အမေရိကန်မှာ လူရမ်းကား သေနတ်သမားတွေရဲ့ မဆီမဆိုင် ဝင်ရောက် ပစ်ခတ်မှုတွေ မကြာမကြာ ကြုံနေရတော့ လက်နက်ပိုင်ဆိုင်မှုဥပဒေ တင်းကြပ်သင့်ကြောင်းတွေ ပြောကြတာပေါ့။ အာရှသားတချို့အတွက် အမေရိကန် ဥပဒေတချို့ကလည်း နည်းနည်းအူကြောင်ကြောင်နိုင် ချင် နိုင်မှာ။ အဲဒီတုန်းက အမေရိကန်ရဲအရာရှိ ပြောသွားတာက "သေနတ်ကြောင့် မဟုတ်ဘူး၊ လူရမ်းကားစိတ်ကြောင့်။ သေနတ်မရှိတဲ့ တရုတ်လူရမ်းကားက ကျောင်းထဲဝင်ပြ်ီး ကလေးတွေကို ဓါးနဲ့ ခုတ်တာ၊ လက်နက်ဥပဒေ တင်းကြပ်စရာ မလိုဘူး၊ လူကို ပညာပေးဖို့ပဲ လိုတယ်" တဲ့။ သူပြောတော့လည်း အဟုတ်။
ဟိုတနေ့က မြန်မာရဲအရာရှိ တစ်ယောက်ကလည်း ဗုံးထောင်သူကို လူသားဆန်မှုအတွက် ကျေးဇူးတင်ကြောင်းပြောလုိ့ ပြုံးရသေးတယ်။ ဒီပို့စ်ကို ရှယ်ထားတဲ့ တစ်ယောက်က ဂုဏ်ပြုပွဲလေး ဘာလေး လုပ်ပေးလိုက်ပါအုံး ရေးထားလို့ တဟားဟား ရယ်ဖြစ်သေးတယ်။
ဒီနေ့ သတင်းစာကတော့ စလုံး ရွေးကောက်ပွဲ သတင်း၊ ဥရောပက ဒုက္ခသည်ပြသနာနဲ့ မြန်မာပြည်၊ ရန်ကုန်က မြို့ပတ်ရထား စီမံကိန်းကို ဂျပန်က လုပ်မယ်ဆိုတဲ့ သတင်းလောက်ပါပဲ။
လုပ်ကြပါ။ ဂျပန်တို့၊ အမေရိကန်တို့ များများဝင်ပါစေ။ တရုတ်က ၂၁ ရာစုမှာ ဆယ်ကျော်သက်ပဲ ရှိသေးတာပါ။
Post a Comment