အောင်မြင်တဲ့ဘ၀ရဲ့ ဥပဒေသလေးချက်

(Four blueprints of a successful life)

ဒုတိယဂါထာမှာလာတဲ့ မင်္ဂလာ(၃) ပါးကတော့ ပထမဂါထာနဲ့ တွဲပြီးကြည့် မှ နှစ်ခြိုက်လက်ခံစရာ ပိုကောင်းသလို ဒေသနာတော်နဲ့လည်း ညီညွတ် ပါ တယ်။ စတုတ္ထစက္ကသမ္ပတ္တိသုတ်တို့ကို ထောက်ကြည့်ခြင်း အားဖြင့် ဒီမင်္ဂလာ သုံးပါးရဲ့ သာမညအမည်ကလည်း မွေးကင်းစမင်္ဂလာ (Tender-aged) ပဲဖြစ်ပါတယ်။

သင့်တင့်လျောက်ပတ်ရာမှာနေ၊ ရှေးအတိတ်ကံကောင်းရှိ၊ မိမိကိုယ်ကို ထိန်း သိမ်းစောင့်ရှောက် ဆိုတဲ့ အထဲက "ပဋိရူပကို=သင့်တင့်လျောက်ပတ် ရာမှာေ န" ကြည့်ရင် မွေးကင်းစတွေ လူငယ်လေးတွေ အတွက် ပိုအရေးပါတယ် ဆို တာကို တွေ့နိုင်ပါလိမ့်မယ်။ ပဋိရူပကို အကျဉ်းချုပ် ပြောထားတာက ကုသိုလ်၊ ပညာ၊ ဥစ္စာရှာဖွေလို့ ကောင်းတဲ့နေရာ ဆိုတာဖြစ်ပါတယ်။ ဒါဆိုရင် ပညာရှာတော့မယ်၊ ပညာရေး လောကထဲဝင်တော့မယ့် ကလေးငယ်အတွက် ပညာရေးကောင်းမွန်တဲ့နေရာမှာ ရှိနေဖို့ အလွန်အရေးကြီး နေပါတယ်။ ဒီအချက်ဟာ သူ့ရဲ့ ပွဲဦးထွက်အားသာချက်ဖြစ်ပါတယ်။

ဝန်းကျင်နဲ့ ဗီဇ (Nature and Narture)

ပဋိရူပဟာ ကလေးရဲ့ပညာရေးအတွက် ဘယ်လောက်အရေးပါသလဲ ဆိုတာ နဲ့ ပတ်သက်လို့ ကမ္ဘာနဲ့ချီပြီးကြည့်ရင် ပိုသိသာပါတယ်။ စင်္ကာပူနဲ့ ကိုရီးယား မှာရှိတဲ့ ကလေးတွေရဲ့ ဉာဏ်ရည် ဉာဏ်သွေး ဟာ မြန်မာပြည်က ကလေးေ တွရဲ့ ဉာဏ်ရည်ဉာဏ်သွေးထက် အများကြီးပိုသာနေပါသလား။

အနောက်က ကလေးတွေရဲ့ဉာဏ်ရည်ဉာဏ်သွေးက အာရှတိုက်က ကလေးတွေရဲ့ ဉာဏ်ရည် ဉာဏ်သွေးထက် ဘာတွေပိုသာနေပါသလဲ။ အဖြေက မကွာလှဘူး ဆိုတာပဲ ဖြစ်ပါတယ်။ ယေဘုယျကို ခြုံကြည့်ရင် သာ တယ်ဆိုတာ လုံးဝမရှိပါဘူး။ ဒါပေမယ့် သူတို့နေထိုင်ရတဲ့ နေရာ၊ ၀န်းကျင်ကို အမှီပြုပြီး ကလေးရဲ့ဖွံ့ဖြိုးတိုးတက်ပုံတော့ ကွာသွားခဲ့ပါတယ်။ ဒါဟာ “Nature and nurture” သီအိုရီပဲ ဖြစ်ပါတယ်။

တိုက်ဆိုင်လို့ သာဓကလေးတစ်ခု ဆွဲပြချင်ပါတယ်။ မြန်မာပြည်ကပါလာတဲ့ သပြေခက် ကလေးတစ်ခက်ကို စင်္ကာပူမှာစိုက်ကြည့်လိုက်ပါတယ်။ မြန် မာပြည်ကပါလာတဲ့ “ဗီဇ-Nature” မကုန်ခင် အထိ အဲဒီသပြေပင်က သပြေ ရွက်လေးဟာ မြန်မာပြည်ကအတိုင်း ရှိနေပေမယ့် နောက်ထွက်လာတဲ့ သပြေရွက်တွေကတော့ သပြေရွက်မှန်းမသိရတော့လောက်အောင် ကြီးမား လာခဲ့လို့ သပြေပင်ဟာ သပြေ ပင်နဲ့တူတာထက် သရက်ပင်နဲ့ ပိုတူလာခဲ့ပါ တယ်။ ဒါဟာ သူရဲ့ဗီဇကို ၀န်းကျင်ကတဖန်ပုံဖော်ပေး လိုက်ခြင်း သာဓက ပဲ ဖြစ်ပါတယ်။

နောက်ပြီး (၁၆) နှစ် (၁၉) နှစ်အောက် လူငယ် ကမ္ဘာ့ဖလားဘောလုံးပြိုင် ပွဲတွေကိုလည်း ကြည့်နိုင်ပါတယ်။ ဘရာဇီးဟာ အိုလံပစ် ချန်ပီယံ ဘယ်နှကြိမ် ဖြစ်ဖူးပါသလဲ။ တစ်ကြိမ်ပဲ ရဖူးပါသေးတယ်။ ဒီကောက်ချက်က ပြောပြနေတာက လူငယ်ဘ၀မှာ ကလေးတွေရဲ့ အရည် အသွေးဟာ သိသာလှတဲ့ ကွာဟ မှု မရှိလှဘူးဆိုတာပဲဖြစ်ပါတယ်။
ဒါပေမယ့် အဲဒီ နေးချား(ဗီဇ)ကို နားချား(၀န်းကျင်)က ပုံဖော် ပေးလိုက် မှုကြောင့် နောင်နှစ်ပေါင်းအတန်ကြာတဲ့ အခါမှာ သူဟာ အစွမ်းကုန် ဖူးပွင့် လာပါတယ်။ ဒါကြောင့် လူကြီးကမ္ဘာ့ဖလားမှာတော့ ဘရာဇီးကို ဘယ်သူမှ ယှဉ်လို့မရသေးဘူး ဖြစ်သွားပါတော့တယ်။ ကျေးညီ နောင် ပုံပြင်ကမှ (မွေးကင်းစကလေးရဲ့ နေရာနဲ့ ဆက်ဆံရတဲ့ ၀န်းကျင်ကိစ္စကို ကြည့်မယ် ဆိုရင်) ဒဏ္ဍာရီ ဆန်နေပါသေးတယ်။ လက်ရှိကမ္ဘာမှာ ကြည့်စရာ သာဓကေ တွ ပြဲပြဲစင်အောင် ရှိနေပါတယ်။

ကမ္ဘာတစ်ဝှမ်းလုံးက ကလေးတွေရဲ့ဉာဏ်ရည်ဉာဏ်သွေးတွေဟာ မကွာပါ ဘူး။ သူ့ကို ဘယ်မြေ မှာ ပြုစုပျိုးထောင်ပေးမလဲ၊ ဘယ်နေရာမှာ ပညာသင်စေ မလဲ၊ ဘယ်လိုဝန်းကျင်မှာ သူ့ကို နေစေမလဲ ဆိုတာဟာ ဒီကလေးရဲ့ အနာ ဂတ်လားရာပဲ ဖြစ်ပါတယ်။

နံပါတ်နှစ်က “ပုဗ္ဗေစ ကတပုညတာ” ပါ။ ဒါကို ဗုဒ္ဓဘာသာက “ကံ” လို့ပြောပါ တယ်။ “ကံ” ကိုမယုံကြည်တဲ့ ဘာသာဝင်တွေနဲ့ ဘာသာမရှိသူ၊ သိပ္ပံဖက် ယိုင်သူတွေက “ဗီဇ” လို့ ပြောပါတယ်။ ထာဝရ ဖန်ဆင်းရှင်ကို ယုံကြည်တဲ့ သူတွေက “ထာဝရဖန်ဆင်းရှင်ရဲ့ အလိုတော်ကျ” လို့ ပြောကြပါတယ်။ ဘယ် လိုပဲ ခေါ်ခေါ် ဒီအချက်ဟာလည်း အရေးကြီးလှတဲ့ အချက် ဖြစ်ပါတယ်။ ဒီနေရာမှာ ဗုဒ္ဓဒေသနာတော်ရဲ့ ထူးခြားမှုက ၀န်းကျင် (ပဋိရူပ) က ရှေ့မှ လာပြီး ဗီဇ (ပုဗ္ဗေစကတပုညတာ) က နောက်က လိုက်လာခြင်း ဖြစ်ပါတယ်။

"ဗီဇ"ဆိုတာ အတိတ်ရဲ့အကျိုးဆက်ဖြစ်ပြီး "၀န်းကျင်"က ပစ္စုပ္ပန်ရဲ့လုပ်ရပ်ဖြစ် ပါတယ်။ ဒါကို ထောက်ကြည့်ရင် သိပ္ပံက ပြောတဲ့ “Nature and Nurture” ကို ဘုရားစကားတော်က “Nurture and Nature” လို့ ရှေ့နောက်ပြောင်းလိုက် သလို ဖြစ်နေပါတယ်။ ဒီထက်ရဲရဲကြည့်မယ် ဆိုရင် Nature ထက် Nurture က ပိုအရေးကြီးတယ်လို့တောင် ယူဆလိုက်နိုင်စရာ ရှိပါတယ်။ အကောင်းဆုံးကတော့ ၀န်းကျင်နဲ့ ဗီဇဟာ အတူတူပဲ အရေးကြီးတယ် ဆိုတဲ့ အယူအဆလို့ ယုံကြည်ပါတယ်။

ဗီဇရဲ့အရေးပါမှုကို မညှာမတာ အမုန်းခံပြီး ထောက်ခံပြောဆိုသူတွေထဲမှာ လီကွမ်းယုက ရှေ့ဆုံး ထဲမှာ ပါဝင်ပါတယ်။ ဆရာဝန်မိဘနှစ်ယောက် ရှေ့နေမိဘနှစ်ယောက်က မွေးတဲ့ကလေးတွေဟာ လူတော် လေးတွေ ဖြစ်ဖို့များတယ်။ ဆရာဝန်နဲ့ သူနာပြု မိဘနှစ်ပါးက မွေးတဲ့ ကလေးတွေထဲမှာ တချို့ကတော်ပြီး တချို့က ခပ်ညံ့ညံ့လေးတွေ ဖြစ်မယ်။ မွဲခြောက်ခြောက်အရောင် မြင်းနှစ်ကောင်က ဖွေးဆွတ်နေတဲ့ မြင်းလေးမွေးဖို့ ခက်ခဲကြောင်း မကြာမကြာ ပြောဆိုနေတတ်ပါတယ်။
ဗီဇဟာ အရေးကြီးပါတယ်။ ဘာလို့လဲ ဆိုရင် ကိုယ်မတတ်နိုင်တဲ့ ကိစ္စမို့၊ ပြီးခဲ့ တဲ့ ကိစ္စမို့၊ ဗုဒ္ဓ ဘာသာစကားနဲ့ဆိုရင် အတိတ်ကံက ကိုယ့်အတွက် ဝေစု ချ လိုက်ပြီမို့ ဖြစ်ပါတယ်။

ဝန်းကျင်နဲ့ဆက်ဆံရေးကလည်း အရေးကြီးပါတယ်။ ဘာလို့လဲ ဆိုရင် ကိုယ့် ကြမ္မာကို ကိုယ်ဖန်တီး ခွင့် ရနေလို့ပါ။ ဗီဇရဲ့အားနည်းချက်၊ အတိတ်ကံရဲ့ အားနည်းချက်ကို ပစ္စုပ္ပန်အလုပ်နဲ့ အားဖြည့် အနိုင် ယူနိုင်ခွင့် ရှိနေလို့ပါ။

ရန်ကုန်မှာနေစဉ် ရန်ကုန်က ကျောင်းသားလေးတွေကို မကြာမကြာ ပြောမိတဲ့ စကားတစ်ခွန်း ရှိပါတယ်။ “မင်းတို့က “ကံ” သိပ်ကောင်းတော့ မွေးကတည်းက ရန်ကုန်မှာ မွေးတယ်။ ငါတို့က “ကံ” မကောင်းတော့ ကျေးလက်မှာ မွေးတယ်။ ရန်ကုန်ကို ရောက်ဖို့ အချိန်တွေ အများကြီးရင်းနှီးခဲ့ရတယ်။ ဒါပေမယ့် အခု ငါတို့ကိုယ်တိုင် ရန်ကုန်ရောက်နေပြီ။ အတိတ်ကံရဲ့ အားနည်းချက်ကို ဖြည့် ဆည်း ပေးလိုက်နိုင်ပြီ။ အခုချိန်ကစလို့ ငါတို့တာထွက်တဲ့နေရာတူနေပြီ။ ပစ္စုပ္ပန်ကံသာတဲ့သူက ရှေ့ရောက် တော့မယ်။ ယေဘုယျကို ခြုံပြောရရင် ငါတို့ကတောင် သာဖို့ရှိနေတယ်။ အကြောင်းက သက်လုံပဲ။ အဝေးကြီးက လာခဲ့ရတော့ ငါတို့သက်လုံက မင်းတို့ထက် ကောင်းနေနိုင်တယ်။ ငါတို့ကိုစိန်ခေါ်ပြီး ပြိုင်ကြပါ။” ဆိုတဲ့ စကားမျိုးပါ။ တကယ်လည်း ဒီအတိုင်းပဲ ယုံကြည်ပါတယ်။ ဒါဟာ ပုဗ္ဗေစကတပုညတာ ကို သပ္ပုရိသူပနိဿယ (မိတ်ဆွေကောင်းရှိမှု၊ အမှီကောင်းမှု)၊ ပဋိရူပ (နေရာရ၊ နေရာယူမှန်မှု)နဲ့ လှမ်းပြီး စိန်ခေါ်လိုက်မှုမျိုးပါ။ တစ်နည်းပြောရရင် ဗီဇကို ၀န်းကျင်မှီပြီး အမီ လိုက်ခြင်းပါပဲ။ သူတို့ဟာ ခေတ်စကားနဲ့ ၅၀/၅၀ စီပါပဲ။

ဒါပေမယ့် ဗီဇပါကောင်းပြီး ၀န်းကျင်လည်း ပထမတန်းစားမှာ ရှိနေတဲ့ ကလေး မျိုး ကို ဗီဇညံ့ ၀န်းကျင်ကောင်းတဲ့ ကလေးက အမီလိုက်ဖို့ မလွယ်ကူလှပါဘူး။ ဒီအချက်ကိုလည်း လက်ခံထားရပါမယ်။

ဒါကို ဘယ်နေရာတွေမှာ ထင်ထင်ရှားရှားတွေ့ရသလဲ ဆိုရင် လစာ၊ အလုပ် အကိုင်၊ ရာထူး စတာ တွေမှာ တွေ့ရပါတယ်။ လူနှစ်ယောက်ဟာ ကြိုးစားမှု တူ၊ အချိန်ပေးမှုတူ(ပစ္စုပ္ပန်ကံ)လို့ ဘွဲ့အတူတူ ရသွား နိုင်ပါတယ်။ ဒါပေမယ့် သူတို့လစာတွေ၊ သူတို့ရာထူးတွေ၊ သူတို့ လုပ်ရတဲ့ အလုပ်တွေတော့ သွား မတူနိုင် တော့ပါဘူး။ ဒါဟာပစ္စုပ္ပန်ကံကြောင့်လို့ ဆိုမယ်ဆိုရင်တောင် အတိတ် ကံ ရဲ့ အရေးပါမှုကို လုံးဝ မေ့ထားလို့ မရပါဘူး။ ဒီလိုနေရာမှာ အတိတ်ကံက ပိုအရေးပါနေပါတယ်။ ဒါကိုတော့ ဗုဒ္ဓဘာသာက “ကံ” လို့ခေါ်ပြီး ကံကို မယုံ ကြည်သူတွေက “Luck” လို့ခေါ်ကြပါတယ်။
ကံလို့ပဲ ခေါ်ခေါ် “Luck” လို့ပဲခေါ်ခေါ် ဘ၀မှာ ဒါလည်း အရေးကြီးတယ် ဆိုတာကိုတော့ တညီတညွတ်တည်း လက်ခံထားကြရပါတယ်။

ဆက်ရန်
ဇင်ဝေသော်