အိုင်ဒင်တတီကိစ္စက အထူးအဆန်းမဟုတ်သလို အခုမှပေါ်ပေါက်လာတာလည်း မဟုတ်ပါ။
ဓဇဂ္ဂသုတ်ထဲမှာ အိုင်ဒင်တတီကိစ္စ တွေ့ရသည်။ မယုံ မရှိပါနှင့်။
သိကြားမင်းက ရှေ့တန်းထွက် တာဝတိံသာစစ်သားတွေကို (ယံ ဘဝိသတိ ဘယံဝါ ဆမ္ဘိတတ္တံဝါ စသည်)
"ကြောက်စိတ်ဝင်လာရင် ငါ့အလံ(တာဝတိံသာအလံ၊ စစ်သူကြီးတွေရဲ့အလံ) ကို မော့ကြည့်ကြလို"့ မှာလိုက်ရသည်။
စစ်အင်အား၊ စစ်လက်နက်အစွမ်းထက်မှုအရတော့ တာဝတိံသာမဟာမိတ်အဖွဲ့ က အများကြီးသာဟန်ရှိပေသည်။
သို့သော် တစ်ဖက်က မူးရူးပြီး သေရမှာမကြောက်သည့် အသူရာတပ်ဖြစ်နေ သဖြင့် မဟာဗျူဟာအရတော့ အကျပ်ရိုက်ခဲ့ဟန်တူသည်။
တာဝတိံသာ လူချမ်းသာတွေက သေရမှာ ကြောက်သလို အသေအပျောက် နည်းနိုင်သမျှလည်း နည်းစေလိုဟန်ရှိသည်။
အသူရာတို့က သေရမှာမကြောက် ဘယ်နှယောက်အပါခေါ်သွားရမလဲသာ စဉ်းစားဟန်ရှိ၏။
ဘာမှမဟုတ်ပါ။
နတ်မှာလည်း နတ်အိုင်ဒင်တတီရှိသည်ဆိုသည့်အချက်၊
စစ်ဟူသည် တစ်ခါတစ်ခါ ခွေးရူးနဲ့ခွေးကောင်းကိုက်သလိုပါလား ဆိုသည့် အချက်ကို စဉ်းစားရင်း ပြုံးမိသဖြင့် စတေးတပ်လိုက်ရပါသည်။
Post a Comment