့်" ပို့စ်ကို ကျော်တက်သွားပြီ။
ဝက်သေလေး မလာခင်က စင်္ကာပူ လာသင့် မလာသင့် ပို့စ်က မြောက်ကြွကြွနဲ့။

ပို့စ်နဲ့ ပတ်သက်လို့ ဘယ်လိုပြောရမလဲ မသိတော့ပါ။ ဒီလောက် ဖတ်ကြမယ်လို့လည်း မထင်မှတ်မိပါ။
ဆက်လက်သိချင်ရင် (အင်္ဂလိပ်လို လက်လှမ်းမမီသူများအတွက်) ဒီ လင့်က တဆင့် ဖတ်ကြည့်နိုင်ကြပါတယ်။
Citizen Keep
"Tolerance becomes a crime when applied to evil." Thomas Mann

Read more

အကျပ်အတည်းတွေနဲ့ ထိပ်မှာ (Troubled but still on top) (၅)

"၁၉၇၃ ခုနှစ်က နန်းချခံလိုက်ရတဲ့ နောက်ဆုံးဘုရင် မိုဟာမက် ဇာဟာ ရှာ (Mohammed Zahir Shah) ရဲ့နောက် စစ်လိုလားတဲ့ တိုင်းရင်းသားတွေ ကြား (အာဖဂန် နစ္စတန်မှာ) ငြိမ်းချမ်းရေး ဆိုတာ တစ်စက်မှ မရှိခဲ့ဖူးပါဘူး။ ...စက်တင်ဘာ (၁၁) မှာ ကြေကွဲစရာ ကြုံတွေ့ခဲ့ရတယ် ဆိုရင်တောင် စစ် သား တွေကို အာဖဂန်ထဲ လွှတ်လိုက်တာဟာ အမေရိကန်ရဲ့ မဟာ အမှား ပါပဲ။ ကျွန်တော်သာ သူတို့ (အမေရိကန်တွေ) နေရာ မှာဆိုရင် အကြမ်းဖက် သမားတွေ ပုန်းခိုစရာ နေရာမရှိတော့အောင် နေ့ခင်းကြောင်တောင်မှာ အာဖဂန်ကို ၀င်ပြီး ဗုန်းကြဲချလိုက်မိမှာပဲ။ ....အာဖဂန်ဟာ ဘယ် နည်းနဲ့မှ လမ်းမှန်ပေါ် ရောက်လာမှာမဟုတ်ဘူး ဆိုတာ သူတို့ သိထား သင့် တယ်

 (လီကွမ်းယု)

ကျွန်တော်သိတဲ့ အမေရိက

၁၉၆၂ ခုနှစ်မှာ ပထမဆုံး အမေရိကကို ကျွန်တော် ရောက်ဖူးခဲ့ပါတယ်။ ဒုတိ ယ ကမ္ဘာစစ်ပြီးလို့ မကြာ သေးတဲ့ ကာလပေါ့။ ဥရောပရဲ့ စီးပွားရေး တစ် ၀က်က ရုပ်ပျက်ဆင်းပျက် ပုံကျနေတယ်၊ ဗြိတိန်ရဲ့ ပါဝါကလည်း အဆင်း ပိုင်းကို ရောက်နေချိန်၊ တရုတ်ဆိုရင် တက်လာဖို့ အရိပ်အရောင်တောင် မ သန်းသေးပါဘူး။ အဲဒီအချိန် ကတည်းကကို ကျွန်တော်တွေ့ခဲ့သမျှ အမေရိ ကန်တွေဟာ သူတို့ကိုယ်သူတို့ ယုံကြည်မှုအပြည့် ရှိနေကြတယ်။ အဲဒီအချိန်မှာ ဗြိတိန်က ပိုင်ဆိုင်ထားခဲ့တဲ့ ကမ္ဘာ့ထိပ်သီးပါဝါကို သူတို့ ဆီ လွှဲပြောင်းပေး နေရချိန်ပါ။ သူတို့ နှစ်နိုင်ငံလုံးကလည်း အင်္ဂလိပ်စကားပြော တဲ့ နိုင်ငံတွေဆိုတော့ အငြင်းပွားမှု၊ စိတ်ဝမ်းကွဲမှု အကြီးအကျယ် မရှိဘဲ ပြီး ဆုံးသွားခဲ့တယ်။ ဗြိတိသျှတွေကလည်း အမေရိကန်တွေကို မယှဉ်နိုင်တော့ ဘူးဆိုတာ သိနေ ကြတယ်။ သူတို့ကိုပဲ ဂျာမန်တွေလက်ထဲကနေ အမေရိ ကန်တွေက ကယ်ယူခဲ့ရတာပါ။ ဒါပေမဲ့ အလကားတော့ မဟုတ် ပါဘူး။ ဒီ အတွက် သူတို့ အင်ပါယာနဲ့တကွ အမေရိကန်နိုင်ငံထဲမှာ ရှိတဲ့ နယ်မြေတွေ ကို ပြန်ပေးလိုက်ရပါတယ်။ အလကားမပေးဘူးဆိုတဲ့ မြေတွေကိုလည်း အတ္တလန်တစ် သမုဒ္ဒရာကို စောင့်ရှောက်ထားဖို့အတွက် လိုအပ်တဲ့ (အမေရိကန်တွေရဲ့) တစ်ပတ်ရစ် သင်္ဘောအဟောင်းတွေနဲ့ လဲလှယ်ယူ ခဲ့ကြပါတယ်။ ဒါတွေကိုကြည့်တော့ သူတို့ ကျရှုံးနေပြီ။ အမေရိကန်တွေရဲ့ အားကို စိန်မခေါ်နိုင်တော့ဘူး ဆိုတာ အလိုလို သဘောပေါက်ပြီး ဖြစ်နေ ခဲ့ကြပါတော့တယ်။

ဒီတစ်ချီမှာ မတူညီတဲ့ အချက်ကတော့ တရုတ်အပေါ်စီး ရောက်သွားမှာကို အမေရိကန်တွေက လွယ် လွယ်နဲ့ လက်ခံမှာမဟုတ်ဘူး ဆိုတဲ့ အချက်ပါ။ ဒါပေမဲ့ အခု တက်လာတဲ့ တရုတ်ရဲ့ အရှိန်အဟုန်ကို ဟန့်တားဖို့ မလွယ်လှ ဘူးဆိုတာတော့ အမေရိကန်တွေ မြင်ထားကြမှာပဲ။ သက္ကရာဇ် ၂၀၃၅ ဆိုရင် တရုတ်ပြည်ရဲ့ တစ်ဦး ချင်း ၀င်ငွေဟာ အမေရိကန်ထက် များလာနိုင်ပြီး အမေရိကန်တွေ အုပ်စီးထားတဲ့ အနောက် ပစိဖိတ်ကို ဟန့်တားထားနိုင်ဖို့ စစ်အင်အားလည်း တရုတ်မှာ ရှိလာနိုင်ပါတယ်။ ဒါဟာ အထင်ကရ ပြောင်း လဲမှုကြီးတစ်ခု ဖြစ်သွားနိုင်ပါတယ်။ ဂျာမန်တွေက ဥရောပကို စစ်ရေးနဲ့ စိန်ခေါ်နေတော့ ဗြိတိန်က အမေရိကန်တွေနဲ့ ပူးပေါင်းပြီး ဟန့်တား ထားနိုင် ခဲ့ပါတယ်။ ဒီတစ်ချီမှာရော အမေရိကန်တွေက ဂျပန်တွေနဲ့ ပူးပေါင်းပြီး တ ရုတ်ကို ဟန့်တားနိုင်ဦးမလား။ ကျွန်တော်တော့ သိပ်မထင်လှပါဘူး။

ဂျပန်တွေက တရုတ်နဲ့ ထိပ်တိုက်ရင်ဆိုင်ပြီး သမိုင်းတလျှောက်လုံး ရန်သူ တော်ကြီးတွေ ဖြစ်မှာကို မလိုလားလောက်ပါဘူး။ ကျွန်တော်သာ ဂျပန်လူမျိုးဆိုရင် သန်း (၁၃၀) သာရှိတဲ့ ကျွန်တော်တို့ လူမျိုးတွေဟာ (၁.၃) ထရီလီယမ် ရှိတဲ့ တရုတ်လူမျိုးတွေနဲ့ ဘေးချင်းကပ်နေ နေကြရ တာ ကို တွေး မြင်နေ မိမှာပါ။
“သူတို့နဲ့ ဘာဖြစ်လို့ ရန်ငြိုးဖွဲ့စရာတွေ လုပ်နေမှာလဲ” လို့ မေးကောင်းမေးမိပါလိမ့်မယ်။ နောက်ပြီး တရုတ်ပြည်က ဂျပန်နဲ့ ကိုရီး ယားတို့ဆီက အလုံးအရင်းနဲ့ စီးပွားရေး ရင်းနှီးမြှုပ်နှံမှုတွေကို ၀မ်းမြောက် ၀မ်းသာ ကြိုဆိုထားတယ်။ တရုတ်ပြည်ဆိုတာ ကုန်ထုတ်လုပ်မှု စရိတ် ချို သာပြီး အလွန်ကြီးမားတဲ့ ဈေးကွက်ရှိနေတဲ့ နေရာပါ။ ၂၁ ရာစုမှာတော့ အမေရိကန်နဲ့ တရုတ်တို့ရဲ့ အပြန်အလှန်နားလည်တဲ့ ဆက်ဆံရေးဟာ အရေးအကြီး ဆုံး အချက်ဖြစ်ပါတယ်။

သူတို့ နှစ်နိုင်ငံ ငြိမ်းငြိမ်းချမ်းချမ်းနဲ့ အတူတကွ ပူးပေါင်းနေထိုင်ကြမယ်ဆိုရင် အာရှ တိုက်ဟာလည်း တည်ငြိမ်အေးချမ်းပါလိမ့်မယ်။ နှစ်နိုင်ငံစလုံးက အနုမြူလက်နက်တွေ ပိုင်ဆိုင်နေတော့ ထိပ်တိုက်ရင်ဆိုင် တွေ့ကြဖို့ကေ တာ့ ဖြစ်နိုင်ချေ နည်းပါးလှပါတယ်။ ဘယ်လို အနေအထားကပဲဖြစ်ဖြစ် ထိပ် တိုက်တွေ့မိပြီ ဆိုရင်တော့ ရှုံးတဲ့ဖက်က အဆုံး၊ အရှုံး အပျက်အစီး နည်းေ အာင် နူးကလီးယားလက်နက် တွေ စတင်သုံးစွဲလာပါလိမ့်မည်။ ဒါဆို ရင်တော့ အားလုံးကိစ္စချောဖို့ အစပျိုးလိုက်တာပါပဲ။ ဒါကြောင့် နှစ် ဖက် စလုံး ဟာ အသေးအဖွဲ အငြင်းပွားမှုလေးတွေကစလို့ ထိပ်တိုက်ရင်ဆိုင် မတွေ့ ရအောင် အတတ်နိုင်ဆုံး ရှောင်ကြပါလိမ့်မယ်။

အမေရိကန်အနေနဲ့ သူ့ရဲ့ စစ် ဖက်ဆိုင်ရာ နည်းပညာတွေ ပိုကောင်းအောင် ကြိုးစားနေ မယ့်အစား တ ရုတ်ပြည်ကို ကမ္ဘာ့အဖွဲ့အစည်းထဲ ရောက်လာအောင် အားပေးပြီး အပြည်ပြည်ဆိုင်ရာ ကိစ္စရပ် တွေ စနစ်တကျ ဖြစ်စေဖို့ ပုံဖော်ရာမှာ တရုတ် ကိုလည်း တစ်ခန်းတစ်ကဏ္ဏအနေနဲ့ ပါဝင်ဆောင်ရွက်ခွင့် ပြုသင့်ပါတယ်။ ဒါဆိုရင် တရုတ်ပြည်အနေနဲ့လည်း ကမ္ဘာ့ နိုင်ငံသားကြီးအနေနဲ့ တာဝန်တွေ ကို ဆောင်ရွက်ခွင့်ရလို့ ကျေနပ်စရာလို့ ထင်မြင်လာပါလိမ့်မယ်။

သူတို့ ကမ္ဘာကိုလွှမ်းမိုးစ ကနဦးနှစ်တွေကဆိုရင် အမေရိကန်တွေ လည်းေ မာက်မာတဲ့ သဘောမျိုး လေးတွေ ရှိနေခဲ့ပါတယ်။ ဗြိတိန်ကတော့ နှစ်ပေါင်း (၂၀၀) ကျော် အင်ပါယာစနစ်နဲ့ အုပ်ချုပ်လာတာမို့ ပြည့်ပြည့်၀၀ ရှိခဲ့ကြ တယ်။ ဒါ့ကြောင့် သူတို့ အုပ်ချုပ်မှုကလည်း အတွေ့အကြုံ ရင့်ကျက် ပြီး ပြေပြေပြစ်ပြစ် ရှိခဲ့ပါတယ်။ တစ်ခါက ဗြိတိသျှအစိုးရ အောက်မှာ အလုပ် လုပ်ခဲ့ဖူးတဲ့ ၀န်ထမ်းတစ်ယောက်ကဆိုရင် ဗြိတိလျှ အရာရှိ (၂၀၀) ဟာ အိန္ဒိယလူမျိုး မီလျံ (၂၀၀) ကို ကောင်းကောင်းထိမ်းချုပ် ထားနိုင်တယ် လို့တောင် ပြောခဲ့ ဖူးပါတယ်။ အဲဒီအချိန်ဟာ ဗြိတိသျှအင်ပါယာရဲ့ အမြင့် ဆုံးရောက်နေတဲ့ အချိန်ပါပဲ။ ဒုတိယကမ္ဘာစစ်ပြီးတဲ့နောက် အမေရိကန်တွေ ကြီးစိုးလာတယ်။ သူတို့ ကြီးစိုးရတဲ့ ကာလက သိပ်မကြာသေးတော့ သူတို့ လက်ရှိရထားတဲ့ နေရာကို ကာကွယ်ဖို့ ရှိလာသမျှစိန်ခေါ်မှုတိုင်းကို လှဲကျဉ်း ရှင်းထုတ်ပစ်မှာ အသေအချာပါပဲ။

အမေရိကန်တွေက သူများနိုင်ငံထဲ ၀င်ရောက်ပြီး သူတို့ ယုံကြည်တာကို သူများလည်း ယုံကြည်လာစေဖို့ စည်းရုံးတတ်တဲ့ သဘောကလည်း ရှိနေပြန်ပါသေးတယ်။

စက်တင်ဘာ (၁၁)ရက် ကိစ္စပြီးတဲ့နောက် အာဖဂန်နစ္စတန်ထဲ ၀င်ရောက်ပြီး အာဖဂန်နစ္စတန်ကိုပဲ “နေးရှင်း” တစ်ခုဖြစ်အောင် တည်ဆောက်ပေးဖို့ ကြိုးစားခဲ့ကြတယ်။ သိပ်ပညာသား မပါလှဘူး။ အဲဒီနိုင်ငံဟာ နှစ်ပေါင်း သုံး ဆယ်၊ လေးဆယ်အတွင်း နေးရှင်းတစ်ခုလို့ ပြောလို့ကို မရပါဘူး။ ၁၉၇၃ ခုနှစ်က နန်းချခံလိုက်ရတဲ့ နောက်ဆုံးဘုရင် မိုဟာမက် ဇာဟာ ရှာ (Mohammed Zahir Shah) ရဲ့နောက် စစ်လိုလားတဲ့ တိုင်းရင်းသားတွေ ကြား ငြိမ်းချမ်းရေး ဆိုတာ တစ်စက်မှ မရှိခဲ့ဖူးပါဘူး။ အဲဒီရှေ့ နှစ်ပေါင်းတစ်ရာလောက်အထိ ပြန်ကြည့်မယ်ဆိုရင် ဗြိတိသျှ စစ် သား ရုဒ်ယာ့ဒ် ကစ်ပလင် (Rudyard Kipling) ရေးခဲ့တဲ့ ကဗျာလေးတစ်ပုဒ် ရှိပါတယ်။
The Young British Soldier (ဗြိတိသျှ စစ်သားလေး) တဲ့။

‘‘When you wounded and left an Afghanistan’s plains
And the women come out to cut up what remains
Jest roll to your rifle and blow up your brain
An’ go to your Gawd like a solider”

ဒီကဗျာလေးကို ဟီလာရင် ကလင်တန်ကို ပေးဖတ်ပြီး သူမကို သိမ်သိမ်မွေ့မွေ့နဲ့တော့ အကြံဥာဏ် ပေးခဲ့ပါတယ်။ ဒီနေ့ အာဖဂန် နစ္စတန်ကို ကြည့်ရင် ကစ်ပလင်ရဲ့ လက်ထက်ကနဲ့ ထူးထူးခြားခြား ဘာမှ ပြောင်းလဲလာမှု မရှိသေးဘူး လို့။ စက်တင်ဘာ (၁၁) မှာ ကြေကွဲစရာ ကြုံတွေ့ခဲ့ရတယ် ဆို ရင်တောင် စစ်သား တွေကို အာဖဂန်ထဲ လွှတ်လိုက်တာဟာ အမေရိကန်ရဲ့ အမှားပါ။ ကျွန်တော်သာ သူတို့ (အမေရိကန်တွေ) နေရာ မှာဆိုရင် အကြမ်း ဖက်သမားတွေ ပုန်းခိုစရာ နေရာမရှိတော့အောင် နေ့ခင်းကြောင်တောင်မှာ အာဖဂန် ကို ၀င်ပြီး ဗုန်းကြဲချလိုက်မိမှာပဲ။ သူတို့က စစ်သားတွေကို စစ်မြေပြင်ထဲ လွှတ်လိုက်ကြတယ်။အသက်ဆုံးရှုံးမှု မရှိ၊ သိက္ခာလည်း မကျစေဘဲ ဘယ်လိုလုပ် နောက်ဆုတ် လာလို့ ရပါတော့မလဲ။

သမ္မတ အိုဗားမားကတော့ ၂၀၁၄ ခုမှာ အာဖဂန်မှာ ရှိတဲ့ စစ်သားတွေအားလုံး ပြန်ရုပ်သိမ်းဖို့ စီစဉ်နေတယ်လို့ ပြောပါတယ်။ ဒါကို သူ အမြန် ဆုံး အကောင်အထည် ဖော်သင့်တယ်။ အာဖဂန်ဟာ ဘယ် နည်းနဲ့မှ လမ်းမှန်ပေါ် ရောက်လာမှာမဟုတ်ဘူး ဆိုတာ သူတို့ သိထား သင့် တယ်။

ဆက်ရန်

Read more