**သင်္ခန်းစာ ကွာဟမှု (Education Gap)**


သမ္မတကြီးတစ်ဦးသည် ရွေးကောက်ပြီး ပါတီပြိုကွဲကာ တစ်ဦးတည်း ထွက်ပြေးတိန်းရှောင်နေရသည်။ သူ (ပုံပြင်ဟောင်းထဲမှာ) သိထားသည်က သူ သုဿာန်ပျက်ထဲက လိုင်ဂူတစ်ဂူထဲဝင်ကာ ပုန်းအောင်းနေရမည်။ ပြီး လျင် အပေါ်ကိုမော့ကြည့်ရမည်၊ အပေါ်ကိုမော့ကြည့်ခိုက် အိမ်ဖွဲ့နေသော ပင့်ကူတစ်ကောင်ကို တွေ့ရမည်။ အိမ်ဖွဲ့နေသော ပင့်ကူက ခဏခဏ ပြုတ် ကျ၊ ခဏခဏ ပြန်တက်ရင်း မနေမနားကြိုးစားသည်၊ နောက်ဆုံး ပင့်ကူအိမ် ကြီး အပြီးတည်ဆောက်နိုင်သည်။ ဒါကို ကြည့်ရင်း သင်္ခန်းစာရအောင် ယူရ မည်၊ နောက်ဆုံး စိတ်ဓာတ်တွေ တက်ကြွလာပြီး ပါတီကိုပြန်လည်စုစည်းကာ အတိုက်အခံပါတီကို ချေမှုန်းပြီး နိုင်ငံကိုပြန်လည်သိမ်းပိုက်ယူရမည် ဖြစ်သည်။ ပုံပြင်ဟောင်းထဲကအတိုင်း သူလိုက်လုပ်ပါသည်။ သို့သော် ပင့်ကူက ပင့် ကူ အိမ်တည်ဆောက်လို့သာပြီးသွားသည် သူ့မှာ သင်္ခန်းစာဆိုလို့ ဘာမှ မရ လိုက်သလို ဘာစိတ်ဓာတ်ခွန်အားမှလည်း မရလိုက်ပေ။ သမ္မတကြီး တော်တော်ကြေကွဲသွားသည်။

ထို့ကြောင့် ခြေဦးတည့်ရာလျှောက်သွားနေမိတော့သည်။ အချိန်မည်မျှကြာ သွားသည် မသိ။ အင်တာနက် ကဖေးဆိုသော ဆိုင်တစ်ဆိုင်ကို တွေ့လိုက်ရ သဖြင့် သင်္ခန်းစာရလိုရငြား ဆိုင်ထဲဝင်သွားလိုက်မိ သည်။
ထိုဆိုင်ထဲမှာ လူငယ်တစ်ယောက်က သူ့ ဖေစ်ဘုတ်ပေါ်မှာ ပုံလေးတစ်ပုံ တင်ဖို့ကြိုးစားနေလေသည်။ သမ္မတကြီးက ကောင်ကလေး ဘာလုပ်နေ သည်ကို အတိအကျမသိသော်လည်း တစ်ခုခုကို ကြိုးစားနေမှန်းတော့ သိသည်။
ထို့ကြောင့် စိတ်ဝင်စားစွာ ကောင်ကလေးနှင့် သူ့ရှေ့ကစက်လေးကို ကြည့်နေမိသည်။ ထိုစက်လေးပေါ်ရှိ အစ်ိမ်းရောင်အဝိုင်းလေးက စိတ်ရှည် လက်ရှည် လယ်နေတာကိုလည်းတွေ့ရသည်။ တစ်ခါတစ်ခါ စိတ်မရှည်တော့ ဟန်ဖြင့် အစ်ိမ်းရောင်အဝိုင်းလေး ပျောက်သွားပြန်သည်။ ကောင်ကလေး က ခေါင်းကုတ်သည်၊ တက်ခေါက်သည်၊ သမ္မတကြီးကို လှည့်ကြည့်သည်။ ပြီး... ပြန်ကြိုးစားသည်။ အစ်ိမ်းရောင်အဝိုင်းလေးက ပျေက်သွားလိုက် ပြန်ပေါ်လာလိုက်ပင်။ အကြိမ်ရေ မည်မျှရှိသွားသည်မသိ၊ နောက်ဆုံး ကောင်ကလေးက "ရေး" ဟု အော်လိုက်သည်။ ထိုအခါ သူ့ရှေ့က ကစက်လေးပေါ်မှာ ပုံလေးတစ်ပုံေ ပ်ါလာတာကို သမ္မတကြီးကိုယ်တိုင် မျက်မြင်ကိုယ်တွေ့ တွေ့လိုက်ရတော့ သည်။

ပင့်ကူတစ်ကောင်ဆီက ဘာမှ မရလိုက်သော သမ္မတကြီးသည် မြန်မာပြည် အင်တာနက် ကဖေးဆိုင်ထဲမှ လူငယ်လေးတစ်ယောက်၏ ဇွဲနှင့် စိတ်ရှည် မှုကို သင်္ခန်းစာယူကာ "ငါလည်း ဘာလို့မဖြစ်နိုင်ရမှာလဲ" ဟု မာန်သွင်းကာ ကြိုးစားလေတော့သည်။
သူ နိုင်၊ မနိုင်ကိုတော့ ယခု ပုံပြင်သစ်ပြီးချိန်အထိ မသိရသေးပါ။ သိရလျှင် ပုံပြင်ကို ဆက်လက်ဖော်ပြပါမည်။

Post a Comment