လူတစ်ယောက်ရဲ့ ကမ္ဘာ့အမြင်

အခန်း (၂)
တရုတ် (သို့) ရွက်ပုန်းသီး

ရှီကျင့်ဖျင် (ရှီကျင့်ပင်း) ကို ၂၀၀၇ - ခု၊ နိုဝင်ဘာလက ပီကင်းကို ရောက် တုန်း ပြည်သူ့ ခန်းမ ပထမဆုံး ကျွန်တော် တွေ့ခဲ့ဖူးတာပါ။ သူနဲ့တွေ့ဖို့ ကျွန်ေ တာ် မတောင်းဆိုခဲ့ပါဘူး။ တွေ့ဖို့ တောင်းဆိုတာက အခြားတစ်ယောက်ပါ။ ဒါပေမဲ့ သူတို့က ရှီကျင့်ဖျင် ဆီ ပို့ပေးခဲ့တာပါ။ ဒါကို ကြည့်ခြင်းအားဖြင့် ရှီဟာ သူတို့အုပ်စုထဲမှာ အထူးအလေးထားရတဲ့ ပုဂ္ဂိုလ်ဆိုတာ သိနိုင်မြင်နိုင် ပါ တယ်။ တရုတ်ကွန်မြူနစ်ပါတီရဲ့ ထိပ်တန်းအရာရှိ တစ်ယောက်အနေနဲ့ ရွေး ချယ်ခံခဲ့ရပြီးတဲ့နောက် သူ့အတွက်လည်း ဒါဟာ နိုင်ငံခြားခေါင်းဆောင် တစ်ယောက်နဲ့ ပထမဆုံး တွေ့ဆုံခြင်းပါပဲ။ ပြီးတော့ သူဟာ ဟူကျင်တောင် ကို ဆက်ခံမယ့်လူတစ်ယောက်ဆိုတာကိုလည်း ဆိုလိုရာ ရောက်နေပါတယ်။
သူ့ကို တွေ့တွေ့ချင်းပဲ သူဟာ လူတော်တစ်ယောက် ဖြစ်လိမ့်မယ်၊ အမြင် ကျဉ်းမြောင်းသူ မဟုတ်ဘူးဆိုတာ ကျွန်တော် ခံစားလို့ ရတယ်။ သူဟာ ပြဿနာတစ်ခုကို ခြေခြေမြစ်မြစ် သုံးသပ်တတ်ပြီး သူသိကြောင်း ကို လည်း ထုတ်ပြကြွားဝါတတ်သူ မဟုတ်ဘူး။ သူဟာ ကျန်ဇီမင်းလို ရင်းနှီးေ ဖ်ာရွေတာမျိုးလည်း မဟုတ်၊ ဟူကျင်တောင်လို သမားရိုးကျ ဆန်လှ သူ လည်း မဟုတ်ဘူး။ ဒါပေမဲ့ သူ့မှာ စွဲဆောင်မှု အားတွေ ရှိတယ်။ ဒါဟာ ပထမဆုံး တွေ့တွေ့ချင်း ဖြစ်ပေါ်မိတဲ့ ကျွန်တော့် ခံစားမှုပါ။
ဒီထက်ပိုပြီး အကြောင်းကြောင်းကို စူးစမ်းကြည့်မိတော့ သူငယ်စဉ်ဘဝက အမှားတစ်ခုခု လုပ်မိဟန် တူပါတယ်။ ကျေးလက်ကို အပို့ခံခဲ့ရတယ်။ ၁၉၆၉ - ခုမှာ ရှန်ရှီ (Sha’anx) ပြည်နယ်ကို အပို့ခံရတယ်။ ဒါပေမဲ့ မငြီးမငြူဘဲ တဖြည်းဖြည်းနဲ့ သူ ပြန်တတ်လာနိုင်ခဲ့တယ်။ ကျွန်တော့်သဘောအရ ဆို ရင်တော့ သူဟာ မင်ဒဲလားလိုလူ အမျိုးအစားထဲကပဲ။

ရှီဟာ ၁၉၄၉ - ခုကတည်းက စတင်ခဲ့တဲ့ တရုတ်ပြည်ရဲ့ ပဉ္စမမြောက်ေ ခါင်းဆောင်တွေထဲက တစ်ယောက်ပါ။ ရှေးဟောင်းတရုတ်မူဝါဒအတိုင်း အစိုးရတစ်ဖွဲ့လုံးကို အလွှာအသီးသီးမှာ ပြိုင်ဆိုင်မှုတွေနဲ့ ပြည့်နှက်နေအောင် ဦးဆောင်မှု ပေးနိုင်ခဲ့တယ်။ တရုတ်အရာရှိတွေဆီမှာ အနောက်တိုင်းဆန် ဆန် ပညာရေးတွေလည်း ရှိလာတယ်။ ကမ္ဘာနဲ့ ပိုပြီး ရင်းနှီးကျွမ်းဝင်လာ တယ်။ အင်္ဂလိပ်စကား ကျွမ်းကျွမ်းကျင်ကျင် ပြောနိုင်လာတယ်။ ကွန်မြူနစ်ဆိုတဲ့ စကားလုံးသာ ကျန်ရှိပြီး သူတို့ဟာ ကွန်မြူနစ်စနစ် ကျင့် သုံးသူတွေ မဟုတ်ကြတော့ဘူး။ ပိုပြီး ချမ်းသာလာအောင် ကြိုးစားဖို့၊ နည်း ပညာတွေ ကြိုးစားယူနေကြတဲ့ ပြောင်းလဲရေးသမားတွေ ဖြစ်နေကြပါပြီ။
ရှေ့မှာ ရှိခဲ့တဲ့ ခေါင်းဆောင်ကြီး လေးယောက်စလုံးကလည်း မတူညီတဲ့ အရည်အသွေးတွေ တစ်ဦးချင်းစီ ချန်ထားရစ်ခဲ့ကြတယ်။ မော်စီတုန်းက ကန ဦး တော်လှန်ရေးကို စတင်နိုင်ခဲ့သလို တိန့်ရှောင်ဖိန်က နိုင်ငံရဲ့ စီးပွားရေး တံခါးကို ဖွင့်ပြီး ပြောင်းလဲမှုတွေ လုပ်ခဲ့တယ်။ ကျန်ဇီမင်းကတော့ နိုင်ငံကို အားသစ်လောင်းပြီး ဖွံ့ဖြိုးတိုးတက်လာအောင် လုပ်နိုင်ခဲ့တယ်။ ဟူကျင်းေ တာင် လက်ထက်မှာတော့ ဆင်းရဲချမ်းသာ ကွာဟမှုကို အတိုင်းအတာ တစ် ခုအထိ လျှော့ချနိုင်ပြီး ဟန်ချက်ညီတဲ့ နိုင်ငံတစ်ခု ဖြစ်လာအောင် စွမ်းဆော င်ပြနိုင်ခဲ့တယ်။ ဒါဆို ရှီကရော ဘယ်လိုသမိုင်းကို ချန်ထားခဲ့လေမလဲ။

၁၉၆၇ - ခုနှစ်မှာ ပထမဆုံး တရုတ်ပြည်ကို ရောက်ဖူးပြီးတဲ့နောက် နှစ်တိုင်း တစ်နှစ်တစ်ခေါက်တော့ ရောက်အောင် သွားဖြစ်ဖို့ ကျွန်တော် ကြိုးစားခဲ့ပါ တယ်။ ဖြစ်နိုင်မယ်လည်း ဆိုရင်ပေါ့လေ။ ရောက်တိုင်းလည်း ထိပ်သီးခေါင်းေ ဆာင်တွေ ဖြစ်ကြတဲ့ မော်၊ ဟူ၊ ရှီတို့နဲ့ တွေ့ဖြစ်ခဲ့ပါတယ်။ မော်စီတုန်းဆိုရင် တရုတ်ပြည် သူ့ခြေထောက်ပေါ်သူ ရပ်နိုင်ဖို့ လုပ်သွားနိုင်ခဲ့တဲ့ လူတစ်ေ ယာက်ပါ။ ၁၉၄၉ - ခုမှာ နှစ်ပေါင်းနှစ်ရာကျော် မြုံနေခဲ့တဲ့ လူထုလှုပ်ရှားမှုကို တီယန်မင်ရင်ပြင် ကနေပြီး ရဲရဲတင်းတင်း ရပ်တည်ပြခဲ့တယ်။ တော်လှန်ရေး စွမ်းရည်ကို ကြည့်တော့ မော် လိုလူကလည်း နှစ်ယောက် မရှိပါဘူး။ အတိုက်အခံကို ဖြိုခွဲခဲ့တဲ့နေရာမှာ ဆရာကြီးတစ်ဆူပါပဲ။ စစ်တပ်အင်အား သုံးပြီး အမျိုးသားရေးဝါဒီတွေကို နှိမ်နင်းခဲ့တယ်။ ညီညွတ်ရေးကို တည်ဆော က်ပေးနိုင်ခဲ့တယ်။
သူဟာ တရုတ်ပြည်ကို ခေတ်သစ်ပုံစံရောက်အောင် ပြောင်းပေးနိုင်ခဲ့သူလား။ သမိုင်းက ပြောပြတာကတော့ ကြေကွဲစရာပါ။ တရုတ်ပြည်ကို လွတ်မြောက်ေ စခဲ့တဲ့ ဒီပုဂ္ဂိုလ်ကြီးဟာ တရုတ်ယဉ်ကျေးမှု တော်လှန်ရေး အုံကြွမှုမှာ လုံး ဝ ခြေ မှုန်းခြင်း ခံရတော့မတက် ဖြစ်ခဲ့ရပါတယ်။
သူသာ အာဏာ ဆက်ကိုင်ထားမယ်ဆိုရင်၊ ဒါမှမဟုတ် သူ့ကို ဆက်ခံသူ ဟွာကော်ဖန် (Hua Goufeng) သာ ဆက်ပြီး အုပ်ချုပ်နေမယ်ဆိုရင် တရုတ်ပြည်ဟာ ဆိုဗီယက်ပြည်ထောင်စုအတိုင်း ပြိုကွဲသွားမှာ မလွဲမသွေ ပါပဲ။ သူ့ရဲ့ နေညိုချိန်မှာ မော်စီတုန်းကို ကျွန်တော် တွေ့ဆုံခွင့် ရခဲ့ပါတယ်။ အဲဒီအချိန်မှာ သူဟာ အကျပိုင်းကို ရောက်နေပါပြီ။ သူ့ရဲ့ ဟန်နန်လေသံဝဲတဲ့ တရုတ်စကားကို အမျိုးသမီးတစ်ယောက်က အင်္ဂလိပ်လို ဘာသာပြန်ပေးခဲ့ ပါတယ်။
တကယ်ဆိုရင် ကျွန်တော်ဟာ ဒီခေါင်းဆောင်ကြီးရဲ့ “အရိပ်” လောက်ကို သာ တွေ့မြင်ခွင့် ရလိုက်တာပါ။

တရုတ်ပြည် ကံကောင်းစေတဲ့ အချက်ကတော့ တိန့်ရှောင်ဖိန်က တပြည်လုံး ကို လမ်းကြောင်းပေါ် တင်ပေးနိုင်လိုက်တဲ့ အချက်ပါ။ ၁၉၈၇ - ခုနှစ်မှာ ဘန်ကောက်၊ ကွာလာလမ်ပူ မြို့တွေကနေတဆင့် စင်္ကာပူကို သူ ရောက် လာခဲ့ပါတယ်။ သူ့ရည်ရွယ်ချက်က ဗီယက်နမ်က ကမ္ဗောဒီးယားကို ဝင် မတိုက်အောင် တားမြစ်ဖို့၊ ဝင်တိုက်ရင် ဟန့်တားဖို့ တရုတ်ပြည်နဲ့အတူ စင်္ကာ ပူက ပူးပေါင်းပါဝင်ဖို့ပါ။ ဒီခရီးစဉ်ဟာ သူ့မျက်လုံးတွေကို ဆွဲဖွင့်ပေးလိုက် တာလို့ ကျွန်တော် ထင်ပါတယ်။ သူရောက်ခဲ့တဲ့ မြို့ကြီးသုံးမြို့ (ဘန်ကောက် ၊ ကွာလာလမ်ပူ၊ စင်္ကာပူ) ဟာ နောက်ကြောင်းပြန်ဆွဲပြီး ဆင်းရဲမွဲတေနေတဲ့ မြို့တွေလို့ ထင်ထားပုံ ရပါတယ်။ သူတကယ်ရောက်တော့ အထင်နဲ့အမြင် လုံးဝ လွဲမှားနေပြီဆိုတာ သူ သိလိုက်ပုံ ရပါတယ်။ ဒီမြို့တော် သုံးခုစလုံးဟာ တရုတ်ပြည်ကို ကျော်တက်နေပါပြီ။
စင်္ကာပူမှာ လေးရက်လောက် သူ နေသွားခဲ့တယ်။ သူလည်း လေယာဉ်ေ ပ်ါရောက်လို့ လေယာဉ်တံခါးလည်း ပိတ်သွားရော ကျွန်တော်က ကျွန်တော့် မိတ်ဆွေကို ဒီလို ပြောခဲ့တယ်။
“စကာပူကနေအပြန် သူ့ကို သတင်းပေး သူတွေတော့ ဒုက္ခလှလှ တွေ့တော့ မယ်။ သူ တကယ် မြင်တွေ့သွားရတဲ့ စင်္ကာပူက သူ့လူတွေ ပို့ထားတဲ့ သ တင်းတွေနဲ့ လုံးဝ ခြားနားနေတယ်” လို့။
သူရထားတဲ့ သတင်းတွေက စင်္ကာပူမှာ ရှိကြတဲ့ ကွန်မြူနစ် အသည်းစွဲ သမားတွေက ပို့ထားကြတာ၊ အမှားတွေချည်းပဲ။

သူရောက်နေစဉ် သူ့ကို ညနေစာ ဖိတ်ကြား ကျွေးမွေးခဲ့ပါတယ်။ အဲဒီ ညနေစာ စားပွဲမှာ သူက
“ခင်ဗျားတို့မှာ လှပတဲ့ ဥယျာဉ်မြို့တော် ပိုင်ဆိုင်နေပြီပဲ” လို့ ကျွန်တော့်ကို ကပ်ပြောတယ်။ သူ့ကို ကျေးဇူးတင်ကြောင်း ပြောပြီး
“ကျွန်တော်တို့ ဘာတွေ ပဲ လုပ်နိုင်လုပ်နိုင် ခင်ဗျားတို့က ကျွန်တော်တို့ထက် ပိုကောင်းအောင် လုပ်နိုင်ပါတယ်။ ကျွန်တော်တို့ဟာ တရုတ်ပြည်တောင် ပိုင်းက လယ်ယာမဲ့ လယ်သမားတွေကနေ ဆင်းသက်လာတာ ဖြစ်ပြီး ခင် ဗျားတို့မှာ ပညာရှင်တွေ၊ သိပ္ပံပညာရှင်တွေ၊ စပါယ်ရှယ်လစ်တွေ အားလုံး ရှိနေပါတယ်။ ကျွန်တော်တို့ ဘာလုပ်လုပ် ခင်ဗျားတို့က ပိုကောင်းအောင် လုပ်နိုင်ပါလိမ့်မယ်”
သူက ကျွန်တော့်ကို ဘာမှ ပြန်မပြောဘူး။ သူ့ရဲ့ စူးရှတဲ့ မျက်လုံးနဲ့ ကျွန်တော့်ကို စိုက်ကြည့်ပြီး ခဏနေတော့ စကားလမ်းကြောင်း ပြောင်းသွား ပါတော့တယ်။ အဲဒါ ၁၉၇၈ - ခုတုန်းကပါ။

ဆက်ရန်

အခန်း (၁)
လူတစ်ယောက်ရဲ့ ကမ္ဘာ့အမြင်(၁)
လူတစ်ယောက်ရဲ့ ကမ္ဘာ့အမြင် (၂)
လူတစ်ယောက်ရဲ့ ကမ္ဘာ့အမြင် (၃)
လူတစ်ယောက်ရဲ့ ကမ္ဘာ့အမြင် (၄) 
လူတစ်ယောက်ရဲ့ ကမ္ဘာ့အမြင် (၅)