သရော်စကား ဖလော် နားရောက်သော် ပျက်၏

စံပါယ်တဲ့ လေးရုံ
မလေးခင် မပန်ထိုက်
ပန်း ပြတ်ခိုက်ကြုံ။
အပွင့်ရယ်ကုန်
တစ်ငုံတော့ ကျန်ပါသေး....

ဤကဗျာလေးသည် လေချိုရုံသာမက လေးနက်သော အဓိပ္ပါယ်ကို ဆောင် သည်ကိုလည်း လူတိုင်းသိသည်။
သို့သော် အပြစ်ရှာ ကောင်းသူက ရှာမည်ဆိုလျင် ဤ ကဗျာလေးမှာလည်း တင်စားမှု ဝေဝါးခြင်း ရှိသည်။ သကြားမင်း ဖန် ဆင်း သော နွား အမြီးတိုသည် ဆိုသ ကဲ့သို့ပင်ဖြစ်သည်။

( ဆောင်းပါးတို မပြီးခင် ကောက်ချက်ချ မစောရန် မေတ္တာရပ်ခံထားလိုပါသည်) ကြည့်ပါ။
" စံပါယ်တဲ့ လေးရုံ
မလေးခင် မပန်ထိုက်
ပန်း ပြတ်ခိုက်ကြုံ "
ဤ၌ ရှေးရှေးပွင့်ခဲ့ပြီးသော ဘုရားလေးဆူကို စံပါယ်ပန်း ကုန်သွားသော စံ ပါယ် လေး ရုံနှင့် နှိုင်းယှဉ်ပြသည်။
" အပွင့်ရယ်ကုန်
တစ်ငုံတော့ ကျန်ပါသေး "
ကို ဆက်ဖတ်ရာ နောင် ပွင့်လာလတ္တံ့သော ဘုရားရှင်ကို စံပါယ်ငုံ နှင့် နှိုင်း ယှဉ်ပြပြန်သည်။

အလင်္ကာ သဘောအရ တစ်တစ်ခွခွဆိုလျှင်...
ရှေးရှေးပွင့်ခဲ့ပြီးသော ဘုရားလေးဆူကို စံပါယ်ပန်း ကုန်သွားသော စံပါယ် လေးရုံနှင့် နှိုင်းယှဉ်လျှင် နောင် ပွင့်လာလတ္တံ့သော ဘု ရားရှင်ကိုလည်း စံပယ် ပွင့်လာလတ္တံ့သော စံပါယ်ရုံ နှင့်သာ နှိုင်းယှဉ်ပြသင့်သည်။
( စံပါယ်ရုံကို စံပါယ်ရုံ နှင့်သာ နှိုင်းသည်ဟူလို။)
သို့မဟုတ် နောင် ပွင့်လာလတ္တံ့သော ဘုရားရှင်ကို စံပါယ်ငုံ နှင့် နှိုင်းယှဉ်ပြမည် ဆိုပါကလည်း ရှေးရှေးပွင့်ခဲ့ပြီးသော ဘုရားလေး ဆူ ကို ကြွေကျသွာပြီးသော စံ ပါယ်ပန်း လေးပွင့် နှင့် နှိုင်းယှဉ်ပြသင့်သည်။
( စံပါယ်ပန်းနှင့် စံပါယ်ငုံ ကို နှိုင်းသည်ဟူလို။)
ဤသို့ မယောင်ရာ ဆီလူးနေလျင် ဝေဖန်နေသူ ( စဉ်းစားလွန်းသူ )သာ နစ်နာ ဖွယ်ရှိပေမည်။ ဤကဗျာသည် သူ့ ရသ နှင့်သူ။ သူ့ အဓိပ္ပါယ် နှင့်သူ ရှိနေခဲ့ပြီးသား ဖြစ်သည်။

ဤစကား ဤမျှ ချီးနေသည်မှာ ကြုံတွေ့ခဲ့ရသော မြန်မာရဟန်းတစ်ပါး၏ အတွေ့ အကြုံကို ပြောလို၍ဖြစ်သည်။ အင်္ဂလိပ်စာနှင့် ပတ် သက်၍ အထင်သေး တတ်ကြ သည်။

ဖြစ်ပုံက ပွဲ တစ်ခုသို့ အသွား သိပ်မရင်းနှီးလှသော စလုံးဒကာ တစ်ယောက်က ကားဖြင့် လိုက်ပို့သည်။ ပွဲပြီး၍ ပြန်ရန် ကားပေါ် အ တက်တွင် အပြင်မှာ ရပ်နေေ သာ ဇနီးမောင်နှံ အတွဲကို တွေ့ရသည်။ သူတို့နှင့်က တော်တော် ရင်းနှီသည်။ ဟာသဉာဏ်လည်း ရွှင် ကြသည်။
ထို့ကြောင့် " You, two are outstanding! " ဟု ပြောလိုက်သည်။
" ဘာကြောင့်လဲ ဘန္တေ " ဟုမေးရာ
" You are standing outside while the rest are in. " ဟု ဆိုလိုက်ရာ သူ တို့သာမက နောက်က လိုက်ပို့သူတို့ပါ ချက်ချင်း သေ ဘာပေါက်ပြီး ရယ်ကြ သည်။
ပြဿနာက မိမိကို ကားလိုက်ပို့သူ စလုံးဒကာမှာသာ ဖြစ်နေသည်။ သူ့ အခြေ ခံကောက်ချက်က မြန်မာရဟန်းများ အင်္ဂလိပ်စာ ညံ့သည် ဖြစ်နေသဖြင့် ပျက်လုံး ကို ရယ်ဖို့ အခွင့်အရေး လွတ်သွားသည့် အပြင် အင်္ဂလိပ်စာ အီဒီယံ အသုံးလွဲနေကြောင်း ထောက်ြ ပ ဖို့ စိတ်မသက်သာစွာ အခွင့် စောင့်ဆိုင်းနေ ရရှာ သည်။
နောက်ဆုံး ( အောင့်အီးမထားနိုင်တော့ ဟု ထင်သည် )
" ဘန္တေ သုံးလိုက်တဲ့ အီဒီယံက အဓိပ္ပါယ် မမှန်ဘူး၊ outstanding ဆိုတာ အပြင်မှာ ရပ်နေသူကို ဆိုလိုတာ မဟုတ်ဘူး " ဟုဆိုလိုက်ရာ စိတ် အပျက် ရ ဆုံးက ကိုယ်တိုင်ပင် ဖြစ်လိုက်ရတော့သည်။
အော် ဖြစ်ရလေ ဒကာရယ်၊ မြန်မာရဟန်းလည်း outstanding ဟူသည် အပြင်မှာ ရပ်နေသူမဟုတ်၊ understand ဟူသည် အောက် မှာ ရပ်နေသူမဟုတ်၊ misunderstand ဟူသည် အောက်မှာ ရပ်နေသူ ခြေချော်လဲခြင်း မဟုတ်။ လောက်တော့ သိခွင့်ရှိ ပါသည် ဟု သာ တွေးနေမိတော့သည်။
မည်သို့ ဖြစ်စေ မဆိုင်ရာအတွေးများ သူ့စိတ်ထဲမှာ ပြည့်နေသဖြင့် သူ ရယ်မောခွင့် မရလိုက်ရှာ။ ။

 သီဟနာဒ