၁၆ ရာစု ဥရောပအတိုင်း

ဒီလိုကွ၊ ကျောင်းကနေ ဆေးရုံကြီးကို သွားကြတာ။ ကျုံးဘေးလမ်းမကြီးပေါ်မှာ ဆိုက်ကားဆရာက လမ်းလယ် တည့်တည့်ကြီးကနေ နင်းတာကွာ။ ငါလည်း လန့်တာပေါ့။ ဒါနဲ့
"ဒကာကြီး ခင်ဗျားက ဘာ့ကြောင့်လမ်းလယ် တည့်တည့်ကနေ နင်းနေရ တာတုံး၊ ဘေးချနင်း" လုိ့ပြောတော့
"ဘုန်းဘုန်းတွေ ဆိုက်ကားပေါ် ပါနေတာပဲ ရပါတယ်" တဲ့ကွာ။
"ပါပါ၊ မပါပါ၊ မနင်းရဘူး။ နောက်ပြီး လော်ရီတက်ကြိတ်ရင် ဘုန်းဘုန်းလည်း သေ တာပဲ"ဆိုပြီး ဘေးချနင်းဖို့ မနည်းပြောယူရတယ်ဗျာ-
ဆရာသမားက ဒီ ရောက်စဉ် သူ့အတွေ့အကြုံကို ဖောက်သည်ချခဲ့တာပါ။
ဘုန်းကြီးပါလာတော့ ဆိုက်ကားဆရာလည်း သတ္တိကောင်းသွားတယ်။
ဒါနဲ့ ဆက်စပ်ပြီး စဉ်းစားမိတာပါ။ လက်ရှိအနေအထားအရ ဘုန်းကြီးတွေဘဝ ကလည်း မလွယ်လှဘူး။
သမ္မတဦးသိန်းစိန်က အစ ဆိုက်ကားဆရာ အဆုံး လိုက်ထိမ်းပေးနေကြရတယ်။
တကယ်၊ ၁၆ ရာစု ဥရောပအတိုင်းပဲ။

Read more

နိုင်ငံခြားမှာ ဒါတွေရှိတယ်

နိုင်ငံခြားမှာ ဒါမျိုးတွေကိုလည်း လျှောက်ထားရင် ပြောပေးရပါတယ်။
နိုဗ္ဗာန်ရောက်ကြောင်း ချည်းပဲ မဟုတ်ပါ။
လူထုကြားမှာ တကယ်ရှိ၊ တကယ်ဖြစ်နေတာတွေအပေါ် ဗုဒ္ဓဘာသာရဲ့ အမြင်နဲ့ ရပ်တည်ချက်ပေါ့။
ဘလော့ဂ်ပေါ်က စာဖတ်ပရိသတ်တစ်ယောက်ကတော့ မရောင်ရာ ဆီလူးလို့ ဆိုပြီး ဝင်ငေါက်သွားဖူးတယ်။
ခပ်နိမ့်နိမ့် ကွန်မင့်လို့ပဲ သဘောထားလိုက်ရပါတယ်။
ဝိနည်းကလွဲရင် သူတို့ကိုလည်း ဘေးဖယ်ထားလို့ မသင့်ပါဘူး၊ အားလုံးက သဗ္ဗေသတ္တာပဲ။

Thank you very much for accepting our invitation to give a talk on the subject appended below:
Question - LGBT (Lesbian(မ-မ), Gay (ကျား-ကျား), Bisexual (ကျား+မ၊ မ+ကျား) , Transgender(ကျား ကနေ မ ပြောင်း၊ မ ကနေ ကျားပြောင်း)
- what is the Buddhist standpoint?
Is same-sex relationship acceptable?
Will there be karma (just like people who make the decision to commit suicide)?

Read more

The Four

The Four ဆိုတဲ့ တရုတ်သမိုင်း ဇာတ်လမ်းတွဲကြီးရှိတယ်။ မြန်မာပုဂံ သမိုင်း နဲ့ တော်တော်ဆင်ပါတယ်။ အဓိက ဇာတ်ဆောင်ကောင် လေးယောက်က ပုဂံ လူစွမ်းကောင်း လေးယောက်နဲ့ ၇၅ ရာခိုင်နှုန်းလောက် တူမယ်။
မတူတာက ကျန်စစ်သားနေရာ ခေါင်းဆာင်က ခြေထောက်မကောင်းလို့ ဘီးတပ် ကုလားထိုင်နဲ့ ဖြစ်နေခြင်းသာ ဖြစ်ပါတယ်။
ဘယ်ဟာက မူရင်းလည်း မသိပါ။ တိုက်ဆိုင်မှု ဖြစ်နိုင်သလို ဇာတ်ကွက် ဖန်တီး မှုလည်း ဖြစ်နိုင်ပါတယ်။

ဝမ်းနည်းစရာ အကောင်းဆုံးအခန်းက ဘုရင်ကို ထွက်ပြေးခိုင်းပြီး သူတို့လေးယောက်က သိန်းချီတဲ့ ရန်သူတွေကို ရင်ဆိုင်နေရစ်ခဲ့တဲ့ နောက်ဆုံး ဇာတ်သိမ်းခန်းပါ။
ဘီးတပ်ကုလားထိုင်နဲ့ ခေါင်ဆောင်မင်းသား ပြောလိုက်တဲ့ စကားက
"See you next life." တဲ့။
ဇာတ်လမ်းတွဲက ဒါနဲ့ သိမ်းထားတယ်။
တချိန်ချိန်မှာ စီးပွားရေးတွေကောင်းလာ၊ အနုပညာ(အထူးသဖြင့် ငွေကုန်ကြေး ကျများတဲ့ ရုပ်ရှင်လို)အဆင့်တွေ မြင့်မားလာပြီး ပုဂံခေတ်အကြောင်း ဒီလို ဇာတ်လမ်းတွဲကြီးတွေ ရိုက်နိုင်ရင် ကောင်းမယ်။

Read more

တိုက်ဆိုင်လို့ ဂျူး ဟောလီးဒေး ပြန်တင်တယ်

တစ်ခါက အဒေါဖ် ဟစ်တလာဟာ ဗေဒင်ဆရာဆီကို ဗေဒင်သွားမေးတယ်။
"ဘယ်နေ့ ကျနော် သေရမှာလဲ ဆရာ"
"ဂျူး တွေရဲ့ ဟောလီးဒေး နေ့ မှာ သေရမှာပါ"
"ခင်ဗျားဟာက သေချာလှပါလား၊ ဂျူး ဟောလီးဒေးမှာ သေရမယ်လုိ့"
"ဒီလိုပါ၊ ခင်ဗျား ဘယ်နေ့ပဲ သေသေ အဲဒီနေ့ဟာ ဂျူး တွေရဲ့ ဟောလီးဒေး..."

Read more

RFA သတင်းမှန်ရင်တော့ ဦးသိန်းစိန်က လူထုမေတ္တာ ရဦးမှာပဲ။

အကွက်ရွှေ့ပိုင်တယ်။
ဒီနေ့ သတင်းအရ ဂျင်မီကာတာနဲ့ တော်တော်ဆင်လာပြီ။

သမ္မတရုံးအကြံပေး ဦးအံ့မောင်ကို ဖမ်းဆီးထိန်းသိမ်း
****************************************************
နိုင်ငံတော်သမ္မတရုံးအကြံပေး ဦးအံ့မောင်ကို အထူးစုံစမ်းစစ်ဆေးရေးဦးစီးဌာနက မနေ့ညက ဖမ်းဆီးထိန်းသိမ်းထားတယ်လို့ နေပြည်တော် အသိုင်းအ၀ိုင်းက သိရပါတယ်။
ဦးအံ့မောင်ကို ဖမ်းဆီးထိန်းသိမ်းလိုက်တဲ့ကိစ္စဟာ ပြီးခဲ့တဲ့ရက်ပိုင်းက အဖမ်းခံထားရတဲ့ သာသနာရေးဝန်ကြီးဟောင်း ဦးဆန်းဆင့်ကိစ္စနဲ့ ဆက်စပ်နေတယ်လို့လည်း သိရပါတယ်။
အဲ့ဒီကိစ္စနဲ့ ပတ်သက်ပြီး ပါဝင်ပတ်သက်သူ ၉ဦးရှိပြီး အဲဒီလူပုဂ္ဂိုလ်တွေအားလုံးကို အထူးစုံစမ်းစစ်ဆေးရေး ဦးစီးဌာနက ဆက်လက် အရေးယူသွားမယ်လို့လည်း သိရပါတယ်။

Read more