အကြမ်းဖက်မှုဖြစ်ပြီဆိုရင် အကြမ်းဖက်သမားကို လိုက်ဖမ်း၊ ထောင်ချ စ တာတွေဟာ လုပ်ရမယ့်အလုပ်တွေပေမဲ့ အကြမ်းဖက်မှုကို ကာကွယ် ဖို့တော့ ဒါလောက်နဲ့ မရတော့ဘူးဆိုတာ ပညာရှင်တွေ လက်ခံကြပါတယ်။ ဒါက သည်ပင် သူတို့ဦးနှောက် အလုပ်လုပ်ပုံနှဲ့ အခြား အခြေခံ အကြောင်းတွေ ကို လေ့လာမိကြဖို့ ဦးတည်ပေးလိုက်တာပါပဲ။
မေရီလင်းတက္ကသိုလ်၊ ပါမောက္ခ Arie Kruglanski အဆိုအရ အကြမ်းဖက် သမားတွေဟာ အကြမ်းဖက်လိုစိတ် အုံကြွမလာသေးသမျှ သာမန် သူလို ကိုယ်လိုပါပဲ။
သူတို့ထက် မိသားစုကို အမြဲတန်း ရှေ့တန်းတင်ထားသူတွေ၊ အလုပ်ကို တန်ဖိုးထားသူတွေပါ။
အကြမ်းဖက်သမားတွေရဲ့ ပထမဆုံး အကြမ်းဖက်မှုနဲ့ ပါဝင်ပတ်သက်ခြင်း ဟာ အဲဒီ အဖွဲ့အစည်းတွေကို လစဉ် ငွေနဲ့ ထောက်ပံ့ခြင်းမျိုးပါ။ သူတို့ဟာ အဲဒီ အဖွဲ့အစည်းတွေနဲ့ တိုက်ရိုက်ပါဝင်ပတ်သက်ခြင်း မရှိသလို စစ်သင် တန်း လေ့ကျင့်ရေးတွေမှာလည်း တက်ရောက်ခြင်းစသည် မရှိတတ်ကြဘူး။
အဲသလို သာမန်လူတွေကို အကြမ်းဖက်သမားဖြစ်အောင် လှုံ့ဆော်ပေးတတ် တဲ့ အချက်က သူ့ ဘာသာဝင်တွေ မတရား နှိပ်စက်၊ သတ်ဖြတ်မှုတွေ ခံနေရတယ်ဆိုတဲ့ အမြင်ပါ။
နောက်ပြီး ကလေးဘဝကတည်းက မုန်းတီးရေး အိပ်ယာဝင်ပံပြင်တွေနဲ့ ဦးနှောက်ဖျက်ဆီးမှု ခံထားရတာလည်း အဓိကအကြောင်းထဲမှာ ပါဝင် ပါတယ်။
၂၀၀၂ ခုနှစ် ဘာလီဗုံးဖောက်ခွဲမှုရဲ့ နောက်ကွယ်က မာစတာမိုင်းဒ် လုပ်ခဲ့သူ အလီ ဂူဖရွန်အဆိုအရ ကလေးဘဝကတည်းက သူတို့ဟာ အဖိုးရဲ့ ဂျီဟတ် စစ်ပွဲတွေအကြောင်းနားယဉ်နေခဲ့ပြီး ဘာသာရေးအတွက် သတ်ဖို့ဖြတ်ဖို့ အဆင်သင့် ဖြစ်နေခဲ့တယ်လို့ ဆိုပါတယ်။
အကြမ်းဖက်သမားတွေရဲ့ ဦးနှောက်ကို ပထမဆုံး သုတေသနပြုခဲ့ သူ ကတော့ အစ္စရေး ပါမောက္ခ Ariel Merari ပါ။
သူဟာ အသေခံ ဗုံးဖောက်ခွဲရေးသမား ၁၅ ဦးရဲ့ ဦးနှောက်ကို သုတေသ နပြုခဲ့တယ်။ ပြီးတော့ သူတို့နဲ့ ဆက်စပ်နေတဲ့ မိသားစု ၃၄ စု၊ အသေခံ ဗုံးဖောက်ခွဲရေးကို အမိန့်ပေးနေတဲ့ ကွန်မန်ဒါ ၁၄ ယောက်ရဲ့ ဦးနှောက် ကိုလည်း သုတေသနပြုခဲ့တယ်။
သူ့ရဲ့ Driven To Death စာအုပ်မှာ အကြမ်းဖက်သမားတွေဟာ စိတ်ဓာတ် ခိုင်မာသူတွေ မဟုတ်ကြဘူး။ အရှက်အကြောက် အားကြီးတယ်၊ ခေါင်းေ ဆာင်လိုစိတ်ထက် နောက်က လိုက်လိုသူတွေသာဖြစ်တယ်။ အကျဉ်းအကြပ်ထဲမှာဆိုရင် စိတ်ဖိစီးမှုကို တည်ငြိမ်အောင် မထားနိုင်ဘူး။ သူတို့အထဲက ၆၅ ရာခိုင်နှုန်းဟာ သူတို့ကို သူတို့ အသေခံ ဗုံးဖောက်ခွဲရေး သမားတွေဖြစ်မယ်လို့ ဘယ်တုံးကမှ တွေးထင် မထားကြဘူး။ ကွန်မန်ဒါ က အမိန့်ပေးလို့ ကြောက်ကြောက်နဲ့ လုပ်ရသူတွေချည်းပါပဲ။
အကြမ်းဖက်ခေါင်းဆောင်တွေက စိတ်ဖိစီးမှုကို ထိန်းနိုင်တယ်၊ ဒါပေမဲ့ သူတို့က အသေခံ ဗုံးဖောက်ခွဲရေးသမားတော့ ဘယ်တော့မှ ဖြစ်မလာဘူး။ သူတို့ အောက်လက်ငယ်သားတွေကို ပြောတာက စီစဉ်ပေးမှုဟာ အသေ ခံတာထက် ပို အရေးကြီးတယ်ဆိုတဲ့ အကြောင်းပါ။
အစောက ပြောခဲ့သလိုပါပဲ၊ အသေခံ ဗုံးဖောက်ခွဲမှုတွေဟာ ပုဂ္ဂလိက ခံစားချက်ကြောင့်မဟုတ်ဘဲ သူတို့ ဘာသာဝင်တွေ မတရား နှိပ်စက်၊ သတ်ဖြတ်မှုတွေ ခံနေရတယ်ဆိုတဲ့ အမြင်ပါ။
လတ်တလော ဘော်စတွန် ဗုံးဖောက်ခွဲခဲ့တဲ့ ညီအကိုနှစ်ယောက်ထဲက တစ်ယောက်ဆိုရင် အမေရိကန်တွေရဲ့ အီရတ်နဲ့ အရှေ့အလယ်ပိုင်း စစ် ပွဲတွေကို မကျေနပ်လို့ လို့ ထွက်ဆိုတယ်။
အမေရိကန် သမိုင်းပညာရှင် Walter Laqueur ကတော့ သူ့ရဲ့ No End to War စာအုပ်မှာ အကြမ်းဖက်မှုတွေဟာ ၂၁ ရာစုမှာလည်း ရှိနေဦးမှာပဲလို့ ဆိုထားလေရဲ့။ နိမိတ်မရှိပေမဲ့ အမှန်တရားဖြစ်ဖို့တော့ များတယ်။
အစွန်းရောက် နိုင်ငံရေး၊ ဘာသာရေးတွေနဲ့ စိတ္တဇ ပါရာနွိုက်ရောဂါကြောင့်လို့ သူက အကြောင်းပြပါတယ်။
တတ်နိုင်သရွေ့ ဖြေရှင်းနိုင်တာက ဂျီဟတ်တွေလက်ထဲ ကလေးတွေရဲ့ ဦးနှောက် မရောက်ခင် မွတ်စလင် ဘာသာရေးခေါင်းဆောင်တွေက လက်ဦး မှု ရယူထားဖို့လိုကြောင်း ဆောင်းပါးရှင်က အကြံပြုထားပါတယ်။
နောက်ပြီး မိသားစု အနှောင်အဖွဲ့ကလည်း ဒါကို အထိုက်အလျောက် ဟန့် တားနိုင်တယ်။
ဘာလီ ဗုံးဖောက်ခွဲမှုမှာ ပတ်သက်ခဲ့တဲ့ အူမာ ပက်တိတ်ဆိုရင် သူ့ဇနီးကို သံယောဇဉ်ကြီးလွန်းလို့ ဇနီးနဲ့ ဂျီဟတ် ဘယ်ဟာက ပိုအရေးကြီးသလဲ လို့ တွေးမိကြောင်း ပြောကြားခဲ့တယ်။
အရှေ့ အလယ်ပိုင်း၊ ဖိလစ်ပိုင်က လတ်တလော ပြဿနာ၊ သိရိလင်္ကာက မငြိမ်းသေးတဲ့ မီး၊ ရခိုင်ပြည်နယ်ပါ အဆစ်က ပါနေသေးတယ်။
အားလုံးကို ချုပ်ကြည့်တော့လည်း တရားခံက ဂျီဟတ်ပါပဲ။
Ref:
Knowing how the terrorist's brain ticks. S.T, Aug, 29th, 2013
By: M.Nirmala
