ရွက်ကြမ်းရေကျို အဘိုး မဟုတ် (၄ )

"ချာချီကလည်း Gaulle လိုပဲ။ သူ့မိန့်ခွန်းကို သူကိုယ်တိုင် စီစဉ် ပြီး ပြောတာ။ ဒါ့ကြောင့် သူ့မိန့်ခွန်းတွေက ရင်ထဲကအထိ လှိုက်ပြီး ဝင်သွား တာ၊ ရင်ထဲက အသံကိုးကွ။ စာရေးဆရာတွေ ရေးပေးတဲ့ မိန့်ခွန်းအချော စားတွေမှ မဟုတ် တာ။" (လီကွမ်းယု)

မေး ။ ။ ဒါဆို မစ္စတာလီက ဘာဖြစ်ချင်တာလဲ။
ဖြေ ။ ။ ရှေ့နေပဲ ဖြစ်ချင်တာ။

မေး ။ ။ ရွေးချယ်ခဲ့တာ မဟုတ်ဘူးဆိုရင် ဘယ်လိုဖြစ်ပြီး နိုင်ငံရေးလောကထဲမှာ ရှိနေရတာလဲ။

ဖြေ ။ ။ ငါတို့ နိုင်ငံရေးထဲ မဝင်ခဲ့ရင် ဒီနိုင်ငံရေးကို ဘယ်သူက ဦးဆောင် မှာလဲ။ ငါတို့ ရထားတဲ့ ဥပဒေဘွဲ့တွေကရော ဘယ်မှာသွား အသုံးချမှာလဲ။ ငါ့မိတ်ဆွေ Eddie Barker ကို ငါပြောခဲ့တာ ဒီစကားတွေပဲ။ “အက်ဒီ … မင်းသာ ရွေးကောက်ပွဲ ဝင်မပြိုင်ရင် မင်းအစား ကွန်မြူနစ်တွေ ဝင်လာမယ်။ ကွန်မြူနစ်ဝင်လာရင် မင်းဥပဒေတွေက ဘာအသုံးကျတော့မှာလဲ” လို့။ အထပ်ထပ် စဉ်းစားပြီးမှ ငါနဲ့ပေါင်းဖို့ သူ ဆုံးဖြတ်ခဲ့တာ။ နိုင်ငံလည်း တည် တည်ငြိမ်ငြိမ် ဖြစ်ရော ငါ့အိမ်ဝယ်ထားတဲ့ အကြွေးတွေ မပေးရသေးဘူး ဆိုပြီး နိုင်ငံရေးက ထွက်ပြီး ရှေ့နေလုပ် ပိုက်ဆံရှာတော့တယ်။ အဲ့ဒီနောက် ဝန်ကြီးလစာတွေ တိုးပေးဖို့ ငါ ဆုံးဖြတ်ခဲ့တာ။ မင်း ပြောတာက ငါက နိုင် ငံရေးသမား ဖြစ်ချင်ခဲ့တယ်တဲ့။ အဓိပ္ပါယ်မရှိလိုက်တာ။ ကဲ … နောက်မေးခွန်းမေး။

မေး ။ ။ အလေးစားရဆုံး နိုင်ငံရေးခေါင်းဆောင်များ ရှိသလား။

ဖြေ ။ ။ ရှိတယ်။ De Gaulle (ဒီဂေါ)၊ တိန့်ရှောင်ဖိန်၊ ချာချီ။ De Gaulle က တကယ် ဉာဏ်သွားတဲ့ လူ။ ဆိုလိုတာက သူ့နိုင်ငံက သူများလက်အောက် မှာ၊ သူက ကြယ်တစ်ပွင့်ပဲ ရှိသေးတဲ့ ပြင်သစ်ဗိုလ်လေး။ ဗြိတိသျှနဲ့ အမေရိ ကန်တို့က သူ့ကို ထောက်ခံတယ်။ ဒါပေမဲ့ သူ့မူနဲ့သူ နေတာပဲ။ သူ့ကို ကြည့် တယ်။ ပြင်သစ်စကားကို နားမလည်ပေမဲ့ သူပြောတဲ့ စကားတွေကို ခံစားလို့ ရတယ်။ ပြီးတော့ သူ့ရဲ့ အတ္ထုပ္ပတ္တိကိုလည်း ဖတ်ဖူးတယ်။
(Charles De Gaulle ဟာ ၁၉၅၉ ကနေ ၁၉၆၉ ခုအထိ ပြင်သစ်နိုင်ငံရဲ့ သမ္မတပါ။ ဒုတိယကမ္ဘာစစ်အတွင်းက ပြင်သစ်ကို နာဇီတွေ လက်ကနေ လွတ်မြောက်အောင် တော်လှန်ခဲ့တဲ့ လွတ်လပ်သော ပြင်သစ်တပ်မတော် (Free French Force) ရဲ့ ခေါင်းဆောင်တစ်ယောက်။)

ဗြိတိသျှနဲ့ အမေရိကန်တို့က မြောက်အာဖရိကကို ထပ်ပြီး သိမ်းပိုက်တော့ အယ်ဂျီးရီးယားကို သူ သွားခဲ့တယ်။ အဲ့ဒီမှာ ကြယ်လေးပွင့် အဆင့်ရှိတဲ့ ဗိုလ်ချုပ်ကို တွေ့ပြီး သူ့ကို ဒီလို ပြောခဲ့တယ်။

“Giraud … ခင်ဗျာဟာ ပြင်သစ်ရဲ့ စစ်ဗိုလ်ချုပ်တစ်ယောက်ပါ။ အမေရိကန် စစ်သားတွေက ဘာအတွက် အပြင်ကနေ ခင်ဗျားကို စောင့်ရှောက်ပေးနေ ရတာလဲ” တဲ့။
(Giraud ဆိုတာကလည်း ဒုတိယကမ္ဘာစစ်အတွင်းက Gaulle နဲ့အတူ ပြင် သစ် အမျိုးသားလွတ်မြောက်ရေးကော်မတီရဲ့ ပူးတွဲဥက္ကဋ္ဌအဖြစ် ထမ်းဆောင် ခဲ့သူပါ (The French Committee of National Liberation)

သူက စိတ်ဓာတ် အတော်မာတဲ့လူ။ အမေရိကန်တွေ၊ ဗြိတိသျှတွေက ပဲရစ် ကို စစ်ချီတော့မယ် ဆိုတော့
“ခင်ဗျား မသွားနဲ့။ ပြင်သစ်ကို ကျွန်တော်ကိုယ်တိုင် စစ်ချီမယ်” လို့ ပြောခဲ့တာ။ သတ္တိရော ဗျတ္တိရော ပြည့်စုံတဲ့ လူပဲ။

တိန့်ရှောင်ဖိန်ကတော့ ဆိုဗီယက်ပြည်ထောင်စုလိုပြိုကဲသွားမလောက် ဖြ စ်နေတဲ့ တရုတ်ပြည်ကြီးကို ဒီနေ့ တွေ့ရတဲ့ ကမ္ဘာ့အကြီးဆုံး စီးပွားရေး အချက်အချာ နေရာကြီးတစ်ခု ဖြစ်အောင် ပြောင်းလဲပေးနိုင်ခဲ့တဲ့ ခေါင်းဆောင်တစ်ယောက်ပဲ။

ချာချီကတော့ သူများတွေ လက်မြှောက်ရမယ့် အနေအထားမှာ လက် မမြှောက်ခဲ့တဲ့လူ။ သူ့မိန်းခွန်း ပြောတာကို ရေဒီယိုမှာ နားထောင်ခဲ့ရတယ်။

“သဲသောင်ပြင်တွေပေါ်မှာ ဆက်တိုက်မယ်။ စစ်မြေပြင်မှာ ဆက်တိုက်မယ်။ လမ်းတွေပေါ်မှာ ဆက်တိုက်မယ်” တဲ့။

သူ့ကြည်းတပ်တစ်ဖွဲ့လုံးက အရှုံးနဲ့ ရင်ဆိုင်ခဲ့ရပြီး Dunkirt ကနေ သင်္ဘော နဲ့ ပြန်ထွက်ပြေးခဲ့ရချိန်မှာ ဒီလို စကားမျိုး ပြောနိုင်ဖို့ဆိုတာ မလွယ်ဘူး။ ဂျာမန်တွေကို တော်လှန်နိုင်ဖို့ တော်ရုံရဲရင့်မှုနဲ့ မရဘူး။ သူ့မှာ သတ္တိအပြည့် ရှိတယ်။ သတ္တိတစ်ခုတည်းနဲ့တော့ မအောင်မြင်နိုင်ဘူးပေါ့။ အခွင့်ကောင်းကို သူ စောင့်ခဲ့ရတယ်။
(ဝင်စတန် ချာချီက ၁၉၄၀ - ၁၉၄၅၊ ၁၉၅၁ - ၁၉၅၅ နှစ်တွေမှာ ဗြိတိန်ရဲ့ ဝန်ကြီးချုပ်ပါ။ လီ ကိုးကားခဲ့တဲ့ စကားတွေက ချာချီ ရွေးကောက်ပွဲနိုင်လို့ ဝန်ကြီးချုပ်ဖြစ်အပြီး ပြည်သူ့အဆောက်အဦးမှာ ၁၉၄၀ - ခုက ပြောခဲ့တဲ့ နာမည်ကြီး မိန့်ခွန်းထဲကနေ ထုတ်နှုတ်ထားတဲ့ စကားတွေပါ)

နောက်ဆုံး ဂျပန်တွေက ပုလဲဆိပ်ကမ်းကို ဝင်တိုက်တော့ ဂျာမန်တွေက လည်း အမေရိကန်တွေကို စစ်ကြေညာခဲ့တယ်။ သူလည်း အဲ့ဒီမှာ ဂျာမန်တွေ လက်က လွတ်သွားတယ်။

နောက် ခေါင်းဆောင်ကတော့ Chamberlain (ချိန်ဘာလိန်) ပေါ့။ သူ ပြောတဲ့ စကားတွေကလည်း ရဲရဲတောက်ပဲ။ (Neville Chamberlain က ၁၉၃၇ - ၁၉၄၀ ခုနှစ်မှာ ဗြိတိန်ရဲ့ ဝန်ကြီးချုပ်။ ဂျာမန်တွေရဲ့ လက်က လွတ်အောင်ဆိုပြီး ဟစ်တလာနဲ့ ငြိမ်းချမ်းရေး ယူထားသူပါ)

ဟစ်တလာက ကမ္ဘာကို ခွဲပြီး အုပ်ချုပ်ဖို့ သူ့ကို ကမ်းလှမ်းခဲ့သေးတယ်။ သူက “မလိုချင်ဘူး၊ မင်းက အာဏာရှင်၊ ငါ မင်းကို တိုက်မယ်” လို့ ပြောခဲ့တယ်။ သတ္တိကောင်းတဲ့လူပါပဲ။

မင်းက အမေရိကန်တွေကို မေးရင်တော့ သူတို့က ရူ့စဗဲ့(လ်)လို့ ပြောကြ မှာပေါ့။ ဒါပေမဲ့ ရူ့စဗဲ(လ်)က အာဏာရော ပါဝါရော ရှိတဲ့လူကွ။ တစ်ခါက ရူ့စဗဲ့(လ်)က Harrimam ကို ပြောတယ်။
(Averelle Harrimam က အမေရိကန်တွေရဲ့ ဥရောပဆိုင်ရာ အထူး သံတ မန်ပါ)

“ချာချီရဲ့ မိန့်ခွန်းတွေ နားထောင်လိုက်ရင် စိတ်ဓာတ် တက်ကြွစရာတွေ၊ မင်းတို့ မိန့်ခွန်းရေးတဲ့အဖွဲ့က ဒါမျိုးတွေ ဘာလို့ ရေးမပေးနိုင်တာလဲ” တဲ့။

ဟယ်ရီမန်က သူ့ကို ပြန်ပြောတယ်။

“ချာချီက သူ့ဆေးလိပ်ကို သူကိုယ်တိုင်လိပ်ပြီး သောက်တာ” တဲ့။ အဲဒါ ခြား နားချက်ပဲ။ ချာချီကလည်း Gaulle လိုပဲ။ သူ့မိန့်ခွန်းကို သူကိုယ်တိုင် စီစဉ် ပြီး ပြောတာ။ ဒါ့ကြောင့် သူ့မိန့်ခွန်းတွေက ရင်ထဲကအထိ လှိုက်ပြီး ဝင်သွား တာ၊ ရင်ထဲက အသံကိုးကွ။ စာရေးဆရာတွေ ရေးပေးတဲ့ မိန့်ခွန်းအချော စားတွေမှ မဟုတ်တာ။

မေး ။ ။ မစ္စတာလီ လေးစားတဲ့ ကမ္ဘာ့နိုင်ငံရေး ခေါင်းဆောင်ကြီးတွေ အကြောင်းကို ပြောခဲ့တယ်နော်။ မစ္စတာလီ ကိုယ်တိုင်ရော လူငယ် စင်္ကာ ပူရီယန်းတွေက အဲ့သလို အထင်တကြီး အမှတ်တရ ဖြစ်နေတာမျိုး မမျှော် လင့်ဘူးလား။

ဖြေ ။ ။ မလိုချင်ပါဘူး။ ပထမဆုံးအနေနဲ့ ငါ့ကိုယ်ငါ နိုင်ငံရေးခေါင်းဆောင် လို့ မသတ်မှတ်ဘူး။ ငါက စိတ်ဓာတ်မာတယ်။ ဇွဲမလျှော့ဘူး။ ခေါင်းမာမာနဲ့ လုပ်တတ်တယ်။ ဒါပဲ။ တစ်ခုခု လုပ်ရင်တော့ မရမချင်း ပေပြီး လုပ်နေတတ် တဲ့အကျင့် ရှိတယ်။ ငါ့ကို ငါမြင်တာကတော့ ဒါပဲ။
ကျန်တာတွေက အဓိပ္ပါယ်မရှိဘူး။ ကိုယ့်ကိုယ်ကို နိုင်ငံ့ခေါင်းဆောင်လို့ ကိုယ် ဘာသာ ထင်တဲ့လူတိုင်း စိတ်ရောဂါကု ဆရာဝန်နဲ့ ပြကြည့်သင့်တယ်။

ပြီး။ ။

၁၀။ ရွက်ကြမ်းရေကျို အဘိုး မဟုတ်
ရွက်ကြမ်းရေကျို အဘိုး မဟုတ် (၂ )
ရွက်ကြမ်းရေကျို အဘိုး မဟုတ် (၃ )

 ဇင်ဝေသော်