မီးလောင်မြေမှာ ပွင့်တဲ့ပန်း

ဟွန်ဇာ(Hunza) လို့ခေါ်တဲ့ နိုင်ငံပေါက်စလေးရှိတယ်၊ ပါကစ္စတန် အနောက် ပိုင်း၊ ဝေးကွာပြီး တောတောင်ထူထပ်တဲ့ တောင်ပေါ်ဒေသပေါ်မှာ။ အာဖဂန်နစ္စတန်၊ ယခင်ဆိုဗီယက်၊ တရုတ်၊ ကက်ရ်ှမီးယားတို့နဲ့နယ်မြေချင်း ဆက်စပ်တယ်။
ပါးစပ်ရာဇဝင်အရ သူတို့တတွေဟာ ဘီစီ လေးရာစု၊ အလက်ဇန်းဒါး ဘုရင်နဲ့ အတူပါလာတဲ့ စစ်သားမျိုးဆက်တွေပါ၊ စစ်ရဲ့အနိဋ္ဌာရုံတွေကို တွေ့မြင်ခံစာရပြီး ဘယ်မှမသွားတော့ဘဲ ဟွန်ဇာမှာ အခြေချနေထိုင်လိုက်ကြတယ်။ ကြာလာတော့ ပါရှန်းအမျိုးသမီးတွေနဲ့ အိမ်ထောင်ပြုကြရင်း ပေါင်းစပ်လူမျိုးစုလေး ဖြစ်လာတယ်။ သူတို့ပြောတဲ့ ဘူဘူရှက်စ်ကီ(Bubushasky) ဘာသာစကားကလည်း ဘယ် ဘာသာစကားနဲ့မှ ဆက်စပ်မနေဘူး။

အစ္စလာမ် အားကောင်းလာတော့ သူတို့လည်း ကိုရန်ကျမ်းကို မဖြစ်မနေ သင်ယူ ရတယ်။ ဒါပေမဲ့ သူတို့နှလုံးသားထဲ ကိုရန်မရောက်ဘူး။ သူတို့ဆီမှာရှိနေတာက ရှေးဟောင်း သာရ (Essence) လို့ခေါ်တဲ့ ဗုဒ္ဓဘာသာ အဆုံးအမတွေဖြစ်ပြီး ကက်ရ်ှမီးယားမှာ ထွန်းကားခဲ့ဖူးတဲ့ ဗုဒ္ဓဘာသာရဲ့ ဓလေ့ စရိုက်တွေအားလုံး သူတို့ဆီမှာ တွေ့မြင်ရတယ်။

img source

(ကက်ရ်ှမီးယားနဲ့ အရှေ့အလယ်ပိုင်း၊ ဥရောပဆီရောက်သွားတဲ့ ဗုဒ္ဓဘာသာဂိုဏ်း ကို သာရဂိုဏ်းလို့ ခေါ်ပါတယ်။)
လူကြီးလူငယ် ယဉ်ကျေးသိမ်မွေ့ပြီး မြေပြင်မှာထိုင်၊ တရားရှုမှတ်နေတတ်ကြ တယ်။
နှလုံးရောဂါ၊ ဆီးချိုသွေးတိုး၊ ကင်ဆာ စတဲ့ရောဂါတွေ မရှိကြဘူးတဲ့။ သူတို့နိုင်ငံလေးမှာ ရဲစခန်း၊ ထောင်၊ စစ်တပ် မရှိဘူး။ နှစ်ပေါင်း ၁၅၀ အတွင်း ရာဇဝတ်မှု တစ်ကြိမ်မှ မဖြစ်ဘူးသေးဘူး။
ကိုရန်ရွတ်ရင်း ဗုဒ္ဓရဲ့ "သာရ" အကျင့်ကိုကျင့်နေဆဲ အစ္စလာမ်ကမ္ဘာထဲက တစ်မူ ထူးခြားနေတဲ့ လူနည်းစုလေးပါ။ သူတို့ဆီမှာရှိတဲ့ ရိုသားနွေးထွေးမှုမျိုး ဘယ် အစ္စလာမ်နိုင်ငံမှာမှ မတွေ့ရဘူးလို့ ကျမ်းပြုသူက ညွှန်းဆိုထားပါတယ်။

Ref: Buddhism and Islam. The King of the Jews? p374.

အမှာ။ ။ ကမ်းလက်ရဲ့စာတိုတွေဟာ သူဖတ်၊ သူလေ့လာနေတဲ့ စာအုပ်နဲ့ အကြောင်းအရာတွေကို ရောင်ပြန်ဟပ်နေနိုင်ပါတယ်။ သဘောမတွေ့ရင် သည်းခံကြပါရန်။