စင်္ကာပူအစိုးရနှင့် ဆက်စပ်မှုရှိသည့် ကုမ္ပဏီတစ်ခုက ကခုလ ၂၆ ရက်နေ့က ပန္နက်ချ၊ ဂရောင်း ဘရိတ်ကင်းပွဲအတွက် ဖိတ်ကြားလာသည်။ ထိုပွဲအတွက် ခရစ္စယန်၊ အစ္စလမ်နှင့် ဗုဒ္ဓဘာသာ သုံးဘာသာစလုံးမှ ဘာသာရေးခေါင်းေ ဆာင်များကို ဖိတ်ကြားထားကြောင်း၊ မိမိတို့ ဘာသာတရားနှင့်အညီ ကုမ္ပ ဏီနှင့် အလုပ်သမားများ ဘေးရန်မရှိကြရန် ဆုတောင်းမေတ္တာပို့သပေးစေ လိုကြောင်း ဦးစွာ ကြိုတင်လျှောက်ထားသည်။ (ထို ဂျူရောင်း အိုင်းလန့်ဒ်၏ ပထမ ဥပဒေသည် ဘေးရန်မရှိရေး ( ဆေ့ဖ်တီး ) ဖြစ်၏။)
သို့ ဆိုသဖြင့် ထိုကုမ္ပဏီရှယ်ယာပိုရှင်င်များ၊ အလုပ်သမားများတွင်လည်း ဘာသာဝင်အမျိုးမျိးရှိနေကြောင်း ပြောစရာမလိုတော့။
ဤ၌ ပထမ ကောက်ချက်ကို ဆွဲလိုက်သည်။
အတူတကွ ပူးပေါင်းလုပ်ဆောင်နိုင်ရေးအတွက် ဘာသာ၊ ယုံကြည်မှု တူနေ စရာ မလို။
ထိုကျွန်းငယ်လေးက စင်္ကာပူ၏ အနာဂတ်ဟုလည်းဆိုကြသည်၊ ဓာတ်ငွေ့ ၊ ရေနံ စသော ပေါက်ကွဲစေနိုင်သော ဓာတုပစ္စည်းများဖြင့် ပြည့်နှက်နေသည်။ မိမိသွားခဲ့သော နေရာက ရှဲလ် ဂျူရောင်း အိုင်းလန့်ဒ်ဟုခေါ်သည်။ ရှဲလ် ရေနံကုမ္ပဏီနှင့် ဆက်စပ်မှုရှိနိုင်သည်ဟုလည်း တွေးလို့ရသည်။
ထိုကျွန်းပေါ် မဝင်မီ ပထမဆုံး ချက်ပွိုင့်မှာ ပါလာသမျှ အိုင်ဒင်တတီ ကတ်ဒ် များ ချန်ထားခဲ့ရပြီး သူတို့ပေးလိုက်သော ကတ်ဒ်လေးကို ယူပြီး ခရီးဆက်ရ သည်။ နောက် တစ်နေရာ ရောက်သောအခါ ပါလာသော ထို ကတ်ဒ်လေးကို ချန်ထားခဲရပြန်ပြီး ဒုတိယချက်ပွိုင့်က ထပ်မံပေးလိုက်သော ကတ်ဒ်ကိုယူပြီး ခရီးဆက်ခဲ့ရပြန်သည်။
ထိုမှတဆင့် သွားရမည့်နေရာ မသွားမီ အန္တရာယ်ကင်းရှင်းစွာ နေတတ်ရေး အတွက် ၁၀ မိန်ခန့်ကြာ အင်္ဂလိပ်လို ဗွီဒီယိုလမ်းညွှန်ချက်ကို ကြည့်ရပြန် သည်။ မကြည့်မနေရ ( ကွန်ပတ်စရီ ) ဖြစ်သည်။ ကတ်ဒ်သုံးကတ်ဒ်ပြောင်း၊ လက်မှတ်သုံးကြိမ်ထိုးပြီးမှ လိုရာခရီး ရောက်တော့သည်။ ရောက်ပြီ ဆို
သည်နှင့် သူတို့ ဘာကြောင့် ဒီလောက် တင်းကြပ်ပါလိမ့်ဆိုသော အဖြေ ကိုလည်း ရလိုက်သည်။ မီးခြစ်ဆံ တစ်ဆံကြောင့် ဤ ဂျူရောင်းကျွန်းငယ် တစ်ကျွန်းလုံး ငါးမိန်အတွင်း ပျောက်သွားနိုင်သည်။
၁၀ နာရီမှာ အခန်းအနားစမည်ဖြစ်သည်။ မိမိရောက်ပြီး သိပ်မကြာမီ ခရစ္စယန်၊ အစ္စလမ်ဘုန်းတော်ကြီးများလည်း ရောက်လာကြသည်။ ထိုစဉ် ကျွန်ုနှင့် ပထမဆုံး မျက်လုံးချင်းဆုံမိသည်က အစ္စလမ် ဘုန်းတော်ကြီးဖြစ် သည်၊ သီဟနာဒ ဆိုသော ဗုဒ္ဓဘာသာရဟန်းသည် မြန်မာ ရဟန်းတစ် ပါးဖြစ်သည်ဆိုတာကိုလည်း သင်္ကန်းအရောင်ဖြင့်ပင် သိသာနိုင်၏။
မှန် မမှန်တော့ မသေချာပါ။ မိမိ၏ ထိုအစ္စလမ်ဘုန်းတော်ကြီးကို ကြည့်သော အကြည့်တွင် အားနာမှုတချို့ ပါနေမည်ထင်၏။
ထိုစဉ် ခရစ္စယန် ဘုန်းတော်ကြီးက မိမိတို့ကို ပွဲကြည့်ပရိသတ်က ပွဲကိုစောင့် ကြည့်သလို ကြည့်နေသည်ဟုလည်း ခံစားလိုက်ရ၏။ ခံစားမှုဟူသည် အ ချက်အလက်( Fact ) မဟုတ် ခံစားမှု ( Feeling ) သက်သက်သာ ဖြစ် သည်။ အရွယ်ကိုကြည်ရာမှာလည်း သူတို့က ပိုကြီးမည်ဟုထင်သည်၊ ထို့ကြောင့် ထိုင်ရာမှထကာ အရိုအသေပေးဖို့ အသွားတွင် အစ္စလမ် ဘုန်းတော်ကြီးကပင် သူ့လက်ကို ဦးစွာကမ်းပေးသည်၊ ကိုယ်တိုင်ကလည်း မိမိတို့ ယဉ်ကျေးမှု လက်အုပ်ချီခြင်းကို ဖျက်ကာ သူ့လက်ကို တင်းတင်းပြန် ဆုတ် လက်ဆွဲနှူတ်ဆက်လိုက်သည်။ ထိုအတွက်ကြောင့် ကျွန်ုပ်၏ ရဟန်းသိက္ခာ တစ်ပြားသားမှလျော့မသွားဟုထင်သည်၊ သူ့လက်မှ နားလည်မှု၊ နွေးထွေးမှုတို့ပင် ရလိုက်သည်ဟု ခံစားလိုက်ရမိသည်။
ပြီးမှ ခရစ္စယန် ဘုန်းတော်ကြီးကို လက်ဆွဲနှုတ်ဆက်လိုက်မိ၏။ ကျွန်ုပ် တို့ သုံးယောက်စလုံးအတွက် ယုံကြည်မှု မတူသည့်ကြားက တူနေသည့်အချက် တစ်ချက်ရှိသည်။ ထိုအချက်က ကုမ္ပဏီနှင့် အလုပ်သမားများ ဘေးရန် မရှိ ကြရေး မေတ္တာတရားပင်ဖြစ်သည်။
ဤ၌ ဒုတိယကောက်ချက်ကို ဆွဲလိုက်သည်။
သတ္တဝါတွေအပေါ် မေတ္တာထားဖို့ ဘာသာယုံကြည်မှု တူစရာမလို။
ဆွဲမိသော တတိယကောက်ချက်က ဂျူရောင်း အိုင်းလန့်ဒ်ပင်ဖြစ်သည်။ စည်း ကမ်းမဲ့သော လူတစ်ယောက်ကြောင့် ၅ မိနစ်အတွင်း ထိုကျွန်းငယ် ပျောက် သွားနိုင်သည်။ ဆေးလိပ်းလေး တစ်ဖွာ ဖွာမိတာများ ရေးကြီးခွင်ကျယ် လုပ် လို့ကွာ ဆိုသည့် ဖြစ်ကတတ်ဆန်းဆင်ခြေသည် ထိုကျွန်း၏ ကျိန်စာ သာ ဖြစ်တော့သည်။
ထိုမှတဆင့် အငြိမ်မနေတတ်သောစိတ်က ငါတို့ ဒီမိုကရေစီကလည်း ဒီ ဂျူရောင်း အိုင်းလန့် လေးလိုပါပဲလားဟု တွေးမိလေသောအခါ..... ။
......အခါ။
.......အခါ။
.........အခါ။
မေတ္တာဖြင့်
သီဟနာဒ
Post a Comment