လူ့ အခွင့်အရေး


လူ့ အခွင့်အရေးနှင့် ပတ်သက်သော အယူအဆ၁၈ ရာစုကထဲက ဥရောပ၌ စတင်အခြေပျိုးပြီး တစစတိုးတက်ခဲ့သည်။ ၁၉၄၅ ခု ရောက်မှ ကုလသမဂ္ဂကြေ ညာချက်စာတမ်း၌ တရားဝင် ထုတ်ပြန်ခဲ့သည်။ လူ့ အခွင့်အရေး ဖြစ်ပေါ်လာ ရခြင်းမှာ အဓိကအခြေခံ အကြောင်းတရား သုံးချက်ကြောင့် ဖြစ်သည်။

၁။ လူ့ဖွဲ့စည်းပုံတရားဥပဒေသည် လူကပြဋ္ဌာန်းသော ဖွဲ့စည်းပုံတရားဥပဒေဖြစ် သည်၊ တစ်ယောက်သောတန်ခိုးရှင် ဖန်ဆင်းရှင်နှင့်မဆိုင်။
၂။ လူသားတိုင်း၌ တန်းတူ အခွင့်အရေးရှိသည် ။
၃။ လူသားတိုင်း ကိုယ့်ကြမ္မာကို ကိုယ်တိုင်ဖန်တည်းခွင့် ရှိသည်။

လူ့ အခွင့်အရေးက အနောက်မှာ အစပျိုးခဲ့သည်ကားမှန်၏...
သို့သော်......
ဗုဒ္ဓစာပေကို စောင်းငဲ့ကြည့်သောအခါ........
၁။ နံပါတ်တစ် အချက်ကို အဂ္ဂညသုတ်နှင့် ဇာတ်တော်အချို့တွင်တွေ့ရ၏၊
လူတန်းစား သတ်မှတ်ပြဋ္ဌာန်းခြင်းသည် မဟာဗြဟ္မာနှင့် မဆိုင်
လူ့အဖွဲ့အစည်း အဆင့်ဆင့်ပြောင်းလဲမှု၊တိုးတက်လာမှုတို့နှင့်သာဆိုင်သည်။( D.III.92)

၂။ နံပါတ်နှစ် အချက်ကို ဝါသေဋ္ဌသုတ်၌တွေ့ရသည်၊လူအချင်းချင်း အဆင့် အတန်း ခွဲခြားမူကို ယင်းသုတ်၌ ဘုရားရှင်က ပြင်းပြင်းထန်ထန် ကန့်ကွက် ခဲ့သည်။ (Sn.594-611)

၃။ နံပါတ်သုံး အချက်ကိုမူ တိုက်ရိုက်မတွေ့ရ၊ သို့သော် ဒေသနာအားဖြင့် ထင်ရှား ၏။ လူတိုင်း၊သတ္တဝါတိုင်း မိမိအသက်ကို ချစ်မြတ်နိုး၏၊ ဟောညွှန်သည့်အတိုင်း လိုက်နာလျှင် လူတိုင်း သံသရာမှ ထွက်မြောက်နိုင်၏။(ဤအချက်ကို မဟာသတိ ပဋ္ဌာန သုတ်၌ တွေ့ရ၏။)

သို့သော်......
ဗုဒ္ဓဘာသာနိုင်ငံများ၌ လူ့အခွင့်အရေးသမိုင်းနှင့်ပတ်သက်၍သိပ်မစွံလှကြောင်း မှတ်တမ်းများအရ သိရ၏။
ဝမ်းနည်းဖွယ် ကောင်လှသည်။ ။

Ref: A-Z. Buddhism.

ဘာသာတရားများ၊ အပေါ့စတေစီ၊ ဘာသာကူးပြောင်းခြင်း


"ဆူဒန် အမျိုးသမီးတစ်ယောက်ဟာ ခရစ်ယန် ဘာသာဝင် အမျိုးသားကို လက်ထပ်ဖို့အတွက် အစ္စလာမ်ဘာသာကို စွန့်ခဲ့တယ် ဆိုပြီး ကြိုးမိန့်ချ ခံခဲ့ရပါတယ်။
ဒါ့အပြင် သူ့ရဲ့ လက်ထပ်ထိမ်းမြားမှုက တရားမဝင်ဘူးလို့ တရားရုံးက မှတ် ယူတဲ့အတွက် အိမ်ထောင်ရေး ဖောက်ပြန်မှုနဲ့ ကြိမ်ဒဏ် အချက် ၁၀၀ ကျခံစေရမယ်လို့လည်း အမိန့်ချပါတယ်" (ဘီဘီစီ)

"Apostasy"ဟူသည့်အင်္ဂလိပ်ဘာသာစကားသည် "Apostata" ဟူသော ဂရိစကားမှ ဆင်းသက်လာခြင်းဖြစ်ပြီး"ဖဲခွာထွက်ခြင်း"ဟု အဓိပ္ပါယ်ရှိသည်။ အာရပ်ဘာသာဖြင့် "Riddhah" ဖြစ်ပြီး "ကျောခိုင်းခြင်း"ဟု အဓိပ္ပါယ်ရှိသည်။ ထို့ကြောင့် "Apostasy"ဟူသည် ကိုးကွယ်မှုဘာသာတစ်ခုကို စွန့်ပြီး အခြား ဘာသာထဲ ဝင်ရောက်သွားမှုကို ဆိုလိုလေသည်။ ဗုဒ္ဓဘာသာက"Apostasy" နှင့်ပတ်သက်ပြီး အယူအဆ အစွဲမရှိသလို ဒေ သနာအထောက်အထားအားဖြင်းလည်း တင်းမာမှုလုံးဝမရှိပေ။ ဘာသာ ကူးပြောင်းမှုဟူသည် ဗုဒ္ဓကိုယ်တော်တိုင်ကပင် လုံးဝလွတ်လပ်ခွင့်ပေး ထားသည့် ပုဂ္ဂလိကရွေးချယ်မှုတစ်ခုသာဖြစ်ပြီး ယင်းနှင့်ဆက်စပ်သည့် အထင်ရှားဆုးသာဓကမှာ သုနက္ခတ္တအကြောင်းပင်ဖြစ်သည်။

ဓမ္မနှင့်ဗုဒ္ဓအပေါ် ကျေနပ်မှုမရှိတော့သည့် သုနက္ခတ္တက ဗုဒ္ဓဘာသာကို စွန့်ခွာလိုကြောင်းလာရောက်လျှောက်ထားရာ ဘုရားရှင်က
"သုနက္ခတ္တ၊ လာလှည့်၊ ငါ့ တရားနဲ့အညီနေလှည့်လို့ သင့်ကို ငါ ဘုရားရှင်က ဖိတ်ခေါ်ခဲ့ဖူးသလား"
"မဖိတ်ခေါ်ခဲ့ပါ"
"ဒါဆို သင်ကိုယ်တိုင်ကရော ဘုရားအဆုံးအမနဲ့အညီ နေခွင့်ပြုပါလို့တောင်း ခံခဲ့ဖူးသလား"
"မတောင်းခံဖူးပါ"
"မောဃပုရိသ၊ သို့ဖြစ်လျင် သင်က ဘာကိုစွန့်ခွာစရာလိုနေလို့လဲ။ အရင် ကကို သင့်မှာ မရှိခဲ့" ဟု မိန့်ကြားခဲ့သည်။

မိမိဘာသာကို စ္ပန့်လွှတ်သ္ပားသည့်အတ္ပက် ပစ်ဒဏ်ပေးရမည်၊ ငရဲရောက် သ္ပားလိမ့်မည်လို့ ဘုရားရှင် ဘယ်တုန်းကမှ မမိန့်ခဲ့ဖူး ပေ။
ဘာသာကူးပြောင်းသ္ပားခြင်းကြောင် တရားစွဲအရေးယူခြင်း၊ သေဒဏ် ချမှတ်ခြင်း၊ ကျောက်ခဲဖြင့် နံရိုး အချောင်းချောင်းကျိုးအောင် ထုရိုက်ခြင်း၊ ကြိမ်ဒဏ်ပေးခြင်းမျိုးစသည် ဘယ် ဗုဒ္ဓဘာသာနိုင်ငံမှာမှ မရှိခဲ့သလို အခြားဘာသာတွေမှာလည်း ရှိဟန်မတူ(သို့)မကြားသိရပေ။

သီဟနာဒ
Ref: A Guide to Buddhism by S. Dhammika.

ASTROLOGY- ( နက္ခတ္တပညာ)


Astrology ( ဇောတိသတ္တ “သို့” နက္ခတ္တဝိဇ္ဇာ) ဆိုတာ နက္ခတ်တာရာတို့ရဲ့ တည်ရှိနေပုံနဲ့ ဆက်စပ်ပြီး လူတစ်ယောက်ရဲ့ စိတ်နေစရိုက်နဲ့ ဘဝပန်းတိုင်အပေါ် အကျိုးသက်ရောက်မှုရှိစေတယ်လို့ ယုံကြည်တဲ့ပညာရပ်တစ်ခုပါ။ ဒီယုံကြည်မှုက ဗုဒ္ဓဘာသာရဲ့ အခြေခံအဆုံးအမ တော်တော်များနဲ့ ဆန့်ကျင်ပါတယ်။ ဗုဒ္ဓဘာသာအရ လူတစ်ယောက်ရဲ့ စိတ်နေစရိုက်နဲ့ ဘဝပန်းတိုင်ဆိုတာ ကံသုံးပါးအပေါ်မှာပဲ အခြေခံပါတယ်။ ရဟန်း၊ သီလရှင်တွေကို နက္ခတ္တပညာနဲ့ အခြားသော ဝေဒဆိုင်ရာပညာတွေ မပြုလုပ်ကြဖို့ ဘုရားရှင်က တားမြစ်ခဲ့ပါတယ်။ ဒါတွေကို မဂ်၊ ဖိုလ်မှ ဖီလာဖြစ်တဲ့အတတ် (တိရစ္ဆာန ဝိဇ္ဖာ) တွေလို့ သတ်မှတ်တော်မူပါတယ်။ (D-1, 8)

    ဇာတ်တော်တစ်ခုထဲမှာ နက္ခတ္တပညာရဲ့ အညွှန်းအတိုင်း မှီခိုနေထိုင်ခြင်းဟာ ရူးသွပ်မှုတစ်ခုသာဖြစ်တယ်လို့ မိန့်ဆိုခဲ့ပါတယ်။ ( Ja-1, 258)

    ယုတ္တိကျကျပြောရရင် ၁၉၃၀- ခုမတိုင်ခင် တွက်ချခဲ့တဲ့ နက္ခတ္တပညာဟောကိန်းတွေဟာ မမှန်နိုင်ပါဘူး။ ဘာလို့လဲဆိုရင် ပလူတိုဂြိုလ်ကို ၁၉၃၀- ခုမှ စတင်တွေ့ရှိခဲ့တာဖြစ်ပြီး အဲဒီအချိန်အထိ ပလူတိုကို ဂြိုဟ်တစ်ခုအနေနဲ့ အသိအမှတ် မပြုခဲ့ရလို့ပါ။ ၁၉၃၀- နောက်ပိုင်းမှာ တွက်ချက်ခဲ့တာတွေလည်း မမှန်နိုင်ပြန်ပါဘူး။ ဘာလို့လဲဆိုရင် သက္ကရာဇ် ၂၀၀၅- ခုနှစ်မှာ အခြားဂြိုဟ်သစ်တစ်ခု ထပ်တွေ့ခဲ့ရပြီး အဲဒီဂြိုဟ်ကိုလည်း ထည့်သွင်းမစဉ်းစားရသေးလို့ပါ။
    ဗုဒ္ဓဘာသာ အဆုံးအမနဲ့မညီပေမယ့် ဗုဒ္ဓဘာသာနိုင်ငံတွေက လူတွေက အဲဒီနက္ခတ္တပညာကို ယုံကြည်ကြပါတယ်။ ရဟန်းတော်တွေကိုယ်တိုင်ကတောင် ဗေဒင်ဟောပြောမှုတွေ ရှိနေတတ်ပြန်ပါတယ်။

Apprecition (ကျေနပ်ဝမ်းမြောက်မှု)


ပါဠိလို မောဒနာဟာ တစ်စုံတစ်ရာ တစ်ယောက်ယောက်ရဲ့ကောင်းကွက်ကို ကြည့်ပြီး ပျော်ရွှင်ရတဲ့ ဝမ်းမြောက်မှုတစ်မျိုးပါ။ အပြုသဘောဆောင်တဲ့စိတ်ဓာတ်ဖြစ်ပြီး ကျေးဇူးတရား၊ မုဒိတာတရားတွေနဲ့  အနီးကပ် ဆက်ဆံမှုရှိပါတယ်။ ဝမ်းမြောက်ဝမ်းသာဖြစ်စေတဲ့အပြင် ကိုယ့်စိတ်တို့ ကိုလည်း တက်ကြွလာစေပါတယ်။
                ဘုရားရှင်က အချက်လေးချက်နဲ့  ရှင်းပြတော်မူတယ်။
                ၁။ ကိုယ့်ရဲ့ အားသာချက်
                ၂။ သူတစ်ပါးရဲ့ အားသာချက်
                ၃။ လူသားတစ်ယောက်အဖြစ် ဖွားမြင်ခဲ့ရခြင်း
                ၄။ ကျေနပ်စရာ အခွင့်အလမ်းတွေ ရရှိနေခြင်း တိုနဲ့  ပတ်သက်လို့  ဝမ်းမြောက်မိစေဖို့ပါ။
               ကိုယ့်အားနည်းချက်တွေကို ထိမ်းသိမ်းရာမှာ ဒီဓမ္မနဲ့  လက်တွေ့ ကျင့်သုံးကျော်လွှားနိုင်ပါတယ်။ ဒါ့အပြင် အားငယ်စိတ်တွေကို ကျော်ဖြတ်ဖို့  ကိုယ့်ရဲ့ကိုယ်ကျင့်သီလကို ပြန်လှန်သုံးသပ်မိဖို့  ဘုရားရှင်က ဆုံးမတော်မူပါတယ်။ (သီလာနုဿတိ) လူက တစ်ခါတစ်ခါ ဒါကို မေ့နေတတ်တယ်။
            ဒီဘဝမှာလည်း ကျေနပ်
            နောင်ဘဝမှာလည်း ကျေနပ်
            နှစ်ဘဝလုံးမှာလည်း ကျေနပ်
            ကောင်းမှုတွေကို ပြုမိ၊ စဉ်းစားသုံးသပ်မိသူတွေဟာ နှစ်ဘဝလုံးကျေနပ်
            (Dhp.16)
            အေးငြိမ်းမှုကို မြင်ရ၊ ကြားရတဲ့အခါ၊ သူတစ်ပါးတွေရဲ့ ကြင်နာမှု၊ ကောင်းမှုတွေကို စဉ်းစားမိတဲ့အခါ ဒီအခါတွေမှာ ကိုယ်တိုင်လည်း ကျေနပ်မှု၊ အားကျမှု စတဲ့ခံစားချက်တွေနဲ့  ပြည့်နှက်နေတတ်ပါတယ်။ တကယ် သဒ္ဓါတရားနဲ့ ပြည့်စုံတဲ့သူတစ်ယောက်ဆိုရင် သူတစ်ပါးရဲ့ ဒီလို ဂုဏ်ပုဒ်တွေကို ကြည့်ရင် “ငါလည်းပဲ သာရိပုတ္တ အရှင်၊ မောဂ္ဂလာအရှင်၊ ခေမာအရှင်၊ ဟတ္ထက ဥပါသကာ၊ ဥဇ           ဥပါသိကာ တို့ ကို ဖြစ်ချင်လိုက်တာလို့ ” အားကျမှုတွေလည်း ဖြစ်စေနိုင်တယ်လို့  ဘုရားရှင်က မိန့် မှာပါတယ်။ (A.1, 88)

Ananda(အာနန္ဒ)


           အာနန္ဒ(အရှင်)ကဘုရားရှင်ရဲ့ ဦးရီးတော်အမိတောဒနရဲ့သားဖြစ်ပါတယ်။ ဘုရားရှင်ရဲ့ နှောင်းပိုင်း (၃၅) နှစ်ကာလတစ်လျှောက်လုံး အလုပ်အကျွေးရဟန်းတစ်ပါးဖြစ်ခဲ့ပြီး ရဟန်းရှင်လူပရိသတ်ရဲ့ ချစ်မြတ်နိ်ုးခြင်းအခံရဆုံး ရဟန်းတော်တစ်ပါးလည်းဖြစ်ခဲ့ပါတယ်။
သာရိပုတ္တအရှင်ဟာ ပညာကိုကိုယ်စားပြုပြီး မောဂ္ဂလာန်အရှင်ဟာ တန်ခိုးဣဒ္ဓိပတ်ကို ကိုယ်စားပြုတယ်ဆိုရင် အာနန္ဒအရှင်ဟာ ကြင်နာမှုနှုးညံ့သိမ်မွေ့ မှုနဲ့မေတ္တာတရားကို ကိုယ်စားပြုပါတယ်။

        ဘုရားရှင်ကပင် အရှင်ရဲ့မေတ္တာထုံတဲ့ကံသုံးပါး (ကာယကံ၊ ဝစီကံ၊ မနောကံ)ကို ချီးကျူးတော်မူခဲ့ရပါတယ်။ (ဒီဃ၊၂၊၁၄၄)
         ဆိုလိုတာကတော့ လိုအပ်သူအတွက် အကူအညီပေးဖို့ အမြဲတမ်းအဆင်သင့်ဖြစ်နေတက်တယ်။ ဘယ် သူနဲ့ပဲပြောပြော သိမ်သိမ်မွေ့မွေ့ပြောတယ်။ သတ္တဝါတွေရဲ့အကျိုးကိုလိုလားတယ်။
        အာနန္ဒ(အရှင်)ဟာ တစ်ချို့ဂုဏ်ပုဒ်တွေမှာ ဘုရားရှင်နဲ့တောင်ဆင်ဆင်တူတယ်လို့ ဘုရားရှင်ကိုယ်တော်တိုင်မြွတ်ဟခဲ့ပါတယ်။ ရဟန်းရှင်လူပရိသတ်က အရှင့်ကိုတွေ့ရင်ကျေနပ်ကြတယ်။ အရှင်ရဲ့တရားတော် တွေကိုနှစ်ခြိုက်ကြတယ်။ ပရိသတ်ရဲ့ရင်တွင်းအပူတွေကို အေးငြိမ်းစေနိုင်တယ်။ (ဒီဃ၊၂၊၁၄၄)ပထမသင်္ဂါယနာမှာ အရှင်ဟာ အဓိက အရေးပါဆုံးရဟန်းတော်ဖြစ်ခဲ့ပါတယ်။
         ဘုရားရှင်နဲ့အတူတကွ နီးနီးကပ်ကပ်အတူသီတင်းသုံးခဲ့ရပြဲီး ဘရားရှင်ရဲ့ဒေသနာတော်တွေကို လုံးစေပတ်စေ့အမှတ်ရတော်မူခဲ့လို့ သင်္ဂါယနာတင်စဉ်မှာ သူကိုယ်တိုင်နှုတ်နဲ့ရွတ်ဆိုပြီး အားလုံးထံလက်ဆင့်ကမ်း ပေးတော်မူခဲ့တယ်။ သုတ္တန်တစ်ခုအစချီတိုင်း " Thus have I heard”  (ဧဝံ မေသုတံ) ဆိုတဲ့ စကားတော်လေးပါတယ်။ ဒါဟာအရှင်မြတ်ရဲ့ နှုတ်ထွက်စကားလေးပေါ့။ (ဗုဒ္ဓဘာသာတတိုင်းရဲ့ အသည်းစွဲစကားလေးတစ်ခွန်းပါ။ ဧဝံမေသုတံ-စာပြန်သူ)
*Great Disciples of the Buddha, Nyanaponika Thera and Hellmuth Hecker, 1997

AMBEDKAR, BHIMRAO


Bhimrao Amberdkar  ဟာ 1891 ခုမှာအိန္ဒိယနိုင်ငံ ဇာတ်နိမ့်မိသားစုမှာမွေးဖွားခဲ့ပါတယ်။ အခြေခံပညာသင်ယူပြီးနောက် အင်္ဂလန်နဲ့အမေရိကကိုပညာသင်သွားဖို့ စကေားလာရခဲ့တယ်။ ပြီးတော့ အလွန်ထက်မြက်တဲ့ ရှေ့နေတစ်ယောက်ဖြစ်လာခဲ့တယ်။ အဲ့ဒိနောက်နှစ်အနည်းငယ်အတွင်းမှာ လူမှုပြုပြင် ပြောင်းလဲရေးအတွက် အသံကျယ်ကျယ်အော်ဟစ်တောင်းဆိုခဲ့သူလည်းဖြစ်တယ်။ အထူးသဖြင့်ကတော့ ဟိန္ဒီတွေရဲ့ဇာတ်ခွဲခြားမှုစနစ်ကို ဝေဖန်ရှုပ်ချခြင်းပါဘဲ။
         အိန္ဒိယလွတ်လပ်ရေးရပြီးနောက် နိုင်ငံတော်ဖွဲ့စည်းအုပ်ချုပ်ပုံမူ ရေးဆွဲရေးမှာ ဥက္ကဋ္ဌအဖြစ်ပါဝင်ခဲ့တယ်။ ဟိန္ဒီတွေကြားမှာ လူတန်းစားညီမျှရေးကြိုပမ်းချက်ကိုရရှိဖို့ နှစ်များစွာကြိုးစာခဲ့ပြီး မအောင်မြင်တဲ့နောက်မှာတော့ သူဟာ 1956 ခုနှစ်မှာ ဗုဒ္ဓဘာသာဖြစ်ဖို့ဆုံးဖြတ်ခဲ့တယ်။ သိန်းပေါင်းများစွာရှိတဲ့လူထုကြီးလည်းသူနဲ့ အတူ သရဏဂုံသုံးပါခံယူပြီး ဗုဒ္ဓဘာသာဝင်တွေဖြစ်လာခဲ့ကြတယ်။
        ဝမ်းနည်းကြေကွဲစရာပါ၊ အဲဒီ့လှုပ်ရှားမှုစပြီး လအနည်းငယ်အတွင်းမှာပဲ သူဟာဆုံးပါးသွားခဲ့ရှာပါတယ်။ ဒီနေ့အိန္ဒိယမှာဗုဒ္ဓဘာသာဝင် ( ၈ )မီလျံရှိပါတယ်။ အိန္ဒိယမှာပြန်လည်ရင်သန်လာတဲ့ ဗုဒ္ဓဘာသာအတွက် သူ့ ကိုဂုဏ်ပြုကြရမှာဖြစ်ပါတယ်။


 Ambedkar and Buddhism, Sangharakshita, 1986*