ဘာသာစကားနှစ်ခုပြောခြင်းက အတိတ်မေ့ရောဂါကို ကာကွယ်နိုင်

ဘာသာစကားနှစ်ခုပြောနိုင်ခြင်းက အကျိုးကျေးဇူးများစွာရှိနိုင်ကြောင်း ယနေ့ ဂလိုဘယ်လိုက်ဇ် ကမ္ဘာ၌
ပြောဖွယ်ပင်မလိုတော့။ လတ်တလော သိပ္ပံပညာရှင်များတွေ့ရှိချက်အရ လူထုဆက်ဆံရေးထက် များစွာပိုလွန်နေကြောင်း တွေ့ရှိကြသည်၊ဘာသာစကားနှစ်ခုပြောနိုင်ခြင်းက ပို၍စမတ်ဖြစ်နိုင်သည်။ ကျိုးကြောင်းဆက်စပ်မှုတို့၌ ပို၍တော်စေပြီး အသက်ကြီးသောအခါ ဖြစ်တတ်သော အတိတ်မေ့ရောဂါကိုပင်ကာကွယ်နိုင်သည်ဟု ဆိုကြသည်။

ယနေ့တွေ့ရှိမှုသည် ၂၀ ရာစုကတွေ့ရှိမှုနှင့် ခြားနားလျက်ရှိသည်။ ၂၀ ရာစုကတွေ့ရှိမှုအရ ဘာသာစကားနှစ်ခုပြောခြင်းက ကလေး၏ဦးနှောက်ဖွံဖြိုးမှုနှင့်ပညာရေးကို အဟန့်အတား(သို့) ထိခိုက်စေနိုင်သည်ဟုဖြစ်လေသည်။

သူတို့ဆိုလိုသည်လည်း မှားတော့မမှားပေ၊ ဘာသာစကားနှစ်ခုပြောနိုင်သူက တစ်ဘာသာဖြင့် စကားပြောခိုက် အခြားဘာသာစကားနှင့်စပ်သော ဖန်ရှင်များလည်း အလုပ်လုပ်လျှက်ရှိသည်။ ထို့ကြောင့် ဖန်ရှင်တစ်ခုကိုတစ်ခု အဟန့်အတားဖြစ်စေသည်။ သို့သော် ဤသို့ဖြစ်ခြင်းက အဆိုးထဲက အကောင်းပင်ဖြစ်ကြောင်း ယနေ့တွေ့ရှိခဲ့ကြသည်။ ဤသို့ဖြစ်ခြင်းကဦးနှောက်ကို ပို၍အလုပ်လုပ်စေပြီး ဆက်စပ်သိမြင်နိုင်မှုတို့၌ အကူအညီများစွာရနိုင်သည်။

ကလေးသူငယ်များအတွက် ဘရိန်းဂိမ်းများ ကစားရာ၌ ဘာသာစကားနှစ်ခုပြောနိုင်ခြင်းက တစ်ခုသာပြောနိုင်သောကလေးများထက် များစွာသာလွန်ကြောင်းတွေ့ရှိရသည်။ ဤအချက်ကို စိတ်ပညာရှင်များဖြစ်ကြသည့် Ellen Bialystok နှင့် Michelle Martin-Rhee တို့ကဘာသာစကားနှစ်ခု ပြောနိုင်သော ကလေးများနှင့်တစ်ခုသာပြောနိုင်သောကလေးများ အကြားစမ်းသပ်ခဲ့ခြင်းဖြစ်သည်။

ရှာဖွေတွေ့ရှိမှုများကို ခြုံငုံသုံးသပ်ကြည့်ရာ ဘာသာစကားနှစ်ခုပြောနိုင်သူက အစီအစဉ်ရေးဆွဲခြင်း၊ ပြဿနာဖြေရှင်းခြင်း နှင့်အခြားဦးနှောက်သုံးလုပ်ရသော အလုပ်များ၌ သာလွန်ကြောင်းတွေ့ရှိကြသည်။အခြားကိစ္စများကိုဘေးထားပြီး အလုပ်တစ်ခုထဲ၌အာရုံစိုက်နိုင်ခြင်း၊ စိတ်ထဲမှ တစ်ခုခုမှတ်ထားစဉ် အာရုံတစ်ခုမှ အခြားအာရုံတစ်ခုသို့ ကူးပြောင်းနိုင်ခြင်း၊ ကားမောင်းနေစဉ် ခရီးစဉ်ကိုကြိုတင်တွက်ချက်တတ်ခြင်းတို့ပါဝင်လေသည်။

ဤကိစ္စက ဆက်စပ်တွေးတောမှု၌ အဘယ်ကြောင့် ဤမျှခြားနားရေသနည်း။

လတ်တလောမတိုင်မီအထိ တွေ့ရှိမှုအရ အာရုံနှစ်ခုပြိုင်လာသောအခါ ဘရိန်းစစ်စတန် တစ်ခုက အခြားစစ်စတန်တစ်ခုကို ဘေးဖယ်ထားနိုင်ခြင်းကြောင့် ဘာသာစကား နှစ်ခုပြောသူက ဘာသာစကားတစ်ခုပြောသူထက် သာလွန်တတ်ကြောင်းရှင်းပြခဲ့ကြသည်။ ဤရှင်းပြချက်က ယနေ့မလုံလောက်တော့ပေ။ အဘယ်ကြောင့်ဆိုသော်အာရုံနှစ်ခု ပြိုင်မနေသောအလုပ်များ၌ပင် ဘာသာစကားနှစ်ခုပြောသူက ဘာသာစကားတစ်ခုပြောသူထက် သာလွန်နေသောကြောင့်ဖြစ်သည်။

ဘာသာစကားနှစ်ခုပြောသူနှင့် ဘာသာစကားတစ်ခုပြောသူတို့ကြား ခြားနားချက်က ထိုထက်အခြေခံကျသည်။

"ဖခင်နဲ့ ဘာသာတစ်ခုပြောပြီးမိခင်နဲ့အခြားဘာသာကိုပြောရမဲ့သူဟာ ပတ်ဝန်းကျင်ကိုပိုပြီး အလေးထားရပါတယ်၊ ဦးနှောက်ကိုချက်ချင်းအာရုံပြောင်းပြီး အလုပ်လုပ်ရပါတယ်၊ ဒါကြောင့် ကားမောင်းနေစဉ်မှာခရီးကိုကြိုတင်တွက်ဆခြင်းစတဲ့ ဝန်းကျင်နဲ့ဆိုင်တဲ့ကိစ္စတွေမှာပိုတော်နေတာပါ" လို့ စပိန်နိုင်ငံ၊Pompea Fabra တက္ကသိုလ်၊သုတေသနပညာရှင် Albert Costa ကရှင်းပြပါသည်။

အီတလီ၊ ဂျာမန်ဘာသာစကားနှစ်ခုပြောသည့်အုပ်စုနှင့် အီတလီဘာသာစကားတစ်ခုသာ ပြောတဲ့အုပ်စုကို နှိုင်းယှဉ်လေ့လာရာမှာ ဘာသာစကားနှစ်ခု ပြောသည့်အုပ်စုက ပါဖောင်းမင့်မှာ

သာရုံတင်မကပဲ ဦးနှောက်အလုပ်းပေးရမှုနည်းပြီး အလုပ်လုပ်ရာမှာလည်းပိုပြီး ထိရောက်မှုရှိကြောင်း သူကရှင်းပြခဲ့သည်။

ဘာသာစကားနှစ်ခုပြောတဲ့အလေ့အကျင့်က ကလေးဘဝကနေ သက်ကြီးရယ်အိုအထိ အကြုံးဝင်ပါသည်။ (ကြီးမှ အခြားဘာသာကို လေ့လာသူတွေလည်း အကြုံးဝင်တယ်လို့ယူဆရပါတယ်)

အီတလီနိုင်ငံ၊ အင်တာနေရှင်နယ် အထက်တန်းကျောင်းမှ ပညာရှင် Agnes Kovacs ကလည်း ဤနှစ်စုကိုအခြေခံပြီးသုတေသနပြုခဲ့သည်။ သူ့အဆိုအရ ဘာသာစကားနှစ်ခုပြောတဲ့ကလေးများက အခြားကလေးတွေထက်အာရုံအပြောင်းအလဲလုပ်ရာနဲ့ ဒါရိုက်ရှင်မှတ်သားတဲ့နေရာတွေမှာ သာလွန်နေကြောင်းသိရသည်။

ဤလေ့လာမှု သုတေသနအရ တတိယအရွယ်မှာလည်း အကျိုးကျေးဇူးကြီးကြောင်း သိရပြန်သည်။

San Diego မှာရှိသည့် California တက္ကသိုလ်က  စပိန်၊ အင်္ဂလိပ်ဘာသာစကား နှစ်ခုပြောသည့် ဦးနှောက်နဲ့အာရုံကြောပညာရှင် Tamar Gollan ဦးဆောင်သည့် လေးဆယ့် လေးယောက်ပါဝင်သော သိပ္ပံပညာရှင်များ၏ တွေ့ရှိမှုအရ အဆင့်မြင့်ပညာများကို ဘာသာစကား နှစ်ခုဖြင့် ကျွမ်းကျွမ်းကျင်ကျင်တတ်ထားလျှင် ဘာသာနှစ်ခုစလုံးမှာ အကျိုးသက်ရောက်မှုရှိပြီး အတိတ်မေ့ရောဂါနဲ့အခြားသော အာရုံကြောဆိုင်ရာ ရောဂါများကို ပိုပြီးကာကွယ်ထားနိုင်ကြောင်း သိရသည်။ပညာအဆင့်အတန်းမြင့်လေလေ အသက်ကြီးသောအခါ အကျိုးသက်ရောက်မှု ရှိလေလေဖြစ်သည်။

ဘာသာစကားနှစ်ခုပြောနိုင်ခြင်း၏ အားသာချက်ကို လူတိုင်းလက်ခံကြသော်လည်း ကျွန်ုပ်တို့ကြားနေ၊ ပြောနေကြသည့် စကားလုံးများ၊ ဝါကျများက ဒီမျှ အကျိုးရှိလမ့်မည်ဟုတော့ မည်သူမှမစဉ်းစားမိခဲ့ကြသေးပေ။

NEW YORK TIMES SYNDICATE

Original story >> Why Bilinguals Are Smarter

ဇင်ဝေသော်

Copyright © 2011 ကမ်းလက်. All rights reserved.

Read more

လူနဲ့ တံလျပ်

ဟေး မှိုတွေ မှိုတွေ
ဟာ တစ်ပွင့်ထဲ
ဟင် ညောင်ရွက်ကြီး
အို နိုး ခွေချေးခြောက် ကြီး။ ။

ဇင်ဝေသော်

Copyright © 2012 ကမ်းလက်. All rights reserved.

Read more

A-Z ဗုဒ္ဓဘာသာအကြောင်း (၁)

ပထမဆုံးအမှာစကား ပြောချင်ပါတယ်။ A Guide To Buddhism A to Z စာအုပ်က S- Dhammaki ဆိုတဲ့ သြစတေးလျ ရဟန်းတော်တစ်ပါး ရေးတဲ့စာအုပ်ပါ။ အက္ခရာစဉ်အလိုက် ဗုဒ္ဓဘာသာနဲ့ပတ်သက်တဲ့ ဝေါဟာရ၊ ထင်ရှားတဲ့ဆရာတော်၊ လူပုဂ္ဂိုလ်တွေကို အရင်းပြုထားတာပါ။ အက္ခရာစဉ်မှာ အင်္ဂလိပ်အက္ခရာအတိုင်းစဉ်ထားတာမို့ ကခဂဃင နဲ့တော့ သွားလို့မရတော့ပါဘူး။ A ဆိုရင် အဘိဓမ္မ၊ အဘိဓမ္မာ ပိဋကတ်စတာတွေနဲ့ ဖွင့်ဆိုသွားပါတယ်။ သိပ်သိပ်သည်းသည်းရှိပြီး ကျမ်းညွှန်းလည်တိကျလို့ ရှိသင့်တဲ့စာအုပ်လို့ ထင်ပါတယ်။

            ဒီစာအုပ်ထဲက မြန်မာတွေသိသင့်တယ် ထင်တာလေးတွေကို မျှဝေသွားဖို့ ဆန္ဒရှိပါတယ်။ အက္ခရာစဉ်ဆိုတော့ မတတ်နိုင်တော့ဘူး။ Abortion နဲ့ပဲ စလိုက်ပါရစေတော့။

Abortion (ကိုယ်ဝန်ဖျက်ချခြင်း)

            ပါဠိလို “ဂဗ္ဘပတန” လို့ ရှိပါတယ်။ ဒီကိုယ်ဝန်ဖျက်ချခြင်းဟာ ရှေးခေတ်ဘုရားရှင်လက်ထက်ကတည်းက ရှိခဲ့ပါတယ်။ ခွဲစိတ်လို့ဖြစ်စေ၊ ကိုယ်ဝန်ကို ပျက်ကျစေအောင် ပြင်းပြင်းထန်ထန် ခါရမ်းခြင်းဖြင့်ဖြစ်စေ၊ ဆေးဝါးစသည် သုံးစွဲစေခြင်းအားဖြင့်ဖြစ်စေ ကိုယ်ဝန်ကိုကျစေနိုင်ပါတယ်။

            ဗုဒ္ဓဘာသာအရ ကိုယ်ဝန်တည်လိုက်သည်နှင့်တပြိုင်နက် သတ္တဝါက အသက်ရှိပြီမို့ ပါဏာတိပါတကံရောက်ပါတယ်။ ဇာတ်တော်များအရ ကိုယ်ဝန်ဖျက်ချခြင်းအားဖြင့် မကောင်းတဲ့ဘုံဘဝတွေမှာ မွေးဖွားစေနိုင်ပါတယ်။ ( ဇာတက- ၅၊ ၂၆၅) ရဟန်းသီလရှင်များ ဤကိစ္စကို မပြုလုပ်မိစေဖို့ ပြင်းပြင်းထန်ထန် တားမြစ်ပါတယ်။ ( ဝိနယ ၁၊ ၁၁)

            အချို့အခြေအနေများမှာ မိခင်ရဲ့အသက်ကို ကာကွယ်ဖို့ ကိုယ်ဝန်ကိုမလွဲမရှောင် ဖျက်ချရခြင်းလည်း ရှိနိုင်ပါတယ်။ ဒါပေမယ့် အများအားဖြင့်တော့ အရှက်ကိုကာကွယ်ဖို့နဲ့ ကလေးယူဖို့ အဆင်သင့် မဖြစ်သေးခြင်းစတဲ့ အကြောင်းတွေကြောင့်ပဲ ဖြစ်ပါတယ်။ ဗုဒ္ဓဘာသာ၏ ရှုထောင့်အရ လွန်စွာကျိုးကြောင်းမညီညွတ်တဲ့ ဆင်ခြေများဖြစ်ပါတယ်။

            ကိုယ်ဝန်ဖျက်ချခြင်းသည် သီရိလင်္ကာနှင့် မြန်မာနိုင်ငံတွင် တရားဥပဒေနှင့်ဆန့်ကျင်ပြီး၊ ထိုင်းနိုင်ငံမှာတော့ တရားဥပဒေနဲ့ ညီတယ်လို့ သိရပါတယ်။

AJHAN CHAH- (အဂျန်ချာ)

            အဂျန်(အရှင်နှင့်တူမည်) ချာဟာ (၂၀) ရာစုမှာ အထင်ရှားဆုံး ကမ္မဌာန်းနည်းပြဆရာတော်တစ်ပါး လို့ပြောရင် ရကောင်းရပါတယ်။ ၁၉၁၈-ခု ထိုင်းနိုင်ငံမှာ မွေးဖွားတော်မူခဲ့ပြီး ငယ်စဉ်ကတည်းက သာမဏေဝတ်ခဲ့ပါတယ်။ နောက်ပိုင်း သမရိုးကျ ဘုန်းတော်ကြီးကျောင်း ရဟန်းဘဝကို ငြီးငွေ့ပြီးတောတောင်ထဲမှာပဲ လှည့်လည်တရားကျင့်နေခဲ့တယ်။ တဖြည်းဖြည်းနဲ့ တောကျောင်းတည်ထောင်ပြီး တရားဘာဝနာပွါးများလိုသူတွေကို နည်းပြပေးခဲ့ပါတယ်။

            အဂျန်ချာဟာ သူ့ရဲ့နွေးထွေးလှိုက်လှဲတဲ့ ပြုံးရွှင်စရာစကားတွေနဲ့ တရားရှုမှတ်မှုအပေါ်မှာ လက်တွေ့ကျပြီး ရှင်းလင်းတဲ့ ရုတ်တရက် အဖြေစကားတွေကြောင့် လူသိထင်ရှားခဲ့ပါတယ်။

            ၁၉၇၀- ဝန်းကျင်မှာတော့ အနောက်တိုင်းသား ယောဂီများကို စည်းရုံးနိုင်ခဲ့ပြီး တော်တော်များများ ရဟန်းဖြစ်၊ ရဟန်းတော်များကလည်း အနောက်တိုင်းနိုင်ငံများမှာ ကျောင်းတွေထောင်၊ တရားရိပ်သာတွေဖွင့် လုပ်ကြပါတယ်။

            သူကိုယ်တိုင် စာအုပ်မရေးခဲ့ပေမယ့် သူမိန့်ကြားခဲ့တဲ့စကားတွေ၊ တရားတွေ၊ ပုံတိုပတ်စတွေကတော့ အသံဖမ်းယူဖြန့်ချီကြလို့ ကမ္ဘာ့လူထုကြား တော်တော်ပျံ့နှံ့ပါတယ်။

            အဂျန်ချာဟာ ၁၉၉၂- ခုမှာ ဘဝနတ်ထံ ပျံလွန်တော်မူခဲ့ပါတယ်။

            (Venerable Father: A Life With Ajhan Chah, Paul Breiter, 1993)

ALPHABET- အက္ခရာ

            ပါဠိလို ဝဏ္ဏမာလာလို့ ခေါ်ပါတယ်။ အက္ခရာသီကုံးခြင်းပါ။

            ဘုရားရှင်ရဲ့ ဒေသနာတော်တွေကို ခရစ် (၂) ရာစုခန့်မှာ အက္ခရာအဖြစ်ရောက်ရှိခဲ့တယ်လို့ ယူဆရပါတယ်။ ဗြဟ္မီအက္ခရာ (Brahmi) နဲ့ပါ။ အသောကမင်းကြီး ရေးထွင်းခဲ့တဲ့ အက္ခရာနဲ့အတူတူပါ။ Brahmi ဘာသာမှာ အက္ခရာ (၇၂) လုံးရှိပြီး ဒီဘာသာစကားကနေ သီဟိုဠ်ဘာသာ၊ တိဗက်ဘာသာ၊ မြန်မာဘာသာ၊ ထိုင်းဘာသာနဲ့ ရှေးဟောင်းမလေးဘာသာတွေဆီ ကူးစက်သွားခဲ့ပါတယ်။ ဘုရားရှင်၏ အကျော်ကြားဆုံးစကားကတော့ “ မကောင်းမှုရှောင်၊ ကောင်မှုဆောင်၊ ဖြူအောင် စိတ်ကိုထား” ဆိုတာ ဖြစ်ပါတယ်။ ( ဒီဃ ၁၈၃) အောက်မှာ ပြထားတာက မကောင်းမှုရှောင်၊ ကောင်းမှုဆောင်၊ ဖြူအောင် စိတ်ကိုထားရဲ့ မူရင်းပါဠိအက္ခရာတွေပါ။

ဆုထားမျက်ချယ်

Copyright © 2011 ကမ်းလက်. All rights reserved.

Read more

ငှက်ပျောအူစားသူများ

နားမလည်သောတပည့်ထက် နားမလည်သည်ကို နားလည်ချင်ယောင်ဆောင်သော၊ တနည်းသော် မရိုးသားသောတပည့်သည် ပို၍မိုက်မဲ၏ဟု ယုံကြည်သဖြင့် ဥာဏ်ထူးသောတပည့်ထက် ရူးမိုက်သောတပည့်မဖြစ်ရေးကို ရှေးရှုကာ ရိုးသားစွာပင် ဆိုရချေဦးတော့အံ့။

            ဒေသနာကား ဤသို့လာ၏။

            ဖေကာ ပိဏ္ဍူပမံ ရူပံ။ ရူပက္ခန္ဓာသည် ရေမြုပ်ဆိုင်နှင့်တူ၏။

            “ ရေမြုပ်၏ သဘောသည် အစုတ်စုတ်၊ အပေါက်ပေါက်၊ အတွင်းတွင်းရှိသကဲ့သို့ ထို့အတူ ဤ ရူပက္ခန္ဓာသည်လည်း ခံတွင်းပေါက်၊ နှာခေါင်းပေါက်၊ မျက်ကွင်းပေါက်အစရှိသည်တို့ဖြင့် အစုတ်စုတ်၊ အတွင်းတွင်း၊ အပေါက်ပေါက်ရှိရကား ရေမြုပ်နှင့်တူ၏။ ( ဂမ္ဘီရတ္ထဒေသနာ၊ သီးလုံးဆရာတော်ကြီး၊ နှာ-၂၁၇)

            မြစ်ချောင်းအင်းအိုင်နှင့် အလှမ်းဝေးပြီး “ ရေငံသောက်၊ မြက်ခြောက်စား” ဆိုသည့် အညာကျေးလက်၌ မွေးဖွားကြီးပြင်းခဲ့ရသော သီဟနာဒသည် ရေမြုပ်၏သဘာဝကို နားလည်သိ မသိ၊ ခံစားသိသာ သိ၏။ မြစ်ချောင်းထဲမှ ရေမြုပ်ကိုမသိသော်လည်း ရေချိုးသည့်အခါ၊ ခွက်ဆေးသည့်အခါ အသုံးပြု့သည့် ဖော့တုံးဟု ခေါ်လျှင်ရသည့် ရေမြုပ်ကိုတော့သိသည်။

            ထိုရေမြုပ်ကား လွန်စွာအသုံးကျ၏။ ဆပ်ပြာကုန်သက်သာ၏။ မန္တလေးနေစဉ်ကတည်းကပင် ဤကိစ္စကို သိခဲ့သည်။ ရေမြုပ်မသုံးပဲ ဆွမ်းဟင်းခွက်များဆေးလျှင် ဆပ်ပြာက သိပ်မခံ။ ထို့ကြောင့် ရေမြုပ်ကို သုံးခဲ့ရ၏။ ထိုစဉ်ကတဲက ဒေသနာတော်နှင့်ဆန့်ကျင်နေသည့်သဘောကို တွေးမိကာ ပြုံးမိ၏။

            ယခု ခေတ်မီလာပြီဖြစ်သဖြင့် အပေါက်ပေါက်၊ အတွင်းတွင်းတို့နှင့် ရေမြုပ်ကိုသုံးကာ ရေချိုးလာတတ်ပြီဖြစ်၏။ ထိုအပေါက်ပေါက်၊ အတွင်းတွင်းတို့ကြောင့်ပင် ဆပ်ပြာအနည်းငယ်မျှ သုံးသော်လည်း ရေချိုး၊ ဆပ်ပြာတိုက်ခြင်း ကိစ္စပြီး၏။

            ရွာမှာရှိစဉ်က အမဲသားဝယ်လျှင် အရွတ်ကိုရွေးဝယ်ဟု ပြောသောလူတစ်ယောက်ကို သတိရသည်။ သူက ဆို၏။ အရွတ်ဖတ်ကား ဝါးရခက်သဖြင့် ပို၍အစားခံသည်။ အရွတ်ဖတ်ကို မျိုချလျှင် အရွတ်ဖတ်တစ်တုံးဖြင့် ထမင်းတစ်နပ်လုံးပြီးတော့၏ဟူသတတ်။

            ထိုပုဂ္ဂိုလ်ကိုလည်းကောင်း၊ သီဟနာဒကိုလည်းကောင်း လူညံ့များဟုဆိုချေသော် ခံရပေတော့အံ့။

            ရူပက္ခန္ဓာကို မြစ်၊ ချောင်း၊ သမုဒ္ဒရာထဲက ရေမြုပ်ထက် ခွက်ဆေး၊ ကိုယ်တိုက်သော ရေမြုပ်၏အဓိပ္ပါယ်က ပိုထင်ရှားနေခြင်းကား ဝိပဿနာဥာဏ်ပါးလျမှုကြောင့်သာ ဖြစ်ပေတော့မည်။ ဆက်လက်ကြိုးစားရန်မှတပါး အခြားမရှိတော့လေပြီ။

            ဒေသနာကား လာပြန်၏။

            ဝေဒနာ ပုဗ္ဗုလူပမာ။

            “ ဝေဒနာသည် ရေပွက်နှင့် အဘယ်သို့တူသနည်းဟူမူကား မိုးပေါက်၊ ရေပြင်၊ ရေ၌ထိကျသော အစဉ်၊ မိုးပေါက်နှင့်အတူတကွပါလာသော လေအဟုန်၊ ဤလေးပါးသော အကြောင်းတို့ကြောင့် ပတ္တမြားလုံးနှင့်တူသော ရေပွက်ဖြစ်၏။ ထိုရေပွက်ကို မျက်စိအမြင်နှင့် ပြည့်စုံသော ယောင်္ကျားသည် ကမ်းနား၌ရပ်၍ အဖန်တလဲလဲ ကြည့်ရှုဆင်ခြင်သည်ရှိသော် အနှစ်သာရမှ ဆိတ်သည်ဖြစ်၍ ရိတ္တ၊ တုစ္ဆ အဖြစ်ကိုသာ ထင်မြင်လေ၏။ ( ဂမ္ဘီရတ္ထဒေသနာ၊ သီးလုံးဆရာတော်ကြီး၊ နှာ-၂၁၈)

            ဤရေပွက်ကိစ္စကို အနည်းငယ် သဘောပေါက်သလိုလို ရှိ၏။ အနည်းငယ်ဟူသည် မဆိုသလောက်ကိုသာ ဆိုလို၏။ သို့သော်-

            ဝေဒနာကိုကျော်ရန်ကား အခက်ဆုံးပင်။ အဘိဓမ္မာက ဝေဒနာကို စိတ်အားလုံး ဖြစ်တိုင်းပါသော စေတသိက်ဟုဆို၏။ ထို့ကြောင့် ရှောင်၍မရ။ လူသည်၊ တိရိစ္ဆာန်သည်၊ နတ်၊ ဗြဟ္မာ၊ ဘုရား ရဟန္တာသည် ဝေဒနာနှင့်တွဲနေ၏။ တနည်း ရေပွက်နှင့် တွဲနေ၏။ တချို့က ထုံပေပေနေတတ်သူများကို ခံစားမှုမရှိဟု ဆိုကြ၏။ အမှန်မူ ဥပေက္ခာဝေဒနာဖြစ်ကောင်းဖြစ်နိုင်ပြီး၊ မောဟနှင့်ယှဉ်နေသော ဝေဒနာလည်း ဖြစ်ကောင်းဖြစ်နိုင်၏။

            ဝေဒနာသည်ခြင်းတူသော်လည်း ဝေဒနာကို လက်ခံခြင်း၊ ရှုမြင်ခြင်း၌ကား ကွဲပြား သွားလေတော့၏။ ယောဂီစစ်စစ်တစ်ယောက်အတွက် ဝေဒနာကိုမှီ၍ သတိ၊ သမာဓိဖြစ်၏။ ဥာဏ်ထူးသူများ ပညာအထိပင်ဖြစ်နိုင်၏။ ယောဂီမစစ်တစစ်နှင့် ရှုမှတ်မှုမရှိဘူးသေးသူများ၌ ဒေါမနဿ၊ သောမနဿတို့ဖြစ်ဖို့များ၏။

            ရေချိုးစဉ် ဤဒေသနာကို သတိရခိုက် ရေပန်းမှကျလာသော ပူနွေးနွေးရေပေါက်များ ခန္ဓာကိုယ်ပေါ်ကျလာ၏။ ရေပွက်တော့မဟုတ်၊ ရေပေါက်မျှသာ။

            ဝေဒနာသည် ရေပေါက်နှင့်ကော တူ၍ရသလားဘုရား…။

            ဘုရားရှေ့ ငမိုက်သားကျူး၍ မေးမိ၏။

            ဘုရားက မည်သို့ဖြေမည်မသိ။ အရှင်အာနန္ဒာကလည်း မေးတော်မမူခဲ့။

            (……………………………………………………………………………………………..)

ဒေသနာကို ခုန်ရပေတော့အံ့။

သင်္ခါရာ ကဒလူပမာ။

            သင်္ခါရက္ခန္ဓာတို့သည် ငှက်ပျောတုံးနှင့် တူ၏။

            အဘယ်သို့ သင်္ခါရက္ခန္ဓာတို့သည် ငှက်ပျောတုံးနှင့် တူလေသနည်းဟူမူကား အနှစ်ကို အလိုရှိသော ယောက်ျားသည် ထက်လှစွာသောဓါးမကို စွဲကိုင်၍ ငှက်ပျောပင်၏ အရင်းအဖျားကို ဖြတ်ပြီးသော် အပေါ်ထပ်ကိုခွါ၍ အနှစ်ကို ရှာလေရာ၏။ အလယ်ထပ်ကိုခွါ၍ အနှစ်ကို ရှာလေရာ၏။ အတွင်းထပ်ကိုခွါ၍ အနှစ်ကို ရှာလေရာ၏။ အနှစ်ကိုရှာသော်လည်း အကာကိုမျှမရသည်သာ ဖြစ်၏။ ထိုယောက်ျား၏ ငှက်ပျောတုံးကို မျက်စိအမြင်နှင့်ပြည့်စုံသော ယောက်ျားသည် အနီး၌ရပ်၍ အဖန်တလဲလဲ ကြည့်ရှုဆင်ခြင်သည်ရှိသော် အနှစ်သာရမှဆိတ်သည်ဖြစ်၍ ရိတ္တ၊ တုစ္ဆအဖြစ်ကိုသာ ထင်မြင်သကဲ့သို့ ထို့အတူ သင်္ခါရက္ခန္ဓာကို ပညာစက္ခုဖြင့် အဖန်တလဲလဲ ကြည့်ရှုဆင်ခြင်သောသူအား အနှစ်သာရမှ ဆိတ်သည်ဖြစ်၍ ရိတ္တ၊ တုစ္ဆအဖြစ်ကိုသာ ထင်မြင်လေ၏ ” ( ဂမ္ဘီရတ္ထဒေသနာ၊ သီးလုံးဆရာတော်ကြီး၊ နှာ-၂၁၉)

            ငှက်ပျောပင်ကို ခုတ်လိုက်ကြ၏။ ငှက်ပျောပင်ကိုဖြတ်၍ ငှက်ပျောတုံးကို ခွါကြ၏။ အပေါ်ယံအလွှာ၊ အလယ်အလွှာ၊ အကြမ်းစားအလွှာတို့ကို ဖယ်ကြ၏။ တွေ့ရပါလေပြီ။ ဖွေးဖွေးဥဥ၊ နုနုထွက်ထွက် အလယ်က ငှက်ပျောအူကလေး။

            သူတို့ကောက်ယူလိုက်ကြ၏။ လိုချင်တာ ရကြလေပြီ။

            ထိုငှက်ပျောအူကလေးကို အပိုင်းပိုင်းစိတ်ကာ မုန့်ဟင်းခါးချက်စားရန် ပြင်ကြတော့၏။ (မဝါဝါလွင်နှင့် သူမ သူငယ်ချင်းကို မဆိုလို)။

            ဘုရားရှင်က ငှက်ပျောတုံး၌ အနှစ်သာရမရှိဟု မိန့်ထားသော်လည်း၊ လူကား အနှစ်မပါလည်း ကိစ္စမရှိ၊ အူတိုင်ကိုလည်း ယူကြ၊ စားကြလေသောကြောင့် ငှက်ပျောတုံးများလည်း မုန့်ဟင်းခါး ချက်တိုင်း အသုံးဝင်လေတော့၏။

            ဤသို့ ဤသို့ဖြင့်ပင်

            ဝေနေယျတို့ကို သနားတတ်သော မဟာပုရိသများလည်း ရှိနေခြင်း၊ သင်္ခါရက္ခန္ဓာက အနှစ် ကင်းသော်လည်း သင်္ခါရက္ခန္ဓာအူတိုင်ကိုစားလိုသော ပုထုဇဉ်များရှိနေခြင်း။

            ဗုဒ္ဓ အဆက်ဆက်ကလည်း အူတိုင်ကို အူတိုင်ဟု အသိပေးလိုခြင်း။

            လူကလည်း အူတိုင်မှန်းသိလျှက် စားလိုခြင်းတို့ကြောင့် လောကကြီးထဲ၌ ဘုရားရှင်များလည်း အနှေးအမြန်သာကွာပြီး ပွင့်တော့ ပွင့်ကြလိမ့်ဦးမည်။

            သီဟနာဒကား ထိုငှက်ပျောအူဖြင့်ချက်ရသော မုန့်ဟင်းခါးကို တမ်းတဆဲပင် ဖြစ်၏။ ရသတဏှာတည်း။ မတတ်နိုင်။ ဟမ်ဘာဂါ မကြိုက်၊ ဟမ်ဘာဂါအပေါ်၌ ရသတဏှာမရှိ။ ငှက်ပျောအူတဏှာကား အားကောင်းမောင်းသန်ရှိဆဲတည်း။

            မဆိုင်သော်လည်း ပြောချင်၏။ ငှက်ပျောတုံးကြီးကိုကား မကြိုက်။

သီဟနာဒ

Copyright © 2011 ကမ်းလက်. All rights reserved.

Read more

အမျိုးသားရေးစိတ်ဓာတ်(Nationalism)

 အမျိုးသားရေးဝါဒအကြောင်းကိုပြောလျှင် ဘုရားရှင်မှာပင် လူမျိုးရေးစိတ်ဓာတ်ရှိသည်ဟု ဆိုနိုင်ပေသည်။ သာကိယ(သို့)သကျဟု ဘုရားရှင်မကြာမကြာသုံးစွဲတတ်သည်။သာကိယ(သို့)သကျဟူသည် လူမျိုးရေးအမည်ဖြစ်၏။
နည်းများမဟူ လူတိုင်း၌ အမျိုးသားရေးစိတ်ဓာတ်ရှိတတ်၏၊ဒေသစွဲစိတ်ဓာတ်ရှိတတ်၏။ မွေးဖွားကြီးပြင်းရာ ဝန်းကြင်၊ကျင့်သုံးသည့်ဓလေ့စရိုက်၊စားဖူးသည့် အစားအသောက်တို့သည်မေလျော့ပစ်ရန်ခက်ခဲပြီး မြတ်နိုးဖွယ်လည်းဖြစ်တတ်၏။

အမျိုးသားရေးစိတ်ဓာတ် ဟူသည် နားလည်၍ရပြီး ဂုဏ်ယူစရာတစ်ခု လည်းဖြစ်သည်။
သို့သော် ထိုအမျိုးသားရေးစိတ်ဓာတ်လွန်ကဲနေလျှင်မလိုလားအပ်သော လူမျိုးရေးပြသနာများ ဖြစ်ပွားစေနိုင်ပြန်၏၊အခြားလူမျိုးများကို အထင်အမြင်သေးခြင်းလည်းဖြစ်ပွားစေနိုင်ပြန်၏။
ထို့အပြင် အစွန်းရောက် အမျိုးသားရေးဝါဒသည် နိုင်ငံတော်ဖွံ့ဖြိုးတိုးတက်ရေး၊ အပြည်ပြည်ဆိုင်ရာ ဝင်ဆန့်ရေးတို့အတွက် ကြီးမားသောအဟန့်အတားဖြစ်စေနိုင်သည်။

ဂလိုဘယ်ဆန်လာသောကမ္ဘာ၌ ပြည်တွင်းအားတစ်ခုတည်းဖြင့် မလုံလောက်တတ်၊လုံလောက်သည်ဆိုစေ တိုးတက်မှုနှေးကွေးတတ်၏။ ဗုဒ္ဓအဆုံးအမအနေဖြင့်ကား ဤကိစ္စသည် အရေးမပါလှပေ။

လူတစ်ယောက်သည် ယခုဘဝ ဤနိုင်ငံ၍မွေးသော်လည်း နောက်ဘဝ အခြားနိုင်ငံ၍မွေးဖွားနိုင်ပြန်သည်။
(A guide to Buddhism.A to Z ၏ Nationalism ကိုမှီးသည်။)

Copyright © 2011 ကမ်းလက်. All rights reserved.

Read more