ပျော်ရွှင်မှုဟူသည် အရေအတွက်လည်းများ၊ ချစ်ခင်၊ ကြင်နာ
ရင်းရင်းနှီးနှီးလည်းရှိသော မိသားစု
တခြားမြို့မှာ ရှိနေခြင်းဖြစ်သည်။
Happiness is having a large, loving, caring,
close-knit family
in another city.
George Burns
ပျော်ရွှင်မှုဟူသည်
ပျော်ရွှင်မှုဟူသည် အရေအတွက်လည်းများ၊ ချစ်ခင်၊ ကြင်နာ
ရင်းရင်းနှီးနှီးလည်းရှိသော မိသားစု
တခြားမြို့မှာ ရှိနေခြင်းဖြစ်သည်။
Happiness is having a large, loving, caring,
close-knit family
in another city.
George Burns
အစ္စလမ်နဲ့ ပတ်သက်လို့
ရန်ကုန်မှ အသိမိတ်ဆွေတချို့က အစ္စလမ်နဲ့ ပတ်သက်တဲ့ စာအုပ်တစ် အုပ်ရေးဖို့ တိုက်တွန်းကြတာ ကြာပါပြီ။ လီကွမ်းယုရဲ့ နားဝင်မချိုထဲက အ ခန်းခြောက်ကို ဖတ်ပြီး စိတ်ကူးရကြဟန်တူပါတယ်။ ကိုယ်တိုင်အနေနဲ့ လည်း လုပ်နိုင်ရင် လုပ်သင့်တယ်လို့ ယုံကြည်ပါတယ်။ ဒါပေမဲ့ ဒီကိစ္စဟာ လွယ်လှတဲ့အလုပ် မဟုတ်ကြောင်း သဘောပေါက်မိပါတယ်။ ပေါ့သေးသေး ကိစ္စ မဟုတ်ပါဘူး၊ အစ္စလမ်နဲ့ ပတ်သက်တဲ့ ပညာရှင်တွေရဲ့ အမြင်၊ သုံးသပ် မှုတွေကို အရင်သိထားဖို့လိုအပ်ပါတယ်။
ဒါနဲ့ ခြေရာခံကြည့်တော့ ပထမဆုံး တွေ့လိုက်ရတာက ဆရာ့ ဆရာကြီးနှစ်ေ ယာက်ရဲ့ မတူညီတဲ့ ရှုမြင်မှုတွေပါ။
သူတို့ကတော့ Samuel Huntington နဲ့ Graham E.Fuller တို့ပါ။ Samuel Huntington က ကမ္ဘာကျော်ကြီးဖြစ်သလို Graham E.Fuller ကလည်း ပေါ့ခေခေမဟုတ်ပြန်ဘူး၊ စီအိုင်အေ ဒု ဥက္ကဋ္ဌဟောင်း၊ ပါမောက္ခ လည်းဖြစ်နေ ပါ။
ယဉ်ကျေးမှု ထိပ်တိုက်ရင်ဆိုင်ခြင်း မဖြစ်ခင် သူတို့ချင်းလည်း အယူအဆတွေ ထိပ်တိုက်တွေ့နေကြပါတယ်။
Graham E.Fuller ရဲ့ A World without Islam ဆိုတဲ့စာအုပ်ဟာ Samuel Huntington ရေးခဲ့တဲ့ "The clash of Civilization" (ယဉ်ကျေးမှု ထိပ်တိုက်ရင်ဆိုင်ခြင်း သို့ ယဉ်ကျေးမှုပဋိပက္ခ) စာအုပ်ပါ "Islam's bloody borders" ကို (အဓိကအားဖြင့်) တုန့် ပြန်ရေးတဲ့ စာအုပ်ပါ။
ဒီစာအုပ်ရဲ့ ဒုတိယပိုင်းမှာ အရှေ့အလယ်ပိုင်း၊ ရုရှား၊ ဥရောပ၊ အိန္ဒိယနဲ့ တရုတ်ပြည်မှာရှိတဲ့ အစ္စလမ်တွေကို စေ့စေ့ငုငုကြည့်ထားတာတွေ့ရပါတယ်။ အထူးသဖြင့် အိန္ဒိယမှာ မွတ်စလင်အားကောင်းလာတဲ့အချက်ဟာ ဇာတ် စနစ်ခွဲခြားမှုတွေကြောင့် ဇာတ်နိမ့်တွေက မလွှဲမရှောင်သာ ဘာသာပြောင်း သွားရတဲ့အကြောင်း၊ မွတ်စလင် ယဉ်ကျေးမှု မပါရင် အိန္ဒိယရဲ့ သမိုင်းဟာ ဒီလောက်အရောင်အသွေးစုံမယ်မဟုတ်ကြောင်း၊ တကယ်လို့ "The clash of Civilization" ခေါ်ချင်ရင် ဟိန္ဒူတွေ၊ မွတ်စလင်တွေထက် သူတို့ကို ဆွဲပေါင်းပေးခဲ့တဲ့ ဗြိတိသျှအင်ပါယာကိုပဲ လက်ညှိုးထိုးသင့်ကြောင်း စတာတွေ ဆွေးနွေးထားပါတယ်။
အာလုံးမဟုတ်ရင်တောင် အနှစ်ချုပ်လောက်တော့ အဆင်ပြေသလို တင်ပြ သွားပါမယ်။
လေးစားစွာဖြင့်
ကစာနည်း
"တချို့ကစာနည်းတွေက တခြားအချိန်တွေမှာ သိပ်တွေ့ရလေ့မရှိဘဲ လွတ်လပ်ရေးနေ့ကျမှ ဘာကြောင့်ပြိုင်ကြသလဲ။ မုန့်စားပြိုင်ပွဲ၊ ခေါင်းအုံးရိုက်ပြိုင်ပွဲ၊ မျက်စိကို အဝတ်စီးပြီး သံပုံးရိုက်တဲ့ပွဲ ၊ ချောတိုင်တက်ပွဲ။ ဒါတွေက လွတ်လပ်ရေးနေ့မှာ မပါလို့မဖြစ်။ လွတ်လပ်ရေးအထိန်းအမှတ်တစ်ခုလို ယှဉ်တွဲပါလာခဲ့လေသလားတောင် ထင်ရသည်။............
လွတ်လပ်ရေးရခဲ့တာ ၆၄ နှစ် ကျော်လာခဲ့ပြီ ခုတိုင်အောင် ကျွန်တော်တို့သည် အစားပြိုင်နေကြတုန်း။
တစ်ယောက်နှင့် တစ်ယောက် အောက်ပြုတ်ကျအောင် အသေအလဲ ဆော်နေကြတုန်း။ အပြစ်မရှိတဲ့ သံပုံးကို မမြင်မစမ်းနဲ့ လိုက်ရှာရိုက်ကြတုန်း၊ တိုင်ထိပ်က မဖြစ်စလောက် ဆုကြေးငွေလေးကို မက်မောပြီး အချင်းချင်း ခွနင်းကျော်တက် လုယက်ကြတုန်း။"
မင်းလူ
(ပေါ်ပြူလာ၊ ဇန်နဝါရီ၊ ၂၀၁၂)
A World without Islam
အိန္ဒိယမှာတော့ မွတ်စလင်တွေက ပေါင်းလို့သင်းလို့ပိုကောင်းတယ်ဆိုတဲ့ ဆရာတွေရဲ့စကားကိုကြားခဲ့ရပြီး စဉ်းစားနေခဲ့မိတာ အဖြေမရခဲ့ဘူး။ ဒီနေ့ Graham E.Fuller ရဲ့ A World without Islam ဆိုတဲ့စာအုပ် မဖတ်ခင် အထိပါပဲ။ သူ့ သုံးသပ်ချက်က ဒီအဖြေကို သွယ်ဝိုက်ပြီး ပေးသွားတယ်။
 |
| npr book interview with author |
"အားလုံးကိုခြုံငုံသုံးသပ်တော့ မွတ်စလင်တွေရဲ့ မဟာဗျူဟာလေးချက်ကို ကျွန်တော်တို့ တွေ့ရပါတယ်။
၁။ အသားကျအောင် မွေးစားနေထိုင်နိုင်ခြင်း
၂။ စုစည်းမှုရှိခြင်း
၃။ တစ်ခါတစ်ခါ တော်လှန်ခြင်း
၎။ သို့သော် မွတ်စလင်မဟုတ်တဲ့ နိုင်ငံတွေမှာ လူနည်းစု မွတ်စလင်တွေ ပဲ ဖြစ်နေရင် အခြေအနေမှန်ကို သဘောပေါက်က်ခံနိုင်ခြင်း တို့ဖြစ်ပါတယ်"
၃ နဲ့ ၄က ဆက်စပ်နေသလို ၄ ကနေ ၃ ဖြစ်သွားဖို့လည်း နီးစပ်နေပြန်တယ်။
ကျနော်နဲ့ ယမမင်း အင်တာဗျူး (၂)
ကျနော်နဲ့ ယမမင်း အင်တာဗျူးက နည်းနည်းကြာသွားတော့ အဆက်ပြတ် သွားမှာစိုးလို့ နှစ်ကို ပြန်ခေါ်ပြီး ဆက်ပေးလိုက်ပါတယ်။ အခု ရီဖောင်းမစ်တ် ငရဲကို ဆက်ပါမယ်။
ကျနော် ။ ။ ဒါနဲ့ ငရဲပြည်ရောက်လာသူတွေကို ဘယ်သူက ဘယ်ငရဲကို သွား ရမယ်ဆိုတဲ့ သတ်မှတ်ထားတဲ့ ဥပဒေ ရှိပါသလား၊ ဒါမှမဟုတ်သူတို့သဘော နဲ့ သူတို့ လား။
ယမမင်း ။ ။ သူတို့ သဘောနဲ့ သူတို့ပါ။ ငရဲပြည်မှာ ဒီမိုကရေစီ အပြည့်အဝ ရှိပါတယ်။ အမည်ခံ မဟုတ်ပါဘူး။ တတ်နိုင်တဲ့ လူတွေကတော့ အကောင်း ဆုံး ငရဲကို ရွေးကြတာပေါ့။ ငရဲပြည်မှာလည်း ဆင်းရဲချမ်းသာရှိသလို လူတန်း စား ကွာဟမှုပြဿနာလည်း ရှိနေဆဲပါ။
ကျနော် ။ ။ ဗျာ။ ငရဲပြည်မှာ ဆင်းရဲချမ်းသာဆိုတာက ဘယ်အပေါ်မှာ မူ တည်ပြီး သတ်မှတ်တာလဲ ခင်ဗျား။
ယမမင်း ။ ။ ခင်ဗျားကလည်း ဟုတ်မလိုလိုနဲ့ တော်တော်အူတာပဲ။ ငရဲပြည်ရဲ့ အင်တာနေရှင်နယ် ရီဆာ့ဗ် ကာရင်စီက အကုသိုလ်ကံ လေ။ ငရဲပြည်မှာ အကုသိုလ်များများရှိတဲ့လူကို မီလျံနာ၊ ဘီလီယံနာ လို့ခေါ်တယ်။ ခင်ဗျားနိုင် ငံက ဘီလျံနာတချို့ ငရဲပြည်မှာရှိတယ်၊ တော့ပ် တင်း ဝင်တယ်၊ လျှော့ မ တွက်နဲ့။ ဝင်တွေ့ချင်ရင် စီစဉ်ပေးမယ်။
ကျနော် ။ ။ ကျေးဇူးတင်ပါတယ် ခင်ဗျာ၊ အဆင်ပြေရင် တွေ့ချင်ပါတယ်။ ဒါနဲ့ ငရဲ မီလျံနာ၊ ဘီလီယံနာတွေက ဘယ်ငရဲမှာ နေဖို့ဆုံးဖြတ်ကြပါသလဲ။
ယမမင်း ။ ။ သူတို့ကတော့ အကောင်းဆုံး ကက်ပီတယ်လစ်စ် ငရဲမှာ နေကြ တာများပါတယ်။
ကျနော် ။ ။ ဘာကြောင့်ပါလဲ။
ယမမင်း ။ ။ ကက်ပီတယ်လစ်စ် ငရဲမှာ မီးပျက်တယ်၊ ဂက်စ်ပြတ်တယ်၊ေ ရ ပြတ်တယ်ဆိုတာ မရှိဘူး။ ဒီတော့ ငရဲအိုးထဲက သံရေပူတွေက လည်း ၂၄ နာရီ ပွက်ပွက်ဆူပဲလေ။ ပေးထားတဲ့ ဆားဗစ်ကလည်း ပထမတန်းစားတွေ ချည်းပဲ စိတ်ချမ်းသာတာပေါ့။
ငရဲသားတွေရဲ့ လှံတွေကလည်း အခြားငရဲပြည်တွေမှာလို တုံးတိတိကြီးတွေ မဟုတ်ဘူး၊ မျိ ရှနေတာ။ ဗိုင်းရပ်ကာကွယ်ဖို့ တစ်ခါသုံး လှံတွေကို အခု စ သုံးနေတယ်။ ငရဲသားတွေအားလုံး အရပ် ခြောက်ပေ နှစ်လက်မ ရှိရတယ်၊ သူတို့ကိုလည်း စပယ်ရှယ် ထရိန်နင်ပေးထားရတာ။ ငရဲရောက် ဘီလျံနာ ကာစတန်မာတွေ စိတ်ချမ်းဖို့ အကောင်းဆုံး ဖြည့်ဆည်းပေးထားပါတယ်။
ကျနော် ။ ။ ၂၄ နာရီ ပွက်ပွက်ဆူနေတာက၊ ငရဲသားတွေရဲ့ လှံတွေ မျိ ရှနေတာ၊ ဒါတွေက စိတ်ချမ်းသာစရာလား ဗျာ။
ယမမင်း ။ ။ ဟာ ခင်ဗျားက အူပြန်ပြီ။ ဒီကိုရောက်လာတဲ့လူတွေက အကု သိုလ်ချမ်းသာတဲ့ လူတွေ။ ငရဲပြည်ရောက်မှတော့ ငရဲစည်းစိမ် အပြည့် အဝ ခံစားချင်တာပေါ့။ ငရဲပြည်ရောက်ပါတယ်ဆို ငရဲအိုးထဲက ရေက မပွက် တပွက်၊ ကိုယ့်ကို ထိုးတဲ့ လှံက တုံးတိတိဆို ဘယ်ကလာ အဓိပ္ပါယ် ရှိ ပါတော့ မလဲ။
လူ့ပြည်က ဖလော်တွေ ငရဲပြည် ယူမလာနဲ့လေ။ အက်ပလီကေဘယ် မဖြစ်ဘူး။
"When in ငရဲ၊ do as ငရဲသား do" ပဲ။
ဒါနဲ့ ငရဲခြောက်ထပ်မှာ ဘယ်အထပ် ကို အရင် လေ့လာချင်သလဲ။
ကျနော် ။ ။ ဖြစ်နိုင်ရင် ရီဖောင်းမစ်တ် ငရဲကို အရင် လေ့လာချင်ပါတယ်။
ယမမင်း ။ ။ ဟဲ ဟဲ ဟဲ၊ ခင်းဗျားက ရီဖောင်းမစ်တ် နိုင်ငံကကိုး။ ကဲ လာ၊ ဒါဆို သွားကြမယ်။
ကျနော် ။ ။ ရီဖောင်းမစ်တ် ငရဲရဲ့ ထူးချားချက်က ဘာဖြစ်မလဲ ခင်ဗျာ။
ယမမင်း ။ ။ အထင်နဲ့အမြင် တစ်ခြားစီဖြစ်နေတတ်တာပဲ။ မင်း ရောက်ေ တာ့ တွေ့လိမ့်မပေါ့။
ကျနော် ။ ။ ရီဖောင်းမစ်တ် ငရဲက လူဝင်လူထွက်တော့ တော်တော်များသားပဲ ဗျ။
ယမမင်း ။ ။ မင်း မကြားလိုက်ဘူးလား။ ရီဖောင်းမစ်တ် ငရဲရဲ့ စလိုဂမ်က "Look, learn and leave" ဆိုတာလေ။
( ရီဖောင်းမစ်တ် ငရဲကို ရောက်တယ်ဆိုရင်ပဲ ဆူဆူပွက်ပွက် ငရဲအိုးတွေ ၊ ချောချောလှလှ ငရဲသူ ကောင်မလေးတွေ တွေ့ရပါတယ်။ ချောချောလှလှ ဆိုတာ နောက်ကနေ မြင်နေရတာကို ပြောတာပါ။ သူတို့မျက်နှာတွေကို မတွေ့ရပါဘူး။ တစ်နေရာအရောက်မှာတော့ ကျနော်တို့ငယ်ငယ်က သိဖူးတဲ့ လူကြီးတစ်ယောက်ကို ရီဖောင်းမစ်တ် ငရဲမှာ သွားတွေ့ရပါတယ်။ ခွင့်လွှတ် ပါ။ ဘယ်သူလဲဆိုတာတော့ စာနယ်ဇင်းကျင့်ဝတ်အရ ပြောပြလို့ မဖြစ်ပါဘူး။ ငရဲလို့သာပြောရတယ် သူ့ကြည့်ရတာက ငရဲရောက်နေပုံနဲ့ လုံးဝ မတူပါ ဘူး။ ချောချောလှလှ ငရဲသူနှစ်ယောက်ကို ဖက်ပြီး ဘီယာသောက်နေ တာပါ။ ဒါနဲ့ စိတ်မထိန်းနိုင်လို့ ယမမင်းကိုပဲ မေးရပါတော့တယ်။)
ကျနော် ။ ။ ယမမင်းကြီးခင်ဗျား၊ ငရဲဆိုလို့သာ ငရဲလိုက်ရတယ်။ ကျနော့် မျက်စေ့နဲ့ မြင်တွေ့နေရတာတွေက ငရဲနဲ့လည်း တစ်ခုမှ မတူဘူးဖြစ်နေ ပါတယ်။
ယမမင်း ။ ။ ညံ့ပါ့ ငါလူရာ၊ ဒါမှ ငရဲနဲ့တူမှာပေါ့။ ငါပြောတဲ့ စကားကို မင်း မေ့နေပြီလား။
ကျနော် ။ ။ ဘယ်ဟာပါလိမ့် ယမမင်းကြီး၊ များတော့ မေ့သွားတာပေါ့ ဗျာ။
ယမမင်း ။ ။ အထင်နဲ့အမြင် တစ်ခြားစီဖြစ်နေတတ်တယ်ဆိုတာလေ။
ကျနော် ။ ။ ဘာတွေများ တစ်ခြားစီဖြစ်နေလို့လဲဗျာ။
ယမမင်း ။ ။ ငါပြောမယ်။ မင်းက သူဘီယာသောက်နေတယ် ထင်တာမဟုတ် လား။ အဲဒါက ဟန်ပဲရှိတာ။ သူ့ ဘီယာဂျားနဲ့ ဘီယာခွက်က အလယ်ခေါင်မှာ အပေါက်ကြီးနဲ့။ အထဲမှာ ဘာ ဘီယာမှ မရှိဘူး။
ပြီးတော့ သူက အင်္ဂလိပ်လို တိုးတိုးလေးပြောတယ်။
"While beer jar and cup have the big holes in the center, the two girls don't have any, including eyes." တဲ့။
