ပြုံးရယ်ခြင်း

ကလေးငယ်တစ်ယောက်က တစ်နေ့မှာ ပျမ်းမျှ အကြိမ်သုံးရာ ပြုံးရယ်တယ်။
လူကြီးတစ်ယောက်ကတော့ တစ်နေ့မှာ ပျမ်းမျှ လေးကြိမ်ပဲ ပြုံးရယ်တယ်တဲ့။
ဒီတော့ တစ်နေ့ လေးကြိမ်မှ မပြုံးရယ်ရရင် နေ့တွက်မကိုက်သလို ဖြစ် သွားတယ်။

"သင်ရယ်လျင် တစ်ကမ္ဘာလုံး သင်နဲ့အတူရယ်မောပြီး
တခေါခေါနဲ့ ဟောက်နေရင်တော့ တစ်ယောက်ထဲ အိပ်ရလိမ့်မည်"
Laugh and the world laughs with you.
Snore and you sleep alone.

(Anthony Burgess)
နောက်မှသိရတာက Anthony Burgess ဟာ ရယ်လည်းရယ်၊ ဟောက် လည်းဟောက်တတ်သူပါ တဲ့။

Read more

နှစ်ပေါင်း တစ်သောင်းတစ်ထောင်ကျော်က ဘာသာရေးအဆောက်အဦ

နှစ်ပေါင်း တစ်သောင်းတစ်ထောင်ကျော်က ဘာသာရေးအဆောက်အဦ Göbekli Tepe ကို တူရကီနိုင်ငံမှာ သိပ္ပံပညာရှင်တွေက တူးဖော်တွေ့ ရှိ ခဲ့ကြပါတယ်။ နှစ်ပေါင်း တစ်သောင်းကျော်ဆိုတော့ မိုဟိန်ဂျိုဒါရို ထက် နှစ်ပေါင်းများစွာ ရှေးကျနေပြီး ဒီနေ့ ကမ္ဘာရှိ ဘယ်ဘာသာနဲ့ ဆက် စပ်နေတယ်ဆိုတာမျိုးတော့ မသိရပါဘူး။

National Geographic reports: “We used to think agriculture gave rise to cities and later to writing, art, and religion. Now the world’s oldest temple suggests the urge to worship sparked civilization.”
Göbekli Tepe in Turkey, a mega-sanctuary more than 11,000 years old. (Agriculture is 8,000 to 9,000 years old.)

Read more

ဒေါက်တာခင်မောင်လတ် (ရွှေမြန်မာ) ရဲ့ စာအုပ်

ကျနော်အမှာ တိုစိစိရေးထားတဲ့ ဒေါက်တာခင်မောင်လတ် (ရွှေမြန်မာ) ရဲ့ စာအုပ်လေး ထွက်လာပါတယ်။ (ဆရာသစ္စာနီလို ဝင်ကြော်ငြာကြည့်တာ)
နိုင်ငံရေးစာအုပ် မဟုတ်ဘဲ ရောင်းကောင်းတယ်ဆိုလို့ (နံပတ် ငါး တဲ့) ဝမ်း သာရပါတယ်။
စင်္ကာပူအခြေစိုက် သူနဲ့ ကျနော်က ဘုတ် ကျီးမြှောက်၊ ကျီး ဘုတ်မြှောက် လို ဖြစ်နေကြပါတယ်။

Read more

ဘုရားရှင်သမာပတ်မှ ထခဲ့ရတဲ့ “ပဉ္စသီင်္ခဆိုတီးတဲ့ သီချင်းတစ်ပုဒ်

၁။ ဝန္ဒေတေ ပိတရံ ဘဒ္ဒေ၊ တိမ္ဗရုံ သူရိယ ဝစ္ဆသေ။
ယေန ဇာတာသိ ကလျာဏီ၊ အာနန္ဒ ဇနနီ မမ။

Lady, your father Timbaru greet,
Oh sunshine fair, I give him honor due,
By whom was sired a maid as fair as you
Who is the cause of my heart’s delight.

အရှင်မလေး မင်းဖခင် တိမ္ဗရု
အို-နေနတ်သမီးလေး သူ့ကိုဦးညွှတ်မိရဲ့
ငါ့ရင်ကို နွေးစေတဲ့ မင်းဆိုတဲ့ အလှတစ်ပါး
သူမွေးဖွားစေခဲ့လို့ပေါ့

၂။ ဝါတောဝ သေဒတံ ကန္တော၊ ပါနိယံဝ ပိပါသတော။
အင်္ဂီရသိ ပိယာမေဟိ၊ ဓမ္မော အရဟတာ မိစ။

Delightful as the breeze to one who sweats,
Or as cooling draught to one who thirsts,
Your radiant beauty is to me as dear
As the Dhamma is to Arahants.

ချွေးပြိုက်သူအတွက် လေအေးတစ်ပေါက်
အာခေါင်ခြောက်သူအတွက် ရေအေးတစ်ခွက်
တောက်ပလွန်းတဲ့ မင်းအလှကို တွယ်မက်လေပေါ့
ရဟန္တာ အရှင်မြတ်တို့ ဓမ္မကို မြတ်နိုးသလို။

၃။ အာတုရေဿဝ ဘေသဇ္ဇံ၊ ဘောဇနံဝ ဇိဃစ္ဆတော။
ပရိနိဗ္ဗာပရ မံ ဘဒ္ဒေ၊ ဇလန္တာမိဝ ဝါရိနာ။

Just as medicine to him who is ill,
Or nourishment to one who is starving still,
Bring me, gracious lady, sweet release,
With water cool from my consuming flames.

နာဖျားသူအတွက် ဆေးတစ်ခွက်
မွတ်သိပ်သူအတွက်တော့ အာဟာရ၊
မင်းရေတစ်မှုတ်နဲ့ ချိုမြိန်စွာ လွတ်မြောက်စေပါတော့
ရင်မှာလောင်နေတဲ့ မီးကနေ။

၎။ သီတောဒကံ ပေါက္ခရဏီ၊ ယုတ္တံ ကိဉ္ဖက္ခ ရေဏုနာ။
နာဂေါ ဂမ္ဘာ ဘိတတ္ထောဝ၊ သြဂါ ဟေတေ ထနူဒရံ။

The elephant, oppressed by summer heat,
Seeks out a lotus-pool upon which float,
Petals and pollen of that flower,
So into your bosom sweet, I’d plunge.

နွေနဲ့ လောင်မြိုက်နေတဲ့ဆင်
ကြာပန်းရင်ပြင် ရေကန်ကိုရှာပြီး
ကြာပွင့်ကြာပန်းတွေနဲ့တူ သောက်ချိုးသလို
လှပတဲ့ မင်းအပြုံးကန်သာလဲ့လဲ့ထဲ ခုန်ပဲ ခုန်ချလိုက်ချင်တော့ရဲ့။

၅။ အစ္စကုင်္ေဿာဝ နာဂေါဝ၊ ဇိတံမေ ထုတ္တရော ပရံ။
ကာရဏံ နပ္ပဇာနာမိ၊ သမ္ပတ္တော လက္ခဏူ ဂုဟာ။

As an elephant, urged by the goad,
Pays no heed to pricks of lance and spear,
So I, unheeding, know not what I do,
Intoxicated by your beauteous form.

ချွန်းရှရှနဲ့ အမောင်းခံရတဲ့ဆင်
လေး မြား လှံ စစ်မြေပြင်ကို အရေးမထားသလို
ငါလည်း ကိုယ့်ကိုယ်ကိုတောင်မေ့လျော့
မင်းအလှကို ရီဝေသည်အထိ သောက်သုံးခဲ့လို့ပေါ့။

၆။ တယိ ဂေဓိတ စိတ္တောသ္မိ၊ စိတ္တံ ဝိပရိဏာမိတံ။
ပဋိဂန္တုံ နသက္ကောမိ၊ ဝင်္က ဃသ္တောဝ အမ္ဗုဇော။

By you my heart is tightly bound in bonds,
All my thoughts are quite transformed, and I
Can no longer find my former course;
I am like a fish that’s caught on baited hook.

ရင်တွေမွန်းကြပ်စွာခုန်တယ်
အတွေးတွေကလည်း ပုံမှန်မစီးမျော
ဟိုတစ်ခါက "ငါ"ပျောက်ဆုံးပြီး
ပါးဟပ်မှာ ချိတ်တန်းလန်းနဲ့ ငါးတစ်ကောင်လို။

ရ။ ၀ါရုမု သဇ မံ ဘဒ္ဒေ၊ သဇ မံ မန္ဓ လောစနေ
ပလိဿဇ မံ ကလျာဏီ၊ ဧတံ မေ အဘိပတ္ထိတံ။

Come, embrace me, maiden fair of thighs,
Seize and hold me with your lovely eyes,
Take me in your arms,
It’s all I ask!

ဖွေးလွှလွှ မင်းပေါင်ပေါ်ပါးအပ်
အမြတ်တနိုးနဲ့ မင်းမျက်လုံးတွေရဲ့အကြည့်
ပြီး- မင်းလက်အစုံနဲ့ ထွေးပိုက်လှည့်
ဘ၀မှာ လိုတာ ဆိုလို့ ဒါအကုန်ပါပဲကွယ်။

၈။ အပ္ပကောဓ ၀တ မေ သေ န္တာ၊ ကာမော ၀ိလ္လိတကေ သိယာ
အနေက ဘာဝေါ သမုပ္ပါဒိ၊ အရဟန္တေ၀ ဒက္ခိဏာ။

My desire was slight at first, Oh maid,
Of waving tresses, but it grew apace,
As grow the gifts that Arahants receive.

အစက- ရင်ထဲဆာလောင်မှုလေး
တဖြည်းဖြည်း စည်ပင်လာလိုက်ပုံများ
ရဟန္တာအရှင်မြတ်တွေကို ပေးလှူရတဲ့ အကျိုးတွေလိုပဲ။

၉။ အယံမေ အတ္တိ ကတံ ပုညံ၊ အရဟန္တေသု တာဒိသု
တံ မေ သမ္ဗင်္ဂ ကလျာဏီ၊ တယာ သဒ္ဓိံ ၀ိပစ္စိတံ။

Whatever merit I have gained by gifts
To those Noble Ones, may mind reward
When it ripens, be your love, most fair.

အရှင်မြတ်တွေကို ပေးလှူခဲ့သမျှ
အကျိုးတရားတွေ ငါပြန်ရရင်
အချစ်ဆုံးလေး…အားလုံး မင်းအတွက်ချည်းပါပဲ။
၁၀။ သကျပုတ္တောဝ ဈာနေသု၊ ဧကောဒိ နိပကော သတော။
အမတံ မုနိ ဇိဂိဿာနော၊ တ မဟံ သူရိယ ၀စ္ဆသေ။

As the Sakyan’s Son in Jhana rapt
Intent and mindful, seeks the deathless goal,
Thus intent I seek your love, my Sun.

(သာကိယအရှင်) ဈာန်ရင်ခွင်မှာ (သိဒ္ဓတ္ထမင်းသား)
မသေရာ မွတ်သိပ်စွာ စူးစိုက်ရှာနေသလို
ကိုယ့်အလင်းရောင်ကလေးရေ
မင်းအချစ်ကို ငတ်မွတ်စွာ ငါရှာနေသကွဲ့။

၁၁။ ယထာပိ မုနိ နန္ဒေယျ၊ ပတွာ သမ္ဗောဓိ မုတ္တမံ။
ဧ၀ံ နန္ဒေယျ ကလျာဏီ၊ မိဿီ ဘာဝံ ဂတော တယာ။

Just as that Sage would be rejoiced, if he
Were to gain Supreme enlightenment,
So I’d rejoice to be made one with you.

ဂေါတမအရှင် ၀မ်းမြောက်
သဗ္ဗညု ခရီးရောက်တဲ့အခါမှာ
ငါလည်းလေ မိုးမမြင် နေမှာ
မင်းနဲ့များ အတူကြင်ရရင်။
၁၂။ သက္ကောစမေ ၀ရံ ဒဇ္ဇာ၊ တာဝတိံသာန မိဿရော။
တာဟံ ဘဒ္ဒေ ၀ရေယျာယေ၊ ဧ၀ံ ကာမော ဒဠှော မမ။

If Sakka, Lord of Three-and-Thirty Gods
Were perchance to grant a boon to me,
It’s you I’d crave, my love for you is so strong.

တာဝတိံသာဘုရင် သက္ကအရှင်ကများ
ဗေလုဝ…မင်းကြိုက်သမျှ ဆုလာဘ်ယူစေဆိုရင်
ငါခုံမင်တာက မင်းတစ်ယောက်ထဲ
တို့အချစ်က အဲသလောက် မြဲမြံတယ်။

၁၃။ သာလံဝ နစိရံ ပုပ္ဖံ၊ ပိတရံ သေ သုမေဓသေ။
ဝန္ဒမာနော နမဿာမိ၊ ယဿာ သေတာ ဓိ သိ ပဇာ။

Your father, maid so wise, I venerate
Like a sala-tree fairly blossoming,
For his offspring’s sake, so sweet and fair.

ပင်လုံးကျွတ်ပွင့်တဲ့ အင်ကြင်းပင်အိုကို
မွှေးလှတဲ့ ပန်းတွေကြောင့် မြတ်နိုးရသလို
ပညာတွေ ပင်လုံးကျွတ်တဲ့
မင်းဖေဖေ တိမ္ဗရုကို
ပဉ္စသီ ဦးညွှတ်လိုက်ပါရဲ့….ကွယ်
နေနတ်မင်းသမီး…အလင်းမလေးရယ်…….။

Read more

သီရိပါဒလမ်းပေါ်မှာ ပြန်တွေ့ခဲ့ရသည့် အဖေ

သီရိပါဒခရီးသည် လှေကားထစ်ပေါင်း ၇၀၀၀ ကျော်ဖြင့် ဖွဲ့စည်းထားပြီး လေး နာရီ ငါးနာရီခန့် တောင်တက်ခရီးဆင်နွှဲရ၏။ သီရိပါဒဟူသည် ဒဏ္ဍာရီဆန် ဆန် သီဟိုဠ်သမိုင်းအရ ဘုရားရှင် ခြေတော်ရာ ခြခဲ့သော နေရာဟူ၏။ ယနေ့ ဘုရားရှင်၏ ခြေတော်ရာပေါင်းများစွာရှိသည့်အနက် သီရိပါဒသည် ဘုရားရှင် ၏ ခြေတော်ရာတစ်ဆူအဖြစ် ပထမဆုံးအဆိုတင်သည့် တောင်ထိပ်တစ်ခုဟု လည်း ဆိုနိုင်ပေမည်။ ည တစ်နာရီခန့်မှာ စတင်တက်ခဲ့ကြသော ကျွန်ုပ်တို့ လူပေါင်း ၄၀ အဖွဲ့တွင် ၁၀ ယောက်က လမ်းတစ်ဝက်မှာ ကျန်ရစ်ခဲ့သည်။ အချို့က အသက်ကြောင့်၊ အချို့က ဆူဖြိုးသော ကိုယ်ခန္ဓာကြောင့်ဖြစ်၏။

ဗုဒ္ဓဘာသာဝင်တို့က ဘုရားရှင် ခြေတော်ရာဟူသော ယုံကြည်မှုကြောင့် တက်နေကြတာဖြစ်ပြီး ဗုဒ္ဓဘာသာဝင် မဟုတ်သူတို့ကတော့ နေထွက်တာကို ကြည့်ရအောင် တက်ကြခြင်းဖြစ်သည်။ အာရှတိုက်သားများအတွက် နေ ထွက်တာကို ကြည့်ရုံမျှဖြင့်တော့ ဤမျှ ကြမ်းရှသော ခြေလှမ်း ၇၀၀၀ တက်နေရန်မလိုပါ။ ဘယ်မှမသွားဘဲ နေထွက်တာကို မြင်နိုင်သည်။ မတူဘူး ဟု ဆိုလိုကဆိုနိုင်ပါသည်၊ အငြင်းမပွားလိုပါ။

မိမိကိုယ်တိုင်လည်း ဘာမှပြင်ဆင်ခြင်းမရှိဘဲ ထို တောင်ကို တက်ခဲ့ခြင်းေ တာ့ မဟုတ်ပါ။ မသွားမီ ၃ လခန့်ကတည်းက နံနက်တိုင်း တစ်ခါတစ်ခါ ညနေပါ (ခပ်မြန်မြန်) လမ်းလျှောက်ခြင်း ပုံမှန်လုပ်ခဲ့သည်။ သက်လုံအထိုက် အလျောက် ရှိသည်ဟုဆိုနိုင်သည်။ သို့သော် ခရီး တစ်ဝက်ကျော်လာသည့် အခါ ရှိသည့်သက်လုံက ကုန်ခမ်းစ ပြုလာသလို ခရီးကလည်း ပို၍ပို၍ မတ်စောက်လာပါတောသည့်။

ငါ ဆက်မှတက်နိုင်ပါတော့မလား။
နံနက် ၃ နာရီ လေအေးကြမ်းများအကြားမှာပင် ချွေးတဖြိုက်ဖြိုက်ကျနေ သည်။ ကျိုက်ထီးရိုးထက် များစွာပိုပင်ပမ်း၏။

ထိုစဉ် ကလေးတစ်ယောက်နှင့် လူဖြူဇနီးမောင်နှံကို တွေ့ရ၏။ ကလေးက ၅ နှစ် ၆နှစ်ခန့်ဟုထင်ရသည်။ သူက တောင်ဝှေးလေး ထောက်ကာ ထောက်ကာ သူ့မိဘတွေနဲ့အတူ တက်နေသည်။ သူ့ကို "Strong boy" ဟုခေါ်ရာ သူက လှည့်ကြည့်ပြီး ပြုံး ၏။ သူ့ ဖခင်က "Yes, he is very strong" ဟု အားပေးသည်။ မကြာပါ။ ဤခရီးသည် ကလေးတစ်ယောက်အတွက် အားကစားကွင်း မဟုတ်ပါ။ သူ ဆက်မတက်နိုင်တော့။ သို့သော် ကလေးတစ်ယောက်အနေနဲ့ သူ အများ ကြီး လျှောက်ခဲ့ပြီးပြီ။ ထိုစဉ် ဖခင်ဖြစ်သူက သူ့ကျောပိုးအိပ်ကို ဇနီးပေးလိုက် ပြီး သူ့သားကို ပခုံးပေါ်ထမ်းက ဆက်တက်နေလေတော့သည်။

မလွယ်ပါ။
လုံးဝမလွယ်ပါ။
လူအလွတ်ပင် ချွေးဒီးဒီးကျအောင် တက်နေရချိန် ကလေးတစ်ယောက် ပခုံးပေါ်ထမ်းပြီးတက်ရသော မတ်စောက်တောင်တန်းခရီးသည် လုံးဝမလွယ်ပါ။
ထိုစဉ် ကျွန်ုပ်ထံမှ စကားသံလည်း ပြောင်းသွားရတော့သည်။
"Very strong man"
ဖခင်စိတ်။ ကလေးအစွမ်း၊ ကလေးသတ္တိကို ရနိုင်သမျှ ရအောင် ညှစ် ထုတ်ပြီးမှ ပခုံးပေါ်တင်ထမ်းသွားသည့် ဦးဆောင်စိတ်၊ ဖေးမစိတ်။
ထို ခွန်အားတို့က ကျွန်ုပ်ဆီသို့ပင် ကူးစက်လာတော့၏။

သူတို့ သားအဖကိုကြည့်ရင်း တစ်ခါတစ်ခါ ကျွန်ုပ်ကိုင်တိုင် အဖေ့ပခုံးေ ပါ် ရောက်သွားသလိုလို (အဖေသည် ခရီးဝေးသွားတိုင်း ကျွန်ုပ်ကို ထမ်း ပိုးခေါ်လေ့ရှိသည်)၊ တစ်ခါတစ်ခါ ကိုယ်တိုင်ကပင် သားတစ်ယောက်ကို ထမ်းတက်နေရသလိုလို ခံစားလိုက်ရ၏။ မှန်၏။ ဒုတိယ ခံစားချက်က အငှား ခံစားချက်သာ ဖြစ်၏။

မည်သို့ဖြစ်စေ ကလေးဖြစ်လိုက်၊ အဖေဖြစ်လိုက်ဖြင့် သီရိပါဒတောင်ထိပ်ပေါ် သို့ ၅ နာရီခွဲခန့်တွင် ကျွန်ုပ် ခြေချနိုင်ခဲ့တော့သည်။
အဖေ့ကို သတိရစိတ်ဖြင့် မျက်ရည်ပင် ကျခဲ့မိသေးသည်ထင်ပါ၏။

Read more