ဒီနေ့လည်း ဘာသာရေးဆိုင်တဲ့ ခပ်စပ်စပ်မေးခွန်းတစ်ခု တင်လိုက်ပါတယ်။


တလောလေးက ဗုဒ္ဓဘာသာဖြစ်သွားတဲ့ ကမ္ဘာသိ၊ ကမ္ဘာကျော်ပုဂ္ဂိုလ်တွေကို စာရင်းပြုထားတဲ့ ပို့စ်တစ်ခုတက်လာပါတယ်။
ဝမ်းသာစရာမို့ ဝမ်းသာပါတယ်။ ဒါပေမဲ့ မေးစရာတွေရှိနေပါတယ်။
၁။ သူတို့ဟာ ဘယ်လိုဗုဒ္ဓဘာသာတွေလဲ။
၂။ ဘယ်သူတွေရဲ့ သာသနာပြုမှုကြောင့် သူတို့ ဗုဒ္ဓဘာသာဖြစ်သွားတာလဲ။

လက်ရှိအချိန်မှာ အနောက်နဲ့ဗုဒ္ဓဘာသာကို မိတ်ဆက်ပေးနေတာက တိဗက်နဲ့ဇင် ဗုဒ္ဓဘာသာတွေ ဖြစ်ကြပါတယ်။
သူတို့ကြောင့် ဗုဒ္ဓဘာသာဖြစ်သွားမှုတွေအပေါ် ဂုဏ်ယူရဲရင် သူတို့ကို လေးစား၊ ဂုဏ်ပြုဖို့လည်း မမေ့အပ်ပါဘူး။
မဟာယာန၊ တန္တရ၊ မန္တရ၊ ဇင်ဆိုပြီး ဝေဖန်၊ ပုတ်ခတ်တဲ့ ( နိုင်ငံဖြန့်) မဂ္ဂဇင်းက လည်း မြန်မာပြည်မှာပဲ ရှိမယ်ထင်ပါတယ်။ ပုဂံခေတ်က ပါလာတဲ့ဒဏ်ရာကို မကုစားနိုင်သေးခြင်းကြောင့် အလွန်အမင်းကာကွယ်လိုရာကနေ သူတစ်ပါးကို အထင်သေးမိသွားခြင်း ဖြစ်ဟန်တူပါတယ်။
အများစု အခြေခံလက်ခံမှုကလည်း ငါတို့ဟာမှငါတိုဟာ ဖြစ်နေတတ်ပါတယ်။
မိမိတို့ရဲ့ ယဉ်ကျေးမှုတန်ဖိုးကို ထိမ်းသိမ်းလိုတာနဲ့ ယဉ်ကျေးမှုမတူသူတွေကို အထင်သေးနေစရာမလိုပါဘူး။ ညီရင်းအကိုစိတ်ထားနိုင်မှ သူတို့အောင်မြင်မှုက ကိုယ့်မိသားစုရဲ့အောင်မြင်မှုဖြစ်နိုင်ပါတယ်။ ဂုဏ်လည်း ယူသင့်ပါတယ်။

သမိုင်းတန်ဖိုး
အာရှနဲ့မွတ်စလင်ကမ္ဘာထဲကို မဝင်ရသေးတဲ့ အမေရိကန်တွေက သူတို့ဟာ ဥရောပနဲ့မတူဘူးလို့ ဆိုကြပါသတဲ့။
အာရှနဲ့မွတ်စလင်ကမ္ဘာထဲကို ဝင်သွားပြီးတော့မှ ပိုပြီးကွဲလွဲနေမှုတွေကို တွေ့ရ ရင်း သူတို့နဲ့ဥရောပကြားက ဘုံတူညီမှုတွေကို ရှာတွေ့ကြပါသတဲ့။
ဘာသာစုံနိုင်ငံတွေ၊ ဘယ်ဘာသာမှ အခွင့်ထူးမရတဲ့နိုင်ငံတွေမှာနေပြီး ဘာသာ စုံ၊ ယဉ်ကျေးမှုစုံ အသည်းအသန်စည်းရုံးနေကြရတဲ့ အခြေအနေကိုကြုံတွေ့ရမှ တိဗက်၊ ဇင်နဲ့ထေရဝါဒရဲ့ ဘုံတူညီမှုတွေကို ပိုပြီးအလေးထားလာမှာမို့ ခဏတော့ စောင့်ကြရဦးမယ့်သဘောပါပဲ။

ဒါက အရေးကြီးသလား၊ ဒီထက်အရေးပါတာတွေက ဘာလဲ။ ဉာဏ်မမီဘူး။
ရွှေစည်ဦးနဲ့အိန့်မြတ်သူရေ
တန်ဖိုးသတ်မှတ်မှု၊ အရေးကြီး၊ မကြီးဆုံးဖြတ်မှုတွေဟာ တစ်ဦးချင်းဆီရဲ့ အယူ အဆသာဖြစ်ပါတယ်။
ဥပမာ။
ဒီနေ့ ကမ္ဘာ့ဗုဒ္ဓဘာသာကွန်ဖရင့်တွေမှာ မပါမပြီးခေါင်းစဉ်တွေက ဂေး၊ လက်စ်ဘီး ယန်းကိစ္စတွေပါ။
ဒါမျိုးကောက်ရေးလုိ့ မြန်မာစာဖတ်ပရိသတ်က ဘလော့ဂ်မှာ "မရောင်ရာဆီလူး" လို့ ကွန်မင့်ပေးပါးတယ်။
"လုံးစုံများစွာ သတ္တဝါလို့" ဆိုကြပေမဲ့ ကိုယ့်ဝန်းကျင်က သူတို့ဘဝဒုက္ခနဲ့လူရာ မဝင်မှုတွေကို မေ့နေကြတယ်။
အခရာ မကျလှဘူးဆိုရင်လည်း အခရာကျတာကို မသိတဲ့အတွက် နားလည်ပေး ကြပါ။

Post a Comment