လခစားကဗျာပြိုင်ပွဲ

ဂျပန်က လခစားရဲ့ ကဗျာ "The Salary man poet" ပြိုင်ပွဲအကြောင်းပါ။ ဂျပန်စာပေ အမွေအနှစ်တစ်ခုဖြစ်တဲ့ ဟိုက်ကူကဗျာလို ဒီ ဆင်ရယူး "senryu" ခေါ်တဲ့ ကဗျာ ဖွဲ့စပ်ပုံကလည်း ဂျပန်စာပေ အရေးပါပုံရပါတယ်။ ကဗျားဖွဲ့ထုံးကလည်း အများအားဖြင့် ၅ ၇ ၅ ပုံစံလို့ သိရပါတယ်။ ဟိုက်ကူက ပစ္စုပန်ခဏကို စပ်ဆိုပြီး ဆင်ရယူးက လူတွေအကြောင်းစပ်ဆိုတယ်လို့ ဆိုပါ တယ်။
ဒီကဗျာပြိုင်ပွဲကလည်း ဒီ ဆင်ရယူးကဗျာပုံစံနဲ့ပဲ ပြိုင်ခွင့်ရှိပါတယ်။ အောက်ပါ ကဗျာတွေကတော့ ကဗျာသုံးသောင်းကျော်ထဲက လူကြိုက်များနေတဲ့ ကဗျာ တချို့ပေါ့။ အချိန်မပေးနိုင်တာရယ်၊ စကားလုံးအရေအတွက် အတိအကျနဲ့မှ ( ဒီကဗျာရဲ့အသက်က စကားလုံးအရေအတွက်ပါ ) သူ့ကဗျာစံညီမှာ ရယ်ကြောင့် ဘာသာမပြန်လက်ိုနိုင်တာကို နားလည်ပေးကြဖို့ တောင်းပန်ပါ တယ်။

ဒီကဗျာကတော့ စတော့၊ ယန်းငွေနဲ့ သူ့ဇနီးကို သရော်သံပါ။

Stocks,the yen
and my wife's heart
all a mystery.
ဒီကဗျာကလည်း မပြီးနိုင်တဲ့ နေ့စဉ်ရုံးလုပ်ငန်းတွေနဲ့ အချိန်ကုန်နေရပုံကို ပြုံးစိစိညည်းညူနေပုံရပါတယ်။

"I'll do it today"
"I'll do it tomorrow,"
And thus the year
come to an end.

နေ့စဉ်ရုံးလုပ်ငန်းတွေနဲ့ အချိန်ကုန်နေရပြီး အိမ်မှုကိစ္စ၊ မိသားစုအရေးတွေကို မေ့ထားနေရလို့ အိမ်မှာ ဘာတွေဖြစ်နေသလဲဆိုတာ သိရဖို့ ရုံးကနေ ဇနီးရဲ့ ဘလောက်ကို ဝင်ကြည့်နေရတယ်ဆိုတဲ့ ဒီကဗျာကတော့ သနားစရာတောင် ကောင်းနေသေးတော့ရဲ့။

To find out
what's going on
at home
I read
my wife's blog.
ဇနီးရဲ့ လက်ညှိုးလေးတစ်ချောင်း ဘယ်လောက်တာသွားပုံကို သူကလည်း စမတ်ဖုန်းနဲ့ သူ့ကိုသူ နှိုင်းပြသွားတယ်။ ခံပေတော့။

Smartphones and
the man of the house
can be activated
with just a
flick of the finger.

ဒီကဗျာလေးကတော့ ဇရာ နဲ့ ဇရာလိမ်နည်းလေးကို ခပ်သောသော ပြော လိုက်တယ်လို့ ခံစားရပါတယ်။

At the class reunion
before looking at the face
a glance of the hair.
ဒီကဗျာလေးကလည်း ဇရာအကြောင်းပါပဲ။ ( လူကြီးသူမတွေကို ကား၊ ရ ထား စတာတွေမှာ ဒစ်စကောင့် ပေးကြပါတယ် ) အသက်ကိုတောင် မမေးတော့ဘဲ ဒစ်စကောင့် တန်းပေးလိုက်တော့ ဈေးချိုချိုနဲ့ရလိုက်ပေမဲ့ အိုစာပုံပေါက်နေပြီဆိုတာ ထင်ရှားနေတော့ ... ပြုံးစိစိညည်းချင်း တစ်ခုပဲပေါ့။

They don't ask
for my age anymore.
They just gave me
the discount
ဒါကတော့ များလွန်းတဲ့ နိုင်ငံရေးပါတီတွေကို သရော်တာပါ။ ရွေးကောက် ပွဲနေ့ ရောက်လာတာတောင် ပါတီတွေက ရေတွက်လို့ မကုန်သေး ( အ သစ်တွေ ထပ်တိုးလာဆဲ လို့ ခံစားနိုင်မယ် ထင်ပါတယ် ) တဲ့။

Before I could learn
the names of parties
it was Election Day.
ဒါကတော့ လန်ဒန်အိုလံပစ် သရော်သံပါ။ ရွှေတံဆိပ်ဆု မှန်းထားသလောက် မရလို့ စိတ်ပျက်ပျက်နဲ့ သေချာတဲ့ ရွှေတံဆိပ်နဲ့ပဲ စိတ်ဖြေလိုက်ရတယ်လို့ ဆို ရလေမလား

In my house,
it's my child's
sleeping face
that's the
gold medal.

ဇင်ဝေသော်