telenor နဲ့ internet

(Kyaw Min Kyaw Min) "အခု(မှ) telenor နဲ့ internet ကိုင်နှိုင်ပါပြီဘုရား"

တူရင်တော့ ဒါကိုအားပေးသင့်တယ်။
ဥရောပထဲမှာကို ဒီလူတွေက ဘာသာရေးစွဲ အနည်းဆုံး၊ သူခိုးအနည်းဆုံးတွေ။
သူတို့ကျွေးမွေး၊ ပညာသင်ပေးထားတဲ့မြန်မာတွေလည်း အများကြီး။
အများစုက ကိုယ်ကျင့်တရားကို ဗဟိုပြု ထားနိုင်ကြပြီမို့ ဘာသာရေးအန္တရာယ်၊ ယဉ်ကျေးမှုအန္တရာယ်လည်း အနည်းဆုံးပဲ။

Read more

တောင်ရောက် မြောက်ရောက်

တောင်။ ။ "ဂျပန်မှာနေတဲ့ ကျမတို့အသိမိတ်ဆွေတွေ မြန်မာပြည်ပြန်ပြီး စီးပွားရေး လုပ်ကြတယ်။ သူတို့ရဲ့လက်ရှိအလုပ်ကလည်း စားသောက်ဆိုင်တွေနဲ့ ဆက်နွယ်နေတော့ သူတို့ပြန်လုပ်တဲ့စီးပွားရေးကလည်း စားသောက်ဆိုင်တွေ ပဲပေါ့။ သူတို့အုပ်စုဖွဲ့ပြီး ဂျပန်အတွေ့အကြုံကိုအခြေခံပြီး အလုပ်လုပ်ကြည့်ကြတာ ပါ။ ဆိုင်တွေမှာ သန့်ရှင်းအောင်ထား၊ လေအေးစက်တွေ တပ်ဆင် စတာတွေပေါ့။ ဈေးကိုလည်း သာမန်လူထု လက်လှမ်းမှီအောင် အများကြီး တင်မထားဘူး ပေါ့။ အလုပ်ဖြစ်တယ်သိရလို့ ဝမ်းသာစရာပဲ။ လူထုအများစုက လိုက်နိုင်ပါတယ်"
ထိုင်ဝမ်က အမျိုးသမီးတစ်ယောက်ရဲ့ စကားပါ။

မြောက်။ ။ အုပ်စုဖွဲ့ပြီးကိုယ်နိုင်တဲ့နယ်ပယ်တွေမှာ ပြန်ပြီးအလုပ်လုပ်ကြရင်တော့ တစ်ဦးချင်းစီနဲ့ စာရင် ပိုအားကောင်းမယ်ဆိုတာကတော့ အမှန်ပဲ။ ဒါဆို သည်းခံ ဖို့၊ အနစ်နာခံဖို့လည်းလိုမယ်။ သည်းခံ၊ အနစ်နာခံဆိုပြန်တော့ ဘယ်အတိုင်း အတာအထိ သည်းခံ၊ အနစ်နာခံရမှာလဲဆိုတဲ့ မေးခွန်းတက်လာမှာလည်း အမှန်ပဲ။ ဘယ်လိုပဲဆိုဆို သဘောတူရာအုပ်စုတွေဖွဲ့ပြီး ကော်ပိုရေးရှင်းပုံစံနဲ့ ဆိုရင် စီးပွားရေးအမြတ်အစွန်းမရရင်တောင် လမ်းပြသလိုတော့ ဖြစ်သွားနိုင် တယ်။ ဖြစ်နိုင်မှန်းသိရင် စွမ်းနိုင်သူတွေပါ လိုက်လာနိုင်တယ်။

တောင်။ ။ ကြာပါပြီ၊ ရွာကရေရဖို့ မိုးထိုင်စောင့်ရတဲ့အချိန်။ ရေတွင်းတူးဖို့က လည်း ပေ ၃၀၀ ကနေ ၆၀၀ လောက်တူးမှရမယ်ဆိုတော့ အစိုးရတူးပေးတဲ့ တွင်းကြီးတစ်တွင်းပဲရှိတယ်။ ဒါက သုံးဖို့သောက်ဖို့ပဲ။ စိုက်ပျိုးဖို့ မရဘူး။ ဒီ ရေတွင်းမျိုးကလည်း အစိုးရနဲ့ကုလသမဂ္ဂလူသားချင်စာနာမှုအဖွဲ့တွေတူးမှ ရနိုင် တယ်လို့ လက်ခံထားကြတာ။ ဘယ်သူမှ စမ်းမတူးဘူး၊ အရင်းအနှီးနဲ့ အထူးသဖြင့် အရဲစွန့်မှုလိုတယ်မဟုတ်လား။ တူဖြစ်သူက ကျိုးစားပြီး ရေတွင်း တူးကြည့်ချင်တယ်ဆိုတော့ အားပေးလိုက်တယ်၊ ဒါကိုပဲ ဥစ္စာစောင့်က သဘော မတူလို့ တူးသူတွေရော၊ တွင်းပိုင်ရှင်ကိုပါသေအောင်လုပ်မှာဆိုတဲ့ နာမည် ကြီး(တကယ် အကြီးစားကြီး၊ နိုင်ငံသိ) ဂိုဏ်းဘုန်းကြီးစကားကြောင့် ကပျက် ယပျက်တွေရှိသေးတယ်။ ဒီကြားထဲ တွင်းပိုင်ရှင်က အကြီးအကျယ်နေ မကောင်းဖြစ်တော့ နာမည်ကြီး ဂိုဏ်းဘုန်းကြီးကိုပဲ ပသရတော့မလို၊ ဥစ္စာစောင့်ကိုပဲ ပသရတော့မလို။
တူဖြစ်သူက အမာစားမို့တော်ပါသေးရဲ့။ ဓာတ်ကြီးလေးပါးနဲ့လူက ဖျားမှာ နာမှာ ပဲ၊ သေတောင်သေဦးမှာ။ ရေမထွက် ထွက်အောင်တူးမယ်ဆိုတော့ နောက် ဆုံး ရေထွက်လာရော။ သူ့တွင်းလည်း ရေအောင်သွားရော သူ့စောင့် ကြည့်နေ တဲ့ရွာသားတွေ သွေးရဲသွားပြီးလိုက်တူးကြတာ အခု ရေတွင်းတွေ ရွာမှာ အများကြီးပဲ။ ဆီရှိရင် ရေရှိပြီ။

photo from internet

မြောက်။ ။ မြန်မာပြည်မှာ နာမည်ကြီး ဂိုဏ်းဘုန်းကြီးလို ကပျက်ယပျက် သမားတွေကလည်း ပေါမှပေါ့။
မြန်မာပြည်ဟာ ပြည်ပအတွေ့အကြုံလိုနေတာတော့ အမှန်ပဲ။ အဲဒီ အတွေ့ အကြုံ က လူမျိုးခြားဆီက(လိုပါတယ်) ထက် မြန်မာတွေဆီကရရင် ပိုမြန်နိုင်မယ်။

တောင်။ ။ဥပမာ အနည်းဆုံး ကိုယ့်ကြောင့် လူဆယ်ဦးအလုပ်ရသွားမယ်ဆိုရင်ပဲ ဝမ်းသာစရာ မဟုတ်လား။
လက်ရှိအစိုးက Job creation လုပ်ပေးနိုင်ဖို့ အဝေးကြီး။ အနေအထားမရှိသေးသလို တာဝန်အဲသလောက်ကြီးတယ်ဆိုတာတောင် မသိသေးတဲ့ လူကြီးတွေအများကြီး။
(မယုံ မရှိနဲ့၊ ငမှုံတို့ကိုယ်တွေ့)

Read more

ဘုရား ဘုရား ဘုရား

  မွေးနေ့ (အောက်တိုဘာ ၂၈) က ဘီးလ်ဂိတ်နဲ့ သွားတူနေပါပေါ့လား။ သူကတော့ ဟုတ်လို့။
ကိုယ်ကတော့ စကော်ပီယံ၊ ကင်းမလက်မည်း၊ ခေါင်းမာ၊ ထင်ရာလုပ်၊ ထင်ရာစိုင်း။ တဇောက်ကန်း။

Read more

ကမ်းလက် သုံးနှစ်ပတ်လည်

အချိန်ပိုလေးတွေကို စှစည်းပြီး လျှောက်ခဲ့ရတဲ့ အဆင်းအတက်ခရီးစဉ်တချို့နဲ့ သုံးနှစ်ကာလကိုပြန်ကြည့်တော့ "ထိပ်ဆုံးထိမရောက်ခဲ့ရတောင် အလယ် အလတ်တော့" "ရှိမယ်" လို့ ထင်မိပါတယ်။ လေးအုပ် ဖြန့်ချီပြီး၊ နှစ်အုပ်က အဆင်သင့်၊ စာမျက်နှာ နှစ်ထောင်ကျော်။ ဘဝဖြစ်စဉ်အတိုင်း လက်ပြကျန်ရစ်ခဲ့ တဲ့ ရာသီဦးကမ်းစပ်တချို့ရှိခဲသလို့ နားလည်မှုအရင်းတည်၊ ပိုပြီး မြဲမြံလှိုက်လှဲတဲ့ ကမ်းသစ်တွေကလည်း တဝေ့တဝဲမို့ ကျေနပ်ရပါတယ်။ လောကတံထွာ။

၁။ မျှဝေခြင်း တစ်

ရေသည်ယောက်ျားရဲ့ ဒုတိယရေဖိုးအလှူအဖြစ် ကျေးဇူးရှင်မိခင်တက္ကသိုလ် (သာသနာ့တက္ကသိုလ်၊ မန်း)ကို ဆွမ်း၊ သင်္ကန်းနဲ့ စာအုပ်နှစ်အုပ် (နားဝင်မချိုနဲ့ ပဋိ ပက္ခ) လှူဒါန်းဖို့ အတည်ပြုနိုင်ခဲ့ပါတယ်။ ရင်းနှီးတဲ့ စင်္ကာပူရီးယန်း ဒကာ၊ ဒကာ မတွေကလည်း သူတို့ပါလိုက်ပြီး အားပေးမယ်ဆိုလို့ ဆစ်လ် အဲယား(Silk air) မန္တလေးကိုပျံသန်းမယ့်ရက်ကို ပြောင်းလဲယူဖို့တော့ အကြောင်းဖန်လာခဲ့ပါတယ်။ ဒါ့ကြောင့် ဒီဇင်ဘာ ၃၀ ရက်ကနေ ဇန်နဝါရီ ၈ ရက် ကို မိတ်ဆွေရဟန်းတစ်ပါး ကတဆင့် ပြောင်းလဲယူခဲ့ရပါတယ်။

၂။ မျှဝေခြင်း နှစ်

ဒီအိုင်ဒီယာလေးရခဲ့တာကတော့ အပြင်ဒကာ၊ ဒကာမအချို့နဲ့ဖေ့စ်ဘုတ်ပေါ်က ကိုအောင်မင်းဇော်(မလေးရှား)ဆီက ဖြစ်ပါတယ်။ "စာအုပ်တွေလှူမယ်ဆိုရင် တပည့်တော်တို့လည်း တတ်နိုင်သလောက်ပါဝင်လှူဒါန်းချင်ပါတယ်" လို့ ဆိုကြပါတယ်။ ဒါဆို ကျန်တဲ့သူတွေရော၊ နိုင်ငံရေး၊ လူမျိုးရေးစာအုပ်တွေမို့ ဘာသာရေးလောက် မများရင်တောင် ရှိနိုင်တယ်။ ဒါ့ကြောင့် ဒီစာအုပ်တွေ သံဃာအပါး(စာသင်သား၊ ဆရာ၊ အုပ်ချုပ်ရေးဆရာတော်များ) ၄၀၀ ကျော်ကို လှူဒါန်းလိုသူတွေအနေနဲ့လှူဒါန်းနိုင်အောင် စီစဉ်လိုက်မိခြင်းဖြစ်ပါတယ်။ တကယ်က ကိုယ်တိုင် အားလုံးစီစဉ်ပြီးဖြစ်ပါတယ်။

(က) တစ်အုပ်ကို ၂၅၀၀ ကျပ်၊ နှစ်အုပ်ကို ၅၀၀၀ ကျပ်။ ဆင်း ၇ ဒေါ်လာနဲ့ ညီမျှပါတယ်။ (စာမူခ တင်မထားတာကလွဲရင် သယ်ယူခ အပါအဝင် အားလုံး ကာမိပါတယ်။ )
(ခ) တစ်စုံ (နှစ်အုပ်)မှစပြီး လှူလိုက လှူနိုင်ပါတယ်။
(ဂ) အလှူရှင်ရဲ့အမည် စာအုပ်တိုင်းမှာ ထည့်ပေးပါမယ်။
(ဃ) လှူဒါန်းလိုသူတွေအနေနဲ့ အမည်၊ လှူမယ့်စာအုပ်အရအတွက်ကို ကမ်းလက် အီးမေးထဲ(lek.camm@gmail.com) အီးမေးပို့ပေးစေလိုပါတယ်။ ဘယ်လိုလှူရ မယ်၊ ဘယ် ဘဏ်အကောင့်ထဲ ထည့်ပေးရမယ်ဆိုတာ အလှူရှင်တွေဆီကို သီး သန့်အကြောင်းပြန်ပေးပါမယ်။
(င) အုပ်ရေ ၂၅၀ ကုန်ပြီး ၆၅၀ ကျန်ပါသေးတယ်။ အစုံ ၄၅၀ ပြည့်ရင် စာရင်း ပိတ်၊ အလှူရှင်စာရင်းကို တင်ပေးသွားပါမယ်။
(ကူညီမယ့်သူ ရှာမထားမိခြင်း၊ ဘဏ်စနစ် စနစ်မကျလှသေးခြင်းကြောင့် ပြည် တွင်းက လှူလိုသူတွေကိုတော့ တောင်းပန်ရပါလိမ့်အုံးမယ်။)

၃။ ကျေးဇူးတင်ခြင်း

ကိုအောင်မင်းဇော်၊ ဒီကိစ္စ (ငွေရေးကြေးရေး) အတွက် လိုလိုချင်ချင် အကူ အညီပေးကြတဲ့ ကိုမင်းထွဋ်အောင်၊ မနှင်းဝေအောင်တို့ဇနီးမောင်နှံ၊ အထူးသဖြင့် မန္တလေးကနေ စီစဉ်ကူညီမယ့် ဆရာတော် ဦးစန္ဒာသီရိတို့ရဲ့ ကျေးဇူးကို ဒီကနေ မှတ်တမ်းတင်ပါတယ်။

၎။ ခဏဖြစ်ဖြစ်

အလွန်အမင်း မဖြစ်နိုင်တဲ့ကိစ္စကလွဲရင် ဆရာသစ္စာနီ၊ မောင်ကျော်သာ (ပဲခူး) ကိုသရဝဏ်(ပြည်) စသူတို့ပါ ဆွမ်းကပ်ပွဲကို လိုက်ပါကုသိုလ်ယူကြမှာမို့ သူတို့ မိတ်ဆွေ၊ သူတို့စာဖတ်ပရိသတ်တွေလည်း ခဏဖြစ်ဖြစ် ဆရာတွေနဲ့ တွေ့ဆုံနိုင် ကြမယ်လို့ မျှော်လင့်မိပါတယ်။

မေတ္တာဖြင့်
(ဇင်ဝေသော်၊ သီဟနာဒ)

Read more

ဝမ်းလို့ခေါ်တဲ့ သူဌေးလူငယ် တစ်ယောက် တောင်ပေါ်တက်ဆောက်ထားတဲ့ အိမ်ကြီး

ဘယ်မြို့မှာလည်းတော့ မမှတ်မိဘူး။ ဝမ်းလို့ခေါ်တဲ့ သူဌေးလူငယ် တစ်ယောက် တောင်ပေါ်တက်ဆောက်ထားတဲ့ အိမ်ကြီး တဲ့။ နည်းတာကြီးမဟုတ်ဘူး၊ ဟယ်ရီပေါ်တာထဲကလိုလိုပဲ။ ခရစ်ယန်ဘုရားကျောင်း လည်း မဟုတ်ဘူး။ ခရစ်ယန်ဘာသာဝင်တော့ဟုတ်ဟန်တူပါတယ်။ လူနေအိမ် လည်း မဟုတ်ဘူးဆိုလား။ အခုတော့ အထဲမှာ ရက်စတောရင့်ဖွင့်ပြီး စီးပွားရှာ လို့ကောင်းနေကြတယ်။
အင်း မြန်မာတွေဆိုရင်တော့ ဘုရားတက်တည်မယ့်နေရာမျိုးပဲလို့ ကွမ်းစားရင်း စဉ်းစားနေတုံး ဒကာမတစ်ယောက်က ဘယ်အချိန် ဓာတ်ပုံဝင်ရိုက်သွားမှန်း မသိ လိုက်ဘူး။ အီးမေးပို့လာမှ သိရတယ်။

Read more