နွားနို့သောက်ခြင်း ယဉ်ကျေးမှု

အိန္ဒိယမှာ ဓနသဟာယ အားကစားပွဲတော်ကျင်းပတော့ အားကစားသမားတွေ က အားကစားကျေးရွာထဲ နွားမတွေကို ဆွဲလာကြပါတယ်။
"နွားမကြီးတွေက ဘာကိစ္စပါလာရတာလဲ" အရာရှိကမေးတော့
"အားကစားပွဲတော်အတွင်း အားရှိဖို့ နွားနို့သောက်ရဦးမယ်၊ နွားနို့က နွားမဆီမှာ ရှိနေတယ်"
"မရဘူး၊ နွားမတွေကို အပြင်မှာပဲ ထားခဲ့ရမယ်၊ နွားနို့သောက်ချင်ရင် ဗူးနဲ့ အသင့်ထည့်ထားတာပဲ သောက်ရမယ်"
"ဗူးထဲက နွားနို့က မစစ်ဘူး၊ ဈေးလည်းကြီးတယ်၊ အလကား မရဘူး"
"ဘာဖြစ်ဖြစ် နွားမတွေကိုတော့ အားကစားကျေးရွာထဲ ဝင်ခွင့်မပြုနိုင်ဘူး" အရာရှိက အမိန့်ထုတ်လို့ အိန္ဒိယအားကစားသမားတွေ အားလုံး ဒုက္ခရောက် ကြရပါတယ်။
တကယ်တော့ ဒါက မဖြစ်သင့်ပါဘူး။ နွားမတွေကို portable milk carton အနေနဲ့ သုံးစွဲတဲ့အကျင့်ဟာ အာရှမှာ ဘာမှ မထူးဆန်းပါဘူး။
ပြီးတော့ ဒါက environmentally friendly ဖြစ်ပါသေးတယ်။ အနောက်ကြောင့် အရှေ့ ယဉ်ကျေးမှုတွေ မပျောက်သင့်ဘူး။
ဒီ ရှေးဟောင်းယဉ်ကျေးမှု မပျောက်ပျက်အောင် အာရှသားတွေအနေနဲ့ အသေ အလဲ ခုခံသင့်ပါတယ်။
နွားနို့ပုံမှန် သောက်ရဖို့ နွားမတွေကို ဆွဲသွားကြစို့။
(မတင်ဖြစ်ခဲ့တဲ့ ပို့စ်အဟောင်းလေးပါ)

Read more

သေချင်လျက် မသေရသူများ

လူတွေမှ မဟုတ်ပါဘူး၊ သိပ္ပံပညာတွေလည်း တစ်ခုနဲ့တစ်ခုသဘောထားခြင်း မတိုက်ဆိုင်ကြပါဘူး။ အချင်းချင်း ငြင်းခုံနေကြတာပါပဲ။ မယုံရင်ကြည့်ပါ။

ဆိုရှယ်ဆိုင်းယင့်က ပြောတယ်
"အိမ်ထောင်ရှင် အမျိုးသားတွေဟာ အိမ်ထောင်မရှိတဲ့ အမျိုးသားတွေထက် အသက်ပိုရှည်ရှည်နေရတယ်"
ဒီအဆိုကို စိတ်ပညာသိပ္ပံက မငြင်းပါဘူး။ လက်ခံတယ်ရယ်လို့လည်း မဟုတ် ဘူး။

စိတ်ပညာဆိုင်းယင့်က
"ဒီအဆိုဟာ မှန်ပါတယ်။ ဒါပေမဲ့ သေချင်စိတ်ပေါက်တဲ့ အကြိမ်ရေအနေနဲ့ ကြည့်ရင်တော့ အိမ်ထောင်မရှိတဲ့ အမျိုးသားတွေထက် အိမ်ထောင်ရှင် အမျိုး သားတွေက အများကြီးပိုနေတာ တွေ့ရပါတယ်" တဲ့။

ဒီ အဆိုနှစ်ခုကို ပေါင်းပြီး ကျနော် ကောက်ချက်တစ်ခု ဆွဲလိုက်ပါတယ်။ ဒါကတော့...
"သေချင်လျက် မသေရတဲ့ လူတွေဟာ အိမ်ထောင်ရှင် အမျိုးသားတွေဖြစ် တယ်"

အိမ်ထောင်ရှင် အမျိုးသားတွေ သဘောတူနိုင်ပါမလား မသိဘူး။ ဒါပေမဲ့ ဒါဟာ သိပ္ပံနည်းကျပါပဲ။

(27/07/2013 10:00)

Read more

စဉ်းစားလို့ မရဘူး

မင်္ဂလသုတ်လမ်းညွှန်ချက်တွေထဲမှာ ပေါင်းသင်းဆက်ဆံရေးမင်္ဂလာတွေက ပထမဆုံးထွက်လာတယ်။
ဒါသာဖြစ်တယ် (မြန်မာ)ဗုဒ္ဓဘာသာဘုန်းတော်ကြီးပညာရေးမှာ
၁။ လူထုဆက်ဆံရေး (PR)
၂။ နိုင်ငံတကာဆက်ဆံရေး (IR)ကို သင်ရကောင်း၊ သင်ပေးရကောင်းမှန်း အများစုကမသိကြသေးဘူး။
လူထုဆက်ဆံရေး (PR)ကမှ တော်ဦးမယ်။
ဘုန်းကြီးတွေကို နိုင်ငံတကာဆက်ဆံရေး (IR)ပါ သင်ပေးသင့်တယ်လို့ရင် ဘုန်းကြီးနဲ့ အိုင်အာ ဘာဆိုင်လို့တုံး၊ သာသနာတော့ ကွယ်တော့မှာပဲလို့တောင် ဆိုသူတွေ ရှိကောင်း ရှိမယ်။ ဘာမှမဆိုင်လည်း လူတချို့က သူတို့နဲ့ သဘောထားမတိုက်ဆိုင်ရင် သာသနာကွယ်တော့မှာပဲလို့ ပြောတတ်ကြတယ်။

Read more

ယုံချင်သူ ယုံပေါ့

စောစောရက်လေးကတင် သူမကိုက်ဘူး၊ ဟန်ချက်ပျက်ပြီးလူပေါ် လဲကျတာ လို့ပြောတယ်။
မနေ့ကကျတော့ သူကိုက်ပါတယ်ဆိုပြီး တောင်းပန်တယ်။
ဒီနေ့ နောင်တရပါပြီ၊ နောက် မကိုက်တော့ပါဘူးလို့ ကတိတွေ ပေးလာတယ်။
လူးဝစ် ဆွာရက်ဇ်လေ။ ယုံချင်သူ ယုံပေါ့။

Read more

Let it go. Let it be

ဗုဒ္ဓဘာသာအဆုံးအမနှင့် ဆက်စပ်ပြီး ပေါင်းသင်းဆက်ဆံရေး နှစ်မျိုး
ယူဆနိုင်ပါသည်။
၁။ သက်ရှိချင်း ပေါင်းသင်းဆက်ဆံရေး
၂။ သဘာဝဖြစ်စဉ်နှင့် ပေါင်းသင်းဆက်ဆံရေးတို့ ဖြစ်ပါသည်။
သက်ရှိချင်း ပေါင်းသင်းဆက်ဆံရေးနဲ့ ပတ်သက်ပြီး ဗြဟ္မဝိဟာရ တရား လေးပါးဖြင့် အချုပ်ကြည့်ယူနိုင်ပြီး သဘာဝဖြစ်စဉ်နဲ့ လူသားကြားက ဆက်ဆံရေးကိုမူ(ဉာဏ်စဉ် ၁၁ ပါးရှိသော်လည်း)
၁။ ဥဒယဗ္ဗယ(အဖြစ်အပျက်သိ ဉာဏ်)ဉာဏ်
၂။ ဥဒယ(အဖြစ်က ပိုထင်ရှားဉာဏ်)ဉာဏ်
၃။ ဘယ(အပျက်က ပို ထင်ရှားဉာဏ်) ဉာဏ်
၎။ သင်္ခါရုပေက္ခာဉာဏ်(အဖြစ်အပျက် သို့ အကောင်းအဆိုးအပေါ် ဥပေက္ခာဉာဏ်ဆိုက်ခြင်း)ဉာဏ်တို့နှင့် တွဲစပ်ကြည့်နိုင်ပါသည်။

ဤ၌ သိသိသာသာဆက်စပ်မှုရှိနေကြောင်း သုံးသပ်လို့ ရပါသည်။ အထူးသဖြင့် ဝေါဟာရပါ ဆက်နွယ်နေခြင်းဖြစ်သည်။ ယင်းတို့ကား
၁။ ဗြဟ္မဝိဟာရုပေက္ခာ(သက်ရှိအပေါ်ထားရှိသည့် ဥပေက္ခာ၊ ဗြဟ္မစိုရ် ပွားမှရသည်)။
၂။ သင်္ခါရုပေက္ခာတို့ဖြစ်သည်။(သဘာဝဖြစ်စဉ်အပေါ်ထားရှိသည့် ဥပေက္ခာ၊ ဝိပသနာပွားမှရသည်)

ဗြဟ္မဝိဟာရတရား လေးပါး၌
မေတ္တာက သတ္တဝါပညတ်နှင့်ပတ်သက်လို့ ယေဘုယျသဘောဆန်သည်။ ဆိုလိုသည်မှာ သုခိတ၊ ဒုက္ခိတ သတ္တဝါ မကွဲပြား။
ကရုဏာက ဒုက္ခိတ(ဆင်းရဲ သို့ အားနည်းသည့်ဖက်)သတ္တဝါပညတ်ကို အာရုံပြုပြီး
မုဒိတာက သုခိတ(ချမ်းသာ သို့ အားသာသည့်ဖက်) သတ္တဝါပညတ်ကို အာရုံပြုသည်။
ဥပေက္ခာက ယင်း နှစ်မျိုးလုံးကို ကျော်လွန်သွားပြီး သုခိတ အပေါ်မှာရော ဒုက္ခိတ အပေါ်မှာပါ တုန်လှုပ်မှုကင်းသွားတော့သည်။

ဝိပသနာတွေ့ ဉာဏ်စဉ်များတွင်
၁။ ဥဒယဗ္ဗယ(အဖြစ်အပျက်သိ ဉာဏ်)ဉာဏ် က ယေဘုယျဆန်ပြီး မေတ္တာနှင့် တူသည်။
၂။ ဥဒယ(အဖြစ်က ပိုထင်ရှားဉာဏ်)ဉာဏ်က အဖြစ်သဘောကို တွေ့မြင်ခြင်းဖြစ်ရကား ဘဝ၏ အပြုသဘော၊ အကောင်း သဘောကို တွေ့မြင်ခြင်းဖြစ်သည်။ ထို့ကြောင့် မုဒိတာနှင့်တူသည်။
၃။ ဘယ(အပျက်က ပို ထင်ရှားဉာဏ်) ဉာဏ်က အပျက်သဘောကို ထင်ရှားစွာတွေ့မြင်ခြင်းဖြစ်သဖြင့် ဘဝ၏ အဆိုးဖက်အခြမ်းကို တွေ့မြင်ခြင်းဟု ဆိုနိုင်သည်။ သူက ကရုဏာနှင့် သဘာဝချင်းတူသည်။
၎။ သင်္ခါရုပေက္ခာက ယင်း အဆိုးအကောင်းတို့ အကြားက ဟန်ချက် (သို့) ဘဝဖြစ်စဉ်ကို နှစ်ဖက်မြင် မြင်သွားခြင်းမျိုးဖြစ်သည်။ တည်ငြိမ်သွားတော့သည်။

ဆိုလိုသည်မှာ ဥပေက္ခာရောက်ဖို့ လမ်းစဉ်(ဆင်းရဲ၊ ချမ်းသာ။ အဆိုး၊ အကောင်း) တူညီနေသည်။ ကွဲပြားသည်က သတ္တဝါအပေါ် ရှုမှတ်ခြင်းနှင့် သဘာဝအပေါ် ရှုမှတ်ခြင်းပင်ဖြစ်သည်။ ရှုမှတ်ပုံခြင်း ကွဲပြားသည်အားလျော်စွာ အကျိုးသက်ရောက်မှုလည်း ကွဲသွားသည်။

လူအချင်းဆက်ဆံရေး အပေါ် ရာနှုန်းပြည့် Let it go ဖြစ်ဖို့ ဗြဟ္မဝိဟာရုပေက္ခာ (သက်ရှိအပေါ်ထားရှိသည့် ဥပေက္ခာ) ရှိမှရသည်။
သဘာဝဖြစ်စဉ်အပေါ် ရာနှုန်းပြည့် Let it be ဖြစ်ဖို့ သင်္ခါရုပေက္ခာလိုသည်။
ဤက ဗုဒ္ဓဘာသာကို ရှုထောင့်တစ်မျိုးဖြင့် ပေါင်းစပ်ကြည့်သည့် လူသားနှင့် သက်ရှိသက်မဲ့ ဆက်ဆံရေးဖြစ်ပါသည်။
(ယနေ့ည လက်ချာ Let it go Let it be ကို အချုပ်ရေးလိုက်ခြင်းဖြစ်ပါသည်။ အချုပ် လွန်သွားပြီလား မဆိုတတ်။)

Read more

ခေါင်းငြိမ့် ခေါင်းခါ

သူ့နာမည်ကိုတော့ ကိုချစ်ခင်လို့ပဲ မှတ်ထားရအောင်ပါ။ လူရိုး၊ လူအေး၊ မိန်းမ က ဘယ်လောက်ပဲ ဆူဆူ ဆဲဆဲ ဘာမှပြန်မပြောတတ်သူ ဆိုပါတော့။ လူရိုး၊ လူအေးတွေဟာ မိန်းမ ခပ်စွာစွာတွေနဲ့ တွေ့ရတတ်တယ် ဆိုရမလားပေါ့။ သူ့ မိန်းမ ဒေါ်ခွေး (လို့ပဲ မှတ်ထားရအောင်) ကတော့ ပါးစပ်က ပွစိပွစိနဲ့ တစ် ခုမဟုတ် တစ်ခု ရန်လုပ်နေတတ်တယ်။ ဒီတော့ ကိုချစ်ခင် သဘောအကျဆုံး အချိန်က လယ်ထွန်သွားချိန်ပါ။ နားအေး ပါးအေးရှိတာကိုး။
ကိုချစ်ခင်က လယ်ထွန်သွား၊ နေ့ခင်းရောက်ရင်တော့ ဒေါ်ခွေးကထမင်းထုပ် လိုက်ပို့တာပေါ့။
တစ်နေ့မှာတော့ ဒေါ်ခွေးထမင်းထုပ်အရောက် ကိုချစ်ခင်က နွားတွေ ကို ဖြုတ်၊ အနားပေးရင်း သူလည်း ထမင်း စ စားတယ်။ ထုံးစအတိုင်း ပဲ ဒေါ်ခွေးက အပြစ်မရှိအပြစ်ရှာ ဘာညာဘာညာ ပွစိပွစိလုပ်တော့တာပဲ။
အဲဒီနေ့မှာတော့ သူတို့နဲ့ မလှမ်းမကမ်းမှာ အစာစားနေတဲ့ နွားကြီးက ဘာ စိတ်ကူးပေါက်လို့လည်းမသိဘူး ပွစိပွစိလုပ်နေတဲ့ ဒေါ်ခွေးကို နောက်ကနေ ဝင်ခွေ့လိုက်တာ နေရာမှာတင်ပဲ ဆုံးရှာပါလေရော တဲ့။

ကိုချစ်ခင်လည်း စိတ်မကောင်းဘူးပေါ့။ တစ်သက်လုံး လိမ္မာလာတဲ့ နွားကြီး က ဘာလို့များ အခုလို စိတ်ရိုင်းဝင်သွားပါလိမ့်ဆိုတာလည်း စဉ်းစားလို့ မရ ဘူး။
ဘာဖြစ်ဖြစ် ဒေါ်ခွေးက ဆုံးရရှာပြီ။
ဒီ သတင်းမြန်ချက်ကလည်း ဖေ့စ်ဘုတ်မှာ ဗိုင်ရယ်ဖြစ်သွားသလို မျိုးပဲ။
" ဒေါ်ခွေး နွားခွေ့ခံရလို့ ဆုံးရှာပြီ တဲ့"
သူမ အသုဘဈာပနအတွက်လည်း မျက်နှာမငယ်ရအောင် ကိုချစ်ခင်က လှ လှပပ စီစဉ်ပါတယ်။
သူတို့ ယဉ်ကျေးမှုအရ ဒေါ်ခွေးရဲ့ ရုပ်အလောင်းရှေ့ကိုလာပြီး ကျန်ရစ် သူတွေက ဂါရဝ ပြုကြ၊ ဆုတောင်းပေးကြတယ်။ သူတို့လာတိုင်း ကိုချစ်ခင် က ဘေးမှာ ရပ်လို့ပေါ့။

တစ်ခုထူးတာက အမျိုးသမီးတွေ ရောက်လာပြီး တိုးတိုးလေး ရွတ်နေရင် ကိုချစ်ခင်က ခေါင်းတွေ စွတ်ငြိမ့်နေပြီး အမျိုးသားတွေ ရောက်လာပြီး တိုး တိုးလေး ရွတ်နေရင်တော့ သူက ခေါင်းတွေ စွတ်ခါနေတတ်တယ်။
ဒါကို ဘေးလူတွေက မြင်နေကြရတယ်။
ညပိုင်း လူရှင်းသွားတော့မှ ဘုရား ဂေါပက ဥက္ကဋ္ဌက (သူ့ကိုတော့ နာမည် မပေးတော့ဘူး) ကိုချစ်ခင်ရဲ့ ခေါင်းငြိမ့် ခေါင်းခါကိစ္စကို မေးကြည့်တယ်။

ဒီတော့ ကိုချစ်ခင်က...
" အမျိုးသမီးတွေ ရောက်လာရင် မခွေးဟာ ဘယ်လိုလှကြောင်း၊ ဘယ်လိုေ တ်ာကြောင်း၊ အချက်အပြုတ်ကောင်းကြောင်း စတာတွေ ပြောကြတာလေ ဗျာ၊ ဒီတော့ ကျနော်က ခေါင်းငြိမ့်တာပေါ့"
" ခေါင်းငြိမ့်တာက ဟုတ်ပါပြီ ခေါင်းခါတာရော ဘာကြောင့်လဲ ကွ"
" ရောက်လာတဲ့ အမျိုးသားတွေက အိမ်ထောင်ရှင်တွေဗျ။ သူတို့က မခွေး အကြောင်း စကားတစ်လုံးမှ မဟဘူး။ သူတို့က တိုးတိုးလေး ကျနော့်နား ကပ်ပြီး
'ချစ်ခင်ရာ မင်းရဲ့ နွားလိမ္မာကြီး ငါ့ကိုရောင်းပါ၊ မင်းပြောတဲ့ဈေး ပေး ပါ မယ်' ပြောကြတယ်၊ ဒီတော့ ကျနော်က ခေါင်းပဲစွတ်ခါပြနေရတော့တာပေါ့ ဗျာ" တဲ့။

ဒီတော့မှ ဂေါပက ဥက္ကဋ္ဌက လိပ်ပတ်လည်သွားတော့တယ်။

(02/08/2013 16:30)

Read more

**ကွန်ပြူတာရဲ့ ဆေးစာ**

လူတစ်ယောက်က သူ့ ညာဖက် လက်မောင်းနာနေလို့ ဆရာဝန်နဲ့ ပြ ကြည့် မယ်ဆိုတော့ သူ့ သူငယ်ချင်းက အလကား ပိုက်ဆံကုန်အောင်ကွာ၊ ကွန်ပြူ တာစက်ကို "ဆီး" အစစ်ခိုင်းပြီး ရောဂါရှာလိုက်ရင် ဆယ်စက္ကန့်အတွင်း သိရ မယ်၊ ပြီးတော့ ဆယ်ဒေါ်လာပဲ ကုန်မယ် ဆိုလို့ စိတ်ဝင်တစား ဖြစ်မိ တာ နဲ့ ဆေးခန်းရှေ့ကကွန်ပြူတာစက်ဆီကို ရောက်သွားမိတယ်။ ရောက်ရောက်ချင်း ကွန်ပြူတာထဲ ဆယ်ဒေါ်လာထည့်လိုက်တော့ ကွန်ပြူတာက ဆီး ထည့်ဖို့ ပုလင်းထုတ်ပေးတယ်။ ဆီးတွေကို ကွန်ပြူတာနဲ့ ချိတ်ထားတဲ့ ခွက် ထဲလောင်းထည့်လိုက်ပြီး ဆယ်စက္ကန့် အကြာမှာ ကွန်ပြူတာက ဆေး အညွှန်းစာရွက် ထုတ်ပေးတယ်။

"သင့် လက်မောင်းနာနေတယ်၊ စိုးရိမ်စရာ မရှိ။ ရေနွေးနွေးနဲ့ ကြပ်ပူတိုက်ပေး ပါ။
အလေးအပင် မ မပါနဲ့။ တစ်ပတ်အတွင်း ကောင်းသွားမှာပါ" တဲ့။

ဆေးစာကိုကြည့်ပြီး သူတော်တော်အံ့ဩသွားတယ်။ ကွန်ပြူတာ ကို တော်ေ တ်ာလေးလည်း အထင်ကြီးသွားတယ်။ အိမ်ပြန်ရောက်တော့ ကွန်ပြူတာ ကို အရူးလုပ်ချင်စိတ်လည်း ပေါက်သွားတယ် တဲ့။ ဒါနဲ ဆီး ထည့်တဲ့ ပုလင်းထဲကို
၁။ ရေပိုက်ထဲက ရေ နည်းနည်း
၂။ ခွေးဆီက
၃။ သမီးဆီက
၎။ ဇနီးဆီက ဆီး နည်းနည်းစီ ရောထည့်
၅။ သူ့ဆီး ကိုတော့ ကွန်ပြူတာက သိပြီးသားဖြစ်နေတော့ (ကန်တော့ပါရဲ့) မာစတာဘိတ်လုပ်ပြီး သူ့ရဲ့ သုက် အနည်းအငယ် ပေါင်းထည့်ပြီး ကွန်ပြူ တာဆီ သူပြန်သွားတယ်။
အရင်အတိုင်းပဲ ဆယ်ဒေါ်လာထည့်လိုက်တော့ ကွန်ပြူတာက စစ်ဆေးတော့တာပဲ။ အဲ ဆယ် စက္ကန့်နဲ့တော့ မပြီးဘူး ဖြစ်နေသတဲ့၊ ကွန်ပြူတာ ခေါင်း နည်းနည်း စားသွားတယ်။ အတော်လေးကြာမှ ဆေးစာ ထုတ်ပေးတယ်။

"သင် သိလိုတဲ့ အဖြေအားလုံးကို သိရဖို့ ဒေါ်လာ ၄၀ ထပ်ထည့်ပါ" တဲ့။

ဟုတ်တယ်လေ၊ သူ့ဟာက ငါး မျိုးဖြစ်နေတာကိုး။
ဒေါ်လာ ၄၀ လည်း ထည့်လိုက်ရော ဆေးစာ အပြည့်အစုံထွက်လာတယ်။ ဒီလို......

၁။ သင့်ရေပိုက်ခေါင်းက သံချေးတွေ တက်နေပြီး ရေ က နံနေတယ်၊ ဒီရေကို သုံးစွဲရန် မသင့်၊ ရေပိုက်ခေါင်း အသစ် အမြန်လဲပါ။
၂။ သင့်ခွေးမှာ ဝဲပေါက်နေတယ်၊ လူကို မကူးစက်ခင် ဝဲ ပြောက်ဆေး လူးပြီး ရေချိုးပေးပါ။
၃။ သင့် သမီးက ငယ်ငယ်ရွယ်ရွယ်နဲ့ ဆေးစွဲနေတယ်၊ ဆရာဝန်နဲ့ အမြန် ပြပြီး ဆေးဖြတ်ပေးပါ၊ AIDS ဖြစ်လာနိုင်ခြေ ရှိတယ်။
၎။ သင့် ဇနီးမှာ ကိုယ်ဝန်ရှိနေပြီ၊ မိန်းကလေး အမွှာပူး၊ သင်နဲ့ ရတာမဟုတ်။ ကွာရှင်းဖို့ ရှေ့နေတစ်ယောက် အမြန်ရှာထားပါ။
၅။ အဲသလိုသာ လက်ကမျင်းနေရင် ညာဖက် လက်မောင်းနာတာ ဘယ်တော့မှ မပျောက်ဘူး မှတ်ပါ တဲ့။

အဲဒီလူ ဖြုံသွားတယ်။ နောက် မစ ရဲတော့ဘူး။

(06/08/2013 11:51)

Read more

ဒီနေ့ ကြည်နူးမိတဲ့ ဓာတ်ပုံ သုံပုံ

(တစ်)
ထိုင်းနိုင်ငံက စစ်တပ်အရာရှိ(ကြည်း၊ ရေ)တွေနဲ့ ရဲအရာရှိ အမျိုးသမီး ၂၀၀၊ ဗုဒ္ဓဂယာ၊ မဟာဗောဓိမှာ စုပေါင်းသီလရှင်ဝတ်ကြတာ တဲ့။

(နှစ်)
နွားလေးက လေးနှစ်ကြာကွဲကွာနေတဲ့ ဆရာသမားကို ဦးချနေတာ၊ နည်းနည်း ထပ်ပြောရရင် လည်လှီးသတ်မယ့်် သေဘေးကနေ အကာအကွယ်ပေးဖို့ တောင်း ပန်တာလို့လည်း အဓိပ္ပါယ် ဖော်ကြပါသတဲ့။ ဆရာတော်ဘွဲ့က အေ၊ အာနန္ဒ၊ စင်္ကာပူ၊ သီရိလင်္ကာရာမာယကျောင်းမှာ ၁၉၉၆ ခု ဝန်းကျင်က ကျောင်းထိုင်သွား ခဲ့တဲ့ ဘုန်းတော်ကြီးပါ။

(သုံး)
တရားဝင် တတိယအကြိမ်(တရားမဝင် စတုတ္ထအကြိမ်)ရောက်မှပဲ စာအုပ်နဲ့ ကမ်းလက်လိုဂို တွဲလိုက်နိုင်ပါတော့တယ်။

Read more

ပြောင်းလာတဲ့ နှုတ်ခွန်းဆက်သံများ

( R.D, Oct, 2011 )

အသက် ၄၀ ကျော်စ အိမ်ထောင်မရှိ အမျိုးသမီး ( အပျိုကြီးလို့ခေါ်ရင် ရက် စက်လွန်းလေမလား ) တစ်ယောက်ရဲ့ ရင်ဖွင့်ထားတဲ့ စာတိုလေးတစ်ပုဒ် ဖတ်လိုက်ရတယ်။
သူမကတော့ ပေါ့ပေါ့ပါးပါးပဲ ပြောသွားတာပါ။

ကျမ ဆယ်ကျော်သက် ဘဝတုန်းက ဆွေမျိုးတွေ၊ သူငယ်ချင်းတွေက ကျမ ကိုတွေ့ရင်
" ဒီအပတ် တနင်္ဂနွေမှာ ဘယ်သူနဲ့ အပြင်ထွက်မှာလဲ ဟေ့ " လို့ မေးကြတယ်။

ကျမအသက် နှစ်ဆယ်ကျော်လာတဲ့ အခါမှာတော့ သူငယ်ချင်းတွေက
" မပြောလည်းသိပါတယ်နော်၊ အဆင်ပြေကြတယ် မဟုတ်လား " လို့ ပြောင်းပြီး မေးကြတယ်။

ကျမအသက် သုံးဆယ်ကျော်လာတော့
" စောင့်နေရတာ ကြာပြီနော်၊ ဘယ်တော့ စားရမှာလဲ " မေးကြပြန်တယ်။

အခု ကျမအသက်က လေးဆယ်ကျော်ဆိုတော့
" ဟယ် နင့်လက်ကိုင်အိပ်လေးက လှလိုက်တာ၊ ဘယ်ဆိုင်က ဝယ်တာလဲ၊ ဝတ်ထားတဲ့ ဖက်ရှင်နဲ့ အရမ်းလိုက်တာပဲ " တဲ့။
ပြောင်းလဲလာတဲ့ နှုတ်ခွန်းဆက်သံတွေကို နားထောင်ရင်း ကျမတော့ပြုံးနေ မိတယ်။

Read more

သုံးယာကတော့ သုံးယာ

အစာအိမ်မကောင်းလှသေးတဲ့အချိန်မှာ ကွမ်းဖြတ်လိုက်ပါ။ မဖြတ်ရင်တောင် တစ်ရက်ကို သုံးယာလောက်ပဲ စားပါလို့ လျှောက်ထားသူ တိုက်တိုက်ဆိုင်ဆိုင် ဇနီးမောင်နှံ နှစ်တွဲရှိပါသည်။ လျှောက်ရာမှာလည်း ဒကာကြီးများက ကိုယ်တိုင် မလျောက်ဘဲ ဒကာမကြီးများကနေ တဆင့်"နင်လျောက်လိုက်" လို့ အင်အားသုံးပြီး ဇနီးများကို စေခိုင်းခြင်းမျိုး ဖြစ်ကြပါသည်။(မတရားလှပါ)
ဒကာမများက ထိုထိုကိစ္စများကို အထူးပါးနပ်စွာ ကိုင်တွယ်တတ်ကြလေသည်။
သို့သော် သူတို့လျောက်ထားသည့် ကွမ်းသုံးယာ ကိစ္စကြားတိုင်း ဤရဟန်းအာရုံမှာတော့ ဤ ပုံက ပေါ်ပေါ်လာတတ်လေသည်။
သုံးယာကတော့ သုံးယာပင်။

Read more