လူတစ်ယောက်ရဲ့ ကမ္ဘာ့အမြင် (၅)


မေး ။ ။ ကွန်မြူနစ်ပါတီရဲ့ သီအိုရီသမားတွေကတော့ သူတို့ဟာ အခု ပါတီ တွင်း ဒီမိုကရေစီကို စတင် ကျင့်သုံးနေပြီ၊ ဒီကနေတဆင့် ဆက်တက် မယ် လို့ ကြွေးကြော်နေကြတယ်။ သူတို့စကားတွေ တကယ် ဖြစ်လာမယ်လို့ ထင် ပါသလား။

ဖြေ ။ ။ ရွေးကောက်ပွဲကို သူတို့ လက်ခံလာကြလိမ့်မယ်။ ဒါပေမဲ့ သူတို့ တင်မြှောက်ထားတဲ့ ကိုယ်စားလှယ်တွေ ကြားမှာပဲ ရွေးကောက်လို့ ရမယ်။ အဲဒါ ပါတီတွင်း ဒီမိုကရေစီပဲ။

မေး ။ ။ ဒါဆို နောက်ထပ် ခြေလှမ်းက ဘာဖြစ်မလဲ။

ဖြေ ။ ။ ဒါတော့ ငါလည်း မသိဘူး။ တရုတ်ပြည်မှာ လွတ်လပ်တဲ့ ရွေးေ ကာက်ပွဲ ဖြစ်လာမယ်လို့တော့ မထင်မိဘူး။ သမိုင်းမှာလည်း မရှိခဲ့ဖူးဘူး။ “ကျွန်တော့်နာမည် ဂျင်မီကာတာပါ။ ကျွန်တော် သမ္မတရာထူး အရွေးခံပါ မယ်” ဆိုတာမျိုး တရုတ်ပြည်မှာ ကြားကော ကြားဖူးလို့လား။

မေး ။ ။ ထိုင်ဝမ်မှာတော့ ဒါမျိုး ဖြစ်ခဲ့ဖူးတာပဲ။

ဖြေ ။ ။ ထိုင်ဝမ်က နိုင်ငံ ငယ်ငယ်လေး။ လူဦးရေ (၂၃) သန်းပဲ ရှိတယ်။

မေး ။ ။ ဒီတော့ အမှန်တကယ် လိုအပ်နေပြီဆိုတာတောင် လူတစ်ယောက် မဲတစ်မဲစနစ် တရုတ်ပြည်မှာ ဖြစ်မလာနိုင်ဘူးလို့ ဆိုလိုတာလား။

ဖြေ ။ ။ မထင်မိဘူး။ ကျေးရွာအဆင့်၊ ခရိုင်အဆင့်မှာတော့ ဒါမျိုး ဖြစ်လာနို င်မယ်။ ဒါပေမဲ့ ထိပ်တန်း အုပ်ချုပ်ရေးရာထူး၊ အစိုးရနဲ့ ပါတီရဲ့ အတွင်းရေး မှူး ရာထူးနေရာတွေ အတွက်တော့ ဒါမျိုး ဖြစ်လာမယ် မထင်ဘူး။

မေး ။ ။ ထိပ်တန်းအဆင့်က အရာရှိကြီးတွေ သဘောထားချင်း မတိုက် ဆိုင်လို့ ကွဲသွားတာမျိုးရော မဖြစ်နိုင်ဘူးလား။ ဝမ်ကျားပေါင် ရာထူးရှိနေစဉ် တုန်းက သူဟာ နိုင်ငံရေး ပြုပြင်ပြောင်းလဲလိုသူ တစ်ယောက်အနေ နဲ့ တွေ့ မြင်ခဲ့ရတယ်။ ဒီမိုကရေစီနဲ့ တရုတ်တို့ စရိုက်တွေ အကြောင်းတောင် သူ ပြောပြနေသေးတယ်။

ဖြေ ။ ။ ဒါပေမဲ့ သူက နံပါက်တစ် မဟုတ်ဘူး။ နံပါက်သုံးအဆင့်ပဲ ရှိတယ်။ နံပါက်သုံးအဆင့်က ဒါမျိုး ပြောတယ်ဆိုတာကလည်း ကောင်းတဲ့အချက်ပါပဲ။ အဲဒီတုန်းက ကျန်ဇီမင်းက အာဏာကို ကိုင်ထားတုန်းပဲ။ သူတို့ ထိပ်တန်းအ ဆင့် အရာရှိကြီးတွေကြားမှာ ဝမ်ကျာင်းပေါင်နဲ့ သဘောထား တိုက်ဆိုင်တာ ဆိုလို့ တစ်ယောက်စ နှစ်ယောက်စပဲ ရှိမယ် ထင်တယ်။ သူတို့အားလုံးဟာ စေ့စေ့စပ်စပ် ရွေးချယ်ခံထားရတဲ့ လူတွေချည်းပဲ။ ဟုတ်ပြီ၊ ဒီစနစ်ဟောင်းကို စွန့်ပြီး လူထုအကြိုက် လိုက်ကြစို့လို့ ပြောကြလိမ့်မယ် ထင် သလား။ ရွေးကောက်ပွဲဆိုတာ တစ်ယောက်ယောက်က ဝင်ပြိုင်ပြီး မထင် မှတ်ဘဲ နိုင်သွားတာမျိုးတွေ ရှိတတ်တယ်။ ဒါမျိုး သူတို့ လုပ်ကြမှာ မဟုတ် ပါဘူး။

မေး ။ ။ စင်္ကာပူရဲ့ နိုင်ငံရေး ပုံသဏ္ဍာန်ကို သူတို့ စိတ်ဝင်စားကြတယ် မဟုတ်လား။

ဖြေ ။ ။ ကြိုက်တာလေးတွေ ရွေးယူဖို့ တစ်ကမ္ဘာလုံးက ပေါ်လစီတွေကို သူတို့ စိတ်ဝင်စား ကြပါတယ်။ ဒါပေမဲ့ သူတို့မူဝါဒထဲ ဘယ်လိုလုပ် အံဝင် ခွင်ကျ ရှိနိုင်ပါ့မလဲ။

မေး ။ ။ စင်္ကာပူက လူတစ်ယောက် မဲတစ်မဲ စနစ်ပဲ။

ဖြေ ။ ။ သူတို့ ဒီလို လုပ်မယ်လို့ မထင်မိဘူး။ မင်းတို့ရော ထင်နေလို့လား။ သူတို့ နိုင်ငံကြီးရဲ့ ပမာဏကိုလည်း ကြည့်ဦးလေ။

မေး ။ ။ ဒါဆိုရင် စင်္ကာပူ နိုင်ငံရေး ပေါ်လစီတွေထဲမှာ ဘယ်လို အချက်ေ တွကို သူတို့က စိတ်ဝင်စားနေတာလဲ။

ဖြေ ။ ။ စင်္ကာပူမှာ အောက်ခြေလူတန်းစားတွေနဲ့ ထိတွေ့ ဆက်ဆံလို့ရ တဲ့ ပြည်သူ့တွေ့ဆုံပွဲ (Meet-the-people-session) လိုဟာကို စိတ်ဝင်စား ကြတယ်။ ပြီးတော့ အောက်ခြေလူတန်းတွေရဲ့ လိုအပ်ချက် စတာတွေကို ငါတို့က သိမြင်နိုင်ကြတယ်။ သူတို့ ဒီနည်းအတိုင်း လိုက်လုပ်ဖို့ အမိန့်တောင် ချမှတ်ထားပြီးပြီလို့ ငါတော့ ယုံကြည်တယ်။ ဒီစနစ် တကယ် အလုပ်ဖြစ်၊ မဖြစ် မသိပေမဲ့ အောက်ခြေလူတန်းစားတွေနဲ့ တွေ့ဆုံဆွေးနွေးဖို့ကိုတော့ သူတို့ လုပ်ဆောင်နေကြပြီ။
ဒါပေမဲ့ ဆောက်လုပ်ရေးကုမ္ပဏီကြီးတွေနဲ့ လယ်သမားတွေရဲ့ ပြဿနာ လိုပါပဲ။ လယ်ယာမြေတွေ သိမ်း၊ တောင်သူတွေကို တန်ရာတန်ကြေး မပေး၊ ဒီပုံစံနဲ့ဆိုရင် ဘယ်လိုလုပ် တရားမျှတမှု ရှိတော့မှာလဲ။

မေး ။ ။ ကွန်မင်တန်သာ တရုတ်ပြည်မကြီးထဲမှာ အာဏာရသွားရင် လူ တစ်ယောက် မဲတစ်မဲစနစ် တရုတ်ပြည်မှာ ဖြစ်လာနိုင်မလား။ ဆွန်ယဲ့ဆင် (Sun Yet-Sen) ကိုယ်တိုင်က အနောက်တိုင်း ဒီမိုကရေစီကို ယုံကြည်ထား တာ ဆိုတော့လေ။

ဖြေ ။ ။ ဖြစ်မလာနိုင်ဘူး။ သူတို့ ဒီမိုကရေစီ ထွန်းကားအောင် လုပ်နိုင်ခဲ့ တယ်ဆိုတာက ထိုင်ဝမ်မှာမို့လို့။ ထိုင်ဝမ်က နိုင်ငံလည်း သေးတယ်။ ပြီးတော့ သူတို့ ရှင်သန်ဖို့ အမေရိကန်ကို မှီခိုနေကြရတာ။ အာဏာရှင်စနစ်ဆိုရင် အမေရိကန်တွေက သူတို့ကို ထောက်ခံပေးမှာ မဟုတ်ဘူး။ ဒါကြောင့် လူ တစ်ယောက် မဲတစ်မဲ စနစ်ကို သူတို့ ကျင့်သုံးနိုင်ခဲ့ကြတာ။

မေး ။ ။ ဒါပေမဲ့ ထိုင်ဝမ်ဆိုရင် ဒီနေ့ ဒီမိုကရေစီစနစ်အတိုင်း သွားနေတာ ပဲ။ ဟောင်ကောင် ဒီလမ်းကို လိုက်နိုင်ဖို့လည်း တစ်ကမ္ဘာလုံးက အကူ အ ညီတွေ ပေးလာကြမယ်။ ဒါတွေက တရုတ်ပြည်မကြီးလည်း ဒီလမ်းစဉ်ကို လိုက်ဖို့ ဖိအားတွေ ကျရောက် မလာနိုင်ဘူးလား။ ထိုင်ဝမ်နဲ့ ဟောင်ကောင်မှာ ရရှိနေတဲ့ အခွင့်အရေးမျိုးတွေ ရရှိဖို့ ပြည်မကြီး ထဲက လူထုကလည်း အစိုးရကို ဖိအားတွေ ပေးလာနိုင်တာပဲ မဟုတ်လား။

ဖြေ ။ ။ အေးလေ၊ လူထုကတော့ ဒါမျိုးတွေကို တောင့်တနေမှာပေါ့။ ဒါပေ မဲ့ ဘယ်လိုလုပ် သူတို့က အစိုးရအပေါ် ဖိအားပေးနိုင်မှာလဲ။ သူတို့ကိုယ်တိုင် ကရော မဲပေးခွင့် ရနေလို့လား။ တော်လှန်ရေးပုံစံနဲ လက်ရှိအစိုးရကို ဖြုတ် ချမှာလား။ ထိပ်ပိုင်းက လူတွေက အာဏာကို လက်လွှတ်ခံမယ်လို့ ငါတော့ မထင်မိပါဘူး။ ပြည်မကြီးထဲက တရုတ်လူထုကိုယ်တိုင်ကလည်း လူတစ်ေ ယာက် မဲတစ်မဲ စနစ်နဲ့ သမ္မတတစ်ယောက်ကို ရွေးချယ် တင်မြှောက်နိုင် မယ်လို့ ယုံကြည်ထားကြမယ် မဟုတ်ပါဘူး။ ဒီစနစ်က တကယ့်လက်တွေ့မှာ အလုပ် မဖြစ်နိုင်ပါဘူး။

မေး ။ ။ ဘာကြောင့် မစ္စတာလီက ဒီလို ထင်မြင်မိတာလဲ။

ဖြေ ။ ။ ၁.၃ ဘီလီယံ လူထုကြီးဆီက တစ်ဦးချင်းရဲ့ ဆန္ဒကို ဘယ်လို လုပ် ကောက်ယူလို့ ရနိုင်မလဲကွာ။

မေး ။ ။ အိန္ဒိယမှာ ဒီလိုပဲ လုပ်နေတာ မဟုတ်လား။

ဖြေ ။ ။ အင်း၊ ဟုတ်ပါတယ်။ ဒါပေမဲ့ မတူညီတဲ့ အကြောင်းတွေကြောင့် ပဲဆိုဆို အိန္ဒိယရဲ့ အကျိုးရလဒ်ကလည်း မစွံလှဘူးလေ။



လူတစ်ယောက်ရဲ့ ကမ္ဘာ့အမြင်(၁)
လူတစ်ယောက်ရဲ့ ကမ္ဘာ့အမြင် (၂)

လူတစ်ယောက်ရဲ့ ကမ္ဘာ့အမြင် (၃)

လူတစ်ယောက်ရဲ့ ကမ္ဘာ့အမြင် (၄) 

Post a Comment