လာမယ့် နှစ် ၂၀၀၊ ၃၀၀ မှာ ဘယ်ဘာသာ ကြီးစိုးလာမလဲ ဆိုတာကတော့ ဘယ်သူပြောနိုင်မှာလဲကွာ။ လက်တင်ဘာသာဟာ ဥရောပတိုက်ရဲ့ ဘာ သာဖြစ်ခဲ့ဖူးတယ်။ (၁၆) ရာစုအထိ Erasmus အပါအ၀င် ပညာရှင်တွေ အား လုံး လက်တင်လိုပဲ ရေးခဲ့ကြတာ။ ချပ်ကျောင်းတွေကလည်း လက်တင်ဘာ သာပဲ သုံးခဲ့ကြတာ။ (၁၈) ရာစုရောက်တော့ ကိုယ့်ဘာသာစကားနဲ့ကိုယ် စတင်ခွဲထွက်ခဲ့ကြတယ်။ နောက်ဆုံး လက်တင်ဘာသာလည်း ပျောက်ထွက် သွားတော့တာပဲ။ ကက်သိုလစ် ချပ်ကျောင်းတွေထဲက လွဲရင် လက်တင်ဘာ သာက သေသွားပြီ။ အင်္ဂလိပ်ဘာသာဟာ အမြဲတမ်း ကမ္ဘာသုံး ဖြစ်နေပါမယ် လို့ ဘယ်သူပြောလို့ရမှာလဲ။
( လီကွမ်းယု )
မေး ။ ။ စင်္ကာပူမှာ တစ်ခုတည်းသော တရုတ်ဘာသာနဲ့ သင်ကြားပေးတဲ့ Nantah တက္ကသိုလ်ကို အင်္ဂလိပ်ဘာသာ ပြောင်းလဲပစ်လိုက်တော့ အဲ ဒီခေတ်က တရုတ်ဘွဲ့ရပုဂ္ဂိုလ်တွေ တော်တော် စိတ်မကောင်း ဖြစ်ကြရတယ်။ ဒီကိစ္စမျိုးကို ရှောင်လို့ ရနိုင်မယ့် နည်းများ မရှိနိုင်ဘူးလား။ အခုနေ တရုတ် ဘာသာစကားနဲ့ သင်မယ့် တက္ကသိုလ်တစ်ခုလောက် ရှိနေရင် ပို မကောင်း ဘူးလား။
ဖြေ ။ ။ ရှိပြီဆိုပါတော့ … အဲဒီတက္ကသိုလ်မှာ ဘယ်သူတွေ သွားတက်မှာ တုန်း။ ပီကင်းတို့ ရှန်ဟိုင်းတို့မှာရှိတဲ့ တက္ကသိုလ်တွေဆီ သွားတက်လို့ ရနေ ပါလျက်နဲ့ ဒီကို ဘယ်သူက လာမှာတုန်း။
Wee Cho Yaw (တရုတ်လူမျိုးရေးအဖွဲ့ခေါင်းဆောင် ဘဏ်အရာရှိ) ကို ဒီ ကိစ္စ ငါခိုင်းဖူးတယ်။ တရုတ်ကျောင်းပြန်ဖွင့်ရအောင်၊ လိုအပ်တာ မင်း ဖြည့် ဆည်းပေးပါလို့။ အလုပ်မဖြစ်လောက်မှန်းသိတော့ သူပယ်ချခဲ့တယ်။ စင်္ကာ ပူးရီယန်း မိဘတွေကတော့ သူတို့ကလေးတွေကို ဒီကျောင်းမျိုးမှာ မထည့် ဘူး။ အင်္ဂလိပ်လိုတတ်တာလောက် ဒီမှာ အလုပ်မဖြစ်ဘူး။
မေး ။ ။ တရုတ်က တက်လာတော့ ဒီ ဘာသာစကားနှစ်ခု ပေါ်လစီကို ပြန် စစ်ဆေးကြည့်ဖို့ လိုတယ်လို့ မထင်မိဘူးလား။ ရှေ့မှာ မစ္စတာလီ ပြော ခဲ့ တယ်။ ဒါက ဘာသာစကားနှစ်ခုကိစ္စတင်မကဘူး။ ယဉ်ကျေးမှု နှစ်ခုကိစ္စပါ ပါဝင်နေတယ်ဆိုတာလေ။
ဖြေ ။ ။ ငါပြောတာက လူနည်းစုလေးတစ်ခု အတွက်ပါ။ လူတိုင်း နှစ်မျိုးလုံး ထိပ်ရောက်ဖို့က ဖြစ်မှ မဖြစ်နိုင်တာ။ မင်းသာ ရူးသွားမယ်။ ဘာမှဖြစ်လာ မှာတော့ မဟုတ်ဘူး။
မေး ။ ။ လူအများစုအတွက်ကတော့ ဒီဘာသာစကားနှစ်ခုစနစ်က ဒီ အတိုင်း ပဲ ရှိနေမယ်ဆိုတဲ့ သဘောလား။
ဖြေ ။ ။ ဟုတ်တယ်။ လူတော်တွေ တစ်ရာ၊ နှစ်ရာ အများဆုံးဖြစ်နိုင်ရင် သုံးရာလောက်ရအောင် ကြိုးစားရမယ်။ ခက်တာက လူတော်တွေ ကျပြန်တော့ အကောင့်တင့်တွေ၊ ရှေ့နေတွေ၊ အာခီတက်တွေပဲ ဖြစ်ချင်ကြ တာကွ။ ဘယ်သူကမှ ဘာသာစကား စပါယ်ရှယ်လစ် မဖြစ်ချင်ဘူး။ တဖြည်းဖြည်းတော့ တရုတ်ပြည်ကို သွားပြီး Lin Thai Ker လို အာခီတက် သွား လုပ်နိုင်အောင် လုပ်ရမယ်။
(Lin Thai Ker က အာခီတက်တစ်ယောက်၊ မြို့ပြတည်ဆောက်ဖွံ့ဖြိုးရေး ဘုတ်အဖွဲ့ - အစီအစဉ် ချမှတ်သူပါ။ အာရှနဲ့ အရှေ့အလယ်ပိုင်းက မြို့တော်တွေရဲ့ အစီအစဉ်တွေကို ရေးဆွဲပေးခဲ့သူ။ တရုတ်ပြည်က Quyn မြို့တော်မှာလည်း သူ့လက်ရာတွေ ရှိပါတယ်။)
မေး ။ ။ စီးပွားရေးအတွက် တရုတ်စာ သင်ယူရတယ်ဆိုတဲ့ အချက်ကို အ သာထားပြီး လူနည်းစုလေးတွေကို ရွေးပြီး သူတို့ကလည်း သင်လိုတယ် ဆို ရင် ကျောင်းမှာ မိခင်ဘာသာမသင်ဘဲ တရုတ်ဘာသာစကားကိုပဲ သင်ခွင့်ပေးလိုက်ရရင် ဘယ်လိုရှိနိုင်မလဲ။
ဖြေ ။ ။ အိမ်မှာ အင်္ဂလိပ်စကားပြောကြတဲ့ တရုတ်တွေအတွက် အခုတင် ပဲ တော်တော် အခက်တွေ့နေကြပြီ။ အကြီးတန်းဝန်ကြီး ဇယကုမာရ်က သူ့ ကလေးတွေကို တရုတ်စာ အသင်ခိုင်းတယ်။ ကလေးတွေက ဥာဏ် လည်းကောင်း ၊ အားထုတ်မှုလည်းရှိတော့ အလုပ်ဖြစ်တယ်။ ကြိုးစားတဲ့ ကလေးတစ်ချို့လည်း ရကြပါတယ်။ ဒါပေမဲ့ သူတို့ သင်ချင်တာက အများကြီး။ အင်္ဂလိပ်၊ မလေး၊ အာရဘစ် (ကိုရန်ကျန်းထဲက)၊ တရုတ် … စုံလို့ပဲ။
မေး ။ ။ ဒုတိယဘာသာစကားကို သင်ချင်ရင် သင်ခွင့်ပြုမယ်ဆိုရင် တရုတ်ဘာသာကို ယူမယ့် မလေးအရေအတွက် ဒီထက်ပိုများလာမယ်လို့ ထင်ပါတယ်။
ဖြေ ။ ။ သူတို့ကလေးတွေရဲ့ ပညာရေး မနိုင်မနင်းဖြစ်ပြီး ဒုက္ခရောက်မှာ မကြောက်လို့ လုပ်ချင်ကြတယ်ဆိုရင် တို့ဖက်က ခွင့်မပြုနိုင် စရာ အကြောင်းမရှိပါဘူး။ ပြဿနာတက်လာရင်တော့ ကျေးဇူးပြုပြီး အစိုးရ အပေါ် အပြစ်ပုံမချပါနဲ့။ တရုတ်ဘာသာဟာ သိပ်လွယ်ကူတဲ့ ဘာသာမဟုတ် ဘူးဆိုတာ သိလျှက်နဲ့ စမ်းကြည့်ကြမယ်ဆိုရင် စမ်းကြလေ။
မေး ။ ။ လွန်ခဲ့တဲ့ နှစ်ပေါင်းလေးဆယ်ကျော်က စင်္ကာပူမှာ ရုံးသုံးစကားဟာ အင်္ဂလိပ်ပဲ ဖြစ်ရမယ်လို့ ဆုံးဖြတ်မိတုန်းကလို တရုတ်လည်း ဒီလိုဖြစ်လာ လိမ့်မယ်လို့ ကြိုတင် မတွက်ချက်မိဘူးလား။
ဖြေ ။ ။ မမြင်မိဘူး။ လွန်ခဲ့တဲ့နှစ်ပေါင်း လေးဆယ်တုန်းက အမေရိက၊ ဗြိ တိန်၊ ကနေဒါ၊ သြစတေးလျ၊ နယူးဇီလန် စတဲ့ ကမ္ဘာ့တခါးပေါက်ထဲကို ၀င်ဖို့ အင်္ဂလိပ်စာနဲ့မှရမယ်လို့ ငါသုံးသပ်ခဲ့တယ်။ ဒီအပြင် အင်္ဂလိပ်စကားသုံးတဲ့ ဥရောပတိုက်က ကုမ္ပဏီကြီးတွေလည်း ဖြစ်နိုင်တာပေါ့။ ဂျပန်တွေလည်း ဒီ လာရင် အင်္ဂလိပ်လိုပဲ ပြောကြတယ်။ ဒါက တို့အတွက် အကောင်းဆုံး အား သာချက်ပဲ။ ပြင်သစ်တို့ ရုရှားတို့ ကွယ်ပျောက်သွားလိမ့်မယ်လို့ မထင်သလို အင်တာနက်က ကမ္ဘာကို ဒီလောက် စိုးမိုးထားနိုင်လိမ့်မယ်လို့ မထင်မိဘူး။
ငါက ကံကောင်းသွားတာပါ။ ငါ့သုံးသပ်ချက် ကွက်တိကျသွားတယ်။ ရုရှားကိုသာ ပေါင်းလိုက်မိရင် ငါတို့တော့ ၀မ်းနည်းနေရမှာ။ ရုရှားဘာသာ စကားသင်ဖို့ ငါ့သားကို ပြောဖူးတယ်။ ရုရှားတွေက သင်္ချာမှာ တော်တယ်။ အခု မင်းမှာ အင်္ဂလိပ်ရှိတယ်။ တရုတ်၊ မလေးလိုလည်း ပြောတတ်တယ်။ ရုရှားလိုသင်နိုင်မှတော့ သင်ထားပါလားလို့ တိုက်တွန်းဖူးတယ်။ ရုရှား ဘာ သာစကားစာမေးပွဲ အိုလယ်ဘယ်မှာ သူ ဂုဏ်ထူးနဲ့အောင်တယ်။ ကိန်းဘရေ့(ဂ်ျ)ရောက်တော့ ရုရှားဘာသာ ဆက်သင်တယ်။ ရုရှားလို သူ မိန့်ခွန်းပြောနိုင်တယ်။ ပြောတတ်ပေမဲ့ ဘာအကျိုးရှိလုိ့လဲကွာ။
အခု ရုရှားခေါင်းဆောင်တွေ ရုရှားလိုပြောရင် သူ သိပ်တောင် နားမလည်တော့ဘူး။ မေ့ကုန်ပြီ။
မေး ။ ။ သူက မစ္စတာလီထက် ဦးနှောက်ဆဲ (လ်)တွေ ပိုများတယ်။
ဖြေ ။ ။ များတိုင်း လျှောက်လုပ်စရာလားကွာ။ ဒီထက်အရေးကြီးတဲ့ ကိစ္စတွေ မှာ သူ့ဦးနှောက်ကို သုံးလို့ရတာပဲ။ ငါလည်း ဘာသာစကားခြောက် မျိုး လေ့ လာခဲ့တယ်။ အဲဒီခြောက်မျိုးစလုံး မမေ့အောင် ထိန်းထားနိုင်ပါ့မလား။ ကမ္ဘာအရပ်ရပ်က စီးပွားရေးသတင်းတွေ ဖတ်ရတယ်။ Dow Jones, Sand P, စင်္ကာပူ၊ မလေးရှား၊ အင်ဒိုနီးရှား ငွေလဲလှယ်နှုန်းတွေ ကြည့်ရတယ်။ ကမ္ဘာ့စီးပွားရေးကို မျက်ခြေမပြတ်စေဘဲ သူတို့ အနေအထားတွေ ကို လည်း လေ့လာရ၊ သုံးသပ်ရတယ်။ စီးပွားရေးအကြပ်အတည်းကနေ ဘယ် အချိန် လွတ်လာနိုင်မလဲ … စုံလို့ပါကွာ။
ကဲ … ဘာသာစကားခြောက်မျိုးလုံး မမေ့အောင် ထိန်းထားနိုင်မလား။ အဓိပ္ပာယ် မရှိ၊ ရူးလို့ပြောတာ။ ကျွမ်းကျင်တဲ့ ဘာသာစကားတစ်ခု ရှိဖို့ပဲလို တယ်။ အဲဒီစကားနဲ့ အလုပ်လုပ်၊ သတင်းအချက်အလက်ယူ၊ တွေးခေါ်သုံးသပ်၊ လုံလောက်ပြီ။ ငါ့အတွက် အဲ ဒီဘာသာစကားက အင်္ဂလိပ်ပဲ။
မေး ။ ။ ဘာသာစကားပေါ် အခြေခံပြီး နိုင်ငံရေးမူဝါဒကို ရပ်တည်တဲ့ လူတွေ နဲ့ အတူတွဲပြီး အလုပ်လုပ်ခဲ့ရဖူးတယ်နော်။ ဒါတွေအားလုံး ပြီးဆုံး သွားပြီ လို့ ပြောရင် ရနိုင်ပါ့မလား။ စင်္ကာပူမှာ ဘယ်ဘာသာကို ရုံးသုံးအဖြစ် သတ် မှတ်ရမယ်ဆိုတဲ့ကိစ္စ လုံးဝပြေငြိမ်းသွားပြီလား။
ဖြေ ။ ။ ကမ္ဘာသုံးဘာသာစကားက အမြဲတမ်းပြောင်းလဲ နေနိုင်တာပဲ။ စင်္ကာ ပူမှာပဲ လာမယ့် အနှစ်ငါးဆယ်နဲ့ တစ်ရာအတွင်းလောက်ပေါ့။ လာမယ့် နှစ် ၂၀၀၊ ၃၀၀ မှာ ဘယ်ဘာသာ ကြီးစိုးလာမလဲ ဆိုတာကတော့ ဘယ်သူပြောနိုင်မှာလဲကွာ။ လက်တင်ဘာသာဟာ ဥရောပတိုက်ရဲ့ ဘာသြာ ဖစ်ခဲ့ဖူးတယ်။ (၁၆) ရာစုအထိ Erasmus အပါအ၀င် ပညာရှင်တွေအားလုံး လက်တင်လိုပဲ ရေးခဲ့ကြတာ။ ချပ်ကျောင်းတွေကလည်း လက်တင်ဘာသာပဲ သုံးခဲ့ကြတာ။ (၁၈) ရာစုရောက်တော့ ကိုယ့်ဘာသာစကားနဲ့ကိုယ် စတင်ခွဲထွက်ခဲ့ကြတယ်။ နောက်ဆုံး လက်တင် ဘာသာလည်း ပျောက်ထွက် သွားတော့တာပဲ။ ကက်သိုလစ် ချပ်ကျောင်းတွေထဲက လွဲရင် လက်တင်ဘာ သာက သေသွားပြီ။ အင်္ဂလိပ်ဘာသာဟာ အမြဲတမ်း ကမ္ဘာသုံး ဖြစ်နေပါမယ် လို့ ဘယ်သူပြောလို့ရမှာလဲ။
တရုတ်စကားဟာ ကမ္ဘာသုံးဖြစ်လာလိမ့်မယ်လို့ ဘယ်တုန်းကမှ ငါ မယုံ ကြည်ခဲ့ဖူးဘူး။ ငယ်ငယ်ကတည်းက ပြောလာတာ မဟုတ်တဲ့ လူတစ်ယောက် အတွက် တော်တော်ခက်တဲ့ ဘာသာစကား ပဲ။ ဖော်နက် တစ် မရှိ၊ ဖျင်းယင် မရှိနဲ့။ တရုတ်အက္ခရာတွေကို မစွန့်လွှတ်သမျှ သူတို့ စကားသင်နေရတာက နှစ်ဆပို ဒုက္ခရောက်တယ်။ အရင်ဆုံး နားထောင်၊ စကားပြော။ အဲဒါတင်ပဲ ခက်လှပြီ။ စကားတစ်လုံးကို အသံငါးမျိုး၊ လေးမျိုးနဲ့ တစ်မျိုးက အသံပေါ့တဲ့။
နောက်တစ်ချက်က အက္ခရာသုံးထောင်ကျော် မှတ်မိနေရဦးမယ်။ တချို့အသံတွေကို ဆက်စပ် တွေးလို့တော့ ရပါရဲ့။ ဒါပေမဲ့ စကားတစ်လုံးထဲ က အဓိပ္ပာယ်တွေ အများကြီး ထွက်လာပြန်ရော။ စကားလုံးက အတူတူ၊ အ သံထွက်ကျ ကွဲနေပြန်ရော။ တော်တော် ရှုပ်ထွေးတာပဲ။ Mai ရဲ့အဓိပ္ပာယ်က Bury တဲ့၊ Man Yuan ရဲ့အဓိပ္ပာယ်က Complain တဲ့။ အဲဒါ အက္ခရာ အတူ တူ။ ဘာကြောင့်ပါလိမ့်လို့ ငါစဉ်းစားနေခဲ့တာ အကြာကြီးပဲ။ နောက်မှ ဆရာ က ပြောတယ်။ စကားလုံးက အဓိပ္ပာယ်ကွဲသွားရင် အသံထွက်လည်း ကွဲ သွားတယ်တဲ့။ ဒါနဲ့ အဘိဓာန်လှန်ကြည့်တော့ ဟုတ်တယ်။ စကားလုံးတွေရဲ့ သမိုင်းနဲ့ ဘယ်လိုဖြစ်လာခဲ့တယ်ဆိုတာကို ငါလည်း မသိဘူး။ အဲဒါကလည်း ပြဿနာပဲ။ စကားလုံးနှစ်လုံးကို တစ်လုံး တည်း ပေါင်းလိုက်ြ ပန်တော့ အဓိပ္ပာယ်က ပြောင်းသွားပြန်ရော။ တအားခက်တဲ့ ဘာသာ စကား ရယ်။
( ဆက်ရန် )
