နှင်းဆီပွင့်ဖတ်ပေါ်သွေးတဲ့ဓား (သုိ့) ခရီးကြမ်း နှစ် (သစ္စာနယ်အဝင် ခရီးကြမ်းများ)

ဒီလိုနဲ့
ည ဆိုတာ
တိတ်ဆိတ်စွာ ဓားသွေးဖုိ့
ပွင့်ပေးတဲ့ နှင်းဆီတစ်ပွင့် ဖြစ်လာခဲ့တော့တာပါဘဲ...အမေ။

ဝမ်းနဲ့လွယ်မှ သား တဲ့လား
နှလုံးသားနဲ့ လေးလေးပင်ပင်ကြီး လွယ်ခဲ့ရရင်ကော
အမေရင်း အမေဖျား
နှလုံးသားကျပ်မပြည့်တဲ့ သားအမိတွေအတွက်
အဘိဓာန်ကြည့်ဖို့ ချန်ထားစို့။

အမေ့ ဂုဏ်သိက္ခာမှာ
ရာထူးမလို
လှပ ပျိုမျစ်မှုမလို
အရင်းမလို
အဖျားမလို
ဘယ်လို ကွင်းစ ကွင်းပိတ်မှ မလို
အမေ ဆိုတဲ့ အမည်ဟာ နန်းမဆန်တာလည်းအမှန်
ဒီထက်ပြည့်ဝတာလည်း
သားရင်ထဲ မရှိဘူး အမေ။

" ကြည့်ကြစမ်း
ဒီလို လင်တစ်ယောက်ရဲ့ မယား
ဒီလို သားတစ်ယောက်ရဲ့ အမေ
ဘယ်သူ မဖြစ်ချင်ပဲ နေမလဲ
ကဲ...ပြောကြပါဦး"
သိဒ္ဓတ္တကို ကြည့်ရင်း
ပီတိအဆာသွတ် သီချင်းတစ်ပုဒ်
အမေ ဆိုခဲ့ဖူးတယ်လေ။

နှစ်ဆယ့်ကိုးနှစ် မွေးခဲ့တဲ့ သား
နှစ်ဆယ့်ကိုးနှစ် သွေးခဲ့တဲ့ ဓား လို့
ပိုးသားဆန်ဆန် အမေ့ ပါးစပ်နဲ့
ကဗျာများ စပ်နေဦးမလား...

ဟုတ်ပါတယ် အမေ
နှင်းဆီပွင့်ဖတ်တွေပေါ် အထပ်ထပ်သွေး
နီစွေးစွာ မျက်ရှလာတဲ့နောက်
ကျောက်မျက် စီခြယ်တဲ့ ဓားအိမ်ဟာ
ကိုယ့် အိမ်ယာ မဟုတ်တော့သလို
ပျင်းရိစွာ ပျော်နေရပါတယ် အမေ။

အဝိဇ္ဂာက သဘာပတိ ထိုင်ခုံပေါ်မှာ
တဏှာက လိုသလောက် ရိက္ခာရှာပေး
( မှောင်ခိုဈေးနဲ့ဖြစ်ဖြစ် )
ဒေါသ၊မာနက လက်နက် ကိုင်တပ်ရင်း
ရက်စက်စွာ သူတုိ့ နင်းချေပြီးတဲ့ နောက်

သစ္စာတရားတွေ မျိုးတုံးခဲ့
မဂ္ဂလမ်းစဉ်တွေ မျိုးတုံးခဲ့
နိရောဓ ငြိမ့်သက်တွေ မျိုးတုံးခဲ့
စရဏ ကိုယ်ကျင့်တွေ မျိုးတုံးခဲ့
ဖွံ့ဖြိုးမှုတွေ မျိုးတုံးခဲ့
တိရစ္ဆာန် အခွင့်အရေးတွေ မျိုးတုံးခဲ့
လူ့တန်ဖိုးတွေ မျိုးတုံးခဲ့
မျိုးတုံးခဲ့.....
မျိုးတုံးခဲ့။

ကုသလာကုသလဆိုတာ မကြားဖူးတဲ့ နာမည်ဆန်း
ပဉ္စ သီလ တို့ ပန်းနာရင်ကြပ်စွဲ
ဒီတော့ အမေရယ်...
သုဂတိ ဘဝတွေ အသေအပျောက်များ
ဒုဂ္ဂတိ ဘဝတွေ ကျန်းမာရင်း ချမ်းသာ
ကျောက်ဂူတွေသာ မိုးထောင်လာမယ်
ဂူထဲက လူတွေကတော့ လျိုးပြီးရင် လျိုး။

မြင့်ရာက နိမ့်ရာကို သိမ်းပိုက်
နိမ့်ရာက မြင့်ရာကို တော်လှန်
တိရစ္ဆာန်တွေ 'က' ရမဲ့ပြဇာတ်ကို
တကယ် ကနေကြတာက လူတွေ။

သား ရင်ဟာ
ဗလာတွေနဲ့ ပြည့်
လေချဉ်တွေနဲ့ ဖောင်းကား
တစ်ယောက် နဲ့ တစ်ယောက် အဆာပြေဖို့
တစ်ယောက့် ကို တစ်ယောက်က
ပန်းလိုချွေကြတယ်။


တောခွေးဖြစ်ဖြစ်
မြို့ခွေးဖြစ်ဖြစ်
ခွေးတစ်ကောင်ကိုထိမ်းချုပ်တဲ့ ခလုတ်က
အညှီသုပ်ထားတဲ့ အရိုးတစ်ချောင်းပဲ။

ယောကျား ဖြစ်ဖြစ် မိန်းမ ဖြစ်ဖြစ်
ဆင်းရဲသား ဖြစ်ဖြစ် ရှင်ဘုရင် ဖြစ်ဖြစ်
ဖိနှိပ်သူ ဖြစ်ဖြစ် ဖိနှိပ်ခံ ဖြစ်ဖြစ်
လူတစ်ယောက်အတွက် ရီမုတ် ကွန်ထရိုး က
အဝိဇ္ဇာ၊တဏှာ လုပ်တဲ့ ဒီဗိုက်စ်
ကဲ...
ဘာထူးသေးလဲ....အမေ။

ည ည ည ည ည
မာရ ရဲ့ အောက်လမ်း ကမ္မဝါတွေ
တစ်ချပ်ပြီးတစ်ချပ်
တစ်စုံတစ်ရာက တီးတိုးကပ်ဆိုနေရဲ့
အိပ်စက်ဖုိ့ အချိန်တန်ပြီ
မေ့လျော့ဖုိ့ အချိန်တန်ပြီ တဲ့။

အလင်းနှစ်တွေ ငတ်ပြတ်တာနဲ့
မေ့လျော့စွာ အ်ိပ်မောကျဖုိ့
လုံလောက်တဲ့အကြောင်း ကော ဟုတ်ရဲ့လား
အိပ်စက်မှုနဲ့ ည
မဆိုစလောက်သာ သဟဇာတ ကျခဲ့
အဆိပ်သင့် ပန်းသီးတစ်လုံးကို
အဆိပ်သင့်မှာ ကြောက်လုိ့ စားနေရသူလိုပါဘဲ...။

ဒီလိုနဲ့
ည ဆိုတာ
တိတ်ဆိတ်စွာ ဓားသွေးဖုိ့
ပွင့်ပေးတဲ့ နှင်းဆီတစ်ပွင့် ဖြစ်လာခဲ့တေ့တာပါဘဲ...အမေ။
(ဆက်ရန်)

08/07/2013

Read more

သစ္စာနှစ်ရောင်နှင်းဆီ (သုိ့ ) ခရီးကြမ်း တစ် (အဆက်)

ကြည့်စမ်းပါဦးကွယ်
ညဥ့်ဦးက အပျိုမတွေ
စုန်းတစ္ဆေတွေလို ခြောက်လှန့်ကြပေါ့၊
မိတ်ကပ်တွေက ရွှံ့နှစ်ရောင်
ဟန်ဆောင်တာတွေ ကွာကျတော့
မာရ ရဲ့ စည်းချက်တွေအတိုင်း
ခပ် ရိုင်းရိုင်း ဘီလူးက 'က' လုိ့။

သဲ ကျောက်စရစ်က ပျို့အန်တော့ စမ်းရေ
လူတွေ ပျို့အန်တော့ သွားရေနဲ့ ချွေးပုပ်
မဟုတ်ဘူး
မဟုတ်တော့ဘူး
ကပိလရော လောကကြီးပါ
လှလှပပကို မှားနေပြီ။

ယသောဓရာ ..
ကြာပွတ်ကိုစားပွဲပေါ်တင်
မှားရင်ရိုက်မယ် ဆိုတဲ့ အချိုးနဲ့
လောက ကအငြိုးကြီးပေမယ့်
တဏှာက သွေးထိုးပေးလိုက်တော့
ကြာပွတ်ပြီးဆေး ထိုးပေးလိုက်သလိုပ။

ကြည့်စမ်း..
တိမ်မျှင် တွေကပြေးလွှား
လွတ်လပ်ခြင်း တရားပြသလိုလိုနဲ့
ပြိုကွဲနေလိုက်ြကတာ ကစဉ့်ကလျားပဲ၊
ကြယ်စဉ်တွေကို ကြည့်ဦး
တစ်မိုးလုံး ပြည့်သိပ်
အနိစ္စမရှိယောင် ဟန်ဆောင်ပြ
ကြေမွသွားတဲ့ ကြယ်တွေ နည်းမှ မနည်းပဲ။
အဲ......
လျော့သွားတယ်လည်း မထင်ရပြန်ဘူး
ဒါဟာ လောကရဲ့ မှော်အတတ်ပေါ့။

ယသောဓရာ ..
ထပ်ပြောပါရစေ
အနိစ္စတရားက ခြေသံလုံတယ်
ဒုက္ခတရားက ရုပ်ပြောင်းရုပ်လွှဲတတ်တယ်
အနတ္တတရားက ကိုယ်ဖျောက် ဝိဇ္ဇာ။
ကောင်းကင်ရဲ့ အရောင်ဆိုတာ
တိမ် အထူအပါးပေါ်မှာ မှီတယ်
တိမ်ရဲ့ အရောင်က
နေကို မှီခိုကပ်စားနေရတာ
နေမင်းရဲ့ သက်ပြင်းချသံ နားထောင်တော့
သူလည်း ချုပ်ပြောက်ရတာပဲ တဲ့လေ။

ယသောဓရာ ..
သွားပါရစေတော့ကွယ်
ပြိုကျနေတဲ့ ဘဝ ရဲတိုက်အိုထဲ
တစ်ယောက်လက် တစ်ယောက်တွဲပြီး
ရဲရဲကြီး သေပွဲဝင်လိုက်ရမှာလား
မင်းကို သနားလိုက်တာ
ငါ့ကို သနားလိုက်တာ
ကဲ ပါကွယ်
ငါမရှိပေမယ့်
သစ္စာနှစ်ရောင် နှင်းဆီတစ်ပွင့်တော့
ငါ့ ကိုယ်စား ထားခဲ့မှာပါ။ ။

04/07/2013 

Read more

သစ္စာနယ်အဝင် ခရီးကြမ်း

ဒီလထွက် ပိတောက်ပွင့်သစ် မဂ္ဂဇင်းမှာပါတဲ့ "သစ္စာနယ်အဝင် ခရီးကြမ်း" ကဗျာရှည်ကို ကဗျာဖတ် ပရိသတ်အတွက် စပြီးတင်ပေးလိုက်ပါတယ်။ ဒီ ကဗျာရှည်က တကယ်တော့ ရွှေမြန်မာ မဂ္ဂဇင်းမှာပါပြီးသားပါ။
ပြီးတော့ ဒီကဗျာရှည်အပါအဝင် ဆရာမောင်စိမ်းနီ၊ ဆရာသစ္စာနီတို့ရဲ့ ကဗျာ ရှည်နှစ်ပုဒ်နဲ့အတူ ကဗျာရှည်သုံးပုဒ် စုပြီး မြန်မာ၊ အင်္ဂလိပ် နှစ်ဘာသာနဲ့ စာ အုပ်ထုတ်နိုင်ဖို့ ဆရာမောင်စိမ်းနီ စီစဉ်လျှက်ရှိကြောင်း သတင်း ပါးအပ်ပါ တယ်။
ဒီ ကဗျာရှည်ကို ဖော်ပြပေးခဲ့ကြတဲ့ ရွှေမြန်မာက အယ်ဒီတာချုပ် ဒေါက်တာ ခင်မောင်လတ်ရယ် ပိတောက်ပွင့်သစ် အယ်ဒီတာချုပ် ဆရာမောင်စိမ်းနီ ရယ်ကို ဒီကနေ ကျေးဇူးစကား ဆိုလိုက်ပါတယ်။
(ဇင်ဝေသော်)

"သစ္စာနယ်အဝင် ခရီးကြမ်း"

ကဏ္ဍကရဲ့ အသက်
ဆန္ဒရဲ့မျက်ရည်
ပဉ္စဝဂ္ဂီ ရဲ့ ပီတိ
မိဘရဲ့ ငိုကြွေးငြီးတွားသံ
ပြန်လာနိုး သားနဲ့ ကြင်ယာ
ဒါတွေကို မဖယ်ခွာရင်
ဘယ်မှာ ငါ သစ္စာသိတော့မလဲ လို့
အနော်မာရဲ့ ရင်ခွင်ဦးမှာ
တို့အရှင် ဥဒါန်းကျူးတာ့
အိပ်နေတဲ့ အနော်မာတောင် ကုန်းထလာတယ်။

ကမ္ဘာမြေရဲ့ ရင်ခုန်သံ ကြည့်ဦး
တစ်သက်လုံး ထမ်းထားရသမျှ
သိဒ္ဓတ္ထနဲ့မှ အမောပြေ တော့မယ်ဆိုပြီး
သူ့ရင်ဘတ်ကြီး တုန်ခါနေပုံများ
ရည်းစားနဲ့ တွေ့ရမဲ့ ဆယ်ကျော်သက်လေးလို
ရင်ခုန် ဖိုလှပ်
ကျေနပ် ဝမ်းသာ
တကယ် တကယ်
ဟန်ဆောင်ထားလည်း မလုံဘူး
အုန်းအုန်းကို ညံလို့။

သမုဒ္ဒရာကို ကြည့်ကြ
ပါးစပ်ပါမှ တေးဆိုလို့ ရသလား
ငါ့ ရင်ဘတ်ကြားက လှိုင်းကြက်ခွပ်ခြင်း ပွတ်တိုက်
စည်းဝါး ကိုက်ကိုက်ကြီး ဆိုပြမယ်
ဟေ့ ဗေလုဝ
မင်းစောင်းတီးတာ ခဏရပ်
မရပ်ချင်ရင်ဆက်တီး
သမုဒ္ဒရာရဲ့ စည်းဝါးနဲ့ ညီရင်ပေါ့လေ။

ပါးစပ်ပါမှ တေးဆိုလို့ ရသလား
ငါ့ ရင်ခေါင်းသံ အောအောကြီးနဲ့
ဂေါတမ ညွန့်ဖူးကို
တေးကျူးရင်း ခရီးကြိုမှာ ဆိုပြီး
ဟိမဝန္တာ ခေါင်းဆောင်တဲ့
ကျောက်တောင်ကြီးတွေကလည်း
ဘင်ခရာတီးပြီး စစ်ချီလာလိုက်ကြတာ။

အဲဒီအခါမှာပေါ့
လေပြေတိုင်း ပုလွေတစ်ချောင်းစီပါတယ်
သစ်ရွက်တိုင်း အကမှော်ဝင်နေတယ်
တိမ်လွှာတိုင်း အလှဆုံး အဝတ်တွေဝတ်ထားတယ်
ပန်းပွင့်တိုင်း ဇရာ ဗျာဓိကင်းတယ်

နေမင်းကြီးက မျက်နှာညိုမဲ
"မနက်ဖြန်လည်း တွေ့ရမှာပဲကွယ်" လို့
ကြင်ယာတော် 'လ' ချော့လို့တာပေါ့
နို့မို့တော့လား
နာရီ မိနစ်တွေ ကမောက်ကမဖြစ်
အလင်း အမှောင်တွေ ကမောက်ကမဖြစ်
အိပ်ချိန် နိုးချိန်တွေ ကမောက်ကမဖြစ်
ဖြစ်ချင်ရာ ဖြစ်ရစ်ကြ
မောဟနဲ့ခြုံထားတဲ့လောက
ငါ လမ်းပြတော့ရော ဘာထူးမှာလဲ
အဝိဇ္ဇာရောဂါနဲ့ မျက်စိ
ငါ့ အလင်းရှိတော့ရော ဘာတွေ့မှာလဲ
သိဒ္ဓတ္ထအနားမှာပဲ ဦးညွှတ်နေတော့မယ်ဆိုပြီး
ရှေ့ခရီးမဆက်
နောက်ကြောင်း ပြန်လှည့်တွက်ဖို့ တကဲကဲ
ကလေးဆိုးကြီးလို ကဲ နေပုံက
သူပြောတာက
သူလည်း သိဒ္ဓတ္ထလောက် မလင်းနိုင်ဘူး တဲ့။

အဲသလိုပါဘဲ
တို့အရှင် ဝိဇ္ဇာဖဲကြိုးဖြတ်ပွဲမှာ
အဝိဇ္ဇာ ကျွဲပခုံးနဲ့လူတွေ မသိလိုက်ပေမဲ့
ဩကာသလောကရဲ့ဧည့်သည်တော်ကြီးတွေကတော့
ခွင့်ယူသူမရှိ
ပျက်ကွက်သူမရှိ
နာဖျားသူမရှိ
ပျင်းရိသူမရှိ
အစုံ အစေ့ကို တက်ရောက်ခဲ့ကြတယ်။

အဲဒါ......
အနော်မာ ရင်ခွင်ဦးက
တုိ့ အရှင် ဥဒါန်းကျူးခဲ့တဲ့ နေရာပဲ။
ဒီတော့...
အနော်မာဆိုတာ
သစ္စာရဲ့ ဖွားဖက်တော်လို့ မှတ်ထား စို့။ ။

15/06/2013

Read more

"သုံးပုဒ်ကဗျာထဲ"က ဆရာသစ္စာနီ အပျင်းပြေရေးလိုက်တယ်ဆိုတဲ့ "လူသိရှင်ကြား ဖုံးကွယ်ခြင်း"

"သုံးပုဒ်ကဗျာထဲ"က ဆရာသစ္စာနီ အပျင်းပြေရေးလိုက်တယ်ဆိုတဲ့ "လူသိရှင်ကြား ဖုံးကွယ်ခြင်း" ကဗျာရှည်ထဲက အပိုဒ်အချို့ပါ။

အနုပညာမှာ ပို့စ်မော်ဒန်နစ်
ဘာသာရေးမှာ ဗုဒ္ဓစ်
နိုင်ငံရေးမှာ လစ်ဘရယ် ဒီမိုကရက်တစ်။
..............................................
..............................................

ကျွန်တော်ငယ်ငယ်က
အိမ်နောက်ဖေးက တောအုပ်မှာ
ရော်ဘင်ဟုဒ် လုပ်ဖူးတယ်။
...................................................

အဲဒါ
ကျွန်တော် ကံဆိုးတာလား
မြန်မာစာပေလောက ကံဆိုးတာလား
အခုအချိန်အထိ
ဝေခွဲလို့မရ။
.............................................
................................................

ကျွန်တော်ဟာ
မျက်မှန်နဲ့အဝတ်အစားပါ
ပေါင်ကိုးဆယ်သာသာလေးတယ်၊
မတ်တတ်ရပ်နေတဲ့အခါ
မိုးကောင်းကင်နဲ့ ငါးပေပိုနီးတယ်၊
...............................................
...................................................

သူ့အတွက်
စာပေဆုမလို
ဒစ်ပလိုမေစီမလို
ပုဂ္ဂိုလ်ရေးကိုးကွယ်မှုမလို
အိမ်မွေးတိရစ္ဆာန်မလို
.......................................
.............................

ဘဏ်ငွေစာရင်းမရှိ
နောက်လိုက်မရှိလည်း
နေလို့ရတာပါပဲ
စီးပွားပျက်တာ ကြုံရပေမဲ့
တမလွန်မှာ ဗြဟ္မာဖြစ်ချင်သူဟာ
ဒုက္ခတွေကို
ကြက်မွှေးနဲ့ သပ်ချလို့။

Read more

ဘုရားရှင်သမာပတ်မှ ထခဲ့ရတဲ့ “ပဉ္စသီင်္ခဆိုတီးတဲ့ သီချင်းတစ်ပုဒ်

၁။ ဝန္ဒေတေ ပိတရံ ဘဒ္ဒေ၊ တိမ္ဗရုံ သူရိယ ဝစ္ဆသေ။
ယေန ဇာတာသိ ကလျာဏီ၊ အာနန္ဒ ဇနနီ မမ။

Lady, your father Timbaru greet,
Oh sunshine fair, I give him honor due,
By whom was sired a maid as fair as you
Who is the cause of my heart’s delight.

အရှင်မလေး မင်းဖခင် တိမ္ဗရု
အို-နေနတ်သမီးလေး သူ့ကိုဦးညွှတ်မိရဲ့
ငါ့ရင်ကို နွေးစေတဲ့ မင်းဆိုတဲ့ အလှတစ်ပါး
သူမွေးဖွားစေခဲ့လို့ပေါ့

၂။ ဝါတောဝ သေဒတံ ကန္တော၊ ပါနိယံဝ ပိပါသတော။
အင်္ဂီရသိ ပိယာမေဟိ၊ ဓမ္မော အရဟတာ မိစ။

Delightful as the breeze to one who sweats,
Or as cooling draught to one who thirsts,
Your radiant beauty is to me as dear
As the Dhamma is to Arahants.

ချွေးပြိုက်သူအတွက် လေအေးတစ်ပေါက်
အာခေါင်ခြောက်သူအတွက် ရေအေးတစ်ခွက်
တောက်ပလွန်းတဲ့ မင်းအလှကို တွယ်မက်လေပေါ့
ရဟန္တာ အရှင်မြတ်တို့ ဓမ္မကို မြတ်နိုးသလို။

၃။ အာတုရေဿဝ ဘေသဇ္ဇံ၊ ဘောဇနံဝ ဇိဃစ္ဆတော။
ပရိနိဗ္ဗာပရ မံ ဘဒ္ဒေ၊ ဇလန္တာမိဝ ဝါရိနာ။

Just as medicine to him who is ill,
Or nourishment to one who is starving still,
Bring me, gracious lady, sweet release,
With water cool from my consuming flames.

နာဖျားသူအတွက် ဆေးတစ်ခွက်
မွတ်သိပ်သူအတွက်တော့ အာဟာရ၊
မင်းရေတစ်မှုတ်နဲ့ ချိုမြိန်စွာ လွတ်မြောက်စေပါတော့
ရင်မှာလောင်နေတဲ့ မီးကနေ။

၎။ သီတောဒကံ ပေါက္ခရဏီ၊ ယုတ္တံ ကိဉ္ဖက္ခ ရေဏုနာ။
နာဂေါ ဂမ္ဘာ ဘိတတ္ထောဝ၊ သြဂါ ဟေတေ ထနူဒရံ။

The elephant, oppressed by summer heat,
Seeks out a lotus-pool upon which float,
Petals and pollen of that flower,
So into your bosom sweet, I’d plunge.

နွေနဲ့ လောင်မြိုက်နေတဲ့ဆင်
ကြာပန်းရင်ပြင် ရေကန်ကိုရှာပြီး
ကြာပွင့်ကြာပန်းတွေနဲ့တူ သောက်ချိုးသလို
လှပတဲ့ မင်းအပြုံးကန်သာလဲ့လဲ့ထဲ ခုန်ပဲ ခုန်ချလိုက်ချင်တော့ရဲ့။

၅။ အစ္စကုင်္ေဿာဝ နာဂေါဝ၊ ဇိတံမေ ထုတ္တရော ပရံ။
ကာရဏံ နပ္ပဇာနာမိ၊ သမ္ပတ္တော လက္ခဏူ ဂုဟာ။

As an elephant, urged by the goad,
Pays no heed to pricks of lance and spear,
So I, unheeding, know not what I do,
Intoxicated by your beauteous form.

ချွန်းရှရှနဲ့ အမောင်းခံရတဲ့ဆင်
လေး မြား လှံ စစ်မြေပြင်ကို အရေးမထားသလို
ငါလည်း ကိုယ့်ကိုယ်ကိုတောင်မေ့လျော့
မင်းအလှကို ရီဝေသည်အထိ သောက်သုံးခဲ့လို့ပေါ့။

၆။ တယိ ဂေဓိတ စိတ္တောသ္မိ၊ စိတ္တံ ဝိပရိဏာမိတံ။
ပဋိဂန္တုံ နသက္ကောမိ၊ ဝင်္က ဃသ္တောဝ အမ္ဗုဇော။

By you my heart is tightly bound in bonds,
All my thoughts are quite transformed, and I
Can no longer find my former course;
I am like a fish that’s caught on baited hook.

ရင်တွေမွန်းကြပ်စွာခုန်တယ်
အတွေးတွေကလည်း ပုံမှန်မစီးမျော
ဟိုတစ်ခါက "ငါ"ပျောက်ဆုံးပြီး
ပါးဟပ်မှာ ချိတ်တန်းလန်းနဲ့ ငါးတစ်ကောင်လို။

ရ။ ၀ါရုမု သဇ မံ ဘဒ္ဒေ၊ သဇ မံ မန္ဓ လောစနေ
ပလိဿဇ မံ ကလျာဏီ၊ ဧတံ မေ အဘိပတ္ထိတံ။

Come, embrace me, maiden fair of thighs,
Seize and hold me with your lovely eyes,
Take me in your arms,
It’s all I ask!

ဖွေးလွှလွှ မင်းပေါင်ပေါ်ပါးအပ်
အမြတ်တနိုးနဲ့ မင်းမျက်လုံးတွေရဲ့အကြည့်
ပြီး- မင်းလက်အစုံနဲ့ ထွေးပိုက်လှည့်
ဘ၀မှာ လိုတာ ဆိုလို့ ဒါအကုန်ပါပဲကွယ်။

၈။ အပ္ပကောဓ ၀တ မေ သေ န္တာ၊ ကာမော ၀ိလ္လိတကေ သိယာ
အနေက ဘာဝေါ သမုပ္ပါဒိ၊ အရဟန္တေ၀ ဒက္ခိဏာ။

My desire was slight at first, Oh maid,
Of waving tresses, but it grew apace,
As grow the gifts that Arahants receive.

အစက- ရင်ထဲဆာလောင်မှုလေး
တဖြည်းဖြည်း စည်ပင်လာလိုက်ပုံများ
ရဟန္တာအရှင်မြတ်တွေကို ပေးလှူရတဲ့ အကျိုးတွေလိုပဲ။

၉။ အယံမေ အတ္တိ ကတံ ပုညံ၊ အရဟန္တေသု တာဒိသု
တံ မေ သမ္ဗင်္ဂ ကလျာဏီ၊ တယာ သဒ္ဓိံ ၀ိပစ္စိတံ။

Whatever merit I have gained by gifts
To those Noble Ones, may mind reward
When it ripens, be your love, most fair.

အရှင်မြတ်တွေကို ပေးလှူခဲ့သမျှ
အကျိုးတရားတွေ ငါပြန်ရရင်
အချစ်ဆုံးလေး…အားလုံး မင်းအတွက်ချည်းပါပဲ။
၁၀။ သကျပုတ္တောဝ ဈာနေသု၊ ဧကောဒိ နိပကော သတော။
အမတံ မုနိ ဇိဂိဿာနော၊ တ မဟံ သူရိယ ၀စ္ဆသေ။

As the Sakyan’s Son in Jhana rapt
Intent and mindful, seeks the deathless goal,
Thus intent I seek your love, my Sun.

(သာကိယအရှင်) ဈာန်ရင်ခွင်မှာ (သိဒ္ဓတ္ထမင်းသား)
မသေရာ မွတ်သိပ်စွာ စူးစိုက်ရှာနေသလို
ကိုယ့်အလင်းရောင်ကလေးရေ
မင်းအချစ်ကို ငတ်မွတ်စွာ ငါရှာနေသကွဲ့။

၁၁။ ယထာပိ မုနိ နန္ဒေယျ၊ ပတွာ သမ္ဗောဓိ မုတ္တမံ။
ဧ၀ံ နန္ဒေယျ ကလျာဏီ၊ မိဿီ ဘာဝံ ဂတော တယာ။

Just as that Sage would be rejoiced, if he
Were to gain Supreme enlightenment,
So I’d rejoice to be made one with you.

ဂေါတမအရှင် ၀မ်းမြောက်
သဗ္ဗညု ခရီးရောက်တဲ့အခါမှာ
ငါလည်းလေ မိုးမမြင် နေမှာ
မင်းနဲ့များ အတူကြင်ရရင်။
၁၂။ သက္ကောစမေ ၀ရံ ဒဇ္ဇာ၊ တာဝတိံသာန မိဿရော။
တာဟံ ဘဒ္ဒေ ၀ရေယျာယေ၊ ဧ၀ံ ကာမော ဒဠှော မမ။

If Sakka, Lord of Three-and-Thirty Gods
Were perchance to grant a boon to me,
It’s you I’d crave, my love for you is so strong.

တာဝတိံသာဘုရင် သက္ကအရှင်ကများ
ဗေလုဝ…မင်းကြိုက်သမျှ ဆုလာဘ်ယူစေဆိုရင်
ငါခုံမင်တာက မင်းတစ်ယောက်ထဲ
တို့အချစ်က အဲသလောက် မြဲမြံတယ်။

၁၃။ သာလံဝ နစိရံ ပုပ္ဖံ၊ ပိတရံ သေ သုမေဓသေ။
ဝန္ဒမာနော နမဿာမိ၊ ယဿာ သေတာ ဓိ သိ ပဇာ။

Your father, maid so wise, I venerate
Like a sala-tree fairly blossoming,
For his offspring’s sake, so sweet and fair.

ပင်လုံးကျွတ်ပွင့်တဲ့ အင်ကြင်းပင်အိုကို
မွှေးလှတဲ့ ပန်းတွေကြောင့် မြတ်နိုးရသလို
ပညာတွေ ပင်လုံးကျွတ်တဲ့
မင်းဖေဖေ တိမ္ဗရုကို
ပဉ္စသီ ဦးညွှတ်လိုက်ပါရဲ့….ကွယ်
နေနတ်မင်းသမီး…အလင်းမလေးရယ်…….။

Read more

သစ္စာနယ်အဝင် ခရီးကြမ်း (သုံး) - ဥယျာဉ်မှားနေတဲ့ သစ်ပင်

"သာကိယ မင်းတစ်ပါးရဲ့ ရှေ့မှာ
လိပ်ပြာတောင်ပံနဲ့လူတွေ ခစားတယ်
သာကိယ မင်းတစ်ပါးရဲ့ နောက်မှာ
ကင်းမလက်သည်းနဲ့လူတွေ
လေးတင်ထားတယ်"

ခွင့်လွှတ်ပါ ခမည်းတော်
ကဏ္ဍကလည်း ဖွားဖက်တော်
ဆန္ဒလည်း ဖွားဖက်တော်
နန္ဒလည်း ဖွားဖက်တော်
ယသော်ဓရာလည်း ဖွားဖက်တော်
အလိုလိုပေါ်လာတဲ့ ရတနာတွေကပါသေး
ကဲ..ဒါဆိုရင်
ဘဝါဘဝက ဖွားဖက်တော် ဘယ်သူလဲ???

အဝိဇ္ဇာလား သင်္ခါရလား?
ဝိုးတဝါး
ဝိဉာဉ်လား နာမ်ရုပ်လား?
မကွဲပြား
သဠာယတနလား ဖဿဝေဒနာလား?
မထင်ရှား။

အကြောင်းတရား တို့မီး ရှိူု့မီးတွေနဲ့
ပြီးတော့မလိုနဲ့ တစ်ကပြန်စတာ ခံရ
ပဋိစ္စသမုပ္ပါဒ်ပြဇာတ်လို
အဝိဇ္ဇာက ကံ မကုန်တကုန်
သင်္ခါရက ဝတ်ရုံဝတ် (ခပ်တည်တည်နဲ့) နန်းတက်
လက်နေတဲ့ဝတ်ရုံ ခေါက်ရိုးမပြေခင်
ဝိဉာဉ် နာမ်ရုပ်က ပူးပေါင်းလုပ်ကြံ
ဘိသိက်ဝင်ခံတဲ့ဝိဉာဉ် နာမ်ရုပ်
သူတို့လည်း ခပ်လှုပ်လှုပ်ပါ။

ဝေဒနာနဲ့ ဖဿက
အာယတန အတွင်းလူခြောက်ယောက်နဲ့
မလွယ်ပေါက်က ထိုင်စောင့်နေကြရဲ့
ဝေဒနာမှ မရေမရာရှိတုန်း
တဏှာက ကြိုးတစ်ချောင်းနဲ့ လည်တဆန့်ဆန့်
ကဲ.....
တစ်ကန့်ဆင်း တစ်ကန့်တက်
ရက်ရက်စက်စက် ဒီဇာတ်ထဲမှာ
မြေဇာပင်ဘဝအမိုက်
ထန်းသီးကြွေခိုက် ကျီးနင်းခိုက်တဲ့လား??
မဖြစ်နိုင်လောက်ဘူး
ဖြစ်လို့လည်းမရဘူး။

ခွင့်လွှတ်ပါ ခမည်းတော်
ခမည်းတော်စောင့်ခဲ့ရတာက ဆယ့်ခြောက်နှစ်
အမောဖောက်နေတဲ့စင်္ကြဝဠာက လေးသင်္ချေကျော်။
ခွင့်လွှတ်ပါ ခမည်းတော်
သာကိယမင်းတစ်ပါးဟာ
တစ်ခါ တစ်ခါ
မဟာမြေရဲ့ သည်းခံမှုမျိုး
တစ်ခါ တစ်ခါ
အသားစားသတ္တဝါလိုရက်စက်
သူများနှလုံးသား မြားနဲ့ချိန်ခိုက်
အကုသိုလ်က ကိုယ့်ရင်မှာစိုက်နှင့်ပြီ။
အချိုးညီ ဓမ္မစရိုက်ကို
မသိယောင်ဆောင်
မိုက်တန် မိုက်ရတယ်။

သာကိယမင်းတစ်ပါးရဲ့ လက်ထဲမှာ
ကွေးကောက်လာမဲ့ လှံသွားတွေ
အားပေးအားမြှောက်လုပ်တယ်
သာကိယမင်းတစ်ပါးရဲ့ ရင်ဘတ်မှာ
လူဖတ်မခံဝန့်တဲ့
ဂူအောင်းသမိုင်းတွေရှိတယ်

သာကိယမင်းတစ်ပါးရဲ့ လက်မောင်းမှာ
ငါ ဆိုတဲ့ အတ္တအလံ
တထောင်းထောင်းလွင့်တယ်

သာကိယမင်းတစ်ပါးရဲ့ ရှေ့မှာ
လိပ်ပြာတောင်ပံနဲ့လူတွေ ခစားတယ်
သာကိယမင်းတစ်ပါးရဲ့ နောက်မှာ
ကင်းမလက်သည်းနဲ့လူတွေ
လေးတင်ထားတယ်။

သွားပါရစေတော့ ခမည်းတော်
ပုံရိပ်တစ္ဆေသုံးကောင်
နေ့ကြောင်တောင်ဝင်ခြောက်တဲ့နောက်
တစ်ယောက်တည်းက တစ်ဖက်
လောကကြီးက တစ်ဖက်
အမျက်သိုချင်
တစ်သက်စာသာ သိုလိုက်ပါတော့
ကာမနယ်ထဲက အဖေ့သားဟာ
တကယ်ကို
ဥယျာဉ်မှားနေတဲ့ သစ်ပင်ပါ။ ။

Read more

နှင်းဆီပွင့်ဖတ်ပေါ်သွေးတဲ့ဓား (သုိ့) ခရီးကြမ်း နှစ်

"တချို့လမ်းတွေက ကြမ်းရှတယ်
မေးရိုးမာမာတွေနဲ့ စီခင်းလို့။
တချို့လမ်းတွေက ချောမွတ်တယ်
အဒိန္နာဒါန နဲ့မြေညှိလုိ့။
တချို့လမ်းတွေက ကွေ့ကောက်ဝေးကွာတယ်
အံသွားတွေနဲ့ လမ်းဖောက်လုိ့။
တချို့လမ်းတွေက ဖြောင့်ဖြူးနီးကပ်တယ်
မုသာဝါဒနဲ့ လမ်းပြင်လုိ့"

စင်္ကြာမင်းလောင်းရဲ့ စာမျက်နှာ
သားအနေနဲ့ဖတ်တာ
သားအနေနဲ့ တတ်မြောက်တာ
အမေ တစ်ယောက်ထဲ ပါဘဲ
(တကယ်ဆို ခမည်းတော်တောင် မပါဘူး )
အမေ့ အတွက် သိဒ္ဓတ္ထ ဆိုတာ
စင်္ကြာမင်းလောင်း မဟုတ်
ဗုဒ္ဓအလောင်း မဟုတ်
နုံချာသူ မဟုတ်
မြင့်မြတ်သူမဟုတ်
ဘာဆို ဘာမှ မဟုတ်
သားဟာ သားပဲဖြစ်တယ်
အဲဒါ..အမေပါဘဲ။

သာကိယ မာန်တွေနဲ့
သံလိုက်ဓာတ် လွတ်နေတာ
သိဒ္ဓတ္ထရဲ့ အမေရင်း တစ်ယောက် ဝေစု
အမရင်း တစ်ယောက်ကို ခွဲပေးခဲ့ရတာ
( ဘဝါဘဝက ပါရမီ လုိ့ ဆိုကြသပေါ့ )
အဲဒါ..အမေပါဘဲ။

တချို့လမ်းတွေက ကြမ်းရှတယ်
မေးရိုးမာမာတွေနဲ့ စီခင်းလို့။

တချို့လမ်းတွေက ချောမွတ်တယ်
အဒိန္နာဒါန နဲ့မြေညှိလုိ့။

တချို့လမ်းတွေက ကွေ့ကောက်ဝေးကွာတယ်
အံသွားတွေနဲ့ လမ်းဖောက်လုိ့။

တချို့လမ်းတွေက ဖြောင့်ဖြူးနီးကပ်တယ်
မုသာဝါဒနဲ့ လမ်းပြင်လုိ့။

ဒီလမ်းတွေရဲ့ ပွေလီမှုမှာ
မဇ္ဈိမပဋိပဒါ ခြုံအုပ်နေတယ်၊
ဒီလမ်းကိုထွင်ဖုိ့
နီစွေး မြိရှတဲ့ ဓားတစ်ချောင်းတော့ လိုမှာပေါ့။

လူတချို့ကဆိုမယ်
ထွက်ပြေးခြင်းဟာ ရင်ဆိုင်တာ မဟုတ်ဘူးလုိ့
တစ်ခါတစ်ခါမှာတော့
ထွက်ပြေးခြင်းနဲ့ ရင်ဆိုင်တာဟာ
အပြောင်မြောက်ဆုံး အနုပညာပါဘဲ။ ။

ထပ်ပြောပါစေအမေ...
သိဒ္ဓတ္ထဆိုတဲ့ အမေ့သား ( ဓား ) ဟာ
ဓားသွေးကျောက်ပေါ် လမ်းလျှောက်ခဲ့တာမဟုတ်
( ဒီတော့ )
ကျောက်စီဓားအိမ်ထဲမှာ အိပ်မောကျ
အလှပြ ဓားတစ်ချောင်းလည်းမဟုတ်ဘူး။

သိဒ္ဓတ္ထဆိုတဲ့ အမေ့သား ဟာ
နှင်းဆီပွင့်ဖတ်ပေါ်သွေးခဲ့တဲ့ ဓားပါ
ဒါကြောင့်လည်း
သိမ်မွေ့မှုနဲ့ခက်မာ
ညင်သာသာနဲ့ကြုံးဝါး
ပန်းလက်ဖဝါးနဲ့ လေးကြမ်းတင်
နန်းရင်ပြင်ကနေ မွဲတေရ
ဝိရောဓိ ရသတွေ
တကယ်ကို အချိုးကျတဲ့ ဓားတစ်ချောင်းပါ
ခွင့်လွှတ်ပါ အမေ။ ။

အမေ့နာမည်က ဂေါတမီ
ဂေါတမီဆိုတာက ဂေါတမရဲ့အမေ...
အမေ့နာမည်ကိုထပ်တူပြုဖို့
(စက္ကဝတ္တီဆိုတဲ့ ဂုဏ်ဟာ)
မခို့တရို့နဲ့ မျက်လွှာချရှက်နေလိမ့်မယ်၊
အမေ့နာမည်ကို ဂုဏ်ပြုဖို့
ဂေါတမဖြစ်ဖို့ကလွဲလုိ့ လမ်းမရှိဘူး။

ဒီတော့မှ
ဂေါတမဆိုတာက အမေ့သား
အဲဒီသားအမေက ဂေါတမီ
မိထွေးတော်နဲ့ မွေးစားသား
သားတို့ သားအမိကြားမှာ
ခပ်ပါးပါးတောင် နေရာမရှိဘူး။

သွားပါရစေ အမေ
သားအဖျားမို့ အသည်းခွဲတာ
အမေဖျားမို့ အသည်းခွဲခံရတာ
ဒီရောဂါသာ မရှိရင်
အမေ ကျန်းမာပါပြီ။

ဂီတကို မြတ်နိုးတဲ့အမေ
ငြိမ်သက်စွာ နက်နဲတဲ့ အမေ
သကျမာန သံလိုက်ဓာတ်တွေ လွတ်နေတဲ့ အမေ
စင်္ကြာမင်းလောင်း သိဒ္ဓတ္ထဆိုတာထက်
သားဟာ သားပဲ ဆိုတဲ့အမေ
တေးကဗျာတွေ တစ်ပုဒ်ပြီးတစ်ပုဒ်သီရင်း
အလင်းနှစ်ဆီကို
မျက်နှာသစ်ရင်းသာ
ဦးလှည့်ကြိုပါတော့။

Read more

ဥယျာဉ်မှားတဲ့သစ်ပင်(သို့) ခရီးကြမ်း သုံး

ဒီနေ့က အဖေများနေ့မို့ ကျနော့်ကဗျာကို ခုန်ပြီး အဖေများဆီ ဂါရဝလှမ်း ဆက် လိုက်မိတယ်။

ရမ္မ သုဘ သုရမ္မ
ကါလဖဲချပ်တွေ ကုလားဖန်ထိုး
အမျိုးမျိုးပြောင်း ခံစားလို့တော့ ရပါရဲ့
ဒါပေမယ့်
မပြောင်းရွှေ့ဘဲ နေမြဲ နေမရတာကိုက
အနိစ္စကို ကွယ်သယောင်နဲ့
အနိစ္စကို ပုံဆောင် နေပြန်ရော။

တဏှာက သွားရည် တမြားမြား
ဖွင့်ထွားထွား အာရုံက အားကောင်းမောင်းသန်
ချမ်းသာတာတော့မှန် ရဲ့
အကောင်ထွားထွား ကာမဂုဏ် မရှိဘဲ
မပျော်ဘဲမနေနိုင်တာကိုက
ဒုက္ခကို ကွယ်သယောင်နဲ့
ဒုက္ခကို ပုံဆောင် ပြပြန်ရော။

အရွယ်ဟိုင်း သစ်ရွက် မရှိ
ဇရာဖိ ပန်းလည်းမမြင်
ခမည်းတော်ရဲ့ ဥယျာဉ် အတုဟာ
စိမ်းလန်းတာတော့မှန် ရဲ့
ဒါပေမယ့်
အရွယ်လွန် အမျိုးသမီး တစ်ယောက်
အပြင်လွန်ချယ်သထားသလို
အနတ္တကို ကွယ်သယောင်နဲ့
အနတ္တကို ပုံဆောင်ပြနေပြန်ရော။

ဘာတဲ့
ငါ့သား ဆုံးပြီတဲ့လား
ဒီမှာ မှတ်ထားကြ
သူများခုတ်တဲ့ဓါးချက်နဲ့
ဘယ်တော့မှ ငါ့သား အသက်မထွက်ဘူး။

ခုတ်သူတွေ အား ချိနဲ့
ခုတ်တဲ့ဓါး ကျိုးပဲ့
ဓမ္မပါလ ဘဝက
ခမည်းတော်ပြောခဲ့တဲ့ စကားလေ။

မှန်ပါရဲ့ ခမည်းတော်
သူများဓါးကို အကြိမ်ကြိမ်အောင်နိုင်ရင်း
ကိုယ့်ဓါးကို အလီလီဦးကြို့ခဲ့ရ

သူ့အား ကိုယ့်အား ချိနဲ့
သူ့ဓါးကိုယ့်ဓါး ကျိုးပဲ့
ဘယ်သူ့ အား ဓါးနဲ့ မခုတ်ရတဲ့ စစ်တလင်း
သား ဆင်းပါရစေတော့။

ခွင့်လွှတ်ပါ ခမည်းတော်
အုပ်ချုပ်ရေးဆိုတာ
နန္ဒလည်း စွမ်းနိုင်
ခမည်းတော်လည်း စွမ်းနိုင်
သာကိယတိုင်းလည်း စွမ်နိုင်
စကြဝဠာရဲ့ မီးတိုင်ကို ညှိဖုိ့
အဖေ့သားကလွဲလို့
စွမ်းကြမယ် မဟုတ်ဘူး။

သာကိယ မျိုးဆက်အောက်မှာ
မစွမ်းနိုင်တာ မရှိစေရဘူး
သုဒ္ဓေါဓနရဲ့ သိက္ခာ
သိဒ္ဓတ္တရဲ့ သိက္ခာ
သာကိယမင်းတို့ သိက္ခာ
စကြဝဠာမီးတိုင် ညှိရင်း
ကမ္ဘာတည်မယ့် ကဗ္ဗည်း ထွင်းမလို့ပါ။

အာဟာရ မပြည့်တဲ့ အမှန်တရား
ခမည်းတော် မှီဝဲထားလို့ပါ
ဓားပိုင်သူက ဓားဘုရင်
လေးကျွမ်းကျင်တော့ လေးဆရာ
စကြာရှင်ကိုတော့စက္ကဝတ္ဘီ
သင်္ခါရ ကိုလိုနီက လွတ်ကြပလား
ဒီ ဓါး လေး စကြာ ကျိုးတော့
ဒီလူဟာ ဓါးကျိုး ပိုင်ရှင်ပေါ့
ဓမ္မကို ပိုင်တော့ ဓမ္မဘုရင်
ဓမ္မသာ ကျိုး ပဲ့ခြင်း ကင်းစင်တယ်။

သူ့ပညာကို သူယုံတဲ့
သူ့သိဒ္ဓတ္တကို သူယုံတဲ့
ကေါဏ္ဍည လက်ညှိုး တစ်ချောင်းကြောင့်
ကပိလဝတ္ထု ကသောင်းကနင်း ဖြစ်ရသတဲ့
မာရ ရဲ့ လက်ညှိုးဆယ်ချောင်းကြောင့်
လွတ်လပ်မှူတွေ ရောင်းစားတာ ခံ ရ
ဒုက္ခတွေ မနိုင် မနင်း ထမ်းပိုး
ရိုကြိုး တဲ့ အိမ်ခွေးတွေလို
ဒါကိုကျ ကပိလဝတ္ထု မသိလိုက်ဘူး။

ခွင့်လွှတ်ပါ ခမည်းတော်
သုဒ္ဓေါဓနရဲ့ သိက္ခာ
ကပိလဝတ္ထု ရဲ့သိက္ခာ
သာကိယ သိက္ခာ
သိဒ္ဓတ္တရဲ့ သိက္ခာ
ဘာမှ မဟုတ်တာတွေအတွက်
ပန်းလက်ဝါး နဲ့ လေးကြမ်တင်
သားမွှေးမျှင်ကို ထိအောင်ခွင်း
ခွင်းပြီးသားကိုထပ်စိပ်ဖြာ
ဒါတွေ ကိုစွမ်းနိုင်လို့ ..တဲ့
တစ်ရာ့တစ်ပါး မင်းတို့က ဦးခိုက်
ယသော်ဓရာကို သိမ်းပိုက်
ဆယ်ကျော်သက် ဘုရင်မိုက်လေး ဖြစ်ခဲ့ရတယ်။

...................................
...................................
....................................
သွားပါရစေတော့ ခမည်းတော်
ပုံရိပ်တစ္ဆေသုံးကောင်
နေ့ကြောင်တောင်ဝင်ခြောက်တဲ့နောက်
တစ်ယောက်တည်းက တစ်ဖက်
လောကကြီးက တစ်ဖက်
အမျက်သိုချင်
တစ်သက်စာသာ သိုလိုက်ပါတော့
ကာမနယ်ထဲက အဖေ့သားဟာ
တကယ်ကို
ဥယျာဉ်မှားနေတဲ့ သစ်ပင်ပါ။ ။

(ဆက်ရန်)

Read more

ဘုရားရှင်သမာပတ်မှ ထခဲ့ရတဲ့ “ပဉ္စသီင်္ခဆိုတီးတဲ့ သီချင်းတစ်ပုဒ်” (အပိုင်း - ၂)

(ရင်ခုန်သံ တစ်ရေးနိုး)

ရ။     ၀ါရုမု သဇ မံ ဘဒ္ဒေ၊ သဇ မံ မန္ဓ လောစနေ
        ပလိဿဇ မံ ကလျာဏီ၊ ဧတံ မေ အဘိပတ္ထိတံ။

         Come, embrace me, maiden fair of thighs,
         Seize and hold me with your lovely eyes,
         Take me in your arms,
         It’s all I ask!

         ဖွေးလွှလွှ မင်းပေါင်ပေါ်ပါးအပ်
         အမြတ်တနိုးနဲ့ မင်းမျက်လုံးတွေရဲ့အကြည့်
         ပြီး- မင်းလက်အစုံနဲ့ ထွေးပိုက်လှည့်
         ဘ၀မှာ လိုတာ ဆိုလို့ ဒါအကုန်ပါပဲကွယ်။

၈။     အပ္ပကောဓ ၀တ မေ သေ န္တာ၊ ကာမော ၀ိလ္လိတကေ သိယာ
        အနေက ဘာဝေါ သမုပ္ပါဒိ၊ အရဟန္တေ၀  ဒက္ခိဏာ။

         My desire was slight at first, Oh maid,
         Of waving tresses, but it grew apace,
         As grow the gifts that Arahants receive.

         အစက- ရင်ထဲဆာလောင်မှုလေး
         တဖြည်းဖြည်း စည်ပင်လာလိုက်ပုံများ
         ရဟန္တာအရှင်မြတ်တွေကို ပေးလှူရတဲ့ အကျိုးတွေလိုပဲ။

၉။      အယံမေ အတ္တိ ကတံ ပုညံ၊ အရဟန္တေသု တာဒိသု
         တံ မေ သမ္ဗင်္ဂ ကလျာဏီ၊ တယာ သဒ္ဓိံ ၀ိပစ္စိတံ။

         Whatever merit I have gained by gifts
         To those Noble Ones, may mind reward
         When it ripens, be your love, most fair.

         အရှင်မြတ်တွေကို ပေးလှူခဲ့သမျှ
         အကျိုးတရားတွေ ငါပြန်ရရင်
         အချစ်ဆုံးလေး…အားလုံး မင်းအတွက်ချည်းပါပဲ။

၁၀။    သကျပုတ္တောဝ ဈာနေသု၊ ဧကောဒိ နိပကော သတော။
         အမတံ မုနိ ဇိဂိဿာနော၊ တ မဟံ သူရိယ ၀စ္ဆသေ။

         As the Sakyan’s Son in Jhana rapt
         Intent and mindful, seeks the deathless goal,
         Thus intent I seek your love, my Sun.

         (သာကိယအရှင်) ဈာန်ရင်ခွင်မှာ (သိဒ္ဓတ္ထမင်းသား)
         မသေရာ မွတ်သိပ်စွာ စူးစိုက်ရှာနေသလို
         ကိုယ့်အလင်းရောင်ကလေးရေ
         မင်းအချစ်ကို ငတ်မွတ်စွာ ငါရှာနေသကွဲ့။

၁၁။    ယထာပိ မုနိ နန္ဒေယျ၊ ပတွာ သမ္ဗောဓိ မုတ္တမံ။
         ဧ၀ံ နန္ဒေယျ ကလျာဏီ၊ မိဿီ ဘာဝံ ဂတော တယာ။

         Just as that Sage would be rejoiced, if he
         Were to gain Supreme enlightenment,
         So I’d rejoice to be made one with you.

        ဂေါတမအရှင် ၀မ်းမြောက်
        သဗ္ဗညု ခရီးရောက်တဲ့အခါမှာ
        ငါလည်းလေ မိုးမမြင် နေမှာ
        မင်းနဲ့များ အတူကြင်ရရင်။

၁၂။    သက္ကောစမေ ၀ရံ ဒဇ္ဇာ၊ တာဝတိံသာန မိဿရော။
         တာဟံ ဘဒ္ဒေ ၀ရေယျာယေ၊ ဧ၀ံ ကာမော ဒဠှော မမ။

         If Sakka, Lord of Three-and-Thirty Gods
         Were perchance to grant a boon to me,
         It’s you I’d crave, my love for you is so strong.

        တာဝတိံသာဘုရင် သက္ကအရှင်ကများ
        ဗေလုဝ…မင်းကြိုက်သမျှ ဆုလာဘ်ယူစေဆိုရင်
        ငါခုံမင်တာက မင်းတစ်ယောက်ထဲ
        တို့အချစ်က အဲသလောက် မြဲမြံတယ်။

၁၃။   သာလံဝ နစိရံ ပုပ္ဖံ၊ ပိတရံ သေ သုမေဓသေ။
        ၀န္ဒမာနော နမဿာမိ၊ ယဿာ သေတာ ဓိ သိ ပဇာ။

         Your father, maid so wise, I venerate
         Like a sala-tree fairly blossoming,
         For his offspring’s sake, so sweet and fair.

        ပင်လုံးကျွတ်ပွင့်တဲ့ အင်ကြင်းပင်အိုကို
        မွှေးလှတဲ့ ပန်းတွေကြောင့် မြတ်နိုးရသလို
        ပညာတွေ ပင်လုံးကျွတ်တဲ့
        မင်းဖေဖေ တိမ္ဗရုကို
        ပဉ္စသီ ဦးညွှတ်လိုက်ပါရဲ့….ကွယ်
        နေနတ်မင်းသမီး…အလင်းမလေးရယ်…….။

ဘုရားရှင်သမာပတ်မှ ထခဲ့ရတဲ့ “ပဉ္စသီင်္ခဆိုတီးတဲ့ သီချင်းတစ်ပုဒ်” (အပိုင်း - ၁)

ဆုထားမျက်ချယ်

Read more

ဘုရားရှင်သမာပတ်မှ ထခဲ့ရတဲ့ “ပဉ္စသီင်္ခဆိုတီးတဲ့ သီချင်းတစ်ပုဒ်” (အပိုင်း - ၁)

ပဉ္စသီင်္ခစောင်းသမားတို့များလုပ်လိုက်ရင် ဘုရားရှင်တောင် အေးအေးဆေးဆေး သမာပတ်ဝင်စားလို့မရဘူး။ သိကြားမင်းက ဘုရားရှင်ကိုမေးချင်၊ ဘုရားရှင်က သမာပတ်မှာဝင်စား၊ ဒါကို အရှင့်မျက်နှာလို မျက်နှာရ သူ့အနုပညာအစွမ်းကိုပြပြီး ဘုရားရှင်ကို သမာပတ်ကထအောင် တီးခတ်ပစ်လိုက်တာလေ။ ဆုထားမျက်ချယ်တို့ ပေါက်တတ်ကရလျှောက်ရေးနေတာ မဟုတ်ရပါရှင်။ မယုံရင်၊ ဒီဃနိကာယ်၊ မဟာဝဂ္ဂ၊ သက္ကပဉှ သုတ်ကို သွားကြည့်ကြဖို့ မေတ္တာရပ်ခံပါတယ်။

          သူချစ်နေတာက တိမ္ဗရုနတ်မင်းကြီးရဲ့သမီး သူရိယ၀စ္ဆသာတဲ့။ အနုပညာရှင်များ ရည်းစားစကားပြောတာ ဘုရား၊ ရဟန္တာတွေတောင်မှ အလွတ်မပေးဘူး။

          သူဖွဲ့သီဆိုတဲ့ သီချင်းကိုကြားတော့ ဘုရားရှင်တောင် သမာပတ်က ထတော်မူပြီး “ကောင်းလှပါလား ပဉ္စသီင်္ခ၊ သင်ဘယ်တုန်းကများ ဖွဲ့သီထားသလဲ”တဲ့။ ဒီတော့မှ စောင်းသမား (အညတရတော့ ဟုတ်ဟန်မတူ)က “အရှင်ဘုရား၊အရှင်မြတ် မဟာဗောဓိခြေတော်ရင်း သစ္စာပွင့်ဦး ဆွတ်မူးမူးအချိန်မှာ ဖွဲ့သီခဲ့ရခြင်းပါဘုရား”တဲ့။

              
          ပါဠိမတတ်တဲ့ မြန်မာတွေအတွက် မျက်စိတော့မနောက်လောက်ဘူးလို့ ထင်ပါတယ်။ ဒါကြောင်း ပါဠိ၊ အင်္ဂလိပ်၊မြန်မာ သုံးဘာသာနဲ့ ပဉ္စသီင်္ခရဲ့ အနုပညာကိုခံစားဖို့ တင်ဆက်လိုက်ပါတယ်။ အင်္ဂလိပ်လိုကတော့ ပီ၊ တီ၊ အက်(စ်)လို့ခေါ်တဲ့ Pali Text Society, London. ကမူကိုပဲ သုံးလိုက်ပါတယ်။ ပိဋကတ်ကို အင်္ဂလိပ်ပြန်ရာမှာတော့ ဒေါက်တာရိုက်(စ်)ဒေးဗစ်တို့ P.T.S ထက်သာတာလည်း ရှိတော့ဘူးလေ။ မြန်မာပြန်ကတော့ ကျမဆိုတဲ့ ဆုထားမျက်ချယ်။ (အကောင်စုတ် ဇင်ဝေသော်ရဲ့စကားနဲ့ဆို-ကန်တော့ပါရဲ့) မဖြစ်ညစ်ကျယ် ဆုထားမျက်ချယ်ရဲ့ လက်ရာပေါ့ရှင်။

          (ဓမ္မဂင်္ဂါ ဆရာတော်ရဲ့စကား ငှားသုံးရရင်) "ခြေသံလုံလုံနဲ့ ရင်ခုန်ကြည့်ကြရအောင်"လား။

၁။       ဝန္ဒေတေ  ပိတရံ   ဘဒ္ဒေ၊  တိမ္ဗရုံ   သူရိယ   ဝစ္ဆသေ။
          ယေန      ဇာတာသိ   ကလျာဏီ၊  အာနန္ဒ   ဇနနီ   မမ။

          Lady, your father Timbaru greet,
          Oh sunshine fair, I give him honor due,
          By whom was sired a maid as fair as you
          Who is the cause of my heart’s delight.

          အရှင်မလေး မင်းဖခင် တိမ္ဗရု
          အို-နေနတ်သမီးလေး သူ့ကိုဦးညွှတ်မိရဲ့
          ငါ့ရင်ကို နွေးစေတဲ့ မင်းဆိုတဲ့ အလှတစ်ပါး
          သူမွေးဖွားစေခဲ့လို့ပေါ့

၂။       ဝါတောဝ   သေဒတံ  ကန္တော၊  ပါနိယံဝ   ပိပါသတော။
          အင်္ဂီရသိ   ပိယာမေဟိ၊  ဓမ္မော   အရဟတာ  မိစ။

          Delightful as the breeze to one who sweats,
          Or as cooling draught to one who thirsts,
          Your radiant beauty is to me as dear
          As the Dhamma is to Arahants.

          ချွေးပြိုက်သူအတွက် လေအေးတစ်ပေါက်
          အာခေါင်ခြောက်သူအတွက် ရေအေးတစ်ခွက်
          တောက်ပလွန်းတဲ့ မင်းအလှကို တွယ်မက်လေပေါ့
          ရဟန္တာ အရှင်မြတ်တို့ ဓမ္မကို မြတ်နိုးသလို။

၃။       အာတုရေဿဝ   ဘေသဇ္ဇံ၊   ဘောဇနံဝ   ဇိဃစ္ဆတော။
          ပရိနိဗ္ဗာပရ   မံ   ဘဒ္ဒေ၊   ဇလန္တာမိဝ   ဝါရိနာ။  

          Just as medicine to him who is ill,
          Or nourishment to one who is starving still,
          Bring me, gracious lady, sweet release,
          With water cool from my consuming flames.

          နာဖျားသူအတွက်  ဆေးတစ်ခွက်
          မွတ်သိပ်သူအတွက်တော့ အာဟာရ၊
          မင်းရေတစ်မှုတ်နဲ့ ချိုမြိန်စွာ လွတ်မြောက်စေပါတော့
          ရင်မှာလောင်နေတဲ့ မီးကနေ။

၎။       သီတောဒကံ ပေါက္ခရဏီ၊ ယုတ္တံ ကိဉ္ဖက္ခ ရေဏုနာ။
          နာဂေါ ဂမ္ဘာ ဘိတတ္ထောဝ၊ သြဂါ ဟေတေ ထနူဒရံ။   
 
          The elephant, oppressed by summer heat,
          Seeks out a lotus-pool upon which float,
          Petals and pollen of that flower,
          So into your bosom sweet, I’d plunge.

          နွေနဲ့ လောင်မြိုက်နေတဲ့ဆင်
          ကြာပန်းရင်ပြင် ရေကန်ကိုရှာပြီး
          ကြာပွင့်ကြာပန်းတွေနဲ့တူ သောက်ချိုးသလို
          လှပတဲ့ မင်းအပြုံးကန်သာလဲ့လဲ့ထဲ ခုန်ပဲ ခုန်ချလိုက်ချင်တော့ရဲ့။

၅။       အစ္စကုင်္ေဿာဝ နာဂေါဝ၊ ဇိတံမေ ထုတ္တရော ပရံ။
          ကာရဏံ နပ္ပဇာနာမိ၊ သမ္ပတ္တော လက္ခဏူ ဂုဟာ။

          As an elephant, urged by the goad,
          Pays no heed to pricks of lance and spear,
          So I, unheeding, know not what I do,
          Intoxicated by your beauteous form.

          ချွန်းရှရှနဲ့ အမောင်းခံရတဲ့ဆင်
          လေး မြား လှံ စစ်မြေပြင်ကို အရေးမထားသလို
          ငါလည်း ကိုယ့်ကိုယ်ကိုတောင်မေ့လျော့
          မင်းအလှကို ရီဝေသည်အထိ သောက်သုံးခဲ့လို့ပေါ့။

၆။       တယိ ဂေဓိတ စိတ္တောသ္မိ၊ စိတ္တံ ဝိပရိဏာမိတံ။
          ပဋိဂန္တုံ နသက္ကောမိ၊ ဝင်္က ဃသ္တောဝ အမ္ဗုဇော။

          By you my heart is tightly bound in bonds,
          All my thoughts are quite transformed, and I
          Can no longer find my former course;
          I am like a fish that’s caught on baited hook.

          ရင်တွေမွန်းကြပ်စွာခုန်တယ်
          အတွေးတွေကလည်း ပုံမှန်မစီးမျော
          ဟိုတစ်ခါက "ငါ"ပျောက်ဆုံးပြီး
          ပါးဟပ်မှာ ချိတ်တန်းလန်းနဲ့ ငါးတစ်ကောင်လို။

(ရင်ခုန်သံတွေ တစ်ခန်းရပ်ကြဦးစို့နော်)

ဆုထားမျက်ချယ်

Read more