ပညာရေးနဲ့ ပတ်သက်တဲ့ စာအုပ်ဖတ်နေရင်း ကျနော့် ငယ်ဘဝဆီကို စိတ်ပြန်ရောက်သွာ့းမိပါတယ်။ ရွာမှာအတန်းကျောင်းရှိပေမယ့် ရွာက တော ရကျောင်းမှာပဲ ကျနော့်ရဲ့ကလေးပညာရေးကို စခဲ့ရပါတယ်။ ဆရာဘုန်းကြီး က ခေတ်မီတော့ ကိုရင်တွေ၊ ကလေးတွေကို သင်္ချာကအစ သင်ပေးတယ်။ ကိုးနှစ်သားရောက်တော့မှ အဖေက စာသင်ကျောင်းပြောင်းအတက်ခိုင်းလို့ တက်ခဲ့ပါတယ်။ ကျောင်းအုပ် ဆရာကြီးက ဦးမြအောင်ပါ။ ဦးမြအောင်က မင်းကို ဘယ်အတန်းထားရမလဲ မသိဘူး၊ စစ်ဆေးရဦးမယ်ဆိုပြီး ဖတ်စာ အဖတ်ခိုင်း၊ သင်္ချာတချို့ အတွက်ခိုင်းတယ် (အဲဒီတုံးက မူလတန်းမှာ အင်္ဂ လိပ်စာ မသင်ရသေးပါဘူး) ပြီးတောမှမင်းက လေးတန်းအဆင့်ရှိတယ်။ေ လးတန်းမှာ နေဆိုလို့ အောက်ကအတန်းတွေ မတက်လိုက်ရဘဲ လေး တန်းကို ရောက်သွားခဲ့ရပါတယ်။ (ဆရာဘုန်းကြီး မှာလိုက်တာက လေး တန်းမထားရင် မတက်နဲ့၊ ငါ့ကျောင်း ပြန်လာခဲ့ တဲ့)
အဲဒီတုံးက ရွာက မူလတန်းကျောင်းမှာ ကျောင်းအုပ် ဆရာကြီး ဦးမြအောင် နဲ့ ဆရာမ ဒေါ်အေးအေးမူတို့ပဲရှိတယ်။ ဆရာကြီး ဦးမြအောင်က တက္ကသိုလ် ဘွဲ့ရ ဟုတ်ပုံမရပါဘူး။ သူ့ကို သိပ်မကြိုက်တဲ့ လူတွေက လေးတန်း ပဲေ အာင်တယ် လို့တောင် ပြောတတ်ကြတာ မှတ်မိပါတယ်။ တိတိကျကျ မသိ ပါဘူး။ စာအသင်အပြကောင်းတယ်လို့ ထင်ပါတယ်။ သူက လေးတန်းနဲ့ နှစ် တန်းကို သင်တယ်။
ဆရာမ ဒေါ်အေးအေးမူကတော့ တက္ကသိုလ်ဘွဲ့ရပါ။ ရွာကလူတွေက ဆရာ မ ဘယ်နှတန်းအောင်သလဲမေး ရင် ရွာသားတွေ သိနိုင်လောက်တဲ့ စကားနဲ့ "၁၄" တန်း အောင်တယ်လို့ ဖြေတတ်တယ်။ ကြီးမှ သိရတာက ဆယ်တန်း ထဲကို တက္ကသိုလ်လေးနှစ်ထည့်ပေါင်းပြီး လွယ်အောင် ပြောခဲ့တာပဲ ဆိုတာပါ။
ကျနော်အခု ပြန်တွေးကြည့်သလောက် သိလို့ရတာက ဆရာကြီးနဲ့ ဆရာမ က သိပ်မတည့်လှဘူး။ ကျနော်တို့ရှေ့မှာကိုပဲ တခါတခါ နှုတ်ထွက်တွေ ကြမ်းလာတတ်တယ်။ မာန်လို့ထင်ပါတယ်။ ဆရာကြီးက ကျောင်းအုပ် ဆိုတဲ့ မာန်နဲ့ ဆရာမကတက္ကသိုလ်ဘွဲ့ရဆိုတဲ့မာန် ဖြစ်ပုံရပါတယ်။
တစ်နေ့ ဆရာကြီး ဦးမြအောင် ခရီးထွက်စရာရှိတော့ လေးယောက်ပဲ ရှိ တဲ့ လေးတန်းကို ဆရာမ ဒေါ်အေးအေးမူ သင်ရတယ်။ တစ်ယောက်ချင်းစီကို သေသေချာချာ စစ်ဆေးပြီး ပြန်ခါနီးရောက်တော့ ကျနော့်ခေါင်းကိုပွတ်ပြီး ဆရာမက ပြောတယ်
"မင်းလိုကျောင်းသားကို ဆရာမသာ သင်ခွင့်ရရင် မြို့နယ်အဆင့်ထိ နံပတ်ဝင်အောင် သင်ပေးလိုက်လို့ရတယ်။ အခုတော့ ငါ့တပည့်ရယ် မင်း ကံပဲပေါ့"
လို့ ပြောပါတယ်။ ဘာကို ဝမ်းနည်းမှန်းမသိပေမဲ့ ကလေးတစ်ယောက်ရင် မှာ တော်တော်ကြီး ဝမ်းနည်းသွားမိတယ်။ ဆရာမရဲ့ အသံကလည်း စေ တနာကြောင့် တကယ်ပဲ နူးညံ့ နွေးထွေးနေတယ်လို့ ခံစားမိပါတယ်။
ဒီ စကားမျိုး ဆရာမက ကျနော်လို ကိုးနှစ်ကျောင်းသားကို ပြောသင့်သလား၊ မပြောသင့်ဘူးလားဆိုတာ မဝေဖန်ရဲပါဘူး။
ဒါပေမယ့် ကျနော့်စိတ်ထဲမှာ ဆရာကြီးအပေါ် အယုံအကြည်မဲ့သွားတယ်။ ဆရာမစကားကို ကြားရပြီးတဲ့နောက် အမှတ်စာရင်းတွေကလည်း ရုပ်ပျက် ဆင်းပျက် ထိုးကျသွားလို့ ဆရာကြီးက အိမ်ကိုလာပြီး အဖေ့ကို တိုင်ပါတော့ တယ်။ (အဖေက ရွာ ဥက္ကဌဖြစ်ပြီး ဆရာကြီးလည်း အိမ်မှာ မကြာမကြာ ထမင်းစားတတ်တယ်)
အကြောင်းစုံ သိသွားတဲနောက် ဒီကိစ္စက ဒီမှာ မရပ်တော့ဘဲ စာသင်ချိန်မှာ ဆရာကြီးနဲ့ ဆရာမတို့ ကျနော်တို့ ကလေးတွေရှေ့မှာ စကားတွေ များ ကြတော့တယ်။
ဒီဆရာ နှစ်ယောက်စလုံးရဲ့ ကျေးဇူးကို အမှတ်တရ ရှိဆဲပါ။ ဆရာကြီး မရှိေ တာ့ပေမယ့် ဆရာမတော့ ရှိနေသေးတယ်လို့ ထင်ပါတယ်။
သူတို့ကို ဝေဖန်လိုတာ မဟုတ်သလို ဆရာတစ်ယောက် ရှိသင့်တဲ့ အက်သစ် သဘောတရားတွေကိုလည်း အပြည့်အဝ နားမလည်ပါဘူး။
ဒါပေမဲ့ ကလေးဘဝက အဆိုးအကောင်းကြုံခဲ့ရသမျှတွေဟာ ကျနော်တို့ ဘဝတွေထဲ အချိန်အတော်ကြာအောင် နက်နက်ကြီး စူးဝင်နေတတ်တယ်။
