အမျိုးသားရေးလက္ခဏာ၊(ပြန်ချင်တဲ့ ကွန်မင့်များ)

Sid Khin Zaw "ဦးတင်မောင်ဝင်းကလဲ မြန်မာလိုရေးထားတဲ့ post အောက်မှာ အီးလိုလာမှုတ်နေတယ်။ ကျွန်တော်တို့က အီးလိုနားမလည်ဘူးဗျ၊
လေတာပေါ့။ သူ့ဝေါပေါ်မှာကျ မြန်မာလိုတွေရေးထားပြီးးး"

နိုင်င်ငံခြားမွေးတဲ့ မြန်မာကလေးတွေ မြန်မာစာ စကားမပြောတတ်လုိ့ဆိုပြီး
ကျယ်ကျယ်လောင်လောင်အော်နေတဲ့ ပါးစပ်ကြီးနဲ့..
ကွန်ပျူတာရှေ့လည်း ထိုင်လိုက်ရော..
သူ့နာမည်သူ မြန်မာလို စာလုံးမပေါင်းတတ်တော့ဘူး။

အမှာ။ ။ ဆရာ ဦးတင်မောင်ဝင်းကို ဘလိုင်းကြီး ဝင်ဆော်တာမဟုတ်ဘူးနော်။ ဒီကွန်မင့်ကြောင့် သတိရသွားလို့ လေးကြိမ်မြောက် ပြန်တင်တာ။ တိုက်ဆိုင်မှုအတွက် ဆောရီး။

2/25/2012

Read more

ဒီခေတ်ကြီးထဲမှာ မပျင်းရအောင်

ဒီခေတ်ကြီးထဲမှာ မပျင်းရအောင်ကို
ဝန်ကြီးတွေက တောင်ပြောမြောက်ပြော ပြောလိုက်
မီဒီယာက တောင်ပြောမြောက်ပြော ပြောလိုက်
( မြစ်ဆုံနေရာ သဲသောင်ပေါက်၊ ပေါက်သည့်သောင်ပေါ် တဲတွေဆောက်၊ မုဆိုးမတဲအောက် ခေါင်းလောင်းရောက်၊ တူမောရိုးဂျာနယ်တဲ့ ကွယ်တို့)
ဘုန်းကြီးလူထွက်က တောင်ပြောမြောက်ပြော ပြောလိုက်
ဘုန်းကြီးလူထွက်ကလည်း တိုက်ပွဲရှုံးသွားတာတောင် "စည်တော်ယွမ်းပြီး ပြည်ဝင်ချင်တုံး"
ကိလေသာသတ်ပွဲ အရှုံးအနိုင်က ရှိမှာဘဲ။ ပါရဂူတို့လူထွက်သွားတာ အေးအေးလေး။ သူ့ကျမှ ရှုပ်လို့။

ဦးကိုမောင်
ဖီးလင်း အမြူးဇင်း

Read more

ပညတ်တော် ၁၀ ပါးနဲ့ ငါးပါးသီလ

ထာဝရဘုရားရှင်ဟာ ခရစ္စယန်ဘာသာတည်ထောင်ဖို့ ပညတ်တော် ၁၀ ပါးနဲ့ အတူ အီဂျစ်ကိုရောက်သွားတယ်။
"ငါက ဂေါ့ဒ်ဖြစ်တယ်၊ ပညတ်တော် ၁၀ ပါး ယူကြမလား"
"နေပါဦး၊ ပညတ်တော် ၁၀ ပါး က ဘာတွေလဲ"
"သူ့သားမယားကို မကျူးလွန်ရဘူး စတာတွေပေါ့"
"No, thank" လို့ အီဂျစ်လွှတ်တော်က ပြန်ပြောတယ်။

ဒါနဲ့ ထာဝရဘုရားရှင်က ဆီးရီးယားကို ဆက်ကြွတယ်။ အရင်အတိုင်းပဲ
"ငါက ဂေါ့ဒ်ဖြစ်တယ်၊ ပညတ်တော် ၁၀ ပါး ယူကြမလား"
"နေပါဦး၊ ပညတ်တော် ၁၀ ပါး က ဘာတွေလဲ"
"သူများပစ္စည်း မခိုးယူရ စတာတွေပေါ့"
"မဖြစ်ပါဘူး၊ စီးပွားရေးတွေ ပျက်ကုန်မှာပေါ့" လို့ ဆီးရီးယား လွှတ်တော် ကလည်း ပြန်ပြောတယ်။

နောက်ဆုံး ထာဝရဘုရားရှင်က အစ္စရေးကိုဆက်သွားပြီး ဂျူးတွေကို
"ငါက ဂေါ့ဒ်ဖြစ်တယ်၊ ပညတ်တော် ၁၀ ပါး ယူကြမလား"
"ယူတာကဟုတ်တယ်၊ ဆယ်ပါးလုံးယူရင်ဘယ်ပေါက်ဈေးနဲ့ ပေးမှာလဲ"
" F.O.C( free of charge) ပါ"
"ဒါဆို ဆယ်ပါးလုံးယူမယ်" လို့ အစ္စရေးလွှတ်တော်က တညီတညွတ်တည်း ဆုံးဖြတ်လိုက်ကြတယ်။

ဂေါတမဗုဒ္ဓလည်း ငါးပါးသီလကိုယူပြီး မြန်မာပြည်ကို ကြွသွားခဲ့တယ်။
"ငါက ဗုဒ္ဓဖြစ်တယ်၊ ငါး ပါးသီလ ယူကြမလား"
"ဘယ်နှနှစ် စာချုပ်နဲ့လည်း"
"နှစ် ငါးထောင်စာချုပ်နဲ့"
"ဒါဆို အချိန်တွေ အများကြီး ရှိသေးတာပဲ။ လျှောက်လွှာတင်ထားခဲ့ပါ၊ လွှတ်တော်က မဲခွဲဆုံးဖြတ်ပြီးရင် အကြောင်းပြန်ပါမယ်"
(လွှတ်တော်က ဖတ်ရှုပြီးပေမဲ့ လက်ရှိမှာတော့ လွှတ်တော်ရဲ့လုပ်ဆောင်ချက်တွေနဲ့ (ဟဲဟဲ နည်းနည်းကွာဟနေလို့)ကိုက်ညီအောင်( ပြင်ဆင်ချက် အချို့နဲ့အတူ) ငါးပါးသီလမူကြမ်းကို ထပ်ပြီး လျှောက်လွှာတင်ဖို့ လမ်းညွှန်ထားကြောင်း သိရပါတယ်)

နောက်ဆုံးအပိုဒ်ကလွဲရင် အားလုံး "Wisdom from laughter" ထဲက ယူထားတာပါ။

07/07/2013

Read more

◕ ‿ ◕ အချိန်နဲ့ အမျှ ◕ ‿ ◕

မွေးနေ့ တူနေတဲ့ သူငယ်ချင်း သုံးယောက်ဟာ သူတို့ အသက် ၄၀ ပြည့် မွေးနေ့ အတွက် ဘယ်မှာ ညစာ စားကြမလဲ ဆိုတာ ဆွေးနွေးကြတယ်။ နောက်ဆုးံတော့ Ocean View မှာ စားကြဖို့ ဆုံးဖြတ်လိုက်ကြတယ်။ အကြောင်းကတော့ အဲဒီဆိုင်က ကောင်မလေးတွေက ချောလို့ တဲ့။

နောက် ၁၀ နှစ်ကြာတော့ သူတို့ အသက် ၅၀ ပြည့် မွေးနေ့ အတွက် ဘယ်မှာ ညစာ စားကြမလဲ ဆိုတာ ဆွေးနွေးကြပြန်တယ်။ နောက်ဆုးံတော့  Ocean Viewမှာ စားကြဖို့ ဆုံးဖြတ်လိုက်ကြတယ်။ အကြောင်းကတော့ အဲဒီဆိုင်က အစားအသောက် ကောင်းသလို ဝိုင် ကလည်း အပျံစား မို့ တဲ့။

နောက် ၁၀ နှစ်ကြာတော့ သူတို့ အသက် ၆၀ ပြည့် မွေးနေ့ အတွက် ဘယ်မှာ ညစာ စားကြမလဲ ဆိုတာ ဆွေးနွေးကြပြန်တယ်။ ဘာပဲပြောပြော  နောက်ဆုးံတော့  Ocean View ပဲ မှာ စားကြဖို့ ဆုံးဖြတ်လိုက်ကြတယ်။ အကြောင်းကတော့ အဲဒီဆိုင်က အေးအေး ဆေးဆေးရှိပြီး ပတ်ဝန်းကျင် ရှုခင်းလည်း လှပ လို့ တဲ့။

နောက် ၁၀ နှစ်ကြာတော့ သူတို့ အသက် ၇၀ ပြည့် မွေးနေ့ အတွက် ဘယ်မှာ ညစာ စားကြမလဲ ဆိုတာ ဆွေးနွေးကြပြန်တယ်။  နောက်ဆုးံတော့ ဒီဆိုင်မှာပဲ  စားကြဖို့ ဆုံးဖြတ်လိုက်ကြတယ်။ အကြောင်းကတော့ အဲဒီဆိုင်က ဝှီး ချဲယား နဲ့ တက်သွားရင် ရလုိ့ တဲ့။

နောက် ၁၀ နှစ်ကြာတော့ သူတို့ အသက် ၈၀ ပြည့် မွေးနေ့ အတွက် ဘယ်မှာ ညစာ စားကြမလဲ ဆိုတာ ဆွေးနွေးကြပြန်တယ်။ အတော်ကြာအောင် ဆွေးနွေးပြီးတဲ့နောက် Ocean View မှာ  စားကြဖို့ ဆုံးဖြတ်လိုက်ကြတယ်။
အကြောင်းကတော့ အဲဒီဆိုင်မှာ သူတို့ တစ်ခါမှ ညစာ မစားဖူးသေးလို့ တဲ့။

Ref: R.D. Aug.
(Wisdom from laughter ထဲက သစ်တယ်ထင်တာလေးတွေ ရွေးထားတာပါ။ ကြားဖူးရင် ဆောရီးပဲ။)

11/09/2012 

ဇင်ဝေသော်

Read more

အရွယ်တင်တဲ့ အိပ်မက်များ

ဟေ့ ဟေ့ ဟေ့ ကမ်းလက် ဘလောက်ကနေ တင်ဆက်လိုက်တယ်....
အဋ္ဌကထာထဲက ရဟန်းတစ်ပါးအိပ်မက်
ဘကြီးဘုန်းကြီးကို ယပ်ခပ်ပေးရင်း၊ မြူးလွင့်လာတဲ့ စိတ်(ကူး)ရူးလေညှင်း
နွားမတစ်ကောင်အရင်ဝယ်၊ နို့ညှစ်ပြီးတော့ ရောင်းမယ်၊ နွားမတစ်ကောင်က နှစ်ကောင်ဖြစ်၊
နှစ်ကောင်ကနေ သုံး.. လေး.. ငါး... ခြောက် နွားအုပ်ကြီးဖြစ်။
နို့တွေအများကြီးရ၊ ပိုက်ဆံတွေလည်း အများကြီးရ။
ဟဲဟဲဟဲ (ဒီတော့) မိန်းမတစ်ယောက် ကောက်ယူ။ ကလေးပါရတော့ ကလေးက ဆူ။
ဆူတဲ့ ကလေးကို ဂရုမစိုက်၊ မိန်းမမိုက်တော့ အရိုက်။
ဟိုက်......တကယ်ရိုက်မိတာက ဘကြီးဘုန်းကြီးခေါင်း၊
ဒေါင်း။

၂၁ရာစု ရဟန်းတစ်ပါးအိပ်မက် ကွယ့်
ဟေ့ ဟေ့ ဟေ့ လူဝတ်လဲရင်း စိတ်ကူးမိတယ်၊
ပြောမယ်၊ မတားကြနဲ့ ပြောမယ်၊ အော်ဖစ်ရှယ်လီ ပြောမယ်၊ လိုလို မလိုလို ပြောမယ်။
ဥရောပနိုင်ငံကြီးသွား (အင်္ဂလိပ်စကားပြော ဟုတ်ဟုတ် မဟုတ်ဟုတ် ) အင်္ဂလိပ်စာသင်ရေး၊
ကမ္ဘာတွင်မယ့် စာအုပ်ကြီးတွေရေး၊ ဝင်လာမယ့် ဒေါ်လာတွေ တဖွေးဖွေး၊
ဒါရိုက်တာတွေ ခိုက်လို့ ရုပ်ရှင်ရိုက်၊ မိုက်စ်။ ဒေါ်လာတွေ သန်းချီပိုက်။
မိန်းမက ရပြီးသားမို့ ယူစရာမလို၊ သူ့စားဝတ်နေရေးကလည်း ပူစရာမလို၊
လိုနေတာ မြန်မာပြည်က ခိုးကိုးရားမဲ့တို့။ ကမ္ဘာကျော်စာအုပ်ရေးလို့ ရသမျှ သူတို့အဖို့။

"Dream comes true." ဖို့ ဆုတောင်းတယ်
ဘကြီးဘုန်းကြီးခေါင်းတော့ ရိုက်နဲ့ကွယ်။

ဦးကိုမောင်(ပြုံးစိစိဖတ်စာ)

Read more

ဟေ့ ဟေ့ ဟေ့ ကမ်းလက်ဘလောက်ကနေ ဖြန့်ချီလိုက်တယ်

"အဟင့် အဟင့်
ကောလဟလသတင်း
တချို့လူတွေ မနာလိုလို့ ပြောကြတာပါရှင့်"
(ဗျူဟာ၊ အောအောအော တောကားရိုက် ဆိုလား??)

ရဲကို ဂရုဏာတော့ သက်ပါသရှင့်
အဟင့် အဟင့်
ဈေးချိုတစ်ဝိုက် မီးလန့်လျင်ဖြင့်
မီးသတ်ကားအရင် ဘုန်းကြီးတွေက ရောက်နှင့်
လဘက်ရည်ဆိုင် ရန်ဖြစ်လျင်ဖြင့်
ရဲကားအရင် ဘုန်းကြီးတွေက ရောက်နှင့်
အဲဒါ ၈၈ မတိုင်မီကပါရှင့်

"အမြင့်ရောက်တော့ လေတိုက်တာ ပြင်းပြင်း
သိတယ်မဟုတ်လား သမီးက ရုပ်ရှင်ကွင်း ဂီတကွင်း
မော်ဒယ်ကွင်း အနုပညာ ကွင်း ကွင်း ကွင်း ကွင်း"
(ဗျူဟာ၊ အောအောအော တောကားရိုက် ဆိုလား??)
လေတိုက်တော့ မီးလောင်တာက ပြင်းပြင်း
သိတယ်မဟုတ်လား သူတို့က အနှေးမှာ ကင်း
အပြေးမှာ ကင်း
လက်သွက်တော့ ဒဏ်ချက်တွေက ပြင်းပြင်း
သိတယ်မဟုတ်လား သူတို့က အနှေးမှာ ကင်း
အပြေးမှာ ကင်း
ကင်း ကင်း ကင်း ကင်း
အဲဒါ ဦးသိန်းစိန် မတက်ခင်ကပါ ရှင့်။

ဦးကိုမောင်(ပြုံးစိစိဖတ်စာ)

ref:https://soundcloud.com/nyipu-1/3kgxqgcmen7c

Read more

ဆရာလည်း လူပါပဲလေ

ဂျပန်မှာ ငလျင်ကြီးတွေ လှုပ်တုန်းကပေါ့။ ကိုရင်တွေ ဦးပဉ္ဇင်းငယ်တွေ ယောက်ယက်ခပ်ပြီး ဘာလုပ်ရမှန်းမသိ၊ ဘယ်သွားရမှန်းမသိဖြစ်နေတယ်တဲ့။ ဒီအချိန်မှာ ဇင်ဂျပန်ဆရာတော်က တည်တည်ငြိမ်ငြိမ်နဲ့ လျှို့ဝှက်လှိုဏ်တွေထဲဝင်ပြီး ဘေးလွတ်ရာကို ရောက်အောင် လမ်းပြပေးနိုင်ခဲ့လို့ ဒဏ်ရာအနာတ ရဖြစ်သူ ရယ်လို့တောင် မရှိခဲ့ပါဘူး။ တပည့်တွေအားလုံး ဘေးကင်းလုံခြုံပြီ ဆိုတော့မှ ဆရာတော်က အနီးမှာ ရှိတဲ့ရေကရားအိုးထဲက ရေတွေအားလုံးကို မော့သောက်ချလိုက်သတဲ့။

ပြီးတော့ ဆရာတော်က သဘာဝဘေးအန္တရာယ် နဲ့ကြုံလာရင် စိတ်တည်တည်ငြိမ်ငြိမ် ထားဖို့၊ ခေါင်းအေးအေးနဲ့ လွတ်လမ်းကို ရှာတတ်ဖို့ အရေးကြီးကြောင်း သြဝါဒပေးတယ်။ 

နောက်ဆုံး “စိတ်တည်တည်ငြိမ်ငြိမ် ရှိထားရမယ်လို့သာ ပြောရတယ် မင်းတို့ ဘေးအန္တရယ်က လွတ်ပြီဆိုတာလည်းသိရော ရေကရားထဲကရေတွေကို စိတ်လှုပ်လှုပ်ရှားရှားနဲ့ မော့သောက်လိုက်တာ ကုန်သွားရော “ လို့မိန့်တယ်။

ဒီတော့ ကိုရင်ငယ်လေးကပြုံးသတဲ့။

ဒါကိုမြင်လိုက်တဲ့ ဆရာတော်က “ကိုရင် ဘာကိုပြုံးတာလဲကွ“ ဆိုတော့

“ ခွင့်လွှတ်တော်မူပါ ဆရာတော် ဘုရား ။ ဆရာတော် သောက်ချလိုက်တာ ရေတွေမဟုတ်ပါဘုရား။ တပည့်တော်ဟင်းချက်မလို့ ပြင်ထားတဲ့ ငံပြာရည်တွေပါဘုရား “ တဲ့။

ဆရာတော်က “ ဟေ ! ငါမသိလိုက်ဘူးကွာ “ တဲ့။

(ဇင်ပုံပြင်များမှ ကူးယူပါသည်)

 

(18/11/2011)

ဦးကိုမောင်

Copyright © 2011 ကမ်းလက်. All rights reserved.                                                                          

Read more

ပညာရှင် ဒေးဗစ်ဘက်ခမ်း

               ပညာရှိစကားများ တစ်ခွန်းဆို တစ်ခွန်း တယ်.. တာသွားတာပါ။ ဒေးဗစ်ဘက်ခမ်းဆိုတဲ့ ပညာရှင်တစ်ယောက်အောကာင်းကြားဖူးကြမှာပါ။ မကြားဖူးဘူးဆိုရင် တောင် စပိုက်ဂဲ(လ်) ဖက်ရှင် မော်ဒယ်လ် ဗစ်တိုးရီးယားကိုတော့ သိကြမှာပါ။ မသိလည်း ကိစ္စတော့မရှိဘူး။ ဒီတစ်ပတ် ကမ်းချင်တဲ့  လက်က   ဒေးဗစ်ဘက်ခမ်းပြောခဲ့တဲ့ စကားလေး တစ်ခွန်းပါ။ 

“အခု ကမ္ဘာ့ဖားမှာ ကျွန်တော်တို့  အသက်တွေက၂၄-နှစ်ပါ။ ကျွန်တော်တို့ သာဂရုမစိုက်ဘူးဆိုရင် နောက်လေးနှစ်ကြာမှာ ကျင်းပမယ့် ကမ္ဘာ့ဇလားပွဲရောက်ရင်  ကျွန်တော်တို့ အသက်တွေ ၂၈-နှစ် ဖြစ်ကုန်ကြတော့မယ်” တဲ့။ မှန်လိုက်တဲ့စကား။

 တော်ချက်။ LIKE !

ဒါနဲ့ - ညီမလေးအသက်က (၃၀) နော် ။ ဂရုစိုက်ပါညီမလေးရယ်။ ဂရုမစိုက်လို့ကတော့ နောက် ၁၀-နှစ်ကြာရင် ညီမလေး အသက် (၄၀) ဖြစ်ပြီသာမှတ်။ 

အခု(2014) စပယ်ရှယ် ပလေးယားနဲ့ စပယ်ရှယ် ပွဲဆိုပြီး ပညာရှင် ဒေးဗစ် ဘက်ခမ်းက(ဟဲဟဲ ဦးကုသလ လိုပဲ) မက်စီနဲ့ အာဂျင်တီးနားကို ရွေးထားပါတယ်။

လေးစားရပါတဲ့ ဆရာကြီး ဘက်ခမ်းရယ်။ မှတ်ထားတယ်။ မမေ့ဘူး။ 


(18/11/2011)

ဦးကိုမောင်

Copyright © 2011 ကမ်းလက်. All rights reserved.                                                                                 

Read more

မရယ်နဲ့ (ဘိုးဘိုးကြီး တစ်နေ့တာ လုပ်ငန်း)

ဒီနေ့ နေလယ်စာလေး စားပြီးရင် ပထမဆုံးလုပ်ဖို့ စီစဉ်ထားတာက ကား ရေဆေးဖို့ပဲ။ ကားကို ရေဆေးဖို့အသွား စားပွဲပေါ်မှာ စာတိုက် ကရောက်ရောက်လာတဲ့ ကြောငြာတွေ၊ ဘာမှလုပ်မရတဲ့စာတွေနဲ့ ရှုပ်နေတာ သတိထားမိပြန်ရော။ တချို့က စာပြန်ဖို့၊ တချို့ကအမှိုက်ပုံးထဲထည့်ဖို့ပေါ့။ ကားသော့ကို စား ပွဲပေါ်ခဏတင်ထားရင်း ကား ရေမဆေးခင် ဒီ အမှိုက်ေ တွကို အရင်ရှင်းမယ်လို့ လုပ်လိုက်တော့ စာပွဲဘေးက စက္ကူပုံးမှာ အမှိုက်တွေ ပြည့်နေပြီဆိုတာ သိလိုက်ရပြန်တယ်။ ဒါနဲ့ ပြန်ရမယ့်စာကို စားပွဲပေါ်တင်ပြီး အမှိုက်ပုံးပဲ အရင်သွန်မယ်ဆိုပြီးသွားနေတုံး ပေးစရာ ရှိနေတဲ့ ဘေလ်တွေကို သတိရမိပြန်ရော။ ဒါဆိုရင်တော့ အိမ်နားက စာတိုက် ကိုသွား ပြန်စရာရှိတဲ့စာကိုပြန်၊ ပေးစရာရှိတဲ့ ဘေလ်ကို အရင်သွားပေးလိုက် မှ အဆင်ပြေမယ်။ ပေးမယ်ဆိုကာမှာ ချက်လက်မှတ်စာအုပ်ထဲမှာတစ်ရွက်ပဲ ကျန်တော့တယ်ဆိုတာ သတိထားကြည့်လိုက်မိပြန်တယ်။

ချက်လက်မှတ်စာအုပ်အသစ်က စာကြည့်ခန်းထဲက စားပွဲအံဆွဲထဲမှာထား တာ၊ ဒါနဲ့ စာကြည့်ခန်းထဲရောက်တော့ သောက်လက်စ ဖျော်ရည်ဗူး နဲ့ ရေ သန့်ဗူးတွေကိုတွေ့မိတယ်။ မဖြစ်ဘူး၊ ဒါတွေကို ဘေးကပ်ထားမှ၊ တော်ကြာ ဝင်တိုက်မိရင် ဖိတ်ကုန်ဦးမယ်။ ကောက်ကိုင်လိုက်မိတယ်ဆိုရင်ပဲ ဖျော် ရည်တွေက မအေးတော့ဘူး။ သောက်ချင်တဲ့အခါ အေးအေးလေးသောက် လို့ရအောင် မီးဖိုထဲက ရေခဲသေတ္တာထဲ အရင်ထည့်ထားဦးမှ။ ဖျော်ရည်ဗူး နဲ့ ရေသန့်ဗူးတွေနဲ့အတူ မီးဖိုထဲကသွား ရေမလောင်းမိတာ ကြာနေပြီမို့ ညှိုးနေတဲ့ ပန်းအိုးလေးတွေကို တွေ့ရပြန်တယ်။

မမေ့ခင် ရေလောင်းပေးဦးမှရမယ်၊ တော်ကြာ သေကုန်လိမ့်မယ်။ ဒါနဲ့ ဖျော်ရည်ဗူးနဲ့ ရေသန့်ဗူးတွေကို ထောင့်က ခုံပေါ်မှာတင်မယ်လုပ်တော့ အဲဒီခုံပေါ်မှာ ကျနော့် စာကြည့်မျက်မှန်ရောက်နေတာကို တွေ့လိုက်ရတယ်။ မနေ့က တစ်နေ့လုံး ရှာလို့မတွေ့ခဲ့တဲ မျက်မှန်ပေါ့။ ဒီမျက်မှန်ကို စာကြည့်ခန်း ထဲ သွားထားရမယ်။

ဒါပေမဲ့ ပန်းပင်ရေလောင်းတာကိုပဲ အရင်လုပ်လိုက်အုံးမယ်လေ။ ရေပုံးကိုယူ၊ မီးဖိုထဲက ရေပိုက်ခေါင်းကနေ ရေခံနေတုံး ဘုရား ဘုရား တီဗွီ ရီမုတ်ကွန်ထ ရိုးက ဘယ်လိုလုပ် မီးဖိုထဲက ထမင်းစားစာပွဲပေါ် ရောက်နေပါလိမ့်။ ကလေးတစ်ယောက်ယောက်မေ့ချန်ထားခဲ့တာနေမှာ။ ည တိဖွီကြည့်မှ ရှာကြ လိမ့်အုံးမယ်၊ ဘယ်သူမှလည်း မီးဖိုထဲက ထမင်းစားစာပွဲပေါ်မှာလို့ ထင်မှာ မ ဟုတ်ဘူး။ ဒီ ရီမုတ်ကွန်ထရိုးကိုလည်း ဧည့်ခန်းက တီဗွီရှေ့ ပြန်ထားပေး ထားဦးမှ။
ဒါပေမဲ့ ပန်းအိုးလေးတွေကိုပဲ ရေအရင်လောင်းမယ်ဆိုပြီး ရီမုတ်ကွန်ထရိုး ကတစ်ဖက် ရေပုံးကတစ်ဖက်ဆွဲအသွား ရေတွေက ကြမ်းပြင်ပေါ် ဖိတ်ကျ ကုန်ပြန်ရော၊ ဒါနဲ့ ရီမုတ်ကွန်ထရိုးကို စားပွဲပေါ်ခဏတင်ထားပြီး ဖိတ်သွား တဲ့ရေတွေကို သုတ်နေလိုက်တယ်။ မသုတ်လို့ မဖြစ်ဘူး ဒါပေါ်နင်းမိလို့ ကလေးတွေ ချော်လဲကုန်မှ အခက်။
ရေသုတ်အပြီး ဒီနေ့ ဘာတွေလုပ်ဖို့ စီစဉ် ထားပါလိမ်ဆိုပြီး အခန်းထဲ ပြန်အ ကြည့်
၁။ ကားလည်းရေမဆေးလိုက်ရ
၂။ ပေးစရာ ဘေလ်တွေလည်း မပေးလိုက်ရ
၃။ အိမ်ထောင့် ခုံပေါ်က ဖျော်ရည်ဗူးနဲ့ ရေသန့်ဗူးတွေလည်း အရင်အတိုင်း ပူနွေးနွေး
၎။ ပန်းပင်လည်း ရေမလောင်းလိုက်ရ
၅။ ချက်လက်မှတ်စာအုပ်ထဲမှာလည်း ချက် တစ်ရွက်ပဲကျန်ဆဲ
၆။ ရီမုတ်ကွန်ထရိုးလည်း ဘယ်ချထားလိုက်မိမှန်း မသိတော့
၇။ စာကြည့်မျက်မှန်လည်း ရှာလို့မတွေ့
၈။ ကားသော့လည်း ဘယ်ပေါ်တင်ခဲ့မှန်း မမှတ်မိတော့။ ဒီနေ့တော့ မိုးချုပ်သွားပြီ။
မရယ်နဲ့ နော်။ ခင်ဗျားတို့ ဝဋ်လည်လိမ့်မယ်။

13/07/2013

Read more

ဒကာမလည်း သနပ်ခါး မလူးရ၊ ရဟန်းတွေလည်း ဝါဆိုသင်္ကန်း မရ

ဖြစ်ပုံက ဤသို့တည်း။

လွန်ခဲ့သည့် တနင်္ဂနွေနေ့က မျက်နှာသိ ဒကာတစ်ယောက် ဝါဆိုသင်္ကန်း လာကပ်၏။ မိမိက ကော်မတီအစည်းအဝေးရှိနေသဖြင့် မတွေ့လိုက်၊ သူတွေ့သော ရဟန်းကို ကပ်လှူထားခဲ့၏။
ထို သင်္ကန်းက လေးလံလွန်းသည်။ ရှစ် ကီလိုဂရမ်မျှရှိ၏။ အဘယ်သို့သော ဝါဆိုသင်္ကန်းပေနည်း။ အဆမတန် လေးပဲလေးလံလွန်းချေသည်။
ထို သင်္ကန်းကိုလက်ခံရရှိလိုက်သော ရဟန်းက သံသယဖြင့် သင်္ကန်းဗူးကို ဖွင့်ကြည့်လိုက်မိလေတော့သည်။
ဝေယျာဝစ္စများပြီး၍ ည ကိုးနာရီခန့်အချိန် ကျောင်းပေါ်ပြန်ရောက်တော့မှ ထူးဆန်းလေးလံလှသည့် သင်္ကန်းကိုလက်ခံရရှိလိုက်သော ရဟန်းက ၎င်းသင်္ကန်းကို ယူလာကာ မိမိကိုပြသည်။ မှန်၏။ ဝိသာခါတို့ဝတ်ဆင်သည့် မဟလ္လက ဝတ်စုံအလား လေးလံလွန်းချေ၏။

သို့ဖြင့် ဖွင့်ကြည်ရာ တိပ်ကပ်ထားသော ထို သင်္ကန်းဗူးထဲမှာ
၁။ ဘာသင်္ကန်းမှ မပါ။
၂။ သနပ်ခါးသွေးသည့် ကျောက်ပြင် အငယ်စား တစ်ခု (စက္ကူဖြင့် ပတ်ထား ၏)
၃။ သနပ်ခါးတုံး လေးတုံး (စက္ကူဖြင့် ပတ်ထား၏)
၎။ မြန်မာပြည်ထွက် မိတ်ကပ် နှစ်ဗူး
၅။ ပိတ်မထားသော စာတစ်စောင် ပါဝင်လေသည်။( လိပ်စာ၊ ဘာညာ ဆက် သွယ်ရန် မပါ)
သင်္ကန်းဆိုင်၏ အမှားလား၊ထို ဒကာ၏ အမှားလား မသိ။ ယင်းဒကာကို သိ၏ သို့သော် သူ့ ဖုန်းနံပတ်ကို မသိသဖြင့် ဆက်သွယ်လို့ မရဖြစ်နေရ၏။

ယခု သတင်းထုတ်ပြန်ချိန်အထိ ထို ဝါဆိုသင်္ကန်းသည် ရှစ် ကီလိုဂရမ် မျှလေးလံလျက်ရှိသေးကြောင်း၊ အလေးချိန် မလျော့သေးကြောင်း တွေ့ ရသည်။

(24/07/2013 17:01)

Read more

သေချင်လျက် မသေရသူများ

လူတွေမှ မဟုတ်ပါဘူး၊ သိပ္ပံပညာတွေလည်း တစ်ခုနဲ့တစ်ခုသဘောထားခြင်း မတိုက်ဆိုင်ကြပါဘူး။ အချင်းချင်း ငြင်းခုံနေကြတာပါပဲ။ မယုံရင်ကြည့်ပါ။

ဆိုရှယ်ဆိုင်းယင့်က ပြောတယ်
"အိမ်ထောင်ရှင် အမျိုးသားတွေဟာ အိမ်ထောင်မရှိတဲ့ အမျိုးသားတွေထက် အသက်ပိုရှည်ရှည်နေရတယ်"
ဒီအဆိုကို စိတ်ပညာသိပ္ပံက မငြင်းပါဘူး။ လက်ခံတယ်ရယ်လို့လည်း မဟုတ် ဘူး။

စိတ်ပညာဆိုင်းယင့်က
"ဒီအဆိုဟာ မှန်ပါတယ်။ ဒါပေမဲ့ သေချင်စိတ်ပေါက်တဲ့ အကြိမ်ရေအနေနဲ့ ကြည့်ရင်တော့ အိမ်ထောင်မရှိတဲ့ အမျိုးသားတွေထက် အိမ်ထောင်ရှင် အမျိုး သားတွေက အများကြီးပိုနေတာ တွေ့ရပါတယ်" တဲ့။

ဒီ အဆိုနှစ်ခုကို ပေါင်းပြီး ကျနော် ကောက်ချက်တစ်ခု ဆွဲလိုက်ပါတယ်။ ဒါကတော့...
"သေချင်လျက် မသေရတဲ့ လူတွေဟာ အိမ်ထောင်ရှင် အမျိုးသားတွေဖြစ် တယ်"

အိမ်ထောင်ရှင် အမျိုးသားတွေ သဘောတူနိုင်ပါမလား မသိဘူး။ ဒါပေမဲ့ ဒါဟာ သိပ္ပံနည်းကျပါပဲ။

(27/07/2013 10:00)

Read more

ခေါင်းငြိမ့် ခေါင်းခါ

သူ့နာမည်ကိုတော့ ကိုချစ်ခင်လို့ပဲ မှတ်ထားရအောင်ပါ။ လူရိုး၊ လူအေး၊ မိန်းမ က ဘယ်လောက်ပဲ ဆူဆူ ဆဲဆဲ ဘာမှပြန်မပြောတတ်သူ ဆိုပါတော့။ လူရိုး၊ လူအေးတွေဟာ မိန်းမ ခပ်စွာစွာတွေနဲ့ တွေ့ရတတ်တယ် ဆိုရမလားပေါ့။ သူ့ မိန်းမ ဒေါ်ခွေး (လို့ပဲ မှတ်ထားရအောင်) ကတော့ ပါးစပ်က ပွစိပွစိနဲ့ တစ် ခုမဟုတ် တစ်ခု ရန်လုပ်နေတတ်တယ်။ ဒီတော့ ကိုချစ်ခင် သဘောအကျဆုံး အချိန်က လယ်ထွန်သွားချိန်ပါ။ နားအေး ပါးအေးရှိတာကိုး။
ကိုချစ်ခင်က လယ်ထွန်သွား၊ နေ့ခင်းရောက်ရင်တော့ ဒေါ်ခွေးကထမင်းထုပ် လိုက်ပို့တာပေါ့။
တစ်နေ့မှာတော့ ဒေါ်ခွေးထမင်းထုပ်အရောက် ကိုချစ်ခင်က နွားတွေ ကို ဖြုတ်၊ အနားပေးရင်း သူလည်း ထမင်း စ စားတယ်။ ထုံးစအတိုင်း ပဲ ဒေါ်ခွေးက အပြစ်မရှိအပြစ်ရှာ ဘာညာဘာညာ ပွစိပွစိလုပ်တော့တာပဲ။
အဲဒီနေ့မှာတော့ သူတို့နဲ့ မလှမ်းမကမ်းမှာ အစာစားနေတဲ့ နွားကြီးက ဘာ စိတ်ကူးပေါက်လို့လည်းမသိဘူး ပွစိပွစိလုပ်နေတဲ့ ဒေါ်ခွေးကို နောက်ကနေ ဝင်ခွေ့လိုက်တာ နေရာမှာတင်ပဲ ဆုံးရှာပါလေရော တဲ့။

ကိုချစ်ခင်လည်း စိတ်မကောင်းဘူးပေါ့။ တစ်သက်လုံး လိမ္မာလာတဲ့ နွားကြီး က ဘာလို့များ အခုလို စိတ်ရိုင်းဝင်သွားပါလိမ့်ဆိုတာလည်း စဉ်းစားလို့ မရ ဘူး။
ဘာဖြစ်ဖြစ် ဒေါ်ခွေးက ဆုံးရရှာပြီ။
ဒီ သတင်းမြန်ချက်ကလည်း ဖေ့စ်ဘုတ်မှာ ဗိုင်ရယ်ဖြစ်သွားသလို မျိုးပဲ။
" ဒေါ်ခွေး နွားခွေ့ခံရလို့ ဆုံးရှာပြီ တဲ့"
သူမ အသုဘဈာပနအတွက်လည်း မျက်နှာမငယ်ရအောင် ကိုချစ်ခင်က လှ လှပပ စီစဉ်ပါတယ်။
သူတို့ ယဉ်ကျေးမှုအရ ဒေါ်ခွေးရဲ့ ရုပ်အလောင်းရှေ့ကိုလာပြီး ကျန်ရစ် သူတွေက ဂါရဝ ပြုကြ၊ ဆုတောင်းပေးကြတယ်။ သူတို့လာတိုင်း ကိုချစ်ခင် က ဘေးမှာ ရပ်လို့ပေါ့။

တစ်ခုထူးတာက အမျိုးသမီးတွေ ရောက်လာပြီး တိုးတိုးလေး ရွတ်နေရင် ကိုချစ်ခင်က ခေါင်းတွေ စွတ်ငြိမ့်နေပြီး အမျိုးသားတွေ ရောက်လာပြီး တိုး တိုးလေး ရွတ်နေရင်တော့ သူက ခေါင်းတွေ စွတ်ခါနေတတ်တယ်။
ဒါကို ဘေးလူတွေက မြင်နေကြရတယ်။
ညပိုင်း လူရှင်းသွားတော့မှ ဘုရား ဂေါပက ဥက္ကဋ္ဌက (သူ့ကိုတော့ နာမည် မပေးတော့ဘူး) ကိုချစ်ခင်ရဲ့ ခေါင်းငြိမ့် ခေါင်းခါကိစ္စကို မေးကြည့်တယ်။

ဒီတော့ ကိုချစ်ခင်က...
" အမျိုးသမီးတွေ ရောက်လာရင် မခွေးဟာ ဘယ်လိုလှကြောင်း၊ ဘယ်လိုေ တ်ာကြောင်း၊ အချက်အပြုတ်ကောင်းကြောင်း စတာတွေ ပြောကြတာလေ ဗျာ၊ ဒီတော့ ကျနော်က ခေါင်းငြိမ့်တာပေါ့"
" ခေါင်းငြိမ့်တာက ဟုတ်ပါပြီ ခေါင်းခါတာရော ဘာကြောင့်လဲ ကွ"
" ရောက်လာတဲ့ အမျိုးသားတွေက အိမ်ထောင်ရှင်တွေဗျ။ သူတို့က မခွေး အကြောင်း စကားတစ်လုံးမှ မဟဘူး။ သူတို့က တိုးတိုးလေး ကျနော့်နား ကပ်ပြီး
'ချစ်ခင်ရာ မင်းရဲ့ နွားလိမ္မာကြီး ငါ့ကိုရောင်းပါ၊ မင်းပြောတဲ့ဈေး ပေး ပါ မယ်' ပြောကြတယ်၊ ဒီတော့ ကျနော်က ခေါင်းပဲစွတ်ခါပြနေရတော့တာပေါ့ ဗျာ" တဲ့။

ဒီတော့မှ ဂေါပက ဥက္ကဋ္ဌက လိပ်ပတ်လည်သွားတော့တယ်။

(02/08/2013 16:30)

Read more

**ကွန်ပြူတာရဲ့ ဆေးစာ**

လူတစ်ယောက်က သူ့ ညာဖက် လက်မောင်းနာနေလို့ ဆရာဝန်နဲ့ ပြ ကြည့် မယ်ဆိုတော့ သူ့ သူငယ်ချင်းက အလကား ပိုက်ဆံကုန်အောင်ကွာ၊ ကွန်ပြူ တာစက်ကို "ဆီး" အစစ်ခိုင်းပြီး ရောဂါရှာလိုက်ရင် ဆယ်စက္ကန့်အတွင်း သိရ မယ်၊ ပြီးတော့ ဆယ်ဒေါ်လာပဲ ကုန်မယ် ဆိုလို့ စိတ်ဝင်တစား ဖြစ်မိ တာ နဲ့ ဆေးခန်းရှေ့ကကွန်ပြူတာစက်ဆီကို ရောက်သွားမိတယ်။ ရောက်ရောက်ချင်း ကွန်ပြူတာထဲ ဆယ်ဒေါ်လာထည့်လိုက်တော့ ကွန်ပြူတာက ဆီး ထည့်ဖို့ ပုလင်းထုတ်ပေးတယ်။ ဆီးတွေကို ကွန်ပြူတာနဲ့ ချိတ်ထားတဲ့ ခွက် ထဲလောင်းထည့်လိုက်ပြီး ဆယ်စက္ကန့် အကြာမှာ ကွန်ပြူတာက ဆေး အညွှန်းစာရွက် ထုတ်ပေးတယ်။

"သင့် လက်မောင်းနာနေတယ်၊ စိုးရိမ်စရာ မရှိ။ ရေနွေးနွေးနဲ့ ကြပ်ပူတိုက်ပေး ပါ။
အလေးအပင် မ မပါနဲ့။ တစ်ပတ်အတွင်း ကောင်းသွားမှာပါ" တဲ့။

ဆေးစာကိုကြည့်ပြီး သူတော်တော်အံ့ဩသွားတယ်။ ကွန်ပြူတာ ကို တော်ေ တ်ာလေးလည်း အထင်ကြီးသွားတယ်။ အိမ်ပြန်ရောက်တော့ ကွန်ပြူတာ ကို အရူးလုပ်ချင်စိတ်လည်း ပေါက်သွားတယ် တဲ့။ ဒါနဲ ဆီး ထည့်တဲ့ ပုလင်းထဲကို
၁။ ရေပိုက်ထဲက ရေ နည်းနည်း
၂။ ခွေးဆီက
၃။ သမီးဆီက
၎။ ဇနီးဆီက ဆီး နည်းနည်းစီ ရောထည့်
၅။ သူ့ဆီး ကိုတော့ ကွန်ပြူတာက သိပြီးသားဖြစ်နေတော့ (ကန်တော့ပါရဲ့) မာစတာဘိတ်လုပ်ပြီး သူ့ရဲ့ သုက် အနည်းအငယ် ပေါင်းထည့်ပြီး ကွန်ပြူ တာဆီ သူပြန်သွားတယ်။
အရင်အတိုင်းပဲ ဆယ်ဒေါ်လာထည့်လိုက်တော့ ကွန်ပြူတာက စစ်ဆေးတော့တာပဲ။ အဲ ဆယ် စက္ကန့်နဲ့တော့ မပြီးဘူး ဖြစ်နေသတဲ့၊ ကွန်ပြူတာ ခေါင်း နည်းနည်း စားသွားတယ်။ အတော်လေးကြာမှ ဆေးစာ ထုတ်ပေးတယ်။

"သင် သိလိုတဲ့ အဖြေအားလုံးကို သိရဖို့ ဒေါ်လာ ၄၀ ထပ်ထည့်ပါ" တဲ့။

ဟုတ်တယ်လေ၊ သူ့ဟာက ငါး မျိုးဖြစ်နေတာကိုး။
ဒေါ်လာ ၄၀ လည်း ထည့်လိုက်ရော ဆေးစာ အပြည့်အစုံထွက်လာတယ်။ ဒီလို......

၁။ သင့်ရေပိုက်ခေါင်းက သံချေးတွေ တက်နေပြီး ရေ က နံနေတယ်၊ ဒီရေကို သုံးစွဲရန် မသင့်၊ ရေပိုက်ခေါင်း အသစ် အမြန်လဲပါ။
၂။ သင့်ခွေးမှာ ဝဲပေါက်နေတယ်၊ လူကို မကူးစက်ခင် ဝဲ ပြောက်ဆေး လူးပြီး ရေချိုးပေးပါ။
၃။ သင့် သမီးက ငယ်ငယ်ရွယ်ရွယ်နဲ့ ဆေးစွဲနေတယ်၊ ဆရာဝန်နဲ့ အမြန် ပြပြီး ဆေးဖြတ်ပေးပါ၊ AIDS ဖြစ်လာနိုင်ခြေ ရှိတယ်။
၎။ သင့် ဇနီးမှာ ကိုယ်ဝန်ရှိနေပြီ၊ မိန်းကလေး အမွှာပူး၊ သင်နဲ့ ရတာမဟုတ်။ ကွာရှင်းဖို့ ရှေ့နေတစ်ယောက် အမြန်ရှာထားပါ။
၅။ အဲသလိုသာ လက်ကမျင်းနေရင် ညာဖက် လက်မောင်းနာတာ ဘယ်တော့မှ မပျောက်ဘူး မှတ်ပါ တဲ့။

အဲဒီလူ ဖြုံသွားတယ်။ နောက် မစ ရဲတော့ဘူး။

(06/08/2013 11:51)

Read more

သုံးယာကတော့ သုံးယာ

အစာအိမ်မကောင်းလှသေးတဲ့အချိန်မှာ ကွမ်းဖြတ်လိုက်ပါ။ မဖြတ်ရင်တောင် တစ်ရက်ကို သုံးယာလောက်ပဲ စားပါလို့ လျှောက်ထားသူ တိုက်တိုက်ဆိုင်ဆိုင် ဇနီးမောင်နှံ နှစ်တွဲရှိပါသည်။ လျှောက်ရာမှာလည်း ဒကာကြီးများက ကိုယ်တိုင် မလျောက်ဘဲ ဒကာမကြီးများကနေ တဆင့်"နင်လျောက်လိုက်" လို့ အင်အားသုံးပြီး ဇနီးများကို စေခိုင်းခြင်းမျိုး ဖြစ်ကြပါသည်။(မတရားလှပါ)
ဒကာမများက ထိုထိုကိစ္စများကို အထူးပါးနပ်စွာ ကိုင်တွယ်တတ်ကြလေသည်။
သို့သော် သူတို့လျောက်ထားသည့် ကွမ်းသုံးယာ ကိစ္စကြားတိုင်း ဤရဟန်းအာရုံမှာတော့ ဤ ပုံက ပေါ်ပေါ်လာတတ်လေသည်။
သုံးယာကတော့ သုံးယာပင်။

Read more

အဲ့လောက်မဟုတ်ရင်တောင် အဲ့လိုတော့ မလုပ်ကြပါနဲ့

ဂျပန်ဝန်ကြီးချုပ်က သူ့ပါတီဝင်တစ်ယောက်ရဲ့ အမှားအတွက် တရားဝင် တောင်း ပန်သတဲ့။
ကဲ လုပ်ကြပါအုံး ဆရာကြီးတို့ရယ်။
အမျိုးသမီးတွေ လုပ်ငန်းခွင်ထဲ ပါဝင်မှုနဲ့ ကလေးယူကြဖို့ဆွေးနွေးကြရာမှာ သူ့ပါတီဝင်အရာရှိ ဦးအာခီဟီရို စူဇူကီက အတိုက်အခံပါတီရဲ့ ဥပဒေပြု အမတ် ဒေါ်အယာကာ ရှီအိုမူရာကို
"နင်ကော ဘာလို့ ယောက်ျားမယူတာလဲ၊ နင်ကရော ကလေးယူလို့ မရဘူး လား"မေးလိုက်မိလို့တဲ့။
ဦးအာခီဟီရို စူဇူကီ တောင်းပန်နေပုံ၊ ဂျပန်ဝန်ကြီးချုပ်က သူ့လူရဲ့နှုတ်ထွက် အမှားအပေါ် တာဝန်ယူပုံတွေက သမ္မတကြီးတို့အတွက် လေ့လာစရာ။ (လူငယ်လေသံနဲ့ ခွိခွိ)
ထားပါ။ အဲ့လောက်ကြီးတော့ အဆင်သင့် မဖြစ်သေးဘူးကွာ။

(လူငယ်လေသံနဲ့) အာ့ဆိုလည်း ဆွာရက်ဇ်လိုတော့ ဂိုးသွင်းမရလို့ဆိုပြီး နောက် တန်းလူရဲ့ ပခုံးကို ဝင်မကိုက်သင့်ဘူးနော်။
တကယ်ကိုက်တာ ဗျာ။ အဲ့ကိုကြည့်ပြီး ရယ်ချင်လွန်းလို့ ညက အိပ်ရေးပျက်တယ်။
ချယ်လ်ဆီးနောက်တန်းလူကို ကိုက်တုံးကလည်း အဲလိုပဲ။

ကမ္ဘာကလည်း ပြသနာ။ ကုန်းနေအောင်တောင်းပန်တဲ့ပုံက ကမ္ဘာမကျော်ဘဲ ငုံ့ကိုက်တဲ့ပုံက ကမ္ဘာကျော်တယ်။
ဘာဖြစ်ဖြစ် ငုံ့တော့ မကိုက်ကြေး ဗျာ။

Read more

မောင်အံ့(မဟာဝိဇ္ဇာ၊ ဘုံဘေ)ရဲ့ ကျေးဇူးရှင်

 (ဘူကြီးလည်း တိဝူး)

Read more

သူ့လက်သံ

ရုပ်ရှင်မင်းသား Basil Rathbone နဲ့ စန္ဒယားဆရာ Dane တို့ Victor Borge ဟိုတယ်မှာ အတူတူ တည်းကြတော့ ဒိန်းက စန္ဒယားတစ်လုံးဟာ ဘယ်လောက် အသုံးကျကြောင်း၊ ကောင်းကောင်း တီးတတ်ရင် ဘယ်အချိန် ရှိပြီ ဆိုတာကိုပင် စန္ဒ ယားသံနဲ့ ပြောပြနိုင်ကြောင်း ရှင်းပြတယ်။

ဘာဆယ်အတွက် ယုံရခက်ခက် ဖြစ်နေတာပေါ့။ ဒါနဲ့ ဒိန်းက စန္ဒယားရှေ့မှာ ထိုင်လိုက်ပြီး လက်သံကြမ်းကြမ်း တီးကွက် နှစ်ကွက် သုံးကွက် တီးချလိုက် တယ်။
အဲဒီအချိန် ဟိုဖက်အခန်းမှာ အိပ်နေတဲ့ ဧည့်သည်က နံရံကို ထုရင်း အိပ်ချင် မူးတူး ဒေါသတကြီးနဲ့

" ခွေးမသားတွေ မအိပ်ကြသေးဘူး၊ မင်းတို့ အဖေ့အိမ်များ မှတ်နေလို့လား၊ နာရီလည်းကြည့်ဦး၊ မနက် တစ်နာရီ ခွဲနေပြီ " တဲ့။

ဒီတော့ ဒိန်းက " ကဲ ဘယ်လိုလဲ " ဆိုတဲ့ အကြည့်နဲ့ ဘာဆယ်ကို ပြုံးစိစိ လှမ်း ကြည့် လို့။
( RD, Dec, 1957 )

(16/12/2012)

ဇင်ဝေသော် 

Read more

After English Exam

Read more

ကလေးတစ်ယောက်ရဲ့ အဖြေလွှာ

မေး။ ။အစာကြေချက်ခြင်း စစ်စတန်ကို ရှင်းပြပါ။
ဖြေ။ ။ အရှတိုက်တွင် ညာလက်ဖြင့်စတင်ပြီး ဘယ်လက်ဖြင့် အဆုံးသတ်ပေး ရသည့် ဖြစ်စဉ်တစ်ခု ဖြစ်ပါသည်။ (အခြားတိုက်တွေမှာတော့ မသိပါ)

မေး။ ။ ဒုတိယကမ္ဘာစစ်ကြီးကို ဘယ်လောက်ကြာအောင် တိုက်ခိုက်ခဲ့ကြ ပါသလဲ။
ဖြေ။ ။ တော်တော်ကြာပါသည်။ အတိအကျဆိုရလျင် စာမျက်နှာ ၂၃ တစ်ဝက် မှ ၄၆ အဆုံး အထိဖြစ်ပါသည်။

မေး။ ။ချာလီရဲ့ ရေခဲသေတ္တာထဲမှာ ချော့ကလက် ၅၀ တောင့်ရှိပြီး ၃၅ တောင့် ကို စားလိုက်လျင် သူ့မှာ ဘယ်လောက်ကျန်မည်နည်း။
ဖြေ။ ။ သူ့မှာ ဆီးချိသွေးချို ကျန်ခဲ့ပါသည်။

Read more

ပုံကို ရှုပါ

ပို့စ်မော်ဒန်သဘောတရားဆိုရာတွင် အစဉ်အလာကိုဖျက် ဖောက်ထွက်တွေး နည်းတစ်ခုလည်းပါဝင်သည်။ ယခု ပါရာဒိန်းနှင့်အတူ ပြသထားသည့် ဤတွေးနည်းက အများထဲမှ တစ်ခုဖြစ်ပြီး ယင်းအဆိုကို ဘီယာသမားတို့က လက်ခံကြ၏။ ၎င်း ဘီယာသမားသည် ရှုပ်ထွေးလှသော ပို့စ်မော်ဒန်သဘော တရားများကို နားလည်ရန်မလို၊ ဘီယာ၏သဘောကိုသာ နားလည်ရန်လို သည်။
သူတွက်ချက်သောအဖြေသည် ရိုရှင်းလွယ်ကူပြီး ယေဘုယျခံစားမှုဝါဒနှင့် လိုက်လျောညီထွေ ရှိသည်ဟုလည်း ယူဆနိုင်သည်။ (ပုံကို ရှုပါ)
သူ၏ ပြဿနာကိုချဉ်းကပ်ကြည့်ပုံကလည်း အကျိုးသက်ရောက်မှု အိုရီယင် တယ်(လ်) ဖြစ်သဖြင့် ပရိုမော်ဒန်နိုက်ဇ်ဖြစ်နေပြီး သဘောမတူသည်ဆိုစေ သူ့ကို ငြင်းဆန်ရန် ခက်ခဲနေပြီး ၂၁ ရာစု အဦးပိုင်အထိ ဤဝါဒ လူကြိုက် များနေဦးမည်ဟု ကောက်ချက်ဆွဲနိုင်၏။

Read more