လူဖြစ်ခွင့် နောက်တစ်ကြိမ်


ကိုယ်တိုင်စိုက်ပျိုးခဲ့တဲ့ အပင်လေးတွေ သီးလာတဲ့ အခါ၊ ကိုယ်တိုင်လည်း စားသုံး၊
သူတစ်ပါး(ငှက်ကလေးတွေ အပါအဝင်)စားသုံးတာကိုလည်း ကြည်နူးမိတဲ့အခါ
လူဖြစ်ခွင့် နောက်တစ်ကြိမ် ကောက်ရပါတယ်။

သူများစိုက်ပျိုးထားတာတွေကို မတရား ရိတ်သိမ်းနေလိုသေးသမျှ
ခင်ဗျားတို့ (ကျွန်တော်တို့) လူဖြစ်ခွင့်နဲ့ လွဲချော်နေပါသေးတယ်။
အနည်းဆုံး ဗိုက်ကြီးတွေလည်းရွှဲ၊ လူမုန်းလည်းများတယ် လေ။

အပျင်းပြေ ရီဖလက်ရှင်း


ကြီးကြီးကျယ်ကျယ်တွေ လျှောက်ပြော၊ လျှောက်ရေးနေကြပေမဲ့
တကယ်တော့ ဘဝဆိုတာ တရုတ်ကားတစ်စီးလို
ဒေါ်ကြီးတက်လိုက်လို့ ကား လေးကျိုးသွားနိုင်သလို
စက်ဘီးနဲ့ဝင်တိုက်မိရုံနဲ့လည်း ပိန်ခွက်သွားနိုင်တာမျိုးပါ (ပထမ ပုံကို ရှု)။
နောက်ပြီး ခြေတစ်လှမ်းမှားလိုက်တာနဲ့
အဲသလိုလည်း ဖြစ်သွားနိုင်ပါသေးတယ်(ဒုတိယ ပုံကို ရှု) ။\

တနင်္ဂနွေ အပျင်းပြေ


ရည်းစားစကားပြောတာကိုပဲ ကမ္ဘာမြေရဲ့ ဆွဲငင်အားတွေ၊ အလျား အနံတွေ နဲ့ ရှုပ်နေတာကို အိုင်း စတိုင်းက သဘောတွေ့ဟန်မတူဘူး။
"Gravitation is not responsible for people falling in love." တစ်ယောက်နဲ့တစ်ယောက်ချစ်ကြိုက်တာ ကမ္ဘာမြေရဲ့ ဆွဲငင်အားမှာ တာဝန် မရှိ တဲ့။

အိုင်း စတိုင်းက ပြုံးစရာ ရယ်စရာ သိပ်မပြောတတ်ဘူးထင်ပါတယ်။ ဒါပေမဲ့ ဒီစကား အဆုံးသတ်သွားပုံလေးကတော့ နည်းနည်းပြုံးရပါတယ်။
အဆုံးမရှိတာဆိုလို့ နှစ်ခုပဲရှိတယ်။ စင်္ကြာဝဠာနဲ့ လူရဲ့ ရူးနှမ်းမိုက်မဲမှုပဲ၊ ဒါပေ မဲ့ စင်္ကြာဝဠာရဲ့ အဆုံးမရှိမှုကတော့ သိပ် မသေချာလှဘူး တဲ့။ ဒါဆို??????။
"Only two things are infinite, the universe and human stupidity, and I'm not sure about the former."

ကျန်းမာရေးနဲ့ပတ်သက်လို့ ပြောကြတာတွေ များလှပါပြီ။ ဘယ်သူမှ Mark Twain လောက် မထိရောက်လှဘူးထင်တာပဲ။
"The only way to keep your health is to eat what you don't want, drink what you don't like, and do what you'd rather not."
ကျန်းမာရေးကို ထိန်းထားဖို့ တစ်ခုတည်းသောနည်းလမ်းက မစားချင် တာတွေ ကို စား၊ မသောက်ချင်တာတွေကို သောက်၊ မလုပ်ချင်တာတွေကို လုပ်ရခြင်းလို့ ဆိုတယ်။

ဆုတံဆိပ်ပေး၊ ဘွဲ့ပေးတာတွေကို ဘယ်သူကဖြင့် လက်မခံဘူး စတာတွေ လည်း မကြာခဏကြုံရ ကြားရပါတယ်။
သူတို့အတွက် မာ့ခ်တွိန်းရဲ့မှတ်ချက်က အောင့်သက်သက်များ ဖြစ်စေမ လားတော့ မသိဘူး။ ဖတ်ကြည့်ပါ။
"To refuse awards is another way of accepting them with more noise than is normal." တဲ့။

ပြိုင်တူတွန်းလျှင် (တနင်္ဂနွေ အပျင်းပြေ)


ဇွန်ပန်းရုံအနီး နွံနစ်နေသည်
......................................
.......................................
ပြိုင်တူတွန်းလျှင် ရွေ့နိုင်ပါသည်။

ပြိုင်တူတွန်းလျှင် အမှန် ရွေ့နိုင်ပါသလား။
ဖတ်ဖူးသည့် ဟာသလေးကို ရေးပြချင်ပါသည်။ ပြိုင်တူတွန်းတိုင်း မရွေ့ပါ။
အားကောင်းမောင်းသန် လူရွယ်နှစ်ယောက် အလွန်ကြီးလေးသော သေတ္တာ ကြီးကို ရွှေ့နေကြသည်။
ဇွန်ပန်းရုံအနီးမှာတော့ မဟုတ်ပါ။ အခန်းတံခါးပေါက်မှာဖြစ်ပါသည်။ ချွေး တစ်ပေါက်ပေါက် ကျနေကြသော်လည်း ရေတစ်ပေါက်လောက် တိုက်စမ်းပါ လို့ သူတို့က ပြောကြောင်းတော့ စာထဲမှာ မပါပါ။
ပြိုင်တူတွန်းခြင်းနှင့် ပတ်သက်လို့တော့ သံသယရှိစရာမလိုပါ။
သူတို့က ဝမ်း၊ တူး၊ သရီး ဟု သံတူအော်ပြီး တွန်းနေကြခြင်းဖြစ်သည်။ သို့သော် သေတ္တာကြီးက မရွေ့ပါ။
နောက်ဆုံး အခန်းအထဲမှာရှိသည့်လူက လက်လျှော့ဟန်ဖြင့်
"ငါတို့နှစ်ယောက်တည်းနဲ့ ဒီ သေတ္တာကြီးကို အပြင်ထုတ်လို့ မရနိုင်လောက်တော့ပါဘူး" ဆိုသည်။
ထိုအခါရောက်မှ အခန်းအပြင်မှာရှိသည့်လူက
"ဟောဗျာ ငါက သေတ္တာကြီးကို အတွင်းသွင်းနေတာမှတ်လို့" ဆိုလိုက်သည်။
ပြိုင်တူတွန်းတိုင်း မရွေ့ပါ။

ဒီလောက်တော်သူ သူခိုးဖြစ်နေရတယ်လို့ (တနင်္ဂနွေ အပျင်းပြေ)


စင်္ကာပူက အသိ ဆရာတော်တစ်ပါးမိန့်ကြားတာကို ပြန်ရေးခြင်းဖြစ်သည်။
စလုံး ဒကာတစ်ယောက်က ကျောင်း တစ်ကျောင်း၏ ဆရာတော်များ ပရိတ်ရေဖြန်းပေးရာ နေရာ၌ ပုဆစ်ဒူးထောက်ပြီး ပရိတ်ရေဖြန်းခြင်းကို ခံယူသည်။
ပရိတ်ရေဖြန်းအပြီး ခပ်တည်တည်နှင့် အန်ပေါင်းကို အလှူခံပုံးထဲ ထည့်လိုက် သည်။
ထို ပုဂ္ဂိုလ်က နောက်ကြောင်း မကင်းလှ၊ လစ်ရင်လစ်သလို အလှူခံပုံးထဲမှ အလှူငွေများကို နှိုက်ယူတတ်သည်ဟု ဆို၏။
သူ့အကြောင်းကို သိထားသောဆရာတော် တစ်ပါးက သူထည့်သွားသည့် အန်ပေါင်းကို စစ်ဆေးကြည့်ရာ ဘာ အလှူငွေမှ မပါ။
ဗလာဖြစ်လေသတတ်။

ဤ ကိစ္စက မဆိုးလှသေး။
တစ်နေ့ ထိုနည်းအတိုင်းပင် ပြုမူပြန်၏။ ခဏနေသောအခါ သူ့ အန်ပေါင်းအိပ် ထဲ ၅ ဒေါ်လာအစား ဒေါ်လာ ၅၀ တန် လွဲမှားထည့်လိုက်မိသဖြင့် အန်ပေါင်း အိပ်ချင်း ပြန်လည် လဲလှယ်လိုကြော င်း ပြောလာလေသည်။ သူ ကံဆိုး ချင်တော့ အလှူခံငွေဖလားထဲမှာ ဒေါ်လာ ၅၀ တန် ထည့်ထားသော အန်ပေါင်းအိပ် လုံးဝမရှိ ဖြစ်လေတော့သည်။
သို့ဖြင့် သူ၏လိမ်ညာမှုလည်း ဗူးပေါ်သလို ပေါ်သွားလေတော့သည်။

စဉ်းစားမိသည်မှာ ဤမျှ ဖြတ်ထိုးဉာဏ်ရှိပါလျက် ဘာကြောင့် သူခိုးဖြစ်နေရ သနည်း ဟူ၍ဖြစ်သည်။
ထို့အပြင် ဉာဏ်ကောင်းသူများထံ ခိုးသည့်အကျင့်၊ မရိုးမသား လိမ်ညာ စားသောအကျင့် ရောက်သွားပြီဆိုလျင် သိလျက် ဖမ်းရ အလွန်ခက်၏။

တနင်္ဂနွေ အပျင်းပြေ (ပဟေဠိ)

(ဖတ်ဖူးတာလေးတွေကို ပွားထားတာပါ။အဖြေကို ချက်ချင်း မကြည့်စေလိုပါ)

ဆီးရီးယပ်ဖြစ်ရတာ ပျင်းလို့ အခုတလော သောနေမိတယ်။ ကဲ ဒါလေး လေး ခု ကို ကူပြီး စဉ်းစားပေးကြပါအုံး။

၁။ ကောင်လေးနဲ့ ကောင်မလေးက သမီးရည်းစား၊ မမျှော်လင့်ဘဲ သူတို့ မြေအောက်ရထားပေါ်မှာ ဆုံကြတယ်။ ဒါပေမဲ့ ကောင်မလေးဘေးမှာ သူ့အမေပါနေတယ်။ ဒီတော့ သူတို့ မျက်လုံးချင်းပဲ ကွန်တက်လုပ်လို့ ရ တယ်။ ကံ လို့ ဆိုရမလား၊ ရထားကြီး မြေအောက်လိုင်ဂူထဲဝင်အပြီးမှာ လျပ်စစ်တွေ ခဏ ပြတ်တောက်သွားတယ်။ အဲဒီအချိန်မှာ ကောင်မလေးရဲ့ ပါးလည်း နွေးကနဲ ဖြစ်သွားတယ်။
ကဲ ဒါဆို ကောင်လေးရဲ့ နာမည် (အင်္ဂလိပ်လို) က ဘယ်သူလဲ။

၂။ ငယ်ငယ်ရွယ်ရွယ် ဇနီးမောင်နှံ ပန်းခြံထဲက ခုံပေါ်မှာ ထိုင်နေကြတယ်။ အဆင်ပြေလှပုံတော့ မရဘူး။ တစ်ယောက်ကိုတစ်ယောက် စိတ်ကောက် ရင်း ကြောပေးပြီး ထိုင်နေကြတာ။ ကောင်လေးက စဉ်းစားတယ်၊ အင်း ငါက ပဲ စ ချော့ရမယ်၊ ဘယ်လို ချော့ရပါ့မလဲ။
ခဏကြာတော့ အကြံရသွားတဲ့ ကောင်လေးဟာ.....
ကဲ ဒါဆို ကောင်လေးနဲ့ ကောင်မလေးရဲ့ နာမည် (အင်္ဂလိပ်လို) က (Mr and Mrs) ဘယ်သူတွေလဲ

၃။ ဆိုပါတော့၊ တိရစ္ဆာန်တွေလည်း လူတွေလို ယဉ်ကျေးလာပြီး တိရစ္ဆာန် အမတွေလည်း "Bra" တွေ ဝတ်လာကြပြီ။ တိရစ္ဆာန်အမ တစ်ကောင်ဟာ သူမရဲ့ Bra ကို ပြောင်းပြန်ဝတ်လိုက်မှ အတည့် (အကိုက်၊ ကွက်တိ) ဖြစ် သွားတယ်။
အဲဒီ တိရစ္ဆာန်အမည်က ဘာလဲ။ (အင်္ဂလိပ်၊ မြန်မာ နှစ်သက်သလို)

၎။ တိရစ္ဆာန်အမလေး တစ်ကောင်ဟာ မြက်ခင်းထဲမှာ ပျော်ပျော်ပါးပါး ပတ်ပြေးနေရင်း သူနဲ့ ဆင်ဆင်တူတဲ့ တိရစ္ဆာန်အဖို တစ်ကောင်နဲ့တွေ့တယ်။ ဒါနဲ့ သူမကပဲ စတင်မိတ်ဆက်စကားပြောတယ်။

"ကျမက ( ) ပါ။ ရှင်က ဘယ်သူပါလဲ"
တိရစ္ဆာန်အဖိုက သူမကို အံဩတဲ့မျက်လုံးနဲ့ စိုက်ကြည့်ပြီး
"နေ့ခင်းကြောင်တောင်မှာ ညဝတ် ဝတ်စုံကြီးဝတ်ပြီး ဘာလို့ လျှောက်ပြေးနေ တာလဲ" တဲ့။
ဒါဆို သူတို့အမည်တွေက ဘာတွေလဲ။ (အင်္ဂလိပ်၊ မြန်မာ နှစ်သက်သလို)

ဇင်ဝေသော်

အဖြေတွေက (မြင်းထီးနဲ့ မြင်းကြားမ၊ ကန္တာရကုလားအုပ်၊ Mr and Mrs Turners၊ ကစ်စင်းဂျား) ပါ။

မိုးနှင့် ဖေ့စ်ဘုတ် (တနင်္ဂနွေ အပျင်းပြေ)

ချစ်သားတို့......
လောက၌ "မိုး" လေးမျိုး ရှိလေရာ၏
၁။ ခြိမ်းပြီး မရွာသောမိုး
၂။ မခြိမ်းဘဲ ရွာသောမိုး
၃။ ခြိမ်းလည်းခြိမ်း ရွာလည်းရွာသောမိုး
၎။ ခြိမ်းလည်း မခြိမ်း ရွာလည်းမရွာသောမိုး တို့ဖြစ်ကြ၏။
(အင်္ဂုတ္ထိုရ်၊ စတုက္ကနိပါတ်)

ရောင်းရင်းတို့........
အွန်လိုင်းလောက၌ ဖေ့စ်ဘုတ် လေးမျိုး ရှိလေရာ၏
၁။ ပြောပြီး မရှယ်သော ဖေ့စ်ဘုတ်
၂။ မပြောဘဲ ရှယ်သော ဖေ့စ်ဘုတ်
၃။ ပြောလည်းပြော ရှယ်လည်းရှယ်သော ဖေ့စ်ဘုတ်
၎။ ပြောလည်း မပြော ရှယ်လည်းမရှယ်သော ဖေ့စ်ဘုတ်တို့ဖြစ်ကြ၏။

Food for thoughts

1) If people from Poland are called Poles,why ain't people from Holland called Holes?

2) Why is a person plays piano called pianist but a person who drives a race car not called racist?

3) Do infants enjoy infancy as much as adults enjoy adultery?

4) It it is true that we are here to help others, then what exactly are the others here for?

5) Ever wonder what the speed of lightning would be if it didn't zigzag?

6) You never learn to swear until you learn to drive.

7) Isn't making a smoking section in a restaurant like making a peeing section in a swimming pool?

အကောင့်တင့်တွေ ဖတ်ဖို့ (တနင်္ဂနွေ အပျင်းပြေ )


စာရင်းစစ်သုံးယောက်ဟာ စာရင်းစစ် ခဏနား မြားပစ်လေ့ကျ့င်ကွင်းထဲ သွားပြီး အပမ်းဖြေ မြားပစ်လေ့ကျင့်ကြတယ်။
ပထမလူ ပစ်လိုက်တဲ့မြားက စက်ဝိုင်းရဲ့ ညာဖက် စင်တီမီတာ သုံးဆယ် အကွာမှာ သွားစိုက်နေတယ်။
ဒုတိယလူ ပစ်လိုက်တေ့ာ မြားက စက်ဝိုင်းရဲ့ ဘယ်ဖက် စင်တီမီတာ သုံး ဆယ်အကွာမှာ သွားစိုက်န်ပြန်ရော။

တတိယလူအလှည့်ရောက်တော့ သူက မြားကိုပစ်တောင်မနေတော့ ဘဲ ဘေးချပြီး
"အထက်ကမြားနှစ်စင်းရဲ့ ညီမျှခြင်းအဖြေကို ထွက်ချက်လိုက်တော့ တတိယလူက ပစ်မှတ်ကို တိတိကျကျထိတယ်လို့ အဖြေထွက်တယ်" သူ့စာရင်းစာအုပ်စစ်စာအုပ်ထဲ အဲလို ကောက်ရေးလိုက်တယ်။


 ဇင်ဝေသော်

တနင်္ဂနွေ အပျင်းပြေ


အမေရိက ( Aphorism ) စကားထာ

"ဒီနေ့ သမ္မတဆိုတာ အနာဂတ်ရဲ့ တံဆိပ်ခေါင်းပဲ"
ရုရှားက ( Aphorism ) စကားထာ

" ကျနော့်ဆန္ဒက မကြီးပါဘူ၊ သေးသေးလေးပါ။ ငွေစက္ကူပေါ်က နိုင်ငံခေါင်းဆောင်ပုံကို သေးနိုင်သမျှ သေးသွားစေချင်တာပါပဲ"

မြန်မာပြည်က ( Aphorism ) စကားထာ

"သူတို့ နိုင်ငံခေါင်းဆောင်တွေ ကံကောင်းလိုက်တာ၊ တိရစ္ဆာန်ပုံနဲ့ အစားထိုးမခံရဘူး"


 ဇင်ဝေသော်

နွေဦးအက်ဆေး ( တနင်္ဂနွေ အပျင်းပြေ)


သူများတွေအတွက် နွေဦးသည် လှပသောကာလတစ်ခု ဖြစ်ကောင်း ဖြစ်ပါ လိမ့်မည်။ ကျနော့်အထင်မှာတော့ ရာသီသုံးခုအနက် နွေရာသီသည် စိတ် ပျက်စရာ အကောင်းဆုံးဟု ထင်မိပါသည်။ ထို့ကြောင့် နွေဦးကိုလည်း လုံးဝ သဘောမတွေ့ပါ။

ဥဩတွန်သံသည် လွမ်းစရာကောင်းသည်ဟု တချို့က ဆိုကြသည်။ တွန်ေ နသော ဥဩကိုလည်း အဖော်ကွာ၊ အထည်းကျန်ခြင်းဟု လူတွေက ထင်သ လို အဓိပ္ပါယ်ဖော်နေကြသည်ကိုလည်း တွေ့မြင်နေသည်။ အမှန်မှာ ဥဩက တွန်ချင်လို့ တွန်နေခြင်းသာဖြစ်ပြီး အဖော်ကွာခြင်း၊ အထည်းကျန်ခြင်းနှင့် မဆိုင်လှပါ။ ရှင်းပြပါမည်။ တစ်ခါက " ဥဩ ဥဩ " ဟု ဟိုဖက်သစ်ပင်နှင့် ဒီဖက်သစ်ပင်မှနေပြီး ပြိုင်တူအော်နေသည့် ဥဩဖိုနှင့်ဥဩမကို တွေ့ရဖူး သည်။ သူတို့သည် လွမ်းလို့အော်နေခြင်း လုံးဝမဖြစ်နိုင်ပါ။ အော်ချင် လို့ေ အ်ာနေခြင်းသာဖြစ်ပါသည်။ ဟိုဖက်သစ်ပင်နှင့် ဒီဖက်သစ်ပင် လွမ်းနေစရာ လုံးဝအကြောင်းမရှိပါ။ ထို့ကြောင့် လူအများစု ခံစားနေရသည့် နွေဦးဂီတ ဆိုသည်ကလည်း ကျနော့အတွက် မချိုတော့ပါ။ လွမ်းစရာကောင်းသည်ဟုလည်း လုံးဝ မထင်မိတော့ပါ။ ပါးစပ်ဆော့သော ဥဩတို့၏ ပူညံပူညံ အသံသာ ဖြစ်နေပါတော့သည်။

နွေဦးရောက်ပြီဆိုသည်နှင့် ရွာလယ်လှည်းလမ်းဘေးမှာရှိသော ကျနော်တို့ အိမ်ထဲကို ဖုန်တွေ အလုံးလိုက် အလုံးလိုက်ဝင်လာတတ်သည်။ တားဆီးလို့ လုံးဝမရပါ။ ထမင်းစားပြီဆိုလျင်လည်း ထမင်းပုဂံပြားမှာသဲတရှပ်ရှပ်နဲ့ ဖြ စ်ေ န တတ်သည်။ ထမင်းတစ်ခါစားတိုင်း ဗိုက်ထဲကို သဲဘယ်လောက် ရောက် သွားမှန်းပင်မခန့်မှန်းနိုင်တော့ပါ။ ရေသောက်မလို့ ရေခွက်ကိုင်လိုက် လျင်လည်း ခွက်နှင့်လက် မထိမီ ဖုန်မှုန့်တွေနဲ့ အရင်ထိသလို ခံစားရသည်။ သန်းထွန်းလေး သီချင်းထဲက ဖုန်လုံးကြီးများသည် အပြင်မှာ စိတ်ပျက် စ ရာ တော်တော်ကောင်းပါသည်။

အဆိုဆုံးကတော့ အေးရာ ရှာနေတတ်သည့် ခွေးဝဲစားကြီးက သောက်ရေ အိုးစဉ်အောက် လာဝပ်တတ်ခြင်းဖြစ်သည်။ ခွေးဆိုသည့်အတိုင်း ဘာ အဝတ် အစားမှ ဝတ်မထားပါ။ သောက်ရေအိုးစဉ်အောက် ရောက်ပြီဆိုသည်နှင့် တစ် ကိုယ်လုံးက သူ့ဝဲတွေကို တဗျင်းဗျင်းကုတ်လေတော့သည်။ သူကုတ်လိုက်တိုင်း ဝဲများ၊ ခွေးသန်းများ ထွက်ထွက်လာတတ်သည်။ ထွက် လာသော ခွေးသန်းများကို တစ်ခါတစ်ခါ သူက ကိုက်စားနေတတ်ပြန်သည်။ အလွန် မနှစ်မြို့စရာကောင်းသော နွေဦးရှုခင်းဖြစ်သည်။

နွေဦးရောက်လာပြီဆိုလျင် လင်မယား ရန်ဖြစ်တာလည်း ပိုများလာသည်။ အဓိက အကြောင်းက ထန်းရေ လှိုင်လှိုင်ပေါခြင်းနဲ့ အလုပ်မရှိသဖြင့် ဖဲဝိုင်း များ ပေါလာခြင်းကြောင့်ဟု ထင်ပါသည်။ မူးလာလို့ ရန်ဖြစ်တာ၊ ဖဲရှုံးလို့ ရန်ဖြစ်တာစသဖြင့် ရန်ဖြစ်လို့သာနေကြတော့သည်။

ထိုမျှမက နွေဦးရောက်လာပြီဆိုလျင် မျက်စေ့ကျိန်းသူ၊ မျက်ခန်းစပ်သူများ လည်း အတော်ပေါပါသည်။ တချို့က သန့်သန့်ရှင်းရှင်း မနေကြသဖြင့် မျက်ချေးများပင် အလုံးလိုက် မြင်နေရတတ်သည်။ ရွံစရာ ကောင်းလှသည်။ ထို့ကြောင့် နွေရာသီကို လုံးဝ မနှစ်မြိုပါ။

တချို့က "သစ်ရွက်ရော်ရည်၊ ဣန္ဒနီဝယ်" စသဖြင့် ဖွဲ့ဆိုတတ်ကြသေးသည်။ အမှိုက်လှဲရသည့် ဒုက္ခကို လုံးဝသိဟန်မတူပါ။ ကျနောတို့ ကလေးဘဝ က နွေရာသီရောက်လျင် အကြောက်ဆုံးက တံမျက်စည်းလှဲရသောအလုပ်၊ အမှုက်ကျုံးရသော အလုပ်ဖြစ်ပါသည်။ တံမျက်စည်းလှဲတာ မပြောင် လျင် ကောင်ဘိုက နားရွက်ကို ဆွဲလိမ်သည်။ ကောင်ဘိုသည် လူမဟုတ်ပါ။ ကိုရင်ဖြစ်သည်။ ကိုရင်အောင်ဘိုဖြစ်သည်။ သို့သာ် ကျနော်တို့ ကလေးပါး စပ်မှာ မြန်မြန်ခေါ်တော့ ကိုရင်အောင်ဘိုက ကောင်ဘို ဖြစ်သွားတော့သည့်။

နွေဦးက ကြောက်စရာလည်း အလွန်ကောင်းသည်။ "လက်ပန်ဖူး ခွေးရူး၊ လက်ပန်ပွင့် ခွေးလွင့်" ဟုဆိုးစကား ရှိသည်။ ထိုစကားက တကယ်လည်း မှန်သည်။ နွေဦးရောက်လာပြီဆိုလျင် ခွေးရူးလည်း အတော်ပေါသည် ။ ခွေး ရူး၏ မျက်လုံးများက ကြည့်ရဆိုးသည်၊ ခွေးရူးအကိုက်ခံရလျင် ခွေးရူးပြန်ေ ရာဂါ ရတတ်သည်။ ထိုထက် စိတ်ညစ်စရာကောင်းသည်က ဘယ်သူ့ခွေးေ တာ့ ရူးပြီဆိုတာနှင့် လှံဆွဲ၊ ဓားဆွဲဖြင့် ထိုခွေးကို ဝိုင်းသတ်ကြတော့သည်။ မသေမရှင် သွေးသံရဲရဲဖြင့် လျှောက်ပြေးနေရသော ထိုခွေးကို ကပ်ပေါက်ထဲ က ချောင်းကြည့်ရသည်ကပင် အတော် စိတ်ပျက်စရာ ကောင်းလှပါသည်။

နွေဦးရောက်လာပြီဆိုသည်နှင့် ကန်ရေများ ခမ်းခြောက်ကာ ရေပြဿနာ လည်း တက်လေတော့သည်။ ကျနော် မကြိုက်နှစ်သက်ဆုံးအရာက နွား စားကျဉ်းထဲမှာ ရေဆင်းချိုးရခြင်းဖြစ်သည်။ ချိုးသည့်ရေ အလကားမဖြစ် ဘဲ နွားသောက်ရေ ရအောင် ရီဆိုက်ကယ်လုပ်သောသဘော ဖြစ်သည်။ မည်သို့ဖြစ်စေ နွားစားကျဉ်းထဲရေချိုးရခြင်းက ကသိကအောက် အတော်နိုင်လေသည်။ ငယ်သေးသဖြင့် မီရေး ထင်းရေးကိစ္စ ကြောက် စ ရာကောင်းပုံကိုတော့ ကျကျနနမသိပါ။

နွေနှင့်ပတ်သက်လို့ ပျော်စရာဆိုလျင် အသန့်ကြိုက်သော မသက်ချွေးဘေး မှာ ဖုန်လုံးကြီးများ အလိပ်လိုက် အလိပ်လိုက် ကျန်ရစ်အောင် ခြေထောက် ဒရွတ်ဆွဲ ပြေးခဲ့ရခြင်းတစ်ခုသာ ရှိပါသည်။ သူစိတ်ဆိုးလေလေကျနော် တို့ ပျော်လေလေဖြစ်သည်။
အားလုံးကို ခြုံကြည့်လျင် နွေဦးသည် အလွန်အရုပ်ဆိုးပြီး ကဗျာတဖွဲ့ စာတဖွဲ့ လုပ်နေစရာအကြောင်း လုံးဝမရှိပါ။

(မှတ်ချက်။ ။ ဆရာဇော်ဇော်အောင် ငယ်စဉ်က ရေးခဲ့သည့် နွေဦး စာစီ စာကုံးကို ဖော်မက်ယူပြီး ရေးထားတာ ဖြစ်ပါသည်။)

 ဇင်ဝေသော်

တနင်္ဂနွေ အပျင်းပြေ (10,000 Auto Parts )


ကလေးအဖေလောင်း သုံးယောက်ဟာ သားဖွားခန်းရှေ့မှာ စိတ်လှုပ်ရှားစွာ သတင်းထိုင်စောင့်နေကြတယ်။ ခဏနေတော့ နာ့စ်မလေးက ထွက်လာပြီး ပထမလူကို ဂုဏ်ပြုစကားပြောတယ်
" ဂုဏ်ယူပါတယ်ရှင်၊ ရှင်ဟာ ကလေးအမွှာပူးလေးရဲ့ ဖခင်ဖြစ်သွားပါပြီ " ဒီတော့ အဲဒီ ကလေးအဖေက
" တိုက်ဆိုင်လိုက်တာဗျာ၊ ကျနော် အလုပ်လုပ်နေတာကလည်း Twin Towers Bank မှာပါ၊ ကျေးဇူးပါဗျာ "

ခဏနေတော့ နာ့စ်မလေး ထွက်လာပြန်ပြီး ဒုတိယလူကို ဂုဏ်ပြု စကား ပြောပြန်တယ်
" ရှင့်အတွက် ဂုဏ်ယူပါတယ်ရှင်၊ ရှင်ဟာ ကလေး သုံးယောက်အမွှာရဲ့ ဖခင်ဖြစ်သွားပါပြီ"
" တိုက်ပဲ တိုက်ဆိုင်လွန်းလှတယ်၊ ကျနော် အလုပ်လုပ်နေတဲ့ ကုမ္ပဏီက အေသုံးလုံး ( AAA ) လေ "

သူတို့ပြောသံတွေကြားပြီး တတိယလူက မျက်နှာ မသာမယာနဲ့ အပြင် ထွက် သွားတယ်။ နာ့စ်မလေးက
" ရှင် ဘယ်ထွက်သွားမလို့လဲ၊ စောင့်ဦးလေ " ဆိုတော့ အဲဒီလူက
" ကျနော်အလုပ်လုပ်နေတဲ့ ကုမ္ပဏီက 10,000 Auto Parts တဲ့ဗျာ၊ ဒုက္ခပါပဲ " တဲ့။

(RD, Apr, 2005)

 ဇင်ဝေသော်

တနင်္ဂနွေ အပျင်းပြေ ( ယူအက်စ်အေလား ဦးစလား )


လက်တင်ဘာသာ လွှမ်းမိုးမှုများဆဲ စပိန်၊ အီတလီ၊ ပေါ်တူဂီ စတဲ့ နာမည်ေ တွနဲ့ အင်္ဂလိပ်နာမည်တွေကို အပျင်းပြေလိုက်ကြည့်မိတယ်။

ဥပမာ ခရစ္စတီယာနို ရော်နာဒို ပေါ့။ " အို " တွေနဲ့ အဆုံးသတ်တယ်။ သူသာ အင်္ဂလိပ် သို့ အမေရိကန်ဆိုရင်....
ခရစ္စတီယာနို က ခရစ်ရှန် ဖြစ်ပြီး ရော်နာဒို က ရော်နယ်လ် ဖြစ်မယ် ( ဥပမာ ရော်နယ် ရီဂင် လိုပေါ့ )
အီတလီနာမည်တွေမှာ အများစု တွေ့ရတတ်တာက " ရော်ဘာတို " ပါ၊ ရော်ဘာတို မန်ချိနီ၊ ရော်ဘာတို ဘာဂျီယို စသဖြင့်ပေါ့။ ရော်ဘာတိုကို အင်္ဂလိပ်လို ပြောင်းရင် " ရောဘတ် " ဖြစ်သွားမယ်။ အဲလိုနာမည်တွေ အများ ကြီးရှိတယ်။
အင်္ဂလိပ်က လက်တင်ဘာသာက ဆင်းသက်တာဆိုပေမယ့် လက်တင်နဲ့ အလှမ်းနည်းနည်း ဝေးတယ်။ သရ ဆုံး နာမည်တွေကို သိပ် လက်မခံဘူး။

ပြီးရင် မြန်မာစာပြန်ဆရာတွေဖက် လှည့်အုံးမယ်။ နာမည်တွေ မှတ်ထားရပြီး အသံထွက်က မမှန်တော့ နောက်လူတွေ ဒုက္ခရောက်တယ်။
ကမ္ဘာကျော် လူမှုရေးရာ စာရေးဆရာကြီး ဒေး ( လ် ) ကာနယ်ဂျီ။ ကာနယ်ဂျီ လို့ မေးတိုင်း " ကာနယ်ဂီ " ကို ပြောတာလားလို့ အမေးခံရတယ်။ အမှန်က မဂျီပါဘူး။ ဂီ ပါ။
လက်တင်တွေက ဂီသလား မဂီသလား မသေချာပေမဲ့ အင်္ဂလိပ်မှာတော့ " ဂီ " တယ်။ ဒေး ( လ် ) ကာနယ်ဂီ ပါ။

ဖရန့်စ်ကို ပြင်သစ်လုပ်လိုက်တဲ့ တရားခံက ဘယ်သူလဲဆိုတာ မသိတော့ဘူး ။ တော်တော် ဝေးသွားတာပဲ။
ဒါကြောင့် စဉ်းစားမိတာပါ။
ကျနော်တို့ခေတ်မှာလည်း နာမည်လေး တစ်ခုလောက် မြန်မာမှုပြုရရင်ေ ကာင်းမလားလို့၊ ဥပမာ USA ပေါ့။
အမေရိက လို့ ခေါ်မယ့်အစား ဦးစ လို့ ခေါ်လိုက်ရရင် ပိုပြီးမှတ်ရလွယ်မယ်။ ချရေးရင်တောင် စာလုံးပေါင်း မလွဲနိုင်တော့ဘူး။ ပြင်သစ်ထက်တော့ သာ တယ်။


ဇင်ဝေသော် 

တနင်္ဂနွေ အပျင်းပြေ ( ပီအိတ်ခ်ျဒီ ကိစ္စ )


အခုတလောမှာ ပွထွက်လာတဲ့ ကိစ္စ က ပီအိတ်ခ်ျဒီပါ။ ဒီဂရီအတွက် ရူးသွပ် သူတွေ ရှိသလို ဒီရူးသွပ်မှုကို အကူအညီပေးနေသူတွေလည်း ရှိနေပါတယ်။
အမေရိကကပေးတဲ့ ဒေါက်တာဘွဲ့ရနိုင်သူတွေထဲမှာ
၁ ။ အမေရိကမှာရှိတဲ့ အိမ်မွေးတိရစ္ဆာန်တွေ
၂ ။ တတိယကမ္ဘာ၊ အထူးသဖြင့် အာရှက ခေါင်းဆောင်တွေ ပါဝင်ပါတယ်။

မြောက် ကိုရီးယားခေါင်းဆောင် Kim Il-Sung က ဒေါက်တာပါ၊ California မှာ ရှိတဲ့ Kensington University တက္ကသိုလ်က ပေးတာပါ။ ဒါပေမဲ့ ဒါက တက္ကသိုလ်အစစ်တော့မဟုတ်ပါဘူး၊ တရားမဝင် ပရင်တာ တစ်ခုပဲ ဖြစ်ပါ တယ်။
ကမ္ဘောဒီးယားခေါင်းဆောင် Hun Sen လည်း ခေသူ မဟုတ်၊ ဒေါက်တာပါပဲ။ အထက်ကလို ဒေါက်တာပေါ့။
ဒီ ဒေါက်တာဘွဲ့တွေ ဘယ်လို့ရတာလဲ၊ အစစ်တွေကောဟုတ်ရဲ့လားဆိုတော့
" ဒေါက်တာဆို ဒေါက်တာပေါ့၊ ဘာအတုအစစ်တွေ ရှိနေရမှာလဲ " လို့ ပြန်မေးတတ်ကြပါသတဲ့။

အာရှက ခေါင်းဆောင်တွေပြီးရင် အမေရိကမှာရှိတဲ့ အိမ်မွေး တိရစ္ဆာန်တွေ ဖက်လည်း လှည့်ကြည့်ကြရအောင်ပါ။
အမေရိကမှာ ဒေါက်တာဘွဲ့ရ ခွေး၊ ကြောင်တွေ မနည်းလှပါဘူး။ ဆိတ် တစ်ကောင်တောင် ပါပါသေးတယ်။

Colby Nolan ဆိုတာ ကြောင်တစ်ကောင်ပါ။ ၂၀၀၄ ခုမှာ MBA ဘွဲ့ရပါ တယ်။Trinity Southern University, a Dallas, Texas-based ကပေး တာပါ။ အဝေးသင် ပညာရေးစနစ်နဲ့မို့ ဒေါ်လာ ၂၂၉ ဒေါ်လာပဲ ကုန်ကျခဲ့ပါ တယ်။
Chester Ludlow ကတော့ ခွေးလေးပါ။ သူကလည်း ခေသူ မဟုတ်၊ ဒေါက် တာပါပဲ၊ သူ့ကိုတော့ Rochville University ကပေးတာပါ။
နောက်ဆုံး Dr. Zoe D. Katz, PhD ပါ။ သူကလည်း ပညာတတ် ကြောင် တစ်ကောင်ပါ။
ဒီထက် ပိုပြီး စိတ်ဝင်စားကြရင် Nate Thayer ရဲ့ ဘလော့ဂ်ကို သွားကြည့် နိုင်ပါတယ်။

အမေရိ တိရစ္ဆာန်ပိုင်ရှင်တွေက ကိုယ့်တိရစ္ဆာန်တွေ အတွက် ဒေါက်တာဘွဲ့ လိုချင်ကြသလို အရှခေါင်းဆောင်တွေကလည်း ဟုတ်သော်ရှိ မဟုတ်သော်ရှိ ဒါက်တာဘွဲ့ လိုချင်နေကြလေရဲ့။
အာရှနိုင်ငံရေးကနေ တဆင့် အခြား လူမှုရေး၊ စီပွားရေး နဲ့ (ဘာသာရေးမှာ) ဒီ ဝေဒနာ ကူးစက်လာနိုင်ကြောင်း စဉ်းစားမိရင်း။


 ဇင်ဝေသော်

တနင်္ဂနွေ အပျင်းပြေ


အမျိုးသားတွေက အမျိုးသာသမီးတွေကို နားလည်မပေးနိုင်တာ ဆိုလို့ နှစ် ချိန်ပဲရှိတယ်။ အဲဒါ
( က ) လက်မထပ်ခင်အချိန်နဲ့
( ခ ) လက်ထပ်ပြီး နောက်ပိုင်းအချိန် တဲ့။

Melissa D Brandon ဆိုတဲ့ အသက် ၂၆နှစ်ရှိ အမေရိကန်အမျိုးသမီးငယ် တစ်ယောက်က အလှမယ်တစ်ယောက်ရဲ့ ဓာတ်ပုံကို သူမ ဖေ့စ်ဘုတ်ပေါ် တင်ပြီး ပိုက်ဆံလိုက်ချူနေလို့ Saskatoon ရှိ တရားရုံးက သူမကို ဖေ့စ် ဘုတ်သုံးခွင့်ပိတ်လိုက်တယ်။

အဲသလိုဆို ဘယ်သူတွေကို ထပ် ပိတ်သင့်သေးသလဲဆိုတော့ မစ္စတာ ဂျင်းမ်က
" Anyone who tags a photo on Facebook with the name of someone not in the photo. " တဲ့။

သဘော သိပ်မတူချင်ဘူး။ ဖြစ်သင့်တာက ကျန်းမာရေးအတွက်
( က ) အသက် ၁၆ နှစ်အောက် လူငယ်တွေ
( ခ ) ၁၆ နှစ်အထက် ( ၉၆ နှစ် အထိ လူငယ်တွေ ) ကို ပိတ်သင့်တယ်။

မြန်မာတွေတော့ မပါဘူး။ မီးလာတုန်းလေး သုံးကြရလို့။


ဇင်ဝေသော်

စားကြမယ်ဟေ့ ကောင်းကောင်း ( တနင်္ဂနွေ အပျင်းပြေ )


ငါးမန်းသားအဖ ပင်လယ်ထဲမှာ အစာရှာထွက်ကြတယ်။ သူတို့ဘေးမှာ ဝဝ ဖြိုးဖြိုးငါးလေးတွေလည်း ကြောက်လန့်တကြားနဲ့ ဟိုပြေး ဒီပြေး ဖြစ်နေကြ တာပေါ့။ သား ငါးမန်းက လျှာတပြင်ပြင်နဲ့ စားချင်လှပြီ။
အဖေငါးမန်းက
" မစားနဲ့ဦး ငါ့သား၊ ဒီထက်အရသာရှိတဲ့ ငါးတွေကိုတွေ့မှ စားရအောင်။ အခုတော့ ငါတို့ ငါးမန်းတောင်၊ ငါးမန်းစွယ်တွေကို အသားကုန်ထုတ်ပြပြီး တစ်ပတ်လောက် ကူးကြဦးစို့ " ဆိုပြီး ပင်လယ်ထဲဆက်ကူးနေကြတယ်။

တစ်ပတ်ပြည့်တော့မှ
" စားချင်ရင် စားလို့ရပြီ၊ ငါးအားလုံးဟာ စောစောကထက် အရသာပိုရှိသွားပြီ " လို့ အဖေငါးမန်းက ပြောတယ်။
" ဖေဖေကလည်း ဒီငါးတွေက အတူတူပဲဥစ္စာ၊ သားတို့တွေ့ခဲ့တဲ့ငါးတွေပဲ၊ ဘာဖြစ်လို့ အရသာပိုရှိသွားရတာလဲ "
" မတူဘူး သားရဲ့။ ငါတို့ ငါးမန်းတောင်၊ ငါးမန်းစွယ်တွေကိုမြင်ပြီး သူတို့ ကြောက်ချေး၊့ ကြောက်သေးတွေပါပြီးကြပြီးပြီ။ ဒီတော့ ပိုသန့်ရှင်း၊ ပိုလည်းအရသာရှိသွားတာပေ့ါ " တဲ့။

သား ငါးမန်းအတွက် ငါးကောင်းကောင်းစားရရေး ပညာတစ်ခု ရသွားတာပေါ့။

( R.D, July,2012 )


ဇင်ဝေသော် 

ကြွက်ကိုနိုင်တဲ့နည်း


ကြွက်ကို နိုင်တဲ့နည်းက ကြောင်မဟုတ်သလို မြွေလည်း မဟုတ်ပါ။မြို့တော် ခန်းမရယ်၊ ကုန်စုံဆိုင်ရယ်၊ ချပ်ကျောင်းရယ်မှာ ကြွက်တွေ တော်တော်ေ သာင်းကြမ်းနေတယ်။ ဘာကြောင့်ကြွက်တွေ ဒီနေရာတွမှာ ပေါနေတာ လည်းဆိုတာတော့ မသိရပါ။

မြို့တော်ခန်းမကတော့ ကြွက်နှိမ်းနင်းရေး အနေနဲ့ ကြောင်တွေကို မွေးထား လိုက်တယ်။ အစပိုင်းမှာ ဟုတ်မလိုလိုနဲ့ နောက်ပိုင်းကျ ကြွက်မခုတ်တော့တဲ့ အပြင် သူတို့ မစင်တွေကပါ ဒုက္ခထပ်ပေးနေလို့ ကြောင်တွေကိုမောင်းထုတ် လိုက်ရတယ်။ ကြောင်မရှိတော့ ကြွက်တွေက အရင်ကအတိုင်းပဲ ပြန် လည်သောင်းကြမ်းနေကြပြန်တယ်။

ကုန်စုံဆိုင်ကတော့ လူတွေကိုယ်တိုင် ထောင်ချောက်ဆင်ဖမ်းပြီး နှိမ်းနင်း တယ်။ မရပါဘူး။ ကြွက်ကောင်ရေက ဆတိုးတက်လာသလားတောင်ထင် ရတယ်။ ဒါနဲ့ လက်လျှော့လိုက်တော့ ကြွက်တွေက အရင်ကအတိုင်း ပဲ ပြန်ဖြစ်လာတယ်။

ချပ်ကျောင်းကတော့ ရှိရှိသမျှ ကြွက်တွေကို ခရစ်ယန်တွေဖြစ်အောင် အား ကြိုးမာန်တက် စည်ရုံးလိုက်ကြတယ်။ သူတို့အလုပ်ဖြစ်သွားတယ်။ ခရစ်ယန်ဖြစ်သွားတဲ့ ကြွက်တွေဟာ တစ်နှစ်မှာ နှစ်ကြိမ်ပဲ ချပ်ကျောင်း ထဲ ပြန်လာကြတော့တယ်။
အဲဒါ အီစတာပွဲတော်နေ့နဲ့ ခရစ္စမတ်နေ့ပဲ။ ကျန်တဲ့နေ့တွေမှာဆို ကြည့်ချင် လို့တောင် မမြင်ရတော့ဘူး တဲ့။

Ref: R.D, Dec, 2009


ဇင်ဝေသော်

ကွန်ပလိန်းလောက ( တနင်္ဂနွေ အပျင်းပြေ )


တရုတ်ပြည်၊ ကုန်သည်ကြီးများဘဏ် ( Merchants Bank ) က အိမ်ထောင် ရှင် အမျိုးသမီးတွေအကြိုက် အစီအစဉ်တစ်ခု မိတ်ဆက်လိုက်တော့ အိမ်ထောင်ရှင်၊ မရှင် လူငယ်အမျိုးသား ၂ သိန်းလောက်က ချက်ချင်း ကွန်ပ လိန်းတက်ကြတယ်။
အဲ့ဒီ အစီအစဉ်က အမျိုးသားရဲ့ ဘဏ်အကောင့်ထဲမှာ US$ ဒေါ်လာ ၁၆၀ ကျော်တိုင်း အိမ်ရှင်မ အကောင့်ထဲ အော်တိုမက်တစ်လွှဲပေးတဲ့ စနစ် တဲ့။
ကဲ.... မြန်မာအိမ်ထောင်ရှင် အမျိုးသားတွေ အဲ့ဒီ အစီအစဉ်ကို ဘယ်လို သဘောရသလဲ။

မနေ့ညက မန်ယူက တစ်ဂိုး ဂိုးမရှိနဲ့ ဖူဟမ်ကို နိုင်င်တဲ့ပွဲမှာ ဂိုးစည်းပေါ် ကနေ တိုက်စစ်မှူး ဗန်ပါစီက ကန်ထုတ်ပြီး ကယ်ခဲ့ရသေးတယ်။ အဲ့ဒါ ဖူဟမ် က ဆရာကြီးတစ်ယောက်က ပြုံးစိစိကွန်ပလိန်းတက်တယ်။ အဲဒါ တရား မဝင်ဘူး တဲ့။ တိုက်စစ်မှူးဗန်ပါစီက ခံစစ်အလုပ်ကို ဝင်လုပ်နေလို့၊ သူနဲ့ မဆိုင်တာ ဝင်လုပ်လို့တဲ့။

ကွန်ပလိန်းအကြောင်းပြောရင် မြန်မာတွေကိုလည်း ချန်ထားခဲ့လို့ မရဘူး။ ဝန်ကြီးလေးတစ်ယောက်က မသိရှာလို့ပြောမိတာကို ပြောမဆုံးပေါင် တော သုံးတောင်လုပ်နေကြတယ်။ သူ့ခမျာ ပြောမိတာက တောင်သူလယ်သမားတွေ ထမင်းတစ်နပ် လျှော့စား ကြပါတဲ့။ အဲ့ဒါ တော်သေးတာလို့ ပြောရမှာ။ တစ်နေ့တစ်ထပ်ပဲ ကောင်းကောင်းဘုန်းပေးရရှာတဲ့ ရဟန်းသံဃာတော်တွေ ကို ဆွမ်းတစ်နပ် လျှော့ပြီး ဘုန်းပေးကြပါဘုရားလို့ ဆိုလိုက်မှ ဒီထက် ဒုက္ခ။ ဒီခေတ်ကြီးက ပြောလို့ရတာမှ မဟုတ်တာ။
တနင်္ဂနွေ၊ အပျင်းပြေ ပါ။


 ဇင်ဝေသော်