အောင်ဆန်းသမီး အငယ်မလေးအတွက် ဖိုးစိန်ဆင့်သား အငယ်ကောင် ရေးတဲ့ကဗျာ (တစ်လလို အမှတ်တရ)







မြန်မာလိုပြောလည်း ဒီစကား
အင်္ဂလိပ်လိုပြောလည်း ဒီစကား
သွား သွား မစမ်းကြစမ်းပါနဲ့
အောင်ဆန်းသမီး အငယ်မလေးရယ်
Nothing to lose,
No one to fear,
Dare to change။


စင်္ကာပူအတွက် လီကွမ်းယုက Farther Figure
မြန်မာပြည်အတွက် ဒေါ်စုက Mother Figure
ဘုရားစူးပါရစေရဲ့
(ဒီတောသားက)
ဒန်ပေါက်စားရလို့ ပြောတာ မဟုတ်ရပေါင်။

အောင်ဆန်းစုကြည်နဲ့ တိုင်းရင်းသားအရေး
သံသယလေးများ မခို့တရို့ရှိရင်
ကချင်ပြည်နယ်က အမေခေါ်သံကြီးကို
ကျေးဇူးပြု နားဆင်ပေးကြအုံး။

ချွေးတလုံးလုံးနဲ့
လယ်တောထဲက ပြန်လာတဲ့အမေကို
ဖုန်တလုံးလုံးနဲ့
ကစားရာက ပြေးဖက်ကြတဲ့ ကလေးတွေလိုပဲ။

အညာသားက အညာလေနဲ့ပဲ ပြောတတ်လို့
စကားရိုင်းသွားရင် ခွင့်လွှတ်ကြပါ
နိုဘယ်လ်အပါအဝင် ဆုတွေနဲ့
အင်္ဂလန်က ပြန်လာတဲ့
အောင်ဆန်းသမီး အငယ်မလေးကို
ဖိုးစိန်ဆင့်သား အငယ်ဆုံးကောင်
ဘက်ဆဲလား နိုင်ငံရေး ဘာသာပြန် ဆရာက
ယုံကြည်သတဲ့
လေးစားသတဲ့လေ။ ။

ဇင်ဝေသော်

(08/10/2015 08:16)

 

ဖိုးစိန်ဆင့်သား အငယ်ကောင် ကြွေတဲ့ ည


ဓမ္မဘေရီ ဆရာတော်ကြီးကလည်း ဒီကိုကြွလို့
ဖန်သားပေါ်မှာလည်း မန်ယူက ဆရာကျလို့
အဘိုး ဆရာတော်ကြီး နှုတ်တော်ကလည်း ဝါကျအသစ်တွေ ဖြာကျလို့
ဝါကျအသစ်တစ်ခု ပွင့်လာတိုင်း
(ဟိုက်ဖိုက် လုပ်မရတော့)
ဂင်္ဂါနဲ့ ကိုယ်က ခြေသလုံးကို တစ်ခါ နှိပ်ပေးကြလို့
(ခဏဆို တကယ် ခဏလေး)
နောက်မှ သွားတိုက်တော့မယ်ဆိုပြီး
ဓမ္မဂင်္ဂါက ကွမ်းတွေ ဝါးလို့။




ထွေးရတာခက်လို့ မစားတာပါ ဆိုပြီး
စည်တော်ကြီးကလည်း ကွမ်းရွက်ကို ထုံးသုတ်လို့
ဓမ္မဂင်္ဂါကလည်း သူ့အဘိုးအတွက် ကွမ်းသီးလေးတွေ
အစိတ်စိတ် ညှပ်ပေးလို့
မနက်မှ ပြန်တော့မယ်ကွာဆိုလို့
အောက်ထပ်အခန်းကို လိုက်ပို့ကြလို့။ ။

ဇင်ဝေသော်

အရိပ်.......


လွန်ခဲ့တဲ့ ၁၅ နှစ်လောက်က ယမိုက်၊ ၁၀ တန်း အင်္ဂလိပ်တွေနဲ့ ထိုင်ဖူးတဲ့နေရာလေး။ အခုလည်း အေးမြဆဲပါပဲ။ သစ်ရွက်တို့ အနိစ္စကြားမှာ အရိပ်လေးက မပြောင်းဘူး။



ဆုတောင်းပေးသူတွေကို ကျေး ဇူးတင်ပါတယ်


မနေ့ညက မနေခြည် လာကပ်သွားတဲ့ မွေးနေ့အကြို ဘုရားပန်း။
အရောင် သုံးမျိုး။ ဘာအဓိပ္ပါယ်လည်း ပြောနိုင်ကြသလား။

  October 28 at 4:51pm


မနေ့က အွန်လိုင်း၊ တိုင်းမလိုင်းပေါ်မှာ မွေးနေ့ဆုတောင်းပေးသူ ၈၀
ဖုန်းမက်ဆေ့၊ ကွန်မင့်နဲ့ ဆုတောင်းပေးသူ
လူမသိ၊ စာမရေး၊ အသံမထွက် ဆိုင်းလင့် ဆုတောင်းပေးသူတွေကို ကျေး ဇူးတင်ပါတယ်။
ဒါနဲ့ အိုင်ပက်မီနီက ကင်မရာမကောင်းဘူး၊ မကြည်ဘူးဆိုပြီး မသုံးဖြစ်ခဲ့ ပါ။ ကောင်မလေးတစ်ယောက်က မဖြစ်နိုင်တာ၊ ကင်မရာမှာ ပေပွနေ တာတွေ ရှိလို့နေမှာဆိုပြီး တစ်ရှူးနဲ့ သုပ်လိုက်တော့ အိုင်ပက်မီနီ ကင်မရာ က အတော်ကောင်းသွားခဲ့ပါတယ်။ ကွမ်းစားထုံး အနည်းငယ် ပေနေတာမျိုးလောက်ပါ။
ဒီအပြင် ဓာတ်ပုံရိုက်၊ မလိုတဲ့အပိုင်းတွေကို ဖြတ်ပစ်လို့ရမှန်း သိလိုက်ရ ပါတယ်။ အခု ဦးရွှေမန်းပုံက အဲ့ နည်းပညာအတိုင်း ဖန်တီးထားတာပါ။ သူ့ကိုလည်း ကျေးဇူးပါ။

October 29 at 4:49pm


 

မွေးနေ့ဆု


လွန်ခဲ့တဲ့ သုံးနှစ်က ဥက္ကဌက ပြောတယ် "အရင်ဘန္တေ လက်ထက်ကလို မွေးနေ့နဲ့ အနီးဆုံးတနင်္ဂနွေမှာ မွေးနေ့အဖြစ် သတ်မှတ်ပြီး ကျောင်းကော်မတီက မွေးနေ့ ကျင်းပပေးရင် မကောင်းဘူးလား"
"ကောင်းပါတယ်။ ဒါပေမဲ့ မလိုတော့ပါဘူးဗျာ၊ မွေးတောင်မွေးခဲ့ပြီးပြီပဲ၊ တခြားဟာတွေ လုပ်ရအောင်ပါ" သူ ဘာမှ ထပ်မပြောတော့ဘူး။

ဆုတောင်းခွင့်ရှိရင်.......
နန်းရင်ပြင်က အလှပြ ကျောက်စီဓား တစ်လက် ဖြစ်ဖို့ထက်
သစ်ခုတ်သမား လက်ထဲက ဓားမတို တစ်ချောင်း
အိမ်ရှင်မလက်ထဲက ကြက်သွန်လှီးဓား တစ်လက်
ဖြစ်ရဲဖို့ တွန့်ဆုတ်နေမိတိုင်း
အားပေး လမ်းညွှန်တော်မူပါ အရှင်ဘုရား။

အဖေ(သို့)ကျုန်ုပ်ဘဝ၏ အာခီတက်


ဘဝခရီးအတွက် အမောခဏဖြေရင်း အဖေ့ကျေးဇူးကို ခပ်ဖွဖွနမ်းရှိုက်မိပါတယ်။ ဒီစာဟာ ကိုယ်ရည်သွေးမဟုတ်တဲ့ အဖေရည်သွေး မှတ်တမ်းတိုတစ်ပုဒ်ပါ။
"မင်းဆရာ ဦးမြအောင်နဲ့တွေ့တော့ မင်းကို ကျောင်းဆက်ထား၊ မထားမေးနေသေးတယ်ကွ၊ မထားနိုင်ဘူးဆိုတော့ သူလည်း စိတ်မကောင်းရှာ ဘူး။ ဒါပေမဲ့ ငါကြားရတဲ့သတင်းတစ်ပုဒ်က မင်းကွန်းဆရာတော်ကြီးက ရန်ကုန်နဲ့ မန္တလေးမှာ သာသနာ့တက္ကသိုလ် ကြီးတွေ တည်ထောင်ဖို့လုပ်နေတယ်တဲ့ကွ။ ဓမ္မာစရိယပြီးရင် အဲဒီတက္ကသိုလ်ကြီးတွေကို တက်လို့ရမယ်။ မင်း ကိုရင်ဝတ်၊ ဓမ္မာစရိယပြီးအောင် အမြန်လုပ်ပြီး အဲဒီ့ တက္ကသိုလ်ကြီးတွေ တက်နိုင်အောင် ကြိုးစားပေါ့။ အဖေတို့က လူတက္ကသိုလ် မပို့နိုင်တောင် ဘုန်းကြီးတက္ကသိုလ် တက်နိုင်အောင်တော့ ထောက်ပံ့ပေးနိုင်မှာပါ။ သာသနာ့တက္ကသိုလ်တက်ရရင် လူတက္ကသိုလ်ထက်တောင် ကောင်းသေးတယ်။ မင်း ကိုရင် ဝတ်မလား"
"ဒါဆို တောင်သူက ဘယ်သူ ဦးစီးလုပ်မှာလဲ"
"မပူပါနဲ့ကွာ၊ မင်းအမတွေ၊ ယောက်ဖတွေလည်းရှိနေတာပဲ"
"သားမက်က သားတော့မဟုတ်ဘူးနော် အဖေ"
"အဖေလည်း လုပ်နိုင်ပါသေးတယ်၊ မင်းဘာသာ မင်း စဉ်းစား။ ကိုရင် ဝတ်မယ် ဆိုရင် ဒီဝါဆိုအမီ ဘူးကိုင်းဘုန်းကြီး(မြောင်နယ်၊ ဘူးကိုင်းရွာ၊ ဗောဓိကျောင်း)ဆီ ငါလိုက်ပိုပေးမယ်။
**************************************************************************

ဒီလိုနဲ့ သံသာရ ဝဋ္ဋဒုက္ခတောဆိုတာ ဘာမှန်းမသိ၊ သီဟနာဒဖြစ်လာမည့် ၁၆ နှစ်သားလူငယ်သည် ဓမ္မာစရိယအောင်မြင်ရေး၊ သာသနာ့တက္ကသိုလ် တက်ရောက်ရေးအတွက် ထွန်တုံးပေါ်မှဆင်းကာ ဝါဆိုလပြည့် ည ကိုးနာရီမှာ သာမဏေတစ်ပါးဖြစ်သွားတော့သည်။
****************************************************************************

အရာခပ်သိမ်းပြောင်းလဲသွားသည်က ရဟန်းတစ်ဝါအရမှာ ဖြစ်ပါသည်။ ထိုစဉ် မန္တလေးမြို့၊ မိုးကောင်းတိုက်၊ ဒေးဝန်းဆရာတော်ကြီးထံ ရောက်ရှိနေပါပြီ၊ ဓမ္မာစရိယ သုံးကျမ်းစလုံး အပြီး၊ အနည်းဆုံး နှစ်ကျမ်းတော့ပြီးမယ်လို့ ထင် ထားခဲ့သော်လည်း ပါရာဇိကဏ် တစ်ကျမ်းသာအောင်ခဲ့သည်။ သို့သော် အခက်ဆုံးလို့ယူဆရသည့် ပါရာဇိကဏ်ပြီးသွားသည့်အတွက် ကျန်နှစ်ကျမ်းက သက်တောင့်သက်သာပြီးနိုင်သည့်သဘော ရှိသွားခဲ့သည်။ ထိုအခါ တိပိဋက ဓရ ရွေးချယ်ရေး ဥက္ကဋ္ဌဖြစ်နေဆဲဖြစ်သည့် ဒေးဝန်းဆရာတော်ကြီးက ဝါတွင်းမှာ နိကာယ်ကျက်ဖို့ ဩဝါဒချွေလာသဖြင့် ပါရာဇိကဏ်ပါဠိတော်ကိုကျက်၊ မနက်တိုင်း ဆရာတော်ကြီးဆီ စာပြန်ရပါသည်။
တကယ့် ပါဠိတော်ကြီးတွေကိုကျက်မှ မိမိဉာဏ် မစွံလှကြောင်း သိရသည်။ ထိုစဉ် စစ်ကိုင်း၊ သုဗောဓာရုံနေ(ယခု ပါချုပ်ဆရာတော် ဒေါက်တာနန္ဒမာလာဘိဝံသ၏ မိခင်တပ်ရင်းကျောင်းတိုက်) သူငယ်ချင်းက တစ်နေ့ကို စာမျက်နှာ ၂၀ ခန့် ကျက်နိုင်သည်။ မိမိဉာဏ်က တစ်နေ့ ၁၀ မျက်နှာမျှသာရှိသည်။ သို့သော် ဆရာတော်ကြီးက ကျေနပ်ပါသည်။ ၂ လဆိုရင် ပါရာဇိကဏ်ကုန်မယ်၊ နောက်နှစ် လ ပါစိတ်ကိုဆက်ကျက်၊ ဥဘတောဝိဘင်း ဝင်ပြန်၊ သုံးလလောက်အလိုမှာ ဓမ္မာစရိယပြန်ကိုင်ဖို့ အချိန် အကြမ်းဆွဲပေးသည်။
**********************************************************************

ပါရာဇိကဏ် ကျက်လို့ ကုန်ခါနီးမှာ မမျှော်လင့်ဘဲ အဖေဆုံးပါးသွားခဲ့ရပါသည်။ တစ်နေရာဆီမို့ အဖေ့ဆီက နောက်ဆုံး အမှာစကားလည်း မကြားလိုက်ရပါ။ ထို့ကြောင့် အဖေ့ ဈာပနအပြီး တစ်ချိန်ကအဖေဖြစ်စေချင်သည့် သာသနာ့ တက္ကသိုလ်ကို တက်ဖို့ပဲ ဆုံးဖြတ်လိုက်ပါသည်။ တက္ကသိုလ်ပညာရေးကို အထင်မကြီးသည့် ဆရာတော်ကြီးက အကြီးအကျယ်ဆူပါသည်။ သို့သော် အဖေ့ရည်ရွယ်ချက်ကို ဖြည့်ဆည်းလိုတာရယ်(ဆရာတော်ကြီးမှာ အခြား တပည့်တွေရှိသော်လည်း ဒီ အဖေကတော့ ဒီသားတစ်ယောက်သာ ရှိသည့် အတွက် အဖေ့ဖက်ကို ရွေးခဲ့ပါသည်)၊ ထိုစဉ် ဓမ္မာစရိယပြီးရန်မလို အကြီးတန်းပြီးရင်ဘဲ တက္ကသိုလ်တက်လို့ရတာရယ်ကြောင့် ထိုနှစ် သတင်းကျွတ်တာနဲ့ တက္ကသိုလ်ဝင်ခွင့်ဖြေလိုက်ပါတော့သည်။
*************************************************************************

နေခဲ့တော ပါရာဇိကဏ်၊ ပါစိတ်။ ပြေးဖက်လိုက်သည့် အေ၊ ဘီ၊ စီ။
"မင်း သာသနာ့တက္ကသိုလ်ထဲရောက်သွားရင် ငါတို့ သင်မပေးလိုက်နိုင်တဲ့ အင်္ဂလိပ်စာတွေ သင်ရမှာ၊ အင်္ဂလိပ်စာ တတ်သင့်တယ်ကွ"

အတတ်ကြီးမဟုတ်သေးပေမဲ့(ဘယ်တော့မှလည်း တတ်မှာမဟုတ်) အဖေ့ရဲ့ လမ်းပြမြေပုံအတိုင်းလိုက်နေနိုင်တယ်ဆိုတဲ့ အသိ။

သာမန်ထက်လုံးဝ မပိုတဲ့ သားတစ်ယောက်ဟာ ခေါင်းပေါင်းစဖြူဖြူနဲ့ သူ့အဖေရဲ့ လမ်းပြမှုမရှိဘဲ ဘာမှဖြစ်လာမှာ မဟုတ်ဘူးဆိုတာ သေချာလွန်းလို့ ရောက် တဲနေရာမှာ ခဏရပ်။
အဖေ့ကျေးဇူးကို ခပ်ဖွဖွ ပြေးဖက်ရင်း အနားယူ ခိုးနားနေမိပါသည်။
အဖေ့ အရိပ်သည် အေးမြဆဲ။
အဖေ့စကားတွေသည် ပူနွေးဆဲ။
(posted on 28/09/2014 08:36)

အုတ်ဂူတွေ မရှိပေမဲ့စာအုပ်တွေ ရှိနေစေရပါမယ်အဖေ။ ။


 

ကျွန်ုပ်၏ မနုသတ္တဒုလ္လဘ ကွန်ယက်


ရဟန်းဘွဲ့။ ။ ဦးစိတ္တရ
မွေးရပ်။ ။ လက်ပန်ရွာ၊ မြင်းမူမြို့နယ်၊ စစ်ကိုင်းတိုင်း။

မိဘ။ ။ (ဦးစိန်ဆင့်၊ ဒေါ်သိန်းညွန့်) လက်ပန်ရွာ၊ မြင်းမူမြို့နယ်၊ စစ်ကိုင်းတိုင်း။

လက်ဦးဆရာ။ ။ ဆရာတော် ဦးဝိဇယ၊ ဗောဓိကျောင်း၊ ဘူးကိုင်းရွာ၊ မြောင်မြို့ နယ်၊ စစ်ကိုင်းတိုင်း။

ဥပဇ္ဈာယ်ဆရာ။ ။ ဆရာတော် ဦးဇောတိကာဘိဝံသ၊ ဒေးဝန်းကျောင်း၊ မိုးကောင်းတိုက် (ညောင်ရမ်းအုပ်စု)၊ အနောက်ပြင်၊ မန္တလေး။
*********************************************************
ပညာဆည်းပူးခဲ့ရာ..
၁။ ဗောဓိကျောင်း၊ ဘူးကိုင်းရွာ၊ မြောင်မြို့နယ်၊ စစ်ကိုင်းတိုင်း
၂။ ဒေးဝန်းကျောင်း၊ မိုးကောင်းတိုက် (ညောင်ရမ်းအုပ်စု)၊ အနောက်ပြင်၊ မန္တလေး
၃။ နိုင်ငံတော် ပရိယတ္တိ သာသနာ့တက္ကသိုလ်၊ မန္ထလေး
၎။ Buddhist and Pali Collage( Singapore)
**********************************************
လက်ရှိ သီတင်းသုံးရာ
Mangala Vihara BuddhistTemple,
30 Jalan, Eunos,
Singapore, 419495

လုပ်ဆောင်မှု....
၁။ ကျောင်းထိုင်
၂။ ဆန်းဒေးဓမ္မကလပ်စ် (Sunday Dhamma Classes) ဩဝါဒါစရိယ
၃။ Buddhist and Pali Collage( Singapore) အုပ်ချုပ်စီမံ၊ နည်းပြ။
၎။ National University of Singapore ဗုဒ္ဓဘာသာအဖွဲ့ ဩဝါဒါစရိယ (Spiritual adviser)
၅။ စင်္ကာပူ၊ အဘိဓမ္မာစာမေးပွဲ ကျင်းပရေး (ပြည်ပ) ဥက္ကဋ္ဌ (သို့) အတွင်းရေးမှူး
(ဒါက ဒီလိုပါ။ စာတစ်စောင်နဲ့ တစ်စောင် မတူ၊ ဥက္ကဋ္ဌ ဖြစ်လိုက် အတွင်းရေးမှူး ဖြစ်လိုက်ပဲ)။
၆။ (ကလေးသူငယ်) ဗုဒ္ဓဘာသာနဲ့ မြန်မာ့ယဉ်ကျေးမှု သင်တန်း၊ ပူးတွဲ ဩဝါဒါစရိယ။
ရ။ မင်္ဂလာမောင်မယ်အသင်း ပူးတွဲ ဩဝါဒါစရိယ။
*********************
ကလောင်အမည်များ
ဇင်ဝေသော်၊ စောနေလတ်၊ သီဟနာဒ၊ (တစ်ခါတစ်ရံ ဦးကိုမောင်၊ ဆုထားမျက်ချယ်)

ရေးသားခဲသည့် စာအုပ်များ
၁။ မောင်ငယ်ရင်သွေး နာဘိသေးလော့
၂။ လူလားမမြောက်သေးတဲ့ အတွေးများ
၃။ နားဝင်မချိုတဲ့ အမှန်တရားများ
၎။ လူ့ယဉ်ကျေးမှု ပဋိပက္ခနဲ့ ကမ္ဘာသစ်တစ်ခုကို ပုံဖော်ခြင်း ပ၊ ဒု
၅။ သုံးပုဒ်ကဗျာ (မောင်စိမ်းနီ၊ သစ္စာနီ တို့နဲ့အတူ)
၆။ ကကြိုးလေးထွေနဲ့ အောင်ဆန်းစုကြည်
၇။ ပြုံးစိစိ ချဉ်ငန်စပ်လေးများ
၈။ လူတစ်ယောက်ရဲ့ ကမ္ဘာ့အမြင်
၉။ ကမ်လက် ဖေ့စ်ဘုတ်နဲ့ ဘလော့ဂ်

လေးစားပြီး ချစ်ခင်မိသည့် စာပေကျေးဇူးရှင်များ

၁။ မဟာဂန္ဓာရုံဆရာတော် ဦးဇနကာဘိဝံသ
၂။ ဆမ် ဟန်တင်တန်
၃။ သစ္စာနီ
၎။ တာရာမင်းဝေ...............စသည်။

(အရိုးသားဆုံး ဖွင့်ချရေးဟန် မိဘမေတ္တာဘွဲ့ ဆောင်းပါးဟောင်း နှစ်ပုဒ်ဖြစ် သည့်
(က) ရဟန်းတစ်ပါးရေးသည့် ဆော့ဝဲလ် ပရိုဂရမ်းမင်းဝတ္ထု
(ခ) အဖေ(သို့)ကျုန်ုပ်ဘဝ၏ အာခီတက်တို့ကို
ဆက်လက်တင်ပေးသွားပါမယ်)

ဘုန်းဇင်ကိုတော့ ဖြည့်ကြည့်ကြပေါ့


ဘုန်းဇင်ကိုတော့ ဖြည့်ကြည့်ကြပေါ့ (အဲ့ ကင်မရာမင်းကို အလုပ်ဖြုတ်လိုက်ပြီ)။
မျက်နှာ တစ်ခြမ်းပေါ်က ပို့စ်မော်ဒန် ဂုရုကြီး ဆရာ သစ္စာနီ။
မျက်နှာ အပြည့်က ဆရာကြီး ဦးတင်ဦး (ကျူရှင်)။ ဟန်တင်တန်ကို ဘာသာပြန်ချလိုက်လို့ ကျေးဇူးတင်ကြောင်း ဆရာကြီးက ပြောတယ်။



  ~~~~~
Comment photo from Ma Phyu Phyu Thinn


ဖြစ်နိုင်ရင်တော့ ဘိုနိုလို မျက်မှန်အမည်းကြီးနဲ့ ဘော်ဒီဂတ် လုပ်ချင်တာပေါ့


တိုက်ဆိုင်မှုရယ်တော့ မဟုတ်ဘူးဗျ။ ကံကတော့ ပါတယ်။
ဒေါ်စု ဥရောပခရီးစဉ်သွားချိန် U2 က တအားပေါက်နေတာ။ အဲဒီအချိန် U2
အဖွဲ့ခေါင်းဆောင် ဘိုနိုကြီးက မျက်မှန် အမည်းကြီးနဲ့ ဒေါ်စုကို အကြိုအပို့လုပ်၊ ဘော်ဒီဂတ် လုပ်ခဲ့တာ။

ကိုယ်က ဘာမှ မဟုတ်ပေမဲ့ အဲ့ဒီဖီးလ်လေးကို သဘောကျတယ်။ ဒါ့ကြောင့် လူတစ်ယောက်ရဲ့ ကမ္ဘာ့အမြင်ကို အချိန် နည်းနည်းဆွဲလိုက်တာ။ ရွေးကောက်ပွဲ ရာသီနဲ့ ညှိလိုက်တယ်ပေါ့။

ကံကောင်းချင်တော့ ဒီစာအုပ်ကလည်း ပေါက်သွား တယ်။ ဖြစ်နိုင်ရင်တော့
ဘိုနိုလို မျက်မှန်အမည်းကြီးနဲ့ ဘော်ဒီဂတ် လုပ်ချင်တာပေါ့။

အခုလည်း ကိုယ့်ရှိတဲ့ ကလောင်လေးနဲ့ ၀န်းရံခွင့်ရတယ် ဆိုတော့ မဆိုးဘူးပေါ့ဗျာ။
ဒီစာအုပ်ကို အချိန်မီထုတ်လို့ ကျေးဇူးတင်တယ်ဆိုသူတွေ အတွက်ပါ။








ဇင်ဝေသော်

"Unplayed Piano" (သံစဉ်မဲ့ စန္ဒယားတစ်လုံး)


ဟိုနေ့က ဗွီဒီယိုလေးကို စာသား၊ မြန်မာပြန်နဲ့အတူ ထပ်တင်ပေးလိုက်တာပါ။ ဒေါ်စုရဲ့ နှစ် ၆၀ မြောက် မွေးနေ့အတွက် အိုင်းရစ်လူမျိုး ကလပ်စစ် ဘုရင်ကြီး ဒမ်မီယံ ရိုက်စ်ရဲ့ လက်ဆောင်ပါ။ ကမ္ဘာဟာ သူမအတွက် မျက်ရည်စက်စက် နားထောင်ခဲ့ရတဲ့ သီချင်း တစ်ပုဒ်ပေါ့။ ရုတ်တရက် ဘာသာပြန်ထားတာမို့ အဖြစ်လောက်၊ ခံစားလို ရရုံလောက်ပဲ ရှိမှာပါ။
(ဇင်ဝေသော်)






"Unplayed Piano" (သံစဉ်မဲ့ စန္ဒယားတစ်လုံး)
(with Lisa Hannigan)

Come and see me
လာကြည့်လှဲ့
Sing me to sleep
အိပ်ယာဝင် တေးတစ်ပုဒ်နဲ့
Come and free me
ကျမကို လွတ်မြောက်စေလှဲ့
Hold me if I need to weep
ကျမ ငိုကြွေးခိုက် ကျမကို ထွေးပိုက်ထားပါ

Maybe it's not the season
အခွင့်မသာ
Maybe it's not the year
အခါမသင့်သေးဘူး ထင်ရဲ့
Maybe there's no good reason
ခိုင်လုံတဲ့ အကြောင်းပြချက်လည်း မရှိ
Why I'm locked up inside
ကျမကို ဘာအတွက် သော့ခတ်ထားကြတာလဲ

Just cause they wanna hide me
ကျမကို လူ မတွေ့စေချင်ရုံ
The moon goes bright
လရောင်က ရွှန်းပြီးလက်လက်လာ
The darker they make my night
ကျမညတို့က မိုက်ပြီးရင်း မိုက်

Unplayed pianos are often by a window
တံခါးပေါက်ဘေးက ဖုန်တွေပေပွ ပီယာနို
In a room where nobody loved goes
ဘယ်သူမှ မနေချင်တဲ့ အခန်းထဲ
She sits alone with her silent song
သူမ တစ်ကိုယ်ရည် တိတ်ဆိတ်တေးသွားနဲ့
Somebody bring her home
သူမကို အိမ်ပြန်ပို့ပေးပါ။
Unplayed piano (unplayed piano)
တိတ်ဆိတ် ပီယာနို
Still holds a tune (still holds a tune)
သံစဉ်တွေ ရင်ခွင်ထဲ ရှိဆဲ
Lock on the lid (years, years pass by)
သော့ခတ်လှောင်မြိုက်
In a stale, stale room (in the changing of the moon)
ညှီစိုစီု့ အခန်းမိုက်ထဲ
Maybe it's not that easy (through the only window)
သိပ် လွယ်မယ်တော့ မဟုတ်
Or maybe it's not that hard (in a stale, stale room)
သိပ်လည်း မခက်လောက်ဘူး

Maybe they could release me (stale, stale room)
သူတို့ လွှတ်ပေးကောင်းပါရဲ့
Let the people decide
သူတို့ဘာသာပဲ ဆုံးဖြတ်ကြပါစေ
I've got nothing to hide
ကျမမှာ ဖုန်းကွယ်ထားစရာ နတ္ထိ
I've done nothing wrong
ဘာအမှားမှလည်း မလုပ်မိ
So why have I been here so long?
ဘာကြောင့်များ ဒီလောက်အကြာကြီး ဒီမှာ နေနေရပါလိမ့်

Unplayed pianos are often by a window
In a room where nobody loved goes
She sits alone with her silent song
Somebody bring her home

Unplayed pianos are often by a window
In a room where nobody loved goes
She sits alone with her silent song
Somebody bring her home

Unplayed piano
Still holds a tune
Years pass by
In the changing of the moon


 

ဆရာကြီး ဦးဌေးအောင်ကို သတိရတယ်


ဆရာကြီး ဦးဌေးအောင်ကို သတိရတယ်။ တစ်နှစ်လုံး သူ သင်ချင်ရာ သင်တာ၊ သူ သင်မျှကလည်း အသစ်တွေ၊ မှတ်စရာတွေချည်းပဲ။ စာမေးပွဲအတွက် လေးပုဒ်မေးမယ်ဆိုရင် လေးပုဒ်စလုံး ပေးတာ။ ဆရာကြီးကို မချစ်တဲ့ တပည့် မရှိလောက်ဘူး။ ဒီကြားထဲ ခရမ်းဆိုတဲ့ကောင်က "ဆရာကြီး တစ်ပုဒ်လောက် ထပ်ပေးပါအုံး" ဆိုလို့ ဆရာကြီးက "တော်ပြီလေ၊ လေးပုဒ်မေးမယ်၊ လေးပုဒ်ပေးပြီးပြီပဲ" တဲ့။ အတန်ပြီးတော့ အဲ့ကောင်ကို ဝိုင်းဆဲကြတာ မိုးမွှန်နေရော။ ဆရာကြီးကများ တစ်ပုဒ် ထပ်ပေးရင် တစ်ပုဒ် ပိုကျက်နေရမှာလေ။
အခုလည်း ဆယ်ပုဒ်ကို ဆယ်ပုဒ်စလုံး ပေးထားတာ။ ချစ်အောင်လို့။

~~~~~
မနေ့က မေးခွန်း။ စိတ်ဝင်စားရင် ဖြေကြည့်ကြပါလား။
မေးခွန်းက သီဟိုဠ်က တိုက်ရိုက်လာတာပါ။ ဒီက ကောလိပ်ပဲ။
ဘုန်းဇင် သင်တဲ့ဘာသာရပ်။ နားလည်အောင် သင်တယ်။ မေးခွန်းကတော့ ၉ ပုဒ် ကွက်တိပေးတာ။ တပည့်မေတ္တာ ခံယူမယ့် ဆရာဆိုတော့လေ။
(October 25 at 7:11am)


ကျနော် ရေးခဲ့သမျှ စာအုပ်လေးတွေအပေါ် သံယောဇဉ်ရှိရင် ဒီ ဗွီဒီယိုလေးကို ခဏ ဖွင့်ကြည့်ပေးကြပါလား


(ကျနော် ရေးခဲ့သမျှ စာအုပ်လေးတွေအပေါ် သံယောဇဉ်ရှိရင် ဒီ ဗွီဒီယိုလေးကို ခဏ ဖွင့်ကြည့်ပေးကြပါလား။ အပြည့်အစုံ နားမလည်ရင်တောင် ခံစားမှု အပြည့်အဝ ပေးမှာပါ။ ကလစ်ကြည့်ပါ မိတ်ဆွေ)


မစ္စတာ ဒမ်မီယံ ရိုက်စ်ရေ လာကြည့်လှည့်ဦး
ခင်ဗျားတို့ ကမ္ဘာကျော် အနုပညာသမားကြီးတွေ တောင့်တနေတဲ့
အဲဒီ အသံတိတ် ပီယာနိုလေး
အခု သံစဉ်တွေ မြည်နေပြီ။

U 2 က ဘိုနိုကို ဖုန်းဆက် ပြောပေးပါအုံး
ခင်းဗျား လက်ဆောင်ပို့ပေးတဲ့
သူမအိမ်က
ပီယာနိုကိုလည်း အချိန်ရခိုက် သူမ တီးနေမှာပါ။

ကျနော်တို့ သန်း ၅၀ ကျော် နှလုံးသားတွေအတွက်
ကမ္ဘာကျော်အောင် လွမ်းဆွတ်ပစ်လိုက်တဲ့
မစ္စတာရိုက်စ်ရဲ့ နှလုံးသားနဲ့ အနုပညာကို
ကျနော် အကြိမ်ကြိမ် အလေးပြုခဲ့တယ်။

ဇင်ဝေသော်

သူတို့သိတဲ့ ကိုယ့်မွေးနေ့


ခရီးသွားမှတ်တမ်း, ဇင်ဝေသော်, အမှတ်တရ - on 10/23/2014 (မနှစ်က)

နေ့ဆွမ်းက ထိုင်ပေအပြန် ရထားပေါ်မှာ
ချဲယားမန်းက ဆွမ်းကပ်
ပြီးတော့ အသေးစား မွေးနေ့ကိတ်ကလေး
Happy birthday တစ်ဖွဲ့လုံး English လို ဆိုကြ
ပြီးတော့ မင်ဒရင်းလို ဆိုကြ
သေချာတာက မြန်မာလို မပါလိုက်ဘူး

(အခု ဒီနှစ်လည်း ဖုန်းမက်ဆေ့တွေ တတီတီနဲ့ ဝင်နေပြီ
ဒီလူက မွေးနေ့က နှစ်မျိုး၊ မွေးနှစ်က နှစ်မျိုး၊ အမေရေ ဘယ်ပါတီကို မဲပေးရမှာလဲ)

ဒီနေ့က ဇင်ဝေသော်လေးရဲ့ ရက်လည်ပေါ့ဗျာ


ဒီနေ့က ဇင်ဝေသော်လေးရဲ့ ရက်လည်ပေါ့ဗျာ။ ဒီပုံလေးကတော့ သူများရေးထားတာလေးမို့ အမှတ်တရ တင်လိုက်တာပါ။
***********************************************************************



ဒါနဲ့ မသိလို့မေးရဦးမယ်။ မဲ ဘယ်လိုပေးရမယ်ဆိုတာ သေသေချာချာနားလည်အောင် တစ်ဦးချင်း လိုက်ပြီး ရှင်းပြ၊ သင်ပြနေသလိုမျိုး
ဦးတင်အေးတို့အဖွဲ့ကိုရော သင်ပြ၊ ရှင်းပြခွင့်ရော မရှိဘူးလား၊ ပြည်တွင်းက မိတ်ဆွေတို့ရေ မေးမြန်းကြည့်ကြပါအုံး။
သင်ပြခွင့်ရှိရင်လေ စလုံး လုပ်အားပေးတစ်ဖွဲ့ကို ခေါ်၊ ဘုန်းဇင် ဝါပန်ပြီး လာခဲ့ချင်လွန်းလို့ပါ။

ရွာက အိမ်ထောင်စု စာရင်း


အမည်။ ။ ဇင်ဝေသော်
အဖအမည်။ ။ ဖိုးစိန်ဆင့်သား အငယ်ဆုံးကောင်
အမိအမည်။ ။ ရွာလယ်က သိန်းညွန့် (မ) သား ဦးဇင်း
မွေးချင်း။ ။ တင်ဝင်းတို့ တင်ရီတို့မောင်လေ၊ သန်းအောင်တို့ ယောက်ဖ။
(ဓာတ်ပုံက အမခြောက်ယောက်နဲ့ ကြီးစဉ်ငယ်လိုက် ရိုက်ထားတာ၊ ဒုတိယနဲ့ ပဉ္စမကလွဲရင် အိမ်ထောင်တွေနဲ့)

Buddhist and Pali Collage ဒစ်ပလိုမာ သင်တန်းခွဲအသစ် ပိုမိန်စီ မဟာယာနကျောင်းမှာ


ကမ်းလက်မှာ ဘာသာရေးသတင်း မရေးချင်လို့ မရေးဖြစ်ပါဘူး၊ ဒါပေမဲ့ ဒီနေ့တော့ သမိုင်းဝင်နေလို့ နည်းနည်းရေးရမယ်။ ဒီနေ့ Buddhist and Pali Collage ဒစ်ပလိုမာ သင်တန်းခွဲအသစ် ပိုမိန်စီ မဟာယာနကျောင်းမှာ ထပ်ဖွင့်နိုင်ခဲ့ကြတယ်။ စင်္ကာပူ အနောက်ပိုင်းမှာနေကြတဲ့ ကျောင်းသားတွေ မင်္ဂလဝိဟာရအထိ အဝေးကြီး မလာရအောင် စီမံလိုက်ခြင်းမျိုးပါ။ ထေရဝါဒ၊ မဟာယာန ဘောင်မကန့်ဘဲ အမြင်ကျယ်ကျယ်နဲ့ သူတို့ စာသင်ခန်းကို အသုံးပြုခွင့်ပေးတဲ့ အဲဒီကျောင်းရဲ့ လိုက်လျောမှုကို အလွန်ကျေးဇူးတင်မိပါတယ်။ ၁၉ ရာစု နဲ့ ၂၁ ရာစု မတူတော့ဘူးလေ။ ကွဲတာတွေ လိုက်ကြည့်ရင် ရန်ဖြစ်ရ၊ တူတာတွေ ပေါင်းကြည့်တော့ ညီညွတ်ကြ၊ ချစ်ကြ၊ အပြန်အလှန် ပံ့ပိုးကြ။

မဟာဂန္ဓာရုံဆရာတော်ကြီး၏ ကျေးဇူးဂုဏ်များကို ပို၍ပို၍ အောက်မေ့နေမိပါသည်


ယခုရက်တွေအတွင်း မဟာဂန္ဓာရုံဆရာတော်ကြီး၏ ကျေးဇူးဂုဏ်များကို ပို၍ပို၍ အောက်မေ့နေမိပါသည်။ အမှန်မူ မိမိသည် ဂန္ဓာရုံမှာ မနေဖူး၊ ကျမ်းစာအုပ်များဖြင့်သာ ဆရာတော်ကြီးကို သိခွင့်၊ ကြည်ညိုခွင့်ရခဲ့ပါသည်။ ဘုရားရှင်ကို လူကိုယ်တိုင် မဖူးမျှော်ရဘဲ ဆရာတစ်ဆူအဖြစ် တင်ထားရသလို ဆရာတော်ကြီးကိုလည်း ဆရာတင်ချင်ရင် ရတာပဲလေဆိုပြီး တစ်ဖက်သတ် ဆရာတင်ထားလိုက်မိခြင်းမျှသာ။ အကယ်၍ ဆရာတော်ကြီးသာ သက်တော် ထင်ရှား ရှိနေဦးမည်ဆိုလျင်................
တိကျ ပြတ်သားသော ဩဝါဒတစ်ခွန်း .............

ကိုရင်ပေါက်စ


ကြာပါပြီ။ မန္တလေး၊ ၂၆ လမ်းမှာပါ။ ဆွမ်းခံကိုရင်လေးကို မြင်းလှည်းမှာကထားတဲ့ မြင်းက နှုတ်သီးနဲ့ လှမ်း ဟပ်လိုက်တော့ ကိုရင်လေးလက်ထဲက သပိတ်လွတ်ကျပြီး ဆွမ်းတွေ၊ ဟင်းတွေ မှောက်ကုန်ရော။
ဒီတော့ ကိုရင်လေးက ဘာလုပ်လဲ သိလား၊ သပိတ်ကို မြေကြီးပေါ်ချ၊
သင်္ကန်းရုံဖျက်၊ မြင်းဇက်ကြိုးကနေကိုင်ပြီး မြင်းနှုတ်သီးကို လက်သီးနဲ့ ထိုးပါလေရော။

မြင်းလှည်းဆရာရော ဘေးကလူတွေပါ ခဏတော့ ကြောင်ပြီး ကြည့်နေကြ တယ်။ နောက်မှ တချို့က ပြုံးစိစိ၊ အသံထွက်လည်း မရယ်ရဲဘူး။ မြင်းလှည်း ဆရာက ဆင်းပြီးတောင်းပန်ရတယ်။
"မလုပ်ပါနဲ့ ကိုရင်ရဲ့၊ မြင်းက ဘာမှ သိတတ်တာ မဟုတ်ပါဘူး၊ တိရစ္ဆာန်ပါ" ပြောလည်းမရ။ နောက်ဆုံး
"တော်ပါတော့ ကိုရင်ရယ်၊ ရှိကြီး ခိုးပါရဲ့ ဘုရား" ဆိုတော့မှ ကိုရင်က
"တကယ်လား၊ ဒါဆို ဒကာကြီး ကိုရင့်ကို ဦးသုံးကြိမ်ချ" လို့ပြောတယ်။




၂၆ လမ်းမ၊ ပလက်ဖောင်းပေါ်မှာ မြင်းလှည်းဆရာက ဦးသုံးကြိမ် ချပြီး တောင်းပန်လိုက်တော့မှ ကိုရင်ပေါက်စက ခပ်တည်တည်နဲ့ သင်္ကန်းရုံ၊ သပိတ်ကောက်ပွေ့ ထွက်သွားလေရဲ့။
ဒီတော့မှ မြင်းလှည်းဆရာရော ဘေးကလူတွေပါ တရားဝင် ရယ်ရဲကြတော့ တာ။
(ဟိုတွေးဒီတွေး မတွေးကြေး)

(img source)

ဘာကိုမှ မကြည့်၊ ဘုရားမျက်နှာပဲကြည့်တဲ့ ဗုဒ္ဓဘာသာ အစစ်ကြီးပါ


၁။ သူတို့မြင်တဲ့ မင်္ဂလဝိဟာရ ရဲ့ ပြုပြင် ပြောင်းလဲရေးလမ်းစဉ်။
တကယ်ပြန်ကြည့်တော့လည်း ၁၀ နှစ်အတွင်း အပြောင်းအလဲတွေ အများကြီးပါ။ ဒီ အပြောင်းအလဲတွေရဲ့ အဓိက အကြောင်းရင်းကတော့ စင်္ကာပူလိုနေရာမှာ ဘယ်ဘာသာစကားနဲ့ပဲ သင်သင်၊ ထေရဝါဒလမ်းစဉ်နဲ့ညီရင် လက်ခံရမယ်၊ အားပေးရမယ်ဆိုတဲ့ ယုံကြည်မှုပါ။

၂။ သူမပါရင်လည်း မပြီးပါဘူး။ သံဃာက သံဃာ၊ ဘုရားသားက ဘုရားသားပဲ။ သီဟိုဠ်တွေ မြန်မာတွေ ခွဲမနေနိုင်ဘူးဆိုပြီး သီဟိုဠ်ဘုန်းကြီးသာ ကျောင်းထိုင်ဖြစ်ရမယ်ဆိုတဲ့ ကွန်စတီကျူးရှင်းကို ရဲရဲကြီးပြင်သွားတဲ့ ဥက္ကဋ္ဌပါ။ ဘာကိုမှ မကြည့်၊ ဘုရားမျက်နှာပဲကြည့်တဲ့ ဗုဒ္ဓဘာသာ အစစ်ကြီးပါ။ သာသနာအတွက် ကျေးဇူးတင်ထိုက်လှပါတယ်။

အခု စင်္ကာပူမှာ သာသနာပြုနေတဲ့ လူပုဂ္ဂိုလ်တွေ ဒီကျောင်းရဲ့ ဗုဒ္ဓဘာသာ ပညာရေးနဲ့လွတ်တာ (ဆန်းဒေး စကူး၊ ပါဠိကောလိပ်) သိပ်မရှိပါဘူး။


မင်္ဂလာရှိတဲ့ မနေ့ညက ဒိုင်ယာလော့ဂ်


(မုဒိတာပွားလိုပါက ဖတ်ကြည့်စေလိုပါတယ်၊ နှစ်ဖက် အပေးအယူမျှတဲ့ စေတနာစကားတွေပါ။
*******************************************************************
ဦးဇင်း ( ဇင်ဝေသော်) ဘုရား...
ရိုသေလေးမြတ်စွာလျှောက်ထားအပ်ပါသည်ဘုရား။ တပည့်တော်သည် မြန် မာ အင်တာနက်စာကြည့်တိုက် ( page ) ၏ အဖွဲ့ ခေါင်းဆောင်ဖြစ်ပါသည်။ တပည့်တော်တို့ သည် online တွင် ညီအကို မောင်နှစ်မအရင်းအခြာများ သဖွယ် ချစ်ခင်ရင်းနှီးကြသူတစ်စုက မိမိတို့  နိုင်ငံလူမျိုးနှင့် လူမှုအဖွဲ့ အစည်း အတွက် အကျိုးဖြစ်ထွန်းဖွယ်ရာ တစ်စုံတစ်ရာကို တတ်စွမ်းသမျှစုပေါင်းဆောင် ရွက်ကြရန် ဆွေးနွေးမိရာမှ ဤ စာကြည့်တိုက်လေးပေါ်ပေါက်လာခဲ့ခြင်းဖြစ်ပါ သည်။
ဗုဒ္ဓမြတ်စွာ၏ သဗ္ဗဒါနံ ဓမ္မဒါနံ ဇိနာတိ... ဟူသော မိန့် မှာချက်နှင့်လည်း အညီဖြစ်စေရန် စာကြည့်တိုက် တည်ထောင်ဆောင်ရွက်ကြရန်ရွေးချယ် ခဲ့ကြခြင်းလည်းဖြစ်ပါသည်။
အဓိက ရည်ရွယ်ချက်မှာ တပည့်တော်တို့ ၏ Society အနေဖြင့် ပညာခေတ် စိန်ခေါ်မှုများကို ရင်ဆိုင်နိုင်စေရန် အသိပညာဗဟုသုတဖြစ်ဖွယ် စာအုပ် စာတမ်းများကို online မှရှာဖွေစုစည်းပြီး ပြန်လည်မျှဝေပေးခြင်းဖြင့် မိမိတို့  Society အား တစ်ထောင့်တစ်နေရာမှ အလုပ်အကျွေးပြုရန် ဖြစ်ပါသည် ဘုရား။
ယင်းသို့ 
ဆောင်ရွက်ရာတွင် တပည့်တော်တို့ ၏ အချိန် ငွေကြေးနှင့် အခြားသော အား ထုတ်မှုများပေါင်းစပ်ထည့်သွင်းလျက် စေတနာသက်သက်ဖြင့်သာဆောင်ရွက်နေခြင်းဖြစ်ပါသည်။ ဤ စာကြည့်တိုက် Page တွင် အရှင်ဘုရား ( ဇင်ဝေသော်) ဘာသာပြန်ဆိုခဲ့သော လီကွမ်ယူရဲ့ နားဝင်မချိုသောအမှန်တရားများ အမည်ရှိ စာအုပ်ကို စာကြည့်တိုက်တွင် စာချစ်သူများ၏ တောင်းဆိုမှုအရ အခြားသော စာကြည့်တိုက် web/ page / blog များတွင် လိုက်လံရှာဖွေပြီး တင်ပြပေးခဲ့မိပါ သည်။ ဘာသာပြန်ဆိုသူ အရှင်ဘုရားအနေဖြင့် Strate Time နှင့် သက်ဆိုင် သူသို့ အသိပေးပန်ကြားလျက်ပြန်ဆိုခဲ့သည့်တိုင် တပည့်တော်တို့ မှာ စာအုပ် တင်ပြမှုအတွက် အရှင်ဘုရားအား လျောက်ထား ပန်ကြားခွင့်ပြု ချက်ေ တာင်းခံခြင်း မပြုမိခဲ့ပါဘုရား။ ဤသို့ ဖြစ်ခဲ့ရခြင်းမှာ တပည့်တော်တို့ သည် စာအုပ်ကို pdf file ဖန်တီးသူများမဟုတ်ဘဲ စာပေဝါသနာရှင်များ၏ တောင်း ဆိုမှု ကိုဖြည့်ဆည်းပေးနိုင်ရန် အခြားသော site များမှ တဆင့်ရယူခဲ့ရခြင်းနှင့်
အရှင်ဘုရားကိုလည်း မည်သို့ မည်ပုံ ဆက်သွယ်လျောက်ထားရမည်ကို မသိရှိခဲ့ခြင်းတို့ ကြောင့် ယခုလိုဖြစ်ခဲ့ရပါသည်ဘုရား။
ယင်းအတွက် အနူးအညွတ်တောင်းပန်အပ်ပါသည်။ မေတ္တာရှေ့ ထားလျက် ခွင့်လွှတ်သည်းခံတော်မူပါရန်လည်းရိုသေစွာလျောက်ထားပါသည်ဘုရား... ။
တပည့်တော်တို့ သည် မည်မျှပင်စေတနာကောင်းဖြင့်ဆောင်ရွက် သည်ဖြစ်ေ စကာမူ အရှင်ဘုရား ( ဇင်ဝေသော်) မှ ယခုကဲ့သို့ အကြောင်းကြားလာသည့် အခါ စာအုပ်တင်ပြမှုကို ဆက်လက်ထားရှိရန်မသင့်ပါဘုရား..။ သို့ ပါ၍ အရှင်ဘုရားဘာသာပြန်ဆိုခဲ့သည့်စာအုပ်ကို Page နှင့် စာကြည့်တိုက်၏ Website တွင်ဖော်ပြထားခြင်းမှပြန်လည်ဖြုတ်ချပေးပါမည်ဖြစ်ကြောင်း ရိုသေလေးမြတ်စွာ လျောက်ထားအပ်ပါသည်ဘုရား။
*********************************************************************

အမှန်တော့ လုပ်ရိုးလုပ်စဉ် အဆင့်မပြေခြင်းသာဖြစ်ပါတယ်။
ဦးဇင်းဆန္ဒက လူများများဖတ်လေလေ အကျိုးရှိလေလေပါ။ တင်ပြီးသား စာအုပ်ကို ဖြုတ်ချစရာမလိုပါ၊ ဇင်ဝေသော်၏ ခွင့်ပြုချက်ဖြင့် တင်ပါသည် ဆိုတာလေး ဖြည့်စွက်ပေးပါလို့ တောင်းဆိုပါတယ်။ အကြောင်းကတော့ ဦးဇင်းကိုယ်တိုင် ဓာတ်ပုံ၊ စာသားများအားလုံး ယခု ဘာသာပြန်စာအုပ်မှလွဲပြီး အွန်လိုင်းစသည်မှာ အသုံးမပြုပါလို့ ဝန်ခံလက်မှတ်ထို့ခဲ့ရလို့ပါ။ စောစောက ဦးဇင်းခွင့်ပြုချက်အရ တင်တယ်ဆိုတဲ့ စာကြောင်းပါရင် စထရိတ်တိုင်း ရဲ့ ကော်ပီရိုက်ကိစ္စကို ပြသနာဖြစ်ခဲ့ရင်တောင် ရှင်းလို့ရပါတယ်။
**********************************************************************
တင်ပါ့ဘုရား
အထူးပင် ကျေးဇူးတင်ရှိပါသည်ဘုရား
တပည့်တော် ဒါဆို မြန်မာပြည်သူတွေအကျိုးအတွက် ဦးဇင်းရဲ့စေတနာ အတိုင်း ပြန်တင်ခွင့်ပြုပါလို့ တောင်းခံအပ်ပါသည်ဘုရား
ဦးဇင်းခွင့်ပြုချက်စာသား ရေးသား၍ ပြန်တင်ပါရစေဘုရား
တပည့်တော်လည်း အကျိုးရှိတဲ့စာပေမို့ အကြောင်းအမျိုးမျိုးကြောင့် မတတ်နိုင် သူတွေ ဖတ်၍ အသိပညာတစ်ခု တိုးစေရန် ရည်သန်တဲ့အတွက် ခုလို ဦးဇင်းကိုယ်တိုင် ခွင့်ပြုလိုက်တော့ အရမ်း ဝမ်းသာသွားရပါတယ်ဘုရား
နောက် ဆင်ခြင်ပါ့မယ်ဘုရား
**********************************************************************

ဦးဇင်းလည်း ဝမ်သာပါတယ်။
လီကွမ်းယုသေပြီးနောက် သူ့စာ၊ သူ့ဓာတ်ပုံတွေကို ပိုပြီး တင်းကြပ်နေလို့ ပြသ နာမတက်ခင် ကြိုဝင်တာမို့ စကားရင့်သီးသွားရင် နားလည်ပေးပါ။ လူထုအကျိုး ဆက်သယ်ပိုးနိုင်ပါစေ။
**********************************************************************
တင်ပါ့ဘုရား
တပည့်တော်မတို့ ဘက်က လိုတာပါ ဘုရား
ခွင့်လွှတ်သည်းခံပေးတာ အထူးပင်ဝမ်းမြောက်မိပါတယ်ဘုရား