“လူတွေကို မုန်းတဲ့ရောဂါ”

        ဂရိဖလော်ဆော်ဖာ ဟေရာလီတပ်စ်(Heraclitus) က ကျွန်တော့် ဖေးဗရိတ်တွေထဲကတစ်ယောက်ပေါ့။ သူ့အိုင်ဒီယာတွေကြောင့်တော့ မဟုတ်ပါဘူး။ သူက တကယ့်ကို လူထူးဆန်းကြီးဖြစ်နေလို့ပါ။ သူ့မှာ နက်နဲတဲ့ အတွေးအခေါ်တစ်ချို့ရှိတယ်ဆိုတာတော့ မငြင်းပါဘူး။ သူဟာ စံပြ စိတ်လက်တစ်သစ် အဖိုးကြီးတစ်ယောက်ပါ။ သူနေခဲ့ရတာကလည်း အူကြောင်ကြောင်လူတွေ၊ လာဘ်ပေးလာဘ်ယူသူတွေ၊ ကိုယ်ကျင့်တရားပျက်နေသူတွေကြောင့် အမြဲစိတ်နောက်စရာကောင်းတဲ့ နေရာမှာပါ။ ဒါတွေကို မခံနိုင်တော့တဲ့နောက်ဆုံး လူတွေနဲ့ဝေးရာ တောင်တန်းတွေဆီ တစ်ယောက်တည်း ထွက်သွားခဲ့တယ်။ စားစရာဆိုလို့ မြက်နဲ့ သစ်ရွက်ပဲရှိတယ်။ ဒါပေမယ့် ဒီသဘာဝနဲ့အတူ ရှင်သန်နေရတဲ့ လိုက်(ဖ်)စတိုင်က သူ့ကို သဘောမတူနိုင်ခဲ့ဘူး။ ရောဂါတွေရပြီး မြို့ကိုပြန်လာခဲ့ရတယ်။

    မြို့ရောက်လို့ ဆရာဝန်တွေကိုပြကြည့်တော့လည်း သူ့ရောဂါကို ဘယ်သူမှ အမည်မဖော်နိုင်ဘူး။ ဒါကလည်း အံ့သြစရာတော့ မဟုတ်ပါဘူး။ သူ့ရောဂါအကြောင်း သူပြောပြနေတာကကို ပဟေဠိဆန်ဆန် ရှုပ်ထွေးနေတာကိုး။ နောက်ဆုံးအဖြေရှာလို့မရတော့ သူ့ရောဂါကို သူကိုယ်တိုင်ကုဖို့ ကြိုးစားခဲ့တယ်။ ကြိုးစားပုံကလည်း စိတ်ဝင်စားစရာတော်တော်ကောင်းတယ်။ နွားခြံထဲမှာအိပ်ပြီး နွားချေးတွေနဲ့ သူ့ကိုယ်သူ ဖုံးထားလိုက်တယ်။ သူ့ရောဂါတော့ ပျောက်မသွားဘူး၊ သူပဲ သေဆုံးသွားခဲ့ရှာတယ်။ တော်တော်စိတ်မကောင်းစရာပါ။ လူတွေ အတူတကွ ပူးပေါင်းလက်တွဲရေး၊ လူ့အဖွဲ့အစည်းမှာ ဟာမိုနီရှိရေးဆိုတဲ့ ဒဿနတွေနဲ့နေခဲ့တဲ့ လူကြီးတစ်ယောက်။ အဲသလို ဘဝဆုံးသွားရတာဟာ ကြေကွဲစရာပါ။

        တကယ်တော့ ဟေရာလီတပ်(စ်) ဟာ misanthrope လို့ခေါ်တဲ့ လူတိုင်းကိုကြည့်မရ၊ လူတိုင်းကို မယုံကြည်တဲ့ရောဂါရဲ့ ပြည့်စုံတဲ့ တက်(စ်) ဘုတ်ကြီးတစ်ခုပါ။ သူလိုပဲ လူ့အဖွဲ့အစည်းကနေကျဉ်ခွါ၊ မြက်သစ်ရွက်ကိုပဲစား၊ နွားချေးနဲ့ခြုံထားကြတဲ့လူတွေလည်း ရှိနေနိုင်တာပါပဲ။

        တစ်ခါက တစ်ကျောင်းတည်းအတန်းအတူနေခဲ့ရတဲ့ ကျောင်းနေဖက် အမျိုးသမီးတစ်ယောက်နဲ့ တွေ့ရတယ်။ အတိတ်ကိုသတိရပြီး အရင်က ကျောင်းနေဖက်သူငယ်ချင်းတွေနဲ့ ပြန်တွေ့ရရင်ကောင်းမှာပဲလို့ သူမကိုပြောမိတော့-

        “ ကျွန်မတော့ တစ်ယောက်နဲ့မှ မတွေ့ချင်ဘူး။ ကျောင်းနေဖက်တွေအားလုံးကို ကြည့်လို့ကို မရဘူး” လို့ သူမက ဆိုပါတယ်။
        နောက်တစ်ယောက်က အင်္ဂလန်ကပါ။ သူ့မှာ သွေးတိုးရောဂါရှိတယ်။ ဘာ့ကြောင့် သွေးတိုးရတယ် ဆိုတာ ဘယ်ဆရာဝန်မှ အဖြေထုတ်လို့မရဘူး။

        “ ဘာဖြစ်တယ်ဆိုတာ ငါတော့သိတယ်။ အိမ်မှာထိုင်ပြီး လူတွေအကြောင်းကို ထိုင်စဉ်းစားနေတာ။ ဒါနဲ့ ဒေါသတွေဖြစ်၊ သွေးပေါင်တွေတက်ဖြစ်လာတာ။ အကြောင်းက အဲဒါပဲလို့ ” မိတ်ဆွေက ဆိုပါတယ်။
        လူတိုင်းကို ကြည့်မရတဲ့ရောဂါ ဘာလို့ရတာလဲ။လူတွေက တစ်ယောက်နဲ့တစ်ယောက်မတူတော့ ဘာ့ကြောင့် လူတွေကို မုန်းတာလဲ၊ ဘာ့ကြောင့် လူတိုင်းကို မယုံကြည်နိုင်တာလဲဆိုတဲ့ အကြောင်းတရားတွေ အများကြီးကွဲပြားနေနိုင်တာပေါ့။ ဒီမစ်ဆင်(န်)သရောပစ်ရောဂါနဲ့ပတ်သက်လို့  အတော်ပြည့်စုံတဲ့အဖြေကို ပေးခဲ့တာကတော့ ဟေရာလိတပ်(စ်)ရဲ့နောက် နှစ်တစ်ရာလောက်မှာပေါ်လာတဲ့ ဂရိတွေးခေါ်ပညာရှင် ပလေတိုပါပဲ။

        သူက ပြောတယ်။
        “ ဒီရောဂါဟာ လူတစ်ယောက်ကို အကြွင်းမဲ့ယုံကြည်၊ အကြွင်းမဲ့ အားထားရာကနေ၊ ဒီလူဟာ ယုံကြည်စရာမကောင်းဘူး၊ အားထားစရာမကောင်းဘူးလို့ တွေ့မြင်လိုက်ရတဲ့အခါတွေမှာ ဖြစ်တာပါ။ အဲဒီကစပြီး လူတွေ့တိုင်း မုန်း၊ လူတွေ့တိုင်း မယုံကြည်ဖြစ်တော့တာပဲ” တဲ့။

        ဒီရောဂါဟာ လူတဖက်သားကို သဘာဝမကျ အလွန်အမင်းမျှော်လင့်ထားရာကနေ ဒီလိုမဖြစ်လာတဲ့ အခါမျိုးမှာလည်း ဖြစ်နိုင်ပါတယ်။ တဖက်သားကြောင့် မဟုတ်ပါဘူး။ ကိုယ့်မျှော်လင့်ချက်နဲ့ကိုယ် ဒုက္ခရောက်ရတာပါ။ ဒီလိုတွေဖြစ်လာတဲ့အခါ ကျွန်တော်တို့အများစုက လူတဖက်သားကို အတ္တကြီးသူ၊ ပျင်းရိသူ၊ ညှာတာမှု မရှိသူ၊ လေးလေးနက်နက်မရှိသူ၊ ခပ်ကြောင်ကြောင်လူ၊ ကျေးဇူးတရားမသိတတ်သူလို့ ထင်တတ်ကြပါတယ်။

        တစ်ခါတစ်ခါ သူများကြောင့် ကိုယ်စိတ်ပျက်ရသလို၊ ကိုယ့်ကြောင့်သူများ စိတ်အနှောင့်အယှက်ဖြစ်ရတာတွေလည်း ရှိတတ်ပါတယ်။ ဒါကိုသိထားပြီး အရှိအတိုင်းပဲ ကြည့်တတ်မြင်တတ်တာ ကောင်းပါတယ်။ စိတ်ထိခိုက်လွယ်တာပဲဖြစ်ဖြစ်၊ အကောင်းမြင်ဝါဒ နေရာအထားအသို လွဲတာပဲဖြစ်ဖြစ်၊ ဒါကိုသဘောမပေါက်ရင် စိတ်ပျက်စရာတွေက တိုးတိုးလာပြီး နောက်ဆုံးခါးခါးသီးသီး မုန်းတဲ့အဆင့်ကို ရောက်သွားတတ်ပါတယ်။ ဒီရောဂါကို ရှောင်ကျဉ်ဖို့ကတော့ သူများဆီက ဘာမှသိပ်မမျှော်လင့်တာပဲဖြစ်ပါတယ်။ လူတွေက ကိုယ့်အကြိုက်ကို လိုက်နေကြမှာမှ မဟုတ်တာ။ တကယ်ဆို ဆိုးဆိုးဝါးဝါးတောင် တုံ့ပြန်တတ်ကြတာပဲ။

        ဒါပေမယ့် လူတွေကို လေးစားထားဖို့လည်း လိုအပ်ပါတယ်။ ဘယ်လောက်ပဲဆိုးဆိုး ကောင်းကွက်လေးတွေတော့ ကိုယ်စီရှိနေတတ်ကြတာပဲ။

        ဒီအတွက် ဒတ်(ခ်ျ) အတွေးအခေါ်ပညာရှင် Baruch Spinoza ကတော့ “ ငိုလည်း မနေနဲ့၊ အရမ်းကြီးလည်း ကျေနပ်မနေနဲ့၊ နားလည်ဖို့သာ ကြိုးစား” လို့ ပြောထားခဲ့ပါတယ်။ တော်တော် အဓိပ္ပါယ်ရှိတဲ့စကားပါ။
  *****
Gary Hayden ရဲ့ Why some people hate everyone ကို အဆင်ပြေသလို ဘာသာပြန်ထားတာပါ။ တကယ်တော့ ထူးထူးခြားခြားကြီး မဟုတ်လှပါဘူး။ ဗုဒ္ဓဘာသာအနေနဲ့ကတော့ “ ယံ ပိစ္စံ န လဘတိ၊ တမ္ပိ ဒုက္ခံ” ပါပဲ။ မျှော်လင့်တာတွေဖြစ်မလာတဲ့အခါနဲ့၊ မမျှော်လင့်တာတွေ ဖြစ်လာတတ်တဲ့အခါတွေမှာ ဖြစ်တတ်တာပါပဲ။ တစ်ခုရှိတာက ဗုဒ္ဓစာပေမှာ ဒေါသလို့ရှိပေမယ့်၊ misanthrope နဲ့ ထပ်တူကျမဲ့ စကားတော့ရှာရခက်ပါတယ်။ သူ့ရဲ့အဓိပ္ပါယ်က dislike and mistrust everyone ပါ။ ဒေါသရဲ့ အခြားနာမည်တစ်မျိုးဖြစ်တဲ့ အာဃာတနဲ့တော့ ဆင်တူတယ်လို့ထင်ပါတယ်။

        မမျှော်လင့်တာတွေဖြစ်တတ်တာနဲ့ ပတ်သက်လို့ ကြေကွဲဖွယ် အဖြစ်အပျက်လေးတစ်ခုလောက် မျှချင်ပါတယ်။ (၇၅) ကျပ်တန်တွေ တရားမဝင်ကြေငြာခဲ့တဲ့ ဦးစိန်လွင်လက်ထက်ကပါ။ ရှိစုမဲ့စုငွေတွေအားလုံးက (၇၅) ကျပ်တန်တွေကြီးပဲဆိုတော့ အဖိုးကြီးတစ်ယောက် စိတ်ဖောက်ပြန်သွားရရှာပါတယ်။ မကြမ်းပါဘူး၊ ယဉ်ယဉ်လေးပါ။ ယဉ်လွန်းလို့ သူ့ကိုတောင် သနားမဆုံးဖြစ်ကြရပါတယ်။ စိတ်ဖောက်ပြန်သွားတဲ့နောက် သူက ဘာစကားမှ မပြောတော့ဘူး။ သူ့ကိုဘာမေးမေး သူပြောတာက တစ်ခွန်းထဲပဲ-

        “ စိန်လွင့်နှယ် နောက်…တာ” တဲ့။

 ဇင်ဝေသော်

Read more

ဣဒ္ဓိဝိဒအဘိဉာဉ် နှင့် မျက်ခွက်ဘွတ်အုပ်

ကွန်ပျူတာသည် တန်ခိုးကြီး၏။ အဘယ်ကြောင့်နည်း။ ထိုကွန်ပျူတာကို ဘာသာပြန်ဆိုရန် ဘာသာစကား မရှိသေးသောကြောင့်ဖြစ်၏။ ကွန်ပျူတာသည် တရုတ်လိုလည်း ကွန်ပျူတာ၊ ကုလားလိုလည်း ကွန်ပျူတာ၊ ဂျပန်လိုလည်း ကွန်ပျူတာ၊ ဂျာမန်လိုလည်း ကွန်ပျူတာပင်ဖြစ်သည်။ သိရသလောက် မည်သည့်ဘာသာစကားကမျှ ကိုယ်ပိုင်အမည်ဖြင့်ခေါ်ရန် မရဲသေး။ မြန်မာလိုကား စာပင်မဖွဲ့လောက်။

လောကကြီးထဲ၌ မထင်မရှားဝင်လာပြီး လူသားကိုထိန်းချုပ်သွားသောအရာ သုံးခုရှိသည်။

• ၁။ ထာဝရ ဘုရားရှင်
• ၂။ ငွေကြေးစီးဆင်းမှု နှင့်
• ၃။ ကွန်ပျူတာတို့ ဖြစ်၏။

ဘာသာရေးအငြင်းပွါးဖွယ်ဖြစ်သဖြင့် ထာဝရဘုရားရှင်ကိုတော့ လက်ရှောင်ခဲ့ချင်၏။

ငွေကြေးကိစ္စကို အနည်းငယ်ပြောချင်သည်။ ငွေကြေးကို ဖန်ဆင်းသူမှာ လူသားဖြစ်၏။ အဘယ်ကြောင့် ဖန်ဆင်းခဲ့ရသနည်းဟူမူ ပစ္စည်းချင်းလဲလှယ်ရာတွင် လွယ်ကူချောမွေ့စေလိုသော ကြောင့်ဖြစ်၏။ ပဲနှင့် ဆန်လဲလှယ်လို သူတို့အတွက် ပဲအိတ်၊ ဆန်အိတ်ထမ်း၍ သွားနေစရာမလို၊ ငွေကြေးဟူသော ကြားခံပစ္စည်းကို ယူသွားရန်သာလိုတော့သည်။ ဤကိစ္စသည် လူတိုင်းသိ၏။ လူတိုင်းသိသောကိစ္စကို မပြောလို။

ပြောလိုသည်က လူသားတို့ဘ၀ လွယ်ကူချောမွေ့စေရန် လူသားကဖန်ဆင်းခဲ့သော ထိုငွေကြေးစနစ် သည် အောက်အော့(ဖ်) ကွန်ထရိုးဖြစ်ကာ ထိုငွေကြေးကပင် လူသားကို ကျကျနနကြီး မောင်းနှင်နေတော့သည်။ ငွေကြေးစနစ်၏ မူလတန်ဖိုးဖြစ်သည့် “ လူသားကိုလွယ်ကူချမ်းသာစေရန်” သည် ပျောက်ဆုံးခဲ့ပြီ ဖြစ်၏။ ၀မ်းနည်းဖွယ်ကောင်း၏။ လူသားသည် ငွေကြေးကို မထိန်းချုပ်နိုင်တော့၊ ထိုငွေကြေးက လူသားကို ပြန်ထိန်းချုပ်နေတော့၏။

ကွန်ပျူတာခေါ်သည့် အပျော့အမာကြိယာများ (ရုပ်၊နာမ် ဟု ခေါ်လိုကခေါ်နိုင်၏၊ မခေါ်လိုက မခေါ်နိုင်။) အစုအဝေး(ခန္ဓာ) သည်လည်း လူသားကိုကူညီရန် လူသားက သူ့ကိုဖန်ဆင်းလိုက်၏။ လွန်စွာအသုံးကျ၏။ လူသား၏ လုပ်ငန်းဆောင်တာများ၊ သင်္ချာကိန်းဂဏာန်းများစသဖြင့်တို့ကို လျင်မြန်စွာ ဆောင်ရွက်ပေး၏။ ထိုမျှမက လူသားကို အင်တာတိန်းလည်းလုပ်၏။

ယနေ့ ၂၁ ရာစုဦး၌ ထိုအဓိပ္ပါယ် အနည်းငယ်လွဲချော်စ ပြုလာပြီဖြစ်သည်။ ကွန်ပျူတာက လူသားကို အင်တာတိန်း လုပ်တာထက် လူသားက ကွန်ပျူတာကိုပြန်၍ အင်တာတိန်းလုပ်နေရသည်က ပိုများသလိုလို ဖြစ်လာ၏။ လက်ခံလိုက လက်ခံ၊ လက်မခံလိုက လက်မခံ၊ like လိုက like ၍ dislike လိုက dislike နိုင်၏။ ပြဿနာ တစ်စုံတစ်ရာမရှိ။

ယနေ့ ချက်(စ်) ချန်ပီယံသည် ဒီပါဗလူးခေါ်သည့် ကွန်ပျူတာဖြစ်၏။ ကာပေါ့ မဟုတ်။ ဂယ်ရီကက်စပါရော့ မဟုတ်။ ဒိ(ပ်)ဗလူးကို ကက်စပါရော့ကနိုင်၏။ ထိုအခါ ဒိပါးဗလူးတက်လာ၏။ ဒိပါးဗလူးနောက်၌ ဒိပက်(စ်တ်)ဗလူးရှိသေး၏။ မလိုတော့၊ ဒိပါးဖြင့်ပင် လူသား၏ဦးနှောက်သည် သွက်သွက်ခါအောင် ရူးသွပ်သွားရပြီဖြစ်၏။ ၀မ်းနည်းတတ်လျှင် ၀မ်းနည်းဖို့ကောင်း၏။ ၀မ်းမနည်းတတ်လျှင် ၀မ်းနည်းဖို့မလို။

ယနေ့ ကလေးများသည် မိဘများခရီးတစ်ပါတ်ထွက်သည်ကို ဂရုမစိုက်ကြ၊ ကွန်ပျူတာနှင့် တစ်နာရီ မျှဝေးကွာ လျှင် ရူးမတတ်ခံစားကြရ၏။ လူသားဝါဒ ကျရှူံးစပြုလာပြီဖြစ်၏။ like လိုက like၊ Talking about it လိုက Talking about it နိုင်၏။ ဤသည်မှာ မည်သူမျှဘာသာမပြန်ရဲသေးသော ကွန်ပျူတာဖြစ်၏။

ယခုမှ ပြောလိုသော မျက်ခွက်ဘွတ်အုပ်အကြောင်းရောက်တော့၏။

ဓမ္မပဒစာအုပ်ထဲ၌ နောင်တော်ပန်နှင့် ညီတော်ပန်ဟူသော ညီနောင်ရဟန်းနှစ်ပါးဝတ္တုကို ဖတ်ရ၏။ နောင်တော်ပန်က ရဟန္တာဖြစ်ပြီး ညီတော်ပန်ကမူ သူ့နောင်တော်အလိုအရ အလွန်ဥာဏ်ထိုင်းသူဖြစ်၏။ ရဟန္တာဖြစ်ရေးကား ဝေလာဝေးသာတည်း။

သို့သော် ဘုရားရှင်နှင့်တွေ့သည့်အခါ ညီတော်ပန် ဥာဏ်ထိုင်းသည်ဆိုသည့် အယူအဆ လွဲသွားတော့၏။ စရိုက်နှင့် ကမ္မဌာန်းကိုက်သွားပြီး ညီတော်ပန်သည် အဘိဉာဉ်ခြောက်ပါးနှင့် ကိုအော်ပရိတ်ဖြစ်သည့် အရဟတ္တမဂ်ဥာဏ် အရဟတ္တဖိုလ်ဥာဏ်သို့ရောက်ကာ ရဟန္တာ ဖြစ်သွား တော့သည်။

ထိုအချင်းအရာကို သိတော်မူသောဘုရားရှင်က ဆွမ်းမစားရသေးသော ညီတော်ပန်ကို ပင့်ခိုင်းသည်။ ပင့်လေသူ ကျောင်းရောက်သော အခါ ညီတော်ပန်တပါးမဟုတ်ဘဲ တစ်ထောင် ဖြစ်နေသည်ဟုဆို၏။ ထိုအခါ မည်သည့်ပန်ကို ပင့်ရမည်မသိ၊ ဘုရားရှင်ကိုပြန်၍ လျှောက်ထားရ ပြန်၏။ စူဠပန်မထေရ်ဘုရားဟုခေါ်လော့၊ ပထမဆုံးထူးသော စူဠပန်မထေရ်၏ လက်ကိုကိုင်လော့။ ထိုအခါ အခြားအခြားသော စူဠပန်တို့ကွယ်လတ္တံ့ဟု ဘုရားရှင်မိန့်တော်မူ၏။

မှန်၏။ ဤပရိုစီဂျာအတိုင်း ဆောင်ရွက်လိုက်သောအခါ ညီတော်ပန်တစ်ပန်သာ ကျန်ရစ် တော့၏။

ဤကဲ့သို့ တစ်ပါးက တစ်ထောင်ဖြစ်အောင် ဖန်ဆင်းနိုင်ခြင်းသည် ဣဒ္ဓိဝိဓတန်ခိုးအဘိဉာဉ် ထူးကို ရရှိတော်မူသောကြောင့်ဖြစ်၏။ ထိုတန်ခိုးရှိလျှင် ရဟန်းတစ်ပါးက ထောင်သောင်းမကသော ရုပ်ပွါး၊ကိုယ်ပွါးများဖန်ဆင်းနိုင်၏။ ဤသည်မှာ ဣဒ္ဓိဝိဓပင်ဖြစ်တော့၏။ (နံပါတ် ၁ ထိုးပေးထားသော ဣဒ္ဓိဝိဓကို ဖု(တ်)နုတ်(တ်) မပေးတော့၊ ဤမှာရှင်းပြီးဖြစ်၏)

ဣဒ္ဓိဝိဓအဘိဉာဉ်ကိုမရသော ၂၁ ရာစု ရဟန်းတော်များအတွက် Replace လုပ်လိုက လုပ်လို့ရသည့် မျက်ခွက်ဘွတ်အုပ်ကို (၁၉)နှစ်သား အမေရိကန်လေးတစ်ယောက်က ဖန်ဆင်း ပေးလိုက်၏။ သူ့နာမည်ကို မသိ၊ ရှာကြည့်လျှင်ရသော်လည်း မရှာချင်။ အမှန်သိလိုသူတို့အတွက် အလွယ်တကူသိနိုင်သော ကိစ္စဖြစ်သဖြင့် အထူးမချဲ့လိုတော့။

ရဟန်းတစ်ပါးသည် ထိုမျက်ခွက်ဘွတ်အုပ်၌ ဆရာတော်ဖြစ်ခွင့်ရှိ၏။ အရှင်ဖြစ်ခွင့်ရှိ၏။ ဒေါက်တာဖြစ်ခွင့်ရှိ၏။ မဒေါက်တာ ဖြစ်ခွင့်ရှိ၏။ ကိုကိုဖြစ်ခွင့်ရှိ၏။ မောင်မောင်ဖြစ်ခွင့်ရှိ၏။ မီးမီးဖြစ်ခွင့်ရှိ၏။ မမဖြစ်ခွင့်ရှိ၏။ ဝေဟင်အာကာ ထက်မိုး လျှံဟိန်းကျော်ဖြစ်ခွင့်ရှိ၏။ ထူးအိန္ဒြာ သဉ္ဇာနွဲ့နှောင်း ဇာခြည်ကျော်ညွန့် ဖြစ်ခွင့်ရှိ၏။ ဘာမဆိုဖြစ်ခွင့်ရှိ၏။

ဣဒ္ဓိဝိဓအဘိဉာဉ် မရလည်း ပူစရာမလိုတော့။ မျက်ခွက်ဘွတ်အုပ်ပေါ်၌ အလိုရှိသမျှ ကိုယ်ပွါးများ သမာဓိမလိုပဲ ပွားလို့ရပြီးဖြစ်၏။ ထို့ထက်ပို၍ ပွားလိုကလည်း ပွားလို့ရ၏။ ထို့ထက်ပို၍ ပွားလိုသည်ထက်ပို၍ ပွားလိုကလည်း ပွားလို့ရပြီဖြစ်၏။ ကြိုက်သလောက် ပွားနိုင်၏။ မကြိုက်သလောက်လည်း ပွားနိုင်၏။

မလိုအပ်သော်လည်း ဤ၌ပြောခဲ့ချင်၏။

သီဟနာဒသည် ရဟန်းတစ်ပါးဖြစ်၏။ ထို့ကြောင့် “ ကိုကိုက ဘုန်းဘုန်းဆို” ဟူသောမေးခွန်း မေးစရာ မလိုတော့။ မေးလိုကတော့ မေးနိုင်၏။ မေးသူကို တားမြစ်၍မရ။ သီဟနာဒသည် ရဟန်း တစ်ပါးဖြစ်၏။ ထို့ကြောင့် ကိုကို၊ မောင်မောင်၊ မမ၊ မီးမီး ဘာမှမဟုတ်ကြောင်း ရှင်းပြရန်မလိုအပ်တော့။ သို့သော် ရှင်းပြဖို့လိုအပ်သည်ဟုထင်သော သူတချို့လည်းရှိနိုင်၏။ ထိုသူတို့အတွက် ရှင်းပြရမည်။ သီဟနာဒသည် ရဟန်းတစ်ပါးဖြစ်၏။ ဒါဖြင့် ရဟန်းဖြစ်ကြောင်း သက်သေပြ၊ လူဖြစ်ကြောင်းသက်သေပြဟု ပြောသူတစ်ချို့ရှိနိုင်၏။ ၀မ်းနည်း၏။ သက်သေပြစရာမလို။ မျက်ခွက်ဘွတ်အုပ်သည် ရဲစခန်းမဟုတ်၊ တရားရုံးမဟုတ်။ ပွားလိုက ပွားလို့ရ၏။ မပွားလိုကလည်း မပွားလို့ရ၏။

ဤ၌ ဖြေရှင်းမရသောပြဿနာ ပေါ်လာတော့၏။

တစ်ထောင်သော ညီတော်ပန်များအနက် ပထမဆုံးထူးသော ညီတော်ပန်၏လက်ကို ကိုင်လိုက်လျှင် အခြားအခြားသောပန်များ ပျောက်ကွယ်သွားသည်ဟု သိရ၏။ ထိုခေတ်က ဘုရားရှိ၏။ ဘုရားရှိသဖြင့် ညီတော်ပန်အစစ်ကို သိခွင့်ရခဲ့၏။

ယနေ့ (၂၁) ရာစု၌ ဘုရားမရှိတော့။ မျက်ခွက်ဘွတ်အုပ်ပေါ်၌ ပွားထားသော ရဟန်း၏ ကိုယ်ပွားများအနက် ဘယ်အပွားသည် အပွားစစ်ဖြစ်သည်ဟု သိရှိရန်မလွယ်ကူတော့။ ဘယ်အပွား၏ လက်ကို ကိုင်လိုက်ရမည်မသိတော့။

မည်သို့ဖြစ်စေ ပျော်စရာတော့ကောင်း၏။
ပျော်စရာကောင်း၏ မည်သို့ဖြစ်မှန်းမသိတော့။
သိသိ၊ မသိသိ ပျော်စရာတော့ကောင်း၏။
ပျော်စရာကောင်း၏။ မသိလည်း မသိ။ သိလည်း သိ။
နောင်တော်၊ ညီတော်များ သီဟနာဒကို ဆဲလိုက ဆဲနိုင်ပြီဖြစ်၏။
သီဟနာဒ၏လက်ကိုသာ လာမကိုင်ပါနှင့်…..။

သီဟနာဒ

Copyright © 2012 ကမ်းလက်. All rights reserved.

Read more

ရွာသားရေးတဲ့ကဗျာ

ရယ်သံ ငိုသံတွေ နားမထောင်ဖြစ်တာကြာပြီ
လောကဓံတရားဆိုတာ အရင်လို
ရှစ်ပါး မတိုး မလျော့ပဲ မဟုတ်လား။
ဟင် ဒါဆို ဘာထူးလို့လဲ???

ကွန်နက်ရှင်း မကောင်းသေးသော နားလည်မှုများ
ဒေါင်းလုပ်ဒ် လုပ်တိုင်း ပြုတ်ကျတတ်သော အနာဂတ်စာမျက်နှာများ
အစိမ်ရောင်အဝိုင်းလေးလို ဝိုင်း၍မပြီးသော မနေ့က မနက်ဖန်များ
အသံကြည်ကြည်နားဆင်ဖို့ မြေညီညီမှာ မနေနိုင်သော လက်ကိုင်ဖုန်းများ။

လွမ်းချင်တိုင်း လွမ်းရအောင်
ဒါက ဘုရားလက်ထက်မှ မဟုတ်တာ။
( ဘုရားက အချော့ကောင်း တရားပြကောင်း )

ဖုန်လုံးများအတွက် အာမခံကုမ္ပဏီဖွင့်သော လက်ကိုင်ပုဝါများ
စားရသောက်ရမဲ့ လက်သည်းဆိုးဆေးများ
ခါးထောက်ကြည့်နေသော အောင်မြင်မှုများ
အမိန့်ပေးနေသော ကျွန်းစာပွဲ အကောင်းစားကြီးများ။

ဒီကောင်က တကယ် လွမ်းကောလွမ်းတတ်လို့လား???
ဒီမှာ ကိုယ့်လူ ဒီခေတ်ကြီးထဲမှာ
စုစုစောင်းစောင်း ဝေနာတချို့နဲ့
ချွေချွေတာတာ မျှ လွမ်းနေရတာ မင်း သိပုံမရဘူး
လွမ်းတတ်ပါတယ်၊ ကြည့်..
လက်ပံကိုင်းတွေ မီးစွဲနေရင်
အဲ့ဒါ နွေရာသီ။

ခြေထောက်မိုးထောင်အိပ်နေသော စိုးရိမ်မှုများ
နှမ်းမဖြူးမိသော ရယ်သံလွင်လွင်များ
ကြယ်ကြွေချိန်စောင့်သော နက္ခတ်မုဆိုးများ
ခရားရေလွှတ် တိတ်ဆိတ်သံများ။

ကြိုးနဲ့ ခါးသိမ်အောင် ချည်ထားမှ ညီညွတ်ရမှာလား???
ဒီမှာ ကိုယ့်လူ ဒီခေတ်ကြီးထဲမှာ
ထင်း အစည်းလိုက်တွေ့လို့
ဘယ်သူက ဒူးနဲ့တိုက် ချိုးပြနေမှာလဲ
အစည်းလိုက် အိမ်ကိုထမ်းယူသွားမှာပေါ့
သပိတ်ဝင် အိတ်ဝင်။

အဲသလောက် နားလည်တတ်ရင်လည်း
ငါ နောက်ကျတဲ့အခါတိုင်း
မင်း နာရီ မြန်နေလို့ လို့ မှတ်ယူပေးပါ

ဆံပင်သပ်မတင်ရသေးသော ရိုးသားမှုများ
လက်လုပ်လက်စား ရွှေအိုရောင်အိပ်မက်များ
ခံစားမှု ခရိုက်စစ်ဖြစ်နေသော မိသားစု ဥရောပများ
ဘောကန်ဖိနပ် မရှိတဲ့ နာရီပေါ်က မျက်ရည်တန်များ။ ။

ဇင်ဝေသော်

Read more

ရှင်းသန့်စိမ်းလဲ့ကျွန်း (၉း ၄)

မေတ္တာရပ်ခံချက်။ ။ ဒီရက်တွေမှာ အလုပ်ပိနေတာရယ်၊ ယာယီခရီးစဉ်တွေ ရှိနေတာရယ်ကြောင့် ပို့စ်တွေ အရင်လို ပုံမှန်တက်နိုင်မယ် မဟုတ်ကြောင်း ကြိုတင်အသိပေးထားချင်ပါတယ်။ လီကွမ်းယု စာမူတွေတော့ တစ်ပတ် နှစ် ပုဒ် တက်ပါမယ်။ ရေးထားသမျှတွေထဲက အက်ဒမင် သဘောကျတာလေးေ တွ (ကိုယ်တိုင် စိတ်တိုင်းမကျလို့ ဆွဲထားတာတွေ) တက်လာနိုင်ပြီး အဟောင်း တချို့လည်း ဖေ့ဘုတ်မှာ မဖတ်ရသေးသူတွေအတွက် ပြန် တင်ပေးဖို့ အစီအစဉ်ရှိနိုင်ပါတယ်ဆိုတဲ့ အကြောင်း လေးစားစွာ အသိပေး အပ်ပါတယ်။

မေး ။ ။ စင်္ကာပူအတွက် နျူးကလီးယားစွမ်းအင်ကရော ဘယ်လို နေမ လဲ။ ဖြစ်နိုင်ခြေရော ရှိရဲ့လား။

ဖြေ ။ ။ ယူနစ်သေးသေး နျူးကလီးယားဖိုကတော့ အန္တရာယ်လည်း ကင်းပြီး ဖြစ်လည်း ဖြစ်နိုင်တယ်လို့ သူတို့ သတင်းပို့ထားတယ်။ ဒါပေမဲ့ ဘယ် နျူးကလီးယားမှ အန္တရာယ်ကင်းတယ်လို့တော့ မရှိပါဘူး။ ဓာတ်ပေါင်း ဖိုကို ရေပေါ် ပေါ်နေနိုင်တဲ့ ရေငုပ်သင်္ဘောလိုဟာပေါ်မှာ တင်ထားမယ်ပေါ့။ ပထမ အသေးဆုံး ယူနစ်ကနေ စမယ်။ အဲ့ဒါ အလုပ်ဖြစ်မယ်ဆိုရင် အလတ် စား ယူနစ်ကို စမ်းသပ်ကြမယ်။ ပြီးတော့မှ အလက်စား ယူနစ်ဘေးမှာ အေ သးစားလေးတွေ ထပ်ဖြည့်ထားဖို့ ကြိုးစားကြမယ်ပေါ့ကွာ။

တို့ ကြုံရမယ့် ပြဿနာက စက်ရုံအလုပ်ရုံတွေက စွမ်းအင်မသုံးတဲ့ ည ပိုင်းတွေမှာ စွမ်းအင်တွေက ပိုနေမယ်။ အဲ့ဒီစွမ်းအင်တွေကို ဘယ်လို ထိန်း သိမ်းကြမလဲဆိုတာပဲ။ ရေအားလျက်စစ်ပါ ရှိမယ်ဆိုရင်တော့ ရေပမ့်(ပ် ) တွေ နဲ့ ရေပြန်ပို့ပေးပြီး စွမ်းအင်ပိုကောင်းအောင် လုပ်ယူလို့ ရတာပေါ့။

ယူဂိုစလားဘီးယားမှာ ဒါမျိုး လုပ်ထားတာ တွေ့ခဲ့ရဖူးတယ်။ စွမ်းအင် အသုံး နည်းတဲ့ ညပိုင်းတွေမှာ ဆိုရင် သူတို့ နျူးကလီးယား ဓာတ်ပေါင်းဖိုတွေ ကို ရေတွေနဲ့ ဖြန်းပေးကြတယ်။ ဖြန်းလိုက်တဲ့ ရေတွေက ရေကန်ကြီးထဲ ပြန်ရောက်သွားတယ်။ ဒီလောက်အထိ လုပ်နိုင်ဖို့ကလည်း တို့မှာ စွမ်းအင်က အ လုံအလောက် မရှိဘူး။

မေး ။ ။ ဒီလို အခြေအနေတွေ ကြားထဲကနေပြီး စင်္ကာပူကို သဘာဝ ပတ် ဝန်းကျင်အားဖြင့်လည်း နေချင်စဖွယ်၊ စီးပွားရေးအားဖြင့်လည်း ကမ္ဘာ့မြို့ေ တ်ာပုံစံဖြစ်အောင် တည်ဆောက်ထားနိုင်ခဲ့တဲ့ အပေါ်မှာ ကျေနပ်မှုရော ရှိပါ သလား။

ဖြေ ။ ။ ငါ့သဘောအရကတော့ ပြွတ်သိပ်နေမှာစိုးလို့ လူဦးရေ သိပ်များ မှာကို မလိုလားဘူး။ ငါတို့ ဘယ်လောက်ပဲ လုပ်နိုင်လုပ်နိုင်၊ ဆိုပါတော့ … သ ဘာဝဥယာဉ်တွေ လုပ်တာ၊ စိမ်းလန်းတဲ့ မြေကွပ်လပ်တွေကို ထိန်းသိမ်းပေး တာ စတာတွေပေါ့။ လူဦးရေကသာ စီးပွားရေးအတွက် ကြည့်ပြီး ခေါ်ထားရ တဲ့ အလုပ်သမားတွေ အပါအဝင် ခြောက်သန်းခွဲလောက်သာ ရှိမယ်ဆိုရင် မွန်းကြပ်ပြီး မသက်မသာ ဖြစ်လာမှာပဲ။

ငါ ဟောင်ကောင်ကို ရောက်တော့ လေထုညစ်ညမ်းမှု မရှိဘူးဆိုရင်တောင် လူတွေ များလွန်းလို့ ငါ သဘောမတွေ့ခဲ့ဘူး။ ရှန်းဟိုင်းမြို့ဟောင်းလည်း အတူတူပဲ။ ၁၉၇၆ - ခုတုန်းက အကောင်းဆုံး ဧည့်ရိပ်သာမှာ တည်းတာေ တာင် အောက်ဆင်းပြီး လမ်းလျှောက်လိုက်ရင် လူတွေက ပြွတ်ခဲနေတာပဲ။ မင်းသွားရင် သွားနေ၊ မသွားရင် သူတို့က နောက်ကနေ တွန်းသွားတာ။ ပြီးတော့ မှောင်မည်းမည်းနဲ့၊ ဆိုင်တွေကလည်း အမှောင်ထဲ၊ လမ်းမီးတွေ က လည်း မလင်းတလင်းနဲ့။

ဟောင်ကောင်မှာ သူတို့အိမ်လေးတွေက ကျဉ်းလွန်းတော့ သူတို့အပန်းဖြေဖို့ ဆိုရင် အပြင်မှာ အပန်းဖြေကြရတယ်။ ဖျော်ဖြေရေးတွေကလည်း အပြင်မှာ ပဲ။ စင်္ကာပူမှာ ငါတို့ လူမျိုးတွေက တီဗွီ အကြီးစားကြီးတွေ၊ နောက်ဆုံးပေါ် စက်ပစ္စည်းတွေနဲ့ ကျကျနန နေကြရတယ်။ အပြင်မှာ သိပ် မတွေ့ရဘူး။ ညဥ့်နက်တဲ့အထိ အပြင်မှာ တွေ့ရတာက နိုင်ငံခြားသား ဧည့်သည်တွေပဲ များတယ်။

ငါ့သဘောအရကတော့ လူဦးရေ လျှော့ချမယ်။ ဒါပေမယ့် ငါက ဆုံးဖြတ်ချက် ချသူ မဟုတ်တော့ဘူး။ စင်္ကာပူ လက်ရှိအစိုးရကပဲ စင်္ကာပူအတွက် ဘာလုပ် သင့်သလဲဆိုတာ သူတို့ဘာသာ ဆုံးဖြတ်ပြီး လုပ်ကြလိမ့်မယ်။

မေး ။ ။ ကမ္ဘာမြေ ပူနွေးလာမှုဖက်ကို လှည့်ကြည့်ကြပါဦးစို့လား။ ကမ္ဘာ့ရာသီဥတုကို ထိန်းသိမ်းဖို့ ကမ္ဘာမှာ ဝမ်းစာမရှိဘူးလို့ (အူမတောင့်မှ သီလစောင့်လို့) ပြောခဲ့တယ်။ ကမ္ဘာ့အနာဂတ်အတွက် မကောင်းနိုင်တဲ့ အလားအလာမျိုးတွေ မြင်မိသလား။

ဖြေ ။ ။ ဟုတ်တယ်။ ငါ ပြောခဲ့ပြီးပြီပဲ။ လုပ်နိုင်တဲ့အပိုင်းကိုပဲ လုပ်ပြီး မလုပ်နိုင်တဲ့အပိုင်းကို လုပ်လို့ မရဘူးလေ။ ပြောင်းလဲလာတဲ့ ရာသီဥတုနဲ့ ညီမျှအောင် ဘယ်လိုနေသွားကြမလဲဆိုတာ အပူရှိန် ဘယ်လောက် ပိုပြင်းပြလာတယ်ဆိုတာ အပေါ်မှာ မူတည်တယ်။

မေး ။ ။ တစ်ကမ္ဘာလုံးရဲ့ စိတ်ဓာတ်တွေကို ပြောင်းလဲပေးဖို့ ကြိုးစားပြီး ဒီပြဿနာကို မဖြစ်မနေ ဖြေရှင်းသင့်တယ်လို့ မထင်ဘူးလား။
ဖြေ ။ ။ တရုတ်နဲ့ အိန္ဒိယက မြစ်ကမ်းဘေးမှာ နေကြတဲ့ သန်းပေါင်း များ စွာသော လူတွေ၊ အဲ့ဒီမြို့တွေမှာ ရှိကြတဲ့ ကုန်သည်ပွဲစား အသေးလေးေ တွ ရေပြတ်လတ်မှုဒုက္ခ ကြုံလာရပြီဆိုရင်တော့ အကြီးအကျယ် ပြဿနာ တက်လာမှာပဲ။ ဒီလောက်များတဲ့ လူတွေအတွက် ရေအလုံအလောက် ရဖို့ ဘယ်ကို သွားကြ၊ ပို့ထားကြမလဲ။ သူတို့ကိုယ် သူတို့ရော ဝမ်းဝအောင် ဘယ်လို ရှာစားကြမလဲ။ သူတို့ကတော့ အသက်ရှင်လို့ ရတဲ့နေရာတွေကို သွားကြမှာပဲ။ အဲ့ဒါဆိုရင်တော့ ပြဿနာက ကမ္ဘာနဲ့ ချီသွားလိမ့်မယ်။ (အဲ့သလိုမျိုး ဖြစ်လာရင်တော့ တရုတ်နဲ့ အိန္ဒိယ အစိုးရက ပတ်ဝန်းကျင်ထိန်းသိမ်းရေးကို ပိုပြီး ဂရုစိုက်လာစရာ ရှိတယ်။)

မေး ။ ။ ဒါဆိုရင်တော့ ကမ္ဘာ့ခေါင်းဆောင်တွေအားလုံး လက်တွေ့ကျတဲ့ သဘောတူညီမှုတစ်ခုတော့ ရအောင် ရှင်သင့်ကြပြီပေါ့။ ဖြစ်နိုင်မယ်လို့ မစ္စတာလီ ထင်ပါသလား။
ဖြေ ။ ။ မထင်မိဘူး။ ကိုပင်ဟေဂင် (Copenhagen) အစည်းအဝေးကို ကြည့်လေ။ (၂၀၀၉ - ခုနှစ်က ကုလသမဂ္ဂက ကမ္ဘာ့ပတ်ဝန်းကျင် ထိန်း သိမ်းရေးနဲ့ ပတ်သက်လို့ စည်းဝေးခဲ့တဲ့ အစည်းအဝေးကို ရည်ညွှန်းတာပါ။) တရုတ်က ပြောတယ်။ ခင်ဗျားတို့က ကျွန်တော်တို့ကို ကာဗွန်ဒိုင်အောက် ဆိုက် လျော့ချဖို့ ပြောတယ်။ စိမ်းလန်းစိုပြေရေး နည်းပညာကိုလည်း အလ ကားပေးမယ်လို့ ပြောတယ်။ ခင်ဗျားတို့လည်း (အမေရိကန်တွေ) ၁၉၉၀ က ကာဗွန်သုံးစွဲမှုထက် (၄၀) ရာခိုင်နှုန်း လျှော့ချဖို့ လုပ်လေ တဲ့။

ဒီတော့ ကွန်ဂရက်က ဘီး(လ်)ကလင်တန်ကို (၄) ရာခိုင်နှုန်း လျှော့ချရင် ရပြီလို့ ခွင့်ပြုလိုက်ကြတယ် လေ။

မေး ။ ။ ဒီပြဿနာအတွက် ကမ္ဘာလုံးဆိုင်ရာ ခေါင်းဆောင်မှု မရှိလို့များ လား။

ဖြေ ။ ။ ခေါင်ဆောင်မှု မရှိလို့ မဟုတ်ဘူး။ နိုင်ငံကြီး၊ နိုင်ငံသေး ဘယ်လို ခေါင်းဆောင်ပဲ ဖြစ်ဖြစ်
“ကောင်းပြီ၊ ကမ္ဘာကြီး ပူနွေးလာတာကို ကာကွယ်တဲ့ အနေနဲ့ စီးပွားရေး တိုးတက်တာ၊ မတိုးတက်တွေကို ဂရုစိုက် မနေတော့ဘူး။ ကမ္ဘာကြီးကို ကယ်တင်တော့မယ်။ ရွေးကောက်ပွဲမှာ ရှုံးရင်လည်း ရှုံးပါစေ” လို့ သူတို့ က ပြောပါ့မလား။ စင်္ကာပူအစိုးရကတော့ ဒါမျိုး လုပ်နိုင်မယ် မထင်ဘူး ။ ခေါင်းဆောင်တိုင်းဟာ သူ့နိုင်ငံရဲ့ ပြဿနာကိုပဲ အဓိကထား ကြည့်နေရ တာပါကွာ။

မေး ။ ။ ကုလသမဂ္ဂရဲ့ ရာသီဥတုပြောင်းလဲရေး အခြေခံမူဝါဒအတိုင်း စင်္ကာပူဟာ Annex တစ်နိုင်ငံ မဖြစ်နိုင်ဘူးလား (စက်မှုနိုင်ငံ ဖြစ်သော်လည်း သူ့နားလည်မှုနဲ့အတူ အိုဇုန်းလွှာပေါက်ပြဲမှု အတွက် သဘာဝပတ်ဝန်းကျင် ထိန်းသိမ်းရေးတာဝန်ကို ယူထားတဲ့နိုင်ငံ)။ အဲ့သလိုဆို စင်္ကာပူအပေါ်မှာ အကျိုးသက်ရောက်မှုတွေက ဘယ်လို ရှိလာမလဲ။

ဖြေ ။ ။ မဖြစ်နိုင်ဘူး။ ဒါကို မလိုက်နာနိုင်ဘူးလို့ ငါတို့က ပြန်ပြောမှာပါ။ ဒီဓာတ်ငွေ့ ယိုစိမ့်မှုတွေက ငါတို့သုံးတဲ့ ပစ္စည်းတွေ ထုတ်လုပ်လို့မှ မဟုတ် တာ။ ကမ္ဘာက သုံးတဲ့ပစ္စည်းတွေ၊ အပြည်အပြည်ဆိုင်ရာ လေယာဉ်တွေ သုံး စွဲတဲ ဓာတ်ငွေ့တွေကြောင့် ယိုစိမ့်တာလို့ ပြောမှာပေါ့။

ငါတို့က စီးပွားရေးဌာနချုပ်လို ဖြစ်နေတာ။ တစ်ကမ္ဘာလုံးက သင်္ဘောတွေ ၊ လေယာဉ်တွေ ဆီဖြည့်တဲ့ နေရာပဲ။ ဒါကို တို့က ဘယ်လိုလုပ် သူတို့ပြော တာကို လိုက်နာနေလို့ ရမှာလဲ။

ငါတို့က ပစ္စည်းတွေကို ပို့တာ။ တို့ထုတ်တဲ့ပစ္စည်းတွေက တို့ သုံးစွဲဖို့ချည်းပဲမှ မဟုတ်တာပဲ။ သင်္ဘောတွေ၊ လေယာဉ်တွေ ဆီဖြည့်ရာ ဌာနချုပ်ဆိုတဲ့ ဂုဏ် ကို ဘာအတွက် ဖျက်ဆီးပစ်ရမှာလဲ။ ဒါဆိုရင် စင်္ကာပူရဲ့ အဓိပ္ပါယ်က ဘာလဲ။

တို့က ဆက်ပြောမယ်။ “ကြည့်။ ဒီ စွမ်းအင်တွေရဲ့ နောက်ဆုံး ထုတ်ကုန်ကို သုံးစွဲသူတွေက ဘယ်သူတွေလဲ။ ဒီအတိုင်းလည်း ရပ်တည်၊ ကာဘွန် ဒိုင် လည်း လျှော့ဆိုရင် ဘယ်လို ဖြစ်နိုင်မလဲ။ ခင်ဗျားတို့က ကျွန်တော်တို့ ကို သေဖို့ အကြံတွေ ပေးနေတယ်။ ဒါဖြင့် လူဦးရေ ငါးသန်းရဲ့ တာဝန်ကို ခင်ဗျားတို့ ယူထားနိုင်မလား” လို့။

မေး ။ ။ ပြည်ပပို့ကုန်အတွက် သုံးစွဲတဲ့ စွမ်းအင်ပမာဏနဲ့ ပြည်တွင်းသုံး ပစ္စည်းတွေအတွက် သုံးစွဲတဲ့ စွမ်းအင်ပမာဏ ခွဲခြားထားရင်တော့ ရမယ်။

ဖြေ ။ ။ ဟုတ်တယ်။ ဒါမျိုး လုပ်ရမယ်။

(ဆက်ရန်)
ဇင်ဝေသော်

 ကမ်းလက် 

Read more

လင်ကွန်းရဲ့ ဘရိတ်ဖတ် မှတ်စု

“You can fool some of the people all of the time,
လူတချို့ကို အချိန်ပြည့် အရူးလုပ်လို့ ရကောင်း ရမယ်၊

and all of the people some of the time,
လူအားလုံးကိုလည်း အချိန် အတိုင်းအတာ တစ်ခုအထိ အရူးလုပ်ထားလို့ရနိုင်မယ်၊

but you can not fool all of the people all of the time.”
ဒါပေမဲ့ အားလုံးကို အချိန်ပြည့် အရူးလုပ်ထားဖို့ဆိုတာကတော့ လုံးဝ မဖြစ်နိုင်ဘူး။
( Abraham Lincoln၊ အေဘရာဟင် လင်ကွန်း)

ဇင်ဝေသော်

Read more

ဦးအောင်မင်းတို့လာမယ့် စင်္ကာပူက ဆွေးနွေးပွဲ (သို့) နေကျော်တဲ့ လောကဓံအတွက် ပဲကြီးလှော် တစ်စေ့

နေကျော်တဲ့ လောကဓံပဲလေ
ဒီလောက်တော့ ခါးမှာပေါ့ 
(ဇင်ဝေသော်)

မေလ တစ်ရက်နေ့မှာ လုပ်ကြမယ့် ဒီ အတွေ့အကြုံဖလယ်ပွဲကတော့ လခ စားတွေက စပွန်ဆာခံဖိတ်တဲ့ ဝန်ကြီးတို့ ပြောဟောပွဲဆိုရင် ၅၀ ရာခိုင်နှုန်းေ ကျာ် မှန်ပါလိမ့်မယ်။ အဲသလိုပဲ သူတို့ပြောချင်နေတဲ့ ရင်တွင်းက စေတနာကို တစ်ဦးချင်းစီ ခပ်ပါးပါးလည်း သွန်ချထားခဲ့ကြလိမ့်မယ်။ ပန်လိုက ပန်၊ ဒါ ဂန္ထ ဝင်မြောက် နှင်းဆီတစ်ပွင့်။

ဘာအတွက်လုပ်တယ်၊ ဘယ်သူတွေ လာမယ်၊ ဘာတွေကို ဘယ်သူတွေေ ဆွးနွေးကြမယ်စတဲ့ ဖော်မယ်သတင်းတွေကတော့ ဂျာနယ်နဲ့ အွန်လိုင်း မီဒီ ယာမှာ အခန့်သား ရှိနေပါပြီ။ ပိုပြီးအသေးစိပ်သိလိုသူတွေ အတွက် အေးငြိမ်း ဘလော့ဂ်ကို အလည်အပတ်သွားနိုင်ကြောင်း ကြမ်းခင်းပေးလိုက်ပါရစေ။

ကျနော်ပြောချင်တာက ဒီပွဲကို မရ ရအောင် စီစဉ်သူတွေရဲ့ အခက်အခဲတချို့ နဲ့ ချစ်စရာ စိတ်ဓာတ်ပါ။ သဘောမတူရင် ခွင့်လွှတ်ပါ။ ကျနော်ကဒါကို နေကျော်တဲ့ လောကဓံအတွက် ပဲကြီးလှော် တစ်စေ့လို့ ခံစား နာမည်ပေးလိုက်မိတယ်။

တကယ်က ဒီပွဲဟာ ဒီဇင်ဘာမှာ စခဲ့ဖို့ တဲ့။ အဲဒီတုံးက စ နိုင်ရင် ပြည် တွင်း ပြည်ပလက်တံရှည်တဲ့သူဆီက စပွန်စာတွေ ရနိုင်တယ်။ ဒါပေမဲ့ "တရုတ်ကို ကြောက်နေရတယ်" စကားနဲ့ ဦးအောင်မင်းက ပြည်သူ့ အ သည်းကို ခွဲလိုက်တော့ ဘာနဲ့ ကုစားရမှန်းမသိဖြစ်ပြီး ဒီပွဲကို ရက်ရွှေ့လိုက် ရတယ်။ အဲသလိုပဲ စပွန်ဆာတွေနဲ့ လာသူလည်း ပြန်ပေါ်မလာတော့ဘူး။ ရှိစေ။

ဒီပွဲအတွက် ဖိတ်ကြားရာမှာ (ယုံရခက်တဲ့) အခက်အခဲက နာမည်ကြီး နိုင် ငံရေးပါတီကြီးနဲ့ ဆက်စပ်နေတယ်။ သူတို့ဖိတ်ကြားလိုတာက
၁။ လက်ရှိအစိုးရထဲက ဥပဒေပြု လွှတ်တော် အမတ်တွေ၊ လုပ်ပိုင်ခွင့် ရှိသူတွေ
၂။ အတိုက်အခံ နိုင်ငံရေးပါတီက ဥပဒေပြု လွှတ်တော် အမတ်တွေ၊ လုပ်ပိုင်ခွင့် ရှိသူတွေ နဲ့
၃။ ပွင့်လင်းအဖွဲ့အစည်းထဲက စွမ်းဆောင်နိုင်သူတွေ ( ဦးကိုကိုကြီးက ဒီအဖွဲ့ကို ကိုယ်စားပြုပါတယ်)

၁ နဲ့ ၃ က လျောလျူခဲ့ပေမဲ့ ၂ က ထစ်နေတယ်။ ဖိတ်ကြားတဲ့အဖွဲ့ကလည်း (ဘာအဖွဲ့မှ မဟုတ်တဲ့အဖွဲ့ လို့နာမည်ပေးရင် ရနိုင်မယ်) ကြီးကြီးမားမား မဟုတ်လေတော့ အဆက်အသွယ်ရှိတဲ့ အတိုက်အခံ နိုင်ငံရေးပါတီက လွှတ်တော်အမတ်တွေဆီ ဖိတ်စာပို့လိုက်ကြတာပေါ့။ ဒီဖိတ်စာက ပါတီကို ဖိတ်ပေမယ့် ဘိုင်နိမ်းဖြစ်နေလေတော့ ဒီလိုလာလုပ်လို့ မရဘူး အပေါက် ဖြစ် သွားပြန်ရော။ ဒါနဲ့ ပြန်ပြင်ပြီးဖိတ်ကြားလိုက်ပေမယ့် အရင်တစ်ခါ လေသံက မာထားတော့ ..ဒီအဖွဲ့ရဲ့ဖိတ်စာကို အဂျင်ဒါထဲ ထည့်မထားရဲတဲ့ အပြင် အဲနီး အားသား ဘစ်စနစ် (Any other business) နဲ့တောင် ကကြိုးရှုပ်သွားတော့.... စောင့်သူကစောင့် သတင်းမပြန်သူက မပြန်။ အင်း... မြန်မာတွေ ပုဂ္ဂိုလ်ရေး ကိုးကွယ်မှူက ဘာမှ ပြန်မပြောရဲခြင်းနဲ့ မှတ်ကျောက်တင်ဟန်တူရဲ့။ ကန်တော့ပါရဲ့။ ဒီစံနဲ့ ဆက်သွားရင် အဏာရှင် များ ဆန်သွားလေမလား။

ငါ့ကောင်းကင်မှာ နက္ခတ်တွေကြမ်းပြီး
ငါ့လမ်းက တောင်ပြိုနေတယ်
ငါ့နောက်ကို ဘယ်သူမှ မလိုက်ခဲ့နဲ့
ငါ့အရိပ်တောင် ငါ့နောက် မလိုက်ခဲ့နဲ့ 
(တာရာမင်းဝေ)

မိတ်ဆွေတချို့ကလည်း ဒီပွဲမျိုးတွေလုပ်ဖို့ အချိန်မရောက်သေးဘူး။ စော လွန်းသေးတယ်လို့ ယုံကြည်ကြတယ်။ တချို့ကတော့ မစောတော့ဘူး။ လုပ်ကို လုပ်ရတော့မယ်။ အင်တာနေရှင်နယ် ကုမ္ပဏီကြီးတွေဝင်လာလို့ ဒါလေးတွေမှ မသိသေးရင် ခံသွားရမယ်။ Agree to disagree ပေါ့ ။ နောက်ပြီး စင်္ကာပူရဲဆီက အချိန်မီ ခွင့်ပြုမိန့်ရဖုိ့။ ဒါတွေကတော့ လက်ပွတ်တတီး လောကဓံပါ။ မထူးတော့ပါဘူး။ ရွှေဝါရောင်တော်လှန်ရေး မှာကတည်းက ရဲ မျက်စေ့ကျခဲ့တဲ့ အဖွဲ့ပဲ။ ချိုမြမြ လောကဓံပါ။

မနေ့ညကမှ စပွန်ဆာအကြောင်း ဦးတင်မောင်ဝင်းနဲ့ ထပ်ပြီး ကွန်ဖန်း လုပ်တော့ ပုံမှန်ဖောက်သည်တွေဖြစ်တဲ့ MAI နဲ့ ရနံ့သစ်တို့ဆီကပဲ ရကြောင်း ထပ်သိရပါတယ်။
ဒါဖြင့် ကျန်တဲ့ ကုန်ကျစရိတ်တွေကရောဆိုတော့ "အရင်အတိုင်းပေါ့၊ အိပ် စိုက်။ တို့ လေးယောက် တစ်ယာက် တစ်ထောင်ဆီစုထားတယ်" တဲ့။

ငါ့ရှင်တို့က ဘာလဲ
ငါက ဘာလဲ
နာမည်တွေ မြေကြီးပေါ်ပစ်ချပြီး
လှလှပပ ပြိုင်ရဲပါတယ်
တစ်နေ့နေ့တော့ တွေ့ကြမယ်။
( တာရာမင်းဝေ)

သူတို့နဲ့ ကျနော် စ သိကြတာက ၂၀၀၇ မှပါ။ ဒီမတိုင်ခင်ကတည်းက နာ မည်တွေ မြေကြီးပေါ်ပစ်ချ၊ ကိုယ့်အိပ်ကပ်ထဲကစိုက်ပြီး (အခုတော့မသိဘူး၊ အရင်ကတော့ စေတနာရှင် မျက်စေ့ကျတဲ့ အလုပ်မျိုးလည်း မဟုတ်ဘူးလေ၊ ၂၀၀၇ ခု ရဲအလိုက်ခံနေရတုံးကဆို သူတို့ကို ရှောင်ပြေးနေတဲ့လူတွေ အများ ကြီး၊ စတေးထိမှ ကြောက်လို့၊ အခုတော့ ဒီမိုကရေစီက လွတ်လွတ်လပ်လပ် စီလို့ရပြီ) ယုံကြည်ရာလုပ်နေခဲ့ကြတဲ့ ဒီ အဖွဲ့လေးရဲ့ အလုပ် သမားနေ့ေ အာင်မြင်မှုကို ခံစားရသမျှလေး အသိပေးရင်ဖွင့်ချင်စိတ်တွေ ပေါက်နေတာနဲ့......။

စာကြွင်း။ ဘုဘောက်ချင်း တည့်တယ်ဆိုရမလား။ ရန်ဖြစ်နေသလိုပြောတတ် တဲ့ (ဦး)သီဟနာဒ နဲ့ ဆရာဦးတင်မောင်ဝင်းတွေ့တော့လည်း အချောပဲ။ ဦးတင်မောင်ဝင်းက "လေးယောက် တစ်ယာက် တစ်ထောင်ဆီစုထားတယ်" ဆိုတော့ "မလုပ်နဲ့လေ၊ ကျုပ်လည်း တစ်ခြမ်းတော့ ပါမှာပေါ့၊ ၅၀၀ ထား။ ဘုန်းကြီးတော့ လျှော့ဈေးနဲ့ ပေးပေါ့" ဆိုပြီး ၅၀၀ ထည့်တော့ လေးယောက် ခွဲ ဖြစ်သွားတယ်။ (ဦး)သီဟနာဒက "ကောင်းတယ်၊ ဒီအလှူမျိုးက ရေစက်ကို မချရတာ" လို့ ကျနော့ကို ပြန်ပြောပြတယ်။

ပွဲဖြစ်မြောက်ရေးအတွက် တတ်နိုင်တဲ့ဖက်က ဝိုင်းဝန်းကူညီကြသူတိုင်း ကို လေးစား။ ဂုဏ်ယူမိစွာဖြင့်..........

ဇင်ဝေသော်
(ကမ်းလက်ကိုယ်စား)

Read more

ကျန်ကျောင်း၊ ကျောက်စီဓားနဲ့ သမ္မတ ဦးသိန်းစိန် (၃ )

"ဘုန်းကြီးလူထွက်က ဘုန်းကြီးကျောင်းကို ပြန် ကပ်စားနေ ရင် ရှက်စရာကောင်းသလို စစ်တပ်လူထွက်က စစ်တပ်ကို ပြန်ကပ်စားနေ လည်း အဖြစ်မရှိရာ ရောက်တာပါပဲ"

၁ ။ စစ်တပ်က ဘယ်နည်းနဲ့ ဦးသိန်းစိန်အစိုးရကို အကူအညီ ပေးနိုင်မလဲ။
၂ ။ အကျင့်ထက် စစ်တပ်အရာရှိငယ်တွေ စိတ်ဓာတ်ပျက်သွားတာက ပိုဆိုးတယ်။ (အကြီးတွေက အများစု ပျက်ပြီးသား)

ဒုတိယဝါကျကို အရင်ဆွေးနွေးပါမယ်။ စစ်ဖက်ဆိုင်ရာ ရိုးသားတဲ့ အရာရှိ ငယ်တွေပါ စိတ်ဓာတ်တွေပျက်နေတယ်။ ဘယ်သူ့လက်ချက်လည်းဆိုတော့ ဆရာ့ ဆရာကြီးတွေလက်ချက်။ ဘယ်လိုပျက်တာလည်းဆိုတော့ စစ်မှုထမ်းရင်းနဲ့ အရပ်ဖက်ဆိုင်ရာ ဝင်ငွေကောင်းတဲ့ ဌာနတွေကို မျက်စောင်းထိုးနေခြင်းပဲ။ စစ်တပ်က အနားယူရရင်တောင် ဗိုလ်မှူးက ဘယ်ရာထူး၊ ဗိုလ်မှူး ကြီးက ဘယ်ရာထူး၊ ဗိုလ်မှူးချုပ်က ဘယ်ရာထူး၊ ဗိုလ်ချုပ်ကြီးက ဘယ်ရာ ထူး စတာတွေ စီစဉ်ထားလေတော့ စစ်ထဲဝင်တာကကို နိုင်ငံတော်ကာကွယ် ဖို့ထက် စစ်လူထွက်ရင် ရာထူးကြီးကြီးရဖို့တွေ ပါနေတော့ လမ်းကြောင်း လွဲနေပြီ။

ဒါတွေကြောင့် ဟိုတုန်းက တပ်မတော်လို့ ခေါ်ရာကနေ အခု စစ်တပ်ဖြစ် သွားတယ်။ ဟိုတုန်းက စစ်မှုထမ်းဟောင်းကြီးတွေက မချမ်းသာကြဘူး။ ဒါပေမဲ့ လူထုက လေးစားကြတယ်။ ကမ္ဘာမှာကလည်း ဒီအတိုင်းပါပဲ။
အခု စစ်တပ်ပြုတ်တွေက ကျိကျိတက်ချမ်းသာပြီး လူထုရဲ့ ချဉ်ဖတ်ဖြစ်နေ တယ်။
အဲဒီကစလို့ ရာထူးမြန်မြန်တက်ရေး၊ ဌာနကောင်းရရှိရေး ကြိုးစားရင်းနဲ့ လူကြီးကြိုက်လိုက်ရင်း ပြည်သူကို ခြေကန်တော့တာပဲ။ စစ်သားနဲ့ အရပ်ဖက်ရာထူးဟာ (အောက်စတန်းဒင်းတချို့ကလွဲရင်) ဘာမှ မဆိုင်ဘူးဆိုတဲ့ အသိ အရာရှိငယ်တွေဆီ ပြန်ရောက်သွားမှ ဒီစစ်တပ်ဟာ နေရာ မှန်ပြန်ရောက်တယ်လို့ ဆိုနိုင်တော့မယ်။
ဦးသိန်းစိန်ကို ကူနိုင်တာက ပြည်သူထက် စစ်တပ်က ပို အခရာကျတယ်။

စစ်တပ်က ဘယ်နည်းနဲ့ ဦးသိန်းစိန်အစိုးရကို အကူအညီ ပေးနိုင်မလဲ??

စစ်တပ်နဲ့ ဝေးဝေးနေလေလေ ဦးသိန်းစိန် သိက္ခာတက်လေလေပဲ။ ယဉ်ကျေး ၊ ရင့်ကျက်တဲ့ လူအဖွဲ့အစည်းတွေမှာ စစ်တပ်ဆိုတာ ဘယ်နိုင်ငံရေးပါတီကိုမှ အားမပေးရပါဘူး။ ဘယ်ပါတီရဲ့ စစ်တပ်မှ ဖြစ်မနေရဘူး။ တစ်ဦးချင်း အနေ နဲ့တော့ ကြိုက်တဲ့ပါတီကို ထောက်ခံပေါ့။ စစ်တပ် အနေနဲ့ကတော့ ကြားပဲနေ ရမယ်။ အမေရိကန် စစ်တပ်ဟာ ဒီမိုကရက်တစ်ရဲ့ လက်ကိုင်ဒုတ် မဟုတ် သလို ရီပတ်ဘလင်ကန်ရဲ့ ငယ်ကျွန်လည်း မဟုတ်ပါဘူး။
အပြင်မှာ ဘာတွေပြောပြော အပြောပဲ အဖတ်တင်တယ်။ ရိုးသားတဲ့၊ လွတ် လပ်တဲ့ ရွေးကောက်ပွဲမှာ သူထည့်ချင်ရာ သူထည့်တာပဲ။ သာဓက အနေနဲ့ အသိအမှတ်ပြု မခံရတဲ့ ၁၉၉၀ ရွေးကောက်ပွဲကို ကြည့်ပါ။ စစ်တပ်ထဲမှာကိုပဲ အဖွဲ့ချုပ်ကို ထောက်ခံနေတာတွေ အများကြီးပဲ။ ဒါဆို ရွေးကောက်ပွဲမှာ စစ်တပ်ကနောက်ခံပေးထားတယ်ဆိုတာ ကြားရဆိုးတာပဲရှိတယ်။

စိတ်ကြိုက် လူစု၊ စိတ်ကြိုက် ကွင်းရွေး၊ စိတ်ကြိုက် ဒိုင်လူကြီးတင်၊ စိတ်ကြိုက် လေ့ကျင့်၊ စိတ်ကြိုက် အချိန်ရွေးထားတာတောင် အသင်းခေါင်းဆောင်တစ်ယောက်ပဲ မားမားမတ်မတ်ရှိတဲ့ အဖွဲ့ချုပ်ကို စစ်တပ်မပါဘဲ မယှဉ်နိုင်ရင်တော့ အဓိပ္ပါယ်လည်း သိပ် မရှိတော့ပါဘူး။ (အဓိပ္ပါယ်မရှိတာကတော့ ကြာပါပြီ၊ အခု ရှိမလားလို့ပါ)

စစ်တပ်က အရာရှိကြီးတွေ အရပ်အစိုးရအဖွဲ့ထဲ မပါတာနဲ့ နိုငံ ပျက်မလောက် ပြောနေကြတာကလည်း မမိုက်ပါဘူး။ စစ်တပ်က နိုင်ငံရေးထဲ မပါတာပဲ ရှိမယ်၊ စစ်တပ်ကြီး ဖျက်သိမ်းတာမှ မဟုတ်ဘဲ။ ထစ်ကနဲဆို ကာကွယ်ရေး ဝန်ကြီးချုပ်က အာဏာသိမ်း၊ ရာစုဝက် အုပ်ချုပ်၊ ဗိုလ်ချုပ်ကြီး ငယ်တွေကို မဆိုင်တဲ့ ရာထူးတွေပေး၊ ငွေမက်အောင် ကျုံးသွင်း၊ မလှမပ အတိတ်နဲ့ စစ်တပ်။ သူတို့ သူ့နေရာ သူနေမှ နိုင်ငံလည်း သိက္ခာရှိမယ်။

အချုပ်ပြောရရင် ဘုန်းကြီးလူထွက်က ဘုန်းကြီးကျောင်းကို ပြန် ကပ်စားနေ ရင် ရှက်စရာကောင်းသလို စစ်တပ်လူထွက်က စစ်တပ်ကို ပြန်ကပ်စားနေ လည်း အဖြစ်မရှိရာ ရောက်တာပါပဲ။
၂၀၁၅ မှာ စစ်တပ်က စစ်တပ်နေရာမှာ ပြန်ရောက်သွားရင် ရှုံးသည်ဖြစ်စေ နိုင်သည်ဖြစ်စေ ဦးသိန်းစိန်အစိုးရ ဒီထက် သိက္ခာရှိမယ်။

( ဆက်ရန် ) 

 ဇင်ဝေသော်

Read more

ရှင်းသန့်စိမ်းလဲ့ကျွန်း (၉း ၃)

နိုင်ငံတိုင်းက ဖွံ့ဖြိုးတိုးတက်ဖို့ပဲ ကြိုးစားနေကြရတာ။ မကြိုးစားရင် လည်း ပြည်တွင်းထဲမှာ ပြဿနာတက်မယ်။ ဒါကြောင့် ငါ့သုံးသပ်ချက် က ပြောင်းလဲလာမယ့် ရာသီဥတုနဲ့မျှတအောင် နေဖို့ပဲကြိုးစား။ ကမ္ဘာမြေ ပူနွေးလာမှုဒဏ်ကို တရုတ်တို့၊ အိန္ဒိယတို့ ကြုံတွေ့လာရပြီဆိုတော့မှ သူတို့ တစ်ခုခု လုပ်ကိုလုပ်မှရတော့မှာလို့ သဘောပေါက်လာကြမှာ။ သူတို့ ကြိုတင် ခန့်မှန်းချက်အရ ဝင်ရိုးစွန်းရေခဲတွေ ပြိုကျလာပြီဆိုရင် ပင်လယ်ရေ မျက်နှာပြင်တစ်မီတာကျော်ကျော်လောက် မြင့်တက်လာမယ်တဲ့။ အဲဒါဆိုရင်တော့ တို့အတွက် ပြဿနာပဲ။ စင်ကာပူက အဆောက်အဦတွေကို ရေကာတာတွေနဲ့ ရေကိုကာလို့ ရနိုင်တဲ့ နည်းကို လေ့လာခဲ့ကြဖူးတယ်။ သူတို့ရဲ့နောက်ဆုံး ဆုံးဖြတ်ချက်က ပင် လယ်ရေ ကို ဆီးတားတဲ့ တံတိုင်းကြီးတွေ(Seawall) ဆောက်သင့်တယ်တဲ့။ အဲသလိုဆိုရင် ငါတို့သင်္ဘောဆိပ်ကမ်းက ရေကာတံတိုင်းတွေရဲ့အပြင်ဖက်မှာ ပဲ ရှိနေလိမ့်မယ်။
ဒါဆိုရင် တို့ပတ်ဝန်းကျင်က ကျွန်းလေးတွေရော တစ်ကျွန်းစီကွဲထွက်သွားနိုင် မလား။
ဒါဆိုရင် စင်ကာပူက အဲဒီကျွန်းစုလေးတွေရဲ့ အလယ်မှာ ရှိနေလိမ့်မယ်။ ဘာတွေဖြစ်လာနိုင်တယ်ဆိုတဲ့ အကျိုးဆက်က မရှင်းမလင်းပါပဲ။

ပင်လယ်ရေမျက်နှာပြင် တစ်မီတာအထိ မြင့်တက်လာမယ်ဆိုရင် ငါတို့ ကမ်းခြေတစ်ချို့ ဆုံးရှုံးလိမ့်မယ်။ ဘာပဲဖြစ်ဖြစ် ရှင်သန်နေလို့တော့ ရတယ်။ ဆိုပါတော့ ခြောက်မီတာလောက်အထိလည်း မြင့်တက်လာမယ်၊ ရေကာတာ တံတိုင်းကြီးတွေလည်း ဆောက်မထားမိဘူးဆိုရင်တော့ စင်ကာပူရဲ့ ငါးပုံ တစ်ပုံ က ပင်လယ်ရေအောက် ရောက်သွားလိမ့်မယ်။

မေး။ ။ နောက်ဆုံး ဖြစ်နိုင်ခြေက ဘာဖြစ်မလဲ။

ဖြေ။ ။ ငါက မိုးလေဝသကျွမ်းကျင်သူမှ မဟုတ်တာ။ ဘာတွေဖြစ် လာနိုင်မလဲဆိုတာ ဘယ်တွက်ချက်တတ်မှာလဲ။ ကျွမ်းကျင်သူတွေပြောတာ ကို လက်ခံလိုက်ဖို့ပဲရှိတာပဲဥစ္စာ။

မေး။ ။ အဲယားကွန်းတွေကို မှီနေမယ့်အစား အဆင့်မြင့် အပူပိုင်းမြို့တော်အဖြစ် တည်ဆောက်ယူရင်ကော မရနိုင်ဘူးလား။

ဖြေ။ ။ ရာသီဥတုကို တို့ကပြောင်းမပစ်နိုင်ဘူး။ တကယ်တော့ မြို့ တိုင်းဟာ ပိုပိုပြီး ပူလာနေတာပဲ။ ကွန်ကရစ်တွေ၊ ကားလမ်းတွေက အပူငွေ့တွေ ပြန်ဟပ်နေလို့။ တို့အိမ်တွေမှာ လေဝင်လေထွက်ရအောင် လုပ်နိုင်ရင်တော့ အဲယားကွန်းမသုံးပဲနေလို့ ရနိုင်မှာပေါ့။ ဒါပေမယ့် အိမ်တွေအားလုံး အပြင်လေရနေဖို့ဆိုတာက မဖြစ်နိုင်ပြန်ဘူး။ မြင့်တဲ့ တိုက်တွေက နိမ့်တဲ့တိုက်တွေကို ကွယ်နေမှာ။

ကုန်ထုတ်လုပ်မှု မလျော့ကျစေပဲ ရုံးတွေက အဲယားကွန်းတွေကို ဖြုတ်ပစ်ဖို့ ဘယ်လိုလုပ် ဖြစ်နိုင်မှာလဲ။ ၁၉၅၀- ခုနှစ်တွေတုန်းက Laycock and Ong ဥပဒေရေးရာကုမ္ပဏီမှာ ငါလုပ်နေတုန်းက ရှေ့နေတွေရဲ့အခန်းတွေပဲ အဲယား ကွန်းတတ်နိုင်တယ်။ ဈေးကကြီးတာကိုး။ စာရေးတွေ၊ တခြားအလုပ်သမားေ တွက လဟာပြင်ရုံးမှာ လုပ်ကြတာ။ ပန်ကာတွေ တအားဖွင့်ထားပြီး စာရွက်ေ တွဆို လွင့်မသွားအောင် ဖိထားကြရတာ။ နေ့လည်စာ ထမင်းစားပြီးလို့ နေပူ ရှိန်လည်း တက်လာရော စာရိုက်မှားတာတွေဖြစ်လာ၊ လုပ်အားကျဆင်း မှုတွေ ဖြစ်လာတယ်။ ၁၉၅၅- ခုမှာ ငါကိုယ်တိုင်ရုံးဖွင့်တော့ တစ်ရုံးလုံးကို အဲယားကွန်းတပ်လိုက် တယ်။ ရုံးကတော့ ခပ်သေးသေးပေါ့။ မလက္ကာလမ်း၊ အမှတ် ၁၀၊ ပထမ ထပ်မှာ။ ဒီတော့ နေ့ခင်းမှာတောင် လုပ်အားက ကျဆင်းမသွားဘူး။

အပူနဲ့နီးနီးကပ်ကပ်လုပ်ရတဲ့ အလုပ်တွေ၊ လက်အိတ်တွေ၊ ခေါင်းစွပ်တွေ စွပ် ထားမှ လုပ်လို့ရတဲ့ အလုပ်ရုံတွေမှာ အဲယားကွန်းမရှိပဲ အလုပ်လုပ်လို့ ဘယ် ရနိုင်ပါ့မလဲ။

ဒီတော့ တို့မှာ ရွေးစရာမရှိတော့ဘူး။ တိုက်မြင့်မြင့်တွေ ဆောက်ဖို့ပဲရှိတယ်။ ဟိုတုန်းကလို နှစ်ထပ်၊ သုံးထပ်အိမ်တွေ မဖြစ်နိုင်တော့ဘူး။ အစ္စတာနာ မှာရှိတဲ့ အိမ်ဆိုရင် ၁၈၆၀- ခုနှစ်တွေက ဆောက်ထားတာ။ အရှေ့မြောက် ဘက်ကို မျက်နှာမူပြီး အနောက်တောင်ဖက်ကလာတဲ့ မုတ်သုံလေ ကိုရ တယ်။ နေပူကို ကာကွယ်နိုင်တဲ့ ကော်ရစ်ဒါကလည်း တော်တော်ရှည်တယ်။

၁၉၅၀- ခုနှစ်တွေတုန်းက သူတို့ကဖိတ်လို့ အိန္ဒိယကိုရောက်ဖူးတယ်။ တုတ် တံရှည်ရှည်ရဲ့ထိပ်မှာ အဝတ်စချည်ထားတယ်။ တုတ်တံကို တစ်ယောက်ေ ယာက်က ရွှေ့ပေးရင် အဲဒီအဝတ်စက ယပ်ခပ်နေသလို လေရတယ်။ ဒါကို အိန္ဒိယန်းတွေက punkah wallah လို့ ခေါ်တယ်။ မွတ်ဆလင်လူမျိုးတွေအိမ်မှာ ထောင့်ချွန်းလေးတွေပါတဲ့ တံခါးပေါက်၊ ဝရန် တာတွေကို ရေဖြန်းပေးကြတယ်။ ရေက အပူငွေ့ကို စုပ်ယူတာပေါ့။ ရေ ကနေဖြတ်လာတဲ့ လေကြောင့် အိမ်ခန်းထဲမှာလည်း အေးလာတာပေါ့။ တို့နေရာက ပင်လယ်ကမ်းခြေကလွဲရင် လေဝင်လေထွက်ကောင်းတဲ့နေရာ မဟုတ်ဘူး။
ရှေးတုန်းကလူတွေ ဘယ်လိုနေခဲ့ကြသလဲ။

မလေးတွေ အပူဒဏ်ကို ဘယ် လိုကာကွယ်ကြသလဲ။ သူတို့အိမ်တွေက ခြေတံရှည်၊ သက်ငယ်မိုး၊ သစ်သား ဝါးနဲ့ ဆောက်ထားတာ။ တံခါးမ၊ တံခါးပေါက်တွေကလည်း ဖွင့်ထားကြတာ။ မျက်နှာကျက်တွေဘာတွေလည်း မလိုဘူး။ လေမတိုက်ဘူးဆိုရင်တောင်မှ သူတို့အိမ်တွေထဲမှာ နေလို့ရတယ်။ ယောင်္ကျားရော၊ မိန်းမရောက လုံချည်တွေဝတ်ကြတယ်။ ဒီတော့ သူတို့ခန္ဓာ ကိုယ်အောက်ပိုင်းကလည်း လေရတယ်။ ယောက်ျားတွေဆိုရင် အပေါ်ပိုင်း ရင်ဘတ်ဟောင်းလောင်းတောင် နေကြတယ်။ အဲဒါ ငါတို့ ရာသီ ဥတု အခြေ အနေပဲလေ။

မေး။ ။ လျှပ်စစ်နဲ့မောင်းတဲ့ကားတို့၊ ခရီးသွားစစ်စတန်တစ်ခုလုံး ဘက် ထရီ နဲ့မောင်းတဲ့ပုံစံအထိ ရောက်နိုင်အောင်ကော ဘယ်လိုရှိမလဲ။ စင်ကာပူရဲ့ ရာသီဥတုကို ပိုကောင်းလာစေနိုင်မလား။

ဖြေ။ ။ ဒါက လုပ်ကို လုပ်ကြရမှာ။ အခု ဓာတ်ဆီနဲ့ ဘက်ထရီပေါင်း စပ်မောင်းနှင်တဲ့စနစ်ကို စတင်နေကြပြီ။ အီလက်ထရစ်ကားဖြစ်နိုင်ဖို့အတွက် ကုမ္ပဏီကြီးတွေက R & D(Research and Development) ကို အလေး အနက်ထား လုပ်နေကြတယ်။ သူတို့ကားတွေက ဓာတ်ဆီ၊ ဒီဇယ်နဲ့မောင်းတဲ့ ကားတွေလိုပဲ ကောင်းတယ်။ ပြဿနာက ဘက်ထရီက ဘယ်လောက်ကြာ ကြာခံပြီး ဘယ်လောက်မြန်မြန် အားပြန်သွင်းလို့ရမလဲဆိုတာပဲ။ ဘတ်(စ်) ကားတွေရော ဂက်(စ်) ကိုသုံးပြီး မောင်းလို့ရတယ်။ ဒါကို တို့ဆက်လေ့လာ မှာ။

မေး။ ။ ဆိုလာပြားတွေရော ဘယ်လိုနေမလဲ။ စင်ကာပူလို အပူ ပိုင်းမြို့မှာ ဆိုလာပြားတွေ အလုပ်ဖြစ်မယ်လို့ ထင်သလား။

ဖြေ။ ။ ၁၉၉၂- ခုကတည်းက ပြင်သစ်ရေနံကုမ္ပဏီကြီးတစ်ခုဖြစ်တဲ့ တို တယ်(Total) မှာ အကြံပေးအနေနဲ့ ရှိခဲ့တယ်။ လွန်ခဲ့တဲ့ ၁၇- နှစ်သက်တမ်း တစ်လျှောက်လုံး ရေနံ၊ ကျောက်မီးသွေး၊ နူကလီးယား စွမ်းအင်ကိုသုံး လိုက် ရင် ဖရီကွန်စီကိုပြတဲ့ဇယားက ဒီလို(သူ့လက်ကို အပေါ်မြှောက်ပြ တယ်) ဖြစ် ပြီလေ။ ဆိုလာ၊ ဒီရေစတာတွေကို အစားထိုးပြီးသုံးလိုက်ရင် သူတို့ဖရီကွန်စီပြဇယားက ဒီလို(သူ့လက်ကို အောက် ချပြတယ်) ဖြစ်သွား မယ်။

ဆိုလာပြားတွေနဲ့ပတ်သက်လို့ ဂျာမန်တွေတော့ သုတေသန လုပ်နေကြ တယ်။ ဆာဟာရ သဲကန္တာရက နေကိုတနှစ်ပတ်လုံးရရင် ဥရောပမှာ လိုအပ် တဲ့စွမ်းအင် အကုန်ထုတ်ပေးနိုင်မယ်လို့ ဆိုကြတယ်။ ဒါပေမယ့် (ရယ်လျှက်) ဒီအတွက် ကုန်ကျငွေက ဘယ်လောက်ရှိသွားမလဲ။ သဲမုန်တိုင်းတွေ ကျလာ ပါပြီတဲ့။ ဆိုလာပြားတွေ အာလုံး သဲအောက်ရောက်ကုန်မှာ။ အဲဒီ ဆိုလြာ ပားတွေကို ဘယ်သူက ပြန်ဖော်မှာတုန်း။

ငါတို့ အဆောက်အဦတွေအားလုံးရဲ့ အမိုးပေါ်မှာ ဆိုလာပြားတွေ တပ်ဆင် ထားမယ်ဆိုရင်တော့ လျှပ်စစ်သိုလှောင်ရုံနဲ့ သိုလှောင်ထားပြီးတော့ မီး အိမ်တွေအတွက်၊ ရေနွေးကြိုချက်ဖို့အတွက် တို့သုံးလို့ရမှာပေါ့။ ဒါပေမယ့် မိုးရွာတဲ့နေ့၊ တိမ်အုပ်တဲ့နေ့တွေမှာ စွမ်းအင်အလုံအလောက် မရနိုင်ပြန်ဘူး။

ဒါက ဖြစ်တော့ ဖြစ်လာမှာပါ။ အခု တရုတ်တွေလုပ်တဲ့ ဆိုလာပြားတွေက ပိုကောင်းပြီး ဈေးလည်း ပိုသက်သာတယ်။ လေနဲ့လည်တဲ့ ပန်ကာတွေလည်း ရှိနေပြီ။

ဆက်ရန်

 ဇင်ဝေသော်

Read more

မောနင်း ပို့စ်

ဂျာမဏီ ၈ စပိန် ၁။
လူးဝစ် ဆွာရက် ၁၀။
မန်ယူ၊ ဗန်ပါစီ ၂၀။
မြန်မာ....ဘရိုက် စပေါ့တ့်။
တရုတ်က အိန္ဒိယကို လူဦးရေများလို့ အပြစ်တင်။ ဟဲ ဟဲ။

ဂျာမဏီ ၈ စပိန် ၁။

ရော်နာဒို တစ်ဂိုးပြန်ရတာကလွဲရင် ဒီနေ့လည်း ဂျာမန် ဒေါ့မန်က စပိန်က ရီယယ်ကို လေးဂိုး ဆော်လိုက်ပြန်ပြီ။ လေးဂိုးစလုံး လူဝစ်ဒေါ့စကီး တစ်ယောက်ထဲ ရှူးတာ။
ဆီမီးနှစ်ပွဲပေါင်းတော့ ဂျာမန် နှစ်သင်း ၈ ဂိုး၊ စပိန် နှစ်သင်း ၁။ ကိုးနဝင်း အတိ။ ဂျာမန် ရီဗော်လူးရှင်း တစ်ခေတ်ဆန်းပြီ။

လူးဝစ် ဆွာရက် ၁၀။

လူးဝစ် ဆွာရက် ကတော့ ငုံ့ကိုက်မိတာလေးနဲ့ ၁၀ ပွဲ ထိပြီ။ သူ့ထက် ပွဲပယ် ပိုများတာက ဒိုင်လူကြီးကို တွန်းလှဲတဲ့ ဒီကာနီယို (အခုဆန်းဒါးလင်း နည်းပြ) တဲ့။ ၁၁ ပွဲ။
သူ့ပြေးလမ်းကို အီဗန်နိုဗစ်က လက်မောင်းနဲ့ ကာထားလို့ ကာထားတဲ့ လက်မောင်းကို စိတ်တိုတိုနဲ့ ကိုက်မိတာဖြစ်မယ်။ အယူခံဝင်လည်း ၁၀ ပွဲ ပယ်က မလျော့လောက်ပါဘူး။
နောက်နှစ်အထိ ၆ ပွဲ ပါသွားမယ်။ တော်တော်ထက်တဲ့ သွား။

မန်ယူ၊ ဗန်ပါစီ ၂၀။

မန်ယူ ချန်ပီယံဖြစ်တဲ့ အကြိမ်နဲ့ ဗန်ပါစီရဲ့ ကျောနံပတ် သွားပြီးတိုက် ဆိုင်နေတယ်။
ဒါထက်ရယ်စရာကောင်းတာက ပရိသတ်ထဲက စာတမ်း။ "Not nineteen forever." တဲ့။ ပြိုင်ဖက် လီဗာပူးလ်ကို လှမ်းနောက်တာ။ ပြောမယ်ဆို ပြော စရာပဲ။ လီဗာပူးလ်ကလည်း နီးယား ဖြူချားမှာတော့ ၂၀ လမ်းမမြင်။
ဒီစာတမ်းကလည်း လူးဝစ် ဆွာရက် အနားရှိရင် အကိုက်ခံရမယ့်ကိန်းပဲ။

အမေရိကမှာ ဦးသိန်းစိန်တို့က ငြိမ်းချမ်းရေးဆုတွေ ဘာတွေ ရလို့ ဆိုပါ လား။ မြင်းမီးဆွဲ ဦးအောင်သောင်းတို့တောင် ဝေစုတွေ ရလို့။
ဂျွန်ကယ်ရီက မြန်မာကို "ဘရိုက် စပေါ့တ့်" တဲ့။ မိုက်တယ်၊ ဟုတ်ဟုတ် မဟုတ်ဟုတ်။
အမေရိကမှာဆိုတော့ ဆန္ဒပြတာတော့ ခံရမှာပေါ့။ ဥရောပက ပြင်သစ် လူ မျိုးတွေနဲ့ အာရှတိုက်သားတွေက ဆန္ဒပြခွင့် ရလို့ကတော့ အသေ ပြတာပဲ။ မဆန်းပါဘူး။ မယုံရင် အိန္ဒိယသွားကြည့်။ အကြီး အသေးပဲ ကွာမယ်။ နေ့ တိုင်း ဆန္ဒပြပွဲရှိတယ်။

တရုတ်က အိန္ဒိယကို လူဦးရေများလို့ အပြစ်တင်

သူတို့လည်း (အိန္ဒိယတွေ) တရုတ်နဲ့တွေ့တော့ ခံရတာပဲ။ လူဦးရေများပြီး လူဦးရေထိမ်းချုပ်မှု မလုပ်လို့ တရုတ်က ဝေဖန်နေတယ် တဲ့။
ကဲ.... အဲဒါ တရုတ်။ လူးဝစ် ဆွာရက်ကို အကိုက်ခိုင်းလိုက်ရ။

 ဇင်ဝေသော်

Read more

မကြုံဖူးသဖြင့် "ထူး"သည်

အောက်မှာ မျက်ရည်တွေနဲ့ မိသားစုတစ်စု ရောက်နေလို့ အောက်ကို ခဏ ဆင်းခဲ့ဖို အတွင်းရေမှုးက ဖုန်းဆက်သည်။
ကျေးဇူးရှိသည့် မိသားစုဟုဆိုရမည်။ သတိပဋ္ဌာန်သင်တန်းများကို တာဝန် ယူ ဆောင်ရွက်ပေးနေသည့် ဒကာမ မိသားစုဖြစ်သည်။
အဖေ၊ အမေ၊ သားနှစ်ယောက်စလုံး မျက်ရည်တွေနဲ့မို့ ဘာများဖြစ်ပါလိမ့်ဟု စိုးရိမ်နေစဉ်မှာပင် ဒကာက
" မက်သယူးရဲ့ ခွေးလေး သေသွားလို့ တစ်အိမ်လုံး သောကရောက်နေကြ ရတယ်" တဲ့။ (မက်သယူး သားအကြီး၊ ၁၃ နှစ်သား)
မာတင်ကရော ဘာဖြစ်လို့လဲ ဆိုတော့
"မာတင်က အဲဒီခွေးလေးကို လေ့ကျင့်ပေးနေတာ၊ တော်တော်တတ်နေပြီ" ဟု အဖေလုပ်သူက ဖြေသည်။
မည်သို့ဖြစ်စေ သူတို့ကို ဘလက်ဇင်းလုပ်ပေးဖို့ လျှောက်ထားသဖြင့် ဘလက် ဇင်းလုပ်ပေးလိုက်သည်။

မမေးဖြစ်တောပေမဲ့ မိဘတွေကရော ဘာဖြစ်လို့ ဒီလောက်ကြီး ငိုနေရတာ လဲဟု တွေးမိသည်။ မျက်ရည်စို့ရုံမျှ မဟုတ်ကြ။ ခွေးလေး အတွက်လား ၊ ခွေးသေလို့ ဝမ်းနည်းနေသည့် သားနှစ်ယောက်အတွက်လား။
မိဘများအတွက် ခွေးသေလို့ထက် ခွေးသေလို့ဝမ်းနည်းနေသည့် သားနှစ်ယောက်အတွက်က ပိုနေနိုင်သည်ဟု မဆီမဆိုင် တွေးနေမိသည်။
မှန်ချင်မှတော့ မှန်ပေမည်။

ခွေးအတွက် ရေစက်ချ အမျှဝေပေးပါဦး လျှောက်ထားသဖြင့် ဆွမ်တစ်ရက် အကပ်ခိုင်းပြီး အမျှဝေပေးလိုက်ရသေးသည်။ မိမိအတွက် မကြုံဖူးသဖြင့် ထူးသွား၏။

 သီဟနာဒ

Read more