(Estadio Maracana မှ သတင်းပေးပို့သည်)
မိဘပြည်သူများ ခင်ဗျား..
သမ္မတကြီးကို အားပေးနေရတာဟာ မန်ယူနဲ့ စပိန်ကို အားပေးနေရသလိုပဲ ဆိုတာ ဒီနေ့မနက်ဆိုရင် အားလုံးသိကြပြီးဖြစ်ပါလိမ့်မယ်။
ဟော်လန်က အာရှဆိုလို့သာ ရှလိုက်ရတဲ့ အာရှမျက်နှာနဲ့ တစ်စက်မှ မတူ၊ (လီကွမ်းယုစကားနဲ့) အမှိုက်ဖြူ အော်ဇီကို ကံကောင်းပြီး နိုင်လိုက်တဲ့နောက် ငရုပ်သီး(ချီလီ)ကိုနိုင်ရင် အမှိုက်ဖြူကိုတော့ အေးဆေးဆိုပြီး အိပ်ယာဝင်လိုက်တာ မနက်ရောက်တော့ ငရုပ်သီးကို နှစ်ဂိုး ဂိုးမရှိနဲ့ ရှုံးသွားကြောင်း သိလိုက်ရပါတယ်။ သမိုင်းဝင်၊ နှစ်ပွဲ၊ ၇ ဂိုး ၁ ဂိုး၊ ရမှတ်မရှိ၊ ပထမအုပ်စုထွက် နွားရိုင်းသတ် သမားတွေရဲ့ အခန်းကဏ္ဍက ၁၉ ရက် မနက်မှာ ဆုံးသွားခဲ့ပါပြီ။ လက်ရှိခြေနဲ့ဆိုရင် သိက္ခာဆယ် အမှိုက်ဖြူ အော်ဇီကိုတောင် နိုင်ဖို့ မလွယ်တော့ ပါဘူး။
မိဘပြည်သူများ သိပြီးသားမို့ အကျယ်မပြောတော့ပါဘူး။ ဒီနှစ်ကတော့ စပိန်၊ မန်ယူနဲ့ ဦးသိန်းစိန်ပရိသတ်တွေ ကံမကောင်းတဲ့ နှစ်ပါခင်ဗျား။
ခေတ်သစ် ဣသိဂိလိတောင်တန်းကြီးများ (ဣသိ ရသေ့ရဟန်း။ ဂိလိ မျို)
ဘုရားရှင်လက်ထက် ဣသိဂိလိကား နာမည်ကောင်းဖြင့် ကြော်ကြားခဲ့ သည့် တောင်တန်းကြီးဖြစ်သည်။ သူ့ရင်ခွင်မှာ သစ်ပင်တို့ ထူထပ်သည်၊ သဘာ ဝ ကျောက်လိုဏ်ဂူများရှိသည်၊ အေးမြသည့် တောရိပ် တောင်ရိပ်ရှိသည်။ ဤအရာ အားလုံးကို ပေါင်းစပ်လိုက်တော့ ရဟန်းတရား ပွားများရန် အလွန်ကောင်းေ သာနေရာ ဖြစ်လေသည်။ ဣသိဂိလိမှ မွေးထုတ်ပေးလိုက်သည့် ရဟန္တာပေါင်း မည်မျှရှိလေမည်နည်း။ ကျွန်ုပ်တို့ ဉာဏ်မီသောကိစ္စ မဟုတ်ပေ။
ဣသိဂိလိထဲ ဝင်သွားသည့်ရဟန်းတော်များကို ဝင်သွားသည်ကိုသာ တွေ့ရပြီး ဘယ်ရောက်သွားသည် မသိရ။ ထို့ကြောင့် လူတို့က ယင်းတောင်ကြီးကို ရဟန်းမျိုတောင် (သို့) ဣသိဂိလိတောင်ဟု ဆိုကြလေသည်။ လက်ဝဲတော်ရံ အရှင်မဟာ မောဂ္ဂလန်မထေရ်ကြီး သဘောကျတော်မူလှသည့် နေရာ။
ကျွန်ုပ်တို့ခေတ်မှာတော့ ရဟန်းမျိုတောင် မရှိ၊ ရဟန်းမျို ထောင် များသာ ရှိတော့သည်။ ယင်းထောင်များအနက် မန္တလေး နန်းတွင်းထောင်နဲ့ ရန်ကုန် အင်းစိန်ထောင်တို့က နာမည်ဆိုးဖြင့် နာမည်ကြီးလှသည်။ ထိုထို ဣသိဂိလိ ထဲရောက်သွားသည့် ရဟန်းတို့ကိုလည်း ဝင်သွားသည်ကိုသာ သိမြင်ရပြီး ဘယ်မှာရောက်သွားသည် မသိရတော့။ အမျိုခံလိုက်ရသည့် ရဟန်းတော်များတွင် မစိုးရိမ်ဆရာတော် ဦးကောဝိဒါဘိဝံသ အစ၊ ဦးဝီရသူအလယ်၊ ဦးဥတ္တရအဆုံး အရေအတွက် များလွန်းလှ၏။ ဝမ်းနည်းဖွယ် ကောင်းလွန်းလှပြီ။
ဦးနုနောက် တက်လာသည့် မင်အဆက်ဆက်ကား ဣသိဂိလိကို အတုယူပြီး ရဟန်းကောင်းတွေကို မျိုစေတော့သသည်။ သို့သာဖြစ်သည် သူတို့ကိုယ်သူတို့ကိုမူ သာသနာပြုမင်းအဖြစ်မှ တစ်ပြားသားမှ မလျှော့ခဲ့ကြ၊ အသောကနဲ့နှိုင်းလျင် ကျေနပ်မဆုံး ရှိတတ်ကြ၏။
ဂိဇ္ဈဂုတ်တောင်ပင် မြန်မာပြည် ရောက်လာလေဦးမည်လား။
လင်းတ ဝဲသောတောင်။
သီဟနာဒ
ကွန်မင့်ရှင် မစ္စတာ ဂျွန် စမစ်သို့
၂၀၀၂ ခု၊ ဧပြီ ၂၈ ရက်၊ ည ကိုးနာရီထိုးရန် ၁၀ မိနစ်အလို။
မဟာသန္တိသုခထဲမှာ တစ်ပါးမှ မကျန်တော့သည် အချိန်။ အခန်းနံပါတ် ၅၀၈ ကို တံခါးလာခေါက်သည်။
"အရှင်ဘုရားက မသွားသေးဘူးလား၊ ဓမ္မစက်နဲ့ မရရင် အာဏာစက် သုံးရမှာ ဘုရား"
"သွားမှာပါ တကာကြီး၊ ကိုးနာရီထိုးဖို့ ၁၀ မိနစ်တောင်လိုသေးတာပဲ"
"အရှင်ဘုရားနဲ့ အခြားတစ်ပါးက (ယခု နယူးဇီလန်ရောက် ဦးသီရိဓမ္မ) ဆက်နေ မယ်ဆိုရင် နေလို့ရပါတယ် ဘုရား၊ ဒါပေမဲ့ အဘ(ဦးခင်ညွန့်)ဆီနဲ့ ဦးစောမြင့်ဆီ စာရေးပြီးနေခွင့်ပြုဖို့ တောင်းခံပါ"
အိပ်လေးတစ်လုံးဆွဲရင်း ကျောင်းပေါက်ဆီ ထွက်လာခဲ့သည်။ ယင်း အရပ်ဝတ် စစ်အရာရှိတို့လည်း လိုက်ပါလာရင်း စကားပြောကြသည်။
"မလုပ်နိုင်ပါဘူး ဒကာကြီး၊ အဖေက သဘောတူမှာ မဟုတ်ဘူး"
"အရှင်ဘုရား ဒကာကြီးက ဘယ်သူလဲ"
"ဦးဇင်းပြောတာက အဖေပါ၊ ဒကာကြီးမဟုတ်ဘူး"
"အရှင်ဘုရား အဖေ ဘယ်သူလဲ"
"ဒကာကြီးကလည်း ရဟန်းအဖေပါဆို ဘုရားပေါ့"
ထိုစဉ် ကိုးနာရီထိုးသဖြင့် သုံးနှစ်ကြာသီတင်းသုံးခဲ့ရသည့် ကျောင်းတော်ရဲ့ ဂိတ်အပြင်ကို ထွက်လိုက်သည်။ သူတို့နဲ့ စကားက မပြတ်သေး။
"ခဏနေပါအုံးဘုရား၊ လျှောက်စရာရှိသေးလို့"
"လျှောက်စရာရှိရင် ကျောင်းအပြင်လိုက်ခဲ့ပြီး လျှောက်ပါ ဒကာကြီးတို့၊ ထုတ်ထားတဲ့ အမိန့်က ၉ နာရီဆို ကျောင်းဝင်းထဲ ရှိမနေရဘူး၊ ဒကာကြီးတို့လည်း ဥပဒေကို မဖောက်ပါနဲ့"
မျက်နှာ အနည်းငယ်ပျက်သွားသည်(ထင်၏)။ သူတို့လည်း နောက်က လိုက်လာကြပါသည်။
"အရှင်ဘုရားက ဒီကနေ ဘယ်ကို ကြွမှာလဲ၊ ကျောင်းပိုင်ရှိသလား"
"ဘယ်ကို သွားရမယ် မသိသေးဘူး၊ ထွက်ဆိုလို့ ထွက်ရမယ်ဆိုတာပဲ သိပါ တယ်၊ ကျောင်းပိုင် မရှိပါဘူး"
"အရှင်ဘုရား ရှိမယ့်လိပ်စာကို ပေးထားခဲ့ပါ၊ တပည့်တော်တို့ ဆက်သွယ်ပါ့မယ်"
"ပေးစရာ လိပ်စာလည်း မရှိပါဘူး"
သို့ဖြင့် တစ်လခန့်အကြာ စစ်ပွဲမှာ နောက်ဆုံး ကျဆုံးခဲ့ရသည့် အသေးမွှားဆုံး စစ်သားလေးအနေနဲ့ ပီနန်ဆရာတော်ကြီးထံ ရောက်ခဲ့ရသည်။
ကံအလှည့်ပေးသဖြင့် စင်္ကာပူ၊ မြန်မာကျောင်းကြီးဆရာတော် ဦးတိလောက (ဘုန်းကြီးတိ) ၏ လမ်းညွှန် ဩဝါဒပေးမှုဖြင့် စင်္ကာပူမှာ အထင်ကရ၊ ထေရ ဝါဒ ဗုဒ္ဓဘာသာပညာရေး အဓိကဖြန့်ဖြူးရာ(ဓမ္မ စကူးလ်နဲ့ ပါဠိကောလိပ်) ကျောင်း တိုက်မှာ လက်ထောက်နေရာ ရခဲ့သည်။
ငါးနှစ်အကြာ လူကြီးဖြစ်လာခဲ့သည်၊ စင်္ကာပူ အမျိုးသားတက္ကသိုလ် (National University of Singapore) လိုနေရာမှာ ဘာဝနာနဲ့ အခြားအဆုံးအမများ သင် ကြားပေးခွင့်ရလာသည်။
နောက် နှစ်နှစ်အကြာ ယင်းတက္ကသိုလ် ဗုဒ္ဓဘာသာအဖွဲ့ချုပ်ရဲ့ Spiritual Adviser ဖြစ်လာခဲ့ရသည်။ ယနေ့အထိ။
အချိန်ရခိုက် မိမိတတ်နိုင်သည့် စာပေရေးသားခြင်းပြုလုပ်ခဲ့သည်၊ ၎င်းတို့အထဲမှ အထူးသဖြင့် လီကွမ်းယု၏ "နားဝင်မချိုသည်" နိုင်ငံနဲ့လူမျိုးအတွက် အကျိုး တစ်စုံ တစ်ရာရှိသည်ဟု ယုံကြည်သည်။
မိမိမှတစ်ပါး အခြားအခြားသော မိတ်ဆွေရဟန်းများလည်း ကျောင်း အသိမ်းခံရ သည်ဆိုစေ ပီနန်ဆရာတော်ကြီး၏ ကျေးဇူးကို ရောက်ရာမှာ စွမ်းသလို သာ သနာပြရင်း ဆပ်နေကြပါသည်။ အောင်လည်း အောင်မြင်ကြပါသည်။
ထို့ကြောင့် ယနေ့အထိ မိမိ၏ဆုံးဖြတ်ချက် မှန်ဆဲဟုလည်း ယုံကြည်ပါကြောင်း
(လက်ရှိအနေအထားကြောင့် "ဦးဇင်းတို့အရွယ်က ထောင်ထဲမှာ အချိန်ကုန်ဖို့ ထက် ကမ္ဘာထဲ တိုးဝင်ရမယ့်အချိန်ဖြစ်တယ်" ဆိုတဲ့စကား ချန်ထားခဲ့ရပါကြောင်း)
ဒကာ စမစ်ခင်ဗျား
ကန်ပါ့ ဖလား
မအားဘဲ ကစားနေရတဲ့ ပရိသတ်ကြီးခင်များ....
လောလောဆယ်အနေအထားမှာတော့ "(ဦး)ဝီရသူ" ဖဘက တိုက်စစ်၊ ခံစစ်၊ ကွင်းလယ်ကစားကွက်၊ အချက်အလက်ညီညီ၊ ပညာပါပါနဲ့ "(ဦ သို့ အူ)သာသနာရေးဝန်ကြီးဌာန၏ ဆောင်ရွက်ချက်များ"ဖဘကို တရကြမ်း တိုက်စစ်ဆင်နေတာကို တွေ့ရပါတယ် ခင်ဗျား၊
"(အူ)သာသနာရေးဝန်ကြီးဌာန၏ ဆောင်ရွက်ချက်များ"အသင်းရဲ့ အဓိက အားနည်းချက်က မောင်အံ့ရဲ့ ခံစစ်ဖြစ်နေပြီး ရုပ်ပျက်ဆင်းပျက် အလူးအလဲ ဖျက်ထုတ်နေရပါတယ်။ "မောင်အံ့ အောက်တ်" "မောင်အံ့ အောက်တ်" ဆိုတဲ့ ကြွေးကြော်သံတွေ ကြားရသလို "သူခိုး သူခိုး" ဆိုတဲ့အသံတွေလည်း ကြားရပါတယ်။ မောင်အံ့ကလည်း နည်းပြအားကိုးနဲ့ တိုင်ချင်တဲ့ရုံးသွားတိုင် မထွက်ဘူးလုပ်နေပါတယ်။
ဒီပွဲမတိုင်မီ "ဝိဘဇ္ဈာဝါဒသစ္စာ့ဝါဒီ" ဖလားမှာ သီတဂူဆရာတော်ကြီးက ၆ ဂိုး၊ အံ့မဟန ယူနိုက်တက်အသင်းက ဂိုးမရှိနဲ့ ပြီးဆုံးသွားခဲ့ပါတယ်။ ခြေအရ ဒီထက် ဂိုးပြတ်သင့်တယ်လို့ တက်ခေါက်သူတွေလည်း ရှိနေပါတယ်။
ဒီပွဲတွေဟာ အလွန် အရေးကြီးပါတယ် ခင်ဗျား။
ပထမ ကွာတားဖိုင်နယ်မှာ သာသနာပြု ယူနိုက်တက်အသင်းနဲ့ သာသနာဖျက် ရန်ကုန်စီးတီးအသင်း။
ဒုတိယ ကွာတားဖိုင်နယ်မှာ သစ္စာဝါဒီနဲ့ မုသာဝါဒီအသင်းတို့ ယှဉ်ပြိုင်ကြမှာပါ။
တတိယ ကွာတားဖိုင်နယ်မှာတော့ ကုသိုလ်က နှုတ်ထွက်သွားလို့(သေသွားလို့) အကုသိုလ်အသင်းက တိုက်ရိုက်ဆီမီးတက်လာပြီး
စတုတ္တကွာတားဖိုင်နယ်မှာတော့ ရေငုံနှုတ်ပိတ်အသင်းနဲ့ အွန်လိုင်းယူနိုက် တက်တို့ တွေ့ကြမှာပါ။
ဆက်လက်အားပေးကြပါအုံးခင်ဗျား။
နိဗ္ဗာန်သို့သွားရာ တစ်ကြောင်းတည်းသောလမ်း (ဖားအောက်တောရ ဆရာတော်ကြီး)
ဖားအောက်ဆရာတော်ကြီးတို့များ နိုင်ငံတော်အကြီးအကဲရဲ့အရိပ်အာဝါသလည်း မရ
မဟနရဲ့ အပယ်ခံ၊ ထုတ်ဝေခွင့် အပိတ်ပင်ခံရဘဝနဲ့ ပြည်ပမှာ ရေးသား ထုတ်ဝေတော်မူလိုက်တာဆရာအံ့ထက် နှစ်ဆကြီး၊ နှစ်ဆထူသွားပါရောလား။ ခိုးယူးထားတယ်လို့ ပြောစရာလည်း မရှိ။ ပိဋကတ်တော်နဲ့ အတိ။
စွမ်းသူကို ဝိုင်းပယ်၊ ဖားသူကို ဝိုင်းဆယ်။
ရင်မောမိပါရဲ့
ခေတ်စောလို့(အင်္ဂလိပ်ခေတ်၊ ကျွန်ခေတ်)ကံကောင်းသွားတော်မူတဲ့ လယ်တီဆရာတော်ကြီး ဘုရား။
ဖလားဆိုလို့သာ ဖလားရတယ်နဲ့ အုပ်စု (ဂ) ပွတ်တိုက်မှု
(ဘာသာပြန်နည်း)
ကမ္ဘာ့ခွက်လုပွဲ မကြည့်ဖြစ်ပေမဲ့ နည်းနည်းတော့ ရေးဦးမှ။
ရွာက ကိုရင်ကြီးသင်ပေးလိုက်တဲ့ အင်္ဂလိပ်ထဲမှာ "cup" က ခွက်။ "gas" က ထည့်သည် ပါ။
ဒါနဲ့ ပုံကြည့်ပြန်တော့လည်း မြန်မာတွေ သိတဲ့ ရေဖလား၊ ရွှေဖလား၊ ငွေဖလား
မျိုးလည်း မဟုတ်ဘူး။ ရှည်ရှည်ကြီး။
ဒါပေမဲ့ ကမ္ဘာ့ခွက်လုပွဲကြီးလို့ဆိုရင်းလည်း ကျောင်းလုတာလောက်ပဲ သိတဲ့ လူတွေက လက်ခံမှာ မဟုတ်။
ဒီတော့ ဖလားဆိုလည်း ဖလားပေါ့။ ထားတော့ ဒါနဲ့
သတင်းစာကောက်လှန်တော့ Group C clash ဆိုတာကိုတွေ့တယ်။
သမ္မကြီးလေသံအတိုင်း ဘာသာပြန်ကြည့်လိုက်တော့ အုပ်စု (ဂ) ပွတ်တိုက်မှု။ မိုက်တယ်။
ပြည်တွင်းမှာတော့ အုပ်စု (ဃ) ပွတ်တိုက်မှုဖြစ်နေတယ်။ အရှေ့တိုင်းမို့ တစ်ရက်စောတာနေမှာ။
ဦးသိန်းစိန် ဂျင်မီကာတာ ဖြစ်လာနိုင်ဦးမလား(၃)
အတ္တတွေက ရင့်ရင့်
ဒီမိုကရေစီအစိုးရသက်တန်းက နုနု
စိန်ခေါ်မှုတွေက ရင့်ရင့်
ဟူး...............
နိုင်ငံရေးသိက္ခာ
လတ်တလောဖြစ်ပွားနေတဲ့ မဟာသန္တိသုခကိစ္စဟာ ဦးသိန်းစိန်အစိုးရ ရဲ့ နိုင်ငံရေးသိက္ခာကို ပြည်တွင်း၊ ပြည်ပမှာ အကြီးအကျယ် ထိခိုက်မှုရှိနေပါပြီ။ ဒီကျောင်းကို ဘယ်သူပိုင်ဆိုင်တယ်ဆိုတဲ့ အငြင်းပွားမှုကြောင့် မဟုတ်ပါဘူး။
၁။ ဦးအံ့မောင် သမ္မတအကြံပေး ဟုတ်၊ မဟုတ်
၂။ ဒီအချိန်မှာ ဘာသာရေးပြသနာ အဖြစ်ခံသင့်၊ မခံသင့်ကြောင့် ဖြစ်ပါတယ်။
ရှောင်မရတဲ့ မီဒီယာကနေ မနေ့ကအထိ သိလိုက်ရတာက ဦးအံ့မောင်က သူ့ ကိုယ်သူ သမ္မတရုံးအကြံပေးလို့ ဝန်ခံပြီး သမ္မတရုံးက ဒါကို ငြင်းဆန်တယ်။ တကယ်လို့ မဟုတ်ရင် သမ္မတအာဏာကို အလွဲသုံးစားပြုရာ ရောက်မနေဘူး လား။ မဟာသန္တိသုခကိစ္စက သမ္မတနဲ့ တိုက်ရိုက်မဆိုင်ဘူး၊ ဝင်ရောက်ဖြေ ရှင်းပေးမှာ မဟုတ်ဘူးဆိုတာက(နိုင်ငံရေးနဲ့ဘာသာရေး မတူဘူး လေဆိုပြီး) လက်ခံထားလို့ရပေမဲ့ သမ္မတအာဏာကို အလွဲသုံးစားပြုတာကတော့ သမ္မတနဲ့ မဆိုင်ဘူး ပြောလို့မရနိုင်တော့ဘူး။
အရေးယူရမယ်။ သမ္မတရုံးကထွက်လာတဲ့ ငြင်းချက်ရဲ့နောက်မှာ စစ်ဆေးအရေး ယူမယ်ဆိုတာ ပါမလာဘူး။ ပါတယ်ဆိုရင် မိမိရဲ့ မနှံ့စပ်ကြောင့်မို့ တောင်းပန် ပါတယ်။
ဒါက ဘာလဲ။ ဦးအံ့မောင်က ဘယ်သူလဲ။ သမ္မတရုံးကထွက်လာတဲ့တုန့်ပြန်မှုက အဖြေထက် မေးခွန်းပဲ ပေးခဲ့တယ်။ ဦးအံ့မောင်ဟာ နိုင်ငံတော်သမ္မတက မထိ ရဲလောက်အောင် ကြီးနေသူလား။ ဘာကြောင့်လဲ။
တစ်ကမ္ဘာလုံး ဘာသာရေးက ဆတ်ဆတ်ထိမခံဖြစ်နေချိန် ဒီမိုကရေစီသွေး သားနုနုနဲ့ ဒီနိုင်ငံမှာ ဘာကြောင့် ဒီလိုကိစ္စမျိုး အဖြစ်ခံရသလဲ။ သမ္မတက ဝင်မရှင်းလို့ ပြသနာရှင်းသွားပါ့မလား။ စိုးရိမ်စရာပဲ။
အခုဆို အနည်းဆုံး သုံးအုပ်စု ကွဲနေတယ်။
၁။ ဦးအံ့မောင်နဲ့ မဟန အတိုက်အခံအုပ်စု
၂။ ဦးအံ့မောင်နဲ့ မဟန အုပ်စု(အသံ မထွက်လှပေမဲ့ အချုပ်အချာအာဏာဆိုတဲ့ စကားလုံးကြီးကို သုံးလိုက်ရင် အားမသေးလှဘူး)
၃။ လူတွေ လမ်းပေါ်ရောက်လာမှာ စိုးရိမ်တဲ့အုပ်စု။
မဟာသန္တိသုခက သင်တန်းသားအသစ်တွေ ခေါ်ယူဖို့ လုပ်နေပြီ၊ အခုနေ တားမြစ်ရမယ်။ အခု မတားမြစ်လို့ သင်တန်းသားအသစ်တွေ ရောက်လာရင် ဒီထက်ရှင်းရခက်မယ်။ ဒီလိုလား။
တကယ်လို့ အကျိုးအကြောင်းညီညီနဲ့ ပီနန်ဆရာတော်ကြီး မပိုင်ဘူးဆိုတာ ခိုင်မာရင် နောက် ၅ နှစ်၊ ၁၀ နှစ်ကြာပြီး နိုင်ငံရေးတည်ငြိမ်မ်မှ ဖြေရှင်းရင်ကော မရနိုင်ဘူးလား။ ဘာပဲဖြစ်ဖြစ် လူအများစုကတော့ လမ်းပေါ်ကို ရဟန်းတွေ၊ လူတွေတက်လာမှာ၊ မဖြစ်လို့ လမ်းပေါ်တက်လိုက်ရမှာကို ကြောက်နေကြတယ်။ လမ်းပေါ်လူတွေတက်လာရင် ဘယ်လိုလုပ်မှာလဲ။ အကြမ်းမဖက်နည်းလား၊ ဓာတ်ပြားဟောင်း ကျည်ဆန်လား၊ မျက်ရည်ယို ဗုံးလား။
အရေးအခင်းဖြစ်တဲ့အကြိမ် ထိုင်းလောက်မများပေမဲ့ တကယ်ဖြစ်ရင် ပမာဏက ထိုင်းထက်အများကြီး ပိုကြီးနေတတ်တယ်။
မရတော့ဘူးဆိုရင်တော့ အချုပ်အချာအာဏာဆိုတဲ့ စကားလုံးကြီးကို ကိုင်ပြီး အစိုးရက လုပ်မှာပဲ(လုပ်လည်းလုပ်ရမှာပဲ)။ ဒီခေတ်မှာ နိုင်ငံရေးအတွက် အသေခံရဲသူထက် ဘာသာရေးအတွက် အသေခံရဲသူ ပိုများတယ်လို့ ကမ္ဘာက သက်သေပြနေပါတယ်။ ဒီလို မဖြစ်အောင် မတားမြစ်နိုင်ဘူးလား။
အနည်းဆုံး ဦးအံ့မောင်ကို(သူ့ရှေ့က ဆိုင်းဘုတ်ကြီးမမှန်ဘူး ဆိုရင်) သမ္မတ အာဏာ အလွဲသုံးစားမှုတပ်ပြီး တရားစွဲလိုက်၊ စံပြ အပြစ်ပေးလိုက်။ လူထု ရာနှုန်းပြည့် သာဓုခေါ်မယ့် ကိစ္စ။ သမ္မတအပေါ်လည်း ယုံကြည်မှု ပိုလာမယ်။ အစိုရအကြံပေး အဖွဲ့လည်း အနည်းဆုံး စုန်းပြူးတစ်ယောက် ရှင်းသွားမယ်။
ဘာသာရေး အဓိကရုဏ်းကို ဘာသာရေးလက်ထဲ လွှဲပေးလိုက်။
ဒီလိုမဟုတ်ရင် ပြည်တွင်းမှာရော ပြည်ပမှာပါ နိုင်ငံရေးသိက္ခာ ဆက်ကျနေ လိမ့်မယ်။
ဒီလောက်အထိ ရေးမှတော့ ဒါဟာ စစ်အစိုးရက အာဏာပြန်သိမ်းချင် လို့ ထောက်ခြောက်ဆင်နေတယ်ဆိုတဲ့စကားကို မယုံကြည်လို့ပေါ့။
မဟာသန္တိသုခ ဘယ်လောက်ကြီးကြီး နိုင်ငံတော်နဲ့ ယှဉ်ရင် ဘုန်းကြီးကျောင်း တစ်ကျောင်းမျှသာပါ။
ဘုန်းကြီးကျောင်း တစ်ကျောင်းမျှသာလို့ဆိုပေမဲ့ ဒီကျောင်းရဲ့ ကွန်ယက်နဲ့ ဂယက်က အကြီးကြီး။
ဒီမိုကရေစီ သွေးသားက နုနု
အတ္တတွေက ရင့်ရင့်
ဒီမိုကရေစီ အစိုးရသက်တန်းက နုနု
စိန်ခေါ်မှုတွေက ရင့်ရင့်
ဟူး.............................
မောင်အံ့(မဟာဝိဇ္ဇာ၊ ဘုံဘေ)ရဲ့ ကျမ်းစာကို ခြေရာခံပြခြင်း
မောင်အံ့(မဟာဝိဇ္ဇာ၊ ဘုံဘေ)ဟာ "သာသနာတော် ၂၅၀၀ ခရီး" နဲ့ စာပေနယ်မှာ လူသိလာခဲ့သူ ဖြစ်ပါတယ်။
ဒါပေမဲ့ သူ့စာအုပ်ရဲ့ ခေါင်းစဉ်၊ ကျောရိုးနဲ့ အကြောင်းအရာတွေဟာ အထက်ဖော်ပြပါ မူရင်းစာအုပ်နဲ့ မယုံကြည်နိုင်လောက်အောင် တိုက်ဆိုင်နေ ပါတယ်။
ဒီမူရင်းစာအုပ်ကို ကျမ်းကိုးစာရင်းအနေနဲ့တော့ နံပါတ် ၆ မှာ ပေးထားတာ တွေ့ ရပါတယ်။ အမှန်တော့ ဒီစာအုပ်ဟာ ကျမ်းကိုးထက် ကျမ်းရင်းဖြစ်သင့်ပါတယ်။
သူပိုင် မာတိကာအချို့ကို ထည့်သွင်းထားတဲ့အတွက် လုံးလုံးလျာလျား ခိုယူးခြင်း (ပိုင်းရေစီ)ပြောလို့တော့ မရပါ။
အင်္ဂလိပ်လိုဖတ်နိုင်တဲ့ ရဟန်းတော် အချို့ရှိပေမဲ့ မြန်မာပြည်အတွက် အကျိုးများ တာကြောင့် ဒီစာအုပ်နဲ့ ပတ်သက်ပြီး ထောက်ပြဝေဖန်မှုမျိုး မလုပ်ခဲ့ကြပါ။
ဒါပေမဲ့ အထက်ပါစာအုပ်နဲ့ပတ်သက်ပြီး တစ်စုံတစ်ရာ အမှာစကား မထားခဲ့ခြင်းကြောင့် သူရဲ့ စာပေသစ္စာကတော့ မေးခွန်းထုတ်စရာ ရှိနေပါတယ်။
မာတိကာကို ပုံများမှာ လေ့လာနိုင်ပါတယ်။ အသွင်ခွဲလိုက်ပေမဲ့ မူရင်းကြောရိုး ပျောက်မသွားခဲ့ပါ။
