ဘောလုံး၊ လူ၊ အရွယ်၊ ဝန်းကျင်နဲ့ အတ္တ


အသက် ၂၀ ကျော်မှာတော့ ဘောလုံးပွဲမကြည့်ရရင်ဘဲ အဓိပ္ပါယ် မဲ့နေသလို လို၊ ဘောလုံးပွဲ မကြည့်ရတဲ့နေရာ မနေဘူးလို့တောင် စိတ်ကူးမိသလိုလို။ ဒီလိုနဲ့ နာဂတောင်ပေါ် ရောက်သွားတယ်။ ဘယ်ကလာ ကမ္ဘာ့ဖလားရှိပါ့မလဲ။ ဒီလိုနဲ့ပဲ နေတတ်သွားတယ်။ သုံးနှစ်တိတိ။ နောက် စင်္ကာပူရောက်လာပြန်။ သီဟိုဠ်ဘုန်းကြီးနဲ့ တရုတ်တွေအကြား သူ့အကြောင်း ကိုယ်မသိ၊ ကိုယ့် အကြောင်း သူမသိ၊ ဘာမှမရှိဘဲ ရှစ်နှစ်လောက် ကြာသွားတယ်။ ရပါတယ်။ ဘောလုံးက ရေနဲ့ထမင်းမှ မဟုတ်တာဘဲ။

ပြောကြတာ ရှိသေးတယ်။ တစ်ယောက်ထဲကြည့်ရင် ဘောလုံးပွဲက အရသာမရှိ ဘူး တဲ့။ အင်း ဟုတ်မှာပါ။ ဒါပေမဲ့ တစ်ယောက်ထဲ နေရပါတယ်ဆို တစ်ယောက်ထဲ မကြည့်လို့ ဘယ်သူနဲ့သွားကြည့်ရမှာလဲ။ နှစ်ဆောင်ပြိုင် လေးထပ်ကျောင်းဆောင်ကြီးထဲမှာ တစ်ယောက်ထဲ နေရတဲ့ကာလက စုစုပေါင်း နှစ်နှစ်လောက်ကြာမယ်။ ဒီ ကာလတွေက သင်ပေးလိုက်လို့ သိလာတယ်၊ တစ်ယောက်ထဲကြည့်လည်း အရသာ ရှိပါတယ်။(တစ်ယောက်ထဲ ကြည့်တတ်လာတယ်)



နောက် ရှိသေးတယ်။ တစ်ဘက်ဘက်ကနေ လောင်းထားမှ ကြည့်ရတာ ပို အရသာရှိတာတဲ့။ အင်း ဟုတ်မှာပါ။ ဒါပေမဲ့ ကိုယ့်ဘဝနဲ့ကိုယ် ဘယ်ကနေ ဘယ်သွားလောင်းမှာလဲ။ ကြားလို့မှ မတော်။ မလောင်းလည်း ဘောလုံးအရသာ မပျက်ဘူးထင်ပါတယ်။
အဲ...... ဒါပေမဲ့ ဖေ့စ်ဘုတ်မှာ ခန့်မှန်းချက်တွေရေး၊ စတေးတပ်တွေ ကောက် တင်နေမိတော့ လောင်းလိုက်တာထက်တောင် ပို ဆိုးနေမလား ပဲ။ ညက ဂျာမဏီက ဂိုးသွင်းလိုက်တော့ လက်သီးလက်မောင်းတောင် ထ,တန်းမိလိုက် သလားလို့။
အင်း...... ကိစ္စမရှိပါဘူးလေ၊ တစ်ယောက်ထဲကြည့်နေတာပဲ။ ကိုယ်မပြောရင် ဘယ်သူ သိတာမှတ်လို့။

Post a Comment