တစ်ခါက ဇင် ဆရာနဲ့ တပည့်တို့ မြစ်ကမ်းဘေးမှာ တရားရှုမှတ်နေကြတယ်။
အတန်ကြာတော့ ဆရာက တစ်ယောက်ပဲ စီးလုိ့ရတဲ့ လှေကလေးကို လှော်ပြီး ဟိုဖက်ကမ်းကို ကူးသွားတယ်။
ခဏနေတော့ တပည့်ကလည်း တဖက်ကမ်းကို ကူးချင်လို့
"ဆရာ၊ ကျနော့်ဆီကို လှေပြန်ပုိ့ပေးပါ၊ ကျနော်လည်း တဖက်ကမ်း ရောက်ချင် လို့ပါ " လှမ်းပြောတယ်။
ဒီတော့ သူ့ဆရာက
"ငါ့တပည့်၊ ကိုယ့်တရားကိုသာ စူးစိုက်ရှုမှတ်နေပါ၊ ငါ့ဖက်က ကြည့်တော့ မင်းလည်း တဖက်ကမ်း ရောက်နေတာပဲ၊ ဘာ လှေနဲ့မှ ကူးနေစရာတောင် မလိုဘူး " တဲ့။
ဒီတော့မှ တပည့်က သဘောကျသွားပြီး သူ့ ကမ္မဌာန်း နဲ့သူ ပျော်မွေ့ သွားနိုင်တော့တယ်။
အဲသလိုပါပဲ၊ ပြည်တွင်းပြည်ပက သမ္မာအာဇီဝတွေရဲ့ဘဝတွေကလည်း
သူ့ကမ်းက ကောင်းနိုးနိုး ကိုယ့်ကမ်းက ကောင်းနိုးနိုး။
တစ်ခုထူးတာက သူတို့ကြားမှာ မိကျောင်းပေါတဲ့မြစ်ကြီး ကာဆီးနေတယ်။
 |
| source |
Post a Comment