(ကစ်ဆင်းဂျား၊ World Order)
အမေရိကန် ပြည်ထောင်စုနဲ့ တရုတ်ပြည်ဟာ လက်ရှိကမ္ဘာ့အစီအမံထဲမှာ မရှိမဖြစ် မဏ္ဍိုင်ကြီးနှစ်ခု ဖြစ်ပါတယ်။ နှစ်နိုင်ငံစလုံးက သူတို့ အပြုအမူကို သူတို့သတ်မှတ်ချက်ပေတံနဲ့ တိုင်းတာ သတ်မှတ်ရင်း အပြည်ပြည်ဆိုင်ရာ စနစ်ကို လက်ခံသည်မဟုတ်၊ လက်မခံသည်လည်း မဟုတ် သဘောထား ရှိကြပါတယ်။
ကမ္ဘာ့အင်အားကြီးနိုင်ငံတွေနဲ့တန်းတူ ပါဝင်ရမယ့် အခန်းကဏ္ဍမျိုးကို တရုတ် အနေနဲ့ ဘယ်တုန်းကမှ မရရှိခဲ့ဘူးသလို အမေရိကန်တွေအနေနဲ့လည်း ဒီလောက် နိုင်ငံပမာဏကြီးမား၊ စီးပွားရေးအင်အား တောင့်တင်းပြီး ဖွဲ့စည်းပုံ မတူတဲ့ နိုင်ငံနဲ့ ပူးပေါင်းလုပ်ဆောင်ရမယ့် အတွေ့အကြုံမျိုး မရှိခဲ့ဖူးပါဘူး။
သူတို့နှစ်နိုင်ငံရဲ့ ယဉ်ကျေးမှုနဲ့ နိုင်ငံရေး နောက်ခံဘက်ကဒေါင်းကလည်း သိသိသာကြီး ကွဲပြားနေပါတယ်။ အမေရိကန်က ပေါ်လစီတစ်ခုကို ချဉ်း ကပ်ရာမှာ လက်တွေ့သဘောတရားဆန်ပြီး တရုတ်က သဘောတရားရေး ဆန်တယ်။ သူ့ကို ခြိမ်းခြောက်နိုင်တဲ့ အိမ်နီးချင်းအင်အားကြီးနိုင်ငံ အမေရိ ကန်မှာ ဘယ်တုန်းက မရှိခဲ့ဖူးဘူးပေမဲ့ တရုတ်ကတော့ ခြိမ်းခြောက်ခြင်း မခံရတဲ့ အချိန်ရယ်လို့ကို မရှိခဲ့ပါဘူး။ အမေရိကန်က ပြဿနာတိုင်းမှာ အဖြေ ရှိတယ်လို့ ခံယူပြီး တရုတ်က တော့ လက်ရှိပြဿနာရဲ့ အဖြေဟာ နောက်ပြဿနာအသစ်ကို အစပျိုးလိုက်ခြင်း သာဖြစ်တယ်လို့ ခံယူပါတယ်။ အမေရိကန်က လတ်တလော ကိစ္စရပ်တစ်ခုကို ချက်ချင်း တုန့်ပြန် အဖြေရှာတတ်ပေမဲ့ တရုတ်ကတော့ တစ်ဆင့်ခြင်း ပြောင်းလဲ အဖြေရှာယူတတ်ပါတယ်။ အမေရိကန်တွေက လုပ်ဆောင်စရာတွေထဲက တကယ် အလုပ်ဖြစ်နိုင်မယ့် အချက်တွေကို ဦးစားပေး လုပ်ဆောင်တတ်ပြီး တရုတ်ကတော့ ဒီသဘောတရားတွေနဲ့အညီလုပ်ရင် ဘယ်မှာ အဆုံးသတ် သွားလေမလဲဆိုတာကို ဝေဖန်သုံးသပ်တတ်ပါတယ်။ တရုတ်တွေရဲ့ တွေးတောစဉ်းစားပုံကို ကွန်မြူနစ်ဝါဒနဲ့ တရုတ်ရိုးရာ ယဉ်ကျေးမှုက ပုံသွင်း ပေးလိုက်တာဖြစ်ပြီး အဲဒီ အချက် နှစ်ချက်စလုံးကလည်း အမေရိကန်တွေနဲ့ အကျွမ်းတ၀င် မရှိပြန်ပါဘူး။
ကမ္ဘာ့နိုင်ငံရေးအစီအမံထဲမှာ တရုတ်နဲ့ အမေရိကန်တို့ဟာ အခုမှ နဖူးတွေ့ ဒူးတွေ့ တွေ့ကြုံနေကြရ တာဖြစ်ပါတယ်။ တရုတ်ကလည်း သူတို့ပေါ်လစီ ဟာ သူများနဲ့မတူ၊ အများအားဖြင့် သူတို့ကိုယ်ပိုင်ဟန်ပေါ်မှာ အခြေခံတယ် လို့ ယုံကြည်ပြီး အမေရိကန်တွေကလည်း သူတို့ပေါ်လစီဟာ သူများနဲ့ မတူ၊ သူများထက် သာတယ်။ သူတို့တန်ဖိုးတွေကို ကမ္ဘာ့နိုင်ငံတိုင်းက ကျင့်သုံးလာအောင် ထောက်ပံ့ ကူညီပေးဖို့လည်း သူတို့မှာ တာဝန်ရှိနေ တယ်လို့ ယုံကြည်ထားကြ ပါတယ်။
မတူညီတဲ့ ယဉ်ကျေးမှု၊ မတူညီတဲ့ အမြင်တွေနဲ့ အင်အားကြီး လူ့အဖွဲ့ အစည်းကြီးနှစ်ခုဟာ သူတို့ပြည်တွင်းရေး သတ်မှတ်ချက်တွေနဲ့ ကမ္ဘာ့နိုင်ငံရေး အခင်းအကျင်းထဲမှာ ထိပ်တိုက်တွေ့ဆုံနေကြပါပြီ။
သူတို့အချင်းချင်း ပြိုင်ဖက်တွေအနေနဲ့ ရှုမြင်ကြလေမလား။ မိတ်ဆွေတွေ အနေနဲ့ ဆက်ဆံလာကြ မလား။ ၂၁ ရာစု ကမ္ဘာ့နိုင်ငံရေးအစီအမံ ဘယ်လိုဖြစ်လာလေမလဲ ဆိုတဲ့အချက်ဟာ သူတို့ ဘယ်လိုတုန့်ပြန်လာမလဲ ဆိုတာအပေါ်မှာ မူတည်နေပါတော့တယ်။
