**ဖိုးလပြည့်နဲ့ မော်တော်ပီကယ်**

လွတ်လပ်မှုကို မြတ်နိုးတဲ့ လူတစ်စုဟာ အတူတကွ လွတ်လွတ်လပ်လပ် အရက်သောက်ကြဖို့ လိုအပ်တာတွေယူလာခဲ့ပြီး အပြင်ထွက်လာခဲ့ကြတယ်။ လူသွားလူလာ တော်တော်ရှင်းတဲ့နေရာ ရောက်တော့ ဒီနေရာမှာပဲ သောက် ကြမယ်လို့ ဆုံးဖြတ်လိုက်ကြတယ်။ ဒါပေမဲ့ ပြဿနာက ဒီနေရာမှာဆိုပေမဲ့ ကားလမ်းပေါ်မှာလား၊ လမ်းဘေးက သစ်ပင်အောက်မှာလားဆိုတာ ဆုံးဖြတ် ဖို့ ကျန်နေသေးတယ်။

ဒါနဲ့ သူတို့ထဲက တစ်ယောက်က ကားလမ်းပေါ်မှာဆို ပိုပြီး လင်းလင်း ထင်း ထင်းရှိတယ်၊ ကားလမ်းပေါ်မှာပဲ သောက်ကြမယ်လို့ အကြံပြုတော့ အားလုံး သဘောလိုက်ကြတာပေါ့။ သူတို့သောက်လို့ အရှိန်တော်တော်ရတော့ လမ်းပေါ်မှာ ကားတစ်စီး အရေးတကြီးနဲ့ အမြန်မောင်းလာတယ်။ သူတို့အဖွဲ့ကို လည်း သတိထားမိပုံ မရပါဘူး။ အနားရောက်တော့မှ ကားလမ်းပေါ်မှာ လူ တစ်စုထိုင်နေတာကိုရုတ်တရက်ကြီး တွေ့လိုက်ရပြီး ဘေးရှောင်လိုက်ရတော့ အရှိန်မထိန်းနိုင်ဖြစ်ပြီး ကားက သစ်ပင်ကို သွားဆောင့်မလိုအထိ ဖြစ်သွား တယ်။

ဒါကို တွေ့လိုက်ရတော့ စောစောက အကြံပေးသူက
"တွေ့လား၊ ငါတို့ ကားလမ်းပေါ်မှာ မ သောက်လို့ သစ်ပင်အောက်မှာ များ သောက်မိရင် အားလုံး သေသူသေ၊ ကျိုးသူကျိုး ဖြ စ်နေပြီ တဲ့။

ဒီပုံပြင်ရဲ့ မော်ရယ်က " ဖိုးလပြည့်နဲ့ မော်တော်ပီကယ်" တဲ့။

Read more

ပေါ့ပေါ့ပါးပါး အင်တာဗျူး

မေး။ ။ လူစိမ်းအမျိုးသားနဲ့ အမျိုးသမီးနှစ်ယောက်ကို လင်မယား ဖြစ်တယ် လို့ ဘာကြောင့်ပြောနိုင်တာလဲ။
ဖြေ ။ ။ အမျိုးသားနဲ့ အမျိုးသမီးနှစ်ယောက်စလုံးက ကလေးတစ်ယောက်ထဲ ကို ဝိုင်း အော်ငေါက်နေလို့ပါ။ တစိမ်းတွေဆို အဲသလို မလုပ်ပါဘူး။

မေး။ ။ တရားနာတဲ့အခါ ဘယ်တရားမျိုးက ကောင်းပါသလဲ။
ဖြေ ။ ။ အစ၊ အလယ်၊ အဆုံး ကောင်းတဲ့တရားမျိုးပါ။ အထူးသဖြင့် အစနဲ့ အဆုံး သိပ်မကွာတဲ့ တရားက ပိုကောင်းပါတယ်။

မေး။ ။ အရွယ်တင် နုပျိုအောင် ဘာလုပ်ရမလဲ။
ဖြေ ။ ။ အစား အအိပ်မှန်ပါစေ၊ လေ့ကျင့်ခန်း မှန်မှန်လုပ်ပါ၊ စိတ်ကောင်းမွေးပါ။ အထူးသဖြင့် အသက်ကိုမေးလာရင် လိမ်ပြောပါ။

(ဒုတိယ အမေးကို ဖြေတာက ဂျော့ဂ်ျ ဘားနတ်ရှောပါ၊ ကျန်တာတွေ မသိပါ)

Read more

သတင်းစာဖတ်ခြင်း အကျိုး (နဝမတန်း စာစီစာကုံး)

ဗုဒ္ဓဟူးနေ့က ကုလသမဂ္ဂက ထုတ်ပြန်သော ငြိမ်းငြိမ်းချမ်းချမ်းအရှိဆုံး ထိပ် တန်း နိုင်ငံ ၂၀ တွင် အာရှမှ သုံးနိုင်ငံပါဝင်သည်ဟု သိရပါသည်။ ထို စာရင်း က ထူးတော့ မထူးခြားလှပါ၊ ထို ငြိမ်းငြိမ်းချမ်းချမ်းအရှိဆုံး ထိပ်တန်း နိုင်ငံ ၂၀ က အိုက်စ်လန့်မှာ အစပြုခဲ့သဖြင့် ရေခဲထူထပ်သောနိုင်ငံများနိုင်ငံများ၊ ရာသီဥတု အေးချမ်းသော နိုင်ငံများဟု မှတ်ယူနိုင်ပါသည်။
ဂျပန် အဆင့်ခြောက်၊ စင်္ကာပူ အဆင့် ၁၆ နှင့် ဘူတန် အဆင့် ၂၀ တို့ ဖြစ်ကြ ပါသည်။ အဆင့် ၂၀ တွင် ကျနော်တို့နိုင်ငံမပါဝင်ပါ။

ထို့ကြောင့် အောင့်သက်သက်ဖြင့် တစ်နေရာတွင် တွေ့လိုတွေ့ငြား ဆက် လက်ရှာဖွေကြည့်မိပါသည်။ အရှေ့တောင်အာရှနိုင်ငံများ စာရင်းတွင် ကျနော်တို့နိုင်ငံကို တွေ့လိုက်ရသည်။ အရှေ့တောင်အာရှ (၁၀ ) ဆယ်နိုင် ငံအနက် အဆင့် ၉ တွင် ရပ်တည်နေသည်ကိုတွေ့ရပါသည်။ အဘယ့်ကြောင့် အဆင့် ၉ မှာရှိနေရသည်ကို လေ့လာကြည့်ရာ ထိုစာရင်းတွင် ဘရူးနိုင်း မပါဝင်သည်ကို ထပ်တွေ့ရပြန်ပါသည်။
အရှေ့တောင်အာရှ နိုင်ငံများတွင် စင်္ကာပူက တစ် ဖြစ်ပြီး ထိုင်းက အဆင့် ရှစ် ဖြစ်သည်။ ထိုင်းက အဘယ့်ကြောင့် အဆင့် ရှစ်မှာရှိပြီး ကျနော်တို့က အဘယ့်ကြောင့် အဆင့် ၉ မှာရှိနေရသည်ကိုရှာဖွေကြည့်မိသော်လည်း အဖြေ မရခဲ့ပါ။

သို့သော် ဆောင်းပါးများ ဖော်ပြသည့် သတင်းစာနောက်ပိုင်းမှာ ဆောင်း ပါး တစ်ပုဒ်တွေ့လိုက်ရပါသည်။ အမျိုးသမီးကြီး နှစ်ဦးနှင့် အမျိုးသားကြီး တစ် ဦး နိုင်ငံ နာမည်ကို ဘားမားဟု ခေါ်မလား၊ မြန်မာဟု ခေါ်မလားဟု အော်ဖစ် ရှယ် ငြင်းခုံနေကြသည်ကို တွေ့လိုက်ရပါသည်။ ထို့ကြောင့် ထိုင်းက ကျနော် တိုရှေ့ ရောက်သွားသည်ဟု ဆိုက ရကောင်းရနိုင်ပါသည်။

အမှန်မူ ကျနော်တို့နိုင်ငံက ပျော်စရာ ကောင်းလှပါသည်။ မီးပျက်နေသည် ဆိုလျင်ပင် နိုင်ငံ၏နာမည်နှင့်ပတ်သက်ပြီး အမှောင်ထဲမှာ ထိုင်ငြင်းနေလို့ ရပါသည်။ အပူပိုင်းနိုင်ငံဖြစ်ခြင်း၊ မီးအမြဲလိုလိုပျက်နေခြင်းကြောင့် အေးအေး ချမ်းချမ်းအရှိဆုံး နိုင်ငံများတွင် ပါဝင်ဖို့တော့ မလွယ်ပါ။

သို့သော် လူတိုင်း (ဘရာဇီးမှာ လူတိုင်းဘောလုံးနည်းပြ အရည် အသွေးရှိ သလို) သမ္မတဖြစ်နိုင်သော အရည်အသွေးရှိသောနိုင်ငံဖြစ်သဖြင့် ဆက် လက်ငြင်းခုံနေစရာ Hot issue များ သူများထက် ပိုရှိနေပေလိမ့်မည်။ ထို့ကြောင့် ပျင်းစရာတော့ မကောင်းလှပါ။ ပျော်စရာပင် ကောင်းနေပါသေး သည်။

ဤသည်မှာ ယနေ့ သတင်းစာဖတ်ရခြင်း အကျိုးဖြစ်ပါသည်။
အချိန်းရှိလျှင် အနည်းဆုံး နိုင်ငံ့အမည်ကို အောဖစ်ရှယ် ထိုင်ငြင်းနေလို့ ရသည်ဟု လေ့လာမိလိုက်ပါသည်။

ဇင်ဝေသော်၊ (နဝမတန်း)

Read more

ဘနားနား ယူနီဗာစီတီ (ကျောင်းတွင်းမှတ်စု)

ယနေ့ ကမ္ဘာ့တက္ကသိုလ်များ အမည်ဆီ အာရုံကျသည်။ ကမ္ဘာကျော် တက္က သိုလ်ကြီးများ ဖြစ်ကြသည့် ဟားဘတ်၊ ယေးလ်၊ မန်ဆာချူးဆက် ၊ အောက် စဖို့ဒ် စသော တက္ကသိုလ်ကြီးများတွင် "အင်တာနေရှင်နယ်" ဘာညာ စသော ဟိန်းလုံး ဟောက်လုံးကြီးများ မတွေ့ရ၊ နာမည်ရိုးရိုးလေးတွေသာတွေ့ရသည် ။ အမည်က ရိုကျိုး၍ အလုပ်က ကြီး ကျယ်သည်။
အမှန်မူ တက္ကသိုလ်အမည်သည် တိုလေလေ ဘောင်ကျယ်လေလေဖြစ်ပြီး ရှည်လေလေ ဘောင်ကျဉ်းလေလေဖြစ်၏။

ဥပမာ သီရိလင်္ကာက "Buddhist and Pali University" ကို ကြည့်ပါ။ Buddhist University ဆိုလျှင် ဗုဒ္ဓဘာသာအားလုံးနှင့်ဆိုင်သည်။ Pali ဟု ထည့်လိုက်သဖြင့် သက္ကဋ စသော အခြားဘာသာစကားနှင့် ယဉ်ကျေးမှုတို့ ကို ကန့်လိုက်သလို ဖြစ်သွားသည်။
မဟာယာနတို့က ပို၍ ဘောင်ကျယ်သည်၊ Buddhist University ဟု အမည်ပေးလိုက်သည်။ ထေရဝါဒကို ကန့်မထားခဲ့။ ပါဠိကိုလည်း ကန့်မထား ခဲ့။ သင်ကြားပေးနိုင်အောင်လည်း ထေရဝါဒ ပါဠိ ပညာရှင်တို့ကို ခန့်အပ်၏။

ကျွန်ုပ်တို့နိုင်ငံက ပရမတ်နှင့် ပညတ်အကြောင်း တော်တော်ပြောကြ၏။ "ဒါတွေက ပညတ်တွေပါ" ဟုလည်း ဆိုမိန့်တတ်ကြ၏။ အမှန်မူ ထိုနိုင်ငံတွင် ပညတ်၏ ကျေးကျွန်တော်တော်များ၏။
"ကမ္ဘာ့အဆင့်မီ"
"အင်တာနေရှင်နယ်"
"အပြည်ပြည်ဆိုင်ရာ" စသောအမည်များကို နှစ်လို အားရ သုံးစွဲတတ်ကြ၏။ ထို စကားလုံးတို့က ပါဠိစကားနှင့်ဆိုလျှင် ပဒ ပူရဏ (အဓိပ္ပါယ်မရှိ၊ ပုဒ်ပြည့်ရုံ အပိုထည့်စကား ဟူ၏) များသာဖြစ်သည်။
လူပုဂ္ဂိုလ်များ သုံးစွဲသည်က တော်သေး၏။ ထို ပဒ ပူရဏပညတ်ပိုးက နိုင် ငံတော်ဆိုင်ရာ သံဃာ့အဖွဲ့အစည်းကိုပင် ဝင်ကိုက်နေသည် တွေ့ရ၏။

ရန်ကုန်မှာ ရှိစဉ်က မရမ်းကုန်းမှာရှိသော ထို "အင်တာနေရှင်နယ်" ဆိုသည့် တက္ကသိုလ်ကြီးမှာ ဒီပလိုမှာတက်နေသော ဂျာမန်အမျိုးသမီး တစ်ယောက်နှင့်တွေ့ပြီး စကားစမည်ပြောမိရာ သူမက "ဘနားနား ယူနီ ဗာစီ တီ" မှာ ကျောင်းတက်နေသည်ဟုဆိုသည်။ အကြောင်းကိုမေးတော့ နေ့တိုင်း ထမင်းစားအပြီး ငှက်ပြောသီး တစ်လုံးစီပေးသောကြောင့်ဟူ၏။

မှန်၏။ "ဘနားနား ယူနီဗာစီတီ" ဟုဆိုသဖြင့် သူတို့ (ကျောင်းသားတို့) ကို ပန်းသီးပေးစရာမလိုတော့။ ဘနားနားက ချိပါး (Cheaper) ဖြစ်၏။

Read more

***ပုန်းနေရတဲ့ ဒေသနာတော်***

စဉ်းစားကြပါအုံး
ကမ္ဘာကြီးက လုံးပြီး ဝိုင်းနေတော့
ညောင်ဦးဖက် ကမ်းပြိုပြီးရင်
စမ္ပာနဂိုရ်ကို ရေဆက်တိုက်စားတယ်။

"အပြစ်ရှိသူ ဆယ်ယောက်လွတ်နေပါစေ
အပြစ်မဲ့သူ တစ်ယောက်ကို မဖမ်းမိပါစေနဲ့"
ပုလိပ်တွေ ရွတ်ဖတ်တဲ့ အစ်သစ်စကား
နားနဲ့ဆတ်ဆတ် တုိ့ကြားဖူးတယ်။

ဘင်လာဒင် လွတ်ချင် လွတ်ပါစေ
တို့ ကွန်မန်ဒိုတစ်ယောက်ရဲ့အသက်
ပွဲမထွက်ခင်ကပဲ စိုးရိမ်နေရရင်
အနေအထားကို ခဏစောင့်ကြည့်
သတိ...သတိ....သတိ
အဟုတ်ရယ်
ဘင်လာဒင် တကယ်မိတော့
ကွန်မန်ဒိုသွေးတစ်ပေါက် မြေ မသောက်လိုက်ရဘူး။

တကယ့် စစ်ပွဲကြီးတွေမှာတောင်
ဟိုး အရင်ကလို နိုင်ပြီးရော မဟုတ်တော့ဘူး။

ကိုယ့်လူ အသေအပျောက် မရှိဖို့
ကိုယ့်လူ အသေအပျောက် နည်းဖို့
ပြီးတော့
သူ့လူပါ အသေအပျောက် နည်းဖို့
တွက်ကြ ချက်ကြ
ရှောင်မရတဲ့ စစ်ပွဲမှာတောင်
အက်သစ်တော့ ရှိကြရတယ်လေ
သေသူတွေက အပြစ်မဲ့သူတွေ ဖြစ်နေတတ်လွန်းလို့။

ဥရောပက ဗုဒ္ဓဘာသာလက်သစ်တွေ
ဟစ်တလာကလွဲရင်
ဟစ်တလာ စစ်သားငယ်ကိုတောင် မပစ်နိုင်ဘူးဆိုလို့
ကွန်ထရိုဗာရှယ်တွေ ဖြစ်လို့။

အမေရိကလား
ဂျပန်လား
ဂျာမဏီလား
စင်္ကာပူလား
ကမ္ဘာ့နိုင်ငံတိုင်းမှာလည်း
"ဝံသာ" တော့ "နု" ကြပါတယ်
ဒါပေမဲ့
ဦးနုခေတ်က "ဝံသာ" နု သလိုတော့မဟုတ်ဘူး
အနုနည်းနဲ့ ပညာပါပါနုကြတယ်။

ညောင်ဦးက ကမ်းပြိုတာတွေ
စမ္ပာနဂိုရ်မှာ ရေနစ်နေသူတွေ
ဒါတွေ ဒါတွေကို
ထိတ်လန့်စွာ တွေ့နေရတော့
"ကောဓေန ကောဓံ
ဒေါသေန ဒေါသံ"
ဘုရားရှင်ရဲ့ ဒေသနာအမှန်လည်း
နေရာမမှန်ဘူး အဆိုခံရမှာ စိုးထင်ရဲ့
စာအုပ်ထဲက ထွက်မလာရဲရှာဘူး။


ခက်ဆစ်
ကွန်ထရိုဗာရှယ်=အငြင်းပွားဖွယ်
ကောဓေန ကောဓံ=အမျက်ကို အမျက်ဖြင့်
ဒေါသေန ဒေါသံ= ဒေါသကို ဒေါသဖြင့် (ကိစ္စမပြီး၊ မအောင်မြင်နိုင်ရာ)

Read more