လွတ်လပ်စွာ ပြောရေးဆိုခွင့်

( ၁ )

ပထမလူ။  ။ ဟေ့ကောင် ဒီလို လွတ်လပ်စွာ ပြောရေးဆိုခွင့်ရနေတဲ့ ခေတ်ကြီးထဲမှာ မင်းက ဘာဖြစ်လို့ ငြိမ်နေရတာလဲ။
ဒုတိယလူ။  ။ ပြောစရာ ထူးထူးထွေထွေ မရှိလို့ပါ ဗျာ။
ပထမလူ။  ။ မင်းတို့လိုကောင်တွေကြောင့်ခက်နေတာ။ ကိုယ်ဖြစ်ချင်တာ တစ်ခုခုကို ပြောနေရတယ် ကွ။
ဒုတိယလူ။  ။ ဟော ဗျာ။
( လွတ်လပ်စွာ ပြောရေးဆိုခွင့် ရလိုက်တာနဲ့ လွတ်လပ်စွာ တိတ်ဆိတ်နေခွင့် ဆုံးရှူံးသွားတယ် ဗျာ )

( ၂ )

ပထမလူ။  ။ လွတ်လပ်စွာ ပြောရေးဆိုခွင့်တွေ ရလာတာကို ဘယ်လို မြင်ပါသလဲ။
ဒုတိယလူ။  ။ ကြိုဆိုပါတယ်။
ပထမလူ။  ။ ဘာကြောင့်ပါလဲ။
ဒုတိယလူ။  ။ စကားလုံး ရွေးချယ်စရာသိပ်မလိုတော့ပါ။ပြောချင်ရာတွေ ပြောချလိုက်ရုံပဲ။
(posted on 10/18/2012)

ဇင်ဝေသော်

Any difference


Dear Burmese parents,
Is there any difference or even gets worse in Myanmar?

What's needed to enter China's top school:
Brains......and bribes.
Everything is negotiable if parents have cash and connection.
(Washington Post.)

ဒီအကြောင်း ဟိုအကြောင်း ကဗျာ

ဆံပင်တိုတို စကတ် တိုတို ကောင်မလေး ရေ ...
အားရင် ပြောပြပေးပါလား

ယပ်တောင် တစ်ချောင်းနဲ့ ကမ္ဘာမြေကြီး အကြောင်း
ကြေကွဲ မျက်ရည်တွေနဲ့ ဝင်ရိုးစွန်း ရေခဲတောင်တွေ အကြောင်း
ဗိုက်ခေါက် စူစူလာနေတဲ့ ပင်လယ်ရေမျက်နှာပြင် အကြောင်း
ရေငတ်နေရှာတဲ့ မြစ်တွေ အကြောင်း။

ဆံပင်တိုတို စကတ် တိုတို ကောင်မလေး  ရေ ...
အားရင် ပြောပြပေးပါလား

အိုင်တီပေါ်က တွားသွား သတ္တဝါတွေ အကြောင်း
အိုင်ဖုန်းပေါ်လာမှ လူချင်း ဝင်တိုက်မှုတွေ ပိုများလာတဲ့ အကြောင်း
နာရီမဝယ်နိုင်တဲ့ ဥဩငှက်တွေ အကြောင်း
ရာသီ သင်ရိုးမကျေတဲ့ ပန်းပွင့်တွေ အကြောင်း။




ဆံပင်တိုတို စကတ် တိုတို ကောင်မလေး  ရေ ...
အားရင် ပြောပြပေးပါလား

အိပ်ရေး မဝတဲ့ စပါးခင်းတွေ  အကြောင်း
ငြိမ်းကျော် ရဲ့ ပဉ္စမမြောက် ဆောင်းရက်များ  အကြောင်း
မဇ္ဈိမလှိုင်း ရဲ့ ကြိုးကြာသံတွေ  အကြောင်း
တာရာမင်းဝေ ရဲ့ ပြိုင်းမြင်း ခွာသံ မြေဆိုင်ခဲတွေ  အကြောင်း။


ဆံပင်တိုတို စကတ် တိုတို ကောင်မလေး  ရေ ...
အားရင် ပြောပြပေးပါလား

အသောက ရဲ့ ကလိင်္ဂ လမ်းဆုံ အိုအေစစ် အကြောင်း
တပုဿ နဲ့ ဘလ္လိကာ အရင်းရှင်တွေ မဟုတ်တဲ့ အကြောင်း
အဇာတသတ် နဲ့ ဆေးပေါင်းခ တဲ့ ည အကြောင်း
စကားမှားလို့ လှေပေါ်မှာ ဘုရားလောင်း အရိုက်ခံရတဲ့ အကြောင်း။

ဆန်အိုးထဲ ဆန်မရှိသူတွေအကြာင်း
သူတို့ စားရတဲ့ ဝက်သားဟင်းအကြောင်း

ခေါင်းပေါင်းစ နဲ့ လူကြီးတွေ မပြောခင်လေး။  ။
(posted on 10/07/2012 )
ဇင်ဝေသော်

ဘယ်သူတွေ အသက်ပိုရှည်သလဲ?


အပြင်လက်တွေ့ဘဝမှာ အရက်သမားလူအိုတွေကို ဆရာဝန်လူအိုတွေထက် ပိုတွေ့နေရတယ် ဗျ။
(ဖရန်စွာ ရာဘလယ်)

လက်ရည်ကျသွားတယ်???
ကျနော်မှာ သမ္မတရာထူးမရှိတော့တဲ့နောက် ဂေါက်ရိုက်တာလည်း နိုင်ကို မနိုင်တော့ဘူး ဗျာ။
(အိုက်ဇင် ဟောင်ဝါ၊ အမေရိကန်သမ္မတဟောင်း)

ဒါက ဥပဒေလား၊ ဟုတ်ကဲ့၊ လေးစားစွာလိုက်နာပါမယ်


မနေ့ကရေးမိတဲ့ "ဂျူးလေးမျိုးနဲ့ မြန်မာ အရာရှိလေးမျိုး" က အတိတ် နိမိတ်ြ ပနေသလိုလိုပါပဲ။
သတင်းစာ ကောက်လှန်မိတော့ ဓာတုဗေဒပညာရပ်နဲ့ နိုဘယ်လ်ဆုရသူ သုံးယောက်မှာ နှစ်ယောက်က ဂျူး အမေရိကန်တွေ ဖြစ်နေတာတွေ့ရတယ်။

ဒါဆို မြန်မာ အရာရှိတွေ ကရော?????
မယုံမရှိနဲ့ ဒီတစ်ခါ "ငမှုံ" ကိုယ်တွေ့ ပြောရပါတော့မယ်။ ကျနော်တို့က အပြင် ကနေပဲကြည့်တော့ အောက်ခြေက ချစားမှုတွေကို သိပ်မသိကြရဘူး။ မှုန်နေတယ်။
ကျနော်တို့ စာအုပ်မိတ်ဆက်ပွဲလုပ်ဖို့ စီစဉ်ထားတဲ့ စင်ထရယ် ဟိုတယ်ရှိရာ မြို့နယ်က ခွင့်ပြုမိန့် ချပေးဖို့ အကြောင်းမရှိ အကြောင်းရှာ ရစ်နေလို့ တဲ့။ ဘာလို့လဲ လို့တော့ မရေးတော့ပါဘူး။ သိနိုင်တဲ့ အဖြေပါ။ လာဘ်ပေးလာဘ် ယူမှုကို စက်စုပ်ပေမယ့် အမြစ်စွဲနေတဲ့ အကုသိုလ်စရိုက်ကို နေ့ချင်း ညချင်းတော်လှန်လို့ရမယ်လို့ ထင်မှတ်ရဲလောက်အောင် ကျနော်တို့လည်း မရူးမိုက် လှသေးပါဘူး။ ရှိနေဦးမှာပါ။ နားလည်မှုလည်း ရှိပါတယ်။

ဥပဒေ အသစ်က....... နိုင်ငံရေး ပါတီတွေကို မဖိတ်ပါဘူးလို့ ဝန်ခံ ကတိပြု ရတယ် တဲ့။
ဒါက ဥပဒေလား၊ ဟုတ်ကဲ့၊ ဥပဒေဆိုရင် လေးစားစွာ လိုက်နာပါမယ်။
နိုင်ငံရေး ပါတီတွေဆိုတာ
အဖွဲ့ချုပ်ကို ဆိုလိုတာလား၊
ပြည်ခိုင်ဖြိုးလား။
အားလုံးလား။
အားလုံး။
ဟုတ်ကဲ့။ လေးစားစွာ လိုက်နာပါမယ်။

သတင်းနဲ့ ပြန်ကြားရေး ဝန်ကြီးဌာန၊ ပညာရေး ဝန်ကြီးဌာနတွေကို စာအုပ်ေ တွ လှူချင်တယ်။
ဖိတ်လို့ ရမလား။
သူတို့က အစိုးရလား၊
နိုင်ငံရေး ပါတီလား။

နိုင်ငံရေးထဲရောက်နေတဲ့ ရေးဖော် ရေးဖက် စာပေနယ်က မိတ်ဆွေတွေ ဆိုရင်ကော ဘယ်လိုလဲ။
သူတို့က
နိုင်ငံရေး ပါတီကို ကိုယ်စားပြုသလား၊
စာရေးဆရာ ဘဝကို ကိုယ်စားပြုသလား။

ဒီပွဲကို စီစဉ်ပေးတဲ့ ရန်ကုန်က စာပေမိတ်ဆွေတွေကတော့ ခေါင်းစား၊ ဒေါသဖြစ်နေရသလို မရရင် မီဒီယာ ဖွင့်ချမယ် ပဲ။
ကျနော် ကံကောင်းတာက အကူအညီပေးတတ်လွန်းတဲ့ မိတ်ဆွေတွေ ပိုင် ဆိုင်ခွင့်ရရှိနေခြင်းပါပဲ။ ကျေးဇူလည်း ကြီးလှပါတယ်။

နိုင်ငံခြားမှာ နေတယ်ဆိုပေမဲ့၊
လီကွမ်းယုတွေ၊ စထရိတ်တိုင်းတွေ ပါနေပေမဲ့
ကျနော်တို့လည်း ပိုက်ဆံအလကားရတဲ့နေရာမှာ နေနေကြတာတော့ မဟုတ်ကြပါဘူး။
ဒါက ဥပဒေလား၊
ဟုတ်ကဲ့၊
ဥပဒေဆိုရင် လေးစားစွာ လိုက်နာပါမယ်။