တစ္ဆေဆိုတာ

စိုက်ခင်းတွေ ပိုးကျလို့ဆေးဖြန်းရင် ပိုးတွေက ဆေးမဖြန်းတဲ့ အခင်းဘက် ရွှေ့ပြေးကြတယ်။ တစ္ဆေသရဲတွေကရော အဲလိုလားမသိဘူး။ မနေ့ညက ၁၁ နာရီထိုးကာနီးမှ ဖုန်းဆက်လာတယ်၊ ခရစ်ယန်ဘာသာဝင်တွေ နေတဲ့အခန်းတွေက သူတို့ဘာသာရေးနဲ့အညီ ရွတ်ဖတ်ဆုတောင်းပြီး ဗုဒ္ဓဘာသာတွေနေတဲ့ဖက်က ဘာမှမလုပ်ရသေးတော့ အကောင်ဘလောင်တွေက မြန်မာ၊ ဗုဒ္ဓဘာသာတွေဖက်မှာ လာပြီး သောင်းကြမ်းနေလို့ တဲ့။ ၁၁ ထိုးခါနီးမို့ မသွားနိုင်တော့ တစ္ဆေဆိုတာ သူတို့ခြောက်လို့ မကြောက်ရင် စိတ်ညစ်ပြီး ပြန်သွားတာ၊ ကြောက်မနေနဲ့ လို့ပဲ အဖြေပေးလိုက်ရတယ်။ တကယ်လည်း တစ္ဆေက အဲသလိုပါပဲ။ သူတို့လည်း မကြောက်တဲ့လူဆို စိတ်ကုန်သွားတာ။

Read more

တရုတ်ပြည်ရဲ့ မိုးအောက်မြေပြင် ဝါဒ

“လူရိုင်းတွေရဲ့” စစ်အင်အားအောက်မှာ နှစ်ကြိမ်တိုင်တိုင် အရှုံးပေး ရပြီးနောက် ပြည်တွင်းအုံကြွမှု အကြီးအကျယ်ဖြစ်ပွားတဲ့အခါမှာ (တိုင်ပင်၊ ပုန်ကုန်မှု-Taiping Relellion) တော့ နိုင်ငံခြားစစ်အကူအညီကို တောင်း ခံခဲ့ရပါ တော့တယ်။ တရုတ်ဘုရင်က အမေရိကန်သမ္မတ အေဗရာဟင် လင်ကွန်းထံ ရေးပို့တဲ့ စာထဲမှာ
“နတ်မင်း ကြီးများ၏ တစ်ကမ္ဘာလုံးကို အုပ်ချုပ်စီမံရန် ပေးအပ်ထားသော အမိန့်ကို လိုက်နာဆောင် ရွက်နေရသည့် ကျွန်ုပ်တုိ့ မဇ္ဈိမ နိုင်ငံတော် (တရုတ်ပြည်)နှင့် မဇ္ဈိမနိုင်ငံတော်အပြင်မှာ ရှိနေသည့် အခြား နိုင်ငံတော် များအားလုံးသည် ညီအကိုရင်းသဖွယ် ကမ္ဘာ့မိသားစုဝင် တွေသာဖြစ်သည် ဟု ယုံကြည်ပါသည်” လို့ အပေါ်စီး လေသံနဲ့ ရေးထားပါတယ်။

ထင်ရှားတဲ့ စကော့(တ်) လူမျိုး၊ တရုတ် အထူးကျွမ်းကျင်ပညာရှင် ဂျိမ်း(စ်) လက်ဂီ (James Legge) ၁၈၇၂-ခုနှစ်က ရေးထားတဲ့ မှတ်တမ်းထဲမှာတော့
“ဒီနှစ်တွေအတွင်းမှာတော့ ပိုပြီး ဖွံ့ဖြိုးတိုးတက်တဲ့ နိုင်ငံတွေအပေါ် တရုတ် ရဲ့သဘောထားက သိသိသာသာကြီး ပြောင်းလဲလာခဲ့ပြီး အခြားနိုင်ငံတွေနဲ့ အဆင့်တူ၊ သဘောတူစာချုပ် လက်မှတ်တွေ ထိုးလာတယ်။ ဒါပေမဲ့ တရုတ် ဝန်ကြီးတွေနဲ့ လူထုကတော့ တရုတ်ပြည် ဟာလည်း ကမ္ဘာ့ မိသားစုနိုင် ငံတွေထဲက တစ်နိုင်ငံသာ ဖြစ်တယ်ဆိုတဲ့အချက်ကို သဘောမပေါက် ကြသေးဘူးလို့ ထင်ပါတယ်။ သူတို့ရဲ့ ရှေးရှေးအင်ပါယာတွေ အုပ်ချုပ်ခဲ့တဲ့ “မိုးအောက် မြေပြင်” ဆိုတာ တစ်မိုးလုံးအောက်က မြေပြင်မဟုတ်၊ ကောင်း ကင် တစ်စိတ်တစ်ပိုင်းအောက်က မြေပြင်သာဖြစ်တယ်ဆိုတာ သဘောပေါက် ကြဖို့ လိုအပ်နေပါတယ်။”
လို့ ရေးသားခဲ့ပါတယ်။

ကစ်ဆင်းဂျား

Read more

နှလုံးသားထဲ ဘုရားတည်ကြပါ

ပြောလို့မှ မပြီးသေးဘူး၊ ညောင်ပင်အောက်က ဘုရားရှေ့မှာ စေတီ၊ ဆင်းတု၊ ဆရာတော်ရုပ်ထုတွေ လာတင်ထားကြပြီ။
ကျောက်ဆင်းတုဆိုရင် နှစ်ပေါင်းထောင်ချီကြာတောင် ဘာမှ မဖြစ်ဘူး၊ ကိုယ့် သားသမီးတွေက ကိုယ့်လို ဟုတ်ပါ့မလား။ သူတို့က ဟုတ်တယ်ဆိုဦး သူတို့ သား သမီးတေကျ ဘယ်လိုလဲ။
ရွှေ့ပြောင်း မြန်မာလုပ်သားတွေ မပြောနဲ့ စလုံးတွေကိုတောင် ဘုရား ဆင်းတုတော်တွေ လက်ဆောင် မပေးကြပါနဲ့၊ နှလုံးသားထဲ ဘုရားတည်ကြပါ။ ဆင်းတုတော်တွေ စွန့်ပစ်ခံရတာ စိတ်မကောင်းစွာ ခဏခဏတွေ့နေရလို့ပါ လို့။

Read more

ထိုင်းကိုဗုံးဖောက်ခွဲခဲ့တဲ့ တူရကီနိုင်ငံသား

ထိုင်းကိုဗုံးဖောက်ခွဲခဲ့တဲ့ တူရကီနိုင်ငံသားက တရားမဝင် ဝီဂါလူမျိုးတွေကို တရုတ်ပြည်ထဲ ပြန်ပို့တဲ့အတွက် ထိုင်းကို လက်စားခြေဟန်ရှိတယ်ဆိုပဲ။ သူကတော့ ဘာမှမပြောဘူး။

မြန်စာအစိုးရက ပါတီတွေ ရုပ်သံထုတ်လွှင့်ခွင့် ၁၅ မိနစ်စီ ပေးမယ်၊ ဒါပေမဲ့ တပ်မတော်ကို အပုတ်ချ၊ စွပ်စွဲတာတွေ မပါရ၊ အစိတ်သားကိစ္စကို လုံးဝ မထိရ တဲ့။ "တပ်မတေ် ဖြိုခွဲ၊ တပ်မတေ် ပြိုကွဲ" ဆိုတဲ့စကားကို ခဏခဏ ကြားရတော့ တော်တော်များ ဖရက်ဂျိုင်းလ်ဖြစ်နေလား တွေးမိတယ်။ လေ ယဉ်တွေပေါ်တင်မယ့် ပစ္စည်းတွေမှာ
ကပ်ထားတတ်တဲ့ စာကြောင်းလို "Handle with care" ပေါ့။

ပုံက ကြိုက်လို့ပါ၊ အထက်ကသတင်းတွေနဲ့ ဆိုင်လှမယ် မဟုတ်ပါ။ မဆိုင်လည်း ကိုယ်တင်ချင် တင်လို့ရတာပဲ မဟုတ်လား။

Read more

တော်ကြပါတော့၊ အရိုက်ခံနေရတာက နှင်းရီပါ

အတွေ့အကြုံလေးတစ်ခု ပြောပါရစေဦး။
ရွာက နှင်းရီဆိုတဲ့ကောင်မလေး အခြားရွာက ပြန်လာတော့ သရဲပါလာပြီး အိမ်ရောက်တာနဲ့ ငိုလားရီလား ဖြစ်ပါလေရော။
ဒါနဲ့ ရွာရှိ ပယောဂဆရာကို သွားပင့်ကြသပေါ့။ ဒါပေမဲ့ နှင်းရီနဲ့အတူပါလာတဲ့ သရဲက ပယောဂဆရာထက် ဝါရင့်နေတော့ ပယောဂဆရာကို လုံးဝမကြောက်ဘူး။ ထော်လော်ကန့်လန့်တွေ ပြန်ပြောတယ်။
ဒီတော့ ပယောဂဆရာက နောက်ဆုံး ဆေးကြိမ်လုံးနဲ့ ရိုက်မယ်ခြိမ်းခြောက်ရော။ သရဲက မကြောက်ရေးချ မကြောက်ပဲ။

ဆိုပါတော့ ပယောဂဆရာက ရိုက်ရော။
လေးငါးချက်လောက် ရိုက်ပြီးတော့ နှင်းရီက မျက်ရည်တွေနဲ့ တောင်းပန်ရှာတယ်။
"တော်ကြပါတော့၊ အရိုက်ခံနေရတာက နှင်းရီပါ။ ကြိမ်ရွယ်လိုက်တာနဲ့ သရဲက အပြင်ရောက်သွားပြီ။ ကျမ ကြားဖူးတာက သရဲပူးလို့ရိုက်ရင် လူမှာ ဒဏ်ရာမကျန်ဘူး၊ သရဲပဲ ဒဏ်ရာရတယ်တဲ့။ ကျမ ကြောနဲ့တင်ပါးပေါ်က ဒဏ်ရာတွေ ကြည့်ကြပါဦး" ဆိုပြီး ပြလို့ ဘေးကလူတွေမှာ ရယ်ရမလို ငိုရမလိုပဲ။
ဆရာက မနိုင်တဲ့အခါ သရဲကိုရိုက်ပေမဲ့ ကိုယ့်ရွာသူပဲ ထိနေတတ်တယ်ဆိုတဲ့ သင်္ခန်းစာလေး ရလိုက်တယ်။

မှတ်ချက်။ လောလောဆယ် အတည်ပြုတဲ့ဥပဒေနဲ့ မဆိုင်ပါ။ ခ်ခ်။

Read more

တိရောကုဋ္ဋပေတဝတ္ထု

တိရောကုဍ္ဍသုတ်တင်ပေးဖို့ တောင်းဆိုခဲ့ကြသူတွေနဲ့ အခြား စိတ်ဝင်စားသူတွေအတွက် ပါဠိနဲ့ အင်္ဂလိပ်ဘာသာပြန် တင်ပေးလိုက်ပါတယ်။

တိရောကုဋ္ဋပေတဝတ္ထု

တိရောကုဋ္ဋေသု တိဋ္ဌန္တိ၊ သန္ဓိသိင်္ဃာဋကေသု စ။
ဒွါရဗာဟာသု တိဋ္ဌန္တိ၊ အာဂန္တွာန သကံ ဃရံ။
Outside the walls, they stand
and at crossroads,
At door-posts, they stand
returning to their former homes.

ပဟူတေ အန္နပါနမှိ၊ ခဇ္ဇဘောဇ္ဇေ ဥပဋ္ဌိတေ။
န တေသံ ကောစိ သရတိ၊ သတ္တာနံ ကမ္မပစ္စယာ။
But when a meal with plentiful food
and drink is served.
No one remembers them
Such is the kamma of living beings.


ဧဝံ ဒဒန္တိ ဉာတီနံ၊ ယေ ဟောန္တိ အနုကမ္ပကာ။
သုစိံ ပဏီတံ ကာလေန၊ ကပ္ပိယံ ပါနဘောဇနံ။
'ဣဒံ ဝေါ ဉာတီနံ ဟောတု၊ သုခိတာ ဟောန္တု ဉာတယော'။

Thus those who feel sympathy
for their relatives,
give timely donations of proper food and drinks
exquisite, clean
(thinking "May this be for our relatives,
May our relatives be happy.

တေ စ တတ္ထ သမာဂန္တွာ၊ ဉာတိပေတာ သမာဂတာ။
ပဟူတေ အန္နပါနမှိ၊ သက္ကစ္စံ အနုမောဒရေ။
And those who have gathered there,
the assembled shades of relatives.
With appreciation give their blessings
for the plentiful food and drink.


စိရံ ဇီဝန္တု နော ဉာတီ၊ ယေသံ ဟေတု လဘာမသေ။
အမှာကဉ္စ ကတာ ပူဇာ၊ ဒါယကာ စ အနိပ္ဖလာ'။
"May our relatives live long
because of whom we have gained (this gift)
We have been honored,
and the donors are not without rewards."

န ဟိ တတ္ထ ကသိ အတ္ထိ၊ ဂေါရက္ခေတ္ထ န ဝိဇ္ဇတိ။
ဝဏိဇ္ဇာ တာဒိသီ နတ္ထိ၊ ဟိရညေန ကယာကယံ ကယောကယံ။
ဣတော ဒိန္နေန ယာပေန္တိ၊ ပေတာ ကာလဂတာ တဟိံ’။
For (in their realm), there's no farming,
no herding of cattle, no commerce,
no trading with money.
They live on
what's given here,
Hungry shades whose time here is done.


ဥန္နမေ ဥဒကံ ဝုဋ္ဌံ၊ ယထာ နိန္နံ ပဝတ္တတိ။
ဧဝမေဝ ဣတော ဒိန္နံ၊ ပေတာနံ ဥပကပ္ပတိ'။
As rain-water falling on a hill,
flows down to the valley,
even so does what's given here
benefit the dead.


ယထာ ဝါရိဝဟာ ပူရာ၊ ပရိပူရေန္တိ သာဂရံ။
ဧဝမေဝ ဣတော ဒိန္နံ၊ ပေတာနံ ဥပကပ္ပတိ'။
As rivers, full of water,
fill the ocean full,
even so does what's given here
benefit the dead.

အဒါသိ မေ အကာသိ မေ၊ ဉာတိ မိတ္တာ သခါ စ မေ။
ပေတာနံ ဒက္ခိဏံ ဒဇ္ဇာ၊ ပုဗ္ဗေ ကတမနုဿရံ'။
"He gave to me, she acted on my behalf,
they were my relatives, companions, friends,"
Offering should be given for the dead,
when one reflects thus on things done in the past.


န ဟိ ရုဏ္ဏံ ဝါ သောကော ဝါ၊ ယာ စညာ ပရိဒေဝနာ။
န တံ ပေတာနမတ္ထာယ၊ ဧဝံ တိဋ္ဌန္တိ ဉာတယော'။
For no weeping, no sorrowing,
no other lamentation
benefit the dead
whose relatives persist in that way.

အယဉ္စ ခေါ ဒက္ခိဏာ ဒိန္နာ၊ သံဃမှိ သုပ္ပတိဋ္ဌိတာ။
ဒီဃရတ္တံ ဟိတာယဿ၊ ဌာနသော ဥပကပ္ပတိ'။
But when this offering is given,
well-placed in the samgha,
it works for their long-tern benefit
and they profit immediately.

သော ဉာတိဓမ္မော စ အယံ နိဒဿိတော၊ ပေတာန ပူဇာ စ ကတာ ဥဠာရာ။
ဗလဉ္စ ဘိက္ခူနမနုပ္ပဒိန္နံ၊ တုမှေဟိ ပုညံ ပသုတံ အနပ္ပက''န္တိ။
In this way, the proper duty to relatives has been shown,
great honor has been done to the dead,
and monks have been given strength.
The merit you have acquired isn't small.

တိရောကုဋ္ဋပေတဝတ္ထု ပဉ္စမံ။
The End

Read more

ရယ်စရာ ဥပဒေ (လက်ထပ်စာချုပ်မရှိရင် ရှစ်ပါးသီလစောင့်)

မရေးအပ်တဲ့ဥပဒေပေမဲ့ ဘာသာရေးနဲ့ကပ်ပြီး ဒီလို ကြည့်မိပါတယ်။ ဒီဥပဒေဟာ ရယ်စရာ ကောင်းလောက်အောင် နေရာမှားနေသလို ဘယ်တော့မှလည်း ထိထိရောက်ရောက် ကျင့်သုံးလို့ ရလိမ့်မယ် မဟုတ်ပါ။
ဗုဒ္ဓဘာသာရဲ့ အခြေခံဥပဒေက ငါးပါးသီလလို့ဆိုရင် ရပါတယ်။ အဲဒီ ငါးပါးထဲမှာ မေထုန်နဲ့ဆိုင်တဲ့ ကိစ္စက ကာမေသု "မိစ္ဆာစာရ" ပါ။

ဗုဒ္ဓဘာသာတိုင်းအတွက် ရည်စူးလို့ "မိစ္ဆာစာရ" ကိုသာ တားမြစ်ပြီး မိစ္ဆာ စာရ မဟုတ်တဲ့ အခြားကာမဂုဏ်တွေကို လွှတ်ပေးထားရပါတယ်။ အဲသလို မဟုတ်ရင် ဘယ်သူမှ လိုက်နာလို့မရတဲ့ ဥပဒေဖြစ်ပြီး ဟန်ဆောင်ဥပဒေ၊ လူသားများ ရယ်ဖွယ်ဥပဒေ ဖြစ်သွားပါလိမ့်မယ်။ မိစ္ဆာစာရကိုပဲ အရွယ် မရောက်သေးသူ၊ အလိုမတူဘဲ မတရားကျင့်သူ စသည် ခေတ်နဲ့အညီ အဓိပ္ပါယ်ဖွင့်ဆိုပြီး သတ်မှတ်နိုင်ပါတယ်။

မေထုန်နဲ့ပတ်သက်လို့ ဗုဒ္ဓဘာသာက ဒါပဲပြောသလားဆိုရင်တော့ မဟုတ် ပါဘူး။ အများအားဖြင့် လပြည့်လကွယ်လို ဥပုသ်နေ့တွေမျိုးမှာ ထူးထူးခြားခြား စောင့်ထိန်းကြတဲ့ ရှစ်ပါးသီလရှိပါတယ်။ ခေတ်စကားနဲ့ အထူးဥပဒေလို့ ခေါ်နိုင်ပါတယ်။ ဒီမှာ မေထုန်နဲ့ပတ်သက်လို့ "အဗြဟ္မစရိယ" လို့ သုံးပြီး ဘယ်လို မေထုန်ဆက်ဆံခြင်းမျိုးကိုမဆို တားမြစ် ပါတယ်။ အထူးဥပဒေဖြစ်လို့ လူတိုင်း၊ နေ့တိုင်း စောင့်ထိန်းနေကြမယ် မဟုတ်တော့ပါဘူး။
ကျင့်လိုက ကျင့်၊ မကျင့်လိုက နေ။
ဒါကို မဖြစ်မနေ လိုက်ကိုလိုက်ရမယ်ဆိုရင် အများစုကတော့ ဗုဒ္ဓဘာသာအဖြစ်ကနေ နှုတ်ထွက်သွားမှာပါပဲ။

လက်မထပ်ခင် အတူနေသင့် မနေသင့်က အရှေ့တင်မက အနောက်မှာလည်း ပြောဆိုနေကြဆဲပါ၊ ဒါပေမဲ့ ဒါက တစ်ဦးချင်းစီရဲ့ ယုံကြည်မှုနဲ့ ရွေးခြယ်မှုအနေနဲ့ပဲ ရှိနေပါတယ်။

အခု ဥပဒေအရ လူပျို၊ အပျိုတိုင်း မေထုန ရှစ်ပါးသီလ စောင့်ထိန်းရမယ်လို့ ဆိုလိုရာ ရောက်နေတော့ လက်တွေ့မကျတဲ့အပြင် ဥပဒေကို ဘယ်လို ကျင့်သုံးမလဲ(How to apply) ဆိုတာအတွက်လည်း အဖြေ မရှိပါ။

Read more

"နံ" ဆိုတဲ့ဝေါဟာရ

မြန်မာစာမှာ "နံ" ဆိုတဲ့ဝေါဟာရက နေရာတော်တော်များများမှာ မကောင်းတဲ့အဓိပ္ပါယ် ထွက်တယ်။ ဒါပေမဲ့ ရေ နဲ့တွဲတဲ့ နံ ကတော့ တစ်မျိုးပဲ။ ရိုးရိုးရေက ဈေးမကြီးဘူး၊ ရေနံက ကြီးလိုက်တဲ့ဈေး။
"မှောက်" ဆိုတဲ့စကားလည်း အဲသလိုပဲ။ မျက်စိမှောက်တာကျတော့ မမြင်တဲ့ အဓိပ္ပါယ်ထွက်ပြီး မျက်မှောက်ပြုတာကျတော့ မြင်တဲ့အဓိပ္ပါယ်။ မြင်တာမှ ရိုးရိုးမြင်တာတောင် မဟုတ်ဘူး၊ မဂ်ဉာဏ်၊ ဖိုလ်ဉာဏ်နဲ့ မြင်တာမျိုး။ နိဗ္ဗာန်ကို မျက်မှောက်ပြု တဲ့။

Read more

ဒီနေ့တော့ လီဗာပူးကလွဲရင်

ဒီနေ့တော့ လီဗာပူးကလွဲရင် အသင်းကြီးတွေအားလုံး နိုင်သွားကြတယ်။ အာဆင်နယ်က နယူးကာဆယ်ကို မီးကြိုးမောင်းပျက်နိုင်၊ မန်စီးတီးက ဝက်ဖို့ဒ်ကို ဟန်နဲ့ပန်နဲ့နိုင်။
အထူးသဖြင့် ချယ်ချယ်တို့ အဖေအားပေးတဲ့ အသင်းလေး ချယ်လ်ဆီးကတော့ အောက်သင်းပီပီ သူ့ အိမ်ကွင်းမှာကိုပဲ အသင်းကြီးဖြစ်တဲ့ ခရစ္စတယ် ပဲလေ့စ်ကို နှစ်တစ်နဲ့ အရှုံးပေးသွားရလေရဲ့။

Read more

တရုတ်က လေတော့ နည်းနည်းမှ မလျှော့ဘူး

နပိုလီယံကို တိုက်ခိုက်အောင်မြင်ပြီးတဲ့နောက် ဗြိတိသျှတို့ရဲ့ ကုန်သွယ် ရေး နယ်ချဲ့မှုကလည်း အရှိန် အဟုန်ပိုကောင်းလာပြီး နောက်ထပ်ကြိုးစားမှု အနေနဲ့ ဗြိတိသျှတို့က ဒုတိယအကြိမ်မြောက် ကိုယ်စားလှယ်အဖွဲ့ကို စေ လွှတ်ခဲ့ပြန်ပါ တယ်။ နပိုလီယံနဲ့ဖြစ်တဲ့ စစ်ပွဲမှာ လက်စွမ်းပြနိုင်ခဲ့တဲ့ ဗြိတိ သျှ ရေတပ်စွမ်းရည်ဟာ တရုတ်နဲ့ သံတမန်ဆက်ဆံရေး ကမ်းလှမ်းမှု မှာတော့ သိပ်ပြီး အထောက်အကူ မဖြစ်လှပါဘူး။
ဗြိတိသျှ ကိုယ်စားလှယ်တော် ဝီလီယံ အမ်းဟာ့(တ်) (William Amberst) က သူ့ဝတ်စုံချုပ်လို့ မပြီးသေးလို့ ပါ ဆိုတဲ့ အကြောင်းပြချက်နဲ့ ဘုရင်ရှေ့ ဒူးထောက် အခစားဝင်ဖို့ ငြင်းဆန်လိုက်တဲ့အခါ သူနဲ့ သူ့ရဲ့ ကမ်းလှမ်းချက် ကိုလည်း တရုတ်အင်ပါယာက ပယ်ချခဲ့ပြန်ပါတယ်။ တရုတ်ဘုရင် မင်းမြတ်က အင်္ဂလန်ရဲ့ အိမ်ရှေ့မင်းသား ရီဂန့် (Regent) ထံ ရေးတဲ့စာမှာ

“မိုးအောက်မြေပြင်တစ်ခုလုံး၏ အရှင်သခင်၊ တရုတ်အင်ပါယာသည် ကိုယ်စားလှယ်အသီးသီးထံ ကိုယ်တိုင်သွားရောက် တွေ့ဆုံမှု ပြုမနေနိုင်ပါ” “အလွန်ဝေးလံလှသည့် ပင်လယ် တစ်ဖက်ကမ်းရှိ နိုင်ငံတစ်နိုင်၏ သစ္စာစောင့်သိမှုနှင့် ယဉ် ကျေးမှု အဆင့်အတန်း မြင့်မားလိုမှုအတွက် ကမ်းလှမ်းချက်ကိုတော့ တရုတ် ဘုရင်မင်းမြတ်က အသိအမှတ်ပြု မှတ်တမ်းတင်ထားပေသည်။ သို့သော် ...”
(၁၉ ရာစု၊ အနောက်တိုင်း သာသနာပြုတွေရဲ့ မှတ်တမ်းထဲမှာတော့ ဒီလိုရေးထားပါတယ်။)

“ယနေ့မှစ၍ ဘယ်လိုသံတမန်မှ မစေလွှတ်ပါနှင့်၊ ဤကိစ္စက ခရီးပန်း၊ အချိန်ကုန်သာဖြစ်ပါသည်။ သင်တို့အနေဖြင့် စိတ်လိုလက်ရ အလုပ် အကြွေး ပြုလုပ်လိုသည်ဆိုပါက အကြောင်းတိုက်ဆိုင်လျှင် တရုတ် အင်ပါယာမှ သာသနာပြုများ စေလွှတ် ပေးနိုင်ပေသည်။ သို့မှသာ သင်တို့လည်း ယဉ်ကျေးမှု အဆင့်မြင့်မားလာသူတွေ ဖြစ်နိုင်ပေလိမ့်မည်။ ယခုထုတ်ပြန်လိုက်သော အမိန့်ကို သင်တို့အနေနှင့် ထာဝရ လိုက်နာကြရမည်။”

(ကစ်ဆင်းဂျား)

Read more