ပြန်ချင်တဲ့ ကွန်မင့်များ ( ၃ )

၁ ။ စလုံးမှာ ကျောင်းပြီးထားပြီး မြန်မာပြည်ပြန် အလုပ်လုပ်တယ်ဆိုတဲ့သူတွေထဲမှာ တကယ်ပြန်ချင်လွန်းလို့ ပြန်တဲ့သူလည်း ရှိပါတယ် ... သိူ့သော် အများစုဟာ စလုံးမှာ နေထိုင်ခွင့်မရလို့သာ ပြန်ကြရတယ်ဖြစ်ပါတယ် ... အဲဒီလို ပြန်ကြသူတွေထဲမှာ ဘယ်နှစ်ရာခိုင်နှုန်းကများ  ကျွန်တော်ကျွန်မတို့ နေထိုင်ခွင့်မရလို့ ပြန်လာကြရပါတယ်လို့ ရိုးရိုးသားသား သူတော်ကောင်းလုပ်ပြီး ၀န်ခံမယ် ထင်ပါသလဲ ...

၂ ။ ပြောတော့ လွယ်တယ်ဗျာ....ကိုယ့်မြန်မာပြည် ကို ပြန်လာရင်လဲ ဘာအလုပ် အကိုင်မှမရှိ ဘူး..ရှိတော့ရှိပါတယ် .?တစ်နေ့လုပ်ခ ပိုက်ဆံက ၁၅၀၀ ဗျာ. ထမင်းတခါးစားရင် ၈၀၀ ဗျာ ဒါတောင်မှ အဝစားမဟုက်ဘူးနော် သတိ September 27 at 9:01pm · Unlike · 4

၃ ။ 50/50...yes and no par...I came back 1999/2000...after 2003..very bad economy..now a little of blink..and shine shine..but still money make everything in Myanmar..
September 26 at 2:25pm ·


ဒီ ကွန်မင့် သုံးခုကတော့ ဆောင်းပါးကို ကောက်ချက်ချ ပုံ နည်းနည်းလေး ချော်နေပါတယ်။ ကျနော် ဇောင်းပေးရေးတာက ဟိုက လူငယ်တွေ " လာသင့် မလာသင့် " ပါ။ ဒီမှာ အခြေကျပြီးသားလူတွေ " ပြန်သင့် မ ပြန်သင့် " မဟုတ်ပါဘူး။
ကွန်မင့်  တစ် ကို ကြည့်ရင် ဒီမှာ ဘွဲ့ရတာတောင် ဘဝဟာ မရေမရာ ပဲ ဆိုတာ ပြောနေပါတယ်။

ကွန်မင့်  နှစ် ကလည်း နိုင်ငံခြားမှာ အနေကြာပြီး ရန်ကုန်ပြန်ရောက်တော့ " တွေ " သွားတာ၊ ရန်ကုန်က ရေစီးနဲ့ အံမဝင်တတ်တာကိုပဲ ပြောနေပါတယ်။

ကွန်မင့်  သုံး ကလည်း ဒီ သဘောပါဘဲ။ အပြန်ခက်တဲ့ အကြောင်းပါ။

ကျနော် ဆွေးနွေးတဲ့ " လာသင့် မလာသင့် " က လူငယ်တွေ အဲ သလိုြံကုံရမှာကို စိုးရိမ်လို့ အရဲစွန့်ပြီး ရေးမိတာပါ။
မြို့ကနေ ရွာပြန်ရောက်တော့ မြို့ပြန်ဆိုပြီး လယ်ထဲ မဆင်း ချင်။ နိုင်ငံခြားကနေ ရန်ကုန် ပြန်ရောက်တော့ တစ်နေ့လုံး လုပ်မှ  နိုင်ငံခြား တစ်နာရီ ဝင်ငွေတောင် မရှိ ဆိုပြီး အလုပ်လုပ်ချင်စိတ် ပျောက်သွားတတ်တာ။ ဒါတွေပါ။

ဟိုမှာ အမြဲနေသူတွေမှာ ဒီလို အတွေးတွေ မရှိတော့ ရေစီးအတိုင်းပဲ ပုံမှန် စီးနေနိုင်တယ်။ ဒါက စိတ်ဓာတ်အပေါ် ထိရိုက်သွားတဲ့ နိုင်ငံခြားပြန် အကျိုးဆက်ပါ။ မမှားပေမယ့် မကောင်းတော့ဘူး။ ပရောဒတ်တစ်ဗ် မဖြစ်တော့ဘူး။

ဒီကောင့်စာ ဖတ်မိလို့ စင်္ကာပူ မသွားဖြစ်တာ၊ နို့မို့ဆို ဘာညာ စတဲ့ ဘေးထွက် ဆိုးကျိုးတွေကိုလည်း စဉ်းစားရပါတယ်။ မဖြစ်စေ၊ အကျိုးမယုတ်စေချင်ပါဘူး။ ဒါ့ကြောင့် ဖွင့်ထားတဲ အမြင်ကို ပြောတာပါ။

နောက်ပြီး အမြင်မှန်တွေရ၊  အတ္တတွေ ခဝါချပြီး အားနဲ့ မာန်နဲ့ နိုင်ငံတော်ကို တည်ဆောက်ယူနေကြရတဲ့ သမ္မကြီးတို့၊ ဒေါ်စုတို့ လက်ကြားကနေ ပညာတတ်တွေ ယိုစိမ့်ထွက်သွားမှာ စိုးရိမ်တာလည်း ပါတာပေါ့။

ကိုယ်က ဘာကောင်မှ မဟုတ်ပေမယ့် ကိုယ်ယူနိုင်တဲ့ တာဝန်လေးကို ကူထမ်းမိတာပါ လို့လည်း ဝန်ခံရမှာပါ။
ဘာမှ ကြီးကြီး ကျယ်ကျယ် မဟုတ်ပါ။


လေးစားလျက်
ဇင်ဝေသော်

Post a Comment