လူမှုအေးအကြံပေး

ကျမလေ မနှစ်ကပဲ Boyfriend 0.5 ပရိုဂရမ်ကို အပ်ပ်ဒိတ်လုပ်တဲ့ အနေနဲ့ Husband 1.0 ကို ပြောင်းလိုက်ပါတယ်။
အပ်ပ်ဒိတ်လုပ်လိုက်တဲ့ အချိန်က စပြီး ပြဿနာ စ တက်တော့တာပါပဲ။ အထူးသဖြင့် Romance 9.5 ဆိုရင် အလုပ် မလုပ်တော့သလောက်ပဲ။
Personal Attention 6.5 ဆိုရင် အခြား ပရိုဂရမ်တွေ နဲ့ ရောထွေးနေပြီး ဘာမှ ချောချောမွေ့မွေ့ မရှိတော့ပါဘူး။
သူ့အစား ဝင်လာတဲ့ ပရိုဂရမ်တွေကက NFL. EPL. CL စတာတွေ ဖြစ်နေ ပါတယ်။ နောက်ပြီး Boyfriend 0.5 တုန်းက မရှိခဲ့တဲ့ ပြဿနာတွေ အခု စိတ်ပျက်လောက်အောင် ကြုံတွေ့နေရပါတယ်။
Flowers နဲ့ Jewellery ပရိုဂရမ်တွေ အလိုလို ပျောက်သွားပါတယ်။ အရင်က ကောင်းခဲ့တဲ့ Conservation 8.0 ဆိုလည်း မရန်း တော့ဘူး။
ကျမ အင်စတောလုပ်ထားပေမဲ့ Housecleaning 2.6 က အက်တီဗိတ် မဖြစ်ဘူး။
အကူအညီဖြစ်မလားဆိုပြီး Nagging 5.3 ကို ထပ်တလဲလဲ အင်စတောပေမဲ့ အလုပ်မဖြစ်ပါဘူးရှင်။
ကျမ ဘာဆက်လုပ်ရမလဲဆိုတာ ကျေးဇူးပြု လမ်းညွှန်ပေးပါလား ရှင့်။
သောကသည် ဇနီး

သောကသည် ဇနီး ခင်ဗျား

ဒါတွေက ဖြစ်တတ်တဲ့ နည်းပညာရပ်ဆိုင်ရာပြဿနာတွေဆိုတာ
တော့ အမှတ်ရပေးပါ။ Boyfriend 0.5 က အင်တာတိန်းနင်း ပရိုဂရမ်ဖြစ်ပြီး Husband 1.0 က အော်ပရိတ်တင်း စစ်စတန်ပါ။ ကွန်ဂရက်ကျူလေးရှင်းလို့ ပြောပါရစေ။

တကယ်တော့ Husband 1.0 က အကောင်းစား ပရိုဂရမ်တစ်ခုပါ။ အရင်ဆုံး ကွန်မင့် C:/ ကို ရိုက်ပြီး ITHOUGHTYOULOVEME လို့ ရိုက်ထည့်လိုက်ပါ။ ဒါပြီးရင် Tears 6 နဲ့ Guilt 3.0 ပရိုဂရမ်နှစ်ခု အော် တိုမက်တစ် အင်စတော လုပ်လာပါလိမ့်မယ်။ ဒီနှစ်ခု အင်စတောပြီးရင် အမကြုံတွေ့နေရတဲ့ Jewellery 2.0 နဲ့ Flowers 3.5 ပရိုဂရမ်နှစ်ခုလည်း အဆင်ပြေသွားပါပြီ။
ဒါနဲ့ပတ်သက်လို့ သတိပေးချင်တာကတော့ Jewellery 2.0 ကို အိုဗာဖြစ်အောင် မရန်း မိပါစေနဲ့။ ဒါက Husband 1.0 ကို အကြီးအကျယ်ပင်ပမ်းစေပြီး Grumpy Silence 6.1 ဖြစ်သွားနိုင်ပါတယ်။ ဒါဆို ဆီးရီးယပ်စ် ဖြစ်သွားပါပြီ။

ဒီ Husband 1.0 အတွက် အထောက်အကူဖြစ်စေတာတွေကတော့ Happy Hour 7.0 ပရိုဂရမ်နဲ့ Beer 6.1 ပရိုဂရမ် တို့ပဲ ဖြစ်ပါတယ်။ ဒါပေမဲ့ Beer 6.1 ရန်းတာ များပြန်ရင် Snoring Loudly 10.8 ဖြစ်ပြီး မလိုလားအပ်တဲ့ အသံတွေ ထွက်လာနိုင်ပြန်ပါတယ်။
Ho Lu Gyi 0.11 ရယ် Eing Ga Lugyi 2.2. ရယ် Thay Nar Gyi 3.1 ရယ် စတဲ့ အလကားရတဲ့ ပရိုဂရမ်တွေ သူ့ဘာသာဝင်လာရင် ချက်ချင်း Uninstall လုပ်ပစ်ပါ။
အရေးတကြီးသတိပေးချင်တာကတော့ Husband 1.0 ကောင်းကောင်း မရန်းလို့ဆိုပြီး Mother-in-law 1.0 ကို အင်စတောတာ မလုပ်လိုက်မိ ပါစေနဲ့။
ဒီထက်ပိုဆိုးတာက New Boyfriend Program 0.6 ပါ။ လုံးဝရှောင်ပါ။
တစ်ခုသတိထားရမှာက Boyfriend 0.5 ပရိုဂရမ်ကနေ Husband 1.0 ကို ပြောင်းလိုက်ရင် မှတ်နိုင်တဲ့ မီမိုရီအား အလိုအလို အများကြီး ကျသွားတတ်ပါတယ်။
အမအနေနဲ့ Sweet and Short Conversation 8.5 ရယ် Make-Up 8.6 ရယ် Self-cooked Food 8.7 ရယ်ကို ထပ်ပြီး အင်စတောထားနိုင်မယ်ဆိုရင် Husband 1.0 ရဲ့ ရန်းအား အများကြီး တိုးတက်လာပါလိမ့်မယ်။
အားလုံး အဆင်ပြေ ချောမွေ့ပါစေ

(မစ္စတာဂျင်းတစ်ဝက်၊ ကျနော်တစ်ဝက်ပါ)

Read more

ကမ္ဘာ့ ပထမဦးဆုံး ဘလော့ဂ်ဂါ

ဘလော့ဂ်ပေါ်ရေးတဲ့ စာ ဆိုတာ ဘယ်လိုစာမျိုးလည်းဆိုတော့ ( ပညာရှင်တို့ အဆိုအရ )

၁ ။ ကိုယ်နဲ့ပတ်သက်တဲ့ ( ကိုယ့်အာဘော်၊ ကိုယ်တိုင်ကြွား၊ ကိုယ်တိုင် ရင် ဖွင့်၊ ရန်လုပ်၊ ဆဲ ) ပုဂ္ဂလိက ဒိုင်ယာရီ ( သာဓကတွေများလို့ ထုတ် မပြတော့ ဘူး )

၂ ။ နားလည်ရခက်တဲ့ စကားလုံးပေါင်း၊ စပယ်လင်၊ ဝေါဟာရ အထူး အဆန်းတွေ နဲ့ ရေးတဲ့စာ မျိုး ဖြစ်နေရမယ်။ ( ဥပမာ ရှင်နှောင်းငယ် တို့ ရေး ဟန်၊ ဖတ်ရ၊ စဉ်းစားရတာ ပျော်စရာ ကောင်းတယ်၊ ဘိုင်အေ တဲ့ )

ဒီနှစ်ချက်နဲ့ ညှိလိုက်တော့ ကမ္ဘာမှာ ပထမဦးဆုံး ဘလော့ဂ်ဂါ က အသောက မင်ကြီး ဖြစ်နေတယ်။

၁ ။ သူ့ကိုယ်သူ ဒေဝါနံ ပိယဒဿီ နတ်တို့ အထူးချစ်မြတ်နိုးတဲ့ဘုရင် တဲ့၊ သူကိုယ်တိုင် အဲသလိုရေးတာ၊ သူများ ရေးတာမဟုတ်ဘူး ( ကိုယ်တိုင်ကြွား )။ ပြီးတော့ ရေးတဲ့စာတွေက ဘုရားစာလို့ ဆိုပေမယ့် သူ့အာဘော်တွနဲ့ သူ ရေးတယ် ( ကိုယ့်အာဘော် ) ကလိင်္ဂစစ်ပွဲ အပြီး ဘယ်လောက် ရင်နာရ ပုံ ( ကိုယ်တိုင် ရင်ဖွင့် ) ဓမ္မနဲ့အောင်နိုင်ချင်တယ် ဆိုပေမဲ့ ရန်လာစရင်တော့ အသောကတို့က ငုံ့ခံနေမှာ မဟုတ် တဲ့။

၂ ။ နှစ် ကတော့ ပြောမနေနဲ့ သူ့ စာလုံးပေါင်းတွေကို တစ်ကမ္ဘာလုံးက ပညာရှင်တွေ အဓိပ္ပါယ် ဝိုင်းဖော်နေတာ မသိတာတွေ အများကြီး ကျန်နေသေးတယ်။

အစ ဖုန်းမက်ဆေ့ဂ်ျတွေ၊ ပြီးတော့ အွန်လိုင်း ရေးဟန်တွေကို ကြည့်ပြီး အင်္ဂလိပ်တွေကလည်း သူတို့စာတော့ ပျက်ပါပြီ၊ မြန် မာတွေကလည်း မြန် မာစာတော့ ပျက်ပါပြီ ( ကျန်တဲ့ဘာသာတွေလည်း အတူတူနေမှာပဲ ) လုပ်နေကြတာ ကြာပါပြီ။ ပျက်တော့ မပျက်ပါဘူး၊ အွန်လိုင်းက အွန်လိုင်း ဟန်နဲ့ပဲ ရှိနေမှာပါ။

တကယ်တော့ ဒီလိုခေတ်မီတဲ့ ရေးဟန်က အသောကကြီး စ ခဲ့တာပါ။ ကွန်ဆာဗေးတစ်တွေ အပြစ်ပြောချင်ရင် အသောက ရေးဟန်ကိုကြည့်ကြ လို့ ပြောရမယ်။ ဟုတ်တယ်။ ဝိုင်ဖိုင် မပေါ်သေးတာကလွဲရင် အသောက ဟာ ဘလော့ဂ်ဂါအစစ်ပဲ။ ခပ်ကြွားကြွား နားလည်ရခက်တဲ့ ရေးဟန်ရေး ထုံးတွေနဲ့။
ဘာဖြစ်ဖြစ် နားတော့မယ်၊ ဘိုင်အေ။ ။



Ref: World’s earliest blogger had his work cut out for him
By Nury Vittachi

 ဇင်ဝေသော် 
21/12/2012

Read more

လူမှုရေး အကြံပေး အန်ကယ် ဂျင်မ်

လေးလေး ရှင့်
ကျမသားလေးဟာ မန်ချက်စတာ ယူနိုက်တက်က လွဲရင်ဘာကိုမှ စိတ်မဝင် စားပါဘူး။ အေစီ မီလန် နဲ့ လိုက်(ဖ်) ရှိုး ရှိလို့ဆိုပြီး သူ့ အဖွားရဲ့ ဈာပန ကိုတောင် မလိုက်လာနိုင်ပါဘူး။ အိမ်မှာ ဘောလုံးပွဲ ကြည့်နေရစ်ခဲ့ပါတယ်။ ကျမတို့ အားလုံးလည်း အိမ်ပြန်ရောက်ရော မန်ယူက ဂိုးရသွားလို့တဲ့ က ခုန် လို့တောင်နေပါသေးတယ်ရှင်။ သူနဲ့ ပတ်သက်လို့ ကျမ အရမ်း စိတ်ပူရပါ တယ်။ သူ့ အဖေလည်း မရှိရှာတော့ပါဘူး။ ကျမ ဘာလုပ်သင့်သလဲ ဆိုတာ အကြံပေး ပါဦးရှင်။
စိုးရမ်နေတဲ့ မိခင်။

စိုးရမ်နေတဲ့ မိခင် ခင်ဗျား၊
ဒါဟာ တကယ် စိတ်ပူရမယ့် အနေအထားပါ။ သာမန်ကလေး တစ်ယောက် အနေနဲ့ မန်ယူ ရတဲ့ဂိုးနဲ့ပတ်သက်ပြီး ဒီလောက်ဖြစ်မနေသင့်ပါဘူး။ အဲဒီဂိုးက လူကျွံ ဘောကြီးပါ၊ ဒိုင်လူကြီးကသာ အကန်းမို့ မမြင်တာပါ။ လူကျွံ ဘောဆို တာ လူတိုင်းသိပါတယ်။ ဒါကြောင့် သားဖြစ်သူကို ဂိုးဝင်သွားတဲ့နေရာမှာ စလိုး မိုးရှင်း ထပ် ထပ်ကြည့်ပေးဖို့ ဆုံးမပေးပါ။ ဒါဆို အမှန်တရားကို သူ နားလည်လာမှာပါ။
ဦးဦးဂျင်းမ်။

လေးလေး ရှင့်
ကျမ သားလေးက အခု ၁၇ နှစ် ပြည့်ပါပြီ။ သူ ကျောင်းသွားလို့ မိနစ် ၂၀ လောက် ကြာတော့ သူ ဆရာမဆီက ပို့လိုက်တဲ့ မက်ဆေ့ဂ်ျ အိမ်က ကွန် ပျူတာမှာ ပေါ်လာပါတယ်။ သူ ဆရာမက ကျောင်းဆင်းအပြီး ရက်စတော ရင့် ကို လာခဲ့ဖို့ ချိန်းလိုက်တဲ့ မက်ဆေ့ဂ်ျပါ။ သတင်းစာတွေထဲမှာလည်း ဒါ မျိုးတွေ ဖတ်ဖတ်နေရတော့ အဲဒီ မက်ဆေ့ဂ်ျနဲ့ ပတ်သက်ပြီး သားလေး အ တွက် အရမ်းစိတ်ပူတာပဲ။ ကျမ ဘာလုပ်သင့်သလဲ ဆိုတာ အကြံပေး ပါဦး ရှင်။
သားသောက မိခင်

သားသောက မိခင် ခင်ဗျား
အဲဒီ မက်ဆေ့ဂ်ျနဲ့ ပတ်သက်ပြီး စိုးရိမ်စိတ် သိပ်မဖြစ်ဖို့ ပြောချင်ပါတယ်။ အဲသလို မက်ဆေ့ဂ်ျတွေဟာ ၅ မိနစ်အတွင်း အလိုလို ပျောက်သွားနိုင်ပါ တယ်။ ဒီပြဿနာမျိုး နောက်ထပ် မကြုံရအောင် MSN version 7.0 ကို Upgrade လုပ်ထားဖုိ့ အကြံပေးလိုပါတယ်။
လေးလေး။

အန်ကယ် ရှင့်
ကျမ အမျိုးသားဟာ အရင် လ ကပဲ အိမ်မှာ CCTV တပ်ဆင်တားခဲ့ပါ တယ် ။ ပြဿနာက အဲဒီက စ တာပါ။ ကျမတို့ ကားရပ်တဲ့နေရာမှာ အရင်ညက အမျိုးသား တစ်ယောက်နဲ့ အမျိုးသမီး တစ်ယောက် ဖက်နေတာကို တွေ့ရပါ တယ်။ ပုံက သိပ် မရှင်းလှပေမယ့် အဲဒါ ကျမ အမျိုးသားနဲ့ အိမ်ဘေးက အ မျိုးသမီးဆိုတာ ကျမသိပါတယ်။ အဲဒီပုံကြောင့် ကျမ စိတ်ပူနေရပါတယ်။ ဘာလုပ်သင့်တယ်ဆိုတာ ပြောပေးပါဦးရှင်။ ကျေးဇူတင်ပါတယ်။
အသည်းကွဲ ဇနီး။

အသည်းကွဲ ဇနီးခင်ဗျား
ဒီ ပုံတွေကြောင့် ဖြစ်နေရတဲ့ သောကတွေ ဖျောက်လိုက်ပါတော့။ CCTV ရဲ့ ဝါယာတွေ အသစ်လဲ ပြီး High Definition ကင်မရာ ထပ်ဆင်လိုက်ပါ၊ NVidia လို တံဆိပ်မျိုး သုံးလိုက်ရင် ဘာမှ စိုးရိမ်စရာ မရှိတော့ပါဘူး။ ပုံတွေအားလုံး ကြည်လင် ပြတ်သားစွာ တွေ့ရတော့မှာပါ။ အားလုံး အိုကေ သွားပါလိမ့်မယ်။
ဦးဦးဂျင်းမ်။

အန်ကယ် ရှင့်
ကျမအမျိုးသားက ကလေးကျောင်းစားရိတ် အတွက် ဘေးဖယ်ထားတဲ့ ငွေေ တွနဲ့ ရိုးလက် နာရီ ဝယ်ချင်တယ်လို့ ပြောနေပါတယ်ရှင်၊ သူ့ကို ဝတ်စေချင်ေ ပမယ့် ကလေး ပညာရေးထဲကတော့ ယူ မသုံးချင်ပါဘူး။ သူလည်း အခံ မခက်အောင် ကျမအမျိုးသားကို ဘယ်လို ပြောသင့်ပါသလဲ ရှင်။
အိမ်ထောင်ရှင်။

အိမ်ထောင်ရှင် ခင်ဗျား
ကြားရတာ စိတ်မကောင်းပါဘူး။ သူ့အနေနဲ့ ဒါမျိုး လုံးဝ မလုပ်သင့်ပါဘူး။ ရိုးလက်က ခေတ်ကုန်နေပါပြီ။ အခု ဂျိန်းစဘွန်း မင်းသားအသစ်ဆိုရင် အိုမီဂါ ပဲ ပတ်ပါတော့တယ်။ ဒါကြောင့် အမျိုးသားကို ခေတ်နဲ့ အညီ ရိုးလက်အစား အိုမီဂါကိုပဲဝယ်ဖို့ သူနားဝင်အောင် ပြောပေးလိုက်ပါ။ အဆင်ပြေသွားပါလိမ့် မယ်။
အန်ကယ်။ ။
Posted on 9/24/2012

Read more

End of Relationships :)

ဒီပုံက တစ်ဖက်သတ်နည်းနည်းဆန်တယ်ထင်ပါတယ်။
မစ္စတာဂျင်းမ် လက်ချက်ပါ။ အမျိုးသမီးတွေကို အားနာစရာ။
ဘားမဆွဲဘဲ ဘားစွဲသွားတဲ့ အမျိုးသားတွေလည်း ရှိနိုင်တာပဲ။

Read more

နော်အေး ကုမ္ပဏီ

ဥပဒေတွေကို မမုန်းကြဘူးလား။

အခု ဥရောပသမဂ္ဂဗျူရိုကရက်က သောက်ရေသန့်ဘူးတွေဟာ ဒီဟိုက်ဒရေးရှင်းအတွက် ကောင်းတယ်လို့ကြေငြာရင် ဥပဒေနဲ့ ဆန့်ကျင်တယ်လို့ ဆုံးဖြတ်ခဲ့ကြတယ်။ အာရှမှာလည်း သိပ်မထူးခြားလှပါဘူး။ တစ်ချို့ပိုပြီး အူကြောင်ကြောင်နိုင်တဲ့ ဥပဒေတစ်ချို့ကလွဲရင်ပေါ့လေ။

ကျွန်တော့်သူငယ်ချင်းတစ်ယောက် အာရှမှာ စီးပွါးရေးစတင်လုပ်ဖို့ ကြိုးစားတယ်။ သူလိုအပ်တဲ့ ဖောင်တွေ၊ လိုင်စင်တွေ၊ ပါမစ်တွေက တကယ့်ကို မဆန့်မပြဲကြီးပါပဲ။ သူ့အတွေ့အကြုံကို အကောင်းဆုံးပုံဖော်ပြဖို့ သမ္မာကျမ်းစာထဲက နော်အေး သင်္ဘောဆောက်တာနဲ့ နှိုင်းယှဉ်ပြရပါလိမ့်မယ်။ နော်အေးများ ဒီခေတ်ထဲမှာ သင်္ဘောတည်ဆောက်မယ်ဆိုရင် ဘာတွေဖြစ်လာနိုင်သလဲလို့ စိတ်ကူးနဲ့စဉ်းစားကြည့်တာပါ။

နော်အေးသင်္ဘောနဲ့ပတ်သက်လို့ သင်္ခန်းစာတွေအများကြီး ပေးခဲ့ကြပြီးပါပြီ။ ဒါပေမယ့် အာရှ ဗျူရိုကရက်ထက်ကောင်းတဲ့ ဥပမာပေး သင်္ခန်းစာယူစရာတော့ ကျွန်တော်မမြင်ခဲ့မိဘူး။

ထာဝရဘုရားသခင်က နော်အေးကိုပြောတယ်။

“ သင်္ဘောတစ်ခုတည်ဆောက်၊ တိရိစ္ဆာန်တွေထဲက နှစ်ကောင်စီယူပြီး သင်္ဘောပေါ်တင်၊ နေ့ညပေါင်းလေးဆယ် ကြာအောင် မိုးကြီးရွာပြီး ကမ္ဘာမြေဟာ ရေထုကြီးလွှမ်းသွားလိမ့်မယ်။”

အဲဒီနောက် အနက်ရောင်ဝတ်စုံနဲ့ လူတစ်ယောက် ရောက်လာတယ်။ သူက ကွန်ပလိုင်းယန့်(စ်) အော့ဖစ်ဆာလို့ခေါ်တယ်(Compliance Officer)။ သူက နော်အေးကို ပြောတယ်။

“ ပရောဂျက်တွေအားလုံး တရားဝင်ဖြစ်ဖို့ တံဆိပ်ထုထားတဲ့ ပါမစ်တွေလိုပါတယ်။ ခင်ဗျားကုမ္ပဏီက တစ်ဦးတည်းပိုင်ကုမ္ပဏီလား၊ စုပေါင်းပိုင် ကုမ္ပဏီလား”

နော်အေးက ပြန်ပြောတယ်။

“ ထာဝရဘုရားသခင်က သင်္ဘောတစ်စင်းတည်ဆောက်ဖို့ ကျွန်တော့်ကို ညွှန်ကြားထားပါတယ်”

အရာရှိက ပြောတယ်။

“ ဒါဆိုရင် ခင်ဗျားရဲ့ပါတနာကလည်း အတူတကွ ပူးပေါင်းရေးစာချုပ်မှာ လက်မှတ်ရေးထိုးဖို့ လိုပါလိမ့်မယ်”

နော်အေးခမျာ ခေါင်းကုတ်ပြီး ဘာလုပ်ရမှန်းမသိ ဖြစ်သွားရရှာတယ်။

“ ဒီညွန်ကြားလွှာက ပလိပ်ပြားလေးပေါ်မှာ သူရေးထားခဲ့တာ။ အမြင့်ဆုံးဌာနကနေ လူသားတွေဆီ သတင်းပေးလိုက်တာမျိုးပါ”

အရာရှိ ဖြုံသွားတယ်။

“ ဒါဆို ခင်ဗျားပါတနာက Apple ကွန်ပျူတာက အဆင့်မြင့် အိက်ဇက်ကတစ် ထင်တယ်နော်။ ကောင်းတယ်၊ သိပ်ကောင်းတယ်။ ပြီးရင် ခင်ဗျားကုမ္ပဏီရဲ့အမည် တင်ပြဖို့လိုတယ်။ နော်အေးသင်္ဘောကုမ္ပဏီလီမိတက်ဆိုရင် မကောင်းဘူးလား”

နော်အေး အကြံအိုက်သွားပြန်တယ်။

“ကျွန်တော်တို့က သင်္ဘောတစ်စီးထဲ တည်ဆောက်မှာပါဗျာ”

အရာရှိက ရယ်တယ်။

“အဓိပ္ပါယ်မရှိတာဗျာ၊ ကုန်ထုတ်လုပ်မှုအတွက် ငွေတွေရင်းနှီးလိုက်ပြီဆိုရင် နောက်သင်္ဘောတွေက ထုတ်လုပ်မှု ကုန်ကျစရိတ် အများကြီး လျော့ကျသွားမှာပေါ့ဗျ။ အခု နော်အေးကုမ္ပဏီရဲ့ မှတ်ပုံတင်အမှတ်က ဘယ်မှာ မှတ်ပုံတင်မှာလဲ။ ကေးမဲန့်ကျွန်းမှာလား၊ ဘာမြူဒါမှာလား (Cayman Island or Bermuda)”

သင်္ဘောသားနော်အေးက လက်ပိုက်ကြည့်ရင်းနဲ့-

“ခင်ဗျားပြောတဲ့နေရာတွေက ရေဘေးနဲ့ပျက်စီးတော့မှာဗျ”

အရာရှိက ခေါင်းညိတ်တယ်။

“ရာသီဥတုအပြောင်းအလဲနဲ့ ရာသီဥတုဆိုးဝါးတဲ့သဘောကို ကျွန်တော်ကြိုတင် တွက်ချက်မိပါတယ်။ ကိစ္စမရှိပါဘူး။ ဒါနဲ့ ခင်ဗျားကုမ္ပဏီရဲ့ အစီအစဉ်၊ ရည်ရွယ်ချက်နဲ့ အကောင်အထည်ဖော်မယ့် လုပ်ငန်းစဉ်က ဘယ်လိုလဲ”

“သက်ရှိသတ္တဝါတွေကို ကယ်ဆယ်ဖို့ပါ”

နော်အေးက ဖြေတယ်။

အရာရှိက သက်ပြင်းချရင်းနဲ့-

“ပမာဏကို လျော့ချလို့ မရဘူးလားဗျာ။ စကေးက သိပ်များလွန်းနေတယ်။ မဖြစ်နိုင်ဘူးလား။ ဒါဆို assets ကို ရှင်းလင်းအောင်လုပ်ဗျာ။ ခင်ဗျားတို့ ကုန်ထုတ်မှုပမာဏက ဘယ်လိုလဲ”

နော်အေးက တွေးတွေးဆဆနဲ့ပြောတယ်။

“တိရိစ္ဆာန်တွေအားလုံး သင်္ဘောပေါ်ရောက်သွားရင် တနေ့ကို နွားချေး၊ ဆိတ်ချေး တန်ချိန်ပေါင်း လေးထောင်ကျော်လောက် ထုတ်လုပ်နိုင်ပါလိမ့်မယ်”

အရာရှိက သဘောကျသွားတယ်။

“ဒါဆိုရင် ခင်ဗျားက သဘာဝဓာတ်မြေသြဇာ ထုတ်လုပ်သူပဲ။ ဒါနဲ့ ကုမ္ပဏီရဲ့ဝန်ခံကတိပြုချက်က ဘာပါလ်ိမ့်”

နော်အေးက-

“ကျွန်တော်တို့ တွေ့မြင်နေရတဲ့ ကမ္ဘာကြီးရက်ပေါင်းလေးဆယ်အတွင်း လုံးဝ ဖရိုဖရဲ ပျက်စီးသွားလိမ့်မယ်”

“ပျက်စီးမဲ့ခန့်မှန်းခြေတန်ဖိုးက ဘယ်လောက်ရှိနိုင်မလဲ” စီးပွါးရေး အရာရှိက ဆက်မေးတယ်။

နော်အေးခမျာ တော်တော် ကသိကအောက်ဖြစ်သွားတယ်။

“ဟာဗျာ၊ ဒီကိစ္စက တန်ဖိုးဖြတ်လို့မရဘူး။ ဒါက “priceless” ဗျ”

အဲဒီစကားက အရာရှိကို မကျေမချမ်း ဖြစ်သွားစေပြန်တယ်။

“မစ္စတာနော်အေး၊ ခင်ဗျားကို ကျွန်တော်သတိတစ်ခုပေးချင်တယ်။ စီးပွါးရေး ရင်းနှီးမြှုပ်နှံသူတွေအတွက် သတ်မှတ်ချက် တန်ဖိုးမရှိ (priceless) ဆိုတဲ့ စကားလောက် အဓိပ္ပါယ်မရှိတာ မရှိဘူးနော်”

နော်အေးက-

“ဟုတ်ပြီ၊ လူကြီးမင်းတို့ လိုအပ်တဲ့ ပေပါဝါ(ခ်)တွေကို အားလုံးကျွန်တော် လုပ်ထားမယ်။ ရက်ပေါင်းလေးဆယ် အတွင်း ပြန်လာခဲ့ပါ။ ကျွန်တော်တို့ တွေ့ကြသေးတာပေါ့။ ဂွတ်ဘိုင်”

နော်အေးက တံခါးပိတ်လိုက်တယ်။ အဲ-ပထမဆုံး မိုးပေါက်တစ်ပေါက် အဲဒီအရာရှိရဲ့ ပခုံးပေါ်ကျသွားလေတော့ရဲ့။

(မြန်မာပြည်ကိုလွမ်းလို့ RD ထဲက Nury Vittachi ရဲ့ “ If Noah lived today” ကို အဆင်ပြေသလို မြန်မာမှုပြုလိုက်ပါတယ်)

Posted on 6/22/2012

ဇင်ဝေသော်

Copyright © 2012 ကမ်းလက်. All rights reserved.

Read more

★အာရှ ကားလမ်း ဥပဒေ ၂၁ ★ (New Addition)

၁။ ကားလမ်း ဥပဒေ ဆိုတာ မရှိ။
၂။ အထူး ဥပဒေ ရှိ။ ယင်း ဥပဒေသည် နွားအုပ်များ အတွက်သာ ဖြစ်သည်။
၃။ လမ်း အားလုံး လက်ယာကပ် မောင်း ဖြစ်သည်။
၎။ လက်ဝဲ ကပ်မောင်းသော လမ်းများမှလွဲ၍ဟု ဆိုလိုသည်။
၅။ အချို့ လမ်းများမှာ အလည်ခေါင် တည့်တည့်မှလည်း မောင်းနိုင်သည်။
၆။ ရှေ့ကားကို ကျော်တက်မည်ဆိုလျှင် ဘယ်ဖက်မှ (သို့) ညာဖက်မှ (သို့) အောက်မှ (သို့) အပေါ်မှသာ ကျော်တက်ခွင့် ရှိသည်။ အခြား ဘယ် နည်းနဲ့မျှ ကျော်တက်ခွင့် မရှိ။
၇။ ကားကြီးသူက ဗိုလ်ကျ စတမ်း ဖြစ်သည်။
၈။ ထိုင်ခုံ ခါးပတ် ပတ်မည့်အစား ပို၍ အန္တရာယ် ကင်းစေနိုင်သော ပန်းကုံး၊ လက်ဖွဲ့ ၊ နတ်ရုပ် စသည် ကားခေါင်းခန်းတွင် ထားရှိနိုင်သည်။
၉။ ကားမောင်းနေစဉ် အခြားကိစ္စ များပါ လုပ်ဆောင်ရန် လိုအပ်သည်။ ဥပမာ ဒရိုင်ဘာ အသစ်များ အတွက် ကွမ်စားခြင်း၊ မိုဘိုင်းဖုန်း ပြောခြင်း စသည် တို့ဖြစ် ပြီး ဝါရင့် ဒရိုင်ဘာများ အတွက် အစား တစ်ခုခုစားခြင်း၊ ဒေသထွက် အရက်သေစာ တစ်မျိုးမျိး သောက်သုံးခြင်း၊ ကာရာအိုကေ လိုက်ဆိုခြင်း၊ ဗွီဒီ ယို ကြည့်ခြင်း စသည်တို့ ဖြစ်သည်။
၁၀။ မိမိ ချိုးမည့်ဖက်ကို မီးဆစ်ဂနယ်ပြခြင်းသည် မယဉ်ကျေး၊ နောက်ကား ကို အံ့ဩစရာ တစ်ခုခု ဖြစ်စေရန် အချက်မပြဘဲ ချိုးသင့်သည်။
၁၁။ ညပိုင်း ကားမောင်းမည်ဆိုလျှင်
(က) ကား ရှေ့မီးကို တစ်ဖက်က လာနေသော ကားသမား၏ မျက်နှာ တည့်တည့် ထိုးထားရမည်၊
(ခ) ကား ရှေ့မီး လုံးဝ မဖွင့်ဘဲလည်း မောင်းနှင်နိုင်သည်။ ( စည်းကမ်း ၁၁ ကို လေးစားသော အားဖြင့်)
၁၂။ ရှေ့ကားကို ကျော်မတက်မီ နောက်ကား လာ မလာ စစ်ဆေးခြင်း သည် ယောက်ျားမဆန်သော အပြုအမူ ဖြစ်သည်။
၁၃။ နှစ်လမ်းပြိုင် ကားလမ်းမပေါ် ကာအစီးရေ များနိုင်သမျှ များအောင် မောင်းပြခြင်းဖြင့် ဂုဏ်ယူပါ။
၁၄။ ကားလမ်း ပိတ်ဆို့ခဲ့သော် မြေမာလမ်းပေါ်မှ မောင်းနှင်ပါ။
၁၅။ ထို မြေမာလမ်းပါ ပိတ်ဆို့နေသော် ပလက်ဖောင်းပေါ်မှ မောင်းနှင်ပါ။
၁၆။ အမှန်တကယ် မလိုအပ်ဘဲ လမ်းလျှောက်နေသူ၊ စကိတ်စီးနေ သူ၊ မော်တော်ပီကယ်တို့ကို ကားဖြင့် မကြိတ်မိအောင် ဆင်ခြင်ပါ။ တကယ် မလိုအပ်ဘဲ မော်တော်ပီကယ်ကို ဝိုင်းမရိုက်ရ။
၁၇။ အရေး အကြီးဆုံး ဥပဒေသည် "လမ်းစည်းကမ်း" "မရှိခြင်း" ဖြစ်သည်ကို အမြဲ အမှတ်ရနေပါ။
၁၈။ နွားကိုသာ ဝင် မတိုက်မိပါစေ နှင့်။
၁၉။ ထရပ်ကားကြီး မောင်းသူဖြစ်လျှင် "လာ မနမ်းနဲ့ " " ဟွန်းတီးပါ " စေ သာ စာတမ်း တစ်ခုခု မြင်သာအောင် နောက်မှာ ရေးထားရမည်။ ကားနံပတ် ထက် ထို စာတမ်းတို့က ပို၍ ထင်သာမြင်သာရှိရမည်။
၂၀။ အလွန်အမင်း အခက်တွေ့သော် "အကိုရေ၊ တစ်စီးစာ နော်" ဟု ကားပြူ တင်းမှ လက်ထုတ်ပြပြီး ဆဲနေသည့်ကြားမှ ရအောင် ဝင် တိုးပြီး မောင်းနှင်ပါ။ ဆဲရေးတိုင်းထွာမှုကို ဂရုစိုက်စရာ မလို။
၂၁။ သက်ကြီးရွယ်အိုများ၊ စက္ခုအလင်း ကောင်းကောင်းမရသူများ၊ မသန် စွမ်းသူများ လမ်းဖြတ်ကူးလျင် ယဉ်ကျေးသိမ်မွေ့စွာ "သေချင်လို့ ထင်တယ်၊ ကိုယ်အိမ်ထဲမှာ နေတာ မဟုတ်ဘူး သေနာကြီးက၊ အကန်းက၊ အကျိုးက စသဖြင့် ပြောဆိုရမည်။

Have a pleasant drive!

Read more

မလေးရှားမှာ.....တဲ့

၁။ မဝယ်အပ်တဲ့ ပစ္စည်း (သူတို့မှာလည်း ရှိတယ်)

အချို့ တံဆိပ်နဲ့ ပစ္စည်းတွေ ဘာကြောင့် ဝယ်ယူသုံးစွဲဖို့မသင့်ကြောင်း မေးေ တာ့ .....
ဒီပစ္စည်းက အရှမှာ ထုတ်လုပ်တာမှန်ပေမယ့် မူလ ထုတ်လုပ်သူက အမေရိ ကန် ကုမ္ပဏီ ဖြစ်တယ်။
အမေရိကန် ကုမ္ပဏီတွေက အမေရိကန် အစိုးရနဲ့ တစ်သားတည်းပဲ။
အမေရိကန် အစိုးရက ဂါဇာဒေသမှာ တစ်ခုခုဖြစ်တိုင်း အစ္စရေးဘက်က ကူညီတယ်လို့ သံသယဖြစ်စရာ ရှိတယ်။ အစ္စရေးတွေက ဂါဇာဒေသမှာ ရက်စက်တဲ့ အလုပ်တွေ လုပ်ကြတယ်။
(ဒါ့ကြောင့် မသုံးစွဲသင့်)

Because it is the Asian equivalent of a product originally made by an American company and American companies are sort of associated with the American government and the American government is suspected of being pro-Israel and Israel did terrible things in Gaza recently.

၂။ အသားချင်းတော့ မတူပါလေ

မလေးရှားနိုင်ငံ ကွာလာလမ်ပူရှိ ဟော်တယ်တစ်ခုက စက်လှေကားထဲမှာ “halal” လည်လှီးသားပဲ သယ်ယူခွင့်ပြုတယ်ဆိုတဲ့ ဆိုင်းဘုတ် တင်ထားေ ကြာင်း မလေးက စာဖတ်သူ အေမီ ချူ ဆီက ကြားသိရပါတယ်။
လည်လှီးသား မဟုတ်တာတွေ "Non-halal items" ပါလာရင် ရိုးရိုးလှေ ကားနဲ့ တက်ရတယ်။
AN ELEVATOR in a Malaysian hotel has a sign in it saying that can only transport foods which are “halal” (a term which usually refers to animals ritually slaughtered by having their throats cut), I hear from Amy Chew, a reader in Kuala Lumpur. Non-halal items must go via the staircase.

Read more

ရှေ့ကရောက်ချင်ရင် နောက်ပြန်လျှောက်

    ဒီလေ့ကျင့်ခန်းက ရှေးဟောင်းတရုတ်ယဉ်ကျေးမှုပါ။ အခုတော့ နောက်ပြန်လမ်းလျှောက်တဲ့ လေ့ကျင့်ခန်းက ခန္ဓာကိုယ်ရော၊ စိတ်ကိုပါ အကျိုးသက်ရောက်စေနိုင်တဲ့အတွက် ဟောင်ကောင်၊ မလေးရှား၊ အိန္ဒိယ၊ အာဂျင်တီးနား၊ ပြင်သစ်၊ နယ်သာလန်စတဲ့ နိုင်ငံပေါင်း(၂၀) ကျော်အထိ ပြန့်နှံ့သွားခဲ့ပါပြီ။
    တောင်အာဖရိကမှာရှိတဲ့ စာဖတ်ပရိသတ်တစ်ယောက်က သူ့အတွေ့အကြုံကို ပြောပြပါတယ်။ သူနောက်ကြောင်းပြန်လမ်းလျှောက်နေရင်း မက္ကဆီကန်ကလေးနဲ့ ဝင်တိုက်မိပြီး ခေါင်းကွဲသွားတယ်တဲ့။ ခေါင်းကွဲသွားတော့ ဦးနှောက်တောင် အနည်းငယ်ထွက်သွားတယ်လို့ ဆိုပါတယ်။ ဒါပေမယ့် သူကတော့ “  A bit of brain fell out but not much. I still have plenty.” ဦးနှောက်တွေ ခေါင်းထဲမှာ အများကြီးကျန်နေသေးလို့ ကိစ္စမရှိပါဘူးလို့ ပြောပါတယ်။ ဒါကြောင့် “Backing up affects your brain” ဆိုတာ မှန်ပါတယ်။

    နောက်ပြန်လမ်းလျှောက်ခြင်း လေ့ကျင့်ခန်းနဲ့ပတ်သက်လို့ လူတွေမေးတတ်တဲ့ မေးခွန်းတွေကို စာရင်းပြုထားပါတယ်။

မေး။        ။ နောက်ကြောင်းပြန်လမ်းလျှောက်ရင် ဘယ်ကိုဦးတည်သွားနေတယ်ဆိုတာ သိပါသလား။
ဖြေ။        ။ မသိပါ။ ဒါကသည်ပင် ပျော်စရာပါ။

မေး။        ။ အဲသလိုလျှောက်ရင် ဓာတ်တိုင်စတာတွေနဲ့ မတိုက်မိဘူးလား။
ဖြေ။        ။ မတိုက်မိပါဘူး။ ဒါပေမယ့် သူတို့ဟန်းဖုန်းတွေကိုပဲကြည့်ပြီး လမ်းလျှောက်တတ်သူတွေနဲ့တော့ ဝင်တိုက်တတ်ပါတယ်။

မေး။        ။ သူတို့က ခင်ဗျားတို့ကို မမြင်ဘူးလား။
ဖြေ။        ။ မမြင်ပါဘူး။ သူတို့ဟာ အသိဥာဏ်သိပ်မမြင့်မားသေးတဲ့ ကျောက်ခေတ်သတ္တဝါတွေနဲ့ တူပါတယ်။ သူတို့ရဲ့ ဝိဥာဉ်ဟာ ဟန်းဖုန်းမျက်နှာပြင်ပေါ်မှာပဲ ပူးကပ်နေတတ်ပါတယ်။

မေး။        ။ သူတို့နဲ့ ဝင်တိုက်မိရင် နာကျင်(အနာတရဖြစ်) ပါသလား။
ဖြေ။        ။ မနာကျင်ပါ။ ခေါင်းနဲ့ ခန္ဓာကိုယ်နောက်ပိုင်းက မာကျောပြီး ခေါင်းနဲ့ ခန္ဓာကိုယ်ရှေ့ပိုင်းက ပိုနူးညံ့ပါတယ်။ ဒါကြောင့် နာခြင်းနာ သူတို့ပဲ နာပါတယ်။

မေး။        ။ အဲသလိုဝင်တိုက်မိရင် သူတို့ကို တောင်းပန်ပါသလား။
ဖြေ။        ။ Yes, but I don’t mean it. သူတို့ဟန်းဖုန်းကို ပြန်ကောက်ယူစဉ် မရယ်မိအောင်ပင် ထိန်းထားနိုင်ပါတယ်။

မေး။        ။ ကိုယ်တိုင်ရော အနာတရဖြစ်ဖူးပါသလား။
ဖြေ။        ။ ဖြစ်ဖူးပါတယ်။ တစ်ချို့ဆို ချောက်ကမ်းပါးပေါ်ကနေကျပြီး သေဆုံးပါတယ်။ အဲသလိုဖြစ်ပြီဆိုရင်တော့ အဲဒီနေ့ဟာ ပြဿဒါးနေ့လို့ ဆိုရမှာပါ။ တရုတ်ပြည်မှာလည်း လူတစ်ယောက် နောက်ပြန်လမ်းလျှောက်ရင်း ရေကန်ထဲကျပြီး နစ်မြှပ်သေဆုံးခဲ့ပါတယ်။ အဲဒီနောက် သူလည်း နောက်ပြန်လမ်းလျှောက်တဲ့အကျင့်ကို စွန့်လွှတ်လိုက်ပါတော့တယ်။

မေး။        ။ နောက်ပြန်လမ်းလျှောက်တာက နှေးနှေးပဲလျှောက်လို့ ရပါသလား။
ဖြေ။        ။ မနှေးပါ။ ယူကေက Garret Doherty ဆိုတဲ့လူဟာ (၇) မိနစ်အတွင်း တစ်မိုင်ရောက်အောင် နောက်ပြန်ပြေးနိုင်ခဲ့ပါတယ်။ တစ်ချို့ဆို အတည့်ပြေးတာတောင် (၇) မိနစ်အတွင်း တစ်မိုင်ရောက်အောင် မပြေးနိုင်ပါ။

မေး။        ။ နောက်ပြန်လမ်းလျှောက်ခြင်းရဲ့ အကောင်းဆုံးအချက်တွေကို ပြောပြပါ။
ဖြေ။        ။ တော်တော်လေးလျှောက်ပြီးရင် ကိုယ်ကလွဲလို့ ကျန်တဲ့လူတွေအားလုံးဟာ ပြောင်းပြန်လမ်းလျှောက်နေကြတာကို တွေ့ရပါတယ်။

မေး။        ။ မကောင်းတဲ့အချက်ရော မရှိဘူးလား။
ဖြေ။        ။ ရှိပါတယ်။ သုံးချက်ပါ။ တစ်- အူကြောင်ကြောင်နိုင်ပါတယ်။ နှစ်- “You are going the wrong way” လို့ လူတွေက ထပ်တလဲလဲ ပြောကြပါတယ်။ သုံး- ကောင်လေး (သို့) ကောင်မလေးချောချောတွေ့ရင် နောက်ယောင်ခံလိုက်လို့ မရတော့ပါ။

မေး။        ။ အဲသလို နောက်ယောင်ခံမလိုက်ရဘူးဆိုရင် သူတို့ကို သတိရနေပါသလား။
ဖြေ။        ။ သတိရပါတယ်။ ဒါပေမယ့် ကျန်းမာရေးအတွက် ဒီလောက်တော့ အနစ်နာခံရပါတယ်။

မေး။        ။ အခုမှစပြီး နောက်ပြန်လမ်းလျှောက်တဲ့သူတွေကို ပြောချင်တဲ့စကားလေးများရှိရင် ပြောပေးပါ။
ဖြေ။        ။ လမ်းကို သေသေချာချာ ရွေးချယ်ပါ။ တိုင်တွေ၊ မီးတိုင်တွေ၊ စက်ရုံ၊ ဆေးရုံတွေမရှိတဲ့ နေရာမျိုးတွေကို ရွေးပြီးလျှောက်ပါ။ အထူးသဖြင့် မက္ကဆီကန်ပေါက်စလေးတွေကို ဂရုစိုက်ပါ။

    အောက်မှာဖော်ပြထားတဲ့ ဗွီဒီယိုကလစ်လေးကို ကြည့်ပေးပါ။ အဲသလို မကြာမကြာလုပ်ပေးဖို့လည်း အကြံပြုလိုက်ပါတယ်။



By Mr Jam

 ဇင်ဝေသော်

Read more

သမီးလေးရဲ့ မောင်လေး (ကမ်းလက် လပတ်လည်)

Dear Sir or Madam,

ရာထူးတစ်ခုအတွက်လျှောက်ထားရန် ဤစာကို ရေးသားရခြင်းဖြစ်ပါသည်။
ဤ ရာထူးအတွက်လျှောက်ထားရန် အသက်အရွယ်အားဖြင့် အတော်နောက် ကျနေပြီဖြစ်သော်လည်း အရည်အချင်းကို ထောက်ဆလျှင် အခွင့်အရေး ရှိနိုင်သည်ဟု ယုံကြည်ပြီး လျှောက်ထားရခြင်း ဖြစ်ပါသည်။

1 ) သမီးလေးနှင့်အတူ လမ်ဖြတ်ကူးရင်း စုတ်ပြတ်နေသော သူတောင်းစား တစ်ယောက်ကို တွေ့ရပြီး နှာခေါင်းပိတ် ဝေးဝေးကရှောင်သွားဖို့ ကြိုးစားနေ စဉ် ကျနော့်သမီးလေး ထို သူတောင်းစားကြီးကို ဂရုဏာ မျက်စေ့ဖြင့်ကြည့် ပြီး သူမ မုန့်ဖိုးရတာလေးထဲမှ အကြွေတချို့ သူတောင်း စားကြီးခွက်ထဲ ထည့်နေရှာသည်။

2 ) ထိုမှတဆင့် ကားပါကင်ကိုရောက်ရာ မိုးရွာပြီး မိုးရေတချို့ စက်ဆီ တ ချို့ဖြင့် ညစ်ပေနေသော မြေပြင်ကို တွေ့ရပြီး ကျနော်က အော်ဂလီဆန်နေ စဉ် ကျနော့်သမီးလေးကတော့ ဒါကိုပင် သက်တန့်ရောင်စုံတစ်ခု တွေ့ရသည့် အလား ကျေနပ်ပျော်ရွှင်စွာ ကြည့်နေရှာသည်။

3 ) အဲဒီမှတဆင့် ကားလမ်းပြင်နေသော အလုပ်ကြမ်းသမားများ အနား ရောက်ရာ ဖုန်များ၊ အန္တရာယ်များ ဝိုင်းရံနေသည့် ထိုနေရာအနီးသို မသွားရန် သတိပေးမလို့ လုပ်နေစဉ်မှာ ကျနော့်သမီးလေးကတော့ မြို့တော် သာယာရေးအတွက် ပင်ပင်ပမ်းပမ်း အလုပ်လုပ်နေသော အလုပ်ကြမ်း သမားများကို ဂုဏ်ယူသောအကြည့်ဖြင့် ရှစ်မိနစ်ကြာအောင် ရပ်ကြည့်နေ ခဲ့သည်။

4 ) နေ့ခင်းမှာ တစ်ခုခုစားကြဖို့ တိုင်ပင်စဉ် ကျနော်က Starbucks ဆိုင်သွား ရန် အကြံပြုသည်။ ကျနော့်သမီးလေးက ကျနော့်လက်ကိုဆွဲပြီး ခေါက်ဆွဲ ဆိုင်ထဲ ခေါ်သွားခဲ့သည်။ အလွန် အရသာရှိတဲ့ နေ့လည်စာဖြစ်ခဲ့ကြောင်း ဝန်ခံရပါလမ့်မည်။ အကုန်အကျအားဖြင့် ကျနော်တို့စားသမျှ အားလုံး၏ ကျသင့်ငွေသည် ဒီဇိုင်းလှလှ ပြင်ဆင်ထားသည့် cappuccino.ကော်ဖီ တစ် ခွက်၏ တစ်ဝက်မျှပင် မရှိပါ။

5 ) ဒီနောက် ပျော်ပျော်ပါးပါးပင် အိမ်ပြန်လာခဲ့ကြသည်။ အိမ်မှာရှိ ခိုက် ကျနော်က စိတ်မပါ့တပါ ( မှင်သေသေဖြင့် ) စာအုပ်ထူထူ များ ကို ဖတ်နေစဉ် ကျနော့်သမီးလေးကတော့ ဟန်မလုပ်ဘဲ သူမကြိုက်သည့် ကာတွန်းကားကိုကြည့်ပြီး ရယ်ရွှယ်မဆုံး ဖြစ်နေရှာသည်။

6 ) နောက်ဆုံး ကျနော်တင်ပြလိုသည်မှာမီးဖိုထဲမှာ အသီးလှီးရင်း သမီးလေး ရဲ့လက်ကို ဓားရှမိသည်

" ဒါတွေကို မလုပ်ပါနဲ့၊ မကိုင်ပါနဲ့ပြောတာ ဘယ်တော့မှ နားမထောင်ဘူး " စသဖြင့် ကျနော်က ဆူမိ ငေါက်မိရာ ကျနော့်သမီးလေးက မျက်ရည်များဖြင့်
" ဟုတ်ကဲ့ ဒယ်ဒီ၊ သမီး နောက်မလုပ်တော့ပါဘူး " လို့ ဝန်ခံရှာသည်။

7 ) နောက် ဒေါသမပြေသေးတော့ ဟင်းချက်ဖို့ လှီးရင်းဖြတ်ရင်း ကျနော့် လက် ကိုလည်း ဓားအနည်းငယ် ရှမိပြန်သည်။ ဒီအခါ ကျနော့်သမီးလေးက

" ဖေကြီးလက် ဓားရှတာ ဘယ်လောက်များသွားသလဲ၊ ဖေကြီး လက် ကိုရေဆေး၊ သမီး အနာကပ် ပလာစတာသွားယူပေးမယ် "
ဆိုပြီး ကျနော့်ကို အားပေးနေရှာသည်။ နာနေသူကို ဆူဖို့ ငေါက်ဖို့ ဝေးရော။

ကျနော်လျှောက်ထားချင်တဲ့ရာထူးက သမီးလေးရဲ့ မောင်ငယ်ရာထူးပါ။ ကျနော်ဟာ သမီးလေးလောက် မရင့်ကျက်၊ သမီးလေးလောက် မရိုးသား တာ အမှန်ပါ။
ဖြစ်နိုင်လျင် ကျနော့်အသက် ( ၄၂ ) နှစ်ကို လျှော့ပေါ့ စဉ်းစားပေး ပါရန် မေတ္တာရပ်ခံအပ်ပါသည်။


( ရှေ့ပိုင်း က မစ္စတာဂျင်းမ် ကို မှီးပြီး အဆုံး 5,6,7သာ ကျနော့် အတွေးဖြစ်ပါတယ် )

မစ္စတာဂျင်းမ်  ရဲ့ ဆောင်းပါး

 ဇင်ဝေသော်

Read more

♥ အချစ်ရှိကြောင်း သက်သေ ♥

            အမှတ်တရ လက်ဆောင်ကဒ်တွေ ပေးဖို့ ရွေးချယ်စရာတွေ အများကြီးပဲဆိုတာ သတိထားမိကြမလား မသိဘူး။ ကျနော် တစ်ခု တွေ့ဖူးတယ်။ "Happy Birthday to my favorite cousin." တဲ့။ ဒီကဒ်လေးကို ဝယ်လိုက်တယ်။ ဒါပေမယ့် ကျနော့်မှာ ကာစင်က ရှစ်ယောက်တောင် ရှိတယ်။ ဒါနဲ့ နောက်ထပ် ခုနှစ်ခု ထပ်မှာတယ်။ "Happy Birthday to my non-favorite cousin." ဆိုတဲ့ စာတမ်းနဲ့။ ဒါက ဈေးကွက်မှာ မရှိဘူးတဲ့။

            အမှတ်တရ ကဒ်လေးတွေပေါ်မှာ ရေးထားတဲ့ စာတမ်းတွေက ပရော်ဖက်ရှင်နယ်သမားတွေအတွက် ပေါ့ပျက်ပျက် နိုင်လွန်းပါတယ်။ အဆိုးဆုံးက ချစ်သူများနေ့ အမှတ်တရကဒ်တွေ။ ပရော်ဖက်ရှင်နယ်ဆန်ဆန် ကိုယ့်အချစ်ကို ဖော်ပြလို့ ရနိုင်သလားလို့ တွေးမိတယ်။ စီးပွားရေးဆန်တဲ့ အမျိုးသားနဲ့ အမျိုးသမီး ပရိုပို့(စ်) လုပ်တဲ့အကြောင်း PG Wodehouse ဝတ္ထုထဲမှာဖတ်ခဲ့ရတာကိုအမှတ်ရမိတယ်။
            "မင်း ငွေကို ချစ်သလား" အမျိုးသားက မေးတယ်။
            "I do" လို့ အမျိုးသမီးက ဖြေတယ်။
            "Have mine" လို့ အမျိုးသားက ပြန်ပြောတယ်။ ဒါပါပဲ။

            အဲ့သလို ဝတ်စုံခန့်ခန့်ငြားငြားနဲ့ လူတွေ သုံးလို့ရနိုင်တဲ့  စလိုဂန်ပါတဲ့ ကဒ်ဆယ်ခု စိတ်ကူး ကြည့်မိတယ်။
၁။ မိမိနဲ့ သင့်တော်တဲ့ Mr. or Mrs. Right ကိုတွေ့ရင်
    "မင်းအပေါ်မှာ ကိုယ့်စိတ်ဝင်စားမှုက ဘဏ်အချင်းချင်း ပေးတဲ့ အတိုးနှုန်းထက် မြင့်နေပါပြီ"
၂။ အဆင်ပြေစ ပြုလာပြီဆိုရင်
    "မင်းကို မြင်ရတိုင်း ကိုယ့်ရင်ခုန်နှုန်းက ပွိုင့်လေးဆယ်အထိ တိုးတိုးလာတယ်"
၃။ ပထမဆုံးအနမ်း ပေးတော့မယ်ဆိုရင်
    "တို့နှစ်ယောက်ရဲ့ နှုတ်ခမ်းတွေဟာ Non-hostile margin ဆီကို ညွှန်ပြနေပါပြီ"
၎။ ကြိုက်ရာကနေ ချစ်လာကြပြီဆိုရင်
    "ကိုယ့်ဒူးတွေ တစ်ခါမှ မကြုံဘူးတဲ့ Liquidity ဖြစ်နေရပါပြီ"
၅။ တစ်ယောက်ကိုတစ်ယောက် စည်းရုံးရေး စပြီဆိုရင်
    "လာပါ၊ ကိုယ့်ရဲ့ နှစ်ခြိုက်လက်ခံစရာ Extensive portfolio ကို လာကြည့်ပါ"
၆။ ဝန်ခံကတိပြုကြဖို့ လိုလာပြီဆိုရင်
    "ကိုယ့်နှစ်လုံးသာဟာ Receivable ဖြစ်တယ်ဆိုတာ classify လုပ်ပါရစေ"
၇။ လက်ထပ်ခွင့် တောင်းတော့မယ်ဆိုရင်
    "ကိုယ့်ရဲ့ Long term liability ဖြစ်လှည့်ပါတော့လားကွာ"
၈။ လက်ထပ်လိုက်ကြပြီဆိုရင်တော့
    "အဆိုးပဲဖြစ်ဖြစ်၊ အကောင်းပဲဖြစ်ဖြစ် မင်းဟာ ကိုယ့်ရဲ့ တရားဥပဒေနဲ့အညီ လက်ထပ်ထားတဲ့ Hybrid annuity ပါ"
၉။ ကလေးယူတော့မယ်လို့ ဆုံးဖြတ်လိုက်ရင်
    "ကိုယ်တို့ မျိုးဆက်အသစ်လေးအတွက် Co-parent လုပ်လိုက်ပါ ဒါလင်ရယ်"
၁၀။ မိတ်ဆွေတွေနဲ့အတူ ဘားကို မသွားနိုင်တော့ဘူးဆိုရင်
    "ကိုယ် မတက်ရောက်နိုင်တာကို ခွင့်လွတ်ကြပါ။ ကြီးကြီးမားမား Fallout risk ကို ရှောင်ဖို့ ကိုယ့်စူပါဗိုက်ဆာကို ညနေတိုင်း ရီပို့(တ်) တင်ရမှာမို့ပါ"

            ချစ်ခြင်းတရားအကြောင်းကနေ စကားမစပ် ပြောရဦးမယ်။ စီးပွားရေးသမားတွေ အကြံဥာဏ်ယူရာမှာ Source နှစ်ခုကနေ ရအောင် ယူတတ်ကြတယ်ဆိုတဲ့ သုတေသနရှိတယ်။ တစ်ခုက စာရင်းကိုင်ဆီက ဖြစ်ပြီး နောက်တစ်ခုကတော့ အိပ်ယာထဲကပါ။ စာရင်းကိုင်က နံပါတ်တစ်၊ နံပါတ်နှစ်က ဇနီး (သို့) ခင်ပွန်းပါ။ Non-executive ဒါရိုက်တာက နံပါတ်သုံး ရောက်သွားပါတယ်။

            ဒီသီအိုရီကို စမ်းသက်တဲ့အနေနဲ့ မေးခွန်းတစ်ခုထဲကိုပဲ ကျနော့်ဇနီးဆီနဲ့ မိတ်ဆွေစာရင်းကိုင်ဆီ ပို့ပြီး မေးမြန်းခဲ့ပါတယ်။
၁။ ဘာဖြစ်လို့ ကြက်တွေ လမ်းဖြတ်ပြီး ဟိုဘက်ကို ကူးကြတာလဲ။
    ဇနီး။      ။ ဟိုဘက် ရောက်အောင်လို့။
    စာရင်းကိုင်။      ။ ပိုပြီး Favorable tax jurisdiction ဖြစ်တဲ့နေရာကို ရောက်အောင်လို့။

၂။ ၂ နဲ့ ၂ ပေါင်းရင် ဘယ်လောက်လဲ။
    ဇနီး။    ။ လေး။
    စာရင်းကိုင်။    ။ အခွန်ပေးပြီးလား၊ မပေးခင်လား။

၃။ ယောက်ျားတွေက သူတို့ခံစားချက်ကို ဘာဖြစ်လို့ ဖွင့်မပြောကြတာလဲ။
    ဇနီး။    ။ ခံစားချက် မရှိလို့။
    စာရင်းကိုင်။    ။ ဒါတွေကို ရက်ကော့လုပ်ထားဖို့ သင့်တော်တဲ့ Form မရှိလို့။

၎။ ပျော်ရွှင်မှုရဲ့ လျှို့ဝှက်ချက်က ဘာလဲ။
    ဇနီး။    ။ စကားသုံးလုံး၊ I love you.
    စာရင်းကိုင်။    ။ စကားသုံးလုံး၊ "Cashier's cheque enclosed."

၅။ ဘာဖြစ်လို့ ဒုက္ခရောက်ရတာလဲ။
    ဇနီး။    ။ ရှင်မစွံလို့၊ ဒီဝိကင်းမှာတော့ အရောင်းနည်းနည်း တက်လာတယ်။ ရှင် ပြန်ကြိုးစားရင် ရမယ်။
    စာရင်းကိုင်။ ရှင်ဖိုင်(လ်)လုပ်တာ နောက်ကျလို့။

၆။ အချစ်ကို ယုံကြည်သလား။
    ဇနီး။    ။ ယုံကြည်လို့ ရှင့်လိုလူကို လက်ထပ်ထားတာပေါ့။
    စာရင်းကိုင်။    ။ လက်တွေ့ကျကျ ဖြေရရင် "နိုး"။ ရလာတဲ့ အကျိုးအမြတ်က Tangible မဖြစ်သလို off-balance sheet လည်း ဖြစ်နေပြန်တယ်။

၇။ ဘဝသံသရာဆိုတာ ရှိသလား။
    ဇနီး။    ။ ရှိတယ်။ တစ်နေ့ကျရင် တာဝန်ဝတ္တရားတွေ၊ ဝိတ်ချခြင်းတွေအားလုံးကို စွန့်ပြီး ကောင်းကင်ဘုံကို သွားကြရမယ်။
    စာရင်းကိုင်။    ။ ရှိတယ်ဆိုရင်တောင် ရှင်တို့ ပိုင်ဆိုင်သမျှကို ထရန်စဖာလုပ်လို့ ရမယ့် Ownership ကို ရှာဖွေ မတွေ့သေးဘူး။
  
            ဗယ်လင်တိုင်းလို့ ခေါ်တဲ့ အင်္ဂလိပ်လူမျိုးတစ်ယောက်နဲ့ အလုပ်အတူတူ လုပ်ခဲ့ရဖူးတယ်။ ဖေဖဝါရီ (၁၄) ရက်နေ့မှာ မွေးတာလားလို့ လူတွေက မေးတိုင်း မဟုတ်ဘူး၊ နိုဝင်ဘာမှာ မွေးတာလို့ဖြေတတ်တယ်။ ဘာဖြစ်လို့လဲလို့ မေးရင် ချက်ချင်းပဲ၊ "ဖေဖဝါရီမှာ မွေးဖို့ပါပဲ။ ကျနော့်ခန္ဓာကိုယ်က ကြီးလွန်းနေတော့ နိုဝင်ဘာရောက်မှ မွေးတာ ပြီးသွားတယ်" လို့ ခပ်နောက်နောက် ဖြေတတ်တယ်။

            ဘာပဲဖြစ်ဖြစ် ကျနော့်ချစ်သူတွေအားလုံးကို ကျနော် မေတ္တာပို့ပါတယ်။ အထူးသဖြင့်တော့ ကျနော့်ရဲ့ Non-favorite cousin (၇)ယောက်တို့ကိုပေါ့။

Proof that love Exists
by Nury Vittachi

အဲ နယူးရီးယားနဲ့ ဗယ်လင်တိုင်းဒေး ပို့စ် လွဲတင်မိပြီ။

ဘယ်လိုပဲဖြစ်ဖြစ် 

ကမ်းလက် ကို ဖေးဘရိတ်ဖြစ်သူများရော

ဖေးဘရိတ်မဖြစ်သူများပါ အားလုံးပဲ

နှစ်သစ်ကို ပျော်ရွှင်ချမ်းမြေ့ စွာ

ဆီးကြိုပွေ့ဖက် ဖြတ်သန်းနိုင်ကြပါစေ။

ပေါ့ပေါ့ပါးပါးလေးပါ

Thank You All !
See You Next Year.

ဇင်ဝေသော်

 ကမ်းလက် 

Read more

မော်ဒန် ကလေးအဖေအသစ်များအတွက် Baby Manual

Microswift Baby 0.1 ကို မှာယူတဲ့အတွက် ကျေးဇူးတင်ပါသည်။ ရိုရိုသေသေ ကိုင်တွယ်မည်ဆိုလျှင် သင့်ကို နှစ်ပေါင်းများစွာ ပျော်ရွှင်စေပါ လိမ့်မည်။
But first, take a moment to register. Click here to register now.

Baby 0.1. ကို အသုံးမပြုမီ အောက်ပါလမ်းညွှန်ချက်များကို သေသေချာချာ ဖတ်ပါ။
သင့်ရဲ့ Microswift Baby 1.0 သည် Microswift Woman 2.0. ခေါ်သည့် container နဲ့အတူ ရောက်ရှိလာမည်ဖြစ်သည်။ ထို container ကို စနစ်တ ကျ ထားရမည်၊ မအေးလွန်း၊ မပူလွန်းသော ရာသီဥတုနှင့်ကိုက်ညီသည်။ ထို container ကို လွှတ်မချရ၊ အလေးအပင်များ သယ်ဆောင်ရန် မခိုင်းရ။ သို့သော် မည်မျှ ဂရုစိုက်စေ ထို container က မထင်မှတ်သော တုန့်ပြန်မှု ရှိနေတတ်သည်။ ဖြစ်ရိုးဖြစ်စဉ်ဟုသာ သဘောထားပါ။

( ၁ )
ပထမဆုံး Baby 0.1. ကို container မှ ထုတ်ယူရမည်။ ထိုအခါ အခက်အခဲ အနည်းငယ်ရှိနိုင်သည်၊ စိုးရိမ်စရာ မရှိပါ။ အထူးသတိပြုရန်မှာ Baby 0.1. ကို ထုတ်ယူရာ၌ ကျောက်လှည့်၊ တူ၊ ရဲတင်း စသည်တို့ကို မသုံးရန်ဖြစ်သည်။
သင်တွေ့ရမည့် ပစ္စည်းတို့သည်
Baby 0.1
Placenta
Umbilical cord တို့ဖြစ်သည်။
(If any of these are not present, please see your dealer.)

( ၂ )
Once Baby 1.0 is out of the package၊ သူကိုယ်တိုင် စတင် အလုပ်လုပ် မည်။ အလုပ်မလုပ်သေးဘူးဆိုလျင် တင်ပါးလိုနေရာမှာ ညင်သာစွာ ပုတ်ပေး လိုက်ပါ။ ( ရဲတင်း စသည် မသုံးရ )
အလုပ်လုပ်ခြင်းဟူသည် " အူဝဲ အူဝဲ အူဝဲ " ဟူသော အသံထွက်လာခြင်း ကို ဆိုလိုသည်။ ထို အူဝဲကြောင့် စိုးရိမ်စရာမရှိ။

( ၃ )
Baby 0.1 အပြင်ရောက်လာပြီးနောက် ဘက်ထရီ ချက်ချင်းသွင်းထားရမည်။ ဘက်ထရီသွင်းရန် container ၏ storage device နှစ်ခုမှ တစ်ခုခု နှင့် ဆက်သွယ်ထားရမည်။ ဆက်သွယ်ရာ၌ Baby 1.0 ၏ မျက်နှာပေါ်ရှိ နှင်း ဆီနုရောင် ဂျက်ပင်အပေါက်နှင့် ( သူ့ကို Mouth ဟု တက်ကနီကယ် တမ်း ဖြင့် ခေါ်သည် ) ဆက်သွယ်မှသာ ဘက်ထရီဝင်မည်။ အခြားဂျက်ပင်အပေါက်များနှင့် ( ဥပမာ Ear or Nostril ) ဆက်သွယ်လျှင် ဘက်ထရီ လုံးဝ မဝင်ကြောင်း သတိပြုပါ။
ဘက်ထရီ တစ်ခါသွင်းထားလျှင် နာရီအတော်ကြာ ခံသည်၊သို့သော် ဘက်ထ ရီကို ပုံမှန်သွင်းပေးရမည်၊ ပုံမှန်ဆိုရာ၌ ညချိန်ပါ ပါဝင်သည်။

( ၄ )
Baby 0. 1 ကို ဘက်ထရီသွင်းရာ၌ မူလ အော်ရီဂျင်နယ် container ၏ storage device နှစ်ခုကိုသာ အမြဲ အသုံးပြုဖို့လိုအပ်သည်။ သို့မဟုတ်ပါက ရေရှည်၌ Baby 0.1 ၏ ပါဖောင်မင့်ကို တနည်းမဟုတ် တနည်း ထိခိုက်လာနိုင်သည်။
၎င်း Baby 0.1 ညစ်ပတ် ပေရေခဲ့သော် washing machine ထဲ ထည့်ပြီး မလျှော်ရ၊ တစ်ရှူး ( သို့ ) နူးညံ့သောအဝတ်ဖြင့်သာ သန့်စင်ပေးရမည်။ ထိုထက်ပိုပြီး ဆိုးရွားသော် ( သို့ ) Baby 0.1 မှ မကောင်းသော အနံ့အသက် လိကောက် ( ယိုစိမ့် ) ဖြစ်သော် သင်ကိုယ်တိုင် ဖြေရှင်းမရတော့ပါ။ ထိုကိစ္စကို ဖြေရှင်းရန် Woman 2.0 ထံ ပြန်ပို့ပေးပါ။

( ၅ )
Enjoy Baby 0.1 ။ သင့် ဆွေမျိုးများ၊ မိတ်ဆွေမျာကို ပြနိုင်သည်၊
Baby 0.1 ကို လက်ခံ၊ သုံးစွဲပြီးသည့်နောက် နောက်ထပ် Microswift Babies.များ ဆက်လက်လိုချင်လာလိမ့်မည်ဟု ကျွန်ုပ်တို့ ယုံကြည်မိပါသည်။
And if you don’t – well, there’s a no returns policy. So get used to it.

Ref : The Baby Manual The for Modern Men
By: Mr Jam

 ဇင်ဝေသော်

Read more

ဒါ့ကြောင့် ကလေးယူကြတယ်

“ ကလေးတစ်ယောက် လူလားမြောက်အောင် ပြုစုပျိုးထောင်ဖို့ ဘယ်လောက် ကုန်ကျမလဲ ဆိုတာ လူ တော်တော် များများ နေ့တိုင်း ဂဏန်းပေါင်းစက်နဲ့ မတွက်ကြတာဟာ ကံကောင်းတာပဲ။ နို့မိုတော့ ကျနော်တို့ လူသား မျိုးဆက်တော့ တုန်းပြီ ”

Maureen Rice ဆိုတဲ့ ယူကေ သုတေသန ဆရာက သူ့ရဲ့ " The Parent Trap " စာအုပ်မိတ်ဆက်စဉ် သတင်းထောက်တွေကို ပြောခဲ့တယ်။

ကလေးတစ်ယောက် လူလားမြောက်အောင် ပြုစုပျိုးထောင်ဖို့ ကုန်ကျ ငွေ တွက်ကြည့် ရင်.......
အမေရိက မြို့ကြီးတွေမှာဆို ဒေါ်လာ သုံးသိန်းခွဲ
လန်ဒန်လို မြို့မှာ ပေါင် နှစ်သိန်းခွဲ
ဟောင်ကောင် မှာဆို ဟောင်ကောင် ဒေါ်လာ ၅ မီလီယံ လောက် ကုန်ကျတယ်။
ဒီငွေ ပမာဏ က ကွန်ဒို အလတ်စား အိမ်တစ်လုံး ဝယ်လို့ ရတယ်။

ကလေးယူတာကိုပဲ ဈေးကွက် တွက်တတ်တဲ့ မိဘ တချို့က
" တစ်ယောက်တည်းယူထားလို့ အဲသလောက် ကုန်တာ၊ အများကြီး ယူလိုက်ရင် အဲသလောက် မကုန်ကျတော့ဘူး " ပြောသူတွေရှိတယ်။
ရယ်ရပေမယ့် သိပ်တော့ မစွံလှပါဘူး။ ကလေး သုံးယောက် အပ် လို့ ဈေးလျှော့ယူတဲ့ ကျောင်း၊ ၅ ယောက်ဝင်စားလို့ ဈေးလျှော့ယူတဲ့ ထမင်းဆိုင် စတာတွေ မတွေ့မိပါဘူး။ ကျနော် တွက်ကြည့်တယ်၊ ကလေးတစ်ယောက် လူလားမြောက်အောင် ပြုစုပျိုးထောင်ရာမှာ တစ်နာရီ ( ဟောင်ကောင်ငွေ ) သုံး ဒေါ်လာကုန်တယ်။

ဒါဖြင့် ဘာဖြစ်လို့များ ကျနော်တို့ ကလေးယူကြတာလဲ၊ သူတို့ဆီက ပြန်ရတာတွေ အများကြီး၊ ဖရီး။

သူတို့ကြီးလာမှ ဘာလေးတွေပဲဖြစ်ဖြစ် သူတို့နဲ့ ပတ်သက်လုိ့ လေထဲ အိမ်ဆောက် စိတ်ကူးယဉ်ခွင့် ရတယ်။
အပြင်ထွက်တိုင်း လက်တွဲခေါ်စရာ လူ အမြဲရှိတယ်။
အလှဆုံး ရေခဲသေတ္တာရှိတယ် ( အရုပ်တွေ ဆွဲ၊ အရုပ်တွေ ကပ် )
ကာတွန်းကားတွေ လွတ်လွတ် လပ်လပ် ကြည့်ခွင့်ရှိတယ် ( နို့မို့ ကလေး ရိုဟိန်ဂျာ အပြောခံရမှာ စိုးလို့ လွတ်လွတ် လပ်လပ်မ ကြည့်ရဲဘူး )
တစ်ခါမှ မရောက်ဖူးတဲ့ သည်းခြံခင်း ရေမှတ်ကို ရောက်ရတယ်။

" anger management course " ကို တစ်ပြားမှ မကုန်ဘဲ တက်ခွင့်ရတယ်။
တစ်ကိုယ်လုံး ပြန့်နေတဲ့ ချစ်ခြင်းမေတ္တာတွေ ရတယ်။
တစ်နေ့ကို အနည်းဆုံး သုံးကြိမ် အဖက် ခံရတယ်၊ တစ်နှစ်ဆို ၁၀၉၅ ကြိမ်။
သူတို့လေးတွေ အတောင်စုံလို့ " ပျံ " သွားကြတော့ အသည်းကွဲခွင့် ရတယ်။

ကဲ ...ကွန်ဒို အိမ်တစ်လုံးရှိရုံနဲ့ ဒါတွေ ဘယ်ကရနိုင်မလဲ။

Ref: Mr. Jam. A shocker: how much it costs to raise a child

 ကမ်းလက် 

Read more

Quote for today

1 ) Quote for today.

" This is the best bad idea we have " ( Tay Yek Keak )

2 ) Life is like that ( on the FB relationship. )
1st ) Single
2nd )In a relationship
3rd ) Engaged
4th ) Married
5th ) It’s complicated
6th ) Separated
7th ) Divorced
( Mr. Jam )

 ကမ်းလက် 

Read more

လူမှုရေး အကြံပေး အန်ကယ် ဂျင်မ်

လေးလေး ရှင့်
ကျမသားလေးဟာ မန်ချက်စတာ ယူနိုက်တက်က လွဲရင် ဘာကိုမှ စိတ် မဝင်စားပါဘူး။ အေစီ မီလန် နဲ့ လိုက်(ဖ်) ရှိုး ရှိလို့ဆိုပြီး သူ့ အဖွားရဲ့ ဈာပန ကိုတောင် မလိုက်လာနိုင်ပါဘူး။ အိမ်မှာ ဘောလုံးပွဲ ကြည့်နေရစ်ခဲ့ပါတယ်။ ကျမတို့ အားလုံးလည်း အိမ်ပြန်ရောက်ရော မန်ယူက ဂိုးရသွားလို့တဲ့ က ခုန် လို့တောင်နေပါသေးတယ်ရှင်။ သူနဲ့ ပတ်သက်လို့ ကျမ အရမ်း စိတ်ပူရပါတယ်။ သူ့ အဖေလည်း မရှိရှာတော့ပါဘူး။ ကျမ ဘာလုပ်သင့်သလဲ ဆိုတာ အကြံပေး ပါဦးရှင်။
စိုးရမ်နေတဲ့ မိခင်။

စိုးရမ်နေတဲ့ မိခင် ခင်ဗျား၊
ဒါဟာ တကယ် စိတ်ပူရမယ့် အနေအထားပါ။ သာမန်ကလေး တစ်ယောက် အနေနဲ့ မန်ယူ ရတဲ့ဂိုးနဲ့ပတ်သက်ပြီး ဒီလောက်ဖြစ်မနေသင့်ပါဘူး။ အဲဒီဂိုးက လူကျွံ ဘောကြီးပါ၊ ဒိုင်လူကြီးကသာ အကန်းမို့ မမြင်တာပါ။ လူကျွံ ဘောဆိုတာ လူတိုင်းသိပါတယ်။ ဒါကြောင့် သားဖြစ်သူကို ဂိုးဝင်သွားတဲ့နေရာမှာ စလိုး မိုးရှင်း ထပ် ထပ်ကြည့်ပေးဖို့ ဆုံးမပေးပါ။ ဒါဆို အမှန်တရားကို သူ နားလည်လာမှာပါ။
ဦးဦးဂျင်းမ်။

လေးလေး ရှင့်
ကျမ သားလေးက အခု ၁၇ နှစ် ပြည့်ပါပြီ။ သူ ကျောင်းသွားလို့ မိနစ် ၂၀ လောက် ကြာတော့ သူ ဆရာမဆီက ပို့လိုက်တဲ့ မက်ဆေ့ဂ်ျ အိမ်က ကွန်ပျူတာမှာ ပေါ်လာပါတယ်။ သူ ဆရာမက ကျောင်းဆင်းအပြီး ရက်စတောရင့် ကို လာခဲ့ဖို့ ချိန်းလိုက်တဲ့ မက်ဆေ့ဂ်ျပါ။ သတင်းစာတွေထဲမှာလည်း ဒါမျိုးတွေ ဖတ်ဖတ်နေရတော့ အဲဒီ မက်ဆေ့ဂ်ျနဲ့ ပတ်သက်ပြီး သားလေးအတွက် အရမ်းစိတ်ပူတာပဲ။ ကျမ ဘာလုပ်သင့်သလဲ ဆိုတာ အကြံပေး ပါဦးရှင်။
သားသောက မိခင်

သားသောက မိခင် ခင်ဗျား
အဲဒီ မက်ဆေ့ဂ်ျနဲ့ ပတ်သက်ပြီး စိုးရိမ်စိတ် သိပ်မဖြစ်ဖို့ ပြောချင်ပါတယ်။ အဲသလို မက်ဆေ့ဂ်ျတွေဟာ ၅ မိနစ်အတွင်း အလိုလို ပျောက်သွားနိုင်ပါတယ်။ ဒီပြဿနာမျိုး နောက်ထပ် မကြုံရအောင် MSN version 7.0 ကို Upgrade လုပ်ထားဖုိ့ အကြံပေးလိုပါတယ်။
လေးလေး။

အန်ကယ် ရှင့်
ကျမ အမျိုးသားဟာ အရင် လ ကပဲ အိမ်မှာ CCTV တပ်ဆင်တားခဲ့ပါတယ်။ ပြဿနာက အဲဒီက စ တာပါ။ ကျမတို့ ကားရပ်တဲ့နေရာမှာ အရင်ညက အမျိုးသား တစ်ယောက်နဲ့ အမျိုးသမီး တစ်ယောက် ဖက်နေတာကို တွေ့ရပါတယ်။ ပုံက သိပ် မရှင်းလှပေမယ့် အဲဒါ ကျမ အမျိုးသားနဲ့ အိမ်ဘေးက အမျိုးသမီးဆိုတာ ကျမသိပါတယ်။ အဲဒီပုံကြောင့် ကျမ စိတ်ပူနေရပါတယ်။ ဘာလုပ်သင့်တယ်ဆိုတာ ပြောပေးပါဦးရှင်။ ကျေးဇူတင်ပါတယ်။
အသည်းကွဲ ဇနီး။

အသည်းကွဲ ဇနီးခင်ဗျား
ဒီ ပုံတွေကြောင့် ဖြစ်နေရတဲ့ သောကတွေ ဖျောက်လိုက်ပါတော့။ CCTV ရဲ့ ဝါယာတွေ အသစ်လဲ ပြီး High Definition ကင်မရာ ထပ်ဆင်လိုက်ပါ၊ NVidia လို တံဆိပ်မျိုး သုံးလိုက်ရင် ဘာမှ စိုးရိမ်စရာ မရှိတော့ပါဘူး။ ပုံတွေအားလုံး ကြည်လင် ပြတ်သားစွာ တွေ့ရတော့မှာပါ။ အားလုံး အိုကေ သွားပါလိမ့်မယ်။
ဦးဦးဂျင်းမ်။

အန်ကယ် ရှင့်
ကျမအမျိုးသားက ကလေးကျောင်းစားရိတ် အတွက် ဘေးဖယ်ထားတဲ့ ငွေတွေနဲ့ ရိုးလက် နာရီ ဝယ်ချင်တယ်လို့ ပြောနေပါတယ်ရှင်၊ သူ့ကို ဝတ်စေချင်ပေမယ့် ကလေး ပညာရေးထဲကတော့ ယူ မသုံးချင်ပါဘူး။ သူလည်း အခံမခက်အောင် ကျမအမျိုးသားကို ဘယ်လို ပြောသင့်ပါသလဲ ရှင်။
အိမ်ထောင်ရှင်။

အိမ်ထောင်ရှင် ခင်ဗျား
ကြားရတာ စိတ်မကောင်းပါဘူး။ သူ့အနေနဲ့ ဒါမျိုး လုံးဝ မလုပ်သင့်ပါဘူး။ ရိုးလက်က ခေတ်ကုန်နေပါပြီ။ အခု ဂျိန်းစဘွန်း မင်းသားအသစ်ဆိုရင် အိုမီဂါ ပဲ ပတ်ပါတော့တယ်။ ဒါကြောင့် အမျိုးသားကို ခေတ်နဲ့ အညီ ရိုးလက်အစား အိုမီဂါကိုပဲဝယ်ဖို့ သူနားဝင်အောင် ပြောပေးလိုက်ပါ။ အဆင်ပြေသွားပါလိမ့်မယ်။
အန်ကယ်။     ။

ဇင်ဝေသော်

Read more

သေနတ်အကြောင်း ပြောကြည့်မယ်

အရင်ဆုံး ဂလိုဘယ် ပိုလိစ် အမေရိကန်တွေနဲ့ စ ချင်ပါတယ်။
အမေရိကန် လက်နက်သိုလှောင်ရုံတွေရဲ့ ဆောင်ပုဒ်က "When guns are outlawed, only outlaws will have guns."   တဲ့။

၁။ နယူး မက္ကစီကိုပြည်နယ် Vaughn  မြို့မှာ လူဦးရေ ငါးရာလောက် ရှိပါတယ်။ သူတို့အားလုံးဟာ ( ရဲ အရာရှိ နှစ်ယောက်က လွဲရင် ) လွတ်လွတ် လပ်လပ် တရားဝင် သေနတ် ကိုင်ဆောင်ခွင့် ရှိကြပါ သတဲ့။
အဲ ဒါပေမယ့် အဲဒီ ရဲ အရာရှိ နှစ်ယောက်ကတော့ အကြမ်းဖက်မှု သမိုင်းရှိနေတော့  သေနတ် ကိုင်ဆောင်ခွင့် မရှိကြပါဘူး။
အမှု အခင်းဖြစ်လို့ ရဲတွေက သတိပေးတဲ့ အခါ
" လက်ထဲက လက်နက်ကို ချလိုက်ပါ၊ မဟုတ်ရင် ကျနော်တို့က ပက်ပက် စက်စက် ဆဲရပါလိမ့်မယ် " တဲ့။

၂။ ဖိလ်ပိုင် နိုင်ငံ ရဲ့ သေနတ်ကိုင် ပစ်သတ်မှုက ဥရောပတိုက်ထက် ပိုများပါ သတဲ့၊ ပြီးတော့ နယူးယောက်မြို့ မူကြိုကျောင်းတွေက  သေနတ်ကိုင် ပစ်သတ်မှု ထက်လည်း  ပိုများပါ သတဲ့။
သူတို့ရဲ့ ခရစ္စမတ် လက်ဆောင်ကကို " Give your loved one a Handgun this Christmas. "  (ဟန်းဖုန်း မပေးကြပါ၊ ဟန်းဂန်းပဲ ပေးကြတယ် )

၃။ အိန္ဒိယ မှာလည်း နိုင်ငံရေး သမားတွေက လွဲရင်  သေနတ်ကိုင်ဆောင်ခွင့် မရှိပါဘူး။
ကိုင်ဆောင်ခွင့် ရလို့ ကိုင်ဆောင်သူတွေရဲ့ နောက်ကြောင်းကို ပြန်ကြည့်တော့ ရာဇဝတ်မှုတွေ စုံနေပါတယ်။ လုယက်မှု၊ ဓားပြတိုက်မှု၊ သတ်ဖြတ်မှု စတဲ့ အမှု ၁၈ မှု ရှိပါသတဲ့။
အဲဒီ ၁၈ မှု ထဲမှာ ဆံပင်ပုံစံ ကိုးယို့ ကားယား ညှပ်ထားလို့ ဆိုပြီး ပစ်သတ်လိုက်မှုတောင် ပါဝင်နေပါတယ်။

၎။ တရုတ်ပြည် မှာလည်း သေနတ်နဲ့ အခြားလူကို ပစ်ရင် သေဒဏ်ပါ။ ဒါပေမယ့် အစိုးရအတွက် ပစ်ပေးတာဆိုရင်တော့ ရာထူး နှစ်ဆင့် ခုန် တက် သွားပါတယ်။
(မစ္စတာ ဂျင်းမ် )

၅။ ဖြစ်နိုင်ရင် အကူအညီတောင်းချင်လို့ပါ။
ရွှေဝါရောင် တော်လှန်ရေးတုန်းက လက်ကိုင်ဖုန်းနဲ့ သေနတ် အကြမ်းဖက်သမားတော့ မြန်မာ ပါလီမန်တွေထဲ မှာ တွေ့လိုက်ရပါတယ်။
ဂျပန် သတင်းထောက်ကို ပစ်သတ်ခဲ့တဲ့  သေနတ် အကြမ်းဖက်သမား ဘယ်ရောက်နေသလဲ သိချင်လို့ပါ။ ကျေးဇူးဆပ်ပါမယ်။
မြန်မာအကြောင်း လေ့လာသူတွေက " အစိုးရအတွက် ပစ်ပေးတာဆိုရင်  မြန်မာပြည်မှာက  တရုတ်ပြည်လို ရာထူး နှစ်ဆင့် မဟုတ်၊ ရာထူး ရှစ်ဆင့် တက်သွားတယ် " လို့ ပြောနေကြလို့ပါ။
ဘာပဲပြောပြော နောက်ဆုးံတော့ " When guns are outlawed, only outlaws will have guns." ပဲ မဟုတ်လား။

ဇင်ဝေသော်

Read more

လူရှင်းရတဲ့ နတ်အငြင်းပွါးမှု

ဒီခေတ်ကြီးဟာ လူတရားသူကြီးက နတ်နှစ်ပါးအငြင်းပွါးမှုကို ဖြေရှင်းပေးရတဲ့ ခေတ်ရောက်လာပါပြီ။ အထူးသဖြင့်တော့ နတ်ပေါ်ပြူလေးရှင်းပိုများတဲ့ အာရှတိုက်မှာပေါ့။ အနောက်ကတရားသူကြီးတွေလည်း ဒါမျိုးလေးတွေ ကြုံတွေ့စေချင်ပါတယ်။ ဒါပေမယ့် အနောက်က တရားသူကြီးတွေကတော့ နတ်လို့ကိုယ့်ကိုကိုယ်ထင်နေတဲ့ ပုဂ္ဂိုလ်တွေနဲ့တင် တော်တော်အကြပ်ရိုက်နေကြရရှာတာပါ။

ဘာပဲဖြစ်ဖြစ် အိန္ဒိယက တရားသူကြီး ဒေး(ဗ်) ဒါရှန်ဓုဒ်ကတော့ နှစ်ပေါင်းများစွာ အငြင်းပွါးမှုဖြစ်နေတဲ့ နတ်နှစ်ပါးအကြား ကြားဝင်ဖျန်ဖြေပေးနိုင်ခဲ့ပါတယ်။

အဲဒီ နတ်နှစ်ပါးက ရှရင်ဂါ ရီရှိနဲ့ ဘာလုနဂါးနတ်တို့ဖြစ်ပါတယ်။ နတ်ပေါင်း(၂၀၀) ကျော်ထဲမှာ သူတို့နှစ်ယောက် ဘယ်သူကရာထူးပိုမြင့်သလဲဆိုတာ အငြင်းပွါးလာလိုက်ကြတာ ၁၉၇၁- ခုနှစ်ကတည်းကလို့ အင်ဒိုအာရှသတင်းဌာန (Indo- Asian News Service) က ဖော်ပြခဲ့ပါတယ်။ ဒါကိုထောက်ရင် စစ်တပ်တွင်း ဗိုလ်ချုပ်ကြီးတွေ ရာထူးလုတာက ဘာမှ မထူးဆန်းတော့သလိုပါပဲ။

ဒါကို အမြင်ကတ်တဲ့ နတ်ပွဲဖြစ်မြောက်ရေးကော်မတီက နတ်နှစ်ပါးစလုံးကို နတ်အဖွဲ့အစည်းထဲကနေ ဒဏ်ခတ်ပြီး သူတို့အပြစ်တွေကို ကုစားဖို့ တုလုတောင်ကြားကို ပို့လိုက်ကြပါသတဲ့။ အဲဒီ တုလုတောင်ကြားကလည်း နတ်နဲ့မစိမ်းတဲ့ဒေသမို့ ဒေဝဘူမိ(နတ်နန်း) လို့ခေါ်ပါတယ်။

ဒါပေမယ့် ဒီကိစ္စက အခုတော့ ပြေလည်သွားပါပြီ။ Himachal ဒေသတရားရုံးချုပ်က ဖြေရှင်းလိုက်နိုင်ခဲ့ပါပြီ။ ရှရင်ဂါ ရီရှိကို အကိုကြီးတစ်ယောက်အနေနဲ့ နံပါတ်(၂) နေရာကိုပေးပြီး ဘာလုနဂါးကိုတော့ ညီငယ်တစ်ယောက်အနေနဲ့ နံပါတ်သုံးရာထူးကို ပေးလိုက်ပါသတဲ့။

နတ်နှစ်ပါးကတော့ သဘောတူကြပုံရပါတယ်။ ဘာမှ အထွန့်မတက်ကြပါဘူး။ သူတို့နောက်ကလူတွေကတော့ တောင်ပြောမြောက်ပြော ပြောကြပါတယ်။ ဒီလူတွေအတွက်တော့ အချိန်ကုန်ခံမနေတော့ပါဘူး။ ကျွန်တော့် စာဖတ်ပရိသတ်တစ်ယောက်ဖြစ်တဲ့ ဂေါ်ရီ ဆင်း ပြောတာပဲ သဘောကျတယ်။ “အဲသလို အူကြောင်ကြား ဇာတ်လမ်းတွေရှိနေလို့ အိန္ဒိယမှာ နေ နေတာ” တဲ့။

မိုက်တယ်။ လူတရားသူကြီးက စူပါနယ်ချရယ် အငြင်းပွါးမှုကို ဖြေရှင်းပေးနိုင်တယ်။

တရားသူကြီး ဒေဝဒါရှန်ကို ဖြစ်နိုင်ရင် အကူအညီတောင်းပြီး အခြားနတ်အငြင်းပွါးမှုတွေကိုလည်း ဖြေရှင်းပေးဖို့တောင်းဆိုချင်တယ်။

ဥပမာ- ဂျပန်နိုင်ငံ ဟီမေဂျီ(Himeji) ရဲတိုက်က အိုကီကု (Okiku) ဆိုတဲ့ နတ်အတွက်ပါ။ ညညမှာ သူက တံတိုင်းကနေတက်တက်လာပြီး တစ်ကနေ ကိုးအထိရေတွက်တတ်တယ်။ ပြီးတော့ ငယ်သံပါအောင်အော်ပြီး ငိုတတ်တယ်။ အဖြစ်အမှန်ဇာတ်လမ်းကို မသိရင်တော့ သွေးပျက်စရာပေါ့။ ဖြစ်ပုံက အိုကီကုဟာ ပန်းကန်ဆယ်လုံးစုံကနေ တစ်လုံးကျကွဲလို့ သေဒဏ်ပေးခံလိုက်ရတာကနေ နတ်ဖြစ်လာတာပါ။

တရားသူကြီးက ဒီလိုအမိန့်ချကောင်းချနိုင်ပါတယ်။ ပန်းကန်ကိုးလုံးပဲရှိတဲ့အစုံဟာ ပန်းကန်ဆယ်လုံးရှိတဲ့ ပန်းကန်အစုံထက် အော်ဖစ်ရှယ်လီ အဆင့်ပိုမြင့်တယ်။ လူပြည်မှာပဲဖြစ်ဖြစ်၊ နတ်ပြည်မှာပဲဖြစ်ဖြစ်။

အင်ဒိုနီးရှားနိုင်ငံ၊ ဂျာဗားမှာလည်း ပင်လယ်စောင့်နတ် ရိုယို ကီနူး(လ်) Roro Kidul ဆိုတာရှိပါတယ်။ သူမကတော့ သူမအထွက်အမြတ်ထားတဲ့ အစိမ်းရောင်ကို ဝတ်ထားတဲ့ တိုးရစ်တိုင်းကို ပင်လယ်ထဲ ဆွဲနှစ်တတ်ပါတယ်။

ဒါဆိုရင် တရားသူကြီးက အစိမ်းရောင်ဘီကီနီဟာ လူ့ပြည်၊ နတ်ပြည် နှစ်ပြည်လုံးမှာ တရားမဝင်လို့ အမိန့်ထုတ်စရာရှိပါတယ်။

တရားသူကြီးဟာ ဘယ်လောက်ပဲစွမ်းစွမ်း သူ့ကိုယ်သူ နတ်လို့ထင်နေတဲ့ ပုဂ္ဂိုလ်တွေကိုတော့ ဝေးဝေးကရှောင်ရမယ့်သဘောပါ။ ဟုတ်ကဲ့- ကျွန်တော် ခင်ဗျားကိုပြောနေတာပါ ဒေါ်နယ်ထရန့်(ပ်)လို့ Nury Vittachi က အဆုံးသတ်ထားပါတယ်။

နတ်နဲ့ နမ်းစား နမ်းစေ

သူ့ဆောင်းပါးကိုဖတ်ပြီး အဖေပြောဖူးတဲ့ နတ်ပုံပြင်ကို သတိရမိတယ်။

တစ်ချိန်က ရွှေတိဂုံကုန်းတော်ပေါ်မှာ နတ်ကတော်တွေနဲ့ ရှုပ်ပွနေတယ်။ ဒါကို ဂေါပကဥက္ကဌ ဘိုးဘိုးခင်( ဦးဘခင်လို့လည်း ခေါ်ကြတယ်) က လုံးဝကြည့်လို့မရဘူး။ ဒါနဲ့ တာမွေက ကာလသားခေါင်းကိုခေါ်၊ ရုပ်သန့်သန့် အပြောကောင်းကောင်း ကောင်လေးတစ်ယောက်ကိုရွေးပြီး အချောဆုံး၊ အငယ်ဆုံး နတ်ကတော်လေးဆီသွားပြီး နတ်မေးခိုင်းပါသတဲ့။

ဘိုးဘခင်ပေးထားတဲ့ လမ်းညွှန်ချက်က “ မင်းမိန်းမသေသွားတာ ဘယ်ဘုံ၊ ဘယ်ဘဝများ ရောက်နေပြီလဲ၊ ခေါ်ပေးစမ်းပါလို့ နတ်ကတော်ကို အကူအညီတောင်းပါ။ နတ်ကတော်က ခေါ်ပေးမယ်ဆိုပြီး ကိုယ်တွေဘာတွေ တုန်လာပြီဆိုရင် စိတ်မထိန်းနိုင်လို့ပါဆိုပြီး နတ်ကတော်လေးကို ဖက်သာနမ်းပေတော့။ ဘယ်သူ့ကိုမှ ကြောက်စရာမလိုဘူး။ ငါက ရွှေတိဂုံ ဂေါပကဥက္ကဌ၊ ပြီးတော့ မင်းနတ်မေးတဲ့နေရာနဲ့ မလှမ်းမကမ်းမှာ ငါရှိနေမယ်၊ ပိုင်အောင်သာ လုပ်-” ပါတဲ့။

အဲသလိုဆိုလိုက်တော့ အဲဒီနေရာကနေ ဝင်ရောက်သရုပ်ဆောင်လိုတဲ့ ကာလသားတွေများနေလို့ တော်တော်ရွေးထုတ်ခဲ့ရတယ်လို့ ဆိုပါတယ်။ ထားပါတော့။

အရွေးချယ်ခံရတဲ့ကောင်လေးကလည်း အချောဆုံးနတ်ကတော်မလေးကိုရွေးပြီး နတ်မေးတယ်။ သူ့ဇနီးဆုံးတာ ရက်ပိုင်းပဲရှိသေးတယ်၊ အိပ်မက်တွေလည်း မက်တယ်။ သူမ ဘယ်ဘုံဘယ်ဘဝ ရောက်နေပြီလဲ- ပေါ့။ နတ်စိမ်းဖြစ်နေရှာတယ်လို့ နတ်ကတော်က ဖြေသတဲ့။ ခေါ်ပေးမယ်ဆိုပြီး နတ်ကတော်မလေးလဲ တုန်လာရော ကောင်လေးက သင်ထားတဲ့အတိုင်း လုပ်တော့တာပေါ့။

အဲဒီအချိန်မှာ ဘေးကနတ်ကတော်တွေက မြင်သွားပြီး ဝိုင်းလာကြတယ်။ ပါးရိုက်မယ်၊ နားရိုက်မယ်တွေဖြစ်ကုန်တော့ ဂေါပကဥက္ကဌ ဦးဘခင်က ချက်ချင်းရောက်လာပြီး ဘာမှမသိသေးသလို ဖြစ်ပျက်ပုံကို မေးတာပေါ့။ ရွှေတိဂုံပေါ်မှာ ဘာမှခိုက်ရန်မဖြစ်ဖို့၊ မကျေနပ်ရင် တရားရုံးမှာ ရင်ဆိုင်ကြဖို့ ဦးဘခင်ကပြောပြီး ငြိမ်းအေးစေလိုက်သတဲ့။

နတ်ကတော်များသမဂ္ဂက ဒီကိစ္စကို တော်တော်အခဲမကျေဖြစ်နေလေတော့ ဝန်ထောက်ဆီအထိ အမှုကရောက်သွားလေရော။ ဖြစ်ချင်တော့ ဝန်ထောက်နဲ့ ဦးဘခင်က မိတ်ဆွေရင်းတွေ။ ဒါကိုလည်း ဦးဘခင်က ကြိုတွက်ထားတာကိုး။ ဒါနဲ့ ဝန်ထောက်က ဒီကိစ္စကတော့ဖြင့် Natural အရေးအခင်းမဟုတ်၊ Supernatural ကိစ္စဖြစ်တယ်။ ဒီကိစ္စကို ရွှေတိဂုံဂေါပက ကပဲဆုံးဖြတ်ချက်ချစေလို့ အမိန့်ထုတ်လိုက်ပါတယ်။

ဒါနဲ့ ဒီအမှုက ဦးဘခင်ဆီပြန်ရောက်လာရော။

အမှုစီရင်ချက်ချမည့်နေ့မှာတော့ ကာလသားအဖွဲ့တွေ၊ နတ်ကတော်သမဂ္ဂ၊ စိတ်ဝင်စားစရာကောင်းတဲ့အမှုမို့ လာရောက်ကြည့်ရှူနားထောင်ကြတဲ့ ပရိသတ်ကလည်း တော်တော်ကြီးများတယ်လို့ ဆိုပါတယ်။

ဦးဘခင်ရဲ့ ဆုံးဖြတ်ချက်က ရှင်းရှင်းလေးပါ။

နတ်ကတော်များရဲ့ သိက္ခာကို စဉ်းစားစရာရှိသလို၊ လူငယ်လေးရဲ့ ခံစားမှုအတိုင်းအတာကိုလည်း မျက်ကွယ်လို့မရ။ ရှင်ကွဲ ကွဲခဲ့ရတဲ့ဇနီးချောလေးကို သတိရတဲ့စိတ်ဟာ နတ်ကတော်ရဲ့ကိုယ်မှာ သူ့ဇနီးဝိဥာဉ်ကူးပြီလည်းဆိုရော မထိန်းနိုင်၊ မသိမ်းနိုင်ပဲ ဖြစ်သွားရတာ၊ ရိုင်းရိုင်းစိုင်းစိုင်း ပြုမူတာမဟုတ်သလို ကြိုတင်ကြံစည်မှုသဘောလည်း မတွေ့ရပါ။ တကယ်လို့ မရိုးမသားဆိုရင်လည်း နေ့ခင်းကြောင်တောင် လူစည်ကားလှတဲ့ ရွှေတိဂုံရင်ပြင်တော်ပေါ်မှာ ဒီကိစ္စမျိုး မကြံစည်ပါဘူး။ သူနမ်းတယ်ဆိုတာကလည်း နတ်ကတော်ရဲ့ပါးထက် သူ့ဇနီးဟောင်းရဲ့ ဝိဥာဉ်ကိုသာ နမ်းတာပါလို့ ကောင်လေးကလည်း ဖွင့်ဆိုထားပါတယ်။

ဒါကြောင့် ကောင်လေးမှာ လုံးဝအပြစ်မရှိကြောင်း ရွှေတိဂုံဂေါပကအနေနဲ့ ဆုံးဖြတ်ပါတယ်။

ဒါပေမယ့် ဒီကိစ္စက လူ့ကိစ္စပါမက နတ်ကိစ္စပါ ပါဝင်နေတဲ့အတွက် နတ်ကတော်မလေးမှာ သူ့ဇနီးဟောင်းရဲ့ ဝိဥာဉ်ပူးကပ်ပြီး ကောင်ကလေးကို နမ်းချင်လာတယ်ဆိုရင်လည်း ဂေါပကအဖွဲ့အနေနဲ့ နတ်ကိစ္စမို့ ဘာမှပြောစရာမရှိပါ။ ရှေးဘုရင်များလက်ထက်တော်က “ သေစား သေစေ” အမိန့်လို “နမ်းစား နမ်းစေ” လို့သာ သဘောထားပါကြောင်း အမိန့်ချမှတ်လိုက်ပါသတဲ့။

နတ်ကတော်တွေကတော့ ဦးဘခင်ကို ရွံ့ကြောက်ကြီးဖြစ်သွားကြတာပေါ။့ ဘာပဲဖြစ်ဖြစ် အဲဒီအချိန်ကစလို့ ရွှေတိဂုံပေါ်မှာ နတ်ကတော်ချောချောတွေ မရှိတော့တာလို့ ဆိုပါတယ်။ ရွှေတိဂုံနဲ့ နတ်ကတော် ဆက်စပ်လို့မရတဲ့ ဆရာတော်တွေ၊ ဒကာ ဒကာမတွေကတော့ ဦးဘခင့်ဆုံးဖြတ်ချက်အတွက် သာဓုခေါ်မဆုံးဖြစ်ကြရတယ်လို့ ဆိုပါတယ်။

သူချမှတ်တဲ့ အမိန့်ကလည်း တော်တော်ရေပန်းစားသွားတယ်လို့ ဆိုပါတယ်။ နမ်းစား နမ်းစေ တဲ့။

နတ်အရှုပ်အရှင်းကို ဆုံးဖြတ်ရာမှာ အိန္ဒိယထက် ကျွန်တော်တို့က လက်ဦးတယ်ဆိုတာလေးကို သတိရမိလို့ ပြန်ရေးလိုက်တာပါ။

မပြီးသေးတဲ့ကိစ္စက-

အင်ဒိုနီးရှား၊ ဂျာဗားက ပင်လယ်စောင့် နတ်သမီးက အစိမ်းရောင်ဝတ်ထားရင် ပင်လယ်ထဲဆွဲနှစ်တယ်ဆိုတဲ့ကိစ္စပါ။

ကျွန်တော်တို့နိုင်ငံက ခေါင်းမာမာနဲ့ အစိမ်းရောင်ကြီးတွေကို သင်္ဘောပေါ်တင်ပြီး အဲဒီဂျာဗားကို လွှတ်လိုက်ရရင် ဘယ်လိုနေမလဲလို့ စဉ်းစားမိလို့ပါ။(အဆင်ပြေရင် လက်ခုပ်သံကြားပါရစေ)။ မသေပါစေနဲ့။ မှတ်လောက်သားလောက်ဆိုရင် ရပါပြီ- လို့။

နောက်ပြီး ကိုယ့်ကိုကိုယ်နတ်တစ်ပါးထင်နေတဲ့ ဒေါ်နယ်ထရန့်(ပ်) လို့ မစ္စတာ ဂျင်း(မ်) က တို့သွားသေးတယ်။

ကျွန်တော်တို့ဆီမှာလည်း ကိုယ့်ကိုကိုယ်နတ်ထင်နေတဲ့ပုဂ္ဂိုလ်တွေ ရှိနေလို့ပါ။

“ ရေဗူးပေါက်တာ မလိုချင်ဘူး၊ ရေပါတာပဲ လိုချင်တယ်” တဲ့။

ရေဗူးပေါက်နဲ့ ရေပါအောင်သယ်ဖို့ကတော့ နတ်ပဲစွမ်းနိုင်တော့မှာပေါ့။ အင်္ဂလိပ်ခေတ်က ရေဗူးပေါက်က အခုထိ မဖာရသေးဘူးလေ။

နတ်ပုံပြင် တကယ်ပြီးပါပြီ။ ။

ဇင်ဝေသော်

Copyright © 2012 ကမ်းလက်. All rights reserved.

Read more

သက်သာတဲ့ ကျောင်းဆရာဘဝ (တဲ့လား)

ကျွန်တော့်မိတ်ဆွေတွေထဲက အလုပ်လက်မဲ့ဖြစ်နေတဲ့ စီးပွါးရေးသမားတစ်ယောက်က ဘဏ်ကနေအနားယူပြီး ကျောင်းဆရာပြောင်းလုပ်ဖို့ စိတ်ကူးရှိတဲ့အကြောင်း ပြောတယ်။

“ဘဏ်မှာလုပ်ရတာနဲ့စာရင် စိတ်ဖိစီးမှုအများကြီး သက်သာစေပါလိမ့်မယ်” လို့ သူက ပြောတယ်။

“ပြီးတော့ အလုပ်သွားချိန်ကလည်း မနက်သုံးနာရီ မဟုတ်တော့ပဲ ညနေသုံးနာရီမှသွားလို့ ရနိုင်တာပဲလေ” လို့ သူ့ဇနီးက ဝင်ထောက်ခံပေးပြန်တယ်။

သူသာမကဘူး၊ စီးပွါးရေးနယ်ပယ်က သူ့လုပ်ဖော်ကိုင်ဖက်တွေ တော်တော်များများကလည်း ဇာတ်တူသားစားနေရတဲ့ စီးပွါးရေးလောကကိုစွန့်ပြီး ဝင်ငွေလည်းကောင်း၊ လစာနဲ့ ခွင့်ရက်ရှည်ရှည်လည်း ရနိုင်တဲ့ ပညာရေးဘက်ကို ဦးလှည့်ကြဖို့ အစီအစဉ်ရှိနေကြောင်း သူ မကြာမကြာ ပြောတတ်တယ်။

သိပ်ကောင်းတဲ့ အကြံဉာဏ်ပါပဲ။ ဒါပေမယ့် အဲဒီလူတော်ကြီး (Smart Guys) တွေ ကျောင်းဆရာလစာမယူခင် ကျောင်းဆရာကောင်းတစ်ယောက်ဖြစ်ဖို့ ဘာတွေလိုအပ်တယ်ဆိုတာကိုတော့ အသိပေးထားသင့်ပါတယ်။

လွယ်လွယ်ကူကူလည်းဖြစ်အောင် Reality Show ဖြစ်တဲ့ “Survivor” ထဲကအတိုင်း သူတို့ကို ခိုင်းကြည့်ဖို့ စိတ်ကူးပေါက်မိတယ်။ ဒီအစီအစဉ်တွေက ပညာရေးနဲ့တော့ ဆက်စပ်နေရမှာပေါ့။

ကျွန်တော့်အကြံက ဒီလိုပါ။

စီးပွါးရေးလောကထဲက လူ (၁၂) ယောက်ကို စာသင်ကျောင်းတစ်ကျောင်းစီမှာ လေယာဉ်ပေါ်ကနေ ချထားပေးမယ်။
အဲဒီမှာ မိုဘိုင်းဖုန်းမရှိ၊
အတွင်းရေးမှူးမရှိ၊
ဘလက်ဘယ်ရီမရှိ၊
စတားဘတ် (ကော်ဖီ) မရှိ။ ဒိတ်အောက်ပြီး ရေးလို့မရတော့တဲ့ ဆော့ပင်တွေရှိမယ်။
သူတို့အသံမထွက်တတ်တဲ့ ကျောင်းသားတွေရဲ့ နာမည်စာရင်းတွေရှိမယ်။
လစာ (၈၀) ရာခိုင်နှုန်းဖြတ်တာ ခံရမယ်။

ကျောင်းဆရာတိုင်းကို ကျောင်းသားလေးဆယ်စီရှိတဲ့ စာသင်ခန်းထဲမှာ သော့ခတ်ထားမယ်။ ကျောင်းသားလေးဆယ်ထဲမှာ ဟိုက်ပါအက်တစ်ဖြစ်တဲ့ ကျောင်းသားငါးယောက်၊ ဆွံ့အနေတဲ့ ကျောင်းသားလေးယောက်၊ အင်္ဂလိပ်စကားလုံးဝ မပြောတတ်တဲ့ ကျောင်းသားခြောက်ယောက်၊ ဘီဟေးဗီးယားပြဿနာနဲ့ ကျောင်းသားခုနှစ်ယောက်၊ သုံးယောက်က လုံးဝစိတ်မနှံ့ရှာဘူး။

ပညာသင်ကြားရေး အထောက်အကူတစ်ယောက်တော့ ရှိမယ်။ သူမကတော့ သူမရဲ့လုံခြုံရေးအတွက် ဝတ်စုံထူထူချုပ်နေရတာနဲ့ ဘာမှအကူအညီ မပေးနိုင်ဘူး။

လုပ်ဆောင်ရန်- တစ်။

ကျောင်းရဲ့ခေါင်မိုးတွေကို လုံးဝမထိစေဘဲ အမိုးတွေ ကျောင်းသားလေးတွေရဲ့ခေါင်းပေါ်၊ ထိုင်ခုံပေါ် ကျလာအောင် လုပ်ရမယ်။

လုပ်ဆောင်ရန်- နှစ်။

ငိုနေတဲ့ကျောင်းသားတွေကို မအော်၊ မငေါက်ဘဲ အငိုတိတ်အောင် ကြိုးစားရမယ်။

လုပ်ဆောင်ရန်- သုံး။

ကိုယ်စီမှာပါတဲ့ ဘာလက်နက်ကိုမှ အသုံးမပြုဘဲ ကျောင်းသားတွေဆီက သေနတ်၊ ဓား၊ ထရန်စမစ်တာနဲ့ အခြားပေါက်ကွဲစေနိုင်တဲ့ ပစ္စည်းတွေရအောင် သိမ်းယူရမယ်။

ဒါတွေအားလုံးကို ကျွမ်းကျင်ပြီဆိုရင် ကျောင်းဆရာလောင်းတွေအားလုံး တကယ်စိန်ခေါ်မှုကို ရင်ဆိုင်နိုင်ပါပြီ။ ကျောင်းဆရာတိုင်းကို ကျောင်းသား (၄၀) ကို သင်ကြားရေးနဲ့ပတ်သက်လို့ လိုအပ်တဲ့သင်ရိုးညွှန်းတမ်းနဲ့ သင်ထောက်ကူပစ္စည်းတွေ ပေးစေပါမယ်။ အမှန်တကယ်ဖြစ်စဉ်တွေနဲ့ ကိုက်ညီဖို့ သင်ရိုးညွှန်းတမ်းကတော့ နှစ်ပတ်တစ်ခါ အသစ်ရေးဆွဲပါမယ်။

နေ့ခင်းမှာ နေ့လည်စာစားချိန် တစ်နာရီစီ ရပါမယ်။ ဒါပေမယ့် ကစားကွင်းထဲမှာ ကြီးကြပ်ရမယ့်တာဝန်၊ ချက်(စ်) ကစားရာမှာ စောင့်ကြည့်ပေးရမယ့် တာဝန်တွေကြောင့် ထမင်းတော့ ဖြောင့်ဖြောင့်စားရမှာ မဟုတ်ပါဘူး။

အချိန်ပြည့်သင်ကြားရေးတာဝန်ကို ယူရပြီဆိုတာနဲ့ ယှဉ်ပြိုင်သူအားလုံးဟာ ဒါတွေ လုပ်ဆောင်ဖို့ လိုအပ်ပါတယ်။

နေ့တိုင်း ဘာသာရပ်ဆိုင်ရာ အစည်းအဝေးသုံးကြိမ် တက်ရမယ်။ သင်ကြားရေးနည်းပညာသင်တန်း တက်ရမယ်။ ကျောင်းသားမိဘတွေနဲ့ မိနစ်(၂၀) စကားပြောရမယ်။ ကျောင်းသားတစ်ထောင့်သုံးရာထဲက ကျောင်းသားဆိုးတစ်ယောက်ကို ခွဲခြားသိနိုင်တယ်လို့ ခပ်တည်တည် ဟန်ဆောင်တတ်ရမယ်။ ကောလိပ်ဝင်ခွင့် စာခြောက်စောင် ရေးရမယ်။ ရံပုံငွေရှာဖွေရေး အစီအစဉ်တစ်ခု ရေးဆွဲရမယ်။ ဖောင် (၁၇) ခု ဖြည့်ရမယ်။ စာမျက်နှာ ငါးမျက်နှာရှိ ကျောင်းသားတိုင်းရဲ့ ရီပို့(ထ်) ရေးရမယ်။ ကျောင်းသားတိုင်းရဲ့ ဆိုရာမှာ သူတို့တစ်ခါမှ မမြင်ဖူးသေးတဲ့ ကျောင်းသားကိုးယောက်လည်း ပါဝင်ပါတယ်။ နောက်ဆုံးပညာရပ်ဆိုင်ရာ မာစတာဒီဂရီ ယူရမယ်။

ညတိုင်း ကျောင်းသားတွေရဲ့ အက်ဆေးလေးဆယ်ကို အိမ်ယူသွားရမယ်။ အက်ဆေးတွေက စာလုံးပေါင်းအမှားတွေနဲ့ဖြစ်တယ်။ မှင်နီကို လက်ကမချပဲ ခေါင်းကို တဗျင်းဗျင်းကုတ်ရင်း အမှားတွေကိုပြင်ပြီး အမှန်ပြန်ရေးပေးရမယ်။

တနင်္ဂနွေနေ့တိုင်းမှာတော့ အားကစားနဲ့ပတ်သက်တဲ့တာဝန်ကို တိုးပြီးယူရမယ်။ မိမိဖက်လှည့်ပြီး တခွီးခွီးနှာချေနေတဲ့ ကျောင်းသားတွေနဲ့အတူ ကစားကွင်းကို ပြင်ဆင်ရင်း နည်းပြပေးရမယ်။

ဝင်ရောက်ယှဉ်ပြိုင်တဲ့ ဆရာတွေဟာ ဘဏ်တွေက ပိတ်ပေးတဲ့ပိတ်ရက်မှာပဲ ဘရိတ်ရပါမယ်။ ဒါပေမယ့် အခြားကျောင်းတွေနဲ့ ကျောင်းပိတ်ရက်ခြင်းကတူနေတော့ အပန်းဖြေအနားယူလို့ရတဲ့ နေရာတိုင်းမှာ ဘွတ်ကင်လုပ်ဖို့က အမြဲတမ်းနောက်ကျနေပြီး တစ်ယောက်ယောက်က ဘွက်ကင်လုပ်ပြီးသား ဖြစ်နေရမယ်။

ဒါပါပဲ။ ကျောင်းဆရာ “Survivor” ပြိုင်ပွဲ ပြီးပါပြီ။
ဘဏ်ကမိတ်ဆွေလူတော်များ ကျောင်းဆရာလုပ်ဖို့ အခုပဲ စာရင်းပေးခဲ့ကြတော့မလား။
နည်းနည်းထပ်ပြီး စဉ်းစားကြဦးမလား။

By Nury Vittachi
( မစ္စတာ ဂျင်း (မ်) က ဘဏ်အရာရှိတွေကို သရော်ရုံသာမက ပညာရေးဝန်ကြီးဌာနနဲ့ ကျောင်းသားမိဘတွေကိုပါ ခပ်ပါးပါး သရော်ထားတဲ့ ဆောင်းပါးမို့ သဘောကျလို့…….)

ဇင်ဝေသော်

Copyright © 2012 ကမ်းလက်. All rights reserved.

Read more

ကွမ်တန်၊ ဖီးစစ် ဒိုက်ယက်

ခေတ်မီတဲ့မြို့တိုင်းက အရွယ်ရောက်တဲ့ အမျိုးသမီးတစ်ဝက်ဟာ (အမြဲတမ်း) ဝိတ်ချနေကြတယ်လို့ သူငယ်ချင်းတစ်ယောက်ကပြောတော့ တစ်ဝက်လောက်ပဲလား၊ ငါအံ့သြလို့မဆုံးဘူးလို့ ပြန်ပြောမိတယ်။

ကျွန်တော်နဲ့ ညနေစာစားနေကြ ရှီလာက ဒီစကားကို လက်မခံဘူး။ “တော်တော်လှတဲ့ ကွန်မန့်ပဲ၊ နင်သိအောင် ငါပြောထားမယ်၊ အခု ငါဝိတ်ချနေတာ မဟုတ်ဘူးလို့” သူမက ပြောတယ်။ တစ်နှစ်ပတ်လုံး ဝိတ်ချနေပြီး အခုမှ ဝိတ်ချနေတာမဟုတ်ဘူးလို့ သူမကပြောတယ်။ ပြောမှတော့ရမယ်၊ စားပွဲထိုးနှစ်ယောက်ဝိုင်းပြီး သယ်လာရတဲ့ ချိ(စ်)ကိတ်ကို သူမစားနေတာ ထက်ဝက်ပဲ ကုန်သေးတယ်။ သူမဘာလုပ်ရမလဲဆိုတာ ကြိတ်ပြီးအကြံထုတ်နေတာကို ကျွန်တော် ခံစားလို့ရတယ်။

အချိုပွဲမစားဘဲရပ်ပြီး ကျွန်တော်နဲ့ ပြိုင်ငြင်းမလား။
ဝိတ်ကျစေတဲ့ လမ်းညွှန်ချက်တွေကို မေ့ထားပြီး ချိ(စ်) ကိတ် ဆက်စားမလားဆိုတာလေ။
သူဘာမှ မပြောတော့ဘူး။ ချိ(စ်)ကိတ် ဆက်စားနေတယ်။

တကယ်ဆို သူမပြောတာ မှန်ပါတယ်။ ဒီခေတ်ကြီးထဲမှာ အမျိုးသမီးတွေတင် မဟုတ်ဘူး၊ အမျိုးသားတွေပါ ဝိတ်ချနေကြတယ်။ စက်ချုပ်သမားဆိုင်ကိုမသွားခင် လွန်ခဲ့တဲ့ (၁၈) လလောက်က ကျွန်တော်လည်း ဝိတ်ချကြည့်ခဲ့ဖူးပါတယ်။ ကျွန်တော့် ဝိတ်ချပုံက ဒီလိုပါ။

ပထမနေ့။ ။ ကိုယ်အလေးချိန် ချိန်ကြည့်။ ဘုရား….ဘုရား၊ ပေါင်ချိန်တွေ တသက်မှာ အမြင့်ဆုံးကို ရောက်နေပါလား။ ကိုယ်အလေးချိန်လျှော့ချဖို့ ဆုံးဖြတ်လိုက်တယ်။
ဘရိတ်ဖတ်။ ။ ကော်ဖီတစ်ခွက်၊ နို့ သကြား လုံးဝမပါ။
မနက်ပိုင်း ဘရိတ်။ ။ ယောဂတ် တစ်ခွက်။
လန့်(ခ်ျ)။ ။ အသီးအရွက်နဲ့ အရည်မပါတဲ့ ငါးတစ်ပွဲ။
နေ့လည်စာ။ ။ စနက်(ခ်) ၊ ပန်းသီးတစ်လုံး။
ဒင်းနား။ ။ ကြက်သားကြော်၊ ဖရန့် (စ်) ဖရိုင်းကိုတော့ ထည့်မတွက်တော့ဘူး။ ကလေးတွေ ပန်းကန်ပြားထဲက ယူစားလို့။
အချိုပွဲ။ ။ ငှက်ပျောသီးတစ်လုံး၊ ချောကလက်တစ်ခုကိုလည်း ရေတွက်လို့မရဘူး။ အမှောင်ထဲမှာ စားတာဆိုတော့ ကယ်လိုရီဓာတ်မပါလို့။

ဒုတိယနေ့။ ။ မနက်ပိုင်း ကိုယ်အလေးချိန် ချိန်။ လုံးဝ ဝိတ်မကျ၊ စိတ်ပျက်။
ဘရိတ်ဖတ်(စ်)။ ။ ကော်ဖီတစ်ခွက်။ သကြားမပါ၊ နို့ အနည်းငယ်။
မနက်ခင်း ဘရိတ်(ခ်)။ ။ ယောဂတ် နှစ်ခွက်။
လန့်(ခ်ျ)။ ။ ဆလပ်အချို့နဲ့ ငါးကြော်။
နေ့လည်စာ။ ။ စနက်(ခ်)၊ လိမ္မော်သီးတစ်လုံး၊ ကွတ်ကီတစ်ထုတ်။ စားတာ ဘယ်သူမှ မမြင်လို့ ရေတွက်တဲ့အထဲတော့ မပါဘူး။
ဒင်းနား။ ။ ဆလပ်နဲ့ ဆော်လမွန်ငါး။ ဆော့(စ်) နဲ့ စားခဲ့တဲ့ အာလူးကင်ကိုတော့ ပန်းကန်တွေဆေးရင်း မတ်တပ်ပဲစားခဲ့ရလို့ မရေတွက်တော့ဘူး။
အချိုပွဲ။ ။ ဒုတိယနေ့ကို အောင်မြင်စွာဖြတ်သန်းနိုင်လို့ ကိုယ့်ကိုကိုယ် ဂုဏ်ပြုတဲ့အနေနဲ့ ချောကလက်တစ်တောင့်။
ဆပ်ပါး။ ။ ရေခဲမုန့်ခပ်ကြီးကြီး တစ်ပွဲ ရေခဲသေတ္တာထဲကယူပြီး အမြန်စား။

တတိယနေ့။ ။ ပေါင်ချိန်ကြည့်။ တစ်ကီလို တက်လာတာတွေ့ရ။ ဘယ်လိုဖြစ်တာလဲ။
ဘရိတ်ဖတ်(စ်)။ ။ ယောဂတ်အသေး ရှစ်ခွက်။ နွားနို့ သကြားသုံးဇွန်းနဲ့ ကော်ဖီသုံးခွက်။
မနက်ပိုင်း ဘရိတ်(ခ်)။ ။ ချောကလက်နှစ်တောင့်၊ ကပူချီနိုတစ်ခွက်။ ခံတွင်းမရှင်းလို့ နောက်ထပ် ကပူချီနိုတစ်ခွက် ထပ်သောက်။
လန့်(ခ်ျ) ။ ။ အသီးအရွက်နည်းနည်းနဲ့ ဝက်သားဘာဘီကျူး။
နေ့လည်စာ။ ။ စနက်(ခ်)၊ ပန်းသီး၊ ချောကလက်နှစ်တောင့်။
ဒင်းနား။ ။ စူပါဆိုက် ပစ်ဇာတစ်ခု။
အချိုပွဲ။ ။ ၁.၅ ကီလိုရှိတဲ့ ချိ(စ်)ကိတ်တစ်လုံး။

စတုတ္ထနေ့။ ။ ပေါင်ချိန်။ ဘုရား….ဘုရား။ နှစ်ကီလို ထပ်တိုး၊ ဒါနဲ့ ဒေါသတကြီး မိတ်ဆွေဆီ အီးမေးပို့။ “မင်းနည်းက မစွံပါဘူး။ ဘာသာရေးဆန်ဆန် သုံးရက်တိတိ် ငါကြိုးစားပြီးပြီ၊ ဘာမှဖြစ်မလာဘူး” လို့ အပြစ်တင်။

ဘာပဲပြောပြော ဝိတ်ချနည်းတွေဟာ သဘာဝဖြစ်စဉ်အရကို အောင်မြင်ဖို့ လမ်းမမြင်ပါဘူး။ အထူးသဖြင့်တော့ တစ်လမ်းသွား ဝိတ်ချနည်း (One-way-Dieting) ဥပဒေသပေါ့။

အချိုပွဲဆယ်ခါ မစားပဲနေခြင်းအားဖြင့် တစ်ကီလိုဝိတ်ကျနိုင်တယ်။
အချိုပွဲတစ်ပွဲစားရင် နှစ်ကီလိုဝိတ်တက်တယ်။
ဒီပြဿနာက ကွမ်တန်ဖီးစစ်နဲ့မှ ရှင်းပြလို့ရတယ်။

ဒါပေမယ့် ယောက်ျားတွေနဲ့ မိန်းမတွေကြားမှာ အငြင်းပွါးစရာမလိုတဲ့ ခြားနားချက်တစ်ခုရှိတယ်လို့ ရှီလာကပြောပြပါတယ်။

“အမျိုးသမီးတွေက သူတို့တကယ်ရှိတဲ့ ကိုယ်အလေးချိန်ထက် ပိုလေးတယ်လို့ ထင်တတ်ကြပြီး ယောက်ျားတွေကတော့ သူတို့အမှန်ရှိတဲ့ ကိုယ်အလေးချိန်ထက် ပိုလျော့တယ်လို့ ထင်တတ်ကြတယ်” တဲ့။ ဒါကို ကျွန်တော် ထောက်ခံပါတယ်။

“ငါသိတဲ့ အမျိုးသမီးတိုင်း ဝိတ်ချကြတယ်။ ပိန်ကပ်ကပ်မိန်းမလေးတွေ အပါအဝင်ပဲ။ ယောက်ျားတွေကတော့ သူတို့ဘီယာဗိုက်ကြီးကိုပဲ မာဆယ်တွေ တက်လာတာလို့ ပြောတတ်ကြတယ်” လို့။ ပြောရင်း ကျွန်တော့်ဗိုက်ကို ပုတ်လိုက်တော့ လှုပ်နေတဲ့ဗိုက်ကြီးရပ်အောင် စက္ကန့်အတော်ကြာ အချိန်ယူရတယ်။ သတင်းကောင်းကတော့ “Hunger-free” အာမခံချက်တစ်ခုနဲ့ လန့်(ခ်ျ) အဆုံးသတ်လိုက်ကြတယ်။ ဘာမှလုပ်စရာမလိုဘဲ ပုံမှန်ဖြစ်သွားစေနိုင်တဲ့ နည်းကိုပေးလိုက်တယ်။

“နော်ရု(Nauru) လို့ခေါ်တဲ့ တောင်ပစိဖိတ်ကျွန်းကိုသွားနေ။ အဲဒီကျွန်းက အရွယ်ရောက်သူ ၉၄.၅ ရာခိုင်နှုံးက အိုဗာဝိတ်တွေ၊ အဲဒီကိုရောက်ရင် နင်ပိစိကွေးလေးဖြစ်သွားမယ်”

ပြောလည်းပြောလိုက်ရော နောက်ဆုံးလက်ကျန် ချိ(စ်) အပိုင်းအစတစ်ခု ခေါင်းပေါ်ကို ပျံတက်လာလို့ မနည်းခေါင်းငုံ့လိုက်ရတယ်။

By- Nury Vittachi

ဇင်ဝေသော်

Copyright © 2012 ကမ်းလက်. All rights reserved.

Read more

ဓာတ်လှေကားနှင့် ကျောက်ခေတ်လူသား

ပထမဆုံးဓာတ်လှေကား စီးဖူးတာလား။
တံခါးပွင့်လာပြီး အထဲကိုဝင်ပါ။ ခလုပ်ကို နှိပ်။
ဘယ်လောက်ပြင်းပြင်း နှိပ်ရမှာလဲ။
ဒီလိုမေးဖော်ရတဲ့အတွက် ဝမ်းသာပါတယ်။
ဒီကိစ္စက သိပ်ပြီးလွယ်ကူတဲ့ကိစ္စ မဟုတ်ဘူး။

ကျွန်တော်တို့ လော်ဘီကို ကမ္ဘာဦးကျောက်ခေတ်လူသားတွေနဲ့အတူ မျှဝေရင်း ဓာတ်လှေကား သုံးစွဲနေရပါတယ်။ ဓာတ်လှေကားနားကိုရောက်ရင်-

၁။ အပေါ်ပြထားတဲ့ခလုတ်ကိုနှိပ်ပြီး သူတို့ဘယ်အထပ်ကို သွားချင်တယ်ဆိုတာ ပြောကြတယ်။ ပြီးရင် အဆင်းကိုပြထားတဲ့ ခလုတ်ကိုနှိပ်ပြီး သူတို့ကို လာခေါ်ဖို့ပြောကြတယ်။
၂။ ဒီလုပ်ထုံးလုပ်နည်းကို စက္ကန့်နဲ့အမျှ ထပ်တလဲလဲလုပ်ကြတယ်။ ဒီလိုလုပ်ခြင်းအားဖြင့် ဓာတ်လှေကား ပိုမြန်မြန်ရောက်လာမယ်လို့ ယုံကြည်ထားကြလို့။
၃။ ဓာတ်လှေကားရှေ့ကို နောက်ထပ်ရောက်လာတဲ့ လူတိုင်းကလည်း ဒီအတိုင်းပဲလုပ်ကြတယ်။ ဓာတ်လှေကားစောင့်နေတဲ့လူအုပ် ပိုပြီးကြီးလာပြီဆိုတာသိပြီး ဓာတ်လှေကား မြန်မြန်အလုပ်လုပ်နိုင်ဖို့တဲ့။

ဓာတ်လှေကားလည်းရောက်လာရော လမ်းညွှန်ချက်တွေ ပြပေးထားတယ်။

၁။ အုပ်စု အေ(လောဘီထဲမှာရှိနေတဲ့အဖွဲ့) က အင်အားသုံးပြီး အုပ်စု ဘီ(ဓာတ်လှေကားထဲမှာ ရှိနေတဲ့အဖွဲ့) ဆီကို တိုးဝင်ကြရမယ်။ ဒီလိုမှမလုပ်ရင် ဘယ်သူနိုင်တယ်ဆိုတာ ဆုံးဖြတ်လို့ မရနိုင်ဘူး။
၂။ ဓာတ်လှေကားထဲ ပထမဆုံးရောက်သွားတဲ့ပုဂ္ဂိုလ်က အထပ်နံပါတ်တွေရှိတဲ့ ခလုတ်နေရာကို ဘယ်သူမှနှိပ်လို့မရအောင် သူ့ခန္ဓာကိုယ်နဲ့ ကာထားရမယ်။
၃။ လူတွေရဲ့ ဒီလိုပြိုင်ဆိုင်မှုအတွက် စက်လှေကားက နှစ်မိနစ်ရပ်နားပေးတယ်။ လူတွေသက်ပြင်းချ၊ အမောဖြေဖို့အတွက်။

ဒီဥပဒေက ကျွန်တော်တို့တိုက်ရဲ့ ဥပဒေရယ်မဟုတ်ပါဘူး။ အာရှတိုက်နဲ့ ကမ္ဘာတစ်ဝှမ်းလုံး တိတိကျကျလိုက်နာနေရတဲ့ ဥပဒေတွေပါ။ ဒါပေမယ့် စာဖတ်သူတွေကို ပြန်ပြောပြနေတဲ့ ရိုးရိုးသားသားပုဂ္ဂိုလ်(ကျွန်တော်) နဲ့ သူ့မိတ်ဆွေကတော့ လူတွေရဲ့အမူအကျင့်ကို ပြောင်းလဲပေးနိုင်ဖို့ ဒီလိုလေး တီထွင်ကြံဆ လုပ်ဆောင်ကြည့်ကြပါတယ်။ ဒီလိုပါ-

၁။ လူတစ်ယောက် ဓာတ်လှေကားထဲဝင်လာတိုင်း “ ဟိုင်း၊ ဓာတ်လှေကားထဲရောက်အောင် ကြိုးစားနိုင်ခဲ့တဲ့အတွက် ဂုဏ်ပြုပါတယ်” ဆိုပြီး သူ့လက်ကို အားရပါးရဆွဲပြီး နှုတ်ဆက်ပေးပါ။
၂။ မြေညီထပ်မှာဆိုရင် ဓာတ်လှေကားတံခါးကို ပိတ်မရအောင် တားထားပြီး လိုအပ်တာထက် အချိန်ကြာအောင် အချိန်ဆွဲပေးပါ။ ဓာတ်လှေကားစောင့်နေတဲ့ အခြားပုဂ္ဂိုလ်တွေကို ဓာတ်လှေကားဆီဖြည့်နေလို့ပါလို့ ပြောပေးပါ။
၃။ ဓာတ်လှေကားထဲမှာရှိတဲ့ မိုက်ကရိုဖုန်းကနေပြီး “ This is Alpha Bravo Elevator One to Control! Ready for Departure! Over!” လို့ ပြောပေးပါ။
၎။ ဓာတ်လှေကား စတက်ပြီဆိုရင် “ဓာတ်လှေကားလမ်းပြ စစ်စတမ်တွေကို အနှောက်အယှက် ဖြစ်စေနိုင်တဲ့အတွက် မိမိတို့ရဲ့ လျှပ်စစ်ပစ္စည်းတွေအားလုံး ပိတ်ပေးထားကြပါ” လို့ ကြေငြာပေးပါ။
၅။ ဓာတ်လှေကားစီးသူတွေ မျက်နှာကြီးတွေ ခပ်တည်တည်ဖြစ်နေရင် တစ်ဖွဲ့လုံးဖက်ထားကြဖို့ (group hug) အကြံပြုပါ။
၆။ အနက်ရောင်ဝတ်စုံနဲ့ လူတစ်ယောက်ဝင်လာတိုင်း ဂျိန်စဘွန်းအကြောင်း စကားစပြောပေးပါ။
၇။ အမျိုးသားနဲ့ အမျိုးသမီး အတူတူဝင်လာရင် “မင်္ဂလာအခါတော်ပေးတေးသွားကို သံစုံဆိုပေးပါ။ ( သူတို့က တစိမ်းသက်သက်တွေဆိုရင် ပိုပြီးအလုပ်ဖြစ်ပါတယ်)
၈။ ဓာတ်လှေကားရပ်ပြီဆိုရင် “Switching doors to manual” လို့ ဓာတ်လှေကားနံရံက ပင်နယ်ဖက်ကို လှည့်ပြောပြီး “ I will never forget you” လို့ ခရီးသည်တွေကို ပြောပေးပါ။

ကျွန်တော့်မိတ်ဆွေက အကြံတစ်မျိုးရှိပြန်ပါတယ်။ မှန်အကြည်နဲ့ ဓာတ်လှေကားစီးရင်း တက်သွားပြီးဆိုရင် ရိုလာကိုစတာစတိုင်နဲ့ လက်နှစ်ဖက်ကိုမြှောက်ပြီး “ဝေး” လို့ အော်ရမယ်တဲ့။ တစ်ခါတစ်လေ သူစီးထားတဲ့ ရှူးဖိနပ်ကိုချွတ်ပြီး “ဓာတ်လှေကား ငှားကြဦးမလား” လို့ ခရီးသည်တွေကို မေးတတ်ပြန်ပါတယ်။

ကျွန်တော်ကိုယ်တိုင် သူနဲ့အတူ ဓာတ်လှေကားထဲရှိနေတုန်းကတော့ ဓာတ်လှေကားစီးရင် သိထားရမယ့် ဆောင်ရန်၊ ရှောင်ရန်တွေကို ခရီးသည်တွေဖက်လှည့်ပြီး လက်ချာပေးနေပါတယ်။ ဓာတ်လှေကားစီးပြီဆိုရင် ခန္ဓာကိုယ်ကို မတ်မတ်ထားရပါမယ်။ လက်နှစ်ဘက်ကို အောက်ချထားပြီး ပေါင်နဲ့ထိနေစေရမယ်။ အဲဒီ ထိနေတဲ့ပေါင်က ကိုယ့်ပေါင်ဖြစ်ဖို့တော့ လိုအပ်ပါတယ်” တဲ့။ ပြီတော့မှ သူက ဆက်တယ်။

“ကိုယ်ဆင်းမယ့်အထပ်ကို ဘယ်သူမှမရိပ်မိစေဖို့ အထပ်နံပါတ်ကို နှိပ်တဲ့အခါ နံပါတ်တွေကို လက်နှစ်ဖက်နဲ့ ကာကွယ်ပြီးမှနှိပ်ပါ။

ဘယ်လောက်ပဲကြိုးစားကြိုးစား ခင်ဗျားတို့နေတဲ့အထပ်ကို သိနေတဲ့လူတစ်ယောက်ယောက်ကတော့ ခင်ဗျားတို့နေတဲ့ အထပ်ရောက်ရင် ရောက်ပြီလို့ ပြောမှာပါပဲ။ အဲသလို အခါမျိုးမှာဆိုရင် ကျွန်တော့်မိတ်ဆွေက ခေါင်းကိုရမ်းပြီး -
“ကျွန်တော်က ခရီးစဉ်များတဲ့လူပါ။ တစ်နေ့နဲ့တစ်နေ့မတူအောင် အထပ်တိုင်းမှာ ဆင်းတတ်ပါတယ်” လို့ ပြောပြတတ်တယ်။

ကျွန်တော် အကြံပေးတဲ့အတိုင်းသာ လုပ်ပါ။
ကျွန်တော်တို့နှစ်ယောက်ကို အဆောက်အဦးနဲ့ ပရိဘောဂထိန်းသိမ်းရေးကော်မတီက စိတ်ဝင်စားသလို ခင်ဗျားတို့ကိုလည်း စိတ်ဝင်စားလာလိမ့်မယ်ဆိုတာ အာမခံပါတယ်။

Ref: Reader Digest
First Time Riding a Lift? By Nury Vittach.

ဇင်ဝေသော်

Copyright © 2012 ကမ်းလက်. All rights reserved.

Read more

အရှေ့နဲ့ အနောက် ဘော့စ် များ

ဝန်ထမ်း လျှော့ချတဲ့ အထဲမှာ ကိုယ် ပါသွားပြီဆိုရင်...
အနောက် ဘော့စ်။ ။ ဒီကိစ္စအတွက် လုံးဝ စိတ်မကောင်းပါဘူး၊ ကျနော်တို့မှာလည်း ရွေးစရာ မရှိတော့......... ။
အရှေ့ ဘော့စ်။ ။ ယူ အာ အောက်တ်။ (You are out.)

အလုပ်ခန့်လိုက်ပါပြီလို့ အသိပေးတဲ့ အခါ.....
အနောက် ဘော့စ်။ ။ လူတွေ့ နှစ်ကြိမ် အင်တာဗျူးပြီးတဲ့နောက် ဘုတ်အဖွဲ့ရဲ့ ဆုးံဖြတ်ချက်အရ ခင်ဗျားကို ခန့်လိုက်ပါပြီ။
အရှေ့ ဘော့စ်။ ။ ယူ အာ အင်။(You are in.)

လုပ်ငန်းခွင်ထဲ ပိုကောင်းတဲ့ အထောက်အကူ ပစ္စည်း စတာတွေ တောင်းဆိုရင်.....
အနောက် ဘော့စ်။ ။ နားလည်တဲ့ပညာရှင်တွေနဲ့ တိုင်ပင်ပြီး တောင်းဆိုထားတာတွေ ဖြည့်ဆည်းနိုင်ဖို့ ကြိုးစားပါမယ်။
အရှေ့ ဘော့စ် ။ ။ ဟား ဟား ဟား။ (Ha ha ha)

လစာတိုးပေးဖို့ တောင်းတဲ့ အခါ......
အနောက် ဘော့စ် ။ ။ ခင်းဗျား တိုးတောင်းတာက နည်းနည်းများနေတယ်ဗျာ၊ စာရင်းကိုင် မန်နေဂျာနဲ့ ဆွေးနွေးကြည့်ပါရစေဦး။
အရှေ့ ဘော့စ် ။ ။ ဟား ဟား ဟား။

အထက်လူကြီးကို ဝေဖန်မိတဲ့ အခါ.........
အနောက် ဘော့စ် ။ ။ ဝန်ထမ်းတွေက တစ်ခုခု ဖီးဘက် ပေးစရာရှိရင် ကျနော်တို့ နားထောင်ဖို့ အသင့်ပါ။
အရှေ့ ဘော့စ် ။ ။ ယူ အာ အောက်တ်။

အလုပ်တွေ ပိနေကြလို့ အားပေးစကား ပြောဖို့ လိုတဲ့ အခါ........
အနောက် ဘော့စ် ။ ။ အလုပ်အရမ်းပိနေတာ သိပါတယ်ဗျာ၊ အတတ်နိုင်ဆုံး ကြိုးစားကြတာပေါ့။
အရှေ့ ဘော့စ် ။ ။ ယူ လိတ်၊ ယူ အောက်တ်။ ( You late, you out )

ကျန်းမာရေး တစ်ခုခုကြောင့် နစ်နာကြေး တောင်းတဲ့ အခါ.......
အနောက် ဘော့စ် ။ ။ အားလုးကို မကာမိရင်တောင် ဆေးကုသစားရိတ်ကိုတော့ ကုမ္ပဏီ က ကျခံမှာပါ။
အရှေ့ ဘော့စ် ။ ။ ယူ အောက်တ်။

ကျန်းမာရေး ခွင့် တစ်ရက်လောက် တောင်းတဲ့ အခါ.......
အနောက် ဘော့စ် ။ ။ ကောင်းပါပြီ၊ နေကောင်းသွားရင် မနက်ဖြန် တွေ့ကြတာပေါ့။
အရှေ့ ဘော့စ် ။ ။ ဟား ဟား ဟား။

အိုဗာတိုင် ဆင်းပေးဖို့ လိုတဲ့အခါ
အနောက် ဘော့စ်။ ။ တစ်နာရီ၊ နှစ်နာရီလောက် အချိန်ပို ဆင်းပေး နိုင်ကြမလား၊ လုပ်အားခ နှစ်ဆ ပေးပါမယ်။
အရှေ့ ဘော့စ်။ ။ကုမ္ပဏီ တံခါးပေါက်ကို သော့ခတ်ပစ်လိုက်၊ တစ်ယောက်မှ မပြန်စေနဲ့။

ဇင်ဝေသော်

Copyright © 2012 ကမ်းလက်. All rights reserved.

Read more